بشل شلايلي وبسافر اربع سنين 😎

[رهج السنابك]

تفوقت وجابت علامات ممتازه واخيراً قرب حلمها جاتها بعثه لاقوى جامعه امريكيه في التخصص الي تبيه وكلها اربع سنين وتجيب شهاده تفتخر فيها قالت الام بروح مع بنتي لتحقق حلمها والعيال الباقيين كبار مايحتاجوني
طالعوها العيال والاب وقالوا هذي انانيه
تسافرين مع وحده وتتركين البقيه اربع سنين عشان وحده تحقق حلمها


،،

تزوجها وهو يدري انها طبيبه وبتكمل ماستر ودكتوراه نطرت لين عيالها كبروا وقالت زوجي العزيز حان الوقت اكمل طموحي وارفع من مستواي المهني لازم اسافر كم سنه اخلص وارجع والعيال اصغرهم بالثانوي
قالو عنها انانيه،،


،،

الزوج رتبة عسكريه متميز بشغله جاه امر من سلطه عليا واختاروه يكمل دراسته في تخصص مهم الدراسه بتاخذ سنوات من عمره بس بيرجع بشهاده ترفع الراس
زوجته صاحت وعياله صاحوا وقالوا مانبي لا تكمل لا تروح وتخلينا نحتاجك وبنفقدك وعياله حيل متعلقين فيه
قال هذا عشانكم قالوا مانبي
قالوا عنه اناني



،،

هل برايكم الشخص الي عنده حلم الدراسه بالخارج لتحقيق طموحات وياخذ فرد معاه مثل الحاله الاولى ويحرم البقيه من هالفرد لمده الدراسه اناني؟؟ وهل الزوجة والزوج في الحالات الباقيه انانيين؟؟
هل تكسر قلب عايلتك وتسافر لاجل طموح وحلم وزياده تطوير وتصبرهم ام تختار التخلي عن كل احلامك مقابل سعادة اسرتك الي تحبك؟

[aziz4z]

تطوير الذات مايعتبر أنانية أبدا ، بل مفروض يلاقي تشجيع ، أما ياخذ فرد من العائلة معاه ، و هالفرد له أهمية كبيرة في البيت ، لازم الواحد يفكر و يقدم مصلحة الجميع مب بس مصلحة واحد في العائلة، باجر العيال بيقولون أمنا مب مهتمة فينا ، و ممكن يصير تفكيك أسري
بس في حلول كثيرة و خاصة السكن مع الربع و خاصة الغربة تقرب البعض، ممكن بين فترة و فترة واحد من العائلة يسافر و يطمن عليه
الواحد يطور نفسه عشان يسعد عائلته و يرفع راسهم ، بل بالعكس أغلب الناس يشجعون عيالهم إذا جاتهم فرصة تطوير
و الله يسهل على الجميع

[المحاميه]

مب انانيه
اذا الظروف تسمح ليش لا؟
ليش باقي افراد الاسره ماتوقف مع هالشخص لين يخلص ويرجع؟

[R 7 A L]

كل حاله تختلف عن الثانية
ومثل هالمواضيع وطريقة الربط والمقارنات فيها
لاتولد الا مشاحنات ومصادمات وحتى النقاش فيها غير هادف.

[حسن]

في حفظ الله

:)

[حليتان*]

الله كريم

نفس حالتي ابي ادرس برا لان جد احس فالدوحه مب قادر ع طلبات الجامعه
مش لاني مابي لكن نظام جامعة قطر يبي له واحد تفصيل على هواهم

و الوالده مره ترضى ومره ترفض ولحد الحين مارست على بر



ادري ماله خص لكن فضفضه :(

[Locale]

الحين مب مثل اول
وسائل التواصل قربت المسافات
واتساب قروبات العايله سناب يعطيك تفاصيله اليوميه
وغير الاجازات كل ماصارت اجازه احجزوا وجاوا عند اهلهم

[white bird]

