مكيفات ال 3 طن

[Bin LA]

السلام عليكم و رحمة الله و بركاته

من متابعتي لهذا القسم و خصوصا المواضيع الخاصة بمكيفات السبليت لاحظت اجماع على فوجي و جنرال و جري شرط ان يكون الكمبرسور بستن

مكيفات ال 3 طن لدى فوجي و جنرال يجي عليها كمبرسور سكرول اة ما يعرف بالتروبيكال

البستن فقط في السعات الاقل

هل مكيفات فوجي و جنرال 3 طن تبريدها تعبان في درجة الحرارة العالية و يفضل اخذ 2.5 طن مع كمبرسر بستن؟؟؟؟

اتمنى استفيد من خبرتكم خصوصا الي جرب مكيفات فوجي او جنرال 3 طن.

و شكرا

[سعود.]

السلام عليكم ورحمة الله وبركاتة

شوف اخوي 3 طن معناتها بتركبها في مكان كبير مثل الصاله او المجالس

اذا كان توزيعك للمكيفات من الاساس صحيح ( بأنة يكون بعيد عن الابواب الخارجية ) اتوقع ماتكون عندك مشكلة بالتبريد خصوصا اذا النوافذ عندك عازل ( دبل قلاس ) والفريمات ubvc
وفيه حسبة للكل متر مربع لتغطية المكيف حسب اطن . ان شاء الله يفيدونك الاخوان فيها ......

وبتوفيق للجميع

[Hamad_qa]

سوْال حلو

هل فعلا ال 3 طن جنرال سكرول ، مش بستن

[Azizuk]

شوف اخوي الكمبرسر الاسكرول معمول لتخفيف في استهلاك الطاقة الكهربائية

اما كأداء كمبرسر البستن اجود من الاسكرول من ناحية قوة التبريد

عندك مكيف ماركة ترين الامريكية حجم 4 طن أغلى في السعر من كيف 5 طن

لان مكيف 4 طن يجي بستن

ومكيف 5 طن يجي سكرول وهم نفس الشركة ونفس المصنع

دليل ان يوجد فارغ كبير بين الاثنين من ناحية التبريد والسعر

[Bin LA]

شكرا على المشاركات توكلت على الله و خذت فوجي 3 طن سكرول. ان شاء الله يكون زين. عزل الغرفة مب لهناك.

[$الملياردير$]

هلا اخوي ... الله يبارك لك ان شاء الله ... انا توني طالع من فوجي الريس جميع مكيفات 1,5 و 2 طن بستن اما 2.5 و 3 طن سكرو ... انا ما اعرف ايش السكرو بس كنت موقع عقد معاهم وقالي هذي المعلومة و حبيت انقلها للفائدة .. دمتم بود

[$الملياردير$]

اسعد الله صباحكم يالربع حد يفيدني عن ال سكرو عشان يوم قلت لفوجي ابي انزل الى 2 طن عشان اتحاشى ال سكرو واكون بستن قالو عندك صالات يمكن تقل مستوى البرودة بس الله يرضى عليكم ابي اعرف وش الفرق .... و الا اترك لهم مسالة الحسابات من ناحية الطن الكافي لكل مكان . مع العلم ان حجم الوحدة الخارجية فوق السطح لل 2.5 طن اكبر من 2 طن و تتحول من بستن الى سكروا وشكرررررا

[سعود.]

سوْال حلو

هل فعلا ال 3 طن جنرال سكرول ، مش بستن

نعم سكورل ... هذا كلام موظف خدمة العملاء قالها لي اليوم الفرع الرئيسي الجديد وعندهم تنزيلات لغاية منتصف الشهر القادم ....
بس الي بعرفة ايهما افضل عن تجربة ( بستن ولا سكرول ) !!!!

[النهار]

سكرول او تروبيكال هم تسميات لروتاري ابعدوا عنهم
البستن مهما كان حجمه افضل في الاداء والتبريد والعمر الافتراضي وقليل المشاكل

[سعود.]

سكرول او تروبيكال هم تسميات لروتاري ابعدوا عنهم
البستن مهما كان حجمه افضل في الاداء والتبريد والعمر الافتراضي وقليل المشاكل


مشكور على الرد .....

