حـــظر تجــــول بعد الساعة 11 مساءاً

[JN000N]

السلام عليكم ورحمة الله وبركاته


،


،



فالبداية قبل استرسل بالكلام
بغيت استفسر منكم
هل عندنا قانون حظر تجول للعزابية والعمالة الوافدة بعد الساعة 11؟

،

،


الحين نتكلم
طبيعي بنحتاج هالقانون
مب بس قانون على ورق الا لازم تطبيقه
في ظل ازدياد عدد العمالة الوافده
من جنسيات منوعة
طبقات مختلفة
أديان لها أول مالها اخر


،


بدون ماينقص من حقوقهم شي
لهم اجازاتهم لهم دواماتهم لهم امورهم الخاصة
ولكن بعد الساعه 11 خلاص
على الشركات كلها ان تمسك موظفينها

،

لازم يكون في تعميم على كل الشركات ان تتتحمل مسؤولية اي عامل وجد يتجول بعد الساعة 11


،

وكفاية تعدي على ملكياتنا وخصوصياتنا
خلاص بئه
هرمنا

[بريق الحق]

شقصدج فالعزابيه
يعني اي واحد مب متزوج بعد الساعه 11 مايطلع (:

[R 7 A L]

صعبة
الحين اكثر المحلات شغالة 24 ساعة
فشي طبيعي انحصل اجنبي عزوبي الساعة 1 يمشي في الشارع يا رايح للمحل او راجع منه

[شبح الصمت]

وعليكم السلام ورحمة الله وبركاته ،،،

نتمنى انه يتطبق هالشيء في الاحياء السكنيه الي زاد فيها عدد العمالة الوافده بالتحديد العمالة الي لا عائلة لديها ولا شيء ...


موضوعج في محله ونتمنى نشوف

وهو مش عنصرية بس حفاظا على الارواح والممتلكات الخاصة من ايدي العابثين والسارقين ..

والله يحفظ قطر اميراً وشعباً وحكومتاً من ايدي الكائدين والحاقدين والحاسدين ..




اللهم آمين

[يوسف0]

مش موجود هذا القانون لاكن الشرطه يعطيهم العافيه يحطون ثبوتات بعد الساعة 11

ليش ماتبينهم يتمشون بعد الساعه 11 ؟

واذا حد تعدى على ملكيتج الخاصة هذي جريمه يعاقب عليها القانون حسب علمي

[aloosh]

تعرف معنى كلمة منع التجوال؟
يعني ان البلد ما فيه امان وفيها اضطربات هذا منع التجول

ولا فيه قانون بالعالم يمنع التجوال اذا البلد لا يوجد به مشاكل

تبون تقعدون العالم وتنيمونهم على كيفكم

[حمد 2002]

قرارج عنصري اختي جنون ومايتوافق مع حقوق الانسان ومبادىء البشريه .

هالعمال مب ارهابين ولا مجرمين ولا فيهم مرض لكي نمنعهم من التجول وقضاء حوائجهم والترفيه عن نفسهم .


سوق السمج والخضروات ماشي بالدوله وبقوه لانه العمال والاجانب هم الي يشترون اكثر منا الصراحه .


والمولات التجاريه والمحلات ماشاء الله المبيعات فيها من احسن مايمكن بسبه الاجانب .


وكنتاكي شغال بسبه الاجانب .


والاجانب هم الي امحركين البنوك ومحلات الصرافه .

يعني الاجانب هم الي امحركين اقتصاد ابلادنا ولو مب هم كان اغلب المحلات سكرت واعلنت افلاسها .


رأيج اختي جنون فيه ريحه عنصريه ولايتماشى مع توجهات الدوله ورؤيتها .


مع فائق الشكر .

[H H]

:eek5:


اختي مافي قانون في اي دوله فالعالم يبيح لك انك تتحكمين في خروج اي انسان من بيته بعد الوقت الفلاني!
قانون الطوارء يُطبّق في حالة الحرب فقط او في حالة الاحداث السياسية الخارجه عن السيطره ويُصدر بمرسوم اميري!

وين حقوق الانسان وين حرية الفرد وين ووين ووين.

مجرّد المطالبه بهالشي بيخلينا مضحكه للشعوب الثانيه!

وعلى الطاري, الشرطه والفزعه وحتى الخويا وغيرها يبدون يسوون تفاتيش في بعض الشوارع بعد الساعه 11.
ويبدون يسالون الكل , العمّال وغيرهم عن وجهتهم وعن اوراقهم الرسميه! فقط للتاكد من سلامة وضع هالاشخاص قانونياً.
اما انهم يقولونلهم روحوا بيوتكم! هذي ماقد صارت.

الدوله مافيها عجز عن احكام السيطره على الجريمه , وبالعكس ! الله لايغير علينا , الوضع الامني ممتاز جداااااااااا!
اخر احصائيه قريتها من سنه ونص اننا فالمركز الرابع على دول العالم من ناحية الأمن والأمان.
لا وابشرك, 75% من الجرائم كانت شيكات بدون رصيد! يعني لولا هالجريمه كنا بنكون فالمركز الاول!

[JN000N]

الله يهديكم بس
مادري ليش لين حد قتح موضوع لازم بيي حد بيهاجم
زين اول شي انا حددت ان في شركات وعماله وافده
يعني من بكون اقصد؟
وثاني شي حددت بعد الساعة 11 لان العالم رقود اغلبهم وصارت وايد تعديات وبوقات وتحرشات بعد
الحين فجاه بتنكرون السكارى الي لفو من الصناعيه؟
بتنكرون كم بوقة صارت وتعديات على ممتلكات خاصه لناس وايد ف مختلف المناطق

وبالنسبة للسوبر ماركت وهالسوالف عالاقل حولهم دكاكين
انا اقصد مايدشون فرجانا ولا يقربون بيوتنا
اكي صناعية الشمال دكانهم ومعصرتهم عندهم


و الوش لو سمحت انا ماقلت بقعدهم وانيمهم ع كيفي
قلت مايطلعون يتجولون بعد هالساعه
المفروض هم رقود اصلا وراهم كراف ثاني يوم من فير الله
شيطلعهم هالحزه؟
بعدين اي امان الي تقول عنه انت؟ امانه عشان ماصادك موقف حد تعدى على مبكستك يعني خلاص صارت الدوله امان
لا يالشيخ البوقات ف كل مكان وروح امن العاصمه جوف كم شكوى اتييهم ف اليوم عن البوقات بس

[aloosh]

اختي ما فيه شي اسمه حظر تجوال سوى عزابي او طرطنقي ماله شغله
حظر التجوال شي مو هين يرد ترتيب الدول الى المصاف الاخيره مو شي هين انك تمنع ناس
وهذا يحصل فقط كما ذكرت في الدول التي ليس فيها استقرار امني

[حمد 2002]

اختي ما فيه شي اسمه حظر تجوال سوى عزابي او طرطنقي ماله شغله
حظر التجوال شي مو هين يرد ترتيب الدول الى المصاف الاخيره مو شي هين انك تمنع ناس
وهذا يحصل فقط كما ذكرت في الدول التي ليس فيها استقرار امني

:nice::nice::nice:

[JN000N]

قرارج عنصري اختي جنون ومايتوافق مع حقوق الانسان ومبادىء البشريه .

هالعمال مب ارهابين ولا مجرمين ولا فيهم مرض لكي نمنعهم من التجول وقضاء حوائجهم والترفيه عن نفسهم .


سوق السمج والخضروات ماشي بالدوله وبقوه لانه العمال والاجانب هم الي يشترون اكثر منا الصراحه .


والمولات التجاريه والمحلات ماشاء الله المبيعات فيها من احسن مايمكن بسبه الاجانب .


وكنتاكي شغال بسبه الاجانب .


والاجانب هم الي امحركين البنوك ومحلات الصرافه .

يعني الاجانب هم الي امحركين اقتصاد ابلادنا ولو مب هم كان اغلب المحلات سكرت واعلنت افلاسها .


رأيج اختي جنون فيه ريحه عنصريه ولايتماشى مع توجهات الدوله ورؤيتها .


مع فائق الشكر .

هم اوادم لهم حقوق
واحنا بهايم يعني؟
والا حقوق الانسان حاطينها عشان تتصف الغرب وتضر اهل البلد
حقوق الانسان توقف وتسكت لين دخل علي حرامي ويبته لهم جثه حذفتها عند بابهم هني خل حقوق الانسان تفكر تنطق
هذول عمال جايين فتره مؤقته يشتغلون ويروحون بلادهم
مب يايين يصيرون سكان البلد

[Charisma]

:eek5:


اختي مافي قانون في اي دوله فالعالم يبيح لك انك تتحكمين في خروج اي انسان من بيته بعد الوقت الفلاني!
قانون الطوارء يُطبّق في حالة الحرب فقط او في حالة الاحداث السياسية الخارجه عن السيطره ويُصدر بمرسوم اميري!

وين حقوق الانسان وين حرية الفرد وين ووين ووين.

مجرّد المطالبه بهالشي بيخلينا مضحكه للشعوب الثانيه!

وعلى الطاري, الشرطه والفزعه وحتى الخويا وغيرها يبدون يسوون تفاتيش في بعض الشوارع بعد الساعه 11.
ويبدون يسالون الكل , العمّال وغيرهم عن وجهتهم وعن اوراقهم الرسميه! فقط للتاكد من سلامة وضع هالاشخاص قانونياً.
اما انهم يقولونلهم روحوا بيوتكم! هذي ماقد صارت.

الدوله مافيها عجز عن احكام السيطره على الجريمه , وبالعكس ! الله لايغير علينا , الوضع الامني ممتاز جداااااااااا!
اخر احصائيه قريتها من سنه ونص اننا فالمركز الرابع على دول العالم من ناحية الأمن والأمان.
لا وابشرك, 75% من الجرائم كانت شيكات بدون رصيد! يعني لولا هالجريمه كنا بنكون فالمركز الاول!

اتفق معك ..


الفكره جيده ولكن التطبيق صعب .. " بشكل شامل ".. بالإمكان إلزام بعض الشركات وفي بعض المناطق وعلى سبيل المثال / الخور .. بمنع العماله من التجوال بعد منتصف الليل . " لان الوضع اهناك تخطى الحدود "

[يوسف0]

:eek5:


اختي مافي قانون في اي دوله فالعالم يبيح لك انك تتحكمين في خروج اي انسان من بيته بعد الوقت الفلاني!
قانون الطوارء يُطبّق في حالة الحرب فقط او في حالة الاحداث السياسية الخارجه عن السيطره ويُصدر بمرسوم اميري!

وين حقوق الانسان وين حرية الفرد وين ووين ووين.

مجرّد المطالبه بهالشي بيخلينا مضحكه للشعوب الثانيه!

وعلى الطاري, الشرطه والفزعه وحتى الخويا وغيرها يبدون يسوون تفاتيش في بعض الشوارع بعد الساعه 11.
ويبدون يسالون الكل , العمّال وغيرهم عن وجهتهم وعن اوراقهم الرسميه! فقط للتاكد من سلامة وضع هالاشخاص قانونياً.
اما انهم يقولونلهم روحوا بيوتكم! هذي ماقد صارت.

الدوله مافيها عجز عن احكام السيطره على الجريمه , وبالعكس ! الله لايغير علينا , الوضع الامني ممتاز جداااااااااا!
اخر احصائيه قريتها من سنه ونص اننا فالمركز الرابع على دول العالم من ناحية الأمن والأمان.
لا وابشرك, 75% من الجرائم كانت شيكات بدون رصيد! يعني لولا هالجريمه كنا بنكون فالمركز الاول!

اسمحلي على المداخله لاكن في قانون فسنغفوره قريب من منع التجوال وممكن يكون مفيد للدوحه بعد توفير المواصلات العامه

عندهم لوحات حمره حق السيارات تسمح لهم السواقه خارج اوقات الزحمه والعطله الأسبوعيه من الساعه 7 فاليل لين 7 الصبح والا يصكونهم مخالفه وتقدر تستخدمها فأيام الاسبوع وتدفع مبلغ رمزي ويعطونهم كوبون والا مخالفه فوق 30 ألف

وسبب شرائهم للوحات الي ذكرتها سعرها ارخص من العاديه بمراحل:)

[بريق الحق]

هم اوادم لهم حقوق
واحنا بهايم يعني؟
والا حقوق الانسان حاطينها عشان تتصف الغرب وتضر اهل البلد
حقوق الانسان توقف وتسكت لين دخل علي حرامي ويبته لهم جثه حذفتها عند بابهم هني خل حقوق الانسان تفكر تنطق
هذول عمال جايين فتره مؤقته يشتغلون ويروحون بلادهم
مب يايين يصيرون سكان البلد
حقوق الانسان خدعه علمانيه انطلت على المسلمين
كذبو وقالو حقوق الانسان

[شبح الصمت]

يا جماعة الخير الموضوع اتوقع حسب تحليلي عن العمالة الي في الاحياء السكنيه ما نعمم عالكل انهم خطر ولكن الواحد يدور الدوء قبل الفعله ..