الله كريم

نفس حالتي ابي ادرس برا لان جد احس فالدوحه مب قادر ع طلبات الجامعه
مش لاني مابي لكن نظام جامعة قطر يبي له واحد تفصيل على هواهم

و الوالده مره ترضى ومره ترفض ولحد الحين مارست على بر



ادري ماله خص لكن فضفضه :(

كل طالب يمر بهالمرحلة
يتملل و يزهق و يفكر يترك كل شي
ووايد منهم كملوا و تخرجوا ..>_أعرفهم معرفة شخصية :o
نصيحة :
دام بديت بالشي حاول بكل جهدك توصل لين النهاية
فكرة السفر و انك مب قادر بتلهيك و بتنزل من مستواك
في الجامعة

..
مريت بفكرة مشابهة و أثرت ع مستواي
و الحين أقتنعت أني لازم أكمل
و أي شي ثاني ودي أسويه راح أسويه
بس بعد التخرج
..
أسمحيلي أرستقراطية :shy:

[الجـــوديّ]

هم الانانيين ..

يبون هالاشخاص الناجحين يقعدون مكانهم محلك اقعد مب سر .. علشان بس مايحسون ببعد أو أي شعور سلبي يأثر عليهم..
مع ان لو صج كانوا يحبونهم ويفكرون فيهم ... كان شجوعهم وادعموهم علشان يحققون احلامهم سواء بالدراسة او الترقي أو أي شي ثاني
لأن من سنة الحياة الانسان يتطور ويشوف نفسه يكبر ويرتقي في كل شي... هذي من الاحتياجات البشرية الاساسية.

[Mohammed2]

هي مب انانيه
لكن في حاله ان الام هي اللي بتسافر عشان دراسه او البنت هني ممكن تطلع مشاكل في الاسره.

لأن الأساس في الاسلام ان يكون جل اهتمام الانثى في البيت اكثر من الشغل برى البيت.

ليس تقليل من شان الانثى بالعكس، لان في ديننا الحنيف المرأه ترفع من قدرها عند الله اذا اهتمت اكثر في بيتها واسرتها واهلها من العمل خارج البيت.

لا ارفض فكره عمل المراه خارج البيت لكن الاصرار والسفر ومحاوله بذل المستطاع للترقي في الاعمال الخارجيه هذا المفروض مايكون من اولويات المراه، الاولويه دايما لاسرتها وابنائها واهلها.

[راجي الْعفو]

تقديم الاولى فالاولى

والاصلح فالاصلح


لا يمكن الجزم فيها بحكم معين


مع اعتقادنا ان الرقي العلمي امر مطلوب في العموم

[راجي الْعفو]

وبهالمناسبة:

احب انبه اولياء الامور اللي تنازلو عن الحفاظ على اعراضهم و تركوهم يتغربون بروحهم و سفرات من غير محرم

اقول لهم


اتقوالله في نفوسكم و اعراضكم

واستعيدوا رجولتكم

[حمد 2002]

اين التضحيه !!

نعم تلك انانيه ..

[العقل المدمر]

الام والابو اساس البيت
ممكن اتخيل نفسي برى
او اخو اختي برى
او حتى شخص من عيالي مثلا
لكن امي او ابوي ؟ لا ماقدر
مهما نكبر بنظل نحتاج وجودهم معانا
اكيد ظلم حق باقي العيال ان الام او الابو يسافرون مع شخص ويهدون الباقي
انزين واللي بعده كبر ودش جامعة فبلاد ثانية ؟ من يروح معاه ؟
انزين وكبر الثالث ودخل جامعة بعد ؟ خلاص بيتمون طول عمرهم برى ينطرون عيالهم يخلصون ؟
البنت اللي ماعندها اخو او زوج ياخذها برى تقعد فمكانها
مع اهمية موضوع الشهادة الا انها رزق من الله يفتحها على حد وحد لا
والعلم مايوقف على شهادة ولا الارزاق توقف عليها
البيت والعيال اهم من اي شهادة
والاسرة الملمومة اللي عايشة مع بعضها احسن من اسرة مفككة كل حد فبلاد بحجة الشهادة

[شيخ الديرة]

اذا انت جزء من عائلة او مجموعة وتود مصلحتك على مصلحة العائلة, أنانية ونص

[بنت مريخ]

قعدت مع ولدي لانه تأسيس ف الروضه اول كورس
امي مرضت واحتاجت علاج ف الخارج خمس شهور ماقدرت اروح
راحت اختي اجلت كورس ف الجامعه
قامت الدنيا وقعدت
وانانيه وانانيه

[Dmy Enabi]

كل إنسان لابد أن يقدر اهتماماته وأولوياته في إطار الأسرة مب عشان قال وقالت
المسألة تحتاج توازن وتدخل فيها عدة اعتبارات يقررها الزوجان فقط
مثل عمر الأطفال والتخصص المطلوب هل هو متوفر في قطر ولالا ؟ الوضع الأسري الحالي سواء المادي أو الاجتماعي
وبعدها اعقلها وتوكل
ضد سفر المرأة للدراسة في حال توفر البديل لكن لكل حاله ظروفها
عن نفسي السفر للدراسة آخر همي والله شلون تستحملون ؟صج أبطال

[توشيبا]

وبهالمناسبة:

احب انبه اولياء الامور اللي تنازلو عن الحفاظ على اعراضهم و تركوهم يتغربون بروحهم و سفرات من غير محرم

اقول لهم


اتقوالله في نفوسكم و اعراضكم

واستعيدوا رجولتكم

يتعلمون معنى الرجوله عشان يعرفون يسترجعونها :)

[راجي الْعفو]

يتعلمون معنى الرجوله عشان يعرفون يسترجعونها :)

الله المستعان..

[الجـــوديّ]

^

اشدخل العرض في الموضوع؟؟

لا نستسهل الكلمة وطرحها في غير موضعها.

[راجي الْعفو]

^

تأملي ولا تستعجلي بارك الله فيك

الارستقراطية تعرضت للبنات اللي ودهم يدرسون برع وانا حبيت اذكّر

[حسن]

للظروف احكام

ياما ضحيت بالكثير ولازلت ولكن الله عوضني بالشي الاكثر منه

:victory:

[الجـــوديّ]

هناك خلل في الصفحة ...


الأخ راجي العفو ..
لم يتناول أئمة المسلمين سفر ودراسة البنت كما تفضلت به ..
وإن رايتم من المنكرات .. فنحن راينا ايضاً الستيرات ..
وأجدها كلمة كبيرة جداً يجدر أن لاتخرج من شخص مثلك.
وكلن له ظروفه الله يعلمها نحن لا نعلمها.

[راجي الْعفو]

هناك خلل في الصفحة ...


الأخ راجي العفو ..
لم يتناول أئمة المسلمين سفر ودراسة البنت كما تفضلت به ..
وإن رايتم من المنكرات .. فنحن راينا ايضاً الستيرات ..
وأجدها كلمة كبيرة جداً يجدر أن لاتخرج من شخص مثلك.
وكلن له ظروفه الله يعلمها نحن لا نعلمها.

اهلًا أخت الجودي ..

لا تستغربي ان كان هناك شئ من الشدة في الخطاب احيانا
فلكل حادث حديث و الامر قد استشرى بيننا بشكل فظيع
وقد حددت الصنف المعني بالكلام فلم اعمم

اما ان علماء الامة لم يتناولوا موضوع دراسة المراة فهذا فيه نظر
لان الفتاوى كثيرة فيما يخص هذا الشان

وكلامي لم يتناول من راعى محارمه
فهم من يقتدى بهم ، بالعكس

ولا اتوقع ان هذه الموجه التي نراها
كلها ظروف ضرورية تستدعي الوقوع في الأخطاء

وفي نهاية الامر يبقى المقصد الشرعي هو المقدم اولا و اخيرا
وتستثنى من ذلك الحالات الخاصة

وفقك الله

[رهج السنابك]

راجي انا ماتكلم عن سفر البنت لوحدها
المقصد سفر البنت مع احد من اهلها مثل ان تاخذ الام وياها او تاخذ الاب
الزوجة الي ذكرتها كمثال ممكن تسافر مع ولدها الكبير

