الرسائل النصية اليومية ..!!

[أم محمد 90]

السلام عليكم ورحمة الله وبركاته ,,

أعزائي الاعضاء ياليت كلنا نشارك في هالموضوع ولو حد يتكرم يسويه استفتاء نشوف مقارنة بين الناس اللي عادي عندها والناس اللي مو موافقة على هالشيء.

الموضوع يخص المسجات النصية (sms) اللي تجي من المحلات

سواء تنزيلات
سواء عروض خاصة
سواء بضاعة جديدة
افتتاح محل
وامور غيرها وغيرها

واكثر المحلات اللي ترسل لي هي سنتر بوينت ومحلات المجمعات الجديدة اللي في ازدان مول
حتى صيدلية بوتس
حتى الركن الرياضي

مع ان في محلات ماتذكر عطيتها رقمي..


المشكلة ؟

طلعت رقم وحفظته وصرت لما اوقف ادفع ويطلبون رقمي اعطيهم هالرقم ، كل فترة وفترة افتحه ما الاقي اي مسج من هالمحلات بس رقمي الاساسي !

وفي محلات كثيرة صارت تلزم الزبون ان يعطيهم الرقم عند الدفع ولما يقول ماعندي رقم او اي شي ثاني يبتدون يفهمونه ان الزامي الرقم للفاتورة ولسجل المحل (صارت وياي ف محل نظارات ومحل ملابس)

الموضوع مزعج وبشدة اني اقضي وقت بس امسح مسجات .

لو تبون اصور شاشه جوالي ماعندي مشكله والله العظيم يوميا ما لايقل عن 15 مسج (حاسبتهم)

هاي بس صباحا وانا بدوامي

غير عن حزة المغرب والعصر.



انا شخصياً أبي حل , المسجات هاذي تزعجني . شلون امنع هالمحلات ترسل لي مسجات ؟؟

انا مو مهتمه وتضايقني كون اني اقضي وقت بس امسح

لا تقولون غيري رقمج هذا مو حل .


الحل ان نشوف هل في ناس غيري هالموضوع مو عاجبها ؟


نبي استفتساء بحيث لو مو عاجب الاغلبية العظمي قرار يلزم هالمحلات ماترسل مسجات


جد سمعت حجي وايد عن شراء هالمحلات لارقام الناس من اوريدو ؟

وللعلم ان الناس اللي عندها فودا فون ماتعاني كثر اللي عندها اوريدو ؟ !


الموضوع مفتوح للاقتراحات والمناقشة .

[Charisma]

الحل بسيط : الأتصال بشركة الأتصالات وطلب منع استقبال رسائل اعلانيه انتهى .

[العلياا]

وعليكم السلام

توصلني تسع مسجات اتنرفز منها شلون تستحملين هالعدد !!

شوفي
هي مفيدة ومزعجة بنفس الوقت
يعني يبلغونج متى ينزل الكوليكشن الجديد ومتى في خصومات ومن هالكلام

ومزعجة لان معظهم يجي دفعة وحدة :rolleyes2:

[أم محمد 90]

الحل بسيط : الأتصال بشركة الأتصالات وطلب منع استقبال رسائل اعلانيه انتهى .

اتصلت اخوي ومافيه فايدة.....

[Charisma]

وعليكم السلام

توصلني تسع مسجات اتنرفز منها شلون تستحملين هالعدد !!

شوفي
هي مفيدة ومزعجة بنفس الوقت
يعني يبلغونج متى ينزل الكوليكشن الجديد ومتى في خصومات ومن هالكلام

ومزعجة لان معظهم يجي دفعة وحدة :rolleyes2:


برنامج Yabila ! .. على الأبل ستور .. يغنيكم عن ازعاج الشركات والمحلات .
يتم تجميع كل العروض الأعلانيه والتجاريه بما في ذلك التنزيلات في كل المجالات.


توضيح اخر : منت ملزوم تزود المحل برقمك .. وتقدر تبهدله ان أصر .

[أم محمد 90]

وعليكم السلام

توصلني تسع مسجات اتنرفز منها شلون تستحملين هالعدد !!

