السناب شات وتفاصيل الحياه اليوميه وقله الادب !!

[حمد 2002]

السلام عليكم ورحمه الله وبركاته


السناب شات وتفاصيل الحياه اليوميه


السناب الشات بدأ يطغي على الانستغرام ويتفوق عليه من حيث الشهره والمزايا ولاكن

للاسف الكثير من الناس ايصورون تفاصيل حياتهم ويطرشونها لربعهم من خلال هالجهاز

بالمطعم

فوق السطح


بالبر


بالبحر


بالموتر ومشغل ولا مشغله اغنيه !! .


وهلم جرا .



هل تصوير الحياه اليوميه وعرضها للاخرين يعتبر قله ادب ؟! ولا امر غير سوي وغير مستحب ؟



مع التحـــــيه .

[حسن]

ارتقوا فإن القاع مزدحم

:)

[حمد 2002]

ارتقوا فإن القاع مزدحم

:)

ماهو رايك بموضوع السناب شات واستخدام المجتمع له اخي الكريم ابا علي .

[شبح الصمت]

وعليكم السلام ورحمة الله وبركاته ،،


كل برنامج له ايجابياته وسلبياته ..


الي مهب عاجبك عندك في السناب شيء اسمه

بالعربي آزالة صديق


وفي الانستقرام
انفولو

وفي اشياء اخرى دليت ..


ترى محدن بمجبور على اضافة حد ومتابعة اخباره ..

ريح رااااسك وسو الي نفسك تطلبه ولا تمشيء على هوء غيرك ..


والله يغفر لنا ويرحمنا برحمته

[حمد 2002]

وعليكم السلام ورحمة الله وبركاته ،،


كل برنامج له ايجابياته وسلبياته ..


الي مهب عاجبك عندك في السناب شيء اسمه

بالعربي آزالة صديق


وفي الانستقرام
انفولو

وفي اشياء اخرى دليت ..


ترى محدن بمجبور على اضافة حد ومتابعة اخباره ..

ريح رااااسك وسو الي نفسك تطلبه ولا تمشيء على هوء غيرك ..


والله يغفر لنا ويرحمنا برحمته

صحيح فيها ازاله صديق وتختار الي ترسل له اخبارك . بس شنو الهدف من نشر تفاصيل حياتك اليوميه وارسالها للناس ؟!

[um.7moody]

السناب شات من البرنامج الحلوة واللي تساعد على التواصل .. والعيب موب في البرنامج العيب في المستخدم

احنا نستخدم البرنامج ونتواصل مع القراب منا من أهل وأصدقاء ونعرض تجاربنا للمطاعم والأماكن الترفيهية والمنتجات اللي نأخذها والمحلات
وحتى للدول اللي نزورها .. ومنها نكون على تواصل مع الكل دايم .. واللي يستخدمه استخدام ثاني هذول المفروض يكونون بلوك مو من البرنامج لازم بلوك من حياتنا

[لـبـيـه]

السلام عليكم ورحمة الله وبركاته

وبما اني اقرى مواضيعك وما اؤؤيد معضمها بس هذا لا يمنع ان تكون لك مواضيع جيده واختلاف الاراء لايفسد للود قضيه

وانا فعلا في موضوعك هذا اشوف سخافة العقل في معضم السنابات الي تضحك الصغير على الكبير والرجل على البنت والبنت على الرجل

وتشوف بعض وليس الكل يتسابقون لكثرة الاضافاات حتى لو على حساب شخصيته ورجولته وحشمة البنت ومكانتها المهم عدد الاضافات

فعلا ارتقوا فلقاع مزدحم

[عثرة جواد]

السلام عليكم

الاسناب شات بنسبه لي ممتع احب اشوف الابتكارات الي تصير

اتشوف انواع المطاعم انواع البارتي انواع السفرات فيه شي ملفت

ف كل تواصل اجتماعي الزين والشين ......ليش نخلي الي مب زين لو هو مب عاجبنا

كلها ضغطة زر وبس ....

وانا اشوف انه اي تواصل اجماعي يدل ع شخصية الانسان وتربيتة ...

وع قولة اخوي حسن الواحد يرتقي لان القاء مزدحم ...

وانا دايما اقول العقول الراقية لانه بدون الارتقاء مستحيل يحصل التغيير

موضوعك والا اروووع وعساااك ع القوة

[sweet qatar]

أحب أحيي شباب قطر مع سناباتهم الجميلة علي خطا ماجد الصباح :o

مواضيع حلوة و معلومات مفيدة و رقي في الطرح

أنا ما أتابع إلا الراقيين

[دايموند]

للحين ماعرف اشلون استخدم هالبرنامج

[شبح الصمت]

صحيح فيها ازاله صديق وتختار الي ترسل له اخبارك . بس شنو الهدف من نشر تفاصيل حياتك اليوميه وارسالها للناس ؟!



شوف في ناس لهم هفوات بس مواضيعهم جميلة .


من المشاهير الي ضايفهم اثنين فقط


ماجد الصباح صراحة مواضيعه حلووه بس له هفوات اشوي نفس ما قالوا قبل الشباب
والانسان مهب معصوم من الخطأ


وعلي النعيمي
صراحة هالانسان يتكلم اوقات بمنطق وتحسه صح واوقات يخورها ويجيب العيد ..

بس احب اشوفه لانه يفرش الابتسامة على وجهي ..


والباقيين ربعي مهب ضايف ناس غرب او فاتح الستوري مالي ..

عسى ما شر ناس اتابعني وما تعرفني .


اقل ما فيها ربعي يسترون علي لو خرتها ..
هاهاهاي


اما اجي اضيف لي وحده شبي فيها شالفايده الي باجنيها من وراها مشهوره والا مهب مشهوره ..

غير عرض نفسها وطيخ طاخ وتبطل حلووج ..


خلني على بني جنسي اشوفهم واستمتع بسنباتهم

تحياتي وزحلقياتي

[Dana’1]

سناب يعتمد على متابعة الشخص مثل التلفزيون تماما انت تختار !
في برنامج ماخذ الجو تصور كل شي لايف وتستقبل التعليقات وترد عليها لايف حتى وانت تاكل وتسولف معهم كانهم جالسين معك يعني مثل هالأمور في تطور مستمر
انا اتمنى يخترعون زي اللفت من ادخله يفتح بأي مكان ابغاه بينفع الي بعيد عن اهله
تهقون يصير؟! هههههه

[LiL iNVe$ToR]

ماستخدمته ..لكن متاكد فيه جوانب ايجابيه ..والمشكله اهني ان في ناس عندهم وقت فراغ كبيييير وهالاشيا السلبيه بتطلع عندنا بس..كالعاده.

[monatee]

اللي طول يومه يصور تفاصيل حياته ماعليه شرهه

الشرهه ع الفاضي اللي قاعد يطالع

[حسن]

الصراحه الكثير منه يستخدمه قله ادب وخصوصا النساء العرب

تصوير كامل ماعاد فيه مستحه ابدا

[النهار]

شنهو سناب شات علموني تكفون

[نوفا91]

الصراحه الكثير منه يستخدمه قله ادب وخصوصا النساء العرب

تصوير كامل ماعاد فيه مستحه ابدا

وانت ليش تتابعهم :)

[نوفا91]

شنهو سناب شات علموني تكفون

مكان ورى جبال الالب

[حسن]

شنهو سناب شات علموني تكفون

يبيلك يالنهار

ترا بتشوف البلاوي

[للصبر اخر]

شنهو سناب شات علموني تكفون

انت خلك فوق النخل
بيطوفك وايد اشياء

[العقل المدمر]

لا ماشوفها قلة ادب
حتى لو سخافة مثلا او ماله معنى انهم يصورون تفاصيل مامنها فايدة
بس ماتوصل ان نقول هاذي قلة ادب مب منكر ولا عيب الشخص يصور يومياته
والناس اللي تحبه من ربعه واهله اكيد بيستانسون ويحسون نفسهم عايشين معاه
طبعا بعيد عن الحرام .. عن الاغاني وعن تصوير البنات نفسهم والا اصواتهم العالية ...الخ

[السكين]

حمد بالأمس الفيس بوك والتويتر اليوم سنااب وانستغرام بكرا غيره وغيراتو ، يعني ما رح تلحق عمرك ..