الدوريات الخويا وغيرها والفزعة شوف العين اي عامل يشوفونه يوقفونه وياخذون اجراءاتهم فيه ..


بس المطالبة بانهم ما يطلعون مش تعدي على حرياتهم بس كامان للعوائل ..

احنا قبل كنا نفتح باب بيتنا مشرع ليل نهار وعالم الحين العالم ما تآمن تفتح الباب من تجي الساعة 11 ونص صكرووه ..


يعني الوضع تغير يعني في اشياء قاعده تصير ..

[حمد 2002]

مشاكل العمال تعتبر مشاكل بسيطه جدا ، ولايجب تهويلها وتعميمها ،

والحمد لله البلد امان ومابه مشكله .

[JN000N]

:eek5:


اختي مافي قانون في اي دوله فالعالم يبيح لك انك تتحكمين في خروج اي انسان من بيته بعد الوقت الفلاني!
قانون الطوارء يُطبّق في حالة الحرب فقط او في حالة الاحداث السياسية الخارجه عن السيطره ويُصدر بمرسوم اميري!

وين حقوق الانسان وين حرية الفرد وين ووين ووين.

مجرّد المطالبه بهالشي بيخلينا مضحكه للشعوب الثانيه!

وعلى الطاري, الشرطه والفزعه وحتى الخويا وغيرها يبدون يسوون تفاتيش في بعض الشوارع بعد الساعه 11.
ويبدون يسالون الكل , العمّال وغيرهم عن وجهتهم وعن اوراقهم الرسميه! فقط للتاكد من سلامة وضع هالاشخاص قانونياً.
اما انهم يقولونلهم روحوا بيوتكم! هذي ماقد صارت.

الدوله مافيها عجز عن احكام السيطره على الجريمه , وبالعكس ! الله لايغير علينا , الوضع الامني ممتاز جداااااااااا!
اخر احصائيه قريتها من سنه ونص اننا فالمركز الرابع على دول العالم من ناحية الأمن والأمان.
لا وابشرك, 75% من الجرائم كانت شيكات بدون رصيد! يعني لولا هالجريمه كنا بنكون فالمركز الاول!


انا ماتكلم عن قانون الطوارىء

انا قلت تعميم من الحكومة للشركات تمنع عمالها ان يطلعون عقب هالوقت
منفعه لنا ولهم
وبعدين هم يكون لهم دكاكينهم ومعاصرهم بروحهم
شالفايده الطلعه 11 ايام الاسبوع
احنا نرقد ف امان الله شوي الا طاب علينا واحد؟
هذول ضعاف نفوس مابيردهم شي
بينهم وبين بعض يتذابحون شلون علينا
انا لي الحق اطالب بالامان
انتو ماتبون الامان وتجوفون انكم امنين ف بيوتكم
الله يهنيكم بهالنعمه
انا وهلي كلنا مب مرتاحين

[يوسف0]

الله يهديكم بس
مادري ليش لين حد قتح موضوع لازم بيي حد بيهاجم
زين اول شي انا حددت ان في شركات وعماله وافده
يعني من بكون اقصد؟
وثاني شي حددت بعد الساعة 11 لان العالم رقود اغلبهم وصارت وايد تعديات وبوقات وتحرشات بعد
الحين فجاه بتنكرون السكارى الي لفو من الصناعيه؟
بتنكرون كم بوقة صارت وتعديات على ممتلكات خاصه لناس وايد ف مختلف المناطق

وبالنسبة للسوبر ماركت وهالسوالف عالاقل حولهم دكاكين
انا اقصد مايدشون فرجانا ولا يقربون بيوتنا
اكي صناعية الشمال دكانهم ومعصرتهم عندهم


و الوش لو سمحت انا ماقلت بقعدهم وانيمهم ع كيفي
قلت مايطلعون يتجولون بعد هالساعه
المفروض هم رقود اصلا وراهم كراف ثاني يوم من فير الله
شيطلعهم هالحزه؟
بعدين اي امان الي تقول عنه انت؟ امانه عشان ماصادك موقف حد تعدى على مبكستك يعني خلاص صارت الدوله امان
لا يالشيخ البوقات ف كل مكان وروح امن العاصمه جوف كم شكوى اتييهم ف اليوم عن البوقات بس

الدوله شغاله بقشع العزابيه من اماكن العائلات و بنيان مدن العمال

وان شاء الله ماتشوفين عامل فالفريج :)

[JN000N]

اتفق معك ..


الفكره جيده ولكن التطبيق صعب .. " بشكل شامل ".. بالإمكان إلزام بعض الشركات وفي بعض المناطق وعلى سبيل المثال / الخور .. بمنع العماله من التجوال بعد منتصف الليل . " لان الوضع اهناك تخطى الحدود "

مب بس ف الخور
ولكن الخور اقوى مثال
وبما ان لي صلة فيهم
الله سلمهم الي طبو عليهم هالعماله
ومب مره صارت
ومب بيت واحد
مادري شنو المصيبه اللي لازم تصير عشان الناس تحس ان الوضع خطر ومب بسيط
انت تقفل بيبانك كلها وترقد تقوم تلااقي واحد واقف قدامك

[JN000N]

اسمحلي على المداخله لاكن في قانون فسنغفوره قريب من منع التجوال وممكن يكون مفيد للدوحه بعد توفير المواصلات العامه

عندهم لوحات حمره حق السيارات تسمح لهم السواقه خارج اوقات الزحمه والعطله الأسبوعيه من الساعه 7 فاليل لين 7 الصبح والا يصكونهم مخالفه وتقدر تستخدمها فأيام الاسبوع وتدفع مبلغ رمزي ويعطونهم كوبون والا مخالفه فوق 30 ألف

وسبب شرائهم للوحات الي ذكرتها سعرها ارخص من العاديه بمراحل:)

هذي مب عنصريه؟
زين ممكن يتطبق بالفكره على موضوع التجول
وانا ماقلت الكل
انا اقصد فئات معينه لزوم تتراقب
عالاقل يكون في جهة حكوميه متابعة موضوع الشركات وعمالهم ومشاكلهم وتحط قوانين صارمة ومخالفات
تقنين للاعداد الهائله المنثره ف الشوارع
والله انهم ينكتون ف الخور كت اتيي باصاتهم تنثرهم وتروح جنهم كاتين تريب رمل

[يوسف0]

هذي مب عنصريه؟
زين ممكن يتطبق بالفكره على موضوع التجول
وانا ماقلت الكل
انا اقصد فئات معينه لزوم تتراقب
عالاقل يكون في جهة حكوميه متابعة موضوع الشركات وعمالهم ومشاكلهم وتحط قوانين صارمة ومخالفات
تقنين للاعداد الهائله المنثره ف الشوارع
والله انهم ينكتون ف الخور كت اتيي باصاتهم تنثرهم وتروح جنهم كاتين تريب رمل

مريت مره فأجازة الأسبوع الله يعينهم هل الخور :secret:

[JN000N]

حقوق الانسان خدعه علمانيه انطلت على المسلمين
كذبو وقالو حقوق الانسان

سبحان الله حقوق الانسان تنصف بالمقلوب

[العنيده]

حبيت الفكره لو تطبقت بمنعهم بالتجول في اماكن البيوت يعني في الاسواق والاماكن العامه كيفهم بس المناطق السكنيه ليش لا ..

[Dana’1]

المستحيل بزاتو لان بعض الي تقصدينهم عز سهراتهم والشرب بالليل للأسف
الا اذا تقصدين الي ساكنين وسط العوايل فهذا المفروض مايكونون موجودين من الأساس وسط العوايل وفعلا فرحنا بالقرار لكن بعض المناطق ماطبقت للأسف ومليانه عماله يتمشون ليل نهار وبالوزار!

[الحياة الخالدة]

الأخت جنون تتكلم في نقطة محددة
فالرجاء أخذ الموضوع بجدية و عدم تحويره أو قلبه طنازة و ضحك

[مستوى الدعم]

أعتقد الفكرة لها وجاهتها...
والأخت لم تتحدث بعنصرية عن العمال..
هي فقط أبدت تخوفات مشروعة.. ومدعومة بأحداث حصلت لعدة عوائل في السنوات الأخيرة
وجزاها الله خيراً أن اقترحت فكرة لحل قد يساعد في الحد من احتمالات الجريمة

ويمكن العمل على تطوير هذه الفكرة.. بحيث تخدم الأغراض الأمنية للسكان..

جميعنا مسلمون ونعلم أن العمال بشر مثلنا..
ولأنهم مثلنا فهم يحسون ولهم متطلبات ولهم نوازع.. وظروفهم تساهم في خلق مناخ للتفكير الإجرامي..
فهم عادة يأتون بدون زوجاتهم.. وهنا لا ننكر جرائم التحرشات التي زادت في البلاد..
كما زادت نسبة هروب الخادمات لأن بعضهن يلجأن لمزاولة مهن غير أخلاقية لإرضاء أولئك العمال..
ومنهم من يجد ضغطاً من أهاليهم في بلادهم لإرسال المال.. ولذلك قد يرتكبون أي شيء لتأمين حاجة أسرهم هناك

همسة للجميع: أرجو رؤية الفائدة في مقترح الأخت.. وإبداء انتقادات بناءة بعيداً عن التهكم الخفي

[العقل المدمر]

انزين والدريولية اللي يتمشون شوضعهم ؟
والا كل الحرامية عمال شركات :(
انزين واللي تقولين طبوا فبيوتهم يعني هم ماقفلوا بيبانهم ودرايشهم ؟
شلون طبوا فبيوتهم :omg:

[العلياا]

والله ما الومج بعد اللي سمعته
محنا ضد العمالة لكن اذا تواجدهم بوسط احياء سكنية ويتمشون بنصاف الليالي اكيد الاهالي بيتروعون

بس عندهم طاقة عجيبة يتمشون لين نص الليل واول ناس تصحى .
لا اله الا الله !!

[Charisma]

مب بس ف الخور
ولكن الخور اقوى مثال
وبما ان لي صلة فيهم
الله سلمهم الي طبو عليهم هالعماله
ومب مره صارت
ومب بيت واحد
مادري شنو المصيبه اللي لازم تصير عشان الناس تحس ان الوضع خطر ومب بسيط
انت تقفل بيبانك كلها وترقد تقوم تلااقي واحد واقف قدامك

الهدف واضح اخت جنون .. ولكن سن قانون من الدوله بحظر التجوال في أوقات معينه " صعبه " .. وحل المشكلة من الأساس يكمن في انشاء مناطق خاصه بالعماله تحتوي على كل المرافق والخدمات .. وبعيدة عن الأحياء السكنيه .. وأعتقد ان مثل هذه المشاريع قيد التنفيذ ونُفذ البعض منها .


مؤقتا .. بالإمكان :


إلزام الشركات للعماله بعدم التجوال ليلا .
جولات ليليه مكثفه للدوريات وخصوصا في المناطق اللتي تكثر بها العماله .
تركيب كاميرات مراقبه .. حتى لو كانت "وهميه" .





أعتقد الفكرة لها وجاهتها...
والأخت لم تتحدث بعنصرية عن العمال..
هي فقط أبدت تخوفات مشروعة.. ومدعومة بأحداث حصلت لعدة عوائل في السنوات الأخيرة
وجزاها الله خيراً أن اقترحت فكرة لحل قد يساعد في الحد من احتمالات الجريمة

ويمكن العمل على تطوير هذه الفكرة.. بحيث تخدم الأغراض الأمنية للسكان..

