الويكبيديا .. وتشويه صوره قطر

[عاشق العديد]

السلام عليكم ورحمة الله وبركاته ..

مثل ماتعرفون الويكبيديا .. فيها معلومات عن كل الدول تقريبا
وهي مثل مايقولون مرجع موثق بصفته موقع المعلومات الي تنكتب فيه موثوقه وايد ناس ياخذونها بعين الاعتبار ..

فا روحو وييكبيديا باللغه الإنجليزي
اكتبو قطر فالبحث

وبعدها انزلو تحت بيطلع لكم هيومن رايت ..

وشوفو شلون مشوهين صورت قطر .. بان قطر فيها ظلم وقطر تتسخدم الجاليات للدعاره
وقطر وقطر وقطر ..


فا الي يعرف طريقه لتعديل هذه الأمور .. الرجاء يتكرم بتعديل هذه المعلومات ..

واللهم اجعل هذا البلد امنا مستقرا وسائر بلاد المسلمين ..

[LiL iNVe$ToR]

اي حد يقدر يكتب في ويكيبيديا ..فا بالاخير هو مب مصدر موثوق للمعلومات ...

[ولد بومشعل]

العنصريه والحقد فيهم فيهم مهما سويت

[دايموند]

عدلتوا ؟

[عاشق العديد]

اي حد يقدر يكتب في ويكيبيديا ..فا بالاخير هو مب مصدر موثوق للمعلومات ...

شلون أي احد .؟

عيل علمني طريقه عشان اسوي تصحيح .؟

[عاشق العديد]

العنصريه والحقد فيهم فيهم مهما سويت


هم ماهمونا ..

لكن تشويه بهذه الطريقه ابد مانرضى فيه ..

[عاشق العديد]

عدلتوا ؟

ماعرف الطريقه اذا تعرفين نورينا ..

[M O H A D]

شلون أي احد .؟

عيل علمني طريقه عشان اسوي تصحيح .؟

اي احد يقدر يضيف هالمعلومات و الموقع يعتبر مصدر غير موثوق

و لو بتعدل على الكلام اضغط على edit اللي عند human right و بيطلع لك النص كامل و تقدر تعدل عليه بس الip لجهازك بيطلع للكل ف الافضل انك تسجل دخولك عشان يطلع اليوزر نيم بدال الip

[لبيبة]

وعليكم السلام ورحمة الله وبركاته،

لي تجربة سابقة معاهم، وعدلت في صفحة وكل معلوماتي عندي موثقة، ورفضوا تعديلاتي.

الكلام عن ويكيبيديا العربية، اما ويكيبيديا الانجليزية فأكيد الاشخاص اللي وراها ناس متحيزين ويدعون الحياد، يعتقدون ان كل التقارير المغرضة ضد قطر واللي توقف وراها بريطانيا هي تقارير نزيهة وصحيحة، ويعنقدون بأن عندنا انتهاك لحقوق لانسان. كأنهم يتعامون ويتناسون عن آلاف الهنود اللي حفروا لهم تحت الارض لقطارات المترو عندهم، وتناسوا زمن العبودية وحمل العبيد لأسيادهم على أكتافهم وتسلطهم عليهم بلا رحمة أو إنسانية.
واحنا سابقا كانوا الرقيق عندنا يعيشون في بيوت اهلنا وياكلون معاهم وبعضهم أمهات لعيالهم ويكرمونهم.

المطلوب تشكيل جهة إعلامية هدفها تفنيد جميع المزاعم والتهم عن قطر والرد عليها بكل موضوعية وحيادية.

[حسن]

في ضل الانفتاح وثوره المعلومات والتكنولوجيا

وش بتبديله

ماترمي بالحجاره الى الشجره المثمره

شكرا للك ياعاشق سيلين

:)

[ALKASER]

بس صحيح عندنا الاعراض عن حقوق الانسان وعدم الاكتراث للعمال وكانهم مو بشر!!! شوف العمال الي يشتفلون في الشمس وولا حد مفتكر فيهم وحالة سكن العمال الي هم بالالاف!!!

انحدى اي حد اهني الي مضايق من الي مكتوب في الانترنت ان يروح ويشنغل في هالشمس!!! فمافي حماية لهالعمال وحالتي المعيشية سيئة ورواتبهم ولا شي في دولة تفتخر انها تقدم اعلى الرواتب في العالم للأسف!!!!

[الجـــوديّ]

^

ببساطة .. أي عامل أو خادم يقدر يتصل بسفارته ويقلب الدنيا فوق تحت
أو على الاقل يتصل على هله ويقولهم عن وضعه وهم بدورهم يروحون يشتكون عند الادارات المعنية في بلادهم ويألب الدولة بكبرها ضدنا.


اذا كان الخطأ من مقاول أو رب عمل .. مب خطأ من الدولة اللي انصفتهم واصدرت القوانين اللي تحفظ حقوقهم
فما في داعي نكون منحازين للضد .. ومن الافضل انا نكون منصفين.

[MirusS]

ويكيبيديا مصدر مش موثوق يعني عادي .. لكن المطلوب محاوله تعديل الكلام اذا كان فيه تشويه للسمعه

أما احوال العمال مادري عنهم فما رح أفتي من كيسي
المفروض لو صج مظلومين يشتكون والقوانين موجوده

[المحاميه]

ويكبيديا موقع غير معترف فيه
أي واحد يقدر يدخل ويكتب ويعدل وينشر

وحتى ممنوع نستخدمه كمصدر حق ابحاثنا
يعني الموقع لك عليه والواعي مايلتفتله

وشكرا

[h9466]

الموقع مش موثق بالعكس مفتوح وتقدر انت تكتب فيه مثلا موضوع عن خور العديد وتقول انها منطقة في عمان وبيتم نشر كلامك والناس بتقرأه..
اما بخصوص كلامهم عن قطر ,,عمرك سمعت عن شجرة بدون ثمر تضرب بالحجر ...

[ام روز]

رغم كل الاساليب اللي يستخدمونها لتشويه سمعة قطر الا ان الهجره لقطر مستمره وبكثافه وهذا دليل على مغالطتهم للواقع ..الله يكفينا شرهم

[ALKASER]

^

ببساطة .. أي عامل أو خادم يقدر يتصل بسفارته ويقلب الدنيا فوق تحت
أو على الاقل يتصل على هله ويقولهم عن وضعه وهم بدورهم يروحون يشتكون عند الادارات المعنية في بلادهم ويألب الدولة بكبرها ضدنا.


اذا كان الخطأ من مقاول أو رب عمل .. مب خطأ من الدولة اللي انصفتهم واصدرت القوانين اللي تحفظ حقوقهم
فما في داعي نكون منحازين للضد .. ومن الافضل انا نكون منصفين.

اذا سوا شي بينسجن وبيترحل!!!

في قوانين بس مالها تطبيق وماقي رقابة!

[العقل المدمر]

بصراحة تعيزت اقرا
بس هاللي لفت نظري

"دين القطريون بدين الإسلام وتنتشر المساجد في قطر بكثرة، وتعتبر قطر دولة إسلامية، دينها الرسمي الإسلام. وتتواجد أقليات من العمالة الأجنبية من الهندوس والمسيحيين وغيرهم. وقد تم بناء كنيسة للكاثوليك في قطر لتتيح المجال للمسيحيين المقيمين في البلاد بأداء شعائر دينهم."

معقولة اقليات ؟! :eek5::eek5::eek5:

[العلياا]

وعليكم السلام ورحمة الله وبركاته

من فترة كنت اتصفح الانستقرام ولفتت نظري احد مشاهير السوشال ميديا تبنى فكرة مشروع شبابي
وهو عبارة عن تصحيح المفاهيم المغلوطة وانشأ مقالات جديدة عن الدولة وسموه #كويت_بيديا
واللي ماسك المشروع خمس شباب متطوعين وفالنهاية موقع ويكبيديا اعترف بحسابهم كمصدر موثوق لا يتم مراجعته

وكان في تطلع من قِبل عدد من شبابنا اللي راسلوه انهم يسوون قطر_بيديا
واتمنى فالقريب العاجل ان المشروع يطلع ويتم تصحيح الكثير من المعلومات المغلوطة

