تركيب بلاط

[][ Q6r ][]

السلام عليكم ورحمه الله وبركاته

ممكن ارقام عمال لتركيب ارضيات الحوش
** وكم المعروف بسعر المتر بدون مواد ،،،، و المتر بمواد

وشكرا

[hamadazoz]

يا اخوك انا سعرت تركيب الارضيات داخل البيت ما ادري اذا تفرق كثير او لا المهم عطوني مواد ودفان عليهم 40 للمتر واذا انا اورد لهم المواد 25 طبعا للحين ما خترت اي واحد فيهم علشان اكاسرة في السعر ف اذا بغيت الرقم اطرشة لك

[7llo]

طرشت لك رقم بالخاص اخوي

[Markets]

السلام عليكم
السعر بدون مواد 19 ريال مونة
بدون مواد لصق 18 ريال بدون سعر البلاستر
و حسب المساحة و مقاس البلاط و هل هي ارضيات أم جدران

بالتوفيق

[][ Q6r ][]

يا اخوك انا سعرت تركيب الارضيات داخل البيت ما ادري اذا تفرق كثير او لا المهم عطوني مواد ودفان عليهم 40 للمتر واذا انا اورد لهم المواد 25 طبعا للحين ما خترت اي واحد فيهم علشان اكاسرة في السعر ف اذا بغيت الرقم اطرشة لك

واحد قال لي ب 40للمتر وكل شي عليه

[][ Q6r ][]

السلام عليكم
السعر بدون مواد 19 ريال مونة
بدون مواد لصق 18 ريال بدون سعر البلاستر
و حسب المساحة و مقاس البلاط و هل هي ارضيات أم جدران

بالتوفيق


ارضيات الحوش

[][ Q6r ][]

للرفع ،،،،،

[][ Q6r ][]

[ Q6r ][;10148698']للرفع ،،،،،

:)
-----

[Azizuk]

استفسار بخصوص سعر تركيب بلاط الحمامات انتو وكرامة

البلاط من المتحدة لحمامات بيت العمر

جاني كم واحد والاسعار تتفاوت من بين شخص الى شخص

بس في شخص سالت عنه وعطاني سعر شوي غالي ب 85 ريال للمتر

مب خسارة في بلاط المأخوذ من المتحدة

بس عندي بلاط الملاحق مايستاهل أني اركبه ب 85 ريال للمتر

طبعا السعر شامل المواد

وانا محتار بين أني أعطيه بس تركيب بلاط المأخوذ من المتحدة لانه غالي واخاف محد يضبط لي التركيب مع تنسيق الشكل النهائي للبلاط

وباقي الشغل أعطيه شخص اقل سعرا

[معماري قطري]

اخوي عبدالعزيز الأهم من التركيب طريقة وخطوات التركيب يكتبها لك كتابة ومواد التركيب .. هو يقول لك المواد عليه والمواد منها الرخيص ومنها الوسط ومنها الغالي ومنها الجيد ومنها الروبة العادية واللي ما تناسب البلاط الحديث وخصوصاً بلاط الحوائط .. وكل مادة لصق لها طريقة خلط وتركيب خاصة وكذلك آلات خاصة .. هذي الأشياء لو جاب لك كتلوجاتها واسمها التجاري وتعهد بتركيبها صح وحسب رغبتك .. زيرو جوينت أو غير وما بدأ بحط الأعذار .. ولو سوى لك سكتش مبسط حق واجهات الحوائط وقطع الزينة وين بتكون .. هذا توكل على الله ووقع معاه وزين لو تشوف مهندس أو حتى فورمن مشرف عليه.

بعض الحوائط تجي بلاسترها ضعيف أو مسوى غلط ومتموج وهذي بعد لها مواد تقويها وتساوي سطحها .. الروبات للمادة اللاصقة عندك فيه نوعيات تقدر بها تركب البلاط على الزجاج أو أي سطح ناعم وفيه نوعيات لازم لها سطح خشن .. والروبات اللي بين البلاطات ( الفتحات بن بلاطة وبلاطة ) هذي متنوعة والمفروض تنحط بعدين بعد فترة ممكن حتى تكون شهر بس تتنظف الفراغات وتتجهز حسب مواصفات الروبة .. بعضها لازم الفراغات جافة وبعضها لازم رطبة بالماي .. تعليمات المُصَنِع لهذي المواد هي اللي تحكم .. وأَسهل طريقة لمعرفتها نقاش بسيط مع مسؤول المبيعات هو يعلمك بكل شيء .. أو قراءَة كتلوجها الفني.

