هل شوارعنا حلوه واترد الروح ؟

[حمد 2002]

السلام عليكم ورحمه الله وبركاته


جماليه الشوارع بالدوله ؟


من المعروف بان من الامور المهمه بالدوله هي جماليه الشوارع ، سواءا من حيث الزراعه مابين الشوارع او بالمسات الجماليه هنا وهناك .


هل شوارعنا جميله واترد الروح ؟

[غريب الدّار]

السلام عليكم ورحمه الله وبركاته


جماليه الشوارع بالدوله ؟


من المعروف بان من الامور المهمه بالدوله هي جماليه الشوارع ، سواءا من حيث الزراعه مابين الشوارع او بالمسات الجماليه هنا وهناك .


هل شوارعنا جميله واترد الروح ؟

والله مب كلها ياحمد
واللي انا اشوفه ان التطوير شغال

[بوحمد111]

بعض الشوارع ولولا الزحمه كان احنا بخير

[أم محمد 90]

لا ابد . تجيب الضيقة والهم .

[Dana’1]

لا للأسف مافيه تشجير ولا سفلت مضبوط وزود عليها الزحمه الا كم شارع طبعا
بس. الحمدلله على كل حال بكفي نحس بالشرح لأننا عايشين بهالديره ^_^

[R 7 A L]

الشوارع ترد الروح
بس مستخدمينها مايردون الروح

[MAZEN37]

الشوارع ترد الروح
بس مستخدمينها مايردون الروح
لا مستخدمين ولا شوارع ترد الروح

[يوسف0]

اطلع الساعه 3 الفجر الشوارع ترد الروح :nice:

[حسن]

اعتقد حان وقت التغير

يوسف الكاظم

شخصيه تستحق منصب وزير لكفائته

هذا راي

شوارعنا ياحمد تنقصها الاكسجين امس كنا وقبل امس بعد
نتكلم في اهمال الزراعه والمسطحات الخضراء
رغم توفر المياه بشكل كبير ومزعج الدوله للتخلص منها
ورغم توفر التصحر الى قلب العاصمه

ورغم عدم تقصير الدوله في ضخ المليارات
العيب الاول والاخير

المسؤل القطري

!!!!

[H H]

خطأ انك تنادي شخص وتقوله وش رايك فبيتي قبل ماتخلص البنا!
اول ماتخلص هالمشاريع كلها ان شالله بنقدر نحكم.

موب على العنصر الجمالي فقط , و هندسته بعد, من زود الزحمه نص الدوحه صاروا يفهمون في هندسة الطرق!

[وطن]

قبل كان في قسم مختص بتجميل المدن

"ذهب في مهب الريح"

[بريق الحق]

اشغال يردون الروح ماشاءالله عليهم

[Rider]

شوارعنا ترد الروح مادام نشوف فيها الحفر والأغلاقات الدائمة وتحويلات تعودنا بكره اخاف نشوف شوارع نظيفه ننصدم

[Charisma]

حاليا / لا
مستقبلا / ان شاءالله

[العنيده]

بعضها يرد الروح الحمدلله من الوسع والترتيب وبعضها يضيق على الروح من الحفريات والزحمه ..

[ابوالكلام]

انا اشوف ان الدولة تصرف مبالغ للشوارع ولاكن ينقصها الجماليات الإسمنت والطابوق هو الشكل الغالب. شكرًا

[R 7 A L]

لا مستخدمين ولا شوارع ترد الروح

:rolleyes2:

[ذيب ازغوى]

مايرد الروح الا الله

[برويقن]

ينقصها الشجر الكبير ...يلطف الجو ويعطينا ظلال

[naklan]

شوارع ما فيها تشجير ولا ورود وشكلها يجيب
الفالج اما الي تتكلم عنه يرد الروح موجود
بس في سويسرا وفينا أنا ماشي لهم
ارد الروح نشوفك في الشتاء :shy:

[طبيب قطري]

طبعا اترد الروح وروعه وكلها تشويق واثاره ومغامرات ومطبات وحفر !

[fzaa_qatar]

للاسف الشديد مغظم شوارعنا تحتاج للاهتمام من الناحيه الجماليه لا شوارع مرصوفه عدل ولا قار عدل كله حفر ومطبات ولا خطوط الهاي واي مهتمين فيها مع انك تشوف اعلان المشروع فالصوره اشجار وعشب وحركات تخليك فعالم ثاني والدليل خط الشمال خط دخان وغيرها الكثير للاسف الشديد .. اللي يمر من الريان يشوف الحواجز الاعلانيه للمشروع اللي شغالين عليه الحين ولين يخلص راح يشوف الوضع غير .... واللي يقهرك اكثر واكثر لمن ايجيك مقاول يشتغل في اي شارع اتحدى اذا رجع الشارع لحالته الاصليه من قار او رصيف او انترلوك يخلص شغله ويبهدل ام الشارع ليش لان مافي رقابه صارمه تجبر المقاول على اعاده وضع الشارع كما كان عليه ولضعف اداء المقاولين.. شوارع الفرجان ايضا حالها يرثى له ... نتمنى يكون شعار قطر تستحق الافضل qatar deserve the bestحقيقه وواقع مب بس فالصور والاعلانات.. موضوعك مهم مهم جدا بس ماعتقد راح يلقى اي تجاوب من الجهات المنفذه ... شكرا لك

[الجـــوديّ]

اممممم


بعض الشوارع لي مشت فيها المرسيدس والا الجكور
والا اي سيارة غالية تبين فيها السيارة

فيه دول غنية مهما كانت السيارة غالية ونادرة
ماتبين قيمة السيارة كلش في شوارعها
من كثر مالشوارع مطررة من الثلج
ومهما جملوا فيها ما اتجمل !


على عيوب شوارعنا .. بس بعد فيها ميزة !

[طلعة الروح]

بعض الشوارع الرئيسية والتي تعتبر واجهة حضارية للدوله
يتم الاهتمام بها وتخضير جوانبها اما الشوارع الداخلية في الفرجان فحدث ولا حرج بواليع انحدارات اسفلتية تكسيرات اشغال وكهرماء وترقيعاتهم من فتره لفتره.
كذلك كثرة الشاحنات وحمولاتهم في شوارع البلد لم ترحم الاسفلت وغير كثرة سقوط الرمل والحصى من تلك الشاحنات على الشوارع الرئيسية.

[مرتبش]

لا
شوارعنا مافيها التشجير المطلوب وحدايقنا يتم اغلاقها للصيانة وتختفي.. حديقة المنتزه يمكن اقدم حديقة في الدوحة..مغلقة من سنين ونسوها.. البدع في طور الاختفاء..حديقة الحيوان تم الاخفاء وجاري الالهاء.
طريق الشمال تقاطعاته فيها تمديدات للزراعة وماشفنا شي غير تحويلة لكل جسر