العيب بالمستخدم .. الشخص اللي ينشر تفاصيل حياته من قلة أدب وتفاهة هذه هي حياته .. يعني لو تكلمت معه بتنتقده ، لو ساق سيارة بتنتقده ، لو تزوج ما رح يكون مسؤول .. فهمت قصدي هذا من المستخدم .. أنا مدمن فيس بوك وانستغرام واستفدت ولا زلت من الإثنين .. غيري وغيرك يستخدمه لأمور تافهة ..

الشباب والبنات المعنيين بموضوعك ، حالياً على الهواء مباشرة مجاهرة بالمعصية .. ولا برامج ولا يحزنون .

الله يهدي الجميع ..

[غير البشر]

اليوم سناب شات
وبكره وانتو بكرامه حمار له ناب

احنا ماشاء الله اي برنامج يمشي عندنا مقصه :rolleyes2:


للحين ماشفته ولا اعرف شسالفته
بس الي اشوفه واعرفه مرات اشوف شباب او بنات حركاتهم غريبه ملفته بمكان عام
لما ادقق فيهم يصورون المكان ويصورون نفسهم وعقب يرسلون مع اشويه هذره


الله المستعان :rolleyes2:

[غير البشر]

اخر سفره لي
كنت مركز على شي معين ابغي اشوفه فيهما او لا

وفعلا ركزت على رياييلهم وحريمهم واشوف ايديهم اذا ماسكين جوالات او لا
شفت النسبه والله ماتزيد عن 2%
الكل يمشي وفي حاله ويتشرى ويستمتع ويقعدون يسولفون مع بعض
وحتى نسبه ال 2% الي ماسكين جوالاتهم نصهم ماسكينه لمدينه دقيقتين او ثلاث

اما احنا مناظرنا تضحك ههههه
خمس رايحين رحله وكل واحد مركز في جواله عيل ليش رايحين قعدون بالبيت ابرك

[النهار]

يبيلك يالنهار

ترا بتشوف البلاوي

مره واحد قص علي قال بصورك ابيك تغني صوتك حلواشوفه شويه وقال لي بس
كمل في في المقطع الثاني
جان ..... يدز المقطع للقروب واكثرهم يعرفوني
شوف ام التقطيع في الردود :nice:

[النهار]

انت خلك فوق النخل
بيطوفك وايد اشياء

غلطانه هذاك توشيبا ههههههههههههههههههه

[mr. abdulla]

ارتقوا فإن القاع مزدحم

:)

بارك الله فيكً

[لبيبة]

السناب شات هو البرنامج الوحيد اللي حسيت إن عيب أستخدمه.

[MAZEN37]

الحمدلله
ما استخدم ولا ابي اعرف
لكن بالعموم اسمع عن طريقته
واتوقع برنامج يضيع وقت الناس

[نوفا91]

مره واحد قص علي قال بصورك ابيك تغني صوتك حلواشوفه شويه وقال لي بس
كمل في في المقطع الثاني
جان ..... يدز المقطع للقروب واكثرهم يعرفوني
شوف ام التقطيع في الردود :nice:

بلبل زمانه
هههههههههههههههههه

[Rider]

قلة ادب وسوالف جهال

[راجي الْعفو]

اليوم سناب شات
وبكره وانتو بكرامه حمار له ناب

احنا ماشاء الله اي برنامج يمشي عندنا مقصه :rolleyes2:


للحين ماشفته ولا اعرف شسالفته
بس الي اشوفه واعرفه مرات اشوف شباب او بنات حركاتهم غريبه ملفته بمكان عام
لما ادقق فيهم يصورون المكان ويصورون نفسهم وعقب يرسلون مع اشويه هذره


الله المستعان :rolleyes2:


اخر سفره لي
كنت مركز على شي معين ابغي اشوفه فيهما او لا

وفعلا ركزت على رياييلهم وحريمهم واشوف ايديهم اذا ماسكين جوالات او لا
شفت النسبه والله ماتزيد عن 2%
الكل يمشي وفي حاله ويتشرى ويستمتع ويقعدون يسولفون مع بعض
وحتى نسبه ال 2% الي ماسكين جوالاتهم نصهم ماسكينه لمدينه دقيقتين او ثلاث

اما احنا مناظرنا تضحك ههههه
خمس رايحين رحله وكل واحد مركز في جواله عيل ليش رايحين قعدون بالبيت ابرك

اضحك الله سنك
هالاجهزه ضيعت العلوم السنعه عند الكثير

مره واحد قص علي قال بصورك ابيك تغني صوتك حلواشوفه شويه وقال لي بس
كمل في في المقطع الثاني
جان ..... يدز المقطع للقروب واكثرهم يعرفوني
شوف ام التقطيع في الردود :nice:

اما انت يالنهار
وين خاش هالابداعات يا المزمار

[الأصيلة]

أكبر خطر في السناب شات هو على البنات والشباب المراهقين والصغار
متابعة بعض مشاهير السناب شات من النساء فيها من البلاوي وتأثر تأثير سلبي على الفتيات
يضيع الوقت في متابعتهم ومعرفة تفاصيل الحياة التافهه اللي يعيشونهم
فقط الإهتمام باللبس والمكياج والمطاعم والسفور والملابس الغير محتشمة
البنات يتأثرون ويحاولون يقلدونهم وخاصة في عرضهم للمنتجات التجميلية
ثانيا : لما يتابعون البنات الشباب ترى يتأثرون فيهم ومنهم من تتولع بالشاب وتراسله
وممكن تروح فيها البنت الصغيرة بتهورها وعدم معرفتها بالعواقب...
انا أشوف الخطر في السناب شات كبير على المراهقين
وغير بعيد
أن هناك من يصور أفلام خليعه وصور عراة ويرسلها للبنات والشباب
وهذا هو البلاء والكارثة...
الله يستر على بناتنا وشبابنا ويكفيهم شر الفتن ماظهر منها وما بطن...

ا

[ولد بومشعل]

شي عادي احنا في زمن التكنولوجيا

[الماريّة]

يابختكم يالي ماتعرفونه ياسعد عينكم

انا عرفته وابتلشت فيه مره احذفه ومره ارده ومره احذفه ومره ارده

فوق عشر مرات ان زههههقت من الي معاي من تصويرهم الممل حذفته

وان فقدت الناس الي تصويرهم راقي وعلومهم طيبه مثلكم وشرواكم رديته

تعبت معاه ههههههه

احلى مافيه انك تشوف بزارين هلك فدييييتهم وتشوف تحركاتهم كلها :shy:


واشين مافيه بعض المتزوجات الي يتماسكون بالايدي مع ازواجهم ويصورون ياخي حسوا فينا:rolleyes2:
تعبنا نفسيا ههههه ولا تصور كل شي جابه لها زوجها وعشياتهم وتمشياتهم

اقووول جععععععععععععععععععلكم العافية والستيره ارحمونا :secret:



الله يهديهم ويستر علينا منه

واشكرك اخوي حمد مواضيعك تعجبني وانتقاداتك لبعض التصرفات الدخيله علينا

[رجل مثالي]

اخوي حسب الاستخدام اذا كان استخدامه
في الطريق الصحيح بيكون ناجح

[العقل المدمر]

واشين مافيه بعض المتزوجات الي يتماسكون بالايدي مع ازواجهم ويصورون ياخي حسوا فينا:rolleyes2:
تعبنا نفسيا ههههه ولا تصور كل شي جابه لها زوجها وعشياتهم وتمشياتهم

اقووول جععععععععععععععععععلكم العافية والستيره ارحمونا :secret:


:eek5:
الله يشفيهم
انا احسبها حركات امهات 12 سنة
اما متزوجات يسوونها ؟ توقعتهم اعقل
انزين صوروا وخشوا صوركم شدخل العالم تروونهم
انزين البنت خفيفة عقل ماعليها شرهة
هو مستانس انها تصور ايده وتطرشها حق العالم ؟ :eek5:

[حسن]

مره واحد قص علي قال بصورك ابيك تغني صوتك حلواشوفه شويه وقال لي بس
كمل في في المقطع الثاني
جان ..... يدز المقطع للقروب واكثرهم يعرفوني
شوف ام التقطيع في الردود :nice:

