لكل من سافر اليابان وهاواي

[Saranay]

حجزنا الى هاواي ان شاء الله منتصف يوليو لمنتصف اغسطس عن طريق اليابان

لمن له خبره باليابان أيهما يكون الجو افضل ، في طريق الذهاب ام الرجعه

وكيف تنصحون بتقسيم مدة الرحلة بين اليابان وهاواي


- المناطق والمطاعم الفنادق والشوارع الحيه التي ينصح بها
في اليابان وهاواي

لكل من زار المنطقتين ارجو إفادتنا ولو بالقليل من المعلومات

جزاكم الله خير

[Saranay]

معقولة ولا شخص سافر اليابان من أعضاء المنتدى ������

[عازف الاورج]

بخصوص هاواي اقدر افيدك اما اليابان كلس ما عندي خبره فيها


بخصوص السكن تسكن في الوكيكي بيج لانه انشط منطقه في هاواي، في اكثر من جزيزه في هاواي والجزيره الرئيسيه هي هنولولو هي فيها كل شي

وفي جزر ثانيه فيها الحمم البركانيه مش بعيده وفيها رحلات يوميه الى هذي الرحلات ممكن تروح يوم وترجع بنفس اليوم.

اما المطاعم ما اعرف كثير فيها بس اغلب الاكل هناك سي فود اذا ماتحب السي فود بتكون لك مشكله وانصحك تستخدم برنامج على الايفون اسمه Yelp ممتاز ويطلعلك المطاعم الي قريبه منك.

[Saranay]

جزاك الله خير

نبي خبرة من زار اليابان وأفضل منطقه للسكن فيها ، المطاعم ، الأماكن والمناطق السياحية

[غايه الطواش]

اخوي هاوي انصحك تسكن في الواكيكي راح يغنيك عن كل مكان وكل شي قريب حولك , بس الفندق جدا جدا لويه وناس ,تو من جديد افتو ترامب

[بو راشد 1]

بالنسبة الى جو اليابان في الصيف ما رح تفرق وايد، حر و رطوبة، اذا تبي سكن، نصحك بفندق شنغيرلا، لانه لاصق في محطه طوكيو و فيها المحلات و الاسواق و المطاعم و الله يعينك على الاكل.

[al_jo0ory]

انا زرت اليابان شهر واحد ظ¢ظ*ظ،ظ¤ وكان الجو حددددددددددددده عجييييييييييب
مادري اذا رح اقدر افيدك او لا لان سفرتنا كانت سفرة شغل ومادرنا فيها عدل
بس رحت اربع مناطق (طوكيو ، اوساكا ، نيجويا ، كيوتو )
كل المناطق كانت عجيييييييبه ماعدا اوساكا حسيتها مملله شوي وتضيق الصدر مع ان ماتمينا فيها الا يوم واحد
بس باختصار صج صج صج الله يعينكم عالاكل اذا ماتحبون السي فوود ... وحتى الاكل العادي اغلبه فيه دهن الخنزير << خصوصا اوساكا هذي عشت فيها على بسكوت وجبن :)
ونصيحه بعد لازم تتعلم كم كلمة ياباني او يكون معاكم مرشد لان هناك الاغلبيه مايعرفون ولا كلمة بالانجليزي:)
وفيه بعد ابليكيشن عالاب ستور حق القطارات فاليابان اذا كنت ناوي تخلي رحلتك عن طريق القطارات
اممم اذا عندك اي استفسار عن حياتهم هناك حاضره ... بس مب فنادق ومطاعم لان ماكان الاختيار على كيفنا ههههههه

[الدحيل 16]

أخوي هل رتبت أمورك ولا للحين محتاج مساعدة بخصوص اليابان؟