بعدين يفترض اللي يركب يركب على مراحل وكل مرحلة تتدقق وتنفحص وبعدين يسوي الثانية .. والقراوت اللي هو المرحلة قبل الأخيرة ويجي بعدها التنظيف منه ألوان تعطيك بعد شكل معماري حلو .. حتى منه أنواع تنفع لفراغات 2 سم بحيث تعطيك خط عريض شوي ممكن يكون أحمر ولا برتقالي ولا أصفر ولا أخضر فاقع .. يكون شاذ شوي بس يعطيك شكل مميز .. ممكن تسوي البلاط كله بتشكيلة وحدة وقراوت عادي وفي وسط الحائط تحط نوع غير وبلون غراوت غير ويتركب بزاوية غير كشكل فني أو كلوحة.

لا تنسى بعض الفراغات تسويها للصابون والشامبو مثل الكسرة داخل الطابوق .. هذي بالغرايندر يسونها بسهولة ويجيك قص زين ينعمل له بلاستر وتقدر تحط فيها بلاط قطع صغيرة أو قطعة رخام.

[معماري قطري]

حوائط تكرمون الحمام العادي تكون لمساحة 3 في 2 في ارتفاع عادي 3 متر أو حتى شوي أقل حتى ما يبين عندنا الحمام مكعب 2.8 مقاس مناسب لهذي المساحة .. لنفترض 3 في 2 في 3 ارتفاع يعطينا مساحة حوائط داخلية = 30 متر مربع ننقص منها مساحة الفتحات اللي تساوي تقريباً 3 متر مربع تعطينا 27 متر مربع .. وللحمامات الصغار 2 في 2 تقريباً 21 مساحة صافية .. وتكلفة القراوت والمادة اللاصقة تنحسب على أساس معدل الاستهلاك ومسؤول المبيعات يحسبها لك بسهولة .. ومقدار المفقود من البلاط ينحسب تقريباً ب 15 % زيادة عن المطلوب ولازم هذي الحسابات يتفق عليها مسبقاً مع المقاول اللي بيركب .. ويشترط عليه إنه يكون مسؤول عن البلاط وعن المواد ونقلها وتخزينها وقطعها وتركيبها صح بالمواد المحددة.

اللي حبيت اركز عليه ان المساحات هذي صغيرة والمهم مواد التركيب البلاط ممكن نركب نوعية أرخص لحمام أقل درجة .. يعني للملحق لو ركبنا بمواد رخيصة وواحد يركب برخيص ممكن نحصل سعر 25 ريال فرضاً بتكلفة اجمالية للحمام 2 في 2 بحدود 525 وبالسعر العالي واللي بيكون عليه ضمانات واشراف مفترض 1785 .. الفرق بسيط لأن المساحة بسيطة لكن المغامرة كبيرة .. المبدأ هو التفاوض على طريقة التركيب وعلى مواد التركيب وبعقد متكامل وباشراف حتى لو بواسطة فورمان عادي .. أحياناً سائق نبيه تعلمه شيركز عليه يقدر يشرف صح ويتابع طول وقت الشغل.

