هل تتوقعون ان القطار القادم (الريل) يخدم اهل قطر؟

[فريج النجادة]

هل تتوقعون ان القطار القادم (الريل) يخدم اهل قطر؟

او ممكن يخفف زحمة السيارات ؟

وهل خفت الزحمة في دبي ؟

ننتظر مشاركة المهندسين مع خرائط الشروع

ولكم جزيل الشكر

[بومتعب]

اكيد رايح يخدم المواطن ............. عن نفسي انا استخدم القطار في دبي خاصة مشاوير بين المطار والجميرة .... او بين الجميرة وديرة ....... والايجابية في الموضوع ان المحطات والقطارات مريحة ومكيفة وتقع بالقرب من المناطق السياحية والاسواق ...... يعني لايلزمك عناء البحث عن موقف والمشي لمسافات طويلة .... خاصة في منطقة ديرة المكتضة والمزدحمة

[Riku3]

اكيد طبعاً .. مثلاً تبي تحضر مباراة والمحطة جنب الملعب بالضبط والملعب بعيد وزحمة .... توقف عند محطة قريبة منك وتوصل الملعب في دقايق بدل ما تدخل في الزحمة وتدور مواقف ساعه ..

بس طبعاً وقت الجد احتمال تهون لان المحطة بتكون زحمة في الخروج ..

كمثال لما اروح دبي استخدم القطار ... بس الي اعرفهم من اهل البلاد هناك يقولون عمرهم ما ركبوه ^^" .

[لـبـيـه]

اتوقع والله اعلم ان مشروع الريل لين يتوقف في قطر فهو خطوه اولى للربط الخليجي بلمستقبل

وهو مانحتاجه لربط دول الخليج مع بعض عن طريق السكك الحديديه كخطوه اولى تتبعها خطوات لنصبح قوه خليجيه لاتنكسر

ربعن تعاونو ماذلو

مجرد امنيه

[قطريه ماركه]

مشاويرنا داخل الدوحة لا تحتاج قطار

لكن السفر لدول الخليج يحتاج قطار

[H H]

ان ماركبناه ركبوه غيرنا وافتكينا من الزحمه , والمسؤولين موب مقصرين , بياخذون اجراءات لدفع الناس لاستخدام المواصلات العامه.

ثاني شي , دايم اقول لربعي, لاتحطون ريل دبي كمقارنه مع ريل الدوحه.

شفت مخطط الريل الي بنسويه, بيغطي كل مكان! كلللل مكان! مثل بعض الدول الاوروبيه وغيرها.
الي فدبي مايغطي شي! ريل دبي شكل اكثر من انه شي يخدم الناس , خط واحد (خط ثاني صغيرون لايُذكر) وانتهينا.

اذا انتهت المشاريع بتكون المقارنه مع ريل الرياض, مشابه لريل الدوحه.
بيغطي الرياض (بمساحته الكبيييره) من شرق لغرب وشمال لجنوب!
خطوطه لاتُعد ولاتحصى .

متفائل جداً بريل الدوحه , وارفض مقارنته بريل دبي لان الافضليه الوحيده الي في ريل دبي هو انهم انتهوا منه قبل مانبدا حنا فيه!

يعطيك العافيه.

[Rider]

يخدم الاجانب لكن للموطن صعب بعدين الريل كل من أجل كاس العالم

[الحياة الخالدة]

ان ماركبناه ركبوه غيرنا وافتكينا من الزحمه , والمسؤولين موب مقصرين , بياخذون اجراءات لدفع الناس لاستخدام المواصلات العامه.

ثاني شي , دايم اقول لربعي, لاتحطون ريل دبي كمقارنه مع ريل الدوحه.

شفت مخطط الريل الي بنسويه, بيغطي كل مكان! كلللل مكان! مثل بعض الدول الاوروبيه وغيرها.
الي فدبي مايغطي شي! ريل دبي شكل اكثر من انه شي يخدم الناس , خط واحد (خط ثاني صغيرون لايُذكر) وانتهينا.

اذا انتهت المشاريع بتكون المقارنه مع ريل الرياض, مشابه لريل الدوحه.
بيغطي الرياض (بمساحته الكبيييره) من شرق لغرب وشمال لجنوب!
خطوطه لاتُعد ولاتحصى .

