شرايكم في مطابخ المقانيص ؟؟؟

[فويرط]

السلام عليكم
بصراحة حاب اسوي عشاء في البيت

بس بغيت آخذ رايكم في مطابخ المقانيص اللي في أم عبيرية

شرايكم في أكله ؟؟
وشنو الأفضل عندهم ؟؟

أتمنى مشاركة المجربين

وجزيت خيراً

[aloosh]

شوف اخوي انصحك وانا افكر في ها الشي بعد
تشتري فرن كبير وتسوي عندك في البيت المطابخ صارت مثل الجحه يا حمرا يا بيضا

[الجـــوديّ]

وعليكم السلام والرحمة

تقدر تاخذ منه انواع الطبخات اللي يسويها لشخص واحد .. وتذوق بنفسك وتحكم

وتدخل مطابخه من داخل وتشوف نظافتهم وشغلهم.

[البحار00]

سو عند الهرفي في دحيل مقابل معسكر اللخويا

طباخهم لايعلى عليه

[بصمة قطرية]

مب ذاك الزود ..

جرب طباخ المالكي و ادعي لي ..

[بعيد النظر]

سو عند الهرفي في دحيل مقابل معسكر اللخويا

طباخهم لايعلى عليه

مافي عقققبه والله
واذا تبون بحري ماااي ورد ..

[مرتبش]

انا ياز لي برياني او مجبوس اللحم..مادري ماجربت الباقيين

[اجرام]

للعلم هو بام العمد وليس بام عبيريه ام عبيريه تاخذ هالشارع سيده اتحصلها

[الهديل]

الهرفي الي في الدحيل

[حليتان*]

خوووش طباخ امس مجربه