بس السؤال ليش في احجام 3 طن غالبآ تجي سكرول ....
ويكون سعرها أغلى من البستن !!!!
هنا الواحد يشك ويحتار في الاختيار !!!
وانا على علمي ان البستن اقوى شي
وبعدها دخل السكرول علينا وخربط حسباتنا ....

[معماري قطري]

اللي يعزل بيته عدل بيرتاح وبتهمه نوعية مكيف زين وبس .. بيضبط الحرارة على 22 أو 23 وبتكون في عز الحر هذي درجة الداخل تقريباً في كل أَرجاء المكان .. بدون عزل صج يشتغل المكيف بكامل طاقته ولا يلحق ودرجة الحرارة مواجه التكييف باردة أكثر من اللازم وبعيد عن هواء التكييف شوي حر لأَن الحرارة تنتقل بسرعة.

واللي بيعزل صح يركب العازل بحيث يغلف الأبيام والخرسانات والطابوق الخارجي كله .. الدرايش عزلها يجي حتى من الستاير السميكة.

[hamadazoz]

ياجماعة الموضوع فيه ان

انا توني جاي من جنرال اللي هو اسد وعبدالرحيم العمادي الاصلي جنرال 3 طن عندة بستن مش روتري وسعرة 5775 وعندهم تنزيلات لين منتصف شهر 7


اما بالنسبة للمقارنة ف الروتري ما ينفع حق جو الخليج من واقع تجربة ماكمل عندي سنة ونص وبعدين شليتة وحطيت بستن في نفس الغرفة و من نفس الشركة ونفس الحجم و الحين 3 سنوات بدون مشاكل

فية نقطة تطرق لها اخوي معماري قطر اللي هو درجة حرارة المكيف اغلب الناس تضبطها على اقل درجة وبذلك الكمبريسور يتم شغال مايفصل وبذلك يتعب المكيف لكن لو تم ضبط الدرجة على الاقل بفرق درجتين الى ثلاث بيشتغل الكمبريسور ويفصل وهكذا وما يتعب المكيف


نصيحة اخيرة خلوكم ع البستن وابعدوا عن وجع الراس

[سعود.]

ياجماعة الموضوع فيه ان

انا توني جاي من جنرال اللي هو اسد وعبدالرحيم العمادي الاصلي جنرال 3 طن عندة بستن مش روتري وسعرة
5775 وعندهم تنزيلات لين منتصف شهر 7


اما بالنسبة للمقارنة ف الروتري ما ينفع حق جو الخليج من واقع تجربة ماكمل عندي سنة ونص وبعدين شليتة وحطيت بستن في نفس الغرفة و من نفس الشركة ونفس الحجم و الحين 3 سنوات بدون مشاكل

فية نقطة تطرق لها اخوي معماري قطر اللي هو درجة حرارة المكيف اغلب الناس تضبطها على اقل درجة وبذلك الكمبريسور يتم شغال مايفصل وبذلك يتعب المكيف لكن لو تم ضبط الدرجة على الاقل بفرق درجتين الى ثلاث بيشتغل الكمبريسور ويفصل وهكذا وما يتعب المكيف


نصيحة اخيرة خلوكم ع البستن وابعدوا عن وجع الراس


جنرال 3 طن ( سكرول ) .... متاكد 100 بالمئه من كلامي ... امس كنت عندهم الفرع الرئيسي ( العمادي ) العماره الجديدة قبل تقاطع ملاهي ( سنا ) على اليمين وانت جاي من شرطة العاصمة ...

كنت بالبدايه باخذ ( فوجي ) بس طلع لي عرض السعر غاااالي جدا وشكلي قررت وباخذ جنرال 2,5 بستن

[سعود.]

اللي يعزل بيته عدل بيرتاح وبتهمه نوعية مكيف زين وبس .. بيضبط الحرارة على 22 أو 23 وبتكون في عز الحر هذي درجة الداخل تقريباً في كل أَرجاء المكان .. بدون عزل صج يشتغل المكيف بكامل طاقته ولا يلحق ودرجة الحرارة مواجه التكييف باردة أكثر من اللازم وبعيد عن هواء التكييف شوي حر لأَن الحرارة تنتقل بسرعة.

واللي بيعزل صح يركب العازل بحيث يغلف الأبيام والخرسانات والطابوق الخارجي كله .. الدرايش عزلها يجي حتى من الستاير السميكة.