جميعنا مسلمون ونعلم أن العمال بشر مثلنا..
ولأنهم مثلنا فهم يحسون ولهم متطلبات ولهم نوازع.. وظروفهم تساهم في خلق مناخ للتفكير الإجرامي..
فهم عادة يأتون بدون زوجاتهم.. وهنا لا ننكر جرائم التحرشات التي زادت في البلاد..
كما زادت نسبة هروب الخادمات لأن بعضهن يلجأن لمزاولة مهن غير أخلاقية لإرضاء أولئك العمال..
ومنهم من يجد ضغطاً من أهاليهم في بلادهم لإرسال المال.. ولذلك قد يرتكبون أي شيء لتأمين حاجة أسرهم هناك

همسة للجميع: أرجو رؤية الفائدة في مقترح الأخت.. وإبداء انتقادات بناءة بعيداً عن التهكم الخفي

https://cdn2.iconfinder.com/data/icons/snipicons/500/thumbs-up-128.png

[Miss]

معاج فهالموضووع
لازم فيه قانون
تجوالهم بين البيوت غلط
يبون يتجولون يروحون صوب المحلات والجمعيات وغيره

فريجنا مطبق هالشي :fight:
من عقب 10 ما عاد تشوفين حتى القطو
قواهم الله شبابنا :strong





هذي مب عنصريه؟
زين ممكن يتطبق بالفكره على موضوع التجول
وانا ماقلت الكل
انا اقصد فئات معينه لزوم تتراقب
عالاقل يكون في جهة حكوميه متابعة موضوع الشركات وعمالهم ومشاكلهم وتحط قوانين صارمة ومخالفات
تقنين للاعداد الهائله المنثره ف الشوارع
والله انهم ينكتون ف الخور كت اتيي باصاتهم تنثرهم وتروح جنهم كاتين تريب رمل
رمل!
الا سيل سيل يا جنون
الخميس والجمعه تقولين موسم الحج

والله ما الومج بعد اللي سمعته
محنا ضد العمالة لكن اذا تواجدهم بوسط احياء سكنية ويتمشون بنصاف الليالي اكيد الاهالي بيتروعون

بس عندهم طاقة عجيبة يتمشون لين نص الليل واول ناس تصحى .
لا اله الا الله !!

وانتي اذا جات 12 وما رقدتي قلبتي الدنيا ههههههههه

[R 7 A L]

اذا بتلومون لوموا جيرانكم الي ماهمهم الا انفسهم
لاهمهم لاجار ولا عوايل
هم الغلطانيين

[توشيبا]

وعليكم السلام


بالعكس بعد الساعه 12 الليل اطلع من الدوام

يصادفني اكثر من ثوبت

مب بس ثبوت واحد

والله يعطيهم العافيه

[Dana’1]

اذا بتلومون لوموا جيرانكم الي ماهمهم الا انفسهم
لاهمهم لاجار ولا عوايل
هم الغلطانيين
صادق واحد من الاهل رفض يأجر بيته على شركات يسكنون عمال عزاب حشمه للجيران رغم ان الحي فيه كم بيت اجر عالعمال!
وصبر لين أجرها على عوائل بس اجانب


بس بعد الدوله حطت القانون المفروض يطبق صح وعالجميييع

[(ام عبدالله)]

طيب وهل هو حل لحال العزابيه ومشاكلهم ؟؟!!
بالعكس قوانين ممكن ان تحسب ضدنا ..

[bohilal191]

البيت اللي جنبي فيه عزاب وفيه عوائل شالحل

[يوسف0]

البيت اللي جنبي فيه عزاب وفيه عوائل شالحل

الحل طالع عمرك عند البلديه اتصل لهم او استخدم تطبيق الايفون مال البلديه وابلغ عن مكان العمال

والبلديه شادين حيلهم من قلب

[ضوى]

لازم يكون في تعميم على كل الشركات ان تتتحمل مسؤولية اي عامل وجد يتجول بعد الساعة 11

عزيزتي جنون

تعليقي على هالجزئية ، نعم يجب تحميل الشركة المسؤولية عند حدوث أي مخالفة من عمالها لكن تحديد وقت معين مدري ماشوفه مجدي ، المفروض اصلا العمال اماكن سكنهم تكون بعيدة عن سكن العائلات وفيه قانون بذلك ، لكن ضعاف النفوس واللي يدورون الفلوس يأجرون فللهم للعزاب وسط البيوت ، نعم العمال خطر وسط السكان قنابل موقوته ، سرقات تعدي وممكن توصل لاشياء اكبر والعياذ بالله الله يحفظنا ويحفظكم

حظر تجول مب الحل ، وجودهم بمكان بعيد تماما عن العوايل هو الحل الامثل

[بوحارب]

يعني ما نطلع خلاص :no2:


جنون انتي اجرامية وضد الحريات

ارحلي من هنا :(

[h9466]

الحقيقة فكرة جيدة جدا لكن التطبيق صعب جدا...فرضا لو صدر قرار بهذا الخصوص دول الغرب والشرق بتقوم على قطر..

[يوسف0]

الحقيقة فكرة جيدة جدا لكن التطبيق صعب جدا...فرضا لو صدر قرار بهذا الخصوص دول الغرب والشرق بتقوم على قطر..

عبالهم المثالين ذو الحريات والكمال كله الغرب اضحكوا على مغفلين افضل

بسنس حتى السياح يجيكون على العماله ههههههه (خبر فالجريده اليوم)

اكيد في سر فالموضوع

[JN000N]

يا جماعة الخير الموضوع اتوقع حسب تحليلي عن العمالة الي في الاحياء السكنيه ما نعمم عالكل انهم خطر ولكن الواحد يدور الدوء قبل الفعله ..


الدوريات الخويا وغيرها والفزعة شوف العين اي عامل يشوفونه يوقفونه وياخذون اجراءاتهم فيه ..


بس المطالبة بانهم ما يطلعون مش تعدي على حرياتهم بس كامان للعوائل ..

احنا قبل كنا نفتح باب بيتنا مشرع ليل نهار وعالم الحين العالم ما تآمن تفتح الباب من تجي الساعة 11 ونص صكرووه ..


يعني الوضع تغير يعني في اشياء قاعده تصير ..




الدواء قبل الفلعة عند البعض
والدواء عقب الفلعه عند البعض الاخر

[R 7 A L]

صادق واحد من الاهل رفض يأجر بيته على شركات يسكنون عمال عزاب حشمه للجيران رغم ان الحي فيه كم بيت اجر عالعمال!
وصبر لين أجرها على عوائل بس اجانب


بس بعد الدوله حطت القانون المفروض يطبق صح وعالجميييع


المشكلة بعض المواطنين يأجرون بيوتهم على اجبني يكذب عليهم ويقول عايلة وهم يقسمون البيت ويسكنون عزاب

[العلياا]

وانتي اذا جات 12 وما رقدتي قلبتي الدنيا ههههههههه

الناس قدرات وانا اختج :(

[JN000N]

مشاكل العمال تعتبر مشاكل بسيطه جدا ، ولايجب تهويلها وتعميمها ،

والحمد لله البلد امان ومابه مشكله .

تحط هالكلام في ذمتك؟
عطني دليل على كلامك ان مشاكلهم بسيطه
والا عشان لحين ما ياكم الراش؟

[(ام عبدالله)]

تحط هالكلام في ذمتك؟
عطني دليل على كلامك ان مشاكلهم بسيطه
والا عشان لحين ما ياكم الراش؟

وهل حظر التجوال بعد الساعه 11 سينهي مشاكلهم او حتى سيقللها ؟؟!!!

[H H]

المشكلة بعض المواطنين يأجرون بيوتهم على اجبني يكذب عليهم ويقول عايلة وهم يقسمون البيت ويسكنون عزاب


اذا اتفقوا اهل الحي على موقف واحد , من سابع المستحيلات ان عزابيه يسكنون وسط عوائل!
هالموقف صارلنا من سنه تقريبا , سكنوا لمدة اسبوعين تقريبا , ومن بعدها اختفوا من على وجه البسيطه :eek5:

[JN000N]

الدوله شغاله بقشع العزابيه من اماكن العائلات و بنيان مدن العمال

وان شاء الله ماتشوفين عامل فالفريج :)

ان شاء الله
مع ان وقت الحفريات وهالسوالف
كانو يشتغلون ليل ونهار
طواري عندنا تقفل بيبان من برا وداخل وكل شوي امي تطل علينا تجوفنا بخير ورقود او لا
الاخطاء وارده بس مانبي نفقد حد بسبب قانون مهمل او اجراءات مهمشه

[R 7 A L]

اذا اتفقوا اهل الحي على موقف واحد , من سابع المستحيلات ان عزابيه يسكنون وسط عوائل!
هالموقف صارلنا من سنه تقريبا , سكنوا لمدة اسبوعين تقريبا , ومن بعدها اختفوا من على وجه البسيطه :eek5:

موقف مع المستأجرين ولا مع راعي البيت ؟

[JN000N]

مريت مره فأجازة الأسبوع الله يعينهم هل الخور :secret:

خل حد من هل الدوحه اللي ماجاف الخور هالايام
مب بس ويكند حتى ايام الاسبوع
لكم مني فيلا كامله تكفي عشرين نفر تعالو على حسابي باتو ف ليله بس وحده
عيشو ف الخور يوم واحد مارسو فيه اعمالكم اليوميه مثل هل الخور
وعقب خل يعطوني اراءهم

[JN000N]

حبيت الفكره لو تطبقت بمنعهم بالتجول في اماكن البيوت يعني في الاسواق والاماكن العامه كيفهم بس المناطق السكنيه ليش لا ..

ايواه
لهم كل مكان يبونه ف اي وقت ويفكونا
اما بيوتنا وسكنا مالهم حق يقربونهم

زين وضع كيمرات عالاقل ف الفرجان عند المداخل والمخارج والشوارع الفرعيه

[Dana’1]

خل حد من هل الدوحه اللي ماجاف الخور هالايام
مب بس ويكند حتى ايام الاسبوع
لكم مني فيلا كامله تكفي عشرين نفر تعالو على حسابي باتو ف ليله بس وحده
عيشو ف الخور يوم واحد مارسو فيه اعمالكم اليوميه مثل هل الخور
وعقب خل يعطوني اراءهم

ماله داعي صدقيني الدوحه والرياان آه يالريان شي يخرع تقولين مكان منكوب من تراكم السيارات والجواله الأسيوين والعرب والأفارقه شي شي غير طبيعي
وبعض الأفارقه جدا جدا جدا خطرييين

[mr. abdulla]

معليش اختي انا اقول اتسوين انسحاب تكتيكي من الموضوع افضل من انك تدافعين عن مقترحك.... و انا مثل غيري منزعج من العمال.. لكن الحظر اقتراح غير عملي و غير انساني.. بس اللي مسوين لي اكثر ازعاج الشباب في المجمعات و مواقف السيارات في عطلة الويكند ... لو تمنعونهم و تجبرونهم يقعدون في بيوتهم او مجالسم افضل :)

[H H]

تحط هالكلام في ذمتك؟
عطني دليل على كلامك ان مشاكلهم بسيطه
والا عشان لحين ما ياكم الراش؟

انا احط في ذمتي!
الوضع الامني عندنا اكثر من ممتاز! الحكومة ضابطه الامن بشكل خراااااااافي!

الي يثبت كلامي او كلامك هي الاحصائيات! موب حادثه والا حادثتين صارت لناس نعرفهم!

هالموضوع نزله احد الاعضاء في 2009



تصدرت قطر الدول العربية في مؤشر الدول الأكثر أمنا وسلاما
في المرتبة 16 من بين 144 بلدا جرى تحليل معطياتها وفقا لبيانات العام 2009،

جاء ذلك في تقرير مفصل أصدره معهد علوم الاقتصاد والسلام
والذي يضم جيمي كارتر والدالاي لاما وتيد تيرنر بين رعاته الرئيسيين.

احتلت نيوزيلندا المرتبة الأولى بينما نالت الولايات المتحدة المرتبة 83،
استنادا إلى 23 مؤشرا تتضمن مبيعات الأسلحة وعدد جرائم القتل بين كل 100 ألف نسمة
وحجم أفراد الجيش واحتمال وقوع أعمال إرهابية وعدد المساجين.

عمان جاءت في المرتبة 21 بينما حلت الإمارات العربية المتحدة في المرتبة 40 والكويت 42
بينما حلت تونس في المرتبة 44. أما ليبيا فحلت في المرتبة 46 بينما جاءت مصر بالمرتبة 54 والبحرين 64
وجاءت سوريا 92 في المرتبة ثم السعودية في المرتبة 104 أما آخر القائمة فكان للعراق في المرتبة 144.

يعرف المؤشر السلام على انه غياب العنف ويأخذ بالحسبان زيادة الأزمات وتراجع احترام حقوق الإنسان
كما احتسبت الدراسة خسائر بلغت 8 تريليونات نتيجة لانتشار العنف على نطاق واسع.

وهذا رابط الموضوع http://www.qatarshares.com/vb/showthread.php?348735-%CA%D1%CA%ED%C8-%C7%E1%CF%E6%E1-%C7%E1%DA%D1%C8%ED%C9-%E3%E4-%CD%ED%CB-%C7%E1%C7%E3%E4-%E6%C7%E1%D3%E1%C7%E3%E5


وقريت من سنه ونص احصائيه عن تبوء قطر المرتبه الرابعه عالمياً والاولى عربياً بس للاسف دورت المصدر مالقيته!