انا يالنهار مساعه وحده تصور ني وانا واقف عند الاشاره جنبهم
الصراحه والله وقاحه هل البنات
يعني كيف تصوريني بكل جراءه والله انا رجل استحي اشوفهم
لكن ياويلها لو اشوف صورتي انتشرت
رقم سيارتها عندي ولو ماعندي شغل كان نزلتهم في وسط الشارع وهزئتهم قدام العالم
ويمكن اصطرهم عادي الحين غير وقبل غير الحياء راح عند الكثير وانا
كلش ولا وقاحه النسوان عندي

لازلت اقول انها قله ادب وانا واثق من اللي اقوله

[العقل المدمر]

انا يالنهار مساعه وحده تصور ني وانا واقف عند الاشاره جنبهم
الصراحه والله وقاحه هل البنات
يعني كيف تصوريني بكل جراءه والله انا رجل استحي اشوفهم
لكن ياويلها لو اشوف صورتي انتشرت
رقم سيارتها عندي ولو ماعندي شغل كان نزلتهم في وسط الشارع وهزئتهم قدام العالم
ويمكن اصطرهم عادي الحين غير وقبل غير الحياء راح عند الكثير وانا
كلش ولا وقاحه النسوان عندي

لازلت اقول انها قله ادب وانا واثق من اللي اقوله

يمكن كانت تصور سلفي :eek5:
تذكرت مرة صورت رفيجتي
وياتني بنت من بعد 20 كيلو .. لا ومنقبة بعد
قالت ممكن اشوف الصوره ابي اعرف اذا بينت
رويتها وقلت لها تراني اخاف الله .. المشكلة منقبة متخرعة من شنو :rolleyes2:

[ابوالكلام]

اهلا برامج ممتازة ولاكن العيب على المستخدم المشكلة عندنا المستخدم مايعرف إِيش يبي وعلى اي أساس نزل البرنامج الموضوع يلا مع الشباب فطبيعي بتشوف السخافات عذرا

[حسن]

يمكن كانت تصور سلفي :eek5:
تذكرت مرة صورت رفيجتي
وياتني بنت من بعد 20 كيلو .. لا ومنقبة بعد
قالت ممكن اشوف الصوره ابي اعرف اذا بينت
رويتها وقلت لها تراني اخاف الله .. المشكلة منقبة متخرعة من شنو :rolleyes2:

هذه تسمى وقاحه هاربين من الدوام ويتمشون علي كيفهم ويتصرفون تصرفات سيئه
لو ماكنت مستعجل كان لكل حدث حديث

قله ادب

:)

[توشيبا]

السلام عليكم

انا من مستخدمي برنامج سناب شات

بخصوص اللي يقول معليهم شرهه او جهل وقلت ادب مادري ويش بعد

علي اي اساس واجزم ان بعضهم يستخدمه


ولا اشلون عرفوه


وبعدين استخدامه مثل استخدام اي برنامج مثل المنتدى اللي انت تشارك فيه


اللي يمشي علي الطريق الصح طول عمره بيشوف كل شي اجابي ومنه فايده


وكلن يرا الناس بعين طبعه

والسلام

[الحياة الخالدة]

الموضوع للنقاش الجاد فالرجاء الالتزام

[Dmy Enabi]

برنامج جدا رائع تسولف مع ربعك وتصور حياتك إيش المشكلة وعندك أوبشن تضيف إلي تحب وتمسح إلي تبي
لكن إلي يدور الزلات بيلقاها بين عيونه
كل واحد يجوفه قلة أدب لايسوي له
والتحديث اليديد رووووعه ممكن يصورك ويصور إلي جدامك نفس الدقيقة

ضيفوني عالسناب :tease:

[حمد 2002]

شكرا للجميع على المشاركات الرائعه والتي اثرت الموضوع بلا شك ..

[ضوى]

برنامج جدا رائع تسولف مع ربعك وتصور حياتك إيش المشكلة وعندك أوبشن تضيف إلي تحب وتمسح إلي تبي
لكن إلي يدور الزلات بيلقاها بين عيونه
كل واحد يجوفه قلة أدب لايسوي له
والتحديث اليديد رووووعه ممكن يصورك ويصور إلي جدامك نفس الدقيقة

ضيفوني عالسناب :tease:

صدقتي خوش برنامج واللي يبي قله الادب يعرف وين يلقاها

[للصبر اخر]

صدقتي ضوى
اللي يبي قلة الادب يلقاها
انا جدا عجبني هالبرنامج وفيه ناس فيهم خير
خير سفراء لاهلهم قبل بلدهم

[راجي الْعفو]

سؤال للملم بالبرنامج وسنحت له الاجابه :

هل هناك خاصية تتيح لي اني اتابع اللي انا ضايفه من غير ما يتابعني ؟

[يمامـة]

بيكون قلة أدب لقليلي الأدب وبيكون محترم للمحترمين..

بمعنى اللي يتصورون من غير مراعاة لدين او عادات او تقاليد هذيلا اكيد استخدامهم فيه قلة أدب

مثل اللي يترقصون ويطرشون سنابات.. او مثل اللي يصورون خلق الله ويطرشون سنابات..

ومع هذا اليوم رغم تولعي الكبير في امور التكنولوجيا بشكل عام الا ان هناك برامج
ما لقيت اني بحاجة لها .. منها السناب... فالوقت اهم من اني اضيعه في التصوير او متابعة
فيديوهات الاخرين.

[حرف]

فيه ناس يستخدمونه صح
وفيه قليلين ادب
يعتمد على المستخدم حاله حال البرامج الاخرى

[ضوى]

سؤال للملم بالبرنامج وسنحت له الاجابه :

هل هناك خاصية تتيح لي اني اتابع اللي انا ضايفه من غير ما يتابعني ؟

ايه فيه ، انا وبنتي نتابع قائمة اشكبرها في تخصصات كثيرة ، مايقدرون هم يتابعونا لانه اللي نصوره نحطه بالستوري ونبلك اللي مانبي يتابعنا

[حسن]

بيكون قلة أدب لقليلي الأدب وبيكون محترم للمحترمين..

بمعنى اللي يتصورون من غير مراعاة لدين او عادات او تقاليد هذيلا اكيد استخدامهم فيه قلة أدب

مثل اللي يترقصون ويطرشون سنابات.. او مثل اللي يصورون خلق الله ويطرشون سنابات..

ومع هذا اليوم رغم تولعي الكبير في امور التكنولوجيا بشكل عام الا ان هناك برامج
ما لقيت اني بحاجة لها .. منها السناب... فالوقت اهم من اني اضيعه في التصوير او متابعة
فيديوهات الاخرين.

فعلا كلام سليم جدا

برامج الصراحه مافيها الا العبط
هذه هي الحقيقه ولا نقعد ندافع ونطبل له شنهو يعني مقطع ثواني تصولي فيها نفسك
عبطك
والبعض يقول مفيده تضحك على نفسك انت !!
برامج هذه فقط مضيعه وقت
استغرب من اللي يقول فيها استفدت !!

[أعمار]

السناب شات
له ايجابيات وسلبيات ومنهم من يستخدمه استخدام صحيح ومنهم اللي يسيئ الاستخدام
بس لا بد من الحذر لان مثل ما تعرفون البرنامج تم اختراقه من فترة فلابد من الحذر خصوصا البنات

[راجي الْعفو]

ايه فيه ، انا وبنتي نتابع قائمة اشكبرها في تخصصات كثيرة ، مايقدرون هم يتابعونا لانه اللي نصوره نحطه بالستوري ونبلك اللي مانبي يتابعنا

يزاج الله خير
يا ريت كل البنات يتبعون هالطريقه مثلكم

[يمامـة]

فعلا كلام سليم جدا

برامج الصراحه مافيها الا العبط
هذه هي الحقيقه ولا نقعد ندافع ونطبل له شنهو يعني مقطع ثواني تصولي فيها نفسك
عبطك
والبعض يقول مفيده تضحك على نفسك انت !!
برامج هذه فقط مضيعه وقت
استغرب من اللي يقول فيها استفدت !!

الاستفادة تختلف باختلاف المقاطع اللي الناس يشوفونها..

