مراجعة التصاميم المعمارية وابداء الملاحظات عليها (محدث)

[معماري قطري]

الدكت اللي على اليسار هي للهواء الداخل من الغرفة الجانبية وممكن نخليه نازل بحدود 60 الى 70 سم حسب نزول الجبس عندنا في الغرفة الجانبية ممكن نحتاج تكييف بدكتات مع اني أشوف التكييف المناسب لغرفة الملابس المعلق في السقف ويدفع لأربع جهات بس لو بنركب دكت سبلت ممكن بسهولة وفتحة دخول الهواء مغطاة بلوفر تحت الجبس وفي الحمام مثل ما شرحت تنفتح في التجويف الجانبي

[sara jsm]

معليش كررت الصورة ثلاث مرات كل مرة أنسى اني حطيتها دليل اقتراب الخرف

:funny: عالقوة

[معماري قطري]

:funny: عالقوة

الله يقويج .. انتي خرفتي وخلصتي من كم سنة

[معماري قطري]

هذا السكشن كامل وواضح إن الإستشاري ما صمم الجدران فوق بعض وانا التزمت بتصميمه لأنه الإنشائي منتهي .. المالك سوى دراسة انشائي ثانية وبعد ما طابقوهم فوق بعض مع إن تحريك الجدران شوي بين 40 و 20 سم ما يأثرون في المساحات كثير

https://i.imgur.com/kImK1P2.png

[معماري قطري]

لو نرجع للمطبخ والتوزيع الارضي له نلاحظ المغسلة حلاتها في وسط الدرايش الثلاث وهذي سهلة تتعدل .. والكبت يسار ممكن يكون مفصول جزء سفلي وجزء علوي كل واحد بباب مستقل يعني بابين فوق بعض أو كبتات فوق وأدراج تحت مب مفصولة بسطح عمل أسطح العمل عندنا كفاية

https://i.imgur.com/Schfxpv.png

بعد لو شلنا ثلاجة نقدر نسوي مساحة نضيف كبت زيادة ونقدر نفتح باب على الستور

[معماري قطري]

عندنا فكرتين لجبس وتكييف واضاءة المطبخ .. التكييف أما معلق السبلت اللي يدفع في 4 اتجاهات أو تكييف دكت سبلت خاص بالمطابخ وهذا له مواصفات خاصة

الجبس لو حبيناه مغطي فوق الكبتات وفوق الثلاجات بحيث تكون كأنها مبنية داخل الحائط ممكن وبيعطينا شكل أفضل خصوصاً المطبخ كبير .. مثل هذا الشكل تقريباً وأكيد التفاصيل يسويها فني الجبس المهم المبدأ
https://i.imgur.com/znWzBlY.png

[معماري قطري]

الكبت خذته من مخطط ستاندرد كان بارتفاع 2.1 متر وما حبيت أزيد الإرتفاع لأنه بيكون صعب حد يطال فوقه بدون درج .. عدلت عليه بس سويت الكبت الطويل والجبس بسهولة ينعمل يغطي الفراغات فوق الكباتة وفوق الثلاجات حتى اللي مقابلتنا .. واللي مقابلتنا بعمق 60 سم غير عن العلوية اليمين اللي بعمق 35 سم .. وممكن نسوي فيها بلت ان مايكروويف وفرن للتصخين العادي وغيره من العدة اللي نحتاجها والمساحة كبيرة

[معماري قطري]

الحمام هنا وضحت الكرسي الخرساني شلون يبين بزوايا لافة وباكبر مكان الباب من تحت كيف يغلق مع النعلة وممكن نحط ربلة حتى يكون اغلاقه محكم وهذا الحال حتى للغرف لو حبينا

https://i.imgur.com/YpGqcMS.png

[معماري قطري]

