جلسه خارجيه للحديقه

[SeniorTrader]

السلام عليكم

عندي مكان في البيت وخاطري اسوي فيه جلسه خارجيه تطل على الحديقه

وودي انها تفتح وتتسكر لان ممكن اكيفها بسبب الجو الحار

ممكن افكار اونصايح وين احصل جلسه جاهزه

حصلت وحده حلوه في الاند مارك مساحتها 6x5 وسعرها ب 40 الف وتركتها لانها غاليه

[][ Q6r ][]

اخوي شرايك في هذه الفكره
تسويها زجاج وفيها ستاير ومكيفه
ومطله على الحديقه على زاويه
او تبنيها طابوق

http://www.almo7eb.com/vb/img8/2010/10/246.jpg

[SeniorTrader]

الفكره حلوه

لاكن التنفيذ من الي بينفذ او الي بينفذ سعره مبالغ اذا عندك حد مجرب مب مشكله

[معماري قطري]

أعرف واحد سوى تغطية قزاز لحوض سباحة .. وكانت حديد مغلف بقطع أَلمنيوم عن الصدأ والزجاج دبل ويتغطى بستاير خاصة تنفتح وتسكر بكهرباء .. كلفه حول 350000 والمساحة في حدود 10 في 15 .

تقدر تسويها لو حبيت على شكل حفرة في الأَرض وكراسي دائرية .. جايه مع حافة الحفرة ووسطها دوة دائرية للضو بس تحتاج مدخنة لتطليع الدخان .. والباقي جوانب زجاج وأَلمنيوم .. أَو لو كنت من محبي الخشب خشب عريض وشوف حد شاطر يسوي لك الزجاج مثبت فيه .. كان فيه محل صغير للخشب في العزيزية فيه فلبيني شاطر سوى لي كم شغلة قبل .. تخلي مدرسة البنات وراك وانت متجه جنوب بعد الدوار بشوي على اليمين وقبل الصيدلية.

لو سويتها شيء بشيء بروحك بتطلع عليك أَرخص بوايد وتعامل مع عمال .. تحتاج حفر في حدود 80 سم لدائرة بقطر 5 متر .. ويسوي حولها طابوق كظهر كرسي بارتفاع متر من أَرضية الدائرة .. والأَرضية تندك وتسوي صبية محمية ببلاستيك بس قبلها تسوي الدوة بطوب أَو انترلوك بعد بطريقة دائرية وتقدر تخليها بفحم أَو خشب أَو بغاز بس يحتاج تسوي تمديد وتبعد سلندر الغاز عن المكان .. الغاز يجي معاه حجر بركاني يشعل الحجر ويبقى مثل الجمر والغاز تحته شغال بحرارة بسيطة.

المدخنة لازم تعملها كعمود أَساسي للسقف اضافة للعمدان الجانبيين الخشب أَو الأَلمنيوم .. تقدر تسوي تظليل للقزاز بسناح خيمة وللسقف كذلك وتفتحه وقت البراد أَو الليل أَو تفتحه جزئي .. تحتاج مدخل بسيط بعتبات للنزول من الحديقة .. وبيكون مستوى نظر الجالس قريب من أَرضية الحديقة ويشوف العشب والزراعة حوله.

توصيل الكهرب مهم بطريقة صح مع التأَسيس

[راعي الاصفر]

عندك السوق الصيني بدبي عندهم جلسات خارجية روعة وبكل الاشكال والاحجام