بالضبط 100 بالمية ...
انا حاليا مخلص مبدئيا مع شركة حجر طبيعي للفيلا كامله ومخلص مبدئيا مع ( معماري قطر )

وان شاء الله يضبط العزل

[حسن]

بالضبط 100 بالمية ...
انا حاليا مخلص مبدئيا مع شركة حجر طبيعي للفيلا كامله ومخلص مبدئيا مع ( معماري قطر )

وان شاء الله يضبط العزل

معماري قطر

توني مركب عنده

شوف ياخوي مثل ماذكر مهندس معمارياهم شي العزل
ترتاح وبتشغل عدد قليل من المكيفات

[سعود.]

معماري قطر

توني مركب عنده

شوف ياخوي مثل ماذكر مهندس معمارياهم شي العزل
ترتاح وبتشغل عدد قليل من المكيفات

اشكرك اخوي ( حسن )

وهذا الي بسوية بأذن الله

[معماري قطري]

بالضبط 100 بالمية ...
انا حاليا مخلص مبدئيا مع شركة حجر طبيعي للفيلا كامله ومخلص مبدئيا مع ( معماري قطر )

وان شاء الله يضبط العزل

إن شاء الله .. الحجر عزله بسيط جداً حسب كلام دكتور في العزل الحراري .. لو فيه فراغ بينه وبين الطابوق يكون عازل بنسبة معقولة .. ولو الفراغ هذا مهوى ويدخل الهواء ويطلع منه لو بصورة بسيطة جداً .. كأَن تكون فيه فتحات صغيرة بالدريل قرب الأَرض من تحت وقرب السقف .. يدخل الهواء الأَثقل والأَكثر كثافة بسبب برودته من الفتحات السفلية ويتحرك تدريجياً نحو الفتحات العلوية ويقلل انتقال الحرارة من خلال الهواء .. درجة العزل الأَعلى تكون بوضع أَي عازل بين الحجر والطابوق ولو ترك فراغ بسيط حتى 2 سم يسبب عدم دخول الحرارة بسبب طبقات العزل وازالة الهواء الحار بالطريقة نفسها فيكون العزل فعال لآخر درجة تقريباً .. ونوعيات العوازل كثيرة .. منها رول قصدير مع فقاعات بلاستيكية فيها غاز عازل .. ومنها البوليسترين بسماكاته وانواعه المختلفة .. ومنها الصوف الصخري .. ومنها المواد المعاد تدويرها كالجرايد والقش وغيره.

تناقشت مع أَحد مقاولي تركيب الحجر بالطريقة الميكانيكية وأَبدى قدرته على تنفيذ العمل بالعازل بالفوم وبمكينة الفوم في الموقع .. للآن أَعتقد لم يتم العمل والاتفاق عليه لكن الطريقة سهلة جداً وأتوقع غير مكلفة.

[معماري قطري]

معماري قطر

توني مركب عنده

شوف ياخوي مثل ماذكر مهندس معمارياهم شي العزل
ترتاح وبتشغل عدد قليل من المكيفات

صحيح اخوي حسن .. في بيتي كان تقدير حمل التكييف 25% تقريباً فوق اللي ركبته .. وقال مقاول التكييف على مسؤوليتك .. وعندي الصالة كبيرة ومفتوحة على دورين وفيها عدد 3 مناور سقفية وفيها أجزاء مثل المدخل ببابين ورا بعض وبدون تكييف نهائياً وصالة فوق صغيرة بدون تكييف .. وحتى المكيفات القريبة غير موجهة ناحيتها.

خوفوني لدرجة اني حسيت انها مغامرة .. فوق ركبت مكيفيين 2.5 طن وتحت 4 مكيفات 2 طن وكلهم التعيس ال جي .. الصالة مقسومة 3 أَقسام كلها مفتوحة على بعض .. قسمين 6.1 في 8.5 وقسم 6.3 في 6.1 وهذا الأَخير بارتفاع 6 أَمتار .. وكلها يدخلها النور الطبيعي والشمس من الفجر للمغرب ويتركز النور وقت الظهر ويسطع على الأَرضية .. لكن بسبب العزل الجيد نص المكيفات يشتغل وعلى درجة حرارة بين ال 20 وال 23 والحمد لله.

