ألى أشغال (فكرة تتطلب التنفيذ)

[خبير أسهم]

السلام عليكم

عندي فكرة تتطلب موافقة أشغال لها وهي :

عمل نفق او جسر للمشاة مكيف يربط مول الاند مارك بمول ازدان ولولوة الخليج بحيث يكون لكل مول من الداخل مدخل للنفق بدرج كهربائي للدخول والخروج من كان في اللاند يمكنه الذهاب الى ازدان بدون سيارة والعكس صحيح اذا كل من كان في ازدان وبذلك نجمع المولات الثلاث في نفق واحد يربط ما بينهم .

فكرة رايتها في سنغافورة جدا ممتازه وبذلك

يقل الازدحام في مواقف السيارات .
يقل الازدحام في الشوارع .
يقلل الحوادث
ويعتبر ممشى صحي
يكسب مردادي المولات الوقت .
يجذب السياحه الخارجية .
ويمكن عمل كافيهات في نفق المشاة ومحلات ايضا .

اتمنى ان يتم التنفيذ من قبل أشغال

فالدولة في تطور وتنفيذ كثيرا من المشاريع الحيويه والسياحيه
ومثل هذا الربط ما بين 3 مولات قريبين من بعض
يستحق الاهتمام والعمل فيه

[بومتعب]

بالعكس فكرة وايد حلوة ..... لان بصراحة الزحمة الي صارت عند المولات الثلاث (اللولو والخليج وازدان) شي لايطاق ..... والمصيبة أن المخرج لجميع هذه المولات عبارة عن طريق ضيق لمسار واحد ويصب في اشارات الغرافة ...... والكارثة لو صار حادث في هذا الطريق أو حريق في احد هذه المجمعات ستكون نتائجه وخيمة جدا جدا جدا ............ ارجو من المسؤليين الانتباه لمثل هذا الامر ..... الوضع جدا خطير ..... ولايجب أن ننتظر لحين حدوث المشكلة بل يجب وضع حلول سريعة من الان ..... نحن مقبلون على رمضان وعطلة صيفية طويلة وهناك الكثير من موطنين دول المجلس سيتوافدون على قطر ............


ومن وجهة نظري انا بناء مثل هذا الجسر المكيف لايقع على عاتق اشغال بل هو مسؤلية صاحب المجمع التجاري ............ وبما أن مول الخليج والاند مارك تعود ملكيتهما لشخص واحد ..... فانه اصبح لازاما عليه بناء مثل هذا الجسر خدمة وحماية لارواح مرتادي هذه المجمعات

[الحياة الخالدة]

و منا إلى أشغال
تحياتي لك أخي الكريم .. و عساك عالقوة

[Diesel]

مستحيييل

[حسن]

القطار جاي ويغطي على مشروعك

اسبقوك الريل

شكرا على المحاوله

:)

[R 7 A L]

الناس ماتبي تمشي عندنا تعودوا الي السياراات
حدهم مواقف السيارات

[بومحمد55]

هههههههه والله تجيني الضحكة اذا سمعت أشغال

هم خل يخلصون المشاريع اللي عندهم بالأول اللي كل مشروع يقعد معاهم قرن كامل

وبعد مايخلصون يطلع المشروع فاشل ههههههه

يالخبير خلك في الأسهم وأنسى أشغال كأنك تأذن في خرابة

[العنيده]

فكره حلوه الربط بين الاتجاهين اقلها لعبور المشاه وتخفف شوي من محاولات قطع الشارع العشوائيه ..

[JN000N]

وااااااايد فكره حلووووه وعمليه
ياليت صج صج تتطبق
مرات اروح الاند مالاقي حايتي اتعيز اطلع اروح ازدان بسبة الزحمه عند الجسر والرده ونفس الشي لو كنت ف ازدان وابي اروح الاند
لو الجسر الي قلته موجود اسهل شي بطلع من ذي مشي وبروح ذي
بس اهم شي تكون ممرات مكيفه ويكون سيف لنا
غير انه بيخفف الزحمه بعد بيختصر الوقت والمسافه

لو تعرف حد يصمم لك شكل الجسر من وين يطلع ويوصل اي نقطه عشان تسهل عليهم الفكره
خبرك ربعنا صعب يفهمون الاقتراحات :omen2:
وقدمها لهم وبنشجعك
نبيها صج صج تصير

[خبير أسهم]

وااااااايد فكره حلووووه وعمليه
ياليت صج صج تتطبق
مرات اروح الاند مالاقي حايتي اتعيز اطلع اروح ازدان بسبة الزحمه عند الجسر والرده ونفس الشي لو كنت ف ازدان وابي اروح الاند
لو الجسر الي قلته موجود اسهل شي بطلع من ذي مشي وبروح ذي
بس اهم شي تكون ممرات مكيفه ويكون سيف لنا
غير انه بيخفف الزحمه بعد بيختصر الوقت والمسافه

لو تعرف حد يصمم لك شكل الجسر من وين يطلع ويوصل اي نقطه عشان تسهل عليهم الفكره
خبرك ربعنا صعب يفهمون الاقتراحات :omen2:
وقدمها لهم وبنشجعك
نبيها صج صج تصير



شكرا لمروكم الكريم على المشاركة والرد عليها

اتمنى ان المشروع يشوف النور علما بان المشروع الوحيد الي شفته في سنغافورة

رابطين المولات بانفاق ارضية تدخل مول تلقى نفسك في مول ثاني

لا احد يقول بنضيع ما نعرف من وين دخلنا

في لافتات ارشاديه للمتسوقين الى جانب موظفين مرشدين

[وطن]

جسور ممكن

لكن أنفاق صعبة الحين


ان شاء الله تتنفذ فكرتك

اقترح عليك اخوي تتواصل معاهم

اظن في ايميل او رقم للاقتراحات
شفته ع التويتر مالهم

[رجل الجزيرة]

شكرا لمروكم الكريم على المشاركة والرد عليها

اتمنى ان المشروع يشوف النور علما بان المشروع الوحيد الي شفته في سنغافورة

رابطين المولات بانفاق ارضية تدخل مول تلقى نفسك في مول ثاني

لا احد يقول بنضيع ما نعرف من وين دخلنا

في لافتات ارشاديه للمتسوقين الى جانب موظفين مرشدين

أخبر في إسنطبول دوار كبير تحته سوق مداخل ومخارج.

[Dana’1]

فعلا المفروض كذا يصير مره كنت في ازدان وطلعنا نبغى اللاند وكان زحمه وشفت بمواقف ازدان لوحه لتحت ان فيه درج يودي للمواقف تحت وقلت لزوجي بالله لو فيه نفق رابط بينهم ماكان وفروا علينا وقت وجهد بدل هالزحمه^_^
أتمنى فعلا تراسل اشغال وتقترح عليهم هالشي لدراسته او على الاقل تراسل اصحاب المجمعين ممكن يقدرون يتواصلون اكثر مع اشغال^_^
وجزاك الله خير

[معماري قطري]

القطار جاي ويغطي على مشروعك

اسبقوك الريل

شكرا على المحاوله

:)

إِن شاء الله محطاته تكون سهلة وتوصل الناس قريب وتكون مكيفة وفيها مواقف كافية .. متوقع نشوف عيوب كثيرة وما يناسبنا الريل .. نفكر في الخصوصية وفي العمال بعد .. عني انا لو ما تقاعدت قبل ليشتغل باروح وبارجع عليه خصوصاً قرب بيتي محطة وقرب شغلي محطة .. عاد اتخيل نفسي قاعد عند واحد معرق صج عذاب .. من أَيام شوي حر في ميونخ وركبت الريل .. شوي حر يعني تحت ال 30 .. بس ريحة البشر فاحت لا ديودرانت فاد ولا شيء .. شلون عندنا وبعضهم ما يعرفون يسبحون الا في الشهر مرة.

[الجـــوديّ]

فكرة وايد حلوة ..
بتخفف ضغط كبير على تقاطع الشمال وتقطع اللاند مارك

ما أظن ان الموضوع راح يهم اشغال
المرور بيضطرون له اذا اصطكت الشوارع كلش ..
خططهم انقاذية آنية مب طويلة مدى

واحتمال يهم صاحب الحلال ..خاصة اذا في محلات في النفق وخدمات ..
لكن هل االدولة بتعطيه رخصة للاستفادة من ممتلكات خاص بها (مساحة فوق الشارع) ؟؟

[معماري قطري]

فكرة وايد حلوة ..
بتخفف ضغط كبير على تقاطع الشمال وتقطع اللاند مارك

ما أظن ان الموضوع راح يهم اشغال
المرور بيضطرون له اذا اصطكت الشوارع كلش ..
خططهم انقاذية آنية مب طويلة مدى

واحتمال يهم صاحب الحلال ..خاصة اذا في محلات في النفق وخدمات ..
لكن هل االدولة بتعطيه رخصة للاستفادة من ممتلكات خاص بها (مساحة فوق الشارع) ؟؟

يفترض اختي تدخل المنفعة العامة لو كانت الأَراضي الخارجية مملوكة .. ويفترض مشروع كهذا يتبع للحكومة والحكومة تستفيد من هذي المحلات وتكون امتداد لأَسواق الفرجان لو حبوا .. أَو أَجار عن طريق الحكومة وهي تستفيد من المدخول لخدمات المشروع .. ممكن يكون جسر عريض ومكيف وفيه سيور متحركة وممكن يكون نفق .. بس الجسر أَسهل وبيكون ان شاء الله أجمل وبيعود بفائدة كبيرة على السياحة وعلى واجهة البلاد الحضارية.

متعجب من مواقف فيلاجيو اللي قلصوها لآخر درجة وكأَن الملاك كيفهم والتخطيط بس يوافق .. يفترض فيه حلول سريعة ومواقف متعددة الأَدوار لكن ما شفنا شيء من هالقبيل للحين.

[معماري قطري]

الوضع حتى ينطبق على قيلاجيو وحياة بلازا

[خبير أسهم]

اعتقد ان ملاك المولات الثلاثه راح يستفدون كثير من الربط بينهم

والجسور المعلقه لا تكلف شي بعد موافقة الجهات المعنية

بالعكس راح يكون في محلات معلقه بين المولات وكافيهات

تخيلو جالسين في كافيه وتحتكم سيارات رايحه جايه

شي جديد يخدم السياحه

ويا ريت مهندس معماري يفيدنا في امكانية وجود مشروع كهذا

علما بان قرب المولات من بعض قريب

واعتقد ان اللولو راح يستفيد بعد من قربه من المولات

اعتقد الازدحام بينتهي والمرور بيرتاح