بمعنى لما سافروا العيال كنت اشوف مقاطع فيديو لهم في السناب
اكذب عليك لو قلت ان فيها فايدة.. لكنها كانت تريحني نفسيا اني اشوفهم يضحكون..
لكن هل لو بغيت ارتاح اروح ادور بنات اخوي علشان يشغلون لي السناب لو في فيديو يديد منهم؟

فموضوع الاستفادة عني لاني ما استخدمت البرنامج .. واشوف نوعية الاستخدامات حولي
ما اشوف فيه اي فايدة.. وكثيرا ما نحث البنات انهم ما يكشفون نفوسهم في مثل هالبرامج
لأن صارت الوحدة تتصور وتنشر للي حولها في الهيستوري.. ويتناسون انهم يتصورون من غير حجاب
او بكامل زينتهم وان هناك سيرفرات ممكن سحب مقاطع الفيديو منها عند عديم الضمير..
ويتناسون ان من من ستر المرأة انها ما تكشف نفسها خارج بيتها.. بينما اليوم صارت الوحدة
تتصور بكل اريحية وتنشر الفيديو وان كان في الهيستوري ضمن دائرة خاصة.. وهالدائرة
بد ما منهم امان.

[راجي الْعفو]

نصيحة طيبة منج للاخوات يا ام خوسيه

بارك الله فيج


وكذا النصيحه موصوله للشباب اللي يعرضون اشيا مخلة او فيها مخالفات
انهم يتجنبون مثل هالاشيا
حتى لا يثقلون ميزان سيئاتهم
بافعالهم
ومتابعة غيرهم


والله يهدينا جميعا

[ضوى]

يزاج الله خير
يا ريت كل البنات يتبعون هالطريقه مثلكم

الله يهديهم ويصلحهم ويهدينا ويصلحنا

كل شي احنا اللي نتحكم فيه مب هو يتحكم فينا والسناب مب شرط اصور ويهي والا ايدي والا تسريحتي ، وايد اشياء تستحق التصوير

[حسن]

الاستفادة تختلف باختلاف المقاطع اللي الناس يشوفونها..

بمعنى لما سافروا العيال كنت اشوف مقاطع فيديو لهم في السناب
اكذب عليك لو قلت ان فيها فايدة.. لكنها كانت تريحني نفسيا اني اشوفهم يضحكون..
لكن هل لو بغيت ارتاح اروح ادور بنات اخوي علشان يشغلون لي السناب لو في فيديو يديد منهم؟

فموضوع الاستفادة عني لاني ما استخدمت البرنامج .. واشوف نوعية الاستخدامات حولي
ما اشوف فيه اي فايدة.. وكثيرا ما نحث البنات انهم ما يكشفون نفوسهم في مثل هالبرامج
لأن صارت الوحدة تتصور وتنشر للي حولها في الهيستوري.. ويتناسون انهم يتصورون من غير حجاب
او بكامل زينتهم وان هناك سيرفرات ممكن سحب مقاطع الفيديو منها عند عديم الضمير..
ويتناسون ان من من ستر المرأة انها ما تكشف نفسها خارج بيتها.. بينما اليوم صارت الوحدة
تتصور بكل اريحية وتنشر الفيديو وان كان في الهيستوري ضمن دائرة خاصة.. وهالدائرة
بد ما منهم امان.

كلامك دائما وابدا عين العقل وانتي تكلمتي عن نقطه وهي يريحني نفسيه
وهذه هي مربط الفرس لدي الكثير من مستخدميه هناك خلل في النفسيه
انا استغرب يالايمامه البنات يصورون نفسهم وبالشكال مختلفه وعقب نقول تحملو من البرنامج ولا التلفلون
يخزن على الشريحه ولا راعي المحلي يقدر يسحب صورهم
ليش انا احط نفسي في هذا الوضع وعقد احذر
بالنسبه لي اي برنامج عبط مااستصيغه نهائيا ومن ضمنهم الاستغرام من بدايه
تركته وماشوف فيه فايده تذكر
اقطع دابر الشر وريح وراسي
وبعدين تشوفين هذه البرامج عندنا تصير نوع من الادمان وتشوفين الجوال مايطيح من يد الواحد
في كل مكان وحتى اثناء القياده
شي فضيع تخلف الى النخاع محد ينكره رحت لاالمانيه ماشفت حد ماسك الجوال
وحتى غير البشر يذكره في رده قبل ايام يقول فرق بين الشعوب المتطوره والمتخلفه
ركبت القطارات ماشفت الا الكتب في ايديهم ولقيت شعب نضيف نفسيا
واحنا امه اقرا لاتقرا الى التفاهات والغالبيه يعانون من اسواء الامراض النفسيه

شكرا لك ياليمامه
:)

[يمامـة]

كلامك دائما وابدا عين العقل وانتي تكلمتي عن نقطه وهي يريحني نفسيه
وهذه هي مربط الفرس لدي الكثير من مستخدميه هناك خلل في النفسيه
انا استغرب يالايمامه البنات يصورون نفسهم وبالشكال مختلفه وعقب نقول تحملو من البرنامج ولا التلفلون
يخزن على الشريحه ولا راعي المحلي يقدر يسحب صورهم
ليش انا احط نفسي في هذا الوضع وعقد احذر
بالنسبه لي اي برنامج عبط مااستصيغه نهائيا ومن ضمنهم الاستغرام من بدايه
تركته وماشوف فيه فايده تذكر
اقطع دابر الشر وريح وراسي
وبعدين تشوفين هذه البرامج عندنا تصير نوع من الادمان وتشوفين الجوال مايطيح من يد الواحد
في كل مكان وحتى اثناء القياده
شي فضيع تخلف الى النخاع محد ينكره رحت لاالمانيه ماشفت حد ماسك الجوال
وحتى غير البشر يذكره في رده قبل ايام يقول فرق بين الشعوب المتطوره والمتخلفه
ركبت القطارات ماشفت الا الكتب في ايديهم ولقيت شعب نضيف نفسيا
واحنا امه اقرا لاتقرا الى التفاهات والغالبيه يعانون من اسواء الامراض النفسيه

شكرا لك ياليمامه
:)

العفو يا اخوي بوعلي..

بمناسبة القراية.. لاحظت ان معلومات التيك اوي ما تثبت في المخ..

بمعنى عيالنا يوميا يقرون معلومات تقدم لهم بشكل سريع
في تويتر او السناب او .. او... او...

ومع هذا نلقى عندهم قصور في مخزونهم الثقافي.. ولازم يرجعون لجوجل علشان يثبتون
معلوماتهم.. بينما.. اللي يعتمد يقرأ المعلومات عن طريق وقت مخصص للقراية فقط.. مب نظرة على المعلومة السريعة

تلقى مخزونه الثقافي عالي جدا.. وقد لا يحتاج الى اثبات معلومته..

فمن جذيه مثل هالبرامج قد ندعي انها تفيدنا.. ولكن التعامل السريع معاها تفقدنا الاستفادة منها..

[يمامـة]

نصيحة طيبة منج للاخوات يا ام خوسيه

بارك الله فيج


وكذا النصيحه موصوله للشباب اللي يعرضون اشيا مخلة او فيها مخالفات
انهم يتجنبون مثل هالاشيا
حتى لا يثقلون ميزان سيئاتهم
بافعالهم
ومتابعة غيرهم


والله يهدينا جميعا

امين يا اخوي راجي..

نحن نعاني من هالتطبيقات.. عندنا عيال وعندنا بنات .. وعندنا اطفال..

فالواحد لو ما صور نفسه.. ما يصير ينشر فيديوهات لاضحاك الناس على غيره..
ما يصير ينشرون صور ناس للتقليل منهم..

للاسف الشديد الغالبية اليوم اعطى نفسه الحق في الاستهزاء والسخرية من العالم
لمجرد ان صاحب الصورة وضع نفسه في موضع السخرية..

ويتناسون ان لكل انسان حساب وعقاب خاص به منفصل على افعال الاخرين..

[حسن]

العفو يا اخوي بوعلي..

بمناسبة القراية.. لاحظت ان معلومات التيك اوي ما تثبت في المخ..

بمعنى عيالنا يوميا يقرون معلومات تقدم لهم بشكل سريع
في تويتر او السناب او .. او... او...

ومع هذا نلقى عندهم قصور في مخزونهم الثقافي.. ولازم يرجعون لجوجل علشان يثبتون
معلوماتهم.. بينما.. اللي يعتمد يقرأ المعلومات عن طريق وقت مخصص للقراية فقط.. مب نظرة على المعلومة السريعة

تلقى مخزونه الثقافي عالي جدا.. وقد لا يحتاج الى اثبات معلومته..

فمن جذيه مثل هالبرامج قد ندعي انها تفيدنا.. ولكن التعامل السريع معاها تفقدنا الاستفادة منها..

شوفي ياليمامه
التكرار يعلم الشطار
:)
قبل يومين كان عندي اختبارت لتسجيل عيالي في مهعد كومو لتعليم الرياضيات
جلست مع المديره وشرحت لي الوضع عن طريقه تعليمهم
واثناء الشرح قلت لها اكثريه العيال مايحفظون جداول الضرب وهذه اسس ماتنسى
قالت تعليمنا بكون عن طريق التكرار وكثره الوجبات في الحل تنشط الذاكره وتخليه يترسخ في ذهنه
مع العلم عيالي نجحو في الاختبار ولاكن هو يحسبون سرعه الايجابه ايظا

باركيلي سجلوهم بعد حجز منذو 4 شهور

الاستثمار الحقيقي في تعليم الابناء

مهب في الاسناب شات ولااستغرام والكاب كيك وسمبوسسسسسسسسسسا


:victory:

[sweet qatar]

ما استغربت بعض الردود

واشوفها منطقية جدآ تبعاً لعمر الأعضاء


بس الي استغرب منه في هالمنتدى ليش دايماً التفاعل يكون متأخر !!

مواضيع وايد انطرحت عن السناب ما لقت تفاعل

والي بيشارك فيها بيتكلم عن الانستقرام !!

و يوم كنا نتكلم عن الانستقرام كانت المواضيع تناقش اليوتيوب و تويتر !!!



ليش هذا التخلف التكنولوجي

ليش ما في وعي بحاضر التكنولوجيا مب أرشيفها !!

[يمامـة]

ما استغربت بعض الردود

واشوفها منطقية جدآ تبعاً لعمر الأعضاء


بس الي استغرب منه في هالمنتدى ليش دايماً التفاعل يكون متأخر !!

مواضيع وايد انطرحت عن السناب ما لقت تفاعل

والي بيشارك فيها بيتكلم عن الانستقرام !!

و يوم كنا نتكلم عن الانستقرام كانت المواضيع تناقش اليوتيوب و تويتر !!!



ليش هذا التخلف التكنولوجي

ليش ما في وعي بحاضر التكنولوجيا مب أرشيفها !!

احتمال يا سويتي التطبيق فاحت ريحته بشكل سيء في الفترة الاخيرة..

يعني اليوم الباث او غيره اوغيره لما يكون محدود الاستخدام محد بيدري عنهم..
لكن لما ينتشر بشكل اوسع .. طبيعي جدا نلقى الكلام يزيد عليهم

[sweet qatar]

احتمال يا سويتي التطبيق فاحت ريحته بشكل سيء في الفترة الاخيرة..

يعني اليوم الباث او غيره اوغيره لما يكون محدود الاستخدام محد بيدري عنهم..
لكن لما ينتشر بشكل اوسع .. طبيعي جدا نلقى الكلام يزيد عليهم

بالعكس السناب من أول ماظهر هبوا فيه العالم والكل يعرفه و يتكلم عنه


التخلف معناه غياب رقابة و تغييب لفئة من المجتمع عن الواقع


يعني الكبار ما يدرون عن الي تحت رعايتهم

و الصغار بعيدين تماماً عن توجيهات الكبار


فعلاً هاي الي يسمونها مصيبة المصايب

[العلياا]

ما استغربت بعض الردود

واشوفها منطقية جدآ تبعاً لعمر الأعضاء


بس الي استغرب منه في هالمنتدى ليش دايماً التفاعل يكون متأخر !!

مواضيع وايد انطرحت عن السناب ما لقت تفاعل

والي بيشارك فيها بيتكلم عن الانستقرام !!

و يوم كنا نتكلم عن الانستقرام كانت المواضيع تناقش اليوتيوب و تويتر !!!



ليش هذا التخلف التكنولوجي

ليش ما في وعي بحاضر التكنولوجيا مب أرشيفها !!

هههههههه حبيت ردج


توني اشوف الموضوع
ترى احين في برامج ثانية نزلت وانتم بعدكم واقفين عند السناب :)

[sweet qatar]

هههههههه حبيت ردج


توني اشوف الموضوع
ترى احين في برامج ثانية نزلت وانتم بعدكم واقفين عند السناب :)

ههههههههههههه

والله شي غريب .. يعني أدوات إعلامية واجتماعية ماتشوفين إلا السلبيات من ناس ما يستخدمونها !! و يتكلمون عنها عقب ما تنطفي

شالفايدة !!!

شوفي رد ديور بعد بيعجبج :o


سناب يعتمد على متابعة الشخص مثل التلفزيون تماما انت تختار !
في برنامج ماخذ الجو تصور كل شي لايف وتستقبل التعليقات وترد عليها لايف حتى وانت تاكل وتسولف معهم كانهم جالسين معك يعني مثل هالأمور في تطور مستمر
انا اتمنى يخترعون زي اللفت من ادخله يفتح بأي مكان ابغاه بينفع الي بعيد عن اهله
تهقون يصير؟! هههههه



حلو خيالج يا ديور .. سو كرييتف :o

[راجي الْعفو]

لا تكون النظره بهالطريقه ..

البرامج كثيره ..

بس لما يجي برنامج وياخذ له صوت و صدى اكثر من غيره و يصير هو السائد والعالم طايحين فيه

فمن الطبيعي ان الكلام يتوجه له في وقته

واذا راح البرنامج بيتم الكلام اللي دار حوله ثابت و يستفاد منه ، لانه شامل لكل البرامج وما يتوقف على برنامج معين

وطبعا يتوجه له عن تجربه و براهين مش مجرد كلام في الهوا

[العلياا]

ههههههههههههه

والله شي غريب .. يعني أدوات إعلامية واجتماعية ماتشوفين إلا السلبيات من ناس ما يستخدمونها !! و يتكلمون عنها عقب ما تنطفي

شالفايدة !!!

شوفي رد ديور بعد بيعجبج :o

حلو خيالج يا ديور .. سو كرييتف :o

ههههههههه والله انكم فاهمين
اشوى ماذكرت اسمه ولا كان شفتيهم عقب كم يوم منزلين عنه

[يمامـة]

بالعكس السناب من أول ماظهر هبوا فيه العالم والكل يعرفه و يتكلم عنه


التخلف معناه غياب رقابة و تغييب لفئة من المجتمع عن الواقع


يعني الكبار ما يدرون عن الي تحت رعايتهم

و الصغار بعيدين تماماً عن توجيهات الكبار


فعلاً هاي الي يسمونها مصيبة المصايب

المصيبة يا سويتي مب في الصغار..

المصيبة في البعارين الله يكرم القراء اللي تلقينهم صاروا يهال..

فطفل مثل خوسيه.. ضايف اخوانه او خواته وهله وربعه هذا ما ينخاف عليهم اليوم
الخوف على الطفل الكبير اللي عنده حساب خاص فيه وضايف اشكال والوان من القذارة..

الخوف على البنات اللي يتصورون من باب ان هالشي عادي..

فانتي كأم اشلون ممكن تضبطين استخدام بنتج للسناب شات؟
يا انج تراقبينها اربع وعشرين ساعة
او انج تسحبين الجوال منها..

فالتطبيق طلع من زمان.. لكن طرق استخدامه السلبية هي اللي خلته يبرز بشكل ملفت للنظر..

[يمامـة]

لا تكون النظره بهالطريقه ..

البرامج كثيره ..

بس لما يجي برنامج وياخذ له صوت و صدى اكثر من غيره و يصير هو السائد والعالم طايحين فيه

فمن الطبيعي ان الكلام يتوجه له في وقته

واذا راح البرنامج بيتم الكلام اللي دار حوله ثابت و يستفاد منه ، لانه شامل لكل البرامج وما يتوقف على برنامج معين

وطبعا يتوجه له عن تجربه و براهين مش مجرد كلام في الهوا

نعم هذا هو الكلام الصحيح..

اليوم في تطبيق يستخدمونه الناس استخدام سيء .. لكن قلة اللي يدرون عنه
فالبتالي الكلام عنه يكون محصور في الفئة اللي تستخدمها..

لكن لما يصبح في كل جوال تقريبا .. اكيد الكلام رايح يزيد عليه ويتكرر مع كل
خطأ يصدر من مستخدمي هالتطبيق..