الوضع الامني ممتاااااااااااز ومافي اي اي اي مبرر يجبرنا على هالقرار

[H H]

موقف مع المستأجرين ولا مع راعي البيت ؟

راعي البيت طبعاً , العُمّال مساكين , وين مايسكنونهم يسكنون.
وغالبا صاحب المشروع التجاري مايبي يتكفل بباص يوديهم ويرجعهم كم مره فاليوم.
فيدور على سكن قريب من المحل او المطعم او اياً كان مشروعهم ويفتك من المواصلات.
ومالك العقار يدور على مستأجر يدفعله ثلاثين خمسه وثلاثين فالشهر وهالشي مايلقاه من العوائل.

[mr. abdulla]

المشكلة بعض المواطنين يأجرون بيوتهم على اجبني يكذب عليهم ويقول عايلة وهم يقسمون البيت ويسكنون عزاب

و يوم راعي الفيلا يشوف ان بيته تقسم و فيه عمال تتوقع يروح يطردهم او يشتكي عليهم عند البلدية او ياخذ العشريين الف اول الشهر و يضحك ؟ مع العلم ان الفيلا المقسمة اجارة اعلى

[النهار]

عندي حل جميع المحلات تسكر بعد الساعه 11 شرط ماتحصلين حتى القطواه في الفريج
عليج افكار تودي في داهيه هههههههههههههه

[mr. abdulla]

خل حد من هل الدوحه اللي ماجاف الخور هالايام
مب بس ويكند حتى ايام الاسبوع
لكم مني فيلا كامله تكفي عشرين نفر تعالو على حسابي باتو ف ليله بس وحده
عيشو ف الخور يوم واحد مارسو فيه اعمالكم اليوميه مثل هل الخور
وعقب خل يعطوني اراءهم

العتب على هل الخور مو على العمال.. وين اصحاب البيوت الشعبية و الفلل اللي تأجرت على العمال؟؟ محد ياب العمال الخور غير اللي اجروا عليهم.. و كثير من العمال اللي في الخور غير انهم ساكنيين في الخور يشتغلون في شركات كبيرة اصحابة بعد من الخور.. ليش ما نشوف نفس المشكلة في الذخيرة.. صج في عمال بس محدودين لان الناس ما رضت تأجر بيوته القديمة على عمال و اقتنعوا بأجاراللي اييهم من العوايل

[R 7 A L]

راعي البيت طبعاً , العُمّال مساكين , وين مايسكنونهم يسكنون.
وغالبا صاحب المشروع التجاري مايبي يتكفل بباص يوديهم ويرجعهم كم مره فاليوم.
فيدور على سكن قريب من المحل او المطعم او اياً كان مشروعهم ويفتك من المواصلات.
ومالك العقار يدور على مستأجر يدفعله ثلاثين خمسه وثلاثين فالشهر وهالشي مايلقاه من العوائل.

معليش اخوي استحمل أسألتي
شلون وقفتوا في وجهه وهل سمع كلامكم ؟

[R 7 A L]

و يوم راعي الفيلا يشوف ان بيته تقسم و فيه عمال تتوقع يروح يطردهم او يشتكي عليهم عند البلدية او ياخذ العشريين الف اول الشهر و يضحك ؟ مع العلم ان الفيلا المقسمة اجارة اعلى

مانقدر انقول كلهم بعضهم اجرها على شخص والشخص سكن فيها 30 شخص
وبعضهم مثل ماذكرت ماهمة الا ال عشرين الف اخر الشهر

[H H]

العتب على هل الخور مو على العمال.. وين اصحاب البيوت الشعبية و الفلل اللي تأجرت على العمال؟؟ محد ياب العمال الخور غير اللي اجروا عليهم.. و كثير من العمال اللي في الخور غير انهم ساكنيين في الخور يشتغلون في شركات كبيرة اصحابة بعد من الخور.. ليش ما نشوف نفس المشكلة في الذخيرة.. صج في عمال بس محدودين لان الناس ما رضت تأجر بيوته القديمة على عمال و اقتنعوا بأجاراللي اييهم من العوايل


من فتره واحد يقولي عن دفع 45 الف ك ايجار فيلا , ماشالله الله يبارك لراعي البيت, بس الي مثل هذا وش الي بيجبره يدخله الاسكان ب 15 الف
والا يأجره للعوايل بهالاسعار ؟ طبيعي بيطمع بالاعلى, خصوصا اذا اهل الحي ماوقفوله وقفه وحده , والقانون ماوقف فوجهه!

الان الحمدلله الامور صارت افضل, والقانون صار مايتهاون معهم, لكن مازالت التجاوزات تصدر من مُلّاك العقار!

[JN000N]

المستحيل بزاتو لان بعض الي تقصدينهم عز سهراتهم والشرب بالليل للأسف
الا اذا تقصدين الي ساكنين وسط العوايل فهذا المفروض مايكونون موجودين من الأساس وسط العوايل وفعلا فرحنا بالقرار لكن بعض المناطق ماطبقت للأسف ومليانه عماله يتمشون ليل نهار وبالوزار!

مب ساكنين وسط العوايل
فريجنا هناك مافي عزابيه حولنا كلش
بالذات داخل الفريج
لكن من تطلعين عالشارع صوب النادي وانتي رايحه الدوار شرق جوفيهم جنهم ذبان
تحت كل حصاه اربع او خمس

[JN000N]

الأخت جنون تتكلم في نقطة محددة
فالرجاء أخذ الموضوع بجدية و عدم تحويره أو قلبه طنازة و ضحك

جزاج الله خير

[H H]

معليش اخوي استحمل أسألتي
شلون وقفتوا في وجهه وهل سمع كلامكم ؟


اكثر من 12 ساكن من سكّان الحي اجتمعوا معه مره وحده وبلّغوه عن انزعاجهم من هالموضوع.
والحمدلله استجاب بشكل سريع , خصوصا انه يدري ان القانون ضده تماماً.

[JN000N]

أعتقد الفكرة لها وجاهتها...
والأخت لم تتحدث بعنصرية عن العمال..
هي فقط أبدت تخوفات مشروعة.. ومدعومة بأحداث حصلت لعدة عوائل في السنوات الأخيرة
وجزاها الله خيراً أن اقترحت فكرة لحل قد يساعد في الحد من احتمالات الجريمة

ويمكن العمل على تطوير هذه الفكرة.. بحيث تخدم الأغراض الأمنية للسكان..

جميعنا مسلمون ونعلم أن العمال بشر مثلنا..
ولأنهم مثلنا فهم يحسون ولهم متطلبات ولهم نوازع.. وظروفهم تساهم في خلق مناخ للتفكير الإجرامي..
فهم عادة يأتون بدون زوجاتهم.. وهنا لا ننكر جرائم التحرشات التي زادت في البلاد..
كما زادت نسبة هروب الخادمات لأن بعضهن يلجأن لمزاولة مهن غير أخلاقية لإرضاء أولئك العمال..
ومنهم من يجد ضغطاً من أهاليهم في بلادهم لإرسال المال.. ولذلك قد يرتكبون أي شيء لتأمين حاجة أسرهم هناك

همسة للجميع: أرجو رؤية الفائدة في مقترح الأخت.. وإبداء انتقادات بناءة بعيداً عن التهكم الخفي

الله يجزيج خير يا مستوى الدعم
جبتيها بالضبط
المفروض انهم فعلا يجوفون الايجابيات بدل ما يكون انتقاد اضراره بتوصلهم مع الزمن

[R 7 A L]

اكثر من 12 ساكن من سكّان الحي اجتمعوا معه مره وحده وبلّغوه عن انزعاجهم من هالموضوع.
والحمدلله استجاب بشكل سريع , خصوصا انه يدري ان القانون ضده تماماً.

ماشاءالله عليهم
اشهد انهم رجال

[H H]

تصدرت دولة قطر للعام الرابع على التوالي قائمة دول الشرق الأوسط وشمال إفريقيا فى مؤشر السلام العالمي السنوي لعام 2012م والذي أصدره معهد الاقتصاد والسلام (IEP) بالعاصمة الاسترالية سيدني وتم الإعلان عنه في العاصمة الأمريكية واشنطن يـوم الثلاثاء الموافق 12/6/2012م.

وجاءت قطر في المرتبة الأولي على المستوى العربي والمرتبة أل (12) على المستوى العالمي من بين (158) دولة شملها التقرير لهذا العام بدخول (5) دول اضافية عـن العـام الماضـي الذي شمل (153) دولة ، متقدمة ثلاث درجات عن التقييم الكلي للعام الماضي حيث احرزت (1.395) درجة مقارنة بالعام السابق الذي احرزت فيه (1.398) درجة ، وتقدمت دولة قطر في ترتيبها لهذا العام 2012م على الصعيد العالمي على دولٍ مثل السويد (14 عالميا)، المانيا (15 عالميا) وماليزيا (20 عالميا) ،وسنغافورة (23) وبريطانيا (29 عالميا)، وفرنسا (40 عالميا)، وايطاليا (38 عالميا)، والولايات المتحدة (88 عالميا) ، أما على الصعيد العربي والخليجي فتقدمت دولة قطر هذا العام عن اقرب دولة تليها في الترتيب ب (34) درجة.

من ثلاث سنين
من موقع وزارة الداخليه!

http://www.moi.gov.qa/site/arabic/news/2012/06/13/26025.html

[JN000N]

انزين والدريولية اللي يتمشون شوضعهم ؟
والا كل الحرامية عمال شركات :(
انزين واللي تقولين طبوا فبيوتهم يعني هم ماقفلوا بيبانهم ودرايشهم ؟
شلون طبوا فبيوتهم :omg:

الدريوليه اغلب الاحيان يتيمعون ف بيت دريول ناس وهذي يعتمد على هل البيت اذا راضيين ان الدريوليه يتيمعون عندهم او لا
احنا مانرضى ومانخليهم يجيبونهم عندنا قدام البيت يحشرون المكان
واللي طبو ف بيوتهم مقفله بيبانهم
ولكن ستين الف طريقه يقدر الواحد يتهجم فيها على بيت

[JN000N]

الهدف واضح اخت جنون .. ولكن سن قانون من الدوله بحظر التجوال في أوقات معينه " صعبه " .. وحل المشكلة من الأساس يكمن في انشاء مناطق خاصه بالعماله تحتوي على كل المرافق والخدمات .. وبعيدة عن الأحياء السكنيه .. وأعتقد ان مثل هذه المشاريع قيد التنفيذ ونُفذ البعض منها .


مؤقتا .. بالإمكان :


إلزام الشركات للعماله بعدم التجوال ليلا .
جولات ليليه مكثفه للدوريات وخصوصا في المناطق اللتي تكثر بها العماله .
تركيب كاميرات مراقبه .. حتى لو كانت "وهميه" .






https://cdn2.iconfinder.com/data/icons/snipicons/500/thumbs-up-128.png

جزاك الله خير
انت الحين حطيت حلول
يبعدون سكنهم بعيد
مايجيبونهم سياحه فالليل
ولو يابوهم اي منطقه سياحه يخلونهم لحد وقت معين وعقب يرجعونهم

ومثل ما قلت الشركات لازم ترص عليهم وتلزمهم باتباع القوانين
والكيمرات لازم تقول صجيه مب وهميه لو مب ف كل مكان عالاقل المخارج والمداخل

[ريم الشمال]

جنون المسئلة التي تطالبن بها بيظهر لك فيها ألف عذروب
الحل بيد أهل المنطقة بحيث يتم الاتفاق على التفاهم مع هؤلاء ويفرض قانون المجتمع عليهم
وهؤلاء معظمهم يعرفون عادات المجتمع ويمكن تفاهم معهم

[غير البشر]

مرحبا بالجميع

قريت ردود اول صفحه فقط :rolleyes2:

أتوقع مقصدها بالنسبه للعماله الاجنبيه العزابيه يتجمعون داخل الفرجان وجنب البيوت الساعه 1 و 2 و3 الفجر

اذا هذا المقصد فكلامها صحيح

أتمنى منعهم ومنع تجمعهم في ها الأوقات بجانب البيوت

[qatarman8008]

هو اقتراح جنوني.. ولكن..!!
كيف سيتم صياغة القانون هذا ..؟؟
اذا كان عازب قطري مسموح.. احنبي غير مسموح..
اذا كان عمره فوق 50 مسموح.. تحت 50 غير مسموح..
اذا اجنبي عربي مسموح.. وغيره غير مسموح..
لا لا لا .. اعتقد صعب جدا صياغة قانون مثل هذا..
ومثل ما ذكر اخونا حمد2002 الاجانب لو سوينا عليهم حضرتجول بيخسر كنتاكي وغيره..
انا اشوف بعد الساعة احداعش مافيه مواطنين غير عند وقت الشاي ..