متفائل جداً بريل الدوحه , وارفض مقارنته بريل دبي لان الافضليه الوحيده الي في ريل دبي هو انهم انتهوا منه قبل مانبدا حنا فيه!

يعطيك العافيه.

أعجبتني جداً نظرتك التفاؤلية

تحياتي لك
و للأخ صاحب الموضوع

[حسن]

بحكم اني اطلعت على مشروع الريل نعم سوف يكون وسيله مواصلاتي
في المستقبل
ومشروع الريل مشروع جبار ومغطي الدوحه

كان لي صدمه لما شفته

شي خيالي
وتحت الارض وبين محطه ومحطه 90 ثانيه وبدون سواق

واتوقع الايام القادمه بتشوفونه في تلفزيون قطر
تغطيه
مثل تغطيه مشيرب وميناء مسيعيد

[مرتبش]

الله يسهل امور الريل
2030 يكتمل المخطط وان شالله مايتم تأجيله

[MeMz]

طبعا والمفروض كان يستوي من زمااان

ومثل ماقال الاخ hh مافيه مقارنة بينه وبين ريل دبي لانه راح يغطي 3 ارباع مناطق قطر باذن الله

[العقل المدمر]

اتوقع الطريقة اللي بيخدم فيها المواطن
انه يخفف زحمة الاجانب من الشوارع
والسبب .. الصراحة اتخيله من داخل ريحة عمال وصنة ودابر املا
يعني منو بيرضى يركب وسط هالريحة غصب نشرد منه :weeping:
وبعد ماتخيل حريم داخله احس كله رياييل من كثر العمال اللي عندنا
يمكن بس اهلهم الاجانب اللي فري وياهم :shy:

[MeMz]

اتوقع الطريقة اللي بيخدم فيها المواطن
انه يخفف زحمة الاجانب من الشوارع
والسبب .. الصراحة اتخيله من داخل ريحة عمال وصنة ودابر املا
يعني منو بيرضى يركب وسط هالريحة غصب نشرد منه :weeping:
وبعد ماتخيل حريم داخله احس كله رياييل من كثر العمال اللي عندنا
يمكن بس اهلهم الاجانب اللي فري وياهم :shy:

المترو بيكون فيه درجة اولى وثانية وتقريبا نفس كراسي وخدمة الطيارة :)

http://store2.up-00.com/2015-06/1433679872831.jpg (http://www.up-00.com/)

[العقل المدمر]

المترو بيكون فيه درجة اولى وثانية وتقريبا نفس كراسي وخدمة الطيارة :)

http://store2.up-00.com/2015-06/1433679872831.jpg (http://www.up-00.com/)

ياهم بعض الاجانب سكنوا اللؤلؤة وساقوا سيارات اكشخ من سياراتنا
ماعرف عن المشروع عدل ولا اعرف وين بيغطي .. هاي مجرد تصورات فخيالي :shy:

[حظيظ]

بالتأكيد يخدم قطر وجميع الخليج , الرؤية هي ( منظومة خليجية متكاملة )


مترو الرياض

https://www.youtube.com/watch?v=pNKvARcgeqU

[رهج السنابك]

عن نفسي بركبه حلاتها اول في خمس دقايق من مكان لمكان ولا عمري يضيع بساعتين زحمه
بس بشرط يسوونه نفس دبي يعني مقطوره خاصه للنساء عشان ما اتفغص مع الهنود
اذا حطوا مقطوره للنساء اي بالله سأكون اول ركابه

[شالح بن هدلان]

كــ فكرة

هذا المشروع يحسب للدولة وللأمير والأمير الوالد

وباذن الله يكتمل ويخفف الزحمه ويحل مشكلة المواصلات والتكاسي
الي صارت من عيوب شركة المواصلات


ولكـــن

كم قطري موظف بطريقه روتينه في هذا المشروع الكبير

وكم احنبي جاب عائلته لهذا المشروع


والي خسران الوحيد هو ابن الوطن


المشاريع الكبيرة في الدولة المفروض تقدم الى الشعب
بعيدة عن المسؤليين الي شغلتهم انتداب في انتداب

[بو سالم]

بالتأكيد يخدم قطر وجميع الخليج , الرؤية هي ( منظومة خليجية متكاملة )


