ابي رايكم (ريــنــج إيــفــوك) ؟

[سارة وبس]

السلام عليكم

خاطري في سيارة حلوة وسعرها اقل من ٢٠٠ ألف ماعندي مانع لو مستعملة استعمال نظيف

مابي صالون لأن دوامي في الدفنة والدفنة مافيها مواقف فنضطر كل يوم نصف على الرصيف

فكرت في سيارة (رينج ايفوك) بس قالولي ان ماتطلع الرصيف واذا طلعت ممكن تخترب

لكن الي قالولي ما جربوها فهل هالكلام صحيح؟

واذا صحيح ايش البديل الي تقترحونه؟

[A-Alansari]

ماجربت السيارة صراحه لكن في ناس جربوها ويمدحونها

اما سالفه الرصيف يعتمد شلون انتي بتركبين على الرصيف لو بهداوه وعلى جنب ماراح تتاثر السيارة لانه مرتفعه اصلا مابتحك من تحت

[بومتعب]

الايفوك من احلى السيارات الي سقتها .... سواقتها ناعمة جدا .... وقوية العزم بالرغم انها 4 سلندر ....... استخدمتها لمدة سنة ونص وبعتها .............ما تذكر صادتني مشاكل فيها .....

اما من ناحية حصى و ارصفة فالسيارة لاتصلح خاصة اذا كان الرصيف مرتفع ......

لكن اذا بغيتي سيارة عملية وقوية لجميع الخطوط وتبينها تعمر معاك ...... عليك بالبرادو ..... كانت عندي وكرفتها كرف ...... بر وبحر ..... سيارة جبارة بمعنى الكلمة ...... وسعرها معقول ...... ووقت بيعها مستعمل تروح على طول

واستخيري

[Rider]

هايلوكس دبل والامور طيبة

[LiL iNVe$ToR]

هالسيارات تركب رصيف عادي واصلا تمشي عادي فالبر والرمل وفيها اداء offroad عجيب! ترا السياره رنج والرنج معروف حق هالاشيا ..مادري ليش احس تفكير العالم ان السياره ناعمه وماتتحمل ومافيها اداء عدل ومالت بنات.

ركب رنقات اصغر وامورك بتكون طيبه ..

[العتوي]

والله انا من رايي لو تاخذي كروزر افضل بكثير وانصحج بالجيكسار 8 سلندر فول ابشن
اول شي سياره عمليه
وين ماتروحين بتوديج
وقطع غيارها متوفره
وبيعتها وايد سهله
يعني مثل مايقولج التويوتا جيك بالمخبه
وبالاخير الراي رايج
موفقه

[البرونزي]

نيسان باترول من الوكاله

[سارة وبس]

ماجربت السيارة صراحه لكن في ناس جربوها ويمدحونها

اما سالفه الرصيف يعتمد شلون انتي بتركبين على الرصيف لو بهداوه وعلى جنب ماراح تتاثر السيارة لانه مرتفعه اصلا مابتحك من تحت

مشكور ماتقصر

[سارة وبس]

الايفوك من احلى السيارات الي سقتها .... سواقتها ناعمة جدا .... وقوية العزم بالرغم انها 4 سلندر ....... استخدمتها لمدة سنة ونص وبعتها .............ما تذكر صادتني مشاكل فيها .....

اما من ناحية حصى و ارصفة فالسيارة لاتصلح خاصة اذا كان الرصيف مرتفع ......

لكن اذا بغيتي سيارة عملية وقوية لجميع الخطوط وتبينها تعمر معاك ...... عليك بالبرادو ..... كانت عندي وكرفتها كرف ...... بر وبحر ..... سيارة جبارة بمعنى الكلمة ...... وسعرها معقول ...... ووقت بيعها مستعمل تروح على طول

واستخيري

مشكور على المعلومات
بالنسبة للبرادو مااحبها وحاليا عندي جي اكس ار يعني افضل منها

[سارة وبس]

هالسيارات تركب رصيف عادي واصلا تمشي عادي فالبر والرمل وفيها اداء offroad عجيب! ترا السياره رنج والرنج معروف حق هالاشيا ..مادري ليش احس تفكير العالم ان السياره ناعمه وماتتحمل ومافيها اداء عدل ومالت بنات.

ركب رنقات اصغر وامورك بتكون طيبه ..

اخوي هل ردك هذا عن تجربة ولا مجرد راي؟ لان انا فعلا ودي فيها وخايفة تتكسر ويا الرصيف مالنا

[سارة وبس]

والله انا من رايي لو تاخذي كروزر افضل بكثير وانصحج بالجيكسار 8 سلندر فول ابشن
اول شي سياره عمليه
وين ماتروحين بتوديج
وقطع غيارها متوفره
وبيعتها وايد سهله
يعني مثل مايقولج التويوتا جيك بالمخبه
وبالاخير الراي رايج
موفقه

عندي كروزر حاليا فعلا هي عملية جدا

بس ابي شي انعم وأرقى

[سارة وبس]

نيسان باترول من الوكاله

والله شكلي بخليها خيار

[اللوز]

لكزس rx 350


http://im56.gulfup.com/y5CBst.jpg (http://www.gulfup.com/?rzyhVi)

[eXpert*]

جربي lexus nx الجديدة .

[فرفوش]

انصحج تيوتا اف جي رفيعه وحجمها حلو

واذا تبين اكبر عندج نيسان باترول بس حجمها يمكن يكون كبير بالنسبه لج

اهم شي تسوين تست درايف

بالتوفيق

[ابن مشيقح]

شكل الموتر جميل

[qatarman8008]

اعتقد اللكزس ار اكس هو الخيار الافضل..
من جميع النواحي والتفاصيل كثيرة..

[بوحمد111]

انا أقول نيسان بترول se مستعمل موديل 2015 سعره تحت ال 200 الف

[الوسيط العقاري]

لكزس rx

[الزعفراني]

كروزر اسبير علاق :)

[اللوز]

كروزر اسبير علاق :)

مع تنزيله وبالون وشنبر وهدرز وقاعدة آرايل ( محطة الاقمار الصناعية ) ههههه
هذا موتر شباب ما يصلح لبنت

[الســـهم]

فولكس واغن طوارق ..

اشوفها من احلى السيارات للبنت وبنفس الوقت عملية ..

[جاسم الدوحة]

انتظري لكزس rx الجديدة 2016
تصل في نهاية سبتمبر المقبل
الشكل جديد كلياً ويدوم 6 سنوات
والمحرك أقوى من الموديل الحالي
والقير أصبح 8 سرعات بدل 6 حالياً.

موتر يستاهل الانتظار
والأمر لكِ

[ya3coub]

كلام اخوي جاسم صحيح

بعض الردود فوادي و الموضوع بوادي

أختي خلج عالكروزر و بخصوص الرنج ايفوك الرصيف الي يعجبج ركبيه بس مو بنفس طريقه الكروزر و بما انه الميزانية ظ¢ظ*ظ* و اقل يعني بيكون اقل فنة او المتوسطة يعني رنقاته اتكون ظ،ظ¨-ظ،ظ© علشان ما ينشمخ الرنف غير عن هذا لا تحاتين حتى الصالون يركب رصيف بس يبيله طريقه معينة و هداوة علشان لا السيارة ولا الرنقات تتعور

سيارات الناعمة الي ممكن انصح فيها
انفنتي QX الي كانت FX اسمها قبل نسائية حلوة و تركب رصيف بسهولة حتى مع رنقات 20
اللكسز ار اكس بتتغير
http://2.bp.blogspot.com/-NUTjG6LwLVs/VRvxsgnGXCI/AAAAAAAAzT8/yhRyI3MwSjA/s1600/2016-Lexus-RX-2055555.jpg
و هاذي صور اكثر للجديدة تلقينها بالرابط http://www.roadandtrack.com/car-shows/new-york-auto-show/news/g6229/2016-lexus-rx-the-official-photos/?thumbnails

الرنج ايفوك مع رنقات العادية 18--19 انش