[OREO]

اذا العامل ضاقت فيه الدنيا و حاب يشم هوا او رايح ياكله شي من مطعم او يبي يروح الصيدلية او حاب يجلس على الكورنيش ,,, ليش نمنعه من حقه الرباني اللى رب العالمين اوهبه له ،،، قطر مهب سجن للعمالة الوافدة ومهب دولة تسلب حقوقهم ولله الحمد قطر دائما تفكر بحقوق الجميع ،،

من رايي الشخصي الدولة لازم تاخذ اجراء بإنشاء مناطق صناعية مع خدماتها بجميع انواعها و اشكالها لاجل العامل مايضطر يلجئ للمدن بحجة قلة الخدمات الموجودة في مناطقهم وفوق هذا متى ماحبوا يدخلون المدن حياهم الله لانهم بشر مثلنا ،،،

[النهار]

اذا العامل ضاقت فيه الدنيا و حاب يشم هوا او رايح ياكله شي من مطعم او يبي يروح الصيدلية او حاب يجلس على الكورنيش ,,, ليش نمنعه من حقه الرباني اللى رب العالمين اوهبه له ،،، قطر مهب سجن للعمالة الوافدة ومهب دولة تسلب حقوقهم ولله الحمد قطر دائما تفكر بحقوق الجميع ،،

من رايي الشخصي الدولة لازم تاخذ اجراء بإنشاء مناطق صناعية مع خدماتها بجميع انواعها و اشكالها لاجل العامل مايضطر يلجئ للمدن بحجة قلة الخدمات الموجودة في مناطقهم وفوق هذا متى ماحبوا يدخلون المدن حياهم الله لانهم بشر مثلنا ،،،

اخوي في 7 مدن عماليه قيد الانشاء تتسع من 250 الي 300 الف شخص يوم تكتمل مأعتقد تشوف حد منهم وسط الاحياء السكنيه
فيها كل شي مطاعم ومحلات واسواق وحدائق وملاعب ومستشفيات

[OREO]

اخوي في 7 مدن عماليه قيد الانشاء تتسع من 250 الي 300 الف شخص يوم تكتمل مأعتقد تشوف حد منهم وسط الاحياء السكنيه
فيها كل شي مطاعم ومحلات واسواق وحدائق وملاعب ومستشفيات

هذا الشي اللي اقصده ياخوي النهار ،،، العمال بشر مثلنا و يكسرون الخاطر والله و كفاية انهم مغتربين وجايين يسترزقون و يعيشون اهاليهم ،، الدولة ماقصرت و قاعدة تسوي كل شي بمقدورها لاجل ارضاءنا وارضاء الغير ،،،

[Bin sultan]

مب ساكنين وسط العوايل
فريجنا هناك مافي عزابيه حولنا كلش
بالذات داخل الفريج
لكن من تطلعين عالشارع صوب النادي وانتي رايحه الدوار شرق جوفيهم جنهم ذبان
تحت كل حصاه اربع او خمس
حرام عليج والله أختي،،
شهالكلام!! مهما يكون لا يجوز أن نشبه الانسان الذي كرمه الله بالذبان او بالحيوان،قال تعالى : (وَ لَقَدْ كَرَّمْنَا بَنِي آَدَمَ وَ حَمَلْنَاهُمْ فِي الْبَرِّ وَ الْبَحْرِ وَ رَزَقْنَاهُمْ مِنَ الطَّيِّبَاتِ وَ فَضَّلْنَاهُمْ عَلَى كَثِيرٍ مِمَّنْ خَلَقْنَا تَفْضِيلاً)سورة الإسراء أية 70
الصراحة مارضى تتكلمين عنهم بهالطريقة،انتي ماتعرفين شنو ظروفهم!السموحة اذا كلامي زعلج بس لو انتي تتكلمين عن المجرمين او الارهابيين منهم كان أيدج بكلامج، بس هذول مساكين يقطعوون القلب يكسرون الخاطر والله لي شفتهم يعورني قلبي،لكن دايما اتذكر انه الارزاق بيد رب العالمين ..في الاغنياء في متوسطين الحال وفي الفقارى

[naklan]

أختي جنون المفروض الحضر من شبيحة
المنطقة شبابها يحرسونها اما بالنسبة للعمال
المفروض المنطقة مغلقه من 12 ليلا الى 4
صباحا مش مهدودين في نص الليل
سرقة ومواعيد مع الخدامات ههه
تحياتي ياجنون وما اسمك
الا اول العبقرية

[نيساني]

الله يهديكم بس
مادري ليش لين حد قتح موضوع لازم بيي حد بيهاجم
زين اول شي انا حددت ان في شركات وعماله وافده
يعني من بكون اقصد؟
وثاني شي حددت بعد الساعة 11 لان العالم رقود اغلبهم وصارت وايد تعديات وبوقات وتحرشات بعد
الحين فجاه بتنكرون السكارى الي لفو من الصناعيه؟
بتنكرون كم بوقة صارت وتعديات على ممتلكات خاصه لناس وايد ف مختلف المناطق

وبالنسبة للسوبر ماركت وهالسوالف عالاقل حولهم دكاكين
انا اقصد مايدشون فرجانا ولا يقربون بيوتنا
اكي صناعية الشمال دكانهم ومعصرتهم عندهم


و الوش لو سمحت انا ماقلت بقعدهم وانيمهم ع كيفي
قلت مايطلعون يتجولون بعد هالساعه
المفروض هم رقود اصلا وراهم كراف ثاني يوم من فير الله
شيطلعهم هالحزه؟
بعدين اي امان الي تقول عنه انت؟ امانه عشان ماصادك موقف حد تعدى على مبكستك يعني خلاص صارت الدوله امان
لا يالشيخ البوقات ف كل مكان وروح امن العاصمه جوف كم شكوى اتييهم ف اليوم عن البوقات بس
والله هذا اللي ناقص نقعد العالم في بيوتهم ليش لانكم عزابيه او عماله وافده دام البلد في حاجتهم المفروض توفر لهم جميع سبل الراحه

وبخصوص الجرائم كل واحد بياخذ حقه في دولة القانون

وشكراً

[طلعة الروح]

مع تنظيم الامور الي تخدم الطرفين
بس غلظ نسن قانون غير عملي وينلغي بعد فترة.

[نفسي عزيزه]

الله يعينج ياجنون

[طلعة الروح]

اذا في حاجه ملحه او غير ملحه فمحد يقدر يمنعهم بعد تجاوزهن السن القانونى
الا اذا كان المنع بقوة القانون واثبات وجود جريمه ما بتواجدهن في هذا الوقت.

[JN000N]

والله هذا اللي ناقص نقعد العالم في بيوتهم ليش لانكم عزابيه او عماله وافده دام البلد في حاجتهم المفروض توفر لهم جميع سبل الراحه

وبخصوص الجرائم كل واحد بياخذ حقه في دولة القانون

وشكراً
اعتقد اني سبق ورديت وشرحت الفئه الي اقصدها
وقريب ان شاء الله راح يكون في اجراء ضدهم
والا والله وانا مواطنه قطريه ولي حق على بلادي
لو من يقرب من ممتلكاتنا الشخصيه ويطيح بيد عيالنا ان يردونه ديرته ف تابوت

[نمر بن عدوان]

اذا الحظر بيطبق على الجميع اوافق على الفكره اما يكون هناك استثناء لفئه غير الاخرى فهذه عنصريه وضد حقوق الانسان

[H H]

اسمحلي على المداخله لاكن في قانون فسنغفوره قريب من منع التجوال وممكن يكون مفيد للدوحه بعد توفير المواصلات العامه

عندهم لوحات حمره حق السيارات تسمح لهم السواقه خارج اوقات الزحمه والعطله الأسبوعيه من الساعه 7 فاليل لين 7 الصبح والا يصكونهم مخالفه وتقدر تستخدمها فأيام الاسبوع وتدفع مبلغ رمزي ويعطونهم كوبون والا مخالفه فوق 30 ألف

وسبب شرائهم للوحات الي ذكرتها سعرها ارخص من العاديه بمراحل:)

العذر والسموحه توني اشوف ردك.

هذي مساله اخرى تتعلق بالزحمه والمواصلات العامه وغيرها (اذا ماكنت غلطان)
مدري اذا الاسقاط يصلح لاقتراح الاخت جنون

[H H]

اذا الحظر بيطبق على الجميع اوافق على الفكره اما يكون هناك استثناء لفئه غير الاخرى فهذه عنصريه وضد حقوق الانسان

انا حتى سيارتي والله غالبا اخذها لوقود اغسلها بعد نص الليل , لو تشوف قطر بعد نص الليل والله ماتلوم الي يحبون الطلعه فهالاوقات!
شوارع فاضيه جميله هدوء روقان , شي من الآخر يابن عدوان :(

ان شالله محد بيُمنع , والامن بيكون افضل وافضل باذن الله

[JN000N]

معاج فهالموضووع
لازم فيه قانون
تجوالهم بين البيوت غلط
يبون يتجولون يروحون صوب المحلات والجمعيات وغيره

فريجنا مطبق هالشي :fight:
من عقب 10 ما عاد تشوفين حتى القطو
قواهم الله شبابنا :strong

رمل!
الا سيل سيل يا جنون
الخميس والجمعه تقولين موسم الحج

وانتي اذا جات 12 وما رقدتي قلبتي الدنيا ههههههههه

اي صوب فريجكم :telephone:
اي والله انهم سيل
المشكله انا قلت حظر تجول عقب 11 وبدا الهجوم
زين انا عطيتكم اول الخيط وانتو تناقشو مع بعض طلعولنا بحلول خلونا نطلع بفايده
انا مب يايه اسوي مشكله ومن صح ومن غلطان
هذي مشكله صارت ف منطقه ولاحقينها باقي المناطق لو ما في تدخل وحلول بيصيدهم الراش
قلت حظر تجول
يلا الباقي الحين يفكرون شلون نمنعهم يقربون من مناطقنا السكنيه؟
شلون نلزم الشركات تقبض موظفينها
هاي غير اللي شاردين بعد ومشاكلهم ادمر :omen2:

[JN000N]

اذا بتلومون لوموا جيرانكم الي ماهمهم الا انفسهم
لاهمهم لاجار ولا عوايل
هم الغلطانيين

لا تردد الكلام اللي ذبحتونا فيه كل ماشتكينا قلتو لومو نفسكم واهلهم وجيرانكم اجرو بيوتهم
مب عشان بيت والا بيت تاجرو يعني خلاص
وبعدين هذول اللي تاجرو معروفين وين ساكنين ومعروفين الي ماجرينهم
انا اتكلم عن اللي ايون ينكتون ويروحون
الخور بكبرها صارت خلطه عجيبه غريبه
ناس مادري من وين لفت
اشكال وانواع البشر

واحنا هني مايينا عشان حضرتك وغيرك كل شوي تقولون انتو غلطانين
ترى هاي مب حل!
يا انك تفيدني بحل والا بلاها اتهامات باطله من الاساس

[JN000N]

وعليكم السلام


بالعكس بعد الساعه 12 الليل اطلع من الدوام

يصادفني اكثر من ثوبت

مب بس ثبوت واحد

والله يعطيهم العافيه

الثبوت على الشوارع الرئيسية
مب فالفرجان
البلاوي تصير عند البيوت

[JN000N]

صادق واحد من الاهل رفض يأجر بيته على شركات يسكنون عمال عزاب حشمه للجيران رغم ان الحي فيه كم بيت اجر عالعمال!
وصبر لين أجرها على عوائل بس اجانب


بس بعد الدوله حطت القانون المفروض يطبق صح وعالجميييع

انتو اهل المنطقه
لو شفتو بيت فيه عمال عزابيه
بلغو عنهم
وهم يلزمونهم يطلعون ويخالفون اللي اجر عليهم
لو انتو تجوفون وتسكتون وتقولون مالنا خص الشرطه والحكومه ما بيسوون شي
الغلط من اللي يسكت حقك لا تسكت عنه

[JN000N]

طيب وهل هو حل لحال العزابيه ومشاكلهم ؟؟!!
بالعكس قوانين ممكن ان تحسب ضدنا ..