فاساس الموضوع الغلط غلط في كل التطبيقات..

لكن اساس البلاء لما الوحدة تصور نفسها في سناب جب وتقول المقطع لثواني!!

اهنيه يتم التنبيه ان المقطع مب لثواني ممكن صديقاتج يشوفون المقطع بصحبة اخوانهم
اصدقاءهم رفيجها حبيبها زوجها( فالواحد ليش يكشف نفسه ويأمن للناس؟)

[حسن]

لا تكون النظره بهالطريقه ..

البرامج كثيره ..

بس لما يجي برنامج وياخذ له صوت و صدى اكثر من غيره و يصير هو السائد والعالم طايحين فيه

فمن الطبيعي ان الكلام يتوجه له في وقته

واذا راح البرنامج بيتم الكلام اللي دار حوله ثابت و يستفاد منه ، لانه شامل لكل البرامج وما يتوقف على برنامج معين

وطبعا يتوجه له عن تجربه و براهين مش مجرد كلام في الهوا

اسمعت لو ناديت حيا

اشكرك ياشيخ راجي على هذا الكلام الطيب والعقلاني

جزاك الله خير

تصدق بعض هذه البرامج تسوق الدعاره الصريحه
ومحد تجرا يتطرق الى هذا الكلام

هذه هي الزبده

[sweet qatar]

المصيبة يا سويتي مب في الصغار..

المصيبة في البعارين الله يكرم القراء اللي تلقينهم صاروا يهال..

فطفل مثل خوسيه.. ضايف اخوانه او خواته وهله وربعه هذا ما ينخاف عليهم اليوم
الخوف على الطفل الكبير اللي عنده حساب خاص فيه وضايف اشكال والوان من القذارة..

الخوف على البنات اللي يتصورون من باب ان هالشي عادي..

فانتي كأم اشلون ممكن تضبطين استخدام بنتج للسناب شات؟
يا انج تراقبينها اربع وعشرين ساعة
او انج تسحبين الجوال منها..

فالتطبيق طلع من زمان.. لكن طرق استخدامه السلبية هي اللي خلته يبرز بشكل ملفت للنظر..

شوفي يمامة ما اختلف معاج البرنامج ممكن يتم استخدامه استخدام سيء جدآ

لكن المفروض الأم والأب يواكبون التطور ويفهمون الأمور الي تدور في ذهن عيالهم

يعني يدخلون البرنامج ويشوفون المشاهير الي عيالهم ضايفينهم

لأن الي حاس بالحرية والبعد عن الرقابة بياخذ راحته أكثر


مابتكلم بمثالية لكن الواقع مخيف .. ليش اخلي عيالي بروحهم

واتركهم يواجهون وسائل جذابة و مدمرة بروحهم !! لازم أكون معاهم


التطبيق طلع من زمان والكلام عنه بطريقة الذم والفضايح ما يودي ولا يجيب

ولا بيفيد بشي ..


عقب ما فات الفوت ما ينفع الصوت !

[بريق الحق]

الحمدلله نظامي نظام شيبان ماتعجبني هالسوالف

[الجـــوديّ]

المصيبة يا سويتي مب في الصغار..

المصيبة في البعارين الله يكرم القراء اللي تلقينهم صاروا يهال..

فطفل مثل خوسيه.. ضايف اخوانه او خواته وهله وربعه هذا ما ينخاف عليهم اليوم
الخوف على الطفل الكبير اللي عنده حساب خاص فيه وضايف اشكال والوان من القذارة..

الخوف على البنات اللي يتصورون من باب ان هالشي عادي..

فانتي كأم اشلون ممكن تضبطين استخدام بنتج للسناب شات؟
يا انج تراقبينها اربع وعشرين ساعة
او انج تسحبين الجوال منها..

فالتطبيق طلع من زمان.. لكن طرق استخدامه السلبية هي اللي خلته يبرز بشكل ملفت للنظر..

هي التربية ياليمامة ...


يعني خلونا نتكلم عن الوضع الطبيعي موب الشاذ
لاول ماعرف له ولا ادانيه
تقبلته شوي شوي
واتابع فيه ناس الله يجزيهم الخير مفيدين ويضيفون لنا الكثير
وعادي ما افتحه شهر انساه اصلا

بالنسبه للاهل يخليج في تواصل دائم معاهم وحتى مع العيال
السناب فيه ايجابيات كثيرة .. ويجمع الاهل والعيلة مايفرق

بالنسبة للسلوكيات الشاذة كلن وتربيته وكلن وهو من ضايف
اذا الام شدت على البنت وحذرتها من الاستخدام الخاطيء
وبنفس الوقت قربت منها .. وشافت تصرفاتها .. وعطتها مساحة ثقة
ماظن البنت راح اتعدى رغبة اهلها.
اما البنات اللي يطلعون صورهم عادي .. هم راضيين واهلهم راضيين.

[حسن]

الحمدلله نظامي نظام شيبان ماتعجبني هالسوالف

احسلك ترا البرنامج كله عبط وتصوير وكل بنت تنشر صورها
والشباب

يعني ماتستفيد منه خير شر

واللي يقولكم استفدت منه يقص على عمره

البرنامج مضيعه وقت فقط

[بريق الحق]

احسلك ترا البرنامج كله عبط وتصوير وكل بنت تنشر صورها
والشباب

يعني ماتستفيد منه خير شر

واللي يقولكم استفدت منه يقص على عمره

البرنامج مضيعه وقت فقط

صحيح الوتسب وتويتر كفايه

[يمامـة]

شوفي يمامة ما اختلف معاج البرنامج ممكن يتم استخدامه استخدام سيء جدآ

لكن المفروض الأم والأب يواكبون التطور ويفهمون الأمور الي تدور في ذهن عيالهم

يعني يدخلون البرنامج ويشوفون المشاهير الي عيالهم ضايفينهم

لأن الي حاس بالحرية والبعد عن الرقابة بياخذ راحته أكثر


مابتكلم بمثالية لكن الواقع مخيف .. ليش اخلي عيالي بروحهم

واتركهم يواجهون وسائل جذابة و مدمرة بروحهم !! لازم أكون معاهم


التطبيق طلع من زمان والكلام عنه بطريقة الذم والفضايح ما يودي ولا يجيب

ولا بيفيد بشي ..


عقب ما فات الفوت ما ينفع الصوت !

صحيح كلامج يا سويت..

الوالدين يدشون حسابات عيالهم او يشاركونهم و يضيفونهم..

او كأقل تقدير يوكلون اخوانهم يراقبونهم بما انهم من محبي هالتطبيقات..

بس لما نوصل مرحلة الولد او البنت يصر ان الغلط اللي يسويه صح
في هالحالة تلقين مبررات كثيرة للخطأ نفسه...

اي حفلة تلقينهم مصورين بالصوت وهات نشر..

اي تجمع مصورين نفوسهم وفي حدود ربعهم ناشرين الفيديو..

ليش صاارت عندهم ثقافة التكشف اما الناس امر طبيعي؟

تكشفي في بيتج في غرفتج.. لكن مب في مقاطع فيديو تنشر في السناب والحجة
انها بثواثي تختفي:secret:

[يمامـة]

هي التربية ياليمامة ...


يعني خلونا نتكلم عن الوضع الطبيعي موب الشاذ
لاول ماعرف له ولا ادانيه
تقبلته شوي شوي
واتابع فيه ناس الله يجزيهم الخير مفيدين ويضيفون لنا الكثير
وعادي ما افتحه شهر انساه اصلا

بالنسبه للاهل يخليج في تواصل دائم معاهم وحتى مع العيال
السناب فيه ايجابيات كثيرة .. ويجمع الاهل والعيلة مايفرق

بالنسبة للسلوكيات الشاذة كلن وتربيته وكلن وهو من ضايف
اذا الام شدت على البنت وحذرتها من الاستخدام الخاطيء
وبنفس الوقت قربت منها .. وشافت تصرفاتها .. وعطتها مساحة ثقة
ماظن البنت راح اتعدى رغبة اهلها.
اما البنات اللي يطلعون صورهم عادي .. هم راضيين واهلهم راضيين.


يالجودي كل فينا بيتكلم وهو عارف بيئته وعارف انه الغلط ما يطلع منه او من عياله..

لكن احنا نتكلم عن الاخطاء والسلبيات اللي تواكب مثل هالتطبيقات ويكون عند عيالنا حجج
بصحة مواقفهم..

احنا اليوم مع التغيير الحاصل في الثقافة العامة للجيل الحالي امور كثيرة كانت حرام
صارت مباحة..
فالتربية اهنيه تضيع لان المجتمع ساحب.. والاغلبية مع..
فمن جذيه احنا ما نقول نمنع هالتطبيقات.. لكن في الوقت نفسه لازم نحدد الصح و الغلط منه
مهما كان مقدار الاستفادة منه..

[ريم الشمال]

البرامج التي تركب في اجهزة الاولاد والبنات دون وضع قوانين من جانب الام والأب سوف تؤدي إلى ما أنتم تشتكون منه الآن

وقال اهلنا من همل فقد
المراقبة واعطاء الثقة الغير عميه سوف ينشئ جيل واعي يعرف كيفية استخدام إي تكنولوجيا حديثة استخدام ايجابي وليس سلبي

[الجـــوديّ]

يالجودي كل فينا بيتكلم وهو عارف بيئته وعارف انه الغلط ما يطلع منه او من عياله..

لكن احنا نتكلم عن الاخطاء والسلبيات اللي تواكب مثل هالتطبيقات ويكون عند عيالنا حجج
بصحة مواقفهم..

احنا اليوم مع التغيير الحاصل في الثقافة العامة للجيل الحالي امور كثيرة كانت حرام
صارت مباحة..
فالتربية اهنيه تضيع لان المجتمع ساحب.. والاغلبية مع..
فمن جذيه احنا ما نقول نمنع هالتطبيقات.. لكن في الوقت نفسه لازم نحدد الصح و الغلط منه
مهما كان مقدار الاستفادة منه..



ممكن تصير أخطاء ياليمامة لكن اذا البنات تم تحذيرهم ..
وجاء بعد التحذير من الرجاجيل .. فهنيه عاد مايلومون الا نفسهم اذا انسحبت عنهم التليفونات
انا اتكلم من واقع
ان هملت الام .. الاب والاخوان المفروض مايهملون ويحسسون البنت ان احنا موجودين وعلى راسج
بامكانهم يصورون يومياتهم بدون ماتطلع وجيههم في السناب .. ولا حتى مفاتنهم
والتحذير يتجدد من الرجاجيل بين فترة وفترة ..


الحاصل من واقع مشاهداتي ان الامهات يشوفون بناتهم ويسوون عمرهم انهم مايشوفون
ومخلين نفسهم في يد البنات .. مب العكس
الشاهد لما نقول تربية يعني الكلمة الاولى والاخيرة للام والاب .. هم الادرى والاقدر والاصلح
رضوا العيال والا ما رضوا

[حرف]

انتم الحين تكلمتوا عن مخاطرة للاطفال
بينما اكبر خطر هم الكبار

[sweet qatar]

احسلك ترا البرنامج كله عبط وتصوير وكل بنت تنشر صورها
والشباب

يعني ماتستفيد منه خير شر

واللي يقولكم استفدت منه يقص على عمره

البرنامج مضيعه وقت فقط


أنا استفدت منه واستفدت وايد وان شالله استفيد من كل برنامج جديد

سوري حسن مب من حقك تعمم تجربتك ..

البرنامج يفيد الأشخاص الي يحبون يتطورون في مجالات كثيرة

أما الي مايعرف يستخدمه وما يرسل غير صباح الخير و أنا وين

هذا بس يتسلي والتسلية مب كلها شر .. !!




يمامة

مثل ما قالت لج الجودي هي التربية

والله يعينكم عليها

[sweet qatar]

البرامج التي تركب في اجهزة الاولاد والبنات دون وضع قوانين من جانب الام والأب سوف تؤدي إلى ما أنتم تشتكون منه الآن

وقال اهلنا من همل فقد
المراقبة واعطاء الثقة الغير عميه سوف ينشئ جيل واعي يعرف كيفية استخدام إي تكنولوجيا حديثة استخدام ايجابي وليس سلبي

اختصرتي معلقات يالريم الله يحفظج .. رد محكم و وافي

فعلاً .. من همل فقد

[MirusS]

رايي
السناب شات برنامج تافه وماشفت منه أي فايده ، يعني حتى سلبياته كثيره
مع اني أستخدم برامج تواصل عديده بس هالبرنامج الوحيد الي ماجاز لي .. وأغلب مستخدمينه مثل ماقال حسن يستخدمونه فالعبط والكلام الفاضي
هذا من الي لاحظته من مستخدمينه الي اعرفهم ،

هالبرنامج اعتبره سبيل للفساد الاخلاقي للكبير و الصغير ..

[بوحارب]

انا للحين مب مصدق اني تولعت فيه

الصراحة اشوفه برنامج منتااااااز ;)

الأعضاء اللي معاي فاللسته تابعوني بصمت ولحد يفضحنا:happy:

[sweet qatar]

رايي
السناب شات برنامج تافه وماشفت منه أي فايده ، يعني حتى سلبياته كثيره
مع اني أستخدم برامج تواصل عديده بس هالبرنامج الوحيد الي ماجاز لي .. وأغلب مستخدمينه مثل ماقال حسن يستخدمونه فالعبط والكلام الفاضي
هذا من الي لاحظته من مستخدمينه الي اعرفهم ،

هالبرنامج اعتبره سبيل للفساد الاخلاقي للكبير و الصغير ..

عجبني ردك فايبر .. لأنك مصر توضح إن هذا رأيك وتجربتك و وجهة نظرك والأشخاص الي تعرفهم :o

هذا الطبيعي

شخصيا أكره برنامج تويتر و أحس إن اسوأ وأكره الأشياء عرفتها فيه

لكن عمري ما قللت من قيمته كبرنامج تواصل أو قلت إنه أساس الشر

لأن المستخدمين هم الأساس

تري وان اختلفت المسميات فالسوشال ميديا كلها نفس الشي

الي بيقول سناب مضيعة وقت
ترا انستا وتويتر بعد مضيعة وقت و فوقهم المنتديات والبلوقز

والي بيحصر العلم في الكتب .. تري الأوليين ما احتاجوا كتب تعلمهم وتربيهم

تلقاه لا يقرا ولا يكتب لكن المخ يوزن بلد

رجاء ارتقوا واتركوا عنكم المستنقعات الرديئة في برامج التواصل

مب غلط إني أنبه لشي الناس غافلة عنه

لكن أكبر غلط أرفض الشي علنا واعذرب فيه .. و أمارسه واستمتع فيه :rolleyes:

[بريق الحق]

عجبني ردك فايبر .. لأنك مصر توضح إن هذا رأيك وتجربتك و وجهة نظرك والأشخاص الي تعرفهم :o

هذا الطبيعي

شخصيا أكره برنامج تويتر و أحس إن اسوأ وأكره الأشياء عرفتها فيه

لكن عمري ما قللت من قيمته كبرنامج تواصل أو قلت إنه أساس الشر

لأن المستخدمين هم الأساس

تري وان اختلفت المسميات فالسوشال ميديا كلها نفس الشي

الي بيقول سناب مضيعة وقت
ترا انستا وتويتر بعد مضيعة وقت و فوقهم المنتديات والبلوقز

والي بيحصر العلم في الكتب .. تري الأوليين ما احتاجوا كتب تعلمهم وتربيهم

تلقاه لا يقرا ولا يكتب لكن المخ يوزن بلد

رجاء ارتقوا واتركوا عنكم المستنقعات الرديئة في برامج التواصل

مب غلط إني أنبه لشي الناس غافلة عنه

لكن أكبر غلط أرفض الشي علنا واعذرب فيه .. و أمارسه واستمتع فيه :rolleyes:

اتفق معاج
صحيح يمكن الشخص كانت له تجربه ناجحه للسناب بسبب الي يوصله والي يتابعهم او وجد مايفيده من خلال هذا البرنامج ويمكن له تجربه فاشله او شاف الي حوله يستخدمونه بسلوب طفولي او الخ فقال انه مضيعه عن الوقت وان كان هناك اختلاف بسيط بينه وبين الوسائل مثل تويتر والانستقرام
بالنسبه لي اعتبر تويتر هو الرقم واحد ويختصر لي جميع الاشياء وحصلت الي كنت ابي اقراء عنهم واسمع لهم بمتابعتهم واكون قريب من اي شي جديد يعرض لهم

[sweet qatar]

اتفق معاج
صحيح يمكن الشخص كانت له تجربه ناجحه للسناب بسبب الي يوصله والي يتابعهم او وجد مايفيده من خلال هذا البرنامج ويمكن له تجربه فاشله او شاف الي حوله يستخدمونه بسلوب طفولي او الخ فقال انه مضيعه عن الوقت وان كان هناك اختلاف بسيط بينه وبين الوسائل مثل تويتر والانستقرام
بالنسبه لي اعتبر تويتر هو الرقم واحد ويختصر لي جميع الاشياء وحصلت الي كنت ابي اقراء عنهم واسمع لهم بمتابعتهم واكون قريب من اي شي جديد يعرض لهم

الله يكتب لك الفايدة والمنفعة من الاكاونتات الطيبة وينفع بك

[يمامـة]

هي التربية ياليمامة ...


يعني خلونا نتكلم عن الوضع الطبيعي موب الشاذ
لاول ماعرف له ولا ادانيه
تقبلته شوي شوي
واتابع فيه ناس الله يجزيهم الخير مفيدين ويضيفون لنا الكثير
وعادي ما افتحه شهر انساه اصلا

بالنسبه للاهل يخليج في تواصل دائم معاهم وحتى مع العيال
السناب فيه ايجابيات كثيرة .. ويجمع الاهل والعيلة مايفرق

بالنسبة للسلوكيات الشاذة كلن وتربيته وكلن وهو من ضايف
اذا الام شدت على البنت وحذرتها من الاستخدام الخاطيء
وبنفس الوقت قربت منها .. وشافت تصرفاتها .. وعطتها مساحة ثقة
ماظن البنت راح اتعدى رغبة اهلها.
اما البنات اللي يطلعون صورهم عادي .. هم راضيين واهلهم راضيين.

تدرين يا الجودي.. كنت مثلج اقول التربية هي الاساس.. لكني اكتشفت في امور تجعل من التربية
كأنها لم تكن..
بمعنى اليوم مثل ما قلتي البنت هي اللي تفرض اللي تبيه على الام .......> وهذا اقع الكثيرمن الامهات
وتلقينهم يقولون شنسوي؟ ما نقدر عليهم..

وفي المقابل انتي ما تقدرين تجعلين بنتج حسب مقاييس تربيتج لها.. فإذا هي ما صورت
تلقين اللي معاها مصورينها بعلمها او من غير علمها..
وقد تحصلينها وان ما تصورت الا انها تحمل افكار الجيل الحالي ان التصوير مافيه شي
فليش انتوا مكبرين السالفة؟

طبعا انتي بتصرين على رايج.. وهم من داخلهم وقد يصرحون باللي في دواخلهم ان
احنا وايد مشددين على امور ما تستحق التشديد.. فيقولون عطونا الثقة واحنا قدها..
واشوي تحصلين الجوال ياخذ لفة عليهم وهم متعدلات وهوووبا منزلينه حق بعض في السناب..

اهنيه شتسوين؟
تسحبين الجوال من بنتج؟ من صديقتها؟
البنات كلهم صايرين نفس الشي..

هل تمنعينها تزوهم؟ هل تمنعين بنتج تطلع مع البنات..

في الأخير هناك نفس بشرية تفكر بعكس ما نفكر به وان كانوا يسمعون كلامنا
الا انهم له فكرهم الخاص فيهم............> اهنيه تقع المشكلة..

اليوم تعدينا مرحلة سحب الجوال من طالبة في الجامعة وهي تحتاجه لأنها تصورت في السناب
دام ان الفكرة في راسها.. وتعدينا مرحلة التهديد بسحب الجوال منها لو صديقتها صورتها..

ومع هذا تلقين بنتج ترفض يصورونها.. لكن الاعتقاد العام عند الجيل الحالي .. اشفيها لو تصورنا؟؟!!

[ضوى]

عجبني ردك فايبر .. لأنك مصر توضح إن هذا رأيك وتجربتك و وجهة نظرك والأشخاص الي تعرفهم :o

هذا الطبيعي

شخصيا أكره برنامج تويتر و أحس إن اسوأ وأكره الأشياء عرفتها فيه

لكن عمري ما قللت من قيمته كبرنامج تواصل أو قلت إنه أساس الشر

لأن المستخدمين هم الأساس

تري وان اختلفت المسميات فالسوشال ميديا كلها نفس الشي

الي بيقول سناب مضيعة وقت
ترا انستا وتويتر بعد مضيعة وقت و فوقهم المنتديات والبلوقز

والي بيحصر العلم في الكتب .. تري الأوليين ما احتاجوا كتب تعلمهم وتربيهم

تلقاه لا يقرا ولا يكتب لكن المخ يوزن بلد

رجاء ارتقوا واتركوا عنكم المستنقعات الرديئة في برامج التواصل

مب غلط إني أنبه لشي الناس غافلة عنه

لكن أكبر غلط أرفض الشي علنا واعذرب فيه .. و أمارسه واستمتع فيه :rolleyes:

كيف حالج سويت ؟

[بومحمد المطاوعه]

حتى الانترنت نفس الشي .,.

البلا في المستخدم نفسه
مب البرنامج ,,

في برامج تستاهل الواحد يتابع ويضيف ويشارك وفي برامج صعبه تشارك فيها
من زود قله الأدب والوصاخه فيه
ومب لازم اذكر البرامج
ولكن ,, بالنسبه للسناب شات
اشوفه ممتع للي يستخدمه في الشيء الزين


والله يحفظكم من الفتن
والي يبي يضيفني يدفع تأمين 100 ألف
هههههههههه

[بوحارب]

^

^

على كيفك ههههههههه


احسلك ترا البرنامج كله عبط وتصوير وكل بنت تنشر صورها
والشباب

يعني ماتستفيد منه خير شر

واللي يقولكم استفدت منه يقص على عمره

البرنامج مضيعه وقت فقط

يعني يا حسن ماستفدت من سناباتي كلش بلش :( هههههههه

[sweet qatar]

كيف حالج سويت ؟

هلا بالغالية :o







يعني يا حسن ماستفدت من سناباتي كلش بلش :( هههههههه

ما ودي اجرحك بس رأيه واضح

هههههههههههههههههه

[Dana’1]

عجبني ردك فايبر .. لأنك مصر توضح إن هذا رأيك وتجربتك و وجهة نظرك والأشخاص الي تعرفهم :o

هذا الطبيعي

شخصيا أكره برنامج تويتر و أحس إن اسوأ وأكره الأشياء عرفتها فيه

لكن عمري ما قللت من قيمته كبرنامج تواصل أو قلت إنه أساس الشر

لأن المستخدمين هم الأساس

تري وان اختلفت المسميات فالسوشال ميديا كلها نفس الشي

الي بيقول سناب مضيعة وقت
ترا انستا وتويتر بعد مضيعة وقت و فوقهم المنتديات والبلوقز

والي بيحصر العلم في الكتب .. تري الأوليين ما احتاجوا كتب تعلمهم وتربيهم

تلقاه لا يقرا ولا يكتب لكن المخ يوزن بلد

رجاء ارتقوا واتركوا عنكم المستنقعات الرديئة في برامج التواصل

مب غلط إني أنبه لشي الناس غافلة عنه

لكن أكبر غلط أرفض الشي علنا واعذرب فيه .. و أمارسه واستمتع فيه :rolleyes:
اي والله مو شرط الواحد قرأ او تعلم انه عو الفاهم بالحياه ومثقف بس
من زمااان دخلنا محل ساعات في مكه وكان ماسك المحل راعيه من أهل اليمن جلس ابوي يدردش معه على مانخلص المهم إيش كلام وإيش ثقافه وطلاقة لسان غير انه تاجر طبعا وهو يفتخر ويقول مكملت تعليمي ابتدائي حتى ما اخذها تقريبا غير انه يعرف لغات فرنسي وانجليزي اكتسبها فقط من مهنته بالتجاره واحتكاكه بالمعتخرين الاجانب
حتى قام يتكلم مع ابوي فرنسي وابوي مدح فرنسيته مفهومه وان كانت بالعاميه يعني واضح انه مادرسها ^_^ والانجليزي تمام ماشاءالله عليه