ما ادري عن البقية بس اللي أعرفه هذي المخططات تعطي المعماري آفاق جديدة للتفكير والخيال ويعرف شلون بتكون العيشة في الحيز العمراني هذا وشلون الإستخدام وأكيد التكاليف .. خلصت البيسمنت أمس وارتفاعه 3.4 صافي ممكن لو فكرنا نقلل التكلفة نكتفي ب 3 متر ويكون الحفر لحدود 2.7 لأن عندنا ارتفاع أرضية الحوش 30 وارتفاع أرضية الأرضي 80 من مستوى لشارع يعني بنرتفع 80 وبننزل 2.7 بيكون عندنا عمق 3.5 متر بيروح منها حول 20 لصبية الدور الأرضي وحول 30 للبيسمنت .. بتبقى 3 ولو بنركب جبس بتقل لذلك 3.4 إرتفاع معقول وحفرنا بيكون حول الثلاثة متر وشوي زود للتأسيس للفرنش درينيج .. وباوضح بخطوط سميكة متقطعة مسار البايبات لاحقاً

https://i.imgur.com/dyr1DpC.png

[معماري قطري]

هذي شوي أكبر للي نظرهم خفيف مثلي

https://i.imgur.com/Swkf6sN.png

[معماري قطري]

يمين يبين المنور المحفور وبياخذ 60 سم من الحوش ونقدر نسويه بالعمق اللي نحب هنا خليته شوي تحت عتبة الدريشة السفلية والدريشة كبرتها 1.8 في 2.0 ارتفاع .. والمنور المحفور النازل مقابل الدريشة عرضه بعرض الدريشة وداخل 40 سم تكفي للنور والهواء وممكن نحط فيها اصيصات زهور أو نباتات متسلقة والفتحة مغطاة من فوق بشبك حديدي لمنع السقوط أو دخول الحيوانات .. جدام شوي جهة الرؤية بيكون باب المطبخ الخلفي المطل على الحديقة وزجاج يدخل نور جيد وهذي جهة الشرق .. نفس الجهة الشرقية عندنا 3 مناور ساقطة تنور مكان الصالة الرياضية وصالة الطعام ومنطقة الترفيه بالإضافة للمنور الوحيد الشمالي اللي مقابلنا موضح في الصورة

[معماري قطري]

مبدأ الفرنش درينيج بسيط بعد ما نحفر ونوصل مستوى تأسيس البيسمنت ويكون يابس وصلب نسوي شقوق طولية بعرض 30 سم نمدد فيها بايبات مخرمة من فوق ومن الجوانب وتكون ملفوفة بقماش خاص اسمه جيوتكستايل فابريك يسمح بدخول الماء ويمنع التراب والطين .. تلتقي هذي البايبات ببايب ثاني جاي من الجهة العرضية ونازل جنب الجدار حتى ينزل له أي ماي متسرب وملامس للجدار وحتى الماي ما يبقى ملامس للجدار نحط مكان الخط البنفسجي كنكري ملفوف بنفس القماش حتى ما يسد الفراغات اللي بينه التراب ويمسك الماء ويكون نزول الماء لتحت بفعل الجاذبية أسرع .. ينزل تحت ويدخل في فتحات البايبات الممددة وتنقل الماي لمنهول فيه مضخة غطاسة ترفعه لأعلى وتشتغل تماتيك وهذي مكانها في الليوان النازل اللي وضحته قبل .. وممكن هذا السيستم ما يشتغل كلش لعدم وجود ماي بس إحتياط مثل طفاية الحريق نشتريها ونتمنى ما نستعملها

https://i.imgur.com/OJRTS35.png

أنصح كل واحد بيسوي بيسمنت يسوي هالنظام

[معماري قطري]

الحفر اللي بتكون تحت الأساسات هذي بعد ما نمدد البايبات فيها نحط حولها كنكري بعد حتى لو طلعت مياه جوفية ما توصل أسفل أرضية البيسمنت .. ممكن نسوي كل متر ونص بايب أو حسب خوفنا من المخاطرة لو زدنا أفضل

[معماري قطري]