شنو الحل اصلا؟
ترى انا ذكرت نقطه وانتظرت اراء الاعضاء وبنقاشاتهم نطلع بحلول مفيده
مب عضو يدش يهاجم وانا اقعد ادافع لان انا وسط المعمعه وحضرته قاعد لي فالبراد مايدري شاللومي

[JN000N]

البيت اللي جنبي فيه عزاب وفيه عوائل شالحل

قدم شكوى وهذا ويهي اذا ما سوو شي

[JN000N]

الحل طالع عمرك عند البلديه اتصل لهم او استخدم تطبيق الايفون مال البلديه وابلغ عن مكان العمال

والبلديه شادين حيلهم من قلب

صح
ولو انتو تسكتون البلديه ما بتدري عن شي
انتو عيونهم ويجوفون منكم
مايعرفون كل شي يصير لان في تفاصيل دقيقه وامور تغيب عنهم مب ف اوراق رسميه
بلغ عنها وفالك طيب

[JN000N]

عزيزتي جنون

تعليقي على هالجزئية ، نعم يجب تحميل الشركة المسؤولية عند حدوث أي مخالفة من عمالها لكن تحديد وقت معين مدري ماشوفه مجدي ، المفروض اصلا العمال اماكن سكنهم تكون بعيدة عن سكن العائلات وفيه قانون بذلك ، لكن ضعاف النفوس واللي يدورون الفلوس يأجرون فللهم للعزاب وسط البيوت ، نعم العمال خطر وسط السكان قنابل موقوته ، سرقات تعدي وممكن توصل لاشياء اكبر والعياذ بالله الله يحفظنا ويحفظكم

حظر تجول مب الحل ، وجودهم بمكان بعيد تماما عن العوايل هو الحل الامثل

هلا فديتج
وقت من فالليل عالاقل
يوم كنت ف امريكا صوب منطقتنا السكنيه منطقه كامله كلها سكن عوايل وطلاب
لين جافو واحد بروحه يمشي فالليل يراقبونه هوم لس يطردونه
وهاي غير الكيمرات
الا وتلاقين دوريتين او ثلاث
ماكان قانون حظر واضح ولكن كان يبين ان مب اي حد يدخل هالمنطقه فهالوقت المتاخر ولو صارت ف تتم متابعته لين يتاكدون ان مافي ششي وراه

زين خل نحط كيمرات ف الفرجان تراقبها وزارة الداخليه
وخل نحط دوريات

اصلا في سكن لعمال وايد بعيد وفي مناطق معروفه
ولكن لما الشركه ماتكون راصه عليهم ومخليتهم على كيفهم فالليل يطلعون ويباعدون عن منطقتهم ويدشون البيوت
بعضهم سكارى وبعضهم حراميه وبعضهم داخلين يعتدون على حرمة هل البيت
عشان جي قلت حظر تجول
او اي شي اي حل للشركات تراقب موظفينها وعمالها عدل وتحط مخالفات قويه ويالله يالله بعد

[JN000N]

يعني ما نطلع خلاص :no2:


جنون انتي اجرامية وضد الحريات

ارحلي من هنا :(

انت بنغالي والا نيبالي :telephone:
اتكلم عن العزابيه العمال بوحارب
ركز بارك الله فيك

[المارونـــي]

شقصدج فالعزابيه
يعني اي واحد مب متزوج بعد الساعه 11 مايطلع (:

:omen2::omen2::omen2::omen2::omen2:
ايه راحت علينا ههههههههههههههههه:tease::tease:

[المارونـــي]

قدم شكوى وهذا ويهي اذا ما سوو شي

خيتو جنون انتي ماتسمعين وطني الحبيب

[R 7 A L]

لا تردد الكلام اللي ذبحتونا فيه كل ماشتكينا قلتو لومو نفسكم واهلهم وجيرانكم اجرو بيوتهم
مب عشان بيت والا بيت تاجرو يعني خلاص
وبعدين هذول اللي تاجرو معروفين وين ساكنين ومعروفين الي ماجرينهم
انا اتكلم عن اللي ايون ينكتون ويروحون
الخور بكبرها صارت خلطه عجيبه غريبه
ناس مادري من وين لفت
اشكال وانواع البشر

واحنا هني مايينا عشان حضرتك وغيرك كل شوي تقولون انتو غلطانين
ترى هاي مب حل!
يا انك تفيدني بحل والا بلاها اتهامات باطله من الاساس




صباح الخير جنون

هدي أشوي
ترا ماجاء في بالي الخور ولا كنت أقصدها
انا أقصد المناطق الي متحاوله المنطقة الصناعية
تعرفين كم عدد البشرية الي في الصناعية ؟
حول المليون
تعرفين ان اكثر الشركات الي في الصناعية شركات صغيرة واغلب الي يمتلكونها يدورون للسكن الرخيص


تدرين لولا ردي هذا ماتوصلنا للحل الي قاله أخوي hh
ان اهل الفريج يجتمعون كلهم ويكلمون الي يأجر على اجانب


اختي جنون
النقاش الهادف لازم يكون فيه اخذ وعطا حتى نخرج بنتيجة وحل مثل حل الاخ hh


اختي جنون
اسلوب الاتهام الباطل ليس اسلوبي
من أنا على شان اتهم الناس بالباطل

[شيخ الديرة]

أحد أسباب تجمع الغرباء في أماكن سكنية هو تواجد الانترنت اللي بدون باسوورد, عن تجربة.

أضف الى ذلك كما ذكر الأخوان ضرورة أيصال رسالة واضحة وجريئة عن عدم الرضا الى من يؤجر عقاره للعمال ضد القانون

[الحياة الخالدة]

أحد أسباب تجمع الغرباء في أماكن سكنية هو تواجد الانترنت اللي بدون باسوورد, عن تجربة.

أضف الى ذلك كما ذكر الأخوان ضرورة أيصال رسالة واضحة وجريئة عن عدم الرضا الى من يؤجر عقاره للعمال ضد القانون

أتفق معك تمامــــــاً .. و ياما استغربنا تجمعهم في مكان معين
و إذا عُرف السبب .. بطل العجــــب

[شيخ الديرة]

أتفق معك تمامــــــاً .. و ياما استغربنا تجمعهم في مكان معين
و إذا عُرف السبب .. بطل العجــــب

كان أحد سواق الجيران مسوي غرفته مثل قاعة انترنت والسواق الأخرين يكلمون بلادهم سكايب وفويب واللزي منو, كفيله يدري لو ما يدري؟

[JN000N]

الحقيقة فكرة جيدة جدا لكن التطبيق صعب جدا...فرضا لو صدر قرار بهذا الخصوص دول الغرب والشرق بتقوم على قطر..

مب شرط القرار يكون 100 بالضبط مثل ماذكرته
يكون اكثر سلاسه ومفروض من الشركه نفسها
مع عدم التقصير في حقوق العمال

[JN000N]

المشكلة بعض المواطنين يأجرون بيوتهم على اجبني يكذب عليهم ويقول عايلة وهم يقسمون البيت ويسكنون عزاب

والمفروض من الجيران لو جافو هالشي يبلغون على طول
ويصرون ان يتم اتخاذ اجراء ضدهم

[JN000N]

وهل حظر التجوال بعد الساعه 11 سينهي مشاكلهم او حتى سيقللها ؟؟!!!

ام عبدالله
صدقيني ما بتقتنعين ان لازم يكون في حل وقوانين تحمي العوايل الا لين طب حرامي فبيتكم

[JN000N]

اذا اتفقوا اهل الحي على موقف واحد , من سابع المستحيلات ان عزابيه يسكنون وسط عوائل!
هالموقف صارلنا من سنه تقريبا , سكنوا لمدة اسبوعين تقريبا , ومن بعدها اختفوا من على وجه البسيطه :eek5:

اذا كانو هل الفريج اصلا على قلب واحد والا كلهم قطريين وعوايل محترمه
اختلط الحابل بالنابل وصارو يسكنون الفريج مسيحيين مأذينا بجلابهم

[JN000N]

ماله داعي صدقيني الدوحه والرياان آه يالريان شي يخرع تقولين مكان منكوب من تراكم السيارات والجواله الأسيوين والعرب والأفارقه شي شي غير طبيعي
وبعض الأفارقه جدا جدا جدا خطرييين

وكلهم من وين ايون؟
الصناعية
معناته صج لازم الشركات تقبض عمالها
والا بتخسر وايد منهم
كل واحد يطب ف بيت بينذبح
للبيت حرمة ولو انتهكوها ما بيحصل خير

[JN000N]

معليش اختي انا اقول اتسوين انسحاب تكتيكي من الموضوع افضل من انك تدافعين عن مقترحك.... و انا مثل غيري منزعج من العمال.. لكن الحظر اقتراح غير عملي و غير انساني.. بس اللي مسوين لي اكثر ازعاج الشباب في المجمعات و مواقف السيارات في عطلة الويكند ... لو تمنعونهم و تجبرونهم يقعدون في بيوتهم او مجالسم افضل :)

انسحب؟ ليش
شهالجبن !!
لا ما بنسحب وبتم على رايي
لازم يكون في حل
اذا انتو راضيين مشكلتكم
انا مواطنه قطريه اطالب بالامان لي ولهلي
مابنطر حد من هلي يتضرر اكثر عشان اقول يلا انقذوني وساعدوني
يعني انت خليت العمال الاسيويين اللي لا دين ولا مله تردهم عن الحرام والغلط ونقزت على الشباب العرب والقطريين اللي ف المجمعات؟ عالاقل هذول ف مجمعات مكان عام
مب طابين بيتكم

[JN000N]

انا احط في ذمتي!
الوضع الامني عندنا اكثر من ممتاز! الحكومة ضابطه الامن بشكل خراااااااافي!

الي يثبت كلامي او كلامك هي الاحصائيات! موب حادثه والا حادثتين صارت لناس نعرفهم!

هالموضوع نزله احد الاعضاء في 2009




وهذا رابط الموضوع http://www.qatarshares.com/vb/showthread.php?348735-%CA%D1%CA%ED%C8-%C7%E1%CF%E6%E1-%C7%E1%DA%D1%C8%ED%C9-%E3%E4-%CD%ED%CB-%C7%E1%C7%E3%E4-%E6%C7%E1%D3%E1%C7%E3%E5


وقريت من سنه ونص احصائيه عن تبوء قطر المرتبه الرابعه عالمياً والاولى عربياً بس للاسف دورت المصدر مالقيته!



الوضع الامني ممتاااااااااااز ومافي اي اي اي مبرر يجبرنا على هالقرار

في 2009 قبل حتى يعلنون فوز قطر في تنظيم 2022
لاتييب لي احصائية من سنين وتقول لحين عايشين ف امان انت عايش ف الماضي ولا تجوف
معليش
الكلام جا من مسؤول في ادارة البحث الجنائي ان البلاوي اللي صايره ف الخور مب بسيطه
روح الله لا يهينك مر عليهم وشوف كم شكوى وكم قضيه وكم سرقه وكم اعتداء عقب تعال قول لي امن ممتاز
تغطي على شنو انت؟

[JN000N]

عندي حل جميع المحلات تسكر بعد الساعه 11 شرط ماتحصلين حتى القطواه في الفريج
عليج افكار تودي في داهيه هههههههههههههه

النهار ركز
افهمو يا جماعة الفكرة من الموضوع
لا تفهمون الكلام حرفي وملقن تلقين

[JN000N]

العتب على هل الخور مو على العمال.. وين اصحاب البيوت الشعبية و الفلل اللي تأجرت على العمال؟؟ محد ياب العمال الخور غير اللي اجروا عليهم.. و كثير من العمال اللي في الخور غير انهم ساكنيين في الخور يشتغلون في شركات كبيرة اصحابة بعد من الخور.. ليش ما نشوف نفس المشكلة في الذخيرة.. صج في عمال بس محدودين لان الناس ما رضت تأجر بيوته القديمة على عمال و اقتنعوا بأجاراللي اييهم من العوايل

هاي اللي فالحين فيه انتو بس
العتب على هل الخور
والعتب على هل الريان
والعتب على هل الدوحة
والعتب ياي على كل المناطق عقب
لا تتكلم عن تصرفات فرديه من كذا بيت سويتوها هل الخور كلهم
حسستوني هل الخور انقرضو وصارت منطقه عمال
العمال اللي ينكتون ف الخور يروحون سياحة للمجمع والاسوقه والحدايق والبحر
يروحون ذخيره شيسوون يتفقعون؟
انا ماتكلم حتى عن عمال سكنو في بيوتهم لان اصلا لو بتكلم عنهم الفريج اللي احنا فيه مافيه ولا عامل غير دريوليه العوايل
انا اتكلم عن العمال اللي تحذفهم الباصات ف الشوارع ويتمون يغوغون ف الخور يومين ثلاث ايام
ونصهم يروحون والنص الثاني لحين منرش ما راح

[المهاجر]

هو مطلوب تقنين الأمر او وضع ضوابط للعماله العزابيه في اوقات تواجدهم في الاحياء السكنيه

المفترض ما يتواجدون بالاحياء في اوقات متأخره ليلا

لان مالهم حاجه في ذلك وتواجدهم فيهة خطوره

اما الاماكن العامه فعادي


ا

[JN000N]

مانقدر انقول كلهم بعضهم اجرها على شخص والشخص سكن فيها 30 شخص
وبعضهم مثل ماذكرت ماهمة الا ال عشرين الف اخر الشهر

ايييوه جذي
حالات فردية لبعض الاشخاص
وبعضهم اجرو على اساس اللي بيسكنون عوايل
وطبعا هو عليه يقبض اخر الشهر
شدراه ان هالشخص اصلا بييب عزابيه وبيسكنهم

[يمامـة]

ما اشوف انه يحق لنا بالمطالبة بفرض حظر تجول على العمالة الوافدة يا جنون..