[Azizuk]

تسلم اخوي معماري قطري على الرد والشرح الوافي

ومثل كل مره مبدع في شرحك

والله يرجعك بالسلامة

[معماري قطري]

الله يسلمك يا بو سعود

البعض يا اخوي قبل العقد يوعدك بكل شيء وسعره يكون مبالغ فيه وبعد العقد وبداية الشغل يبدأ يلف ويدور .. وألحين عندهم طريقة تحصله جايب ناس يشتغلون برخيص ومواد من أرخص ما يمكن وهو مجرد سمسار .. إنتبه وانا اخوك خصوصاً من العرب

[معماري قطري]

ولا تنسى تجربه في قطعة صغيرة وتبدأ في الملحق وتشوف شغله شلون يلف ويدور عطه حقه وقول له دور غيري

[Azizuk]

الحين طايحين لي اي عقد

او اي شغل يأخذونه لازم تدفع لهم 50% من قيمة العقد

وليش قالك عشان اوفر البضاعة واحجز لك الكمية

وهذا عذرهم

طبعا اذا استلم نص قيمة العقد مايهمة اذا كمل معاك الشغل وإلا لا

وإذا اختلفت معاه قام يماطل في استرجاع المبلغ المتبقي

وإذا عندك شي روح انت أشتك علية في المحاكم ودور حقك

ودك يطّلع قرار اي واحد يرفع علية ثلاث دعوات قضائية

يتخذ فيه اجراء اول شي استرجاع حقوق الناس بعدين تسفير خارج منظومة دول الخليج لمدة لا تقل عن خمس سنوات

وممنوع يدخل البلد اللي تحاكم فيها

[معماري قطري]

تكلفة المواد كم بتكون؟

هذي لعبة العرب بس وحتى بعضهم يسرقون جزء كبير من المواد اللي يجيبها العميل .. انا افضل التعامل مع مقاول أفضل بوايد وكلما كان مختص وقوي يكون حقاني ويسوي شغله صح.

[Almuraikhi]

يعني إش الاحسن نخلي المواد عليه ولا أنا أجيبها بنفسي له

[معماري قطري]

يعني إش الاحسن نخلي المواد عليه ولا أنا أجيبها بنفسي له

تتفق على المواد بالنوع والماركة قبل ولو شريتها انت وهو دققها واستلمها ونقلها وخزنها وكان مسؤول عنها بيكون أفضل .. وكل شيء حسب الاتفاق مرات المورد يقول لك انا اوصل لك ومرات يقول الاستلام في المخازن وانت عليك النقل .. لذلك مسؤولية تدقيق المواد واستلامها خلها على المقاول .. أما يجيك مقاول حتى عدة ما عنده ولا سيارة للنقل ولا يعرف يستلم المواد ويتأكد منها ومن صلاحيتها هذا قول له الله ييسر دربك.

[Azizuk]

اخوي معماري ممكن تذكر لنا اسماء وشركات

مواد البلاط وأنواعه من مواد تلزيق بلاط الحمامات

انا اعرف ماركة مابي الإيطالية عندهم عدة انواع

http://www.mapei.com/AE-EN/

شي خاص للبلاط العادي وشئ خاص وينخلط بمادة سائلة يستخدم لرخام

مادة مابي شي يصنع ويجي من إيطالية وشئ يصنع في الامارات

ومره العامل يستخدم مادة لصق بلاط عند العامودي وسألته قالي ان صنع امريكي وينباع عند متجر العامودي اللي عند دوار الساعة الناطقة

وأشوف أكثر العمال يستخدمون شي صنع محلي مكتوب علية قطر ديكور وفي نوع ثاني يجي في كيس اصفر

مادة مابي الإيطالية والأمريكي غالي السعر مقارنة بالمصنوع محلي

المحلي الكيس الواحد شي ب 10 ريال وشئ ب 8 ريال

اما مابي اذا بتاخذ منه كمية كبيرة يعطيك سعر المشاريع ب 35 ريال للكيس

مابي الكيس الواحد يكفي لسبع متر مربع يعني اذا عندك حمام مساحة 3*3 تحتاج 9 اكياس

وكيس الخاص لرخام وينخلط بالمادة السائلة يكفي 15 متر مربع

واحترت بين كلام كل واحد وطريقة التركيب معظم اللي شفتهم

طريقتهم دفان بودرة وينرش بالماي بعدين يندك وينرص بالدكاكة عدل بعدين ينحط طبقة بلاستر من إسمنت ويتركب عليه البلاط

وفي شغل البنغال رمل بلاستر وبعدين إسمنت بلاستر ويتركب

وفي من قال لي بودرة ورش ماي ودك بالدكاكه وبلاستر وبعد ماينشف يتركب البلاط بمادة الصق

وانصحوني أني ابتعد عن رمل البلاستر لانه بعد فترة يتحرك الرمل تحت الصبيه

وسألتهم ان في شخص نصحني اللي هو طبعا معماري قطري اذكر انك ذكرت لو تحط دفان الارض ويكون نظيف احسن

بس الكل قالي محد يحط دفان البيت داخل حق التبليط

ياليت معماري تعطينه نصائح ومعلومات ايش احسن المواد وطريقة التركيب الصحيحه

[معماري قطري]

اخوي معماري ممكن تذكر لنا اسماء وشركات

مواد البلاط وأنواعه من مواد تلزيق بلاط الحمامات

انا اعرف ماركة ميبي الإيطالية عندهم عدة انواع

شي خاص للبلاط العادي وشئ خاص وينخلط بمادة سائلة يستخدم لرخام

مادة ميبي شي يصنع ويجي من إيطالية وشئ يصنع في الامارات

ومره العامل يستخدم مادة لصق بلاط عند العامودي وسألته قالي ان صنع امريكي وينباع عند متجر العامودي اللي عند دوار الساعة الناطقة

وأشوف أكثر العمال يستخدمون شي صنع محلي مكتوب علية قطر ديكور وفي نوع ثاني يجي في كيس اصفر

مادة ميبي والأمريكي غالي السعر مقارنة بالمصنوع محلي

ميبي الكيس الواحد يكفي لسبع متر مربع يعني اذا عندك حمام مساحة 3*3 تحتاج 9 اكياس

وكيس الخاص لرخام وينخلط بالمادة السائلة يكفي 15 متر مربع

واحترت بين كلام كل واحد وطريقة التركيب معظم اللي شفتهم

طريقتهم دفان بودرة وينرش بالماي بعدين يندك وينصر بالدكاكة عدل بعدين ينحط طبقة بلاستر من إسمنت ويتركب عليه البلاط

وفي شغل البنغال رمل بلاستر وبعدين إسمنت بلاستر ويتركب

وفي من قال لي بودرة ورش ماي ودك بالدكاكه وبلاستر وبعد ماينشف يتركب البلاط بمادة الصق

انصحك لا تدخل البودرة في شيء في بيتك .. اخوي ارتفع عنده البلاط بعد ما انتفخت البودرة .. نصحته قبل وما سمع نصيحتي .. بعدين الرمل شيحركه؟ هو يتحرك تحت الرجل صح .. بس نحطه فوق البايبات والعازل في تكرم الحمامات ونسوي فوقه بلاستر 5 الى 7 سم وبسلوب للماي يتصرف ولا شفناه يتحرك

وانصحوني أني ابتعد عن رمل البلاستر لانه بعد فترة يتحرك الرمل تحت الصبيه

وسألتهم ان في شخص نصحني اللي هو طبعا معماري قطري اذكر انك ذكرت لو تحط دفان الارض ويكون نظيف احسن

بس الكل قالي محد يحط دفان البيت داخل حق التبليط

ياليت معماري تعطينه نصائح ومعلومات ايش احسن المواد وطريقة التركيب الصحيحه

بو سعود ما شاء الله عليك ما اقدر اركز خلني شوي التقط أنفاسي

بسم الله الرحمن الرحيم ابدأ

فيه فرق يا اخوي بين الدفان اللي هو رفع مستوى أرضية الدور الأرضي وأنظف شيء له الدفان على طبقات ودك وماي ومبيد للارضة وأفضل شيء هنا نستخدم ناتج الحفر ونزيل الحجارة الكبيرة .. بعد الدك وقبل التبليط وقبل حتى تمديد الكهرباء يستحسن نسوي صبية خرسانة أَما بحديد يكون وسطي أو فوق حتى يقوي الخرسانة ضد أي انتفاخ في التربة .. أو بدون حديد ونستخدم الفيبر .. بعدين نقدر نمدد تمديداتنا فوق خرسانة نظيفة .. بعدها عندنا اتجاهين .. أما ندفن برمل يستحسن مغسول سواء رمل طعوس ولا خشن وفوقه نسوي صبية خفيفة أو وهو الأفضل نسوي صبية كاملة بحيث تغطي البايبات وبايبات تصريف المكيفات .. ولو سويناها بالفايبر تجينا شبه سائلة ولا تتشقق وتستوي سطح مستوي 100% بدون أي سلوب وبدون نتؤات على عكس الخرسانة الثقيلة وقليلة الماي اللي لازمة للحديد وتعطيك قوة كبيرة .. انت تحتاج سطح نظيف لتحمل الأثاث والوزن الخفيف ما تحتاج 25 نيوتن وفوق حتى 15 كفاية .. والفايبر يمنع التشقق ويجي سائل ينخلط مع الخرسانة في الردي مكس وهذي الطريقة اقتصادية وأرخص من الخرسانة اللي بالحديد وتجي ناعمة حتى للسجاد تنفع.

المواد اللاصقة نوعيات كثيرة منها فوسروك على ما اعتقد أمريكية وانت ما شاء الله عليك سويت بحث وشفت نوعيات كثيرة .. انا جربت نوع عند ساتكو قبل وساتكو غيروا اسمهم تحط بس في زوايا البلاطة وتلصقها على أي سطح تبي ولا تنشال الا مكسورة .. وركبت البلاط على خشب سطحه ناعم .. مارين بلايوود البني الغامق .. الحمد لله للحين 11 سنة ولا يلاطة تحركت.

انت اسئل المورد هو يبيعك بسعر زين ومادة زينة بس طريقة خلطها لازم يعرفها الفورمان ويتبعها .. للحوائط مهم تختار نوعية مناسبة وقوية وللأرضيات النوعية الأمريكية العادية تنفع .. والقراوت أهم لازم تاخذ نوع ما يتشلخ ولا يعفن وتلصق فيه الأوصاخ ويتغير لونه .. وللزيرو جوينت فيه نوع سائل شفاف .. الأسماء ما اذكرها مره كتبها واحد في موضوع مشابه.

بعض الروبات لازم تنخلط بخفاق ميكانيكي وغالبية اللي يركبون ما عندهم وكل شغلهم باليد.

الله يعينك دوشوك وشكلك تبي تخلص خصوصاً في هالحر .. الصبر زين وشوف حد يسمع الكلام وفاهم وتوكل على الله

[Azizuk]

تسلم يامعماري على الرد السريع

شكلي عورت رأسك

المشكلة اللي يبيون يشتغلون كله سعرهم غالي ويستخدمون أرخص المواد

وانا من النوع اللي أحب شغلي نظيف وحريص ودايمن أسعى لشي الزين

مب مشكلة الواحد يدفع بس يحصل نتايج راقية

[معماري قطري]

عندك الموردين الرئيسيين العمودي عنده واحد مصري اسمه أحمد هذا خبير في هذي المواد .. موجود عند فرع برج المالكي كان .. والمتحدة عندهم بعد نوعيات زينة .. وتدمر وأكيد طلعوا وايد غير.

اللي صناعة قطر هذي شركة اردنية مشتركة مع قطري ومسوين مصنع .. بس عني انا تخوفني صناعات الخليج بسبب عدم ضبط الجودة .. يوم فوق ويوم تحت .. وماركة فوسروك معروفة وقديمة .. وعلمنا شصار معاك أكيد مواد جديدة دخلت السوق.

للقراوت لو تحصل الايبوكسي هذي صعبة شوي وتنخلط بسائل خاص ولازم خفاق يخفقها ولازم يتنظف البلاط بسرعة لأنها تلصق ولا تطير .. وغالية وايد عن النوعيات العادية.

[معماري قطري]

تسلم يامعماري على الرد السريع

شكلي عورت رأسك

المشكلة اللي يبيون يشتغلون كله سعرهم غالي ويستخدمون أرخص المواد

وانا من النوع اللي أحب شغلي نظيف وحريص ودايمن أسعى لشي الزين

مب مشكلة الواحد يدفع بس يحصل نتايج راقية

الله يوفقك والله من شفتك ودخلت بيتك ما شاء الله عليك يبين عليك فاهم ومجتهد ونصيحتي لك تتركد شوي هذي مرحلة مهمة وانت دخلت هالمعمعة وعرفت اسلوبهم شغل رخيص يسونه بغالي.