يعطيكم العافيه

[يمامـة]

طيب ليش ما يتم نشر مقالات تحسن من صورة قطر اللي يتم تشويهها بالويكبيديا..؟

[الجـــوديّ]

وعليكم السلام ورحمة الله وبركاته

من فترة كنت اتصفح الانستقرام ولفتت نظري احد مشاهير السوشال ميديا تبنى فكرة مشروع شبابي
وهو عبارة عن تصحيح المفاهيم المغلوطة وانشأ مقالات جديدة عن الدولة وسموه #كويت_بيديا
واللي ماسك المشروع خمس شباب متطوعين وفالنهاية موقع ويكبيديا اعترف بحسابهم كمصدر موثوق لا يتم مراجعته

وكان في تطلع من قِبل عدد من شبابنا اللي راسلوه انهم يسوون قطر_بيديا
واتمنى فالقريب العاجل ان المشروع يطلع ويتم تصحيح الكثير من المعلومات المغلوطة

يعطيكم العافيه

شكراً العليااا على هالمعلومة المفيدة ..
الكويت دايماً سباقة ..
وأشوف هالعمل وطني بامتياز..
لو حد يقرانا من شباب قطر_ بيديا .. ياليت يطرحون المشروع هنيه أو حد يوصلنا لهم .. مشكوراً

هذي انجازات الشباب في 6 شهور:

انجازات نادي #كويت_بيديا :
- تعديل ٣٨٢ مقال مغلوط في ويكيبيديا وتصحيحه بالمراجع الموثوقة.
- أنشأ ١٠٨ مقالة جديدة في ويكيبيديا بمختلف جوانب تاريخ الكويت.
- أضاف ما يفوق ٨٣ ألف كلمة جديدة في موقع ويكيبيديا.
- حصل النادي على اعتراف من موقع ويكيبيديا العالمي بحسابه كمصدر موثوق لا تتم مراجعته، نظراً لدقة معلوماته.

شكراً أعضاء النادي وحضورنا الكريم على مر الـ ٦ أشهر.
شكراً وزارة الشباب على الدعم 🌷

[Riku3]

اذا سوا شي بينسجن وبيترحل!!!

في قوانين بس مالها تطبيق وماقي رقابة!

مب صحيح هالكلام .. انت رحت المحكمة اقسام شكاوي العمال او وزارة العمل قسم العمال او جربت تتصل الخط الساخن لشكاوي العمال وحد اعترضلك او حاول يسجنك ؟ ..

اخوي ترى احنا في 2015 مافي شي خافي عن حد .. قطر تتعامل مع احوال العمال بشكل مميز ولهم حقوق يحلمون في 20% منها في دولهم .

اما بخصوص السكن او احوالهم المعيشيه فهذي تندرج تحت مسئولية الكفلاء والشركات "الاجنبيه" الي تجيبهم .... صح في رقابة عليهم بس مع هذا في تجاوزات من الكفلاء "الاجانب" او الشركات المحلية وهذا ما يعني ان كل الشركات مخالفة او كل العمال احوالهم صعبه ! .

[غريب الدّار]

مب صحيح هالكلام .. انت رحت المحكمة اقسام شكاوي العمال او وزارة العمل قسم العمال او جربت تتصل الخط الساخن لشكاوي العمال وحد اعترضلك او حاول يسجنك ؟ ..

اخوي ترى احنا في 2015 مافي شي خافي عن حد .. قطر تتعامل مع احوال العمال بشكل مميز ولهم حقوق يحلمون في 20% منها في دولهم .

اما بخصوص السكن او احوالهم المعيشيه فهذي تندرج تحت مسئولية الكفلاء والشركات "الاجنبيه" الي تجيبهم .... صح في رقابة عليهم بس مع هذا في تجاوزات من الكفلاء "الاجانب" او الشركات المحلية وهذا ما يعني ان كل الشركات مخالفة او كل العمال احوالهم صعبه ! .

أنا أؤيد رأي الأخ ريكو

التجاوزات موجودة

بس الدولة قطعت شوط كبير في تحسين أوضاعهم