خلونا نطلع من الاطار الي فيه هل سفر البنت جائز ام لا

ونركز على الموضوع نفسه وهو هل يعتبر انانيه ؟؟

[راجي الْعفو]

راجي انا ماتكلم عن سفر البنت لوحدها
المقصد سفر البنت مع احد من اهلها مثل ان تاخذ الام وياها او تاخذ الاب
الزوجة الي ذكرتها كمثال ممكن تسافر مع ولدها الكبير

خلونا نطلع من الاطار الي فيه هل سفر البنت جائز ام لا

ونركز على الموضوع نفسه وهو هل يعتبر انانيه ؟؟

اهلا ارستقراطيه ..

اول تعليق لي كان جواب على موضوعج
وتعليقي الثاني كان مجرد لفته سريعه و ما قصدته اصالة

[Miss]

مادري ليش يوم قريت العنوان تذكرت اغنية اربع سنين انتطالع بالعيون :(

الحين الحمدلله بعض التخصصات اللي ما كانت موجوده في قطر موجوده الحين ويقدرون يدخلون
اذا كان فيه حد عنده القدره انه يروح معاها وما راح وحرمها فحرام عليهم :(
شكثر بنات انحرموا من السفر بحجة مالج حايه فالدراسه برا
ياخي مب انت اللي تقرر وتتحكم في مستقبلها
هي تعبت واجتهدت عشان توصل لهالمرحله

لكن اذا ما لقت حد فمب لازم تسافر :(

[بوحارب]

الله معاج سلمي على الربع كلهم ;)

[معماري قطري]

الله كريم

نفس حالتي ابي ادرس برا لان جد احس فالدوحه مب قادر ع طلبات الجامعه
مش لاني مابي لكن نظام جامعة قطر يبي له واحد تفصيل على هواهم

و الوالده مره ترضى ومره ترفض ولحد الحين مارست على بر



ادري ماله خص لكن فضفضه :(

العلم في أَي مكان هو نفسه تقريباً المهم الجد والاجتهاد والتلقي .. ولو والدتك محتاجتك قربها خلك قربها .. ولو لك فرصة وبعثة وبتكون مرتاح الوضع غير

الله يوفق الجميع العلم صج جهاد .. انا حصلت فرصة أو تقريباً حصلتها لدراسة كورس طويل يعادل دبلوم في الهندسة القيمية شهر 10 القادم وكان شهر 4 وأَجلته لظروف مرافقة طبية .. ومستعد اكنسل اللي في شهر 10 لو دعت الحاجة

[طبيب قطري]

مادري ليش يوم قريت العنوان تذكرت اغنية اربع سنين انتطالع بالعيون :(

الحين الحمدلله بعض التخصصات اللي ما كانت موجوده في قطر موجوده الحين ويقدرون يدخلون
اذا كان فيه حد عنده القدره انه يروح معاها وما راح وحرمها فحرام عليهم :(
شكثر بنات انحرموا من السفر بحجة مالج حايه فالدراسه برا
ياخي مب انت اللي تقرر وتتحكم في مستقبلها
هي تعبت واجتهدت عشان توصل لهالمرحله

لكن اذا ما لقت حد فمب لازم تسافر :(

مب سالفة تخصصات موجوده او لا.. الموضوع ان التخصص ممكن يكون موجود ولكن برع ممكن تاخذ نفس التخصص ولكن من جامعه عريقه معروفه على مستوى العالم ..

[معماري قطري]

انا بنتي تخرجت وكنت مواعدها ارتب امورها للدراسة في الخارج .. حصلت بعثة جيدة وراتب قوي وكانت بتروح معاها وحدة ومعاها امها ومقررين يسكنون مع بعض .. لكن ما توفقت اللي معاها وكنت انا في مهمة شغل خارج البلاد لفترة طويلة .. ونصحتها تتجه صوب جامعة قطر وبدت فيها مسكينة بعد ما وعدوها يمشون لها البعثة بعد 35 ساعة .. وخلصت ال 35 ساعة والحين يماطلون .. يا حبهم للي يتخرجون من برا .. بس ان شاء الله جامعة قطر وهي بيننا في قطر توفيق لها

[يمامـة]

لكل اسرة ظروفها ونوعية الحياة اللي عاشوها..
فلو الوضع متعلق فيني .. راح اعتبرها انانية اني اترك عيالي اللي انا مسؤولة عنهم
علشان اروح اثبت نفسي..

فلكل انسان نظرته الخاصة تجاه الامور ..

[راجي الْعفو]

انا بنتي تخرجت وكنت مواعدها ارتب امورها للدراسة في الخارج .. حصلت بعثة جيدة وراتب قوي وكانت بتروح معاها وحدة ومعاها امها ومقررين يسكنون مع بعض .. لكن ما توفقت اللي معاها وكنت انا في مهمة شغل خارج البلاد لفترة طويلة .. ونصحتها تتجه صوب جامعة قطر وبدت فيها مسكينة بعد ما وعدوها يمشون لها البعثة بعد 35 ساعة .. وخلصت ال 35 ساعة والحين يماطلون .. يا حبهم للي يتخرجون من برا .. بس ان شاء الله جامعة قطر وهي بيننا في قطر توفيق لها

هذا افضل ..
و ان شاء الله مستقبلها في جامعة قطر سيكون احسن من انها تسافر برا ..

الله يوفقها و جميع البنات و الابناء ..

[بشائر]

هل تكسر قلب عايلتك وتسافر لاجل طموح وحلم وزياده تطوير وتصبرهم ام تختار التخلي عن كل احلامك مقابل سعادة اسرتك الي تحبك؟

اشكرج على الموضوع المميز عزيزتي ..

عني شخصيا .. لا .. أفضل العائلة والأسرة والتخلي عن أحلامي مقابل قربي منهم ..
وأما تطوير الذات ياكثر اللي حضروا دورات وطوروا وسافروا ورجعوا ... وفي أي موقف حقيقي ينكشف لك أن كل شيء فيهم تطور عدا تفكيرهم !
محلك سر !

أحزن على ذاك الشايب والعجوز .. اتعبوا في تربية عيالهم وهم صغار .. ولما اشتد عودهم ووصلوا للثانوية .. قرروا يكملون دراستهم برع ..
طيب وهالمساكين ؟ لمن ؟ مافكرت بوحدتهم ؟ بخوفهم عليك بغربتك؟ متى بيرتاحون؟ ممكن حد منهم يفارقك بدون وداع أو إنذار .. شيء مؤلم بصراحة

الحمد لله والمنة الدولة ماقصرت فتحت لنا أحسن الجامعات ومعترف بها عالميا .. وحتى الماستر صار ممكن تاخذه من هنا .. يعني مالكم عذر
العمر قصير .. ليه نقضيه بالبعد والهم والغربة .. استمتعوا قدر الإمكان بقربكم من أحبابكم ..
لحظات السعادة معهم تسوى الدنيا وما فيها ..
وجهة نظري ..

[captin]

ارستقراطية ,

لاشك ان ذهاب الام للدراسة في ظل تفهم الاسرة وتشجيعها ووقوفها معاها
سيكون له المردود الايجابي على الاسرة خصوصا اذا كانت الاسرة اسرة اكاديمية
اسرة علم ودراسة وتفوق وتحدي سواء الزوج او الابناء او البنات .
وفي النهاية فخر للاسرة كلها لما الام ترجع بشهادتها العليا وتساهم في رفع مستوى الاسرة
العلمي والمادي والاجتماعي .

لا تردد في اكتساب العلم وسماع كلام المحبطين والكسالى .

[رهج السنابك]

كابتن جميل كلامك
نرى اسر اكاديميه في قطر من الاب والام والعيال وحتى الاجداد
وهذا ماتم ولن يتم اذا ماكان في تشجيع من افراد الاسرة ودعم لو هناك محبطين لما نجحوا