للوحدات اللي فوق سويت تظليل عليها بالخشب لحمايتها من قوة أشعة الشمس وانصح الكل بهذا.

[سعود.]

إن شاء الله .. الحجر عزله بسيط جداً حسب كلام دكتور في العزل الحراري .. لو فيه فراغ بينه وبين الطابوق يكون عازل بنسبة معقولة .. ولو الفراغ هذا مهوى ويدخل الهواء ويطلع منه لو بصورة بسيطة جداً .. كأَن تكون فيه فتحات صغيرة بالدريل قرب الأَرض من تحت وقرب السقف .. يدخل الهواء الأَثقل والأَكثر كثافة بسبب برودته من الفتحات السفلية ويتحرك تدريجياً نحو الفتحات العلوية ويقلل انتقال الحرارة من خلال الهواء .. درجة العزل الأَعلى تكون بوضع أَي عازل بين الحجر والطابوق ولو ترك فراغ بسيط حتى 2 سم يسبب عدم دخول الحرارة بسبب طبقات العزل وازالة الهواء الحار بالطريقة نفسها فيكون العزل فعال لآخر درجة تقريباً .. ونوعيات العوازل كثيرة .. منها رول قصدير مع فقاعات بلاستيكية فيها غاز عازل .. ومنها البوليسترين بسماكاته وانواعه المختلفة .. ومنها الصوف الصخري .. ومنها المواد المعاد تدويرها كالجرايد والقش وغيره.

تناقشت مع أَحد مقاولي تركيب الحجر بالطريقة الميكانيكية وأَبدى قدرته على تنفيذ العمل بالعازل بالفوم وبمكينة الفوم في الموقع .. للآن أَعتقد لم يتم العمل والاتفاق عليه لكن الطريقة سهلة جداً وأتوقع غير مكلفة.

جزاك الله خير اخوي ( معماري ) خووووش اقتراح

على طاري ( الفوم ) في السعودية يصبونه صب بمكاين خاصه بين فتحات الطابوق وقت البنيان وعلى مراحل ...

مدري عندنا كذا ولا .... الا اعرفه عندنا الواح فلين تجي داخل الطابوقه نفسها ....

[Azizuk]

ياجماعة الموضوع فيه ان

انا توني جاي من جنرال اللي هو اسد وعبدالرحيم العمادي الاصلي جنرال 3 طن عندة بستن مش روتري وسعرة 5775 وعندهم تنزيلات لين منتصف شهر 7


اما بالنسبة للمقارنة ف الروتري ما ينفع حق جو الخليج من واقع تجربة ماكمل عندي سنة ونص وبعدين شليتة وحطيت بستن في نفس الغرفة و من نفس الشركة ونفس الحجم و الحين 3 سنوات بدون مشاكل

فية نقطة تطرق لها اخوي معماري قطر اللي هو درجة حرارة المكيف اغلب الناس تضبطها على اقل درجة وبذلك الكمبريسور يتم شغال مايفصل وبذلك يتعب المكيف لكن لو تم ضبط الدرجة على الاقل بفرق درجتين الى ثلاث بيشتغل الكمبريسور ويفصل وهكذا وما يتعب المكيف


نصيحة اخيرة خلوكم ع البستن وابعدوا عن وجع الراس



الله يسلمك هناك اختلاف كبير بين الكمبرسر الاسكرول وكمبرسر الروتري

الروتري يجيك مروحه

اما الاسكرول يجيك لفائف حلزونية من ستيل

الهدف من الاسكرول هو تقليل استهلاك الطاقة افضل في الأداء من الروتري يتحمل الحرارة وأقل ضجيج من الكمبرسر البستن
93533

http://youtu.be/E9SsbOZi4v8

هذا مقطع فديو ويوجد مقاطع كثيرة عن السكرول كمبرسر

[معماري قطري]

جزاك الله خير اخوي ( معماري ) خووووش اقتراح

على طاري ( الفوم ) في السعودية يصبونه صب بمكاين خاصه بين فتحات الطابوق وقت البنيان وعلى مراحل ...

مدري عندنا كذا ولا .... الا اعرفه عندنا الواح فلين تجي داخل الطابوقه نفسها ....

