سعر بناء الفيلا عظم

[فارس الكلمة]

أرجو معرفة أسعار بناء الفلل و البيوت حتى البلاستر ( عظم ) هذه الأيام ...؟

،
،
مع الشكر و التقدير ..

[الكواري 1972]

اعتقد لمتر المربع عظم وبلاستر 1100 ريال

بعد عندك فوق موقع راحه تقدر تدخل وتحط المواصفات اللي تعجبك

بالتوفيق ان شاء الله

[captin]

من 950 ريال الى 1100 ريال للمتر المربع

غالبا ما راح تحصل فرق في الاسعار لان المواصفات لبناء العظم شبه
ثابته الا اذا حطيت مواصفات اعلى مثل الحديد الايبوكسي او الطابوق العازل
او بلاستر خرجي او بدون بلاستر

بتحصل شركات كثيرة خصوصا بعض الباكستانيين شاطرين وسريعين .

[فارس الكلمة]

الأخ الكواري

شكراً جزيلاً لتفضلك بالرد

و الشكر موصول للكابتن على هذا الرد ..

هل يمكن أن يدلني أحدكما على مقاول شاطر و سعر مناسب للعظم ..؟

[7llo]

الأخ الكواري

شكراً جزيلاً لتفضلك بالرد

و الشكر موصول للكابتن على هذا الرد ..

هل يمكن أن يدلني أحدكما على مقاول شاطر و سعر مناسب للعظم ..؟
من 900 يااخوي ï»»ين 1200 وانا طرشت لك رقم مقاول بالخاص

[بوحارب]

مرحبا فارس

منور ياخوي

والاسعار اللي اذكروها الاخوان واقعية وسعر السوق هالأيام


المقاول موجود رجل امين وشغله نظيف وبانيين عنده وعن تجربه


اذا تبغي الرقم تواصل معاي عالخاص

واي حد يامر على الرقم يتواصل معاي خاص

[Stars]

وهل السعر نفس الشيء لو كان فيه قبو في الفيلا

[سعود.]

وهل السعر نفس الشيء لو كان فيه قبو في الفيلا

القبو له تسعيرة خاصة غير البناء العادي .....

لان المقاول بيحفر اكثر وراح يحط حديد وخرسانة اكثر
جدران القبو الخارجية والسقف والدرج كلها ( خرسانة مسلحه ) وعليك الحسبه وهذا رايح يكلف المقاول اكثر واذا بركب مصعد بعد بيحسب عليك التكلفه . والقبو ياخذ وقت طويل في البناء .وبيحسب اجور العمال
وقواعدة الارضية تكون اكبر من القواعد العادية يعني تكلفتها اكثر
وفيه كلام كثير بس حبيت اختصر لك .
وهذا عن تجربة انا مخلص القبو والعمال حاليا شغالين في عمدان الدور الارضي

[سعود.]

واذا نويت على بناء القبو تاكد من منسوب ارتفاع نوافذ القبو مع الشارع . اكد عليها على اساس ماتصير لخبطه عقب في الدفان + ارضية الحوش ( سلوب ) الماي . وحديد القواعد يفضل تكون ابوكسي الحديد الاخضر . وعقب انتهاء جدران القبو لازم تعزلها من الخارج عزل مائي ....

[معماري قطري]

واذا نويت على بناء القبو تاكد من منسوب ارتفاع نوافذ القبو مع الشارع . اكد عليها على اساس ماتصير لخبطه عقب في الدفان + ارضية الحوش ( سلوب ) الماي . وحديد القواعد يفضل تكون ابوكسي الحديد الاخضر . وعقب انتهاء جدران القبو لازم تعزلها من الخارج عزل مائي ....

يفترض الاستشاري المصمم محدد كل هذي الأُمور والمشرف يتبعها بس بخرايط وبمواصفات صح

[سعود.]

يفترض الاستشاري المصمم محدد كل هذي الأُمور والمشرف يتبعها بس بخرايط وبمواصفات صح

بالضبط ياخوي معماري
المصمم عندي مبين كل شي بالخرايط ولاكن علشان ارضي شوي كانت نازلة عن الشارع . صار اختلاف في الاراء بين الاستشاري والمقاول ....
وحبيت ابين هذي النقطة . ويكون الشخص عارف وش الحاصل في البنيان ....