حبس الامهات والاباء في حاله تركهم ابناءهم مع الخدم

[حمد 2002]

السلام عليكم ورحمه الله وبركاته



حبس الامهات والاباء في حاله تركهم ابناءهم مع الخدم


كثيرا مانشاهد اطفالا ياتون بهم الدريوليه من المدارس بدون صحبه الوالدين ، من هو الامن باص المدرسه ام الدريول الخاص ؟!

وانت وشو ضمنك ان هالدريول ولا الخدامه انهم جيدين وماعندهم امور سوداويه !! ونوايا خبيثه !! .

وقس على ذلك


بالمطاعم


بالالعاب


بالمحلات


وهلم جرا ..


فأنا اطالب بوجود قانون يجرم هذا التصرف ويعاقب الوالدين بالحبس والسجن وبغرامه لاتتجاوز ال 100 الف ريال !! ..



هل انتم اعزائي القراء موافقين على تلك العقوبه ام لا ولماذا !! ؟ وما رأيكم بهذا الامر ؟!!


بالتوفــيـــق ..

[يمامـة]

مع فرض قوانين تجرم الاباء و الامهات الذي يتركون ابناءهم في صحبة الخدم خارج المنزل

[المهاجر]

مع فرض قوانين تجرم الاباء و الامهات الذي يتركون ابناءهم في صحبة الخدم خارج المنزل

زين وداخل المنزل ؟

شالفرق !

[حسن]

هلا هلا

مرحبا ياحمد

اكيد الضجه كلها بسبب الفيديو اللي انتشر
والبارحه اقرا لتغريده فيصل المرزوقي
كتبنا كثيرا وذكرت كثيرا ووضعت حلول مستقبله وجذريه وتخلق انسان جديد يعتمد عليه للاجيال
وطالبت بزراعه الباصات وطالبت بتقنين ظاهره الخدم
وطالبت وطالبت

وكثير عارض وضد افكاري

مايهم دام انا ماشي على صح وافكاري في صلب المشكله هذه مشكلتهم
يكابرون ويناقضون انفسهم



صح ياحمد ولا لاوانت معاي بعد في الكثير من مواضيعي

ماقول ياحمد اشوف شي ماتشوفونه
والقادم ادهى وامر

يجب ان يتغير المجتمع من استهلاكي الى منتج

وهذا راي وقناعتي ولن اغيرها

[حسن]

مع فرض قوانين تجرم الاباء و الامهات الذي يتركون ابناءهم في صحبة الخدم خارج المنزل

طالبت مرار ياليمامه تفعيل دور الاسره وقوانين حمايه الطفوله
ياما شفت البلاوي اما م المدارس والى اليوم
يجب تفعيل خاصيه الصور ونشر الفيديوهات
مهب نقول لا خصوصيه وعيب حرام هذا كله هراء

[حسن]

زين وداخل المنزل ؟

شالفرق !

نشر ثقافه التواصل مع مراكز خاصه وتحمل رقم سهل وخاص وتدرس للابناء في المدارس
وتعليمهم بحقوقهم وواجباتهم
ولابلاغ عنها لنرتقي في زمن الاهمال

[R 7 A L]

والله الوضع صار يخوف وقمنا انشوف اشياء ماكانت موجودة

[المهاجر]

نشر ثقافه التواصل مع مراكز خاصه وتحمل رقم سهل وخاص وتدرس للابناء في المدارس
وتعليمهم بحقوقهم وواجباتهم
ولابلاغ عنها لنرتقي في زمن الاهمال

هلا بوعلي

انا اسأل عن وضع الامهات والاباء اللي يتركون عيالهم مع الخدم بالبيت

ردا على كلام اليمامه انها مع فرض قانون وعقاب للي يتركونهم خارج المنزل

وكأنها تقول داخل البيت ما في اي مشكله!

[حسن]

والله الوضع صار يخوف وقمنا انشوف اشياء ماكانت موجودة

قبل كم يوم اشوف فيدو خدامه شلون تظرب بزر شي عجيب وغريب
تعرف يارحال اتوقع عندنا الكثير لكن يتم التكتم عنها
علشان يقولك مانسوي بلبله ولا نثير الراي وخوفهم
شوف بدال مايعالجون المشكله والخطر القادم يقومون يتسترون عليها
يعني رابط تجينيا من كل بلدان العلام والخليج كامل الى قطر كان مافهيا
واحنا اعتمدادنا على الخدم فاق 100%100 معقوله

!!!!

[يمامـة]

زين وداخل المنزل ؟

شالفرق !

داخل المنزل ما في شي يثبت لنا انهم تاركينهم بروحهم..

يعني الواحد ياخذ بالظاهر..

فاحتمال الام و الاب متواجدين في البيت لكن الطفل نايم مع الخادمة..

بينما لما الطفل يكون في صحبة الخادمة خارج المنزل ما في مجال للادعاء او تكذيب اللي تشوفه العين..

[R 7 A L]

قبل كم يوم اشوف فيدو خدامه شلون تظرب بزر شي عجيب وغريب
تعرف يارحال اتوقع عندنا الكثير لكن يتم التكتم عنها
علشان يقولك مانسوي بلبله ولا نثير الراي وخوفهم
شوف بدال مايعالجون المشكله والخطر القادم يقومون يتسترون عليها
يعني رابط تجينيا من كل بلدان العلام والخليج كامل الى قطر كان مافهيا
واحنا اعتمدادنا على الخدم فاق 100%100 معقوله

!!!!

فيه ناس يقولون للي يصورون بدل ماتصورون المشكلة الي تشوفونها تحلونها بما انكم موجودين
شرايك ؟

[يمامـة]

هلا بوعلي

انا اسأل عن وضع الامهات والاباء اللي يتركون عيالهم مع الخدم بالبيت

ردا على كلام اليمامه انها مع فرض قانون وعقاب للي يتركونهم خارج المنزل

وكأنها تقول داخل البيت ما في اي مشكله!

ابدا ما كنت اقصد ان يتركونهم في ايادي الخدم داخل البيت يا اخوي المهاجر

ضد ترك الاطفال مع الخدم بكل الاحوال سواء داخل البيت او خارجه..

[العنيده]

ايش فايدة القوانين اذا حس المسؤوليه انعدم ..
والله يحزن وضع اليهال والله مع الخدم .. يالله في ناس عندهم نعمه مب حاسيين بقيمتها والله ..
في ناس صارت الدنيا تفكيرهم بوفلر فلوس وفلوس وفلوس طيب والتربيه اللي هي اهم ..

في امريكا قانون اللي فهمت منه لو انترك الياهل بروحه في البيت بدون وصيه يتعاقب ولي الامر .. طيب واللي ينترك في السياره بروحه والالعاب بروحه وفي المجمعات بروحه
امس اتكلم مع وحده تقول دريول جاي ياخذ بنت من عندهم في المدرسه ولما رفضنا ولية الامر جات تشتكي ثاني يوم ..
بس لو في قانون صارم من المجلس ممنوع منعا بتا هالشي والله بيتعنون شوي للمشوار اللي اهم من وايد اشياء ..

مانبي قانون نبي صحوه في القلوب بس لانه مو كل شي ننتظر قانون يصلحه لنا

[يمامـة]

فيه ناس يقولون للي يصورون بدل ماتصورون المشكلة الي تشوفونها تحلونها بما انكم موجودين
شرايك ؟

شوف يا اخوي رحال .. مب من حق حد يصور الطفل وينشر فيديوه.. لأن الطفل هذا بيكبر في يوم من الايام
ومن الظلم انه يشوف ماضيه موثق ويتكرر وقد يكرره له اللي حوله..

لكن اللي في البيت من أم او اب او من هو مسؤول عليه انه يستعين بالفيديو لتقديمه
للجهات المختصة.. في حال المطالبة بالقصاص من الخدم او معاقبتهم..

ففي كل الاحوال ما بيدنا نسوي شي غير ان ندافع عن هالطفل عند ضبط الاعصاب
وتسليم هالخدم للشرطة..

[القبطان سلفر]

بالفعل نحن بحاجة ماسة لقانون يجرم التحرش بالأطفال بسبب اهمال الإباء . لذلك ترك الأطفال بفردهم مع الغرباء وبعلم الإباء جريمة يجب ان لا يفلتوا منها .

الحوادث تتكرر بشكل كبير حتى أصبحت ظاهره . وسرعة انقاذ الطفولة المعتدى عليها واجب يجب ان يتكاف فيها جميع الاجهزه المعنية وخصوصا حماية الطفل التي لازالت في سبات عميييييييق .