شوفي
هي مفيدة ومزعجة بنفس الوقت
يعني يبلغونج متى ينزل الكوليكشن الجديد ومتى في خصومات ومن هالكلام

ومزعجة لان معظهم يجي دفعة وحدة :rolleyes2:

اي قصدج

Last season كولكشن برا ويجيبونه عندنا على انه جديد ويحشرونا بالمسجات ؟!

[Charisma]

اتصلت اخوي ومافيه فايدة.....

انا كنت اعاني من نفس المشكله واتصلت على اوريدو من سنتين.. وطلبت الغاء استقبال جميع الرسائل الاعلانيه .
وحاليا ماتوصلني اي رسائل اعلانيه نهائيا .
الحركه هذي له سلبيه وحده فقط .. ممكن تأثر على استقبال رسائل تفعيل من بعض المواقع او البرامج.. او حتى بعض الجهات الخدميه

[العلياا]

برنامج Yabila ! .. على الأبل ستور .. يغنيكم عن ازعاج الشركات والمحلات .
يتم تجميع كل العروض الأعلانيه والتجاريه بما في ذلك التنزيلات في كل المجالات.


توضيح اخر : منت ملزوم تزود المحل برقمك .. وتقدر تبهدله ان أصر .

جزاك الله خير
شخصياً يهمني ان البرنامج فيه خاصية تنبيه مب انا ادخل ادور فيه

بنزله واشوف


اي قصدج
Last season كولكشن برا ويجيبونه عندنا على انه جديد ويحشرونا بالمسجات ؟!

ههههههه دامه وصل على انه نيو كوليكشن عندنا يعني نيو كوليكشن لاني مب راعية سفر ف يفيدني

الله يكون بعونج

[eXpert*]

أغلب التلفونات فيها خاصية (البلوك) منع الرسائل المزعجة .

[مرتبش]

اعاني من هالمشكلة لجرحة ان اكثر من نص رسايلي اعلانات .. يوجد حل نص نص لانه خفف الرسائل لكنه ما اوقفهم 100%
باستعمال تطبيق اوريدو للجوال فيه خيار منع الرسائل.. يتم اختيار الاسم اللي يراد منعه وخلاص.. الحركة نجحت مع البعض وفشلت مع اخرين .

[العقل المدمر]

ايه والله سندرونا
صرت مادري عن المسجات من كثر دعاياتهم
بس لما يعدون ال 100 ادخل احذفهم كلهم (عادي فالشهر يوصلون 100 مع مسجات الفيس بوك)

[السكين]

انا كل فترة وفترة اشوف جوال الوالد والوالدة أشيك عليهم امسح رسايلهم كلهم دعايات وكورسات انجليزي ورسائل دعايات وارسل للرقم الفلاني احاديث وأمور دعوية وكلها ربحية بالمقام الأول .. كل هذا اسويه عشان اشيك على مواعيد مستشفى حمد لهم الاقيها ضايعة بين هالمسجات .

اذا كانت مفيدة للبعض فهي مزعجة للأغلبية ..المفترض ترسل للي يسجلون أرقامهم ..

معليش بطلع شوي عن صلب الموضوع ..أيضاً بروشورات السيارة ..من يعطيهم الأحقية يرفعوا المسّاحة ويثبتوها تحتها ؟ أو على مقابض الأبواب ؟أنا شخصياً أول أمس حاطين لي كرت على شبّاك السايق وطاح وما عرفت أطلعه الله اعلم يأثر على ماكينة غلق وفتح الشبابيك ولاّ لا ! هالفكرة ممكن تكون طريقة لحرامية السيارات في حال شاف شخص يرفع البروشور كأنه بيحطه ع السيارة ..

بالنسبة لسؤالك ..نعم وبشدة طريقة مزعجة وغير حضارية .. إلا للأخبار المرسلة من هيئات الدولة الرسمية .

[bohilal191]

أغلب التلفونات فيها خاصية (البلوك) منع الرسائل المزعجة .

المشكلة مايطلع الرقم بس اسم المحل واذا دخلت التفاصيل مايطلع رقم بس اسم

[بوعلاوي]

الحل امسح الرسائل وارتاح

[ALJokar]

سبحان الله توني مكلم اوريدوو بخصوص الموضوع هذا انا منزعج من نفس الحاجه من مدارس شركات محلات صاير جوالي اعلانات وارقام تجيك عن احصائيه ما ادري ايش وحنا من جامعه ونسوي بحث وخرابيط من ازعاج.
المهم ارويدوو جريوا معاي ارسال رسائل من جوالي لايقاف الخدمات والاعلانات ولافيه فايده فراحو سجلو لي مشكله بالقضيه وعطوني رقمها البارحه والا الان مانحل الموضوع نشوف وش اخرتها.
السؤال من الي عطاهم ارقامنا وسمح لهم بزعاج العالم مع ان هذي تعتبر خصوصيه .