صورة مقربة وجزئية لنعلة باب دورات المياه .. هنا بارتفاع 3 سم يسكر معاها الباب وفيه ربلة تخلي الباب معزول تماماً وممكن نخليها في كامل الفريم .. لمعرفة المقياس يبين فريم الزجاج الفاصل للشور وهو 7 سم وممكن ناخذ أصغر وممكن بدون فريم الخيارات كثيرة وسهلة ومتوفرة

https://i.imgur.com/ZsiVfLh.png

كذلك ممكن الباب يو بي في سي بنعلته الالمنيوم والإطار اللي كله ربلات

[معماري قطري]

السكشن كامل ناقص بس سور سقف البنتهاوس .. درايش غرفة البنتهاوس اليسرى بتكون غربية مطلة على السكة يسار أفضل مما تكون مطلة على الجار وشمال نفس الشيء دريشة الغرفة اليمنى ممكن نلغيها أو نسويها باشتراطات البلدية بلوفر .. وعدلت على التوزيع الأرضي حطيت دريشة جنب السرير باوضحها في صورة بعد هذي

https://i.imgur.com/jQKO0gX.png

[معماري قطري]

هذا توزيع الغرفتين فوق اليسرى مقترح ممكن تكون مخزن في البداية وتحويلها سهل لأي استخدام .. عندنا ست غرف نوم لو اعتبرناها غرفة مب ستور وبتكون جيدة لبيت متوسط كبير لأن الحاجة للغرف مع كبر العيال بتكون ضرورية في المستقبل وست غرف نوم ولا شيء لعائلة متوسطة

https://i.imgur.com/Y5lfYlO.png

الدرايش أكيد اللي جنب السرير حلاتها مستمرة للأرضية وتكون طولية وبدون أثاث جدامها

[معماري قطري]

فيه ملاحظة مهمة حاب أوضحها واللي هي مب مهمة كثير المساحة المتاحة لنا كثر ما هو مهم ترتيبها .. هنا ممكن نزيد عرض دورات المياه بسهولة لمترين أو متر و80 سم بس حبيت أوضح كفاية ال 1.6 متر كعرض لو رتبنا الحمام صح .. وهذا خذته من تصميم بيت ولدي وهناك مضطر لهذا المقاس ومكفي لأن عرض الغرف 3.4 وهي غرف ثانوية ولا بشرط إن كل الغرف تكون مبحبحة .. بيت ولدي من دورين وبنتهاوس بدون بيسمنت ومساحته شوي فوق الألف حول 1050 متر مربع بكامل البنيان من ملحق ومجلس وغرفة سايق .. كثرنا الغرف وصلوا 10 بعدين الغينا غرفة ضميناها لغرفة الملابس الرئيسية استوت الغرفة كبيرة .. وألغيت غرفة تحت تحولت لمكتب وقللت غرف البنتهاوس من 4 لثلاث استوى المجموع 7 غرف ومكتب قابل للتحول لغرفة .. بس بعد التصميم راعيت فيه امكانية عمل توسعة مستقلة لبيت كامل في الحوش كبنيان مستقبلي لو دعت الحاجة .. القصد لازم نفكر في التوسعة وباعرض التصميم بإذن الله هنا وهو تصميم مطور من تصميم سابق اشتغلت عليه مقارب لتصميم بيت اخوي وبيوت كثيرة مثله

[معماري قطري]

صورة مقربة للحمامين الصغار في البنتهاوس وعدلت لباس البنت الجالسة الجوتي أحمر والقبعة خضراء .. ما حصلت آيكون مناسب غير المهم توضح الجلسة والكرسي هذا

https://i.imgur.com/dp33wzI.png

[معماري قطري]

