charlie

[Miss]

السلام عليكم ورحمة الله وبركاته

طبعا الكل سمع بلعبة شارلي أو تشارلي اللي هبوا فيها الناس
هي لعبة مشابهه للعبة ويجا .

اللي اتمناه انكم تنتبهون لعيالكم
امس يهال عمارهم 9 و 10 يلعبون هاللعبه في غرفهم ومحد يدري بهم

مجرد تنويه

[حمد 2002]

ممكن صوره لهالعبه اختي مس

[Dana’1]

امس بنتي تقولي عنها تقول بنات العبوها بالصف وانها تجيب جني اسمه شارلي اما جني وشارلي!
وشفتها بسناب وحده العبتها طبعا خربوطه
واكن فعلا لازم ننتبه عالأطفال من هالنوع من الالعاب والافكار والله يحفظ الجميع

[H H]

خلهم يلعبون , هالشي بيخليهم يدورون على السر ورى هالحركه الغريبه وبيتوصلون لقانون نيوتن للجاذبيه

[Dana’1]

^^
يعني لو هم طروا قانون نيوتن بنقول حلو خل يلعبون
لكن للأسف ما طرأ على بالهم ميوتن وقانونه هم يلعبونها من باب انه تحضير جن!

[الزعفراني]

كلام فاضي لا يكون مصدقين :)

[الزعفراني]

ممكن صوره لهالعبه اختي مس

ابحث في يوتيوب بتلقى مقاطع

قلمين تحطهم فوق بعض على شكل مربع وتكتب في ورقة تحتهم يس ونو

وتنادي تشارلي وتسأل شي وعقب القلم يتحرك صوب كلمه يس او نو :)

[Miss]

ممكن صوره لهالعبه اختي مس
ما بغيت الا انا اييب لك الصوره
امس ما رقدت بسبب السنابات اللي يطرشونها :eek3:
وكل اللي طرشوها حذفتهم :eek3:

امس بنتي تقولي عنها تقول بنات العبوها بالصف وانها تجيب جني اسمه شارلي اما جني وشارلي!
وشفتها بسناب وحده العبتها طبعا خربوطه
واكن فعلا لازم ننتبه عالأطفال من هالنوع من الالعاب والافكار والله يحفظ الجميع
رفيجتي طبقتها امس ديور واستوت معاها
وقطعت علاقتي فيها اليوم ههههههههه :eek3:


خلهم يلعبون , هالشي بيخليهم يدورون على السر ورى هالحركه الغريبه وبيتوصلون لقانون نيوتن للجاذبيه
اي جاذبيه !

^^
يعني لو هم طروا قانون نيوتن بنقول حلو خل يلعبون
لكن للأسف ما طرأ على بالهم ميوتن وقانونه هم يلعبونها من باب انه تحضير جن!

بالضبط

[H H]

وهذي الفايده من انهم يلعبون هاللعبه, بيكتشفون فالنهايه ان السالفه لاتحضير جن ولاشي وان لها تفسير علمي.
وهالشي بيخليهم فالمستقبل مايصدقون مثل هالسخافات بسهوله.

[راجي الْعفو]

وعليكم السلام و رحمة الله و بركاته

عويجه !

[Miss]

كلام فاضي لا يكون مصدقين :)
اي اي اصدق
:(

وهذي الفايده من انهم يلعبون هاللعبه, بيكتشفون فالنهايه ان السالفه لاتحضير جن ولاشي وان لها تفسير علمي.
وهالشي بيخليهم فالمستقبل مايصدقون مثل هالسخافات بسهوله.
يكتشفون اشياء ثانيه
مب عن طريق هاللعبه
وهم لما يجربونها مب عشان يتعلمون
يلعبون

وعليكم السلام و رحمة الله و بركاته

عويجه !

اييي تخبرها !

[H H]

باختصار , اذا حطيت قلم على قلم بشكل معاكس , من سابع المستحيلات انهم يثبتون فوق بعض الا اذا حطيتهم على سطح مستوي 100%.
وهالشي صعب تلقاه , حتى الطاولات وغيرها , قلييييل جدااااااا الي تلقاها مستويه 100% , واذا كان السطح مايل حتى لو 1% بتلقى القلم يتحرك!
ثباته مستحيل في هالوضعيه , الجاذبيه تسحبه لللمنطقه النازله من الطاوله (الي انت ماتشوفه بالعين المجرده) وتخلي القلم يتحرك.

[Charisma]

مرحبا اختي .


اللعبه مافيها تحضير ولا غيره .. السالفه ومافيها كالتالي :


وضعية القلم ( بشكل افقي فوق قلم اخر ) .. وضعيه دقيقه غير ثابته تجعله قابل للتحريك ( بنفخه ) .. او بحركة الأجسام من حوله .. أو حتى من أي تيار هواء . " الموضوع فيزيائي ".

سبب تحريك القلم في اغلب مقاطع الفيديو ؟ بكل اختصار ( نفخ ) .

[Dana’1]

ضوى بالله منن بيصدق؟!
لكن هم اطفال ويظنون انهم يحضرون الجني شارلي ههه ويصدقون ويتفاعلون لازم توجيه او توضيح الامور لهم هذا القصد *

[H H]

وهذا شرح ان شالله يكون اوضح من شرحي



قانون نيوتن الأول: يظل الجسم في حالته الساكنة (إما السكون التام أو التحريك في خط مستقيم بسرعة ثابتة) مالم تؤثر عليه قوة تغير من هذه الحالة، والجسم الساكن توثر به قوتان هما الوزن ورد الفعل.

من هنا نجد أن الجسم إذا كان على سطح أفقي مستوي فتؤثر عليه قوى الوزن والقوة العمودية، أما إذا كان على سطح مائل فتؤثر عليه القوة العمودية وقوة الاحتكاك ويتلاشى الوزن، ومن هنا يتحرك القلم بسبب قوة الاحتكاك على سطح مائل.

أما قوة الاحتكاك على السطح المائل فتنتج عند التأثير بقوة أكبر منها تعمل على حركة الجسم “القلم” وهي قوة الجاذبية، التي هي بالطبع أقوى كثيراً من قوة الاحتكاك الناتجة بين القلمين.

[Charisma]

وهذا شرح ان شالله يكون اوضح من شرحي

لا بالله شرحك اوضح ههههه

[العقل المدمر]

شكرا على شرح اللعبة
بروح العبها لحد يعطيني باند :shy:

[hamoor4ever]

مالعبها لكن اذا هي نفس لعبه اويجا فهي حقيقه وفيها تحضير للقرين او الجن الله اعلم .. لذلك الافضل الابتعاد عن التجربه ..
اويجا لعبتها شخصيا وكنت اساله اساله محد يعرفها ويعطيني جواب صحيح طبعا يعتمد على الجو العام في بعض الاماكن مايحضر واماكن اخرى يحضر

[Miss]

باختصار , اذا حطيت قلم على قلم بشكل معاكس , من سابع المستحيلات انهم يثبتون فوق بعض الا اذا حطيتهم على سطح مستوي 100%.
وهالشي صعب تلقاه , حتى الطاولات وغيرها , قلييييل جدااااااا الي تلقاها مستويه 100% , واذا كان السطح مايل حتى لو 1% بتلقى القلم يتحرك!
ثباته مستحيل في هالوضعيه , الجاذبيه تسحبه لللمنطقه النازله من الطاوله (الي انت ماتشوفه بالعين المجرده) وتخلي القلم يتحرك.
وليش ما يميل للجهه الثانيه
:(

مرحبا اختي .


اللعبه مافيها تحضير ولا غيره .. السالفه ومافيها كالتالي :


وضعية القلم ( بشكل افقي فوق قلم اخر ) .. وضعيه دقيقه غير ثابته تجعله قابل للتحريك ( بنفخه ) .. او بحركة الأجسام من حوله .. أو حتى من أي تيار هواء . " الموضوع فيزيائي ".

سبب تحريك القلم في اغلب مقاطع الفيديو ؟ بكل اختصار ( نفخ ) .
النفخ يخلي القلم يهتززز مب يلف

ضوى بالله منن بيصدق؟!
لكن هم اطفال ويظنون انهم يحضرون الجني شارلي ههه ويصدقون ويتفاعلون لازم توجيه او توضيح الامور لهم هذا القصد *
مب ضوى اللي تصدق
هاي انا :(
اصلا لو ضوى درت يمكن تزنطني من كثر ما اخاف من هالاشياء :(

وهذا شرح ان شالله يكون اوضح من شرحي
تسلم للمشاركه

شكرا على شرح اللعبة
بروح العبها لحد يعطيني باند :shy:
:eek3:

مالعبها لكن اذا هي نفس لعبه اويجا فهي حقيقه وفيها تحضير للقرين او الجن الله اعلم .. لذلك الافضل الابتعاد عن التجربه ..
اويجا لعبتها شخصيا وكنت اساله اساله محد يعرفها ويعطيني جواب صحيح طبعا يعتمد على الجو العام في بعض الاماكن مايحضر واماكن اخرى يحضر

بالضبط
هذا اللي اقصده
من خاف سلم

[JN000N]

مسوووووووه ماعليج منهم عياره
امشي تعالي هناك شوي برويج شي

[ضوى]

ضوى بالله منن بيصدق؟!
لكن هم اطفال ويظنون انهم يحضرون الجني شارلي ههه ويصدقون ويتفاعلون لازم توجيه او توضيح الامور لهم هذا القصد *

:eek5:

اشدخلني ، ديور اشفيج يمه

[Charisma]

وليش ما يميل للجهه الثانيه
:(

النفخ يخلي القلم يهتززز مب يلف


مب ضروري يهتز .:rolleyes2:


https://www.youtube.com/watch?v=qy5KeNCIR8U

[راجي الْعفو]

مب ضروري يهتز .:rolleyes2:


https://www.youtube.com/watch?v=qy5KeNCIR8U

انا بقول بدل تشارلي

مناحي مناحي

واشوف وشلون بيتحرك !

[دايموند]

الحمدلله والشكر بس

[دااانة قطر]

اسمع بناتي امس يقولون لي في بنات صاروا يلعبونها في المدرسة
وبنتي تقول لي اجربها قلت لها ناقصين جن احنا الله يبعد عنا الشر




مالعبها لكن اذا هي نفس لعبه اويجا فهي حقيقه وفيها تحضير للقرين او الجن الله اعلم .. لذلك الافضل الابتعاد عن التجربه ..
اويجا لعبتها شخصيا وكنت اساله اساله محد يعرفها ويعطيني جواب صحيح طبعا يعتمد على الجو العام في بعض الاماكن مايحضر واماكن اخرى يحضر

:rolleyes2:

[Charisma]

انا بقول بدل تشارلي

مناحي مناحي

واشوف وشلون بيتحرك !

لاتقول مناحي .. عادي تنقلب مروحه واطير . :rolleyes2:


ياشيخ المشكله العالم تصدق أي شي ..

[ودي أكون]

على الأمهات .. انهم يزرعون ويعلمون بناتهم أن اللي تشارك في هاللعبه او تلعبها .. ما تقبل صلاتها اربعين يوم

وان هالامور تعتبر مثل الشركيات والله اعلم

ازرعوا في اعيالكم ان مجرد التفكير ومحاولة اللعب ماتقبل صلاتج .. عشان ايمانها وخوفها بالله يمنعهم من اللعب بمثل هالالعاب ..

والله المستعان

[Miss]

اسمع بناتي امس يقولون لي في بنات صاروا يلعبونها في المدرسة
وبنتي تقول لي اجربها قلت لها ناقصين جن احنا الله يبعد عنا الشر


:rolleyes2:
طبيعي توصل للمدارس



لاتقول مناحي .. عادي تنقلب مروحه واطير . :rolleyes2:
ياشيخ المشكله العالم تصدق أي شي ..
بايلوت
هي نفخ على قولتك صح؟
واخوي hh يقول جاذبيه
اوكي انا بمشي معاكم

بس انت يا بايلوت قولي لما يلعبها الياهل شقصده من اللعبه ؟
هو يوم يلعبها كان سامع ان فيه شي يحرك القلم
يعني هو كان مصدق ان ممكن جن

القصد ان شلون اليهال يتعاملون مع هالاشياء بهذي الطريقه!


على الأمهات .. انهم يزرعون ويعلمون بناتهم أن اللي تشارك في هاللعبه او تلعبها .. ما تقبل صلاتها اربعين يوم

وان هالامور تعتبر مثل الشركيات والله اعلم

ازرعوا في اعيالكم ان مجرد التفكير ومحاولة اللعب ماتقبل صلاتج .. عشان ايمانها وخوفها بالله يمنعهم من اللعب بمثل هالالعاب ..

والله المستعان

الله يعين

[Miss]

مسوووووووه ماعليج منهم عياره
امشي تعالي هناك شوي برويج شي

:fight:

[العلياا]

ازعجوا تشارلي هالعالم الفاضيه :court:

تبين الصدق انا يوم شفت تخرعت واحلى فيديو حق الشباب اللي متجمعين ويوم ضبطت معاهم تخرعوا وواحد منهم قلب الطاولة
يوم انك خواف ليش تجرب هالامور

عموما صحيحه ام لا موضوع ال.. ماحبه ولاحب طاريه
ويوم مرة تغشمروا ربعي سويت مثلج حذفتهم :)

[Charisma]

طبيعي توصل للمدارس

بايلوت
هي نفخ على قولتك صح؟
واخوي hh يقول جاذبيه
اوكي انا بمشي معاكم

بس انت يا بايلوت قولي لما يلعبها الياهل شقصده من اللعبه ؟
هو يوم يلعبها كان سامع ان فيه شي يحرك القلم
يعني هو كان مصدق ان ممكن جن

القصد ان شلون اليهال يتعاملون مع هالاشياء بهذي الطريقه!



الله يعين

ماعندي مشكله استرسل .. بس ودي اعرف نظرتج للعبه .. هل هي فعلا تحضير ؟

اما بخصوص الجاذبيه .. ففعلا الموضوع مرتبط بالجاذبيه وعوامل اخرى اذا تبين تحليل علمي للموضوع .. وضعية القلم بشكل افقي فوق قلم اخر تتطلب موازنه ( تعتمد عالجاذبيه ) .. ونقطة الأرتكاز ( + ) ضعيفه وسريعة التأثر بأي عامل اخر ( النفخ ) .. وحتى بدون نفخ تقدرين تحركين القلم .. بضربه بسيطه عالطاولة او حتى ( تلويح ) سريع باليد .. لتكوين تيار هوائي .. ( جربي بنفسج وبتعرفين ) .. الزبده ( الموضوع خدعه ) .


اما بخصوص ظنون الأطفال في اللعبه وانها تحضير .. نعم يتطلب تدخل توضيحي .. ( مب منع ) .. انا لو شفت العيال يلعبونها بقعد واشرح لهم السبب العلمي .. وبستغل الفرصه بالتحذير من الاندفاع والفضول في أمور التحضير والجن .

[Miss]

ماعندي مشكله استرسل .. بس ودي اعرف نظرتج للعبه .. هل هي فعلا تحضير ؟

اما بخصوص الجاذبيه .. ففعلا الموضوع مرتبط بالجاذبيه وعوامل اخرى اذا تبين تحليل علمي للموضوع .. وضعية القلم بشكل افقي فوق قلم اخر تتطلب موازنه ( تعتمد عالجاذبيه ) .. ونقطة الأرتكاز ( + ) ضعيفه وسريعة التأثر بأي عامل اخر ( النفخ ) .. وحتى بدون نفخ تقدرين تحركين القلم .. بضربه بسيطه عالطاولة او حتى ( تلويح ) سريع باليد .. لتكوين تيار هوائي .. ( جربي بنفسج وبتعرفين ) .. الزبده ( الموضوع خدعه ) .


اما بخصوص ظنون الأطفال في اللعبه وانها تحضير .. نعم يتطلب تدخل توضيحي .. ( مب منع ) .. انا لو شفت العيال يلعبونها بقعد واشرح لهم السبب العلمي .. وبستغل الفرصه بالتحذير من الاندفاع والفضول في أمور التحضير والجن .
انا صراحه وايد مأثر فيني
تقدر تقول احسها بداية تحضير
لعبه وضحك عندهم لكن بالنسبه لي حقيقه
هي اللعبه مره ومرتين وثلاث وعقب اتوهق فيها وفيهم

[Miss]

ازعجوا تشارلي هالعالم الفاضيه :court:

تبين الصدق انا يوم شفت تخرعت واحلى فيديو حق الشباب اللي متجمعين ويوم ضبطت معاهم تخرعوا وواحد منهم قلب الطاولة
يوم انك خواف ليش تجرب هالامور

عموما صحيحه ام لا موضوع ال.. ماحبه ولاحب طاريه
ويوم مرة تغشمروا ربعي سويت مثلج حذفتهم :)

حتى انا ما حبه
وصج من خاف سلم
بس انا وايد توترني هالسوالف
اعتزل العالم بسبتها :(

[Dana’1]

:eek5:

اشدخلني ، ديور اشفيج يمه
بالغلط سوري مو مني من شارلي غطى اسم الزعفراني لضوى ههههههه
كنت اقصد الزعفراني ^_^

[عضوو]

تحدي تشارلي تشارلي اسمها الحقيقي هو استحضار الشيطان المكسيكي

البعض من حيث يعلم ومن حيث لايعلم اخلص كثيرا في شرحها وقرأها الكثير

من مرتادي المنتدى وهي شعوذه وسحر

فلافرق بينها وبين ماكانت تلعبه قريش مايسمى ضرب القداح والأزلام والميسر والتي حرمها

الله عزوجل ونزلت فيها آيه كريمه

لذلك على البعض ان يستفغر ربه وان يتقي الله فيما يقول وفيما دعى أليه

[7llo]

ربعي امس مصورين سناب بس حاطين زقارتين فوق بعض وتحركووو صعقوني ههههههههه

[حمد 2002]

🌿 تحذير من لعبة تشارلي 🌿


🎐 علم الغيب مختص بالله جل جلاله فلا تكن بارك الله فيك ممن يخدش عقيدته في هذا الأصل العظيم من أصول العقيدة ولو بمزحة بواسطة لعبة سخيفة ‼️

🎐 بعد تساهل وخوف بعضهم من لعبة سخيفة نشرها من لا خلاق له أدركتُ جيدا أن من الناس من يحتاج إلى تذكير وتذكير وتذكير بمسائل العقيدة .

🎐 علموا أولادكم الصغار خصوصا أن طلب معرفة الأمور الغيبية والسؤال عن الأمور التي ستقع في المستقبل كيف تقع ، أمر لا يعلمه إلا الله وحده لا شريك له .

ظلامي ‼️
متحجر ‼️
مجرد لعبة ‼️
لم نقصد إلا الخير ‼️
مجرد ترفيه ‼️

مثل هذه الكلمات لا تلتفت لها إذا تعلق الأمر بالعقيدة فعلم الغيب لله وحده .