[حسن]

عادي

سوي بلوك وانتهي الموضوع ولايبيله هل الازعاج

[تاجر كشخة]

اكره هالشي

[أم محمد 90]

أغلب التلفونات فيها خاصية (البلوك) منع الرسائل المزعجة .

ماينفع اذا اسم محل اسوي بلوك .


اعاني من هالمشكلة لجرحة ان اكثر من نص رسايلي اعلانات .. يوجد حل نص نص لانه خفف الرسائل لكنه ما اوقفهم 100%
باستعمال تطبيق اوريدو للجوال فيه خيار منع الرسائل.. يتم اختيار الاسم اللي يراد منعه وخلاص.. الحركة نجحت مع البعض وفشلت مع اخرين .

فشلت معاي وبقوه . يوم الجمعة استلمت 5 مسجات ورى بعض من هوم سنتر وبنفس الاعلان وماقدر اعطيهم بلوك .


ايه والله سندرونا
صرت مادري عن المسجات من كثر دعاياتهم
بس لما يعدون ال 100 ادخل احذفهم كلهم (عادي فالشهر يوصلون 100 مع مسجات الفيس بوك)

سالفة الحذف مملة وتاخذ مني وقت , وماشوف اني مجبورة بجوالي الخاص يجيني هالازعاج بس عشاني شريت مرة من محل واللي يقهر زيادة في معاهد ومراكز وصالونات عمري مارحت لها شلون تجيني اعلاناتها مادري


المشكلة مايطلع الرقم بس اسم المحل واذا دخلت التفاصيل مايطلع رقم بس اسم


بالضبط هذا حالي


الحل امسح الرسائل وارتاح


قلتها قبل , وارجع اقولها : جوالي الخاص مب غصب يجيني ازعاج عليه واضيع وقت فالمسح


عادي

سوي بلوك وانتهي الموضوع ولايبيله هل الازعاج

ازعاج من ناحيتهم ولا ازعاج ايش بالضبط ؟ انت تحب تمسح غيرك مايبي لانه مش مجبور يستقبل

[أم محمد 90]

سبحان الله توني مكلم اوريدوو بخصوص الموضوع هذا انا منزعج من نفس الحاجه من مدارس شركات محلات صاير جوالي اعلانات وارقام تجيك عن احصائيه ما ادري ايش وحنا من جامعه ونسوي بحث وخرابيط من ازعاج.
المهم ارويدوو جريوا معاي ارسال رسائل من جوالي لايقاف الخدمات والاعلانات ولافيه فايده فراحو سجلو لي مشكله بالقضيه وعطوني رقمها البارحه والا الان مانحل الموضوع نشوف وش اخرتها.
السؤال من الي عطاهم ارقامنا وسمح لهم بزعاج العالم مع ان هذي تعتبر خصوصيه .

اذا عرفت الاجابة الله يخليك قول لي.


انا كل فترة وفترة اشوف جوال الوالد والوالدة أشيك عليهم امسح رسايلهم كلهم دعايات وكورسات انجليزي ورسائل دعايات وارسل للرقم الفلاني احاديث وأمور دعوية وكلها ربحية بالمقام الأول .. كل هذا اسويه عشان اشيك على مواعيد مستشفى حمد لهم الاقيها ضايعة بين هالمسجات .

اذا كانت مفيدة للبعض فهي مزعجة للأغلبية ..المفترض ترسل للي يسجلون أرقامهم ..

معليش بطلع شوي عن صلب الموضوع ..أيضاً بروشورات السيارة ..من يعطيهم الأحقية يرفعوا المسّاحة ويثبتوها تحتها ؟ أو على مقابض الأبواب ؟أنا شخصياً أول أمس حاطين لي كرت على شبّاك السايق وطاح وما عرفت أطلعه الله اعلم يأثر على ماكينة غلق وفتح الشبابيك ولاّ لا ! هالفكرة ممكن تكون طريقة لحرامية السيارات في حال شاف شخص يرفع البروشور كأنه بيحطه ع السيارة ..

بالنسبة لسؤالك ..نعم وبشدة طريقة مزعجة وغير حضارية .. إلا للأخبار المرسلة من هيئات الدولة الرسمية .

شاكرة لك مرورك والله يطول بعمر الوالدة .

[حسن]

بالعكس انا اشوفها ايجابيه ولا هي مصدر ازعاج ناس تعمل لك دعايه ويبلغونك بالعروض
انا من زمان مااستقبل هل الرسايل لكن الفتره الاخيره وايد قامت تجيني
حتى المتحجبه ارسلولي
:rolleyes2:

بالعكس استمتع بها والصراحه انا اقول جزاهم الله خير
على ابلاغنا ولا احنا لاهين عن الكثير من العروض المفيده لنا

اذا ماتبين سوي بلوك وانتهي الموضوع

[قطري]

توصلني هذه الرسائل المزعجة يومياً
ومن محلات مختلفة وانا والله ما اعطيتهم رقمي
واعتقد هذه الرسائل تتم بعلم من شركة الاتصال!!!
جربت استخدم خاصية حجب الرسائل الموجودة
في برنامج اوريدو الخاص بالجوال ولا حجب شي
اتصلت للكول سنتر...وكل مرة حد يفتي بشي!!!
واخرهم ردت علي موظفة وقالت لي الطريقة خطأ
اعمل الي باقولك عليه وبتوقف هذه الرسائل...
ارسل رسالة الي الرقم 92600
واكتب : UNSUB ALL
وفعلاً ارسلت هذه الرسالة وجاني التأكيد
Your UNSUB ALL request is processed successfully

والى الآن استقبل هذه الرسائل المزعجة!!!

هذه الرسائل دولياً ممنوعة حسب ماسمعت
والدليل اني اذا سافرت الى أحد الدول الاوربية
واستخدمت خط لاحد الشركات هناك؟
ماستلم مثل هذه الرسائل المزعجة...

عندنا هنا اشتر خط وبتحصل لك مشاكل
اتصل لنا وبنعمل تقرير بالمشكلة وانتظر
منا اتصال...ولا بنتصلك
وتحمل ازعاج الرسائل الدعائية
والمنة عليك بعد...

[R 7 A L]

اعتقد في كل شركات اتصالات العالم موجود هالشي

[عاشق العديد]

والله يام محمد كنج حاسه فيني ..

انا مايطلبون مني رقم ولكن رغم ذلك توصلني فاليوم اكثر منج بعد ..

توصل مسجات الي تيني حول 37 مسج ..

وخاصتن هذول حق عيادات تجميل فاليوم يطرشون لي يمكن 6 او 9 مسجات ..

وماذكر اني عطيتهم رقمي خير شر .؟

[ALJokar]

اذا عرفت الاجابة الله يخليك قول لي.





شاكرة لك مرورك والله يطول بعمر الوالدة .

لا والله للاسف قالوا انحلت المشكله والا الان مانحلت وما اعتقد يبون يحلونها 👎

[الحياة الخالدة]

احتمال تكون تجارة مربحة بالنسبة لبعض الموظفين / الموظفات في أماكن التعامل مع الجمهور المختلفة .. سواء محلات أو شركات أو مطاعم أو غيرها

بالاتفاق على إعطاءهم أرقام تليفونات و إيميلات الزباين لجهات معينة .. في مقابل نسبة أو مبلغ مادي
كنوع من أنواع التسويق و الإعلان

شلون نوقفها ؟؟ ما عندي فكرة غير الأفكار اللي انطرحت

[JN000N]

367 رسالة مب مفتوحه ف جوالي وعيزانه امسحهم
تبين تمرنين اصابعج

[بريق الحق]

الحمدلله محد يطرش لي شي
ارقامكم اسبشل شكلها انا ابو السلطه

[أم محمد 90]

بالعكس انا اشوفها ايجابيه ولا هي مصدر ازعاج ناس تعمل لك دعايه ويبلغونك بالعروض
انا من زمان مااستقبل هل الرسايل لكن الفتره الاخيره وايد قامت تجيني
حتى المتحجبه ارسلولي
:rolleyes2:

بالعكس استمتع بها والصراحه انا اقول جزاهم الله خير
على ابلاغنا ولا احنا لاهين عن الكثير من العروض المفيده لنا

اذا ماتبين سوي بلوك وانتهي الموضوع

اعتقد سبق وكررنا وكتبنا وقلنا وكل الاعضاء اتفقوا ..

ما يصير نسوي بلوك ..

ممتعة لك ؟

مزعجة لنا


يعطيك العافية .

[ضوى]

توصلني هذه الرسائل المزعجة يومياً
ومن محلات مختلفة وانا والله ما اعطيتهم رقمي
واعتقد هذه الرسائل تتم بعلم من شركة الاتصال!!!
جربت استخدم خاصية حجب الرسائل الموجودة
في برنامج اوريدو الخاص بالجوال ولا حجب شي
اتصلت للكول سنتر...وكل مرة حد يفتي بشي!!!
واخرهم ردت علي موظفة وقالت لي الطريقة خطأ
اعمل الي باقولك عليه وبتوقف هذه الرسائل...
ارسل رسالة الي الرقم 92600
واكتب : UNSUB ALL
وفعلاً ارسلت هذه الرسالة وجاني التأكيد
Your UNSUB ALL request is processed successfully

والى الآن استقبل هذه الرسائل المزعجة!!!

هذه الرسائل دولياً ممنوعة حسب ماسمعت
والدليل اني اذا سافرت الى أحد الدول الاوربية
واستخدمت خط لاحد الشركات هناك؟
ماستلم مثل هذه الرسائل المزعجة...

عندنا هنا اشتر خط وبتحصل لك مشاكل
اتصل لنا وبنعمل تقرير بالمشكلة وانتظر
منا اتصال...ولا بنتصلك
وتحمل ازعاج الرسائل الدعائية
والمنة عليك بعد...

نفس اللي صار لي ولا زلت استلم رسايل

[أم محمد 90]

توصلني هذه الرسائل المزعجة يومياً
ومن محلات مختلفة وانا والله ما اعطيتهم رقمي
واعتقد هذه الرسائل تتم بعلم من شركة الاتصال!!!
جربت استخدم خاصية حجب الرسائل الموجودة
في برنامج اوريدو الخاص بالجوال ولا حجب شي
اتصلت للكول سنتر...وكل مرة حد يفتي بشي!!!
واخرهم ردت علي موظفة وقالت لي الطريقة خطأ
اعمل الي باقولك عليه وبتوقف هذه الرسائل...
ارسل رسالة الي الرقم 92600
واكتب : UNSUB ALL
وفعلاً ارسلت هذه الرسالة وجاني التأكيد
Your UNSUB ALL request is processed successfully

والى الآن استقبل هذه الرسائل المزعجة!!!

هذه الرسائل دولياً ممنوعة حسب ماسمعت
والدليل اني اذا سافرت الى أحد الدول الاوربية
واستخدمت خط لاحد الشركات هناك؟
ماستلم مثل هذه الرسائل المزعجة...

عندنا هنا اشتر خط وبتحصل لك مشاكل
اتصل لنا وبنعمل تقرير بالمشكلة وانتظر
منا اتصال...ولا بنتصلك
وتحمل ازعاج الرسائل الدعائية
والمنة عليك بعد...

يا هلا بالمدير العام ,

خاصية حجب الرسايل ابد ماتنحجب جربت اكثر من مرة وباكثر من برنامج . مافي فايدة
وايضا الاتصال بخدمة العملاء مايجيب نتيجة

اساسا تحس الموظفين يتوهقون باسئلتنا .

بخصوص الحركة اللي عطوك اياها هي لخدمات الترفيه مثل دريمز والرنات والطقس وغيره ومش للمحلات .

والغالب الغالب ان الكلام اللي سمعته صحيح 100%


اتفاق مابين اوريدو وشركات المحلات هذي عطونا فلوس ونعطيكم لسته ناس تأذونهم بمسجاتكم .


اعتقد في كل شركات اتصالات العالم موجود هالشي


لا ؟!

تعتقد ؟

حاول تتأكد ..ّ

اقربهم دول الخليج عندي خط اماراتي صار له 6 سنين عندي وعلى كثر ماروح دبي ف السنة ما يقل عن 5 مرات ماعمره جاني مسج رغم ان احيانا اعطيهم رقمي لما اشتري شي ؟



والله يام محمد كنج حاسه فيني ..

انا مايطلبون مني رقم ولكن رغم ذلك توصلني فاليوم اكثر منج بعد ..

توصل مسجات الي تيني حول 37 مسج ..

وخاصتن هذول حق عيادات تجميل فاليوم يطرشون لي يمكن 6 او 9 مسجات ..

وماذكر اني عطيتهم رقمي خير شر .؟


عاشق ؟

ما تأيد ان الاعلانات مفروض تكون ف التلفزيون + الصحف + المجلات + الراديو + مواقع التواصل الاجتماعي ؟

ليش الازعاج وصل لباب البيت والتلفونات الشخصية ؟

مب كأنه كفاية الملاحق ف المجمعات حتى وانت تتكلم ف التلفون بيلحقك عشان تشتري ؟!!!


لا والله للاسف قالوا انحلت المشكله والا الان مانحلت وما اعتقد يبون يحلونها 👎


محتاجين رد وتوضيح من اوريدو .

[أم محمد 90]

احتمال تكون تجارة مربحة بالنسبة لبعض الموظفين / الموظفات في أماكن التعامل مع الجمهور المختلفة .. سواء محلات أو شركات أو مطاعم أو غيرها

بالاتفاق على إعطاءهم أرقام تليفونات و إيميلات الزباين لجهات معينة .. في مقابل نسبة أو مبلغ مادي
كنوع من أنواع التسويق و الإعلان

شلون نوقفها ؟؟ ما عندي فكرة غير الأفكار اللي انطرحت

بالضبط نفس الفكرة اللي في بالي واللي سمعتها من كذا شخص وخصوصا موظفة تشتغل في اوريدو .,,

المشكلة الافكار اللي انطرحت مو حل ,, لان جربناها وماجابت نتيجة .


367 رسالة مب مفتوحه ف جوالي وعيزانه امسحهم
تبين تمرنين اصابعج

هههههه اعتقد صبعي بيعضل بعد مسح هالرسايل !


الحمدلله محد يطرش لي شي
ارقامكم اسبشل شكلها انا ابو السلطه


ضريبة التميز يعني !

[المهاجر]

جربوا حظر المتصل في الايفون

نفتح الرساله ونروح تفاصيل وبعدين علامة التعجب ونختار حظر

اعتقد بعدها ماراح تجي الرسائل

[اتصالات_103]

السلام عليكم ورحمة الله وبركاته ,,

أعزائي الاعضاء ياليت كلنا نشارك في هالموضوع ولو حد يتكرم يسويه استفتاء نشوف مقارنة بين الناس اللي عادي عندها والناس اللي مو موافقة على هالشيء.

الموضوع يخص المسجات النصية (sms) اللي تجي من المحلات

سواء تنزيلات
سواء عروض خاصة
سواء بضاعة جديدة
افتتاح محل
وامور غيرها وغيرها

واكثر المحلات اللي ترسل لي هي سنتر بوينت ومحلات المجمعات الجديدة اللي في ازدان مول
حتى صيدلية بوتس
حتى الركن الرياضي

مع ان في محلات ماتذكر عطيتها رقمي..


المشكلة ؟

طلعت رقم وحفظته وصرت لما اوقف ادفع ويطلبون رقمي اعطيهم هالرقم ، كل فترة وفترة افتحه ما الاقي اي مسج من هالمحلات بس رقمي الاساسي !

وفي محلات كثيرة صارت تلزم الزبون ان يعطيهم الرقم عند الدفع ولما يقول ماعندي رقم او اي شي ثاني يبتدون يفهمونه ان الزامي الرقم للفاتورة ولسجل المحل (صارت وياي ف محل نظارات ومحل ملابس)

الموضوع مزعج وبشدة اني اقضي وقت بس امسح مسجات .

لو تبون اصور شاشه جوالي ماعندي مشكله والله العظيم يوميا ما لايقل عن 15 مسج (حاسبتهم)

هاي بس صباحا وانا بدوامي

غير عن حزة المغرب والعصر.



انا شخصياً أبي حل , المسجات هاذي تزعجني . شلون امنع هالمحلات ترسل لي مسجات ؟؟

انا مو مهتمه وتضايقني كون اني اقضي وقت بس امسح

لا تقولون غيري رقمج هذا مو حل .


الحل ان نشوف هل في ناس غيري هالموضوع مو عاجبها ؟


نبي استفتساء بحيث لو مو عاجب الاغلبية العظمي قرار يلزم هالمحلات ماترسل مسجات


جد سمعت حجي وايد عن شراء هالمحلات لارقام الناس من اوريدو ؟

وللعلم ان الناس اللي عندها فودا فون ماتعاني كثر اللي عندها اوريدو ؟ !


الموضوع مفتوح للاقتراحات والمناقشة .

أختي أم محمد هل يمكن أن ترسلي لنا رقمك في رسالة خاصة ليتحدث إليكي مسؤولي حماية المستهلك بهيئة تنظيم الاتصالات حول المشكلة ؟

[brwnzya]

صحيح ان هذي المسجات نوع من انواع الدعايه لكن للاسف مايستفيد منها المستهلك الا الازعاج فقط والمستفيد الاول والاخير شركه الاتصالات فقط اما التاجر فقد تحمل تكاليف اضافيه و المستهلك تحمل الازعاج وزحمه المسجات وياليت الكل يسأل نفسه كم مره استفاد من العروض وغيره الي ترسل عن نفسي مااستفدت ولا مره :secret: بس ازعاج

[حسن]

أختي أم محمد هل يمكن أن ترسلي لنا رقمك في رسالة خاصة ليتحدث إليكي مسؤولي حماية المستهلك بهيئة تنظيم الاتصالات حول المشكلة ؟

مشكورين يااتصالات على تواصلكم الجميل وهذا يحسب لكم

وينك ياام محمد

بشرينا وش صار في الموضوع


:telephone:

[الماريّة]

انتوا تعانون من الرسايل

وانا للحين اعاني من الشركه المزعجه
شركه رينبو:rolleyes2: جعل يغدون جاي كرك

والمشكله انهم يقولون انها للوليد بن طلال

الحين يالثري خليت بلادك وجيت تزعجنا بشركتك المزعجه

قمه الممملل والازعاج

[الماريّة]

انتوا تعانون من الرسايل

وانا للحين اعاني من الشركه المزعجه
شركه رينبو:rolleyes2: جعل يغدون جاي كرك

والمشكله انهم يقولون انها للوليد بن طلال

الحين يالثري خليت بلادك وجيت تزعجنا بشركتك المزعجه

قمه الممملل والازعاج

[الماريّة]

أختي أم محمد هل يمكن أن ترسلي لنا رقمك في رسالة خاصة ليتحدث إليكي مسؤولي حماية المستهلك بهيئة تنظيم الاتصالات حول المشكلة ؟

^
^
^
يا كيوتل انا بعد اعاني من شركه رينبو واتصالاتهم
فكوني منهم :telephone:

[مختلفة عقليا]

السلام عليكم

انا شخصيا ., احب هالمسجات ومن جيه ماعرف شنهي الطريقه لمنعهم او حجبهم

ويسلموو

[بوحارب]

انا تسسسسسسسسسندرت من هالمسجات

ياخي ماعندي فلوس اشتري لاطرشون شي يه (فيس معصب)

[JN000N]

انتوا تعانون من الرسايل

وانا للحين اعاني من الشركه المزعجه
شركه رينبو:rolleyes2: جعل يغدون جاي كرك

والمشكله انهم يقولون انها للوليد بن طلال

الحين يالثري خليت بلادك وجيت تزعجنا بشركتك المزعجه

قمه الممملل والازعاج

بلتي الويه
ماتعرفين
انا من يتصل لي المصري اقوله رقمين لك حافظتهم باسم (رنيبو لاتردين) (المزعج لاتردين)
وانت كل مره تتصل شتبي
يقولي وهفضل اتصل بيكي عشان نجيب لج الهديه
قلتله خل هديتي لك ولا تقعد تسندرني مابي من اغراضكم
وقلتله انت من كفيلك من صاحب الشركه قال مب قطري
قلتله اوكي قطري والا مب قطري ان اتصلت مره ثانيه مب احسن لك
وهو من النوع المصري اللي بيطولها وهي قصيره
لا تستحين منهم كلش
عطيه كلمتين صرخي ف ويهه وصكي التلفون وعطيه حظر

[الماريّة]

بلتي الويه
ماتعرفين
انا من يتصل لي المصري اقوله رقمين لك حافظتهم باسم (رنيبو لاتردين) (المزعج لاتردين)
وانت كل مره تتصل شتبي
يقولي وهفضل اتصل بيكي عشان نجيب لج الهديه
قلتله خل هديتي لك ولا تقعد تسندرني مابي من اغراضكم
وقلتله انت من كفيلك من صاحب الشركه قال مب قطري
قلتله اوكي قطري والا مب قطري ان اتصلت مره ثانيه مب احسن لك
وهو من النوع المصري اللي بيطولها وهي قصيره
لا تستحين منهم كلش
عطيه كلمتين صرخي ف ويهه وصكي التلفون وعطيه حظر


جنون انا مخزنه ارقامهم بسم شركه سنداره وبعد حاظرتهم
وتخيلي يتصلون من ارقام ثانيه يختي ياكثر ارقامهم

واخر مره من اسبوعين اتصل بي واحد منهم وهاوشته
وثاني يوم اتصل فيني بعد واحد من رقم غير
وعصبت صدق وهاوشته وقلت والله لاتتصلون مره ثانيه لاشكيكم للشرطه
تخويف طبعا

وحظرت ارقامهم واول ماحظرت ارقامهم على طول جاني رقم دولي بدايته +970
على طول سويت له حظرر ههههههههههه يختي خفت ليكون طرشوا لي مشعوذ هههه


والله صدق ابتلشنا فيهم وفي مخمتهم الغاليه مدري على وشو ههههه

[JN000N]

جنون انا مخزنه ارقامهم بسم شركه سنداره وبعد حاظرتهم
وتخيلي يتصلون من ارقام ثانيه يختي ياكثر ارقامهم

واخر مره من اسبوعين اتصل بي واحد منهم وهاوشته
وثاني يوم اتصل فيني بعد واحد من رقم غير
وعصبت صدق وهاوشته وقلت والله لاتتصلون مره ثانيه لاشكيكم للشرطه
تخويف طبعا

وحظرت ارقامهم واول ماحظرت ارقامهم على طول جاني رقم دولي بدايته +970
على طول سويت له حظرر ههههههههههه يختي خفت ليكون طرشوا لي مشعوذ هههه


والله صدق ابتلشنا فيهم وفي مخمتهم الغاليه مدري على وشو ههههه

والله صج بلشه
جوفي لين اتصل
قوليله وين مكانكم؟
وانت شسمك؟
ولين قال لج ليش قوليله لان انا باخذ هديتكم وباجيب لكم هديه
انا جي قلتلهم ههههههههههههه
قالي انتي كريمه واحنا نستاهل
قلتله بتعرف عقبها ان الله حق
المهم انتي خذي المعلومات وقوليله الحين عقب ما دليتكم بيني وبينكم مركز الشرطه وان جفت اتصال واحد من حد فيكم باحاول قد ما اقدر ان مصدر رزقكم هذي ينقطع
حتى لو ما قدرتي مجرد تهديد فيهم بيبعدهم عنج

[الماريّة]

والله صج بلشه
جوفي لين اتصل
قوليله وين مكانكم؟
وانت شسمك؟
ولين قال لج ليش قوليله لان انا باخذ هديتكم وباجيب لكم هديه
انا جي قلتلهم ههههههههههههه
قالي انتي كريمه واحنا نستاهل
قلتله بتعرف عقبها ان الله حق
المهم انتي خذي المعلومات وقوليله الحين عقب ما دليتكم بيني وبينكم مركز الشرطه وان جفت اتصال واحد من حد فيكم باحاول قد ما اقدر ان مصدر رزقكم هذي ينقطع
حتى لو ما قدرتي مجرد تهديد فيهم بيبعدهم عنج

بس حسب علمي انهم مالهم مكان معين شكلهم متجولين بس

والدليل ان يقولون بنوصل للبيت

[JN000N]

بس حسب علمي انهم مالهم مكان معين شكلهم متجولين بس

والدليل ان يقولون بنوصل للبيت

لالا عندهم مكان
مره قالي ونسيت
ف الطابق الاول حنه ف مكان مادري وين مجابل شي معروف
بس ناسيه بالضبط وين