شغال على تعديلات أخيرة لبيتي للموافقات .. نزلت المجلس شوي بس المنور الزجاجي بيكون مخالف للإرتفاع المحدود ب 6.5 متر بيطلع 7.3 وإن شاء الله يتوافق عليه .. الزوايا المرتفعة هذي حدها 6.5 بالضبط .. البيت المنور الهرمي البارز فوق حده 16 متر ممكن بعد يعارضون عنه بس عندنا في المنطقة مجلس 16 متر ارتفاعه .. هذا المنور الهرمي بيكون فوق الصالة اللي للدور الأول وبنفس الوقت فيه درايش مفتوحة عليه من البنتهاوس يعني بيكون من داخل البيت من أرضية الدور الأول مرتفع بزود إرتفاع يزيد عن 10 متر .. هذا غير عن المنور الثاني الجانبي اللي فوق الحديقة الداخلية ذاك بيكون بارتفاع حول 6 أمتار من أرضية الدور الأول ممكن أكثر أذكر من الدور الأرضي 14 متر

https://i.imgur.com/BP5NoU9.png

[معماري قطري]

قللت الزوايا القمريات خليتها بس في بعض الأماكن مثل المداخل وهنا البروز لمكان منور ودريشة دورة المياه سويتها .. الدريشة بتكون داخل ومايلة ملتقية مع طرف جسر السقف يعني هذي الزاوية بتكون تبين من داخل ومن برا والبروز حول الدريشة بيكون حماية وشكل

https://i.imgur.com/Cf2K9O8.png

البرواز حول تجويف الدريشة بيكون 5 سم قطع داخل خالي بلون أبيض فاتح أكثر من لون البيت والقطع الزوايا والقطعة الوسطى يسمونها كي ستون وبالعربية أكيد لها مصطلح يختلف هذي بتكون كلها مع القمريات جي آر سي بلون معين مخلوط في خلطة الجي آر سي .. ومفكر في إن تكون الدريشة فريمها 10 سم داخل وجدامه بشوي أما أسوي سترب لايت أو النور اللي يسطع على الحواف بدون ما يبين مصدره

ملغي فكرة الشتر بسبب خرابه من الغبار

[معماري قطري]

الدريشتين الطوال وحدة في غرفة الملابس ووحدة جنب التسريحة

هنا توضيح لموقعهم في التوزيع الأرضي

https://i.imgur.com/Me1W85Q.png

[معماري قطري]

يبين موقع المنور اللي من سقف دور البنتهاوس وبيكون ارتفاعه عالي

[معماري قطري]

المساحة كاملة للدور 540 بس ينشال منها التجويف المغطي للزراعة حول 61 متر مربع تطلع صافية 480 وبعد كبيرة

https://i.imgur.com/BtfJJW9.png

لازم أسوي دراسة وعقود للتكييف والمصعد من ألحين حتى أختار المناسب والتركيز على تدمر وجنرال وقري والمفتاح

[معماري قطري]

الجهة الخلفية أو الغربية من البيت وهنا بتكون مطلة على حديقة وطبيلة السيارات الكبيرة .. كنت متخوف من شكل بروز المكتب الغرفة الزجاجية مع القرميد فوق بس أشوفه مقبول .. شرايكم؟

https://i.imgur.com/FSOhN6R.png

[معماري قطري]

ما ضفت المنور السقفي هنا ولازم يبين وهذي الصورة مقربة لإمتداد المكتب اللي مغطي على مدخل البيت مع البروز اللي يعتبر غرفة زجاجية .. تحتها موضح موقع نزول الشلال اللي بيكون على الدوار بين الشجر

https://i.imgur.com/t82dzY0.png

هذي نقطة النزول الموضحة بالأزرق

https://i.imgur.com/cbYN2F9.png

الله يعين ويوفق ونخلص الموافقات

[معماري قطري]

ناقشت موضوع المناطق أو التقسيم لمناطق في التصميم مع شباب في قروب وتس أب تحميل الصور سهل وضيعت بعضها صراحة


شكلها بتبين شوي مقطوعة بس لونت كل منطقة حسب استخدامها

https://i.imgur.com/nzWdgJm.png

التقسيم أو Zoning يفيدنا في الفراغات وعلاقتها ببعض واستخدامها وممكن نبدأ من كبير وننزل لتفاصيل صغيرة كلش تخدمنا في معيشتنا أو استخدامنا للمبنى

