شنو جديدك؟!

[رهج السنابك]

المهم ملل

ملل


ملل


حدي متملله اليوم احسه وايد طويل



عفواً

مالكم بالمقدمة الي فوق بس كتبتها من الملل
ادري تمللتوا
عادي
عيل انا اتملل بروحي
تمللوا معاي

نحاسه نيهاهاهاها


شنو جديدك هالسنه برمضان؟ او برنامجك
هل خططت كيف بتقسم يومك
شنو الجديد الي بتضيفه او فكرت تضيفه لجدولك
ماندري يمكن يكون هذا اخر رمضان صح ولا لا؟ لاحد يخاف ويقول اش هالتفاول !! عادي عادي كلنا بنموت

عن نفسي الجديد بيكون

بطبخ كل يوم < معجزه
وبطلع السطح كل يوم < هاااه اشعندها!!

اي السطح يعطي جو روحاني عجيب في الصلاه هدوء وسكون والشعور بالصلاه ومافوقك غير السماء شعور جميل مع نظرات تأمل للنجوم والتأمل عباده بحد ذاتها


خلونا نستفيد من افكار بعض


وملل

[بوحارب]

كالعاده لا جديد

مللتينا بالمقدمة ترى ؛)

[رهج السنابك]

هذا المطلوب امللكم هاهاها
الحين استانست

[MirusS]

أنا هالايام صرت بليالله أقرى كلمتين وين أسويلي جدول ههه
حتى هالموضوع ماكملته :(

[نوفا91]

جديدي اني باخذ صيفي ولاول مره وفي رمضان
من كثر ماقريت مللل طرى علي الصيفي ، صجج ملللل


بعدين ماطرت علي اصلي فالسطح :)
شوي بينشرون مقطع فالواتس عبايه تصلي ، سبحان الله

[bohilal191]

كالعاده مافي شي جديد دوام في دوام

[حمد 2002]

صرت اكلم نفسي :weeping:

[رهج السنابك]

افااا معرس ويكلم نفسه

[العلياا]

كان ودي اقدم اجازة واقعد اقابل امي واخليها تعلمني الطبخ
بس ربي ما كتب لي

بخصوص الملل احس انه فايروس منتشر لان لايعقل اهل قطر كلهم في فترة وحدة يصيدهم ملل !!
جاتني الضيقة من الكلمة سمعتها عشرين مرة فالدوام

[توشيبا]

خاطري مره اجرب شي اسمه ملل

جيبو لي كيلو ملل واعطيكم خمسه كيلو وناسه

اقصد اربع ونص كيلو وناسه كككككككك


جدولي في رمضان افطر في كل بيت اعرفه

كل يوم ارز وجهي عند بيت حد قبل الاذان بدقيقه وحده ووياي خبز ايراني بلفيت جايب لهم هالخبز وبتاخر

يضطر يحلف افطر عندهم

واتغلى شوي بس بالانهايه اوافق

[بنت مريخ]

الله يبلغنا وياكم الشهر الفضيل لافاقدين ولامفقودين
كالعاده نص رمضان اجازه و صلاه قيام لين الفجر
الله يتقبل منا ومنكم صالح الاعمال ان شاءالله
كلمتج تعدي.

[رحال]

عن نفسي شهر رمضان يأخذ الطابع الروحي والديني
ويختلف عن باقي الشهور :
الاتصال بكل الأهل والأصحاب والجيران والمعارف وتهنئتهم بالعيد بالدعاء ..
التوسعة على الأسرة في الطعام والشراب والمتعة ..
إدخال السرور على الفقراء والأطفال ..
اختيار المسجد الذى أصلي فيه خصوصا صلاة التراويح وأختار الأمام الذي
يتمتع بصوت حسن وسريع وأحرص على أذكار ما بعد الصلاة والدعاء للمتوفين ..
صلة الأرحام وزيارة الأصدقاء ..
أحاول انقاص وزني لأنها فرصة لن تعوض من خلال هذا الشهر الفضيل ..
التجهيز للعيد ولسفرة مابعد العيد ..

وكل عام وأنتم بخير مقدما ،،

[العقل المدمر]

انا قررت اعتني بنفسي اكثر
بكون في اجازة وعندي وقت طويل
قررت اني ماخرب جدولي المعتاد
بقعد فالنهار وبنام الليل نفس الحين
وان شاء الله بحفظ جزء من القرآن
شوي تلاوة وشوي حفظ
وطبعا اكيد مانسى جمعة اهلي وربعي
الجمعة فرمضان لها نكهة ثانية مادري ليش
وبس والله :shy:

[نفسي عزيزه]

خاطري مره اجرب شي اسمه ملل

جيبو لي كيلو ملل واعطيكم خمسه كيلو وناسه

اقصد اربع ونص كيلو وناسه كككككككك


جدولي في رمضان افطر في كل بيت اعرفه

كل يوم ارز وجهي عند بيت حد قبل الاذان بدقيقه وحده ووياي خبز ايراني بلفيت جايب لهم هالخبز وبتاخر

يضطر يحلف افطر عندهم

واتغلى شوي بس بالانهايه اوافق

هههههههههههههههههههههههه انت داهيه

[نفسي عزيزه]

ان شاء الله رمضان السنه غير نحاول نكثف العبادات فهي فرصه وان شاء الله نحاول نحافظ ع الوزن لايطير فوق :weeping:

[.قطر.]

ان شاء الله رمضان السنه غير نحاول نكثف العبادات فهي فرصه وان شاء الله نحاول نحافظ ع الوزن لايطير فوق :weeping:
الوزن يطير فوق فجأه :weeping:

[طلعة الروح]

جديدي اني باخذ صيفي ولاول مره وفي رمضان
من كثر ماقريت مللل طرى علي الصيفي ، صجج ملللل


بعدين ماطرت علي اصلي فالسطح :)
شوي بينشرون مقطع فالواتس عبايه تصلي ، سبحان الله

بالعكس كورس الصيفي استثمار للوقت وتقليل للعبئ الأكاديمي

[غير البشر]

ان شاء الله رمضان السنه غير نحاول نكثف العبادات فهي فرصه وان شاء الله نحاول نحافظ ع الوزن لايطير فوق :weeping:



اهم شي اللسان ههههههههه

[Miss]

الله يبلغنا واياكم الشهر الفضيل
قبل كنت اروح المسجد بس عقب صرت ما روح والحين لي 3 سنين ما صليت التراويح في المسجد
فإن شاء الله السنه ناويه اروح

[مستر بن]

بافتتحح مشاريع وخرائط ف الحلم ^