مترو الرياض

https://www.youtube.com/watch?v=pNKvARcgeqU




ما كنت ابي ارد على الموضوع بس الفيديو رووووووعه واللي لفت انتباهي اذا بيتك بعيد شوي ترسل رسالة ويجيك الباص لين عندك

الله يوفق الجميع

[aloosh]

ثقافه البعض كروزر ونيسان ويضرب ارصفه هذا اللي في الحياه اليوميه
الريل لن يخدم الى فئه ليس لديها سيارات الزحمه صارت عاديه عند البعض طول زحمه يتسلى بالمحادثه او لعبه في الهاتف

يعني محد مستفيد منه الى الطبقه الثالثه فقط

[ولد بومشعل]

وبتخف الزحمه بعد

[العنيده]

بيخدم الزوار اكثر لكاس العالم باذن الله لسهولة وصوله للملاعب والا الاماكن القريبه المهم في الدوله ..
من ناحية المواطن بيخدمنا شوي في الشوارع مافي زحمه بس ان شاء الله يتم تشجيع ركوبها
مو نفس الباصات :victory:

[رجل مثالي]

هل تتوقعون ان القطار القادم (الريل) يخدم اهل قطر؟

او ممكن يخفف زحمة السيارات ؟

وهل خفت الزحمة في دبي ؟

ننتظر مشاركة المهندسين مع خرائط الشروع

ولكم جزيل الشكر


اخوي المفروض القطار موجود من ايام التسعينات بين دول الخليج مثل اوروبا بينهم قطار تربطهم التنقل عندهم سهل بين دولهم بالقطارات و تكون الحياة الاجتماعية والترابط أسرع بربط دول الخليج بالقطارات ولكن لا ندري ايش السبب ورى عدم ربط المنطقة بالقطارات

[رجل مثالي]

اخوي المفروض القطار موجود من ايام التسعينات بين دول الخليج مثل اوروبا بينهم قطار تربطهم التنقل عندهم سهل بين دولهم بالقطارات و تكون الحياة الاجتماعية والترابط أسرع بربط دول الخليج بالقطارات ولكن لا ندري ايش السبب ورى عدم ربط المنطقة بالقطارات

او المفروض كان موجود من ايام الثمانينات بين دول الخليج جان الناس استأنست من سنوات

[رجل مثالي]

او المفروض كان موجود من ايام الثمانينات بين دول الخليج جان الناس استأنست من سنوات


الحين ما فيش فايدة

[رجل مثالي]

المفروض القطارات تربط بين دول الخليج اول شئ اخوي

[دايموند]

هل فعلا راح يتم الانتهاء من المشروع كليا في 2030 !!!!
وراح يتم انتهاء جزئي منه في تاريخ 2019!!

[رجل مثالي]

هل فعلا راح يتم الانتهاء من المشروع كليا في 2030 !!!!
وراح يتم انتهاء جزئي منه في تاريخ 2019!!


لا إله الا الله سنة ألفين وثلاثين يعني خلاص ما فيش فايدة

[حسن]

هل فعلا راح يتم الانتهاء من المشروع كليا في 2030 !!!!
وراح يتم انتهاء جزئي منه في تاريخ 2019!!

هو على مراحل وله عده خطوط ومنها الى مركز ابوسمرا للربط الخليجي مستقبلا
ولكن بيغطى الدوحه كلها وتحت الارض وفي عمق 28 الى 18 متر

نسيت متى بينتهي كنت اعرفه اعتقد شي من ذالك

[دايموند]

هو على مراحل وله عده خطوط ومنها الى مركز ابوسمرا للربط الخليجي مستقبلا
ولكن بيغطى الدوحه كلها وتحت الارض وفي عمق 28 الى 18 متر

نسيت متى بينتهي كنت اعرفه اعتقد شي من ذالك

متى بيغطي الدوحه كلها ؟2030؟!!@

والله تحطيم مايندرى بلحق عليه والا بكون تحت التراب

[مضارب دوسري]

متى بيغطي الدوحه كلها ؟2030؟!!@

والله تحطيم مايندرى بلحق عليه والا بكون تحت التراب

الله يعطيج طولة العمر

[مضارب دوسري]

http://m.youtube.com/watch?v=vssiKJTsoRo

[ابوالكلام]

اهلًا للجميع سوف يخدم الناس أيذا وضع له خطة بان يخدم الناس وليس للفشخرة اتمنى المسؤلون يشجعون العامة ويستخدمون القطار ليكونو قدوة لغيرهم شكرًا

[مرتبش]

الدوحة - بوابة الشرق

علمت "بوابة الشرق" أن شركة سكك الحديد القطرية "الريل" حققت تطورا مهما في مشروع مترو الدوحة الذي يمضي العمل به على قدم وساق لإنجاز المرحلة الأولى بحلول عام 2019 على أن يتم إنجاز كافة مراحل المشروع بحلول عام 2026 كما هو مخطط له.