الله يجزاك الجنة اخوي سعود

كتبت موضوع كامل عن العزل الحراري وذكرت مساؤي هذا الطابوق اللي يجي فيه الفوم .. لأَن العزل يكون ناقص وتدخل الحرارة من مكان الاسمنت ( المونة ) وتدخل من الأَبيام والأَرضيات .. حتى تستوي الأَرضيات والأَسقف حارة صيفاً باردة شتاءً .. السقف صحيح معزول من فوق بس الجوانب كلها أَبيام عريضة تنقل الحرارة للخرسانة .. وتتكدس الحرارة اللي داخلة من الأَرضيات والجوانب وحرارة الأَجسام قرب السقف وتنزل على الناس وتضغط على التكييف وقت الذروة والحرارة شديدة.

الفوم بالمكينة يفترض يدخل في تجويف متواصل ويغطي الأَبيام والخرسانات .. أَو الأَلواح الجاهزة تؤدي نفس الغرض .. فيه تخصص حديث هو هندسة العزل الحراري وهذا مهم جداً وفيه حسابات ودراسات جدوى لنوعيات معينة .. واتمنى حد مختص في هذا المجال يفيدنا أَكثر.

[سعود.]

الله يجزاك الجنة اخوي سعود


كتبت موضوع كامل عن العزل الحراري وذكرت مساؤي هذا الطابوق اللي يجي فيه الفوم .. لأَن العزل يكون ناقص وتدخل الحرارة من مكان الاسمنت ( المونة ) وتدخل من الأَبيام والأَرضيات .. حتى تستوي الأَرضيات والأَسقف حارة صيفاً باردة شتاءً .. السقف صحيح معزول من فوق بس الجوانب كلها أَبيام عريضة تنقل الحرارة للخرسانة .. وتتكدس الحرارة اللي داخلة من الأَرضيات والجوانب وحرارة الأَجسام قرب السقف وتنزل على الناس وتضغط على التكييف وقت الذروة والحرارة شديدة.

الفوم بالمكينة يفترض يدخل في تجويف متواصل ويغطي الأَبيام والخرسانات .. أَو الأَلواح الجاهزة تؤدي نفس الغرض .. فيه تخصص حديث هو هندسة العزل الحراري وهذا مهم جداً وفيه حسابات ودراسات جدوى لنوعيات معينة .. واتمنى حد مختص في هذا المجال يفيدنا أَكثر.

ويجزيك بمثله ....

انا والله ماعندي معلومة عنه . الهم اني شفته بالسعوديه وحسيت انه زين للعزل ...

وكنت انطر رد منك على هذا الموضوع .....
وجزاك الله خير ....

[حسن]

الطابوق اللي فيه قوم مانصح فيه يفك الفوم منه انابحكم تجربتي ماشفت عزل أقوى من السيبروكس ولا تحط طابوقتبن بينهم عازل فوم

[معماري قطري]

الطابوق اللي فيه قوم مانصح فيه يفك الفوم منه انابحكم تجربتي ماشفت عزل أقوى من السيبروكس ولا تحط طابوقتبن بينهم عازل فوم

بو ابروق انت شدخلك في هذي الأُمور؟ مال رحلات وبحر وحداق .. بس ما شاء الله عليك طلعت متعدد المواهب وكلامك صح 100% .. السيبوريكس شفت له تجربة غريبة .. حاطين طابوقة 10 سم سمكها وحاطين تحتها نار مشتعلة ويقولون للي يبي يجرب يلمس الطابوقة من فوق والطابوقة من السيبوريكس واللي يلمسها يحسها شوي دافية .. وجنبها طابوقة عادية ونار أصغر تحتها ومن تلمسها تحرقك يدك .. تجربة عملية على سرعة انتقال الحرارة في الطابوق العادي عن السيبوريكس

[معماري قطري]

ويجزيك بمثله ....

انا والله ماعندي معلومة عنه . الهم اني شفته بالسعوديه وحسيت انه زين للعزل ...

وكنت انطر رد منك على هذا الموضوع .....
وجزاك الله خير ....