لأن مب كل العمال سكارى ولا كلهم حرامية ولا كلهم يسوون بلبلة..
ممكن نطالب بزيادة اعداد رجال الامن في المناطق المتضررة لكن حظر تجول ( ضد )

طلعتي قاسية وفيج نزعة دكتاتورية( بكيتي البكي من هالاقتراح):weeping:

[JN000N]

من ثلاث سنين
من موقع وزارة الداخليه!

http://www.moi.gov.qa/site/arabic/news/2012/06/13/26025.html

انا مابيك تييب لي كلام من النت من كم سنه محطوط
انا يبت كلام مسؤول
وروح انت دامك مشتط تبي تثبت العكس ان احنا في امان
هات لي دليل فعلي وياليت تسوي مقابله مع شخص مسؤول في ادارة البحث الجنائي وتعال وحط اسمه ورتبته وقول انه قال ان الامن ممتاااااااز




انا فتحت الموضوع عشان ابغي نتحد وندور حلول واقتراحات عقب ما نطلع بها نفتحها بموضوع يديد ونجوف المؤيدين ونناقش الايجابيات والسلبيات
اذا اليوم واحد ماهمه الموضوع لان ماصارت له تجربه سابقه
خل يحط فباله ان ولو مسوي جميع احتياطاته بيجيه يوم وبيجرب المعاناه
وقتها لا يشتكي
وخل يتذكر انه وقف ضد الحلول في وقف هالمشاكل

[JN000N]

جنون المسئلة التي تطالبن بها بيظهر لك فيها ألف عذروب
الحل بيد أهل المنطقة بحيث يتم الاتفاق على التفاهم مع هؤلاء ويفرض قانون المجتمع عليهم
وهؤلاء معظمهم يعرفون عادات المجتمع ويمكن تفاهم معهم

اوكي معليه نقول ان كلمة حظر تجوال (سببت ازمه للبعض)
هو مصطلح يصف حاله
زين من انتبه ان الموضوع يقول لازم وضع قوانين للشركات وفرض عليهم عقوبات ومخالفات لو تساهلو ف هالمواضيع ولازم يمنعونهم من التجوال عن المناطق السكنيه ؟
اهل المنطقه اليوم بيتفقون
وبكره بيتفقون
واللي بعده؟
ماعندهم شغل كل يوم اتفاقيات ومؤتمرات قمه
انا اتكلم عن العمال المنثرين
الي يدخلون الفرجان فانصاف الليالي
اييج عامل مراقب الوضع من مده
ويعرف هالبيت وعددهم
ناويها بوقه
ترى مب حاله وحده ولا ثنتين ولا عشر
والله انهم وااااااايد

[JN000N]

مرحبا بالجميع

قريت ردود اول صفحه فقط :rolleyes2:

أتوقع مقصدها بالنسبه للعماله الاجنبيه العزابيه يتجمعون داخل الفرجان وجنب البيوت الساعه 1 و 2 و3 الفجر

اذا هذا المقصد فكلامها صحيح

أتمنى منعهم ومنع تجمعهم في ها الأوقات بجانب البيوت

الجماعه قرو العنوان
وخذتهم الحميه والفزعه للعمال
معليه خل يصيدهم الراش
وان غدا لناظره قريب :)

[JN000N]

هو اقتراح جنوني.. ولكن..!!
كيف سيتم صياغة القانون هذا ..؟؟
اذا كان عازب قطري مسموح.. احنبي غير مسموح..
اذا كان عمره فوق 50 مسموح.. تحت 50 غير مسموح..
اذا اجنبي عربي مسموح.. وغيره غير مسموح..
لا لا لا .. اعتقد صعب جدا صياغة قانون مثل هذا..
ومثل ما ذكر اخونا حمد2002 الاجانب لو سوينا عليهم حضرتجول بيخسر كنتاكي وغيره..
انا اشوف بعد الساعة احداعش مافيه مواطنين غير عند وقت الشاي ..

مب قانون عام ينفرض للمواطنين والمقيمين
ابدا مب جذي
هو تعميم يرسل للشركات عشان تنتبه على عمالها اكثر
الشركه المخالفه عقوبتها قاسيه بتكون
ويتم التعامل معاهم بحزم
الشركات هي اللي تفرض على العمال ما يباعدون عن سكنهم ومنطقتهم الخاصه فيهم من بعد الساعه 11
واللي ما يكون متواجد ف ذيك الفتره عقب ما يتم التاكد من وجود يتم التبليغ عنه حتى الداخليه تكون محتاطه لاي حركة غريبه تصير
نحاول نقلل المشاكل والمصايب قد مانقدر

[يمامـة]

الجماعه قرو العنوان
وخذتهم الحميه والفزعه للعمال
معليه خل يصيدهم الراش
وان غدا لناظره قريب :)

احنا صادنا الراش.. سكران دخل حوش بيت ابوي من الباب الصغير..
وسكران ثاني يقول حق اخوي ابي انام.. وثالث داش سيارة اختي يقيل فيها :anger1:

بس هذا معناته ان نصدر امر بحظر تجول للعمالة في الفرجان
لأن السكران ما في حد بيصيده وبيحجر على طلوعه..
والحرامية اذا حبوا يبوقون وطبقوا عليهم حظر التجول في منطقتهم.. بينتشرون في مناطق
مافيها حظر للتجول وبيبسطون فيها للبوقات و الصبح بيردون بيوتهم..

فإذا كنا نبحث عن حلول لابد ان نطرح حلول منطقية..
وفوقه احنا المتضررين لاد ان نزداد احتياط وانأمن بيوتنا بشكل اكبر..

وشكرا لكم..

[JN000N]

اذا العامل ضاقت فيه الدنيا و حاب يشم هوا او رايح ياكله شي من مطعم او يبي يروح الصيدلية او حاب يجلس على الكورنيش ,,, ليش نمنعه من حقه الرباني اللى رب العالمين اوهبه له ،،، قطر مهب سجن للعمالة الوافدة ومهب دولة تسلب حقوقهم ولله الحمد قطر دائما تفكر بحقوق الجميع ،،
ابدا مش ممنوع انه يروح هالاماكن
له الحريه المطلقه يروح اي مكان عام
بس لا يدخلون المناطق السكنيه
من رايي الشخصي الدولة لازم تاخذ اجراء بإنشاء مناطق صناعية مع خدماتها بجميع انواعها و اشكالها لاجل العامل مايضطر يلجئ للمدن بحجة قلة الخدمات الموجودة في مناطقهم وفوق هذا متى ماحبوا يدخلون المدن حياهم الله لانهم بشر مثلنا ،،،
اشكرك عالاقتراح
على الاقل حل من الحلول اللي ممكن ان نقلل فيها من المشاكل

[JN000N]

اخوي في 7 مدن عماليه قيد الانشاء تتسع من 250 الي 300 الف شخص يوم تكتمل مأعتقد تشوف حد منهم وسط الاحياء السكنيه
فيها كل شي مطاعم ومحلات واسواق وحدائق وملاعب ومستشفيات

حلو يعني حل من الحلول قيد التنفيذ
نبي حلول ثانيه
كيمرات ف الفرجان؟
دوريات؟
قوانين مفروضه على الشركات؟

[JN000N]

هذا الشي اللي اقصده ياخوي النهار ،،، العمال بشر مثلنا و يكسرون الخاطر والله و كفاية انهم مغتربين وجايين يسترزقون و يعيشون اهاليهم ،، الدولة ماقصرت و قاعدة تسوي كل شي بمقدورها لاجل ارضاءنا وارضاء الغير ،،،

انا ما اعتبرهم بهايم عشان اعاملهم بقسوه
لكن وقع الضرر منهم وزاد
مالوم البقيه
ولكن الاغلبيه ضعاف نفوس
ماندري شدينهم وشملتهم شوضعهم ونفسيتهم
انت بتحط الذهب مكشوف قدام خدامه فقيره وتبيها ما تبوقه؟ طبيعي بتبوق صح
زين البيوت شنسوي فيها نحوطها بسور وشبك مكهرب؟
والا الشركات نفسها تكون مسؤوله عن عمالها
خل يطلعون
خل يستانسون
خل يدورون قطر من شمالها لجنوبها
ومن شرقها لغربها
لكن عقب الساعه 11 ممنوع تواجدهم عن المناطق السكنيه

[JN000N]

حرام عليج والله أختي،،
شهالكلام!! مهما يكون لا يجوز أن نشبه الانسان الذي كرمه الله بالذبان او بالحيوان،قال تعالى : (وَ لَقَدْ كَرَّمْنَا بَنِي آَدَمَ وَ حَمَلْنَاهُمْ فِي الْبَرِّ وَ الْبَحْرِ وَ رَزَقْنَاهُمْ مِنَ الطَّيِّبَاتِ وَ فَضَّلْنَاهُمْ عَلَى كَثِيرٍ مِمَّنْ خَلَقْنَا تَفْضِيلاً)سورة الإسراء أية 70
الصراحة مارضى تتكلمين عنهم بهالطريقة،انتي ماتعرفين شنو ظروفهم!السموحة اذا كلامي زعلج بس لو انتي تتكلمين عن المجرمين او الارهابيين منهم كان أيدج بكلامج، بس هذول مساكين يقطعوون القلب يكسرون الخاطر والله لي شفتهم يعورني قلبي،لكن دايما اتذكر انه الارزاق بيد رب العالمين ..في الاغنياء في متوسطين الحال وفي الفقارى

اوكي
جزاك الله خير
انا ماتكلم عن عمال باقو ونهبو ودشو البيوت سكارى
اتكلم عن ناس معصومين عن الغلط مساكين قلوبهم رحيمه وامينين تصدق واتبلى عليهم
معليه مريضه نفسيا وابي اطلع ينوني عليهم
ارتحت؟

[ضوى]

احنا صادنا الراش.. سكران دخل حوش بيت ابوي من الباب الصغير..
وسكران ثاني يقول حق اخوي ابي انام.. وثالث داش سيارة اختي يقيل فيها :anger1:

بس هذا معناته ان نصدر امر بحظر تجول للعمالة في الفرجان
لأن السكران ما في حد بيصيده وبيحجر على طلوعه..
والحرامية اذا حبوا يبوقون وطبقوا عليهم حظر التجول في منطقتهم.. بينتشرون في مناطق
مافيها حظر للتجول وبيبسطون فيها للبوقات و الصبح بيردون بيوتهم..

فإذا كنا نبحث عن حلول لابد ان نطرح حلول منطقية..
وفوقه احنا المتضررين لاد ان نزداد احتياط وانأمن بيوتنا بشكل اكبر..

وشكرا لكم..

الراش اللي صادكم وايد بسيط ، الراش الكبير لما احد من هالعماله السايبه يدش غرفو نوم البنات بغرض الاعتداء والقتل

الراش الكبير لما يخنق طفل والا يضرب طفل على راسه

هذي نسميه راش مب سكران يدش البيت هذا راش هذي عادي من زمان اول يصير

الله لا يبليكم يا يمامتي ويبعد الشر عن الجميع

[يمامـة]

الراش اللي صادكم وايد بسيط ، الراش الكبير لما احد من هالعماله السايبه يدش غرفو نوم البنات بغرض الاعتداء والقتل

الراش الكبير لما يخنق طفل والا يضرب طفل على راسه

هذي نسميه راش مب سكران يدش البيت هذا راش هذي عادي من زمان اول يصير

الله لا يبليكم يا يمامتي ويبعد الشر عن الجميع

جميعا اللهم آمين يا ضوى..

منع تجوالهم مب هو الحل يا ضوى.. لو منعنا العمال من التجوال.. ما في شي بيمنع الدريول
يدخل غرفة نوم البنت لو الشيطان راكب راسه.. والعياذ بالله..

حياتنا تغيرت وظروف البيئة من حولنا تغيرت بعد.. فمن جذيه
المفروض احنا بعد نغير طيبة قلوبنا وعدم ترك البيبان مفتوحة.. وعدم ترك عيالنا
مع الخدم و خاصة البنات.. ما عاد الواحد يأمن لهم كلهم على بعض..

حتى الخدم وهو في البيوت مالهم آمان.. عيل الخادمة اتدخل رفيجها لين غرفة نوم بنت معزبها؟

اللهم احفظ بيوتنا ما عاد هناك أمان مثل قبل .. ولابد ان نتطور ذاتيا قبل ما نطالب بمنعهم من الفرجان..

الخادمات عندهم لستة ارقام ولستة معارف.. وشوفي الفيديو اللي طرشته لج اليوم.. شوفي الطبيب شيقول
وشلي اكتشفه.. فهل العمال من خارج المنزل هم السبب؟

[العنيده]

جميعا اللهم آمين يا ضوى..