🎐 قد تبدو في البداية مجرد ألعاب برئية في نظر بعضهم ولكنها أوقعته في مسائل تخالف الكتاب والسنة بل قد تدخل العبد لا حقا في مسائل تخرجه من الدين ‼️

🎐 فتح على نفسه باب شر في بعض المسائل حتى أصبح بمرور الأيام ساحرا صرفا والعياذ بالله فهل ندرك أيها الأحبة خطورة خطوات الشيطان ، فانتبهوا واحذروا..


📚 الشيخ د.عبداللـه الكمالــي

[بريق الحق]

لعبة شارلي شخص ينفخ على القلم وخرابيط ومن الخزعبلات

الله لا يبلنا
قد تدخل مثل هذه الالعاب فكفر الشخص والعياذ بالله

[مضارب دوسري]

لاصحاب العقول
حطوا نفس وضعيه القلم ومن غير شارلي وخزعبلات
بنلقون القلم يتحرك

هل في مره من المرات القلم ماتحرك !!!!

يعني الموضوع يخص الجاذبيه لا اكثر
ومن قل العقل
تصديق هذه الامور

[white bird]

بايلوت و hh و مضارب
كلامكم صحيح
و اللي شاك يجرب من غير تشارلي ولا يس و نو
و راح يتحرك القلم من اقل حركة ^-^


:nice:

[بريق الحق]

بايلوت و hh و مضارب
كلامكم صحيح
و اللي شاك يجرب من غير تشارلي ولا يس و نو
و راح يتحرك القلم من اقل حركة ^-^


:nice:

المسئله ان البعض قد يصدق مثل هذي الاشياء وانه تمثل مصيره

[راجي الْعفو]

عندما تصغر العقول
وينتشر الجهل



تحصل مثل هالخزعبلات !


الله يحفظ علينا عقولنا ويشغلنا بطاعته !

[ضوى]

عفيه عليه شارلي يفهم لغات العالم ، وعفيه شارلي يتواجد بمكانين بنفس الوقت ، وعفبه شارلي اللي بس شغلته يحرك القلم يمين ويسار

موضوع مضحك جدا

[الحياة الخالدة]

http://static.hawaacdn.com/PE/2010/07/15/05/nd3141-1.jpg


كل ما قلتوا شارلي تذكرت هالعطر التراثي
غدا له وطــــــر .. بس يقولون اسرائيلي


و بخصوص اللعبة .. ماحب هالسوالف :secret:

[Dana’1]

^^
ههههه اهم شي تحضرين الهالوين *_^

اللعطر امريكي على ما اظن بس يمكن صاحب الماركه يهودي كالعاده!

[Miss]

الحياه ههههههههههههههه
ولا انا احبها


القصد من هالموضوع ان :

1_ عقل الطفل غير عن عقل البالغ ، الطفل يصدق كل ما يراه ويسمعه.
2_ اللعبه الخرافيه هذي تعلم الطفل ان يتدخل في امور غيبيه ، تعلمه انه ممكن يستعين بغير الله .

الاطفال غير عن بعض ، طفل عنده أهل يوجهونه ويعلمونه الصح من الخطأ وطفل مهمل ما دروا عنه .


شكرا لكل من شارك

[puree]

هههه صراحه شي مؤسف ، تشوف الكبار يصدقون قبل الصغار !

اهم شي البرودكاستات الشغاله ليل نهار لعبة عبدة الشيطان / لعبة الايمو احذروا !

شدخل الايمو فالجن ؟


ماعلينا .. اهم شي ان اللي صدقوا استفادوا منكم اصحاب المقاطع فاليوتيوب ضحكوا عليكم وربحوا فلوس من ورا الدعايات

[حسن]

ماعرفها ولا سمعت عنها نهائيا

ولا شفت حد من عيالي يلعبها ولا يتكلم عنها

ولكن الرقابه مطلوبه
وخصوصا في عصر الاهمال الكبير

شكرا يامس على الموضوع

[فريج النجادة]

لعبة تشارلي !
بغض النظر عما يحرك القلم سواءً الجاذبية أو المغناطيس أو غيره !
لكنها تمس عقيدة الطفل بالغيبيات
الشيخ وسيم يوسف

https://t.co/Yj5CjJACrk

الى ان وصل بهم الحال العيال يلعبنها في حمامات

المدارس ولا حول ولا قوة الا بالله

[فريج النجادة]

http://youtu.be/oVvMZE9mvpM

الشيخ زيد البحري التحذير من لعبة تشارلي

[Rosso]

اللعبة مافيها شي وتعتمد على النفس عند نطق الكلمات لتحريك القلم

[عضوو]

اسمها الحقيقي أستحضار الشيطان المكسيكي

وهذا دليل قاطع بأنها شعوذه وشرك

[Bin sultan]

نطروا شوي وبيملون،الهبة ما بقى شي عليها وتخلص :):nice:

[عيسى111]

قمة التخلف

القلم يحركه الهواء الخارج من الفم في أول حرفين تشـ

[السكين]

المشكلة الجهل بالآباء قبل الأبناء .. أمس واحد يكلمني انه بنته قالته له عنها .. طبعاً قلت له علطول لها علاقة بالفيزياء .. ما صدق وكمّل كلامه ،،وانه جربها وانه مصدق انها جن وحرق الورقة بعدها وقصص أطفال وخزعبلات وتخلّف ..

قلت له ابحث باليوتيوب على سرها وفهما لأطفالك بدون كتابة وطلاسم ..بس ايش نقول الكبار محتاجين توعية ..

شوفوا ألعاب خفة اليد والخدع الخاصة بالجاذبية باليوتيوب وطبقوها ..وعلموهم انه مافي شي خارق للطبيعة .. وانه لكل شيء سبب ..

تقدروا تبحثوا عنها باليوتيوب لأنه أكثرها فيها كلمات غير لائقة .

[بوحارب]

حاسبو يا جماعة يمكن صلاتكم ما تتقبل أربعين يوم

ترى فيها شرك هاللعبه !!

[ممنوع اللمس]

عيسى هههههههه اسف بس عجبني تعليقك
تش ماتحرك ورقه مو قلم

[ابوالكلام]

خلهم يجربون ويتعلمون بدل الضحك على الذقون

[H H]

حاسبو يا جماعة يمكن صلاتكم ما تتقبل أربعين يوم

ترى فيها شرك هاللعبه !!


وين شرك الله يجزاك خير, هذي مجرد لعبه , يستغلون فيها عمليه فيزيائيه, لااكثر ولااقل.

[ANONYMOUS]

مخدرات

[ANONYMOUS]

وين شرك الله يجزاك خير, هذي مجرد لعبه , يستغلون فيها عمليه فيزيائيه, لااكثر ولااقل.

مجرد اعتقادك ان في حد يعلم الغيب غير الله هذا شرك

سواء كان لعبه ولا بطيخ

[جبر ال جبر]

يجماعه الخير العمليه فيزيائيه بحته وهي تعتمد على سرعه الصوت وفي بحث في موقع امريكي رصد هالظاهره من سنوات بس الناس توهم متولعين فالحركه فخلو عنكم الخزعبلات والخرابيط تذكروني اول ماطلع الراديو في الخليج يسمونه الشيطان وحرموه

[رهج السنابك]

ياحليلكم

[بصمة قطرية]

المشكلة مش في اللعبة صح و لا على قولة البعض
لها علاقة بالفيرياء ..!!
مادري شلون العلاقة
يا ليت تفهمونا ..
المصيبة الفكرة نفسها
إن الأطفال يسألون عن غيبيات ..!!!
يعني لما فكر يسأل معناته إنه
حصر فكرة علم الغيب في غير الله ..!!!!!
هاي اللي المفروض ما يصير و نوعي عيالنا عنه ..