وانا بالعكس استويت حارس هذا المنتدى وحاضر لمساعدة الكل وخصوصا انسان مثلك يستجيب ويتابع صح

[Azizuk]

احسن محل يبيع مواد الصق

شركة مابي الإيطالية محلهم في طريق سلوى جنب الدي اتش ال

http://www.mapei.com/AE-EN/

ومتجر العامودي

وتدمر

بس مابي عندهم القروات بجميع الوانها العلبة الوحدة ب 300 ريال بس تكفي كمية كبيرة

وعنده ألوان يجيك فيها لمعه وشئ يجي في كريستال
وعندهم جميع المواد من خلاط كهرباي ومكائن قَص البلاط

مكينة قَص البلاط عنده كبيرة وعنده صغيرة

الكبيرة ب 7 آلاف ريال

ومكينة الخلط ب 4 آلاف ريال وفي 3 آلاف ريال

وعنده جميع انواع السليكون بالالوان

[Azizuk]

الله يوفقك والله من شفتك ودخلت بيتك ما شاء الله عليك يبين عليك فاهم ومجتهد ونصيحتي لك تتركد شوي هذي مرحلة مهمة وانت دخلت هالمعمعة وعرفت اسلوبهم شغل رخيص يسونه بغالي.

وانا بالعكس استويت حارس هذا المنتدى وحاضر لمساعدة الكل وخصوصا انسان مثلك يستجيب ويتابع صح

الله يسلمك عزيز وغالي يامعماري

أتصدق اظاهر بعد معمة هالبيت اذا خلصت أفكر أسوي لي شركة تشطيب وإلا مقاولات

وتحسفت أني ماجبت عمال وخليتهم يتعلمون في بيتي ويعرفون الشغل وبعدين اتفرغ حق الشركة

لأني الحمدالله لفيت سوق قطر عدل وحتى سوق السعودية لفيته وعرفت شنو اللي يستاهل الواحد يتعنى يجيبه من الدول المجاورة وإلا لا يأخذة من السوق المحلي أبرك له

[معماري قطري]

الله يوفقك شغل المقاولات مزعج ويبي له متابعة وتفرغ

يمكن التركيز على شيء معين يكون سهل نوعاً ما .. مثل الجبس والصبغ وورق الجدران .. أَو التبليط بس .. في معظم الدول تحصل الفورمان والعامل يقل الفرق بينهم واثنينهم يكونون متعلمين ودارسين الفنيات البسيطة لكل وضع .. بس شغل الكهربة يختلف وله ناس خاصين ويدخل فيه التكييف .. يعني يكون عندك فريق من 3 أشخاص يتقنون العمل يسوون لك شغل ما يسونه 20 عامل من العمال اللي عندنا .. وتحصل العمال عندهم لياقة وقوة للشغل.

الآسيويين كثير منهم يتعلمون هذي الشغلات صغار من الطفولة .. وعلمهم يكون بمتابعة الكبار وعلم قديم مب حديث .. منهم أهل فارس والحكومة جابت فريق كبير منهم حق بنيان سوق واقف .. والا لو على الموجودين في السوق ما انبنى هذا الصرح المميز اللي اهتم به وتابع تفاصيله سيدي سمو الأمير الوالد الله يحفظه.

مره طاح عندنا جزء كبير من سقف غرفة في بنيان قديم وطلع الحديد وكان مصدي وكان السقف يسرب ماي .. انا قلت ما ينفع تصليحه واخوي جاب شركة تسوي العازل فوق وجاب عامل جيد مختص بلاستر وهذا العامل طلب من اخوي كميات كبيرة من البيض .. سوى خلطة من الاسمنت والبيض والظاهر سوى سندويشات بالباقي ( العامل هندي ) ونظف الحديد وحط البلاستر والحين فوق العشرين سنة والمبنى مؤجر ولا فيه مشاكل.