منع تجوالهم مب هو الحل يا ضوى.. لو منعنا العمال من التجوال.. ما في شي بيمنع الدريول
يدخل غرفة نوم البنت لو الشيطان راكب راسه.. والعياذ بالله..

حياتنا تغيرت وظروف البيئة من حولنا تغيرت بعد.. فمن جذيه
المفروض احنا بعد نغير طيبة قلوبنا وعدم ترك البيبان مفتوحة.. وعدم ترك عيالنا
مع الخدم و خاصة البنات.. ما عاد الواحد يأمن لهم كلهم على بعض..

حتى الخدم وهو في البيوت مالهم آمان.. عيل الخادمة اتدخل رفيجها لين غرفة نوم بنت معزبها؟

اللهم احفظ بيوتنا ما عاد هناك أمان مثل قبل .. ولابد ان نتطور ذاتيا قبل ما نطالب بمنعهم من الفرجان..

الخادمات عندهم لستة ارقام ولستة معارف.. وشوفي الفيديو اللي طرشته لج اليوم.. شوفي الطبيب شيقول
وشلي اكتشفه.. فهل العمال من خارج المنزل هم السبب؟

معاج في كلمة ان التغيير لازم يكون داخلنا لان الحياه ماصارت نفس قبل +1

[جارح]

الحل اختي جنون ماتقوم به الدولة حاليا من بناء مدن للعزّاب لاكن خلال هذة الفترة انا مع رأي تكثيف الدوريات بالأحياء السكنية والقبض على كل عمالة تدور بالبيوت بعد وقت محدد والتحقيق معه عن سبب تسكعه بإنصاف الليالي بدون سبب بين مناطق العوائل

[Bin sultan]

اوكي
جزاك الله خير
انا ماتكلم عن عمال باقو ونهبو ودشو البيوت سكارى
اتكلم عن ناس معصومين عن الغلط مساكين قلوبهم رحيمه وامينين تصدق واتبلى عليهم
معليه مريضه نفسيا وابي اطلع ينوني عليهم
ارتحت؟
لا أختي انا ما قصدت انج مريضة ولا شي حشاج بس انا ضد انج توصفين هالعمال باوصاف لا تليق بكرامة الانسان ،والسموحة منج مرة ثانية اذا كلامي ضايقج

[Dana’1]

وكلهم من وين ايون؟
الصناعية
معناته صج لازم الشركات تقبض عمالها
والا بتخسر وايد منهم
كل واحد يطب ف بيت بينذبح
للبيت حرمة ولو انتهكوها ما بيحصل خير
لا للأسف الشديد مو من الصناعيه كانوا ساكنين حولينا وقبالنا البيت الي قبالنا بس باصين او ثلاث باصات تاتا. تقريبا! شي مهول،، ولو اقولك سالفه يمكن ماتصدقين !
عالعموم احنا بصراحه طلعنا من الحي حتى اننا استعجلنا بالبنيان وطلعنا ومنطقتنا الجديده اشوا مافيها عماله غير البنايه طبعا اما كل الي حولنا بيوت قطرييين شي خلص وشي على وشك
وواحد حولنا كان بيأجر بيته على عمال رفضنا وتفاهمنا معه لان خلاص مانبغى نعيد مشاكل الحاره الي قبل
وفعلا سمع مننا وأجره على عوايل عربيه محترمين ولا نشوف منهم اذيه

اما اختي بيتهم للحين بالحي الأولي الي أغلبه عماله ومن فتره طب ودخل بمكانها حرامي بنص الليل وصرخت وخاف هو كان يظنها نايمه تقول انا شفت ظل من الشباك من ساعتين قبل فتحه للباب الداخلي!
بس ظنيته احد العيال المهم كان ويكند وزوجها واخوانه وربعهم موجودين بالمجلس وسياراتهم برا بعد ،،ومع ذالك طب شفتي قوات العين!
والشرطه ماسوت شي ولا ارفعت البصمات!! ولا اي شي ما اعرف ليش يبصمونهم عند الدخول!
بكل برود قالوا اذا جبنا العمال الي حولكم بتتعرفين على شكله،، قالت لا لأن كان ظلام وما شفت الا يده ونصه لان كان توه يفتح الباب وانا صرخت من ?وهو خاف وانحاش
قالوا خلاص مابيدنا شي !!اختي انصدمت اكثر

[عـ العبيدلي]

الي يبي يبوق ما بيوقفه قانون حظر التجول ..

انا دايما اكون طالع بعد 11 وبصراحه ناااادر ما نجوف عمالة ,,
اله عمال الشركات فشاحناتهم وبياكمهم ورايحين يودون وينزلون اغراض
وله تجوف كم واحد رايح يشترله عشى وله يتغرض من الدكان ,,

وبالنسبة للي صاير فالصناعية ,, الوضع هناك هو الي ترك العمال يوصل لهالسوء ..
أي إنسان يعيش بهالمستوى من المعيشه بيبوق وبيتوحش ..

مثل ما قلت الحرامي الي يبي يبوق ما بيوقفه قانون حظر تجول ,,

المشكلة الي لاااازم تنحل هي العمال الي ساكنين وسط الأحياء السكنية الخاصة بالعائلات ..
واتوقع انه قاعدين يحلونهااا ..


وجهة نظري ..

تحياتي واشواقي :shy:

[JN000N]

أختي جنون المفروض الحضر من شبيحة
المنطقة شبابها يحرسونها اما بالنسبة للعمال
المفروض المنطقة مغلقه من 12 ليلا الى 4
صباحا مش مهدودين في نص الليل
سرقة ومواعيد مع الخدامات ههه
تحياتي ياجنون وما اسمك
الا اول العبقرية

مرحبا اخوي نكلان
اول واحد يمدح نكي :shy: اشكرك استانست

على الاقل حلك معقول من 12 لين 4 ف هالوقت العالم ف سابع نومه
وبعيد عن المناطق السكنيه
كيفهم ف مجمعات بحر بر حدايق
الا الفرجان لا يقربونها
وصج مانستبعد انهم يكونون علاقات مع الخدم
والخدم شر لابد منه
عالاقل ابعدهم عن بعض مافتح مجال انه كل يوم طاق الفريج ومسوي زيارات غراميه

[JN000N]

مع تنظيم الامور الي تخدم الطرفين
بس غلظ نسن قانون غير عملي وينلغي بعد فترة.

قانون للشركات مب للافراد
اي ان الشركات تلتزم وماتخالف
وتتحمل المسؤولية التامه عن اي مشكله تصير مع العمال
تتحمل مسؤوليه عامل في ليلة ما بات في السكن وتتحقق من وضعه وسلوكه

[JN000N]

الله يعينج ياجنون
ويعين الجميع

اذا في حاجه ملحه او غير ملحه فمحد يقدر يمنعهم بعد تجاوزهن السن القانونى
الا اذا كان المنع بقوة القانون واثبات وجود جريمه ما بتواجدهن في هذا الوقت.
اثباتات مب اثبات واحد

اذا الحظر بيطبق على الجميع اوافق على الفكره اما يكون هناك استثناء لفئه غير الاخرى فهذه عنصريه وضد حقوق الانسان

الحظر على كل الشركات
مايدخلون الفرجان ف هالاوقات
وطبعا لازم يكون في كيمرات ودوريات بين فترات متفاوته تطوف ف الفريج ولو كان في دريول او صبي من صبيان البيوت طالع ف هالوقت يلزمونه يرد البيت ومايطلع
لان الخوف مب بس من العمال حتى من دريولية الفرجان وكثرتهم وتعارفهم مع الخدم
على الاقل محاولة ولو 30% بتخفيف المشاكل
انا عارفه ان المشاكل ما بتنحل 100% ولكن بتمنع حدوث امور كان ضررها كبير

[JN000N]

انا حتى سيارتي والله غالبا اخذها لوقود اغسلها بعد نص الليل , لو تشوف قطر بعد نص الليل والله ماتلوم الي يحبون الطلعه فهالاوقات!
شوارع فاضيه جميله هدوء روقان , شي من الآخر يابن عدوان :(

ان شالله محد بيُمنع , والامن بيكون افضل وافضل باذن الله

انت من هل المنطقه
محد بيمنعك تطلع
انا اتكلم عن حظر التجول من خروج العمال من الشركات بعد الساعه 11 وتدعسهم ف الفرجان هذول شنيتهم يايين الفريج عقب نص الليل

[JN000N]

:omen2::omen2::omen2::omen2::omen2:
ايه راحت علينا ههههههههههههههههه:tease::tease:


خيتو جنون انتي ماتسمعين وطني الحبيب

اقرا الموضوع وخذ فره على الردود
خذ فكره وتعال ناقشني

[JN000N]

صباح الخير جنون

هدي أشوي
ترا ماجاء في بالي الخور ولا كنت أقصدها
انا أقصد المناطق الي متحاوله المنطقة الصناعية
تعرفين كم عدد البشرية الي في الصناعية ؟
حول المليون
تعرفين ان اكثر الشركات الي في الصناعية شركات صغيرة واغلب الي يمتلكونها يدورون للسكن الرخيص


تدرين لولا ردي هذا ماتوصلنا للحل الي قاله أخوي hh
ان اهل الفريج يجتمعون كلهم ويكلمون الي يأجر على اجانب


اختي جنون
النقاش الهادف لازم يكون فيه اخذ وعطا حتى نخرج بنتيجة وحل مثل حل الاخ hh


اختي جنون
اسلوب الاتهام الباطل ليس اسلوبي
من أنا على شان اتهم الناس بالباطل

صباح النور
ممكن اهل الفريج يكلمون اللي اجر بيته على العمال
وممكن انتو تشتكون للبلديه مب شخص واحد كذا شخص ويبينون شكثر هم متاذين

انا يوم فتحت الموضوع كنت ابغي اخذ وعطا ف النقاش بدون اتهامات لحد او جهة معينه
بدون القاء لوم وتلكم ف ماضي
اللي فات مات والحين لازم نفكر فالمستقبل وشلون نحل الاخطاء اللي صارت
مازال في فرصة للرجوع
لازم نلاقي حلول ونطرحها ونقترحها عالجهات الرسميه

[JN000N]

أحد أسباب تجمع الغرباء في أماكن سكنية هو تواجد الانترنت اللي بدون باسوورد, عن تجربة.

أضف الى ذلك كما ذكر الأخوان ضرورة أيصال رسالة واضحة وجريئة عن عدم الرضا الى من يؤجر عقاره للعمال ضد القانون




أتفق معك تمامــــــاً .. و ياما استغربنا تجمعهم في مكان معين
و إذا عُرف السبب .. بطل العجــــب




كان أحد سواق الجيران مسوي غرفته مثل قاعة انترنت والسواق الأخرين يكلمون بلادهم سكايب وفويب واللزي منو, كفيله يدري لو ما يدري؟


اتفق معاكم ان هذا احد الاسباب
وان المصيبه مرات ماتكون من عامل من شركة وممكن يكون من درولية وصبيان الفريج
احنا عندنا ممنوع منعا باتا تجمع الدريوليه صوب بيتنا
ممنوع دريولنا اييب له حد ويقعده عنده ف الغرفه الا اذا كانو دريولية اهلنا ولفترة مؤقته

[JN000N]

هو مطلوب تقنين الأمر او وضع ضوابط للعماله العزابيه في اوقات تواجدهم في الاحياء السكنيه

المفترض ما يتواجدون بالاحياء في اوقات متأخره ليلا

لان مالهم حاجه في ذلك وتواجدهم فيهة خطوره

اما الاماكن العامه فعادي


ا

هاي المطلوب
ضوابط وقوانين نلزم بها الشركات تتحمل مسؤولية العمال وطلعاتهم ودخلاتهم

انا عندي محل وعندي عمال او عاملات وحاطتهم في فيلا
مستحيل اخليهم يطلعون فالليل بروحهم
ومراقبين وحاطه كيمرات علييهم
ولو حد منهم فكر يخالف ينخصم من راتبه مره مرتين واراقب سلوكه ولو في شي غلط يتسفر

[بوحارب]

هاه جنون الحين شالسالفه نطلع عقب الحدعش ولا نقعد في البيت نلعب مع اليهال :happy:

اللي تشوفينه طال عمرج £_£

[توشيبا]

عندنا في الريان ماشوف الا سياره الفزعه اخر الليل

اي واحد يمشي يوقفون عنده واكيد يشفون هويته

لدرجه بديت اشك انهم يفتشون قطاوه الفريج

وهذا عمل يشكرون عليه وجزاهم الله كل خير

ننام واحنا متطمنين واهم يسهرون علي حمايتنا

[mr. abdulla]

ما شاء الله عليك جنون صج بالك طويل

[JN000N]

ما شاء الله عليك جنون صج بالك طويل

اي بالي طويل وباتم احن وارن لين ماجوف التغيير