المنطقة هناك منطقة حفريات وحرب يقولون بتخلص شهر 11 الجاي ونتمنى ذلك ما يعطلونا أكثر

هذا تصوير للمنطقة مع وضع المخطط على مكان الأرض .. فيه شوارع بتنشأ يمين بتتحرك شوي بتوسع لمواقف زاوية للمجلس مع مجلس بيت الوالد الله يغفر له فوق بحدود 10 - 12 موقف + مواقف جانبية بسيارات أقل من الجهة الثانية للشارع بتكون طولية .. ما قصروا أشغال طبقوها حسب حاجة السكان وما قصر الاستشاري ايطال كونسآلت رفع متطلباتنا برسم وشرح للموافقة

https://i.imgur.com/6iFHWJn.png

[معماري قطري]

قسم أحواض الزراعة بالأخضر ومبينه عليه الزراعة وقسم المجلس مبين هنا بوضوح مع الدجة مع غرفة الطعام مع المجلس المثمن .. وقسم حوض السباحة بالأزرق تبين عليه المباني ومنطقة الزراعة كذلك

https://i.imgur.com/j1AtkFs.png

[معماري قطري]

هذي الصورة أوضح للموقع العام بيتي وبيت الوالد ونقطة الاتصال بباب بتكون وراء المجلسين من الحوش للحوش اللي في بيتي المخصص لحوض السباحة .. ألحين تبين بقع كبيرة هذي أشجار برية باحاول أنقلها للجهة الجنوبية من البيت منطقة الزراعة الطولية جنب البوابة اليسرى

https://i.imgur.com/C8bdKFw.png

يعني أول خطوة في البناء بتكون حفر منطقة الزراعة وتسوير الأرض لحفظ ناتج الحفر وإزالة الأشجار وزرعها في المنطقة هذي ثم إكمال الحفر للبيت وتكويم الدفان في الجهة اليسرى واستخدامه لرفع منسوب البيت قليل وجعل المستوى للطريق الوسطي واحد مع ميلان بسيط للوسط للتصريف اللي تحت الأرض لجهة الزراعة اللي بتكون عبارة عن خزان مفتوح ونازل

[معماري قطري]

المنحنيات ما تبين عدلة كان يبي لها رفرش قبل لا اخذ الصورة لكن في الواقع منحنى مرتب

[معماري قطري]

هذي بعد تعديل المنحنيات حتى تبين واقعية

https://i.imgur.com/D0R3UDF.png

[معماري قطري]

خايف من المياه الجوفية بما إن الأرض فيها زراعة وبعد شوية مخلفات بناء تحتاج تنظيف وترتيب وعدوني أشغال بس الحفر ضروري تقريباً لكل الأرض حتى مناطق الزراعة بعضها نص متر وبعضها أكثر حددت بشكل تقريبي أماكن الحفر على مخطط ثاني والأعماق المقترحة والله ييسر الأمور

[معماري قطري]

هذي الواجهة جهة الشارع أضفت عليها بعض الألوان وألغيت الزوايا في النوافذ بس خليتها في بعضها البارزة حول دريشة الحمام بتبين كاملة من الداخل ومن الخارج وبتكون تطعيم بسيط بدال متكررة وايد

https://i.imgur.com/98947R5.png

[معماري قطري]

أحد الإخوان طلب تعديل على توزيع دورة مياه رئيسية واستوى كم إقتراح هذا آخرها .. لحسن الحظ عنده غرفة فوق للملابس وبابها مكانه غير اقترحت فتح باب على غرفة المكياج لسهولة الوصول لغرفة الملابس حتى وان كان يوجد باب ثاني

https://i.imgur.com/owg024i.png

هذا مقترح أولي بدون الفري ستاندنغ شاور وأظن إنه أفضل بس السابق أجمل بيكون بدرايش طولية ممكن من تحت مرملة ومن فوق عادية تنفتح أو من تحت قلاس بلوكس .. هذا ممكن الدرايش تكون عرضية ومرتفعة فوق منطقة الشور ومتصلة للبانيو .. نفس الشيء الجهة الثانية وممكن لو حبينا نركب قلاس بلوكس بدال الزجاج

https://i.imgur.com/ONYTnTM.png

[معماري قطري]