احتمال اللي شفته حقن لتجويف بين جدارين وهذا أَكيد مسكت .. يحقنون ويكملون بناء حتى يضمنون إن العازل مغطي كل التجويف

[المعنى88]

ياجماعة الخير ..... انا مقدم على بنيان واختلفت في التصميم مع الاستشاري بحكم مساحة الصالة الواسعة وللتكيييف ... على نوع الطابوق كانت الفكرة طابوقتين مابينهم فوم تصير مساحة الطوفة 40 سم هذاراي المقاول وتكلفة عالية .... لكن الاستشاري الطابوق اللي وسطه فوم .. وانا مع الحيرة فضلت الاستشاري مع تركيب حجر عشان الحرارة ماتزيد في الصيف واوفر تكييف الدك سبليت واستمر على العادي من اسبليت رايكم يهمني ؟

[سعود.]

اووووه العزل الحراري اتركها لخوي معماري
هو الي راح يفيدك اكثر ..

[معماري قطري]

انا موجود إخوي سعود واخوي المعنى 88

استشاريينا الله يهداهم ما يعرفون العزل صح وقول لإستشاريك يقرأ مواضيع العزل هنيه يمكن يتثقف

الطابوق اللي وسطه فوم ما بيني وبينه عداوه ولا شيء .. بس علمني عنه مقاول كبير الله يغفر له تناقشت معاه حوله .. أَول شيء ضعيف وايد وتنقسم الطابوقة نصين بسهولة .. ثاني شيء المونة بين طابوقة وطابوقة تدخل الحرارة وتفقد البرودة بسرعة .. ثالث شيء تبقى عندنا الجسور الغير معزولة .. يعني السيستم ككل فاشل .. الطابوقة لوحدها عزلها زين .. بس انا باركبها ضمن نظام متكامل.

العزل نظام السندويش طوب خارجي أو طابوق أو حجر ويستحسن يكون مغلف المبنى متواصل من الأرض للسقف ولأعلى سور السقف .. بعدين يفضل يكون فراغ بسيط للتهوئة ولتفريغ الحرارة المتكدسة .. وبعدين الفوم والبعض يحط فوق الفوم رول معدني عاكس وتحت الفوم فوق الطابوق الداخلي يستحسن نحط طبقة بتومين كحماية ضد الرطوبة.

إذا الرسومات تقول عازل بطبقتين طابوق وتهرب منه المقاول وساعده الاستشاري فهذا معناه تلاعب .. وفايدة المقاول فيه معقولة .. الطابوق اللي العازل وسطه محد يبغيه ومتوفر طريقة العزل اللي ذكرتها تتطلب روابط وشرحتها بالصور في موضوع الأخ سعود. احذروا تلاعب المقاولين.

الاستشاريين عندنا ما يتخيلون جدار قائم من العوارض الأرضية لسور السقف بدون قواطع خرسانية مدعمة لذلك يعرضون الأبيام حتى تشيل الطابوق كله .. بتعريض هذي الأبيام بعد يسوون جسر حراري مفتوح ويدخل الحرارة بقوة وبعد شرحت الوضع بالرسم كم مرة .. الحل المثالي هو عزل هذي الأبيام والأرضيات .. يعني تغليف البيت كله بالعازل .. الدرايش جزء بسيط وعزلها يتكون من غشاء الهواء اللي شبه ثابت وملامس للزجاج والفريم + مادة الزجاج أو الفريم .. وهي في العادة تتكون من طبقات ومن فراغات أو فراغ .. البعض يحط فيه غاز خامل يعطي عزل اضافي والبعض يخليه هواء + الفراغ اللي بين الستارة والنافذة + مادة الستارة وطبقاتها .. يعني حتى لو عندنا درايش عادية وستارة سميكة نعوض كثير من العزل الحراري وحتى الصوتي.

حطيت مثال حق حسابات العزل وتبين شكثر قيمة العازل اللي يعطينا اياها في العزل .. وحطيت قيمة عزل الحجر وكل شيء سهل الحين من النت نقدر نسوي حسابات لدرجة العزل ونقارن شالأفضل.

[المعنى88]

شكرا معماري قطر والاخ سعود .......... استاذ معماري قريت الموضوع عن العازل الحراري وانوعه في موضوع ( أنتبهوا من المقاولين ) .... وشفت الطريقة القديمة للعزل
الا وهي طابوقة مع فوم مع نص طابوقة المقاس ( 20+5+15)= 40سم والمساحة عندي الطابق الارضي 400 متر تقريبا بما معناه ان الجسر لازم 40 سم والتكلفة للطابق الواحد تكون دبل .... لكن رايك معماري يقول الطابوق داخله فوم مايعزل الحرارة بنسبة عالية مع وجود جسر ماعليه عازل نسبة حرارة عالية داخل البيت ؟.... بس هل استخدام طابوق العازل مع الحجر يعطي عزل جيد ؟ .... لاني شفت الطابوقة مع الفوم قوية متماسكة ماتنكسر بسهولة ......... لكن رايك بالأخير يقول على الطريقة القديمة واللي تكلفتها دبل علىى تغليف البيت كله بالعازل ( مثال لو تكلفة الطابق الواحد 1000×400 = 400000 بدون عازل ) ومع العازل 40سم ( 600000 ريال ) ........... وعشان ما انسى ان استخدام الدريل مع وجود الطابوق العازل مايتاثر او ماتنكسر الطابوقة ؟

[معماري قطري]

أفضل لك ركب طابوق أو ألواح السيبوريكس .. بس بطريقة التركيب باللاصق مب بالمونة حتى ما يستوي جسر حراري بين طابوقة وطابوقة .. والجسور لازم تنعزل بعد لأَن الحرارة اللي تدخل منها والبرودة كذلك قوية .. واحد من الأهل عازل بيته يقول لي أرضية الحمامات تستوي باردة وقت الشتاء .. قلت له من الجسور العريضة .. شوف الرسم هذا يوضح القصد ان شاء الله.

شوف اخوي هذا المبدأ البسيط والصحيح .. يبقى ربط جزء الجدار الخارجي بالداخلي شرحته بالصور مرات عديدة .. في الصورة اليسار تبين لنا العارضة طالعة وغير معزولة ومعرضة للحرارة الخارجية صيفاً وللبرودة شتاءً .. وتوصل للأرضيات بسرعة.

الجزء اليسار هو الوضع الصحيح .. غلاف الجدار الخارجي ممكن يكون طابوق وممكن طوب وممكن ببساطة بلاستر على مش بلاستيك يلصق على العازل وممكن مواد صناعية كثيرة .. ممكن حجر.

http://i.imgur.com/RhBBZDQ.png

الوضع اللي يبي يسويه لك الاستشاري واللي بعد انت مايل له وتقول الطابوق قوي وزين هو هذا الوضع.

شوف الأسهم عبارة عن جسور حرارية ما يقطعها عازل وتوصل الحرارة والبرودة بقوة لداخل البيت .. والطابوق هذا نافع بنفسه لكن كسيستم شوفة عيونك هذا اللي بيصير .. بدونه أفضل وتركب طابوق عادي وخلك من العزل وخلك من الخساير .. الصح هو العزل صح لأَن أَي ثغرة مب معزولة بتكون مثل اللي مسوي مكان معزول بالكامل ومخلي الباب مفتوح .. وشوف هذي المساحات شتعادل وكم باب مفتوح للحرارة.

http://i.imgur.com/2A2wL5V.png

التغليف بالكامل لو تدري وباقي القراء يدرون شأهميته بيسويه الكل مهما كانت تكلفته .. يوفر لك حرارة متجانسة في كل البيت حتى المناطق اللي ما فيها تكييف .. المكيف يشتغل كمبريسره ويبند حسب الحاجة لطاقة التكييف .. الغلاف الداخلي اللي هو الطابوق يكون بارد من جهة الداخل ومن جهة العازل فما يكون معرض لضغوط حرارية تتسبب في شلوخ .. والطابوق الخارجي يكون معرض لحرارة قوية وقت الصيف يقطعها العازل .. العازل بالطريقة اللي تكون مثل تغليف الخرسانات وطابوق الغلاف الداخلي تحمي الخرسانات أَيضاً.

[معماري قطري]

طريقة العزل بطابوق السيبوريكس المونة تكون مادة لاصقة أو بتومين بسمك حول 1 ملم والسيبوريكس يجي منه ألواح والسيبوريكس يحطون تحته شعلة نار وتحط يدك فوق ما توصلك الحرارة .. الطابوق العادي يحس الواحد بلسعة حرارة قوية .. والتجربة شفتها على الطبيعة وجربتها في معرض وبحاول أسوي بحث عن درجة عزل السيبوريكس.