نقلا من جريدة الشرق http://www.al-sharq.com/news/details/342921#.VXWpycn6jqA
اما مصدر 2030 فهو غير رسمي ولكنه كما يبدو واقعي جدا

[حسن]

متى بيغطي الدوحه كلها ؟2030؟!!@

والله تحطيم مايندرى بلحق عليه والا بكون تحت التراب


الاعمار بيد الله

ان شاء الله بنلحق عليه وهو مشروع جبار انا شفته عن قرب

ونصيحه للجميع

حاولو تدرسون عيالكم لهذا المجال القادم ترا فيه خير

وقبل كم يوم نتحدث عن الموضوع واحد من الاخوان يقول اعرف رتبه عسكريه
رفض ولده يدخل نفس المجال والحين يدرس في مجال الريل

ادروسو على حسب مشاريع الدوله العملاقه

نصيحه اقدمها لكم

[qatarman8008]

هو لاني ماشفت المخطط كامل ف ما اقدر اقول بيخفف الازدحام لاي درجة.. ولكن..
اكيد بيخفف الازدحام وبيخدم اهل قطر..
واتمنى يخدم المناطق الصناعية بشكل اساسي..
مثل مدينة لفان الصناعية وامسيعيد..
احنا عندنا في لفان اكثر من 10 الاف موظف يدخلون المدينة الصناعية يوميا..
يعني لو فيه فطار بتخف زحمة السيارات الى اقل من النصف..

[H H]

ياجماعة الخير رؤية قطر 2030 ان كل هالمشاريع التنمويه بتنتهي بهالتاريخ.
هل معنى هالشي اننا محناب شايفين شي لين هالتاريخ ؟ ابد! كل يوم نشوف مشاريع وافتتاحات وشوارع جديده
وجسور قربت تخلص ومدن اقتصاديه وغيرها وغيرها كثير! لكن, كل هالمشاريع بتكون منتهيه بهالتاريخ!

الريل نفس الشي! اول مرحله بيفتتحونها ف 2019 , يعني قريب , والباقي بينفتح بمعدل كل سنه تقريبا , وبينتهون منه بالكاااامل في 2030!
هل معنى هالشي انك بتنتظر لين 2030 عشان تستفيد منه ؟ لا ابد! هل معنى هالشي انك بتنتظر لين 2030 عشان تستفيد من طريق سلوى الجديد؟
لا طبعا , لانه انتهى خلاص والناس بدت تستخدمه!

لحد يتحطم اذا شاف التاريخ , الامور طيبه.

[رجل مثالي]

استمتعوا مع هذه الرحله مع مترو قطر 🚄🚄. اهم شي محطات الوكرة ✌️

http://www.youtube.com/watch?v=VBh_Q9S55AY&sns=em الله ياعمري قطر

[يمامـة]

حسب ما كان منشور اهني في المنتدى انه بيغطي بنسبة 20% من السكان

عاد اهل قطر اذا كان المقصود بهم القطريين فقط.. فكم نسبتنا قياسا مع ال 20%
المستفيدين؟

عني ناوية اجرب القطار بس اكيد ما بيكون خياري الافضل لو شفت السيارة اريح واقل زحام في العدد والاختلاط..

[حسن]

رئيس الاتحاد الدولي للنقل يمنح شركة سكك الحديد القطرية “الريل” جائزة أفضل تصميم لمحطات المترو في الشرق الاوسط.



:victory:

[لبيبة]

السلام عليكم ورحمة الله وبركاته،

ما عندي مانع اجربه وخاطري اجربه لو في عربة مخصصة للنساء ويتم احترام تخصيصها للنساء مب مثل اصانصير مستشفى حمد، ابي اركبه لو مرة للتجربة.