دكت التمديدات موجود جنب الكرسي في الزاوية اليمنى فوق

الإختيار الأول مع الفري ستاندنغ شاور الزاوية جنب الشور مقترح تكون لها أرضية بارتفاع الشور وعليها مزهرية وممكن نسوي لها حاجز مقوس من البولي كاربونيت بلون معتم شوي ومقوس جهة المزهرية ومفتوح بس يعطي الزاوية انحناء مقوس مثل ما هو موضح ويكون ممتد للسقف مع انارة مركزة على النبتة وتكون مخفية المصدر بالبولي كاربونيت ويبين النور غير مباشر من خلال البولي كاربونيت خصوصاً لو جاء بلون معين

[sara jsm]

انا اشوف البانيو ياخذ مكان عالفاضي .. او الجاكوزي ..
خلاص حطوا شاور ويوسع المكان ويكون شرح ..
الواحد كم مرة راح يستخدم البانيو او الجاكوزي !!!!

[معماري قطري]

الإختيار الثاني بيكون عندنا مغسلتين بدال وحدة والبانيو بيكون متوفر وارخص وتفصيل الباب لازم بيكون مثل اللي في الاختيار الأول

[معماري قطري]

انا اشوف البانيو ياخذ مكان عالفاضي .. او الجاكوزي ..
خلاص حطوا شاور ويوسع المكان ويكون شرح ..
الواحد كم مرة راح يستخدم البانيو او الجاكوزي !!!!

تعتمد إختي سارة انتي ممكن تاخذين جهاز رياضة أو سيكل مثلاً ولا تستعملينه وممكن تستعملينه يومياً .. بالنسبة لي الجكوزي اخترب وناوي ابدله بس خايف من دوشة الشغل ولكن استخدمه بانيو اسبوعياً مرة أقل شيء

[sara jsm]

تعتمد إختي سارة انتي ممكن تاخذين جهاز رياضة أو سيكل مثلاً ولا تستعملينه وممكن تستعملينه يومياً .. بالنسبة لي الجكوزي اخترب وناوي ابدله بس خايف من دوشة الشغل ولكن استخدمه بانيو اسبوعياً مرة أقل شيء

انت جاكوزيك مخترب من ثلاث سنين يعني في النهايه عالفاضي ..
انا حاطه بانيو ومااستخدمته الا مرة وحدة :unsure: وحتى المغسله حاطه ثنتين ونستخدم مغسله وحدة بس :taunt:
كله ديكورات عالفاضي .. متخرعين اول ما نسكن نبي البيت فندق :confused:

[معماري قطري]

بعد علشان ما تزعلين مقترحج ممكن لو حب يسويه المالك

https://i.imgur.com/fSbAw74.png

[سعود.]

انت جاكوزيك مخترب من ثلاث سنين يعني في النهايه عالفاضي ..
انا حاطه بانيو ومااستخدمته الا مرة وحدة :unsure: وحتى المغسله حاطه ثنتين ونستخدم مغسله وحدة بس :taunt:
كله ديكورات عالفاضي .. متخرعين اول ما نسكن نبي البيت فندق :confused:

نبي البيت فندق :taunt:

[معماري قطري]

انت جاكوزيك مخترب من ثلاث سنين يعني في النهايه عالفاضي ..
انا حاطه بانيو ومااستخدمته الا مرة وحدة :unsure: وحتى المغسله حاطه ثنتين ونستخدم مغسله وحدة بس :taunt:
كله ديكورات عالفاضي .. متخرعين اول ما نسكن نبي البيت فندق :confused:

هي رغبات وقطع نستفيد منها


هذا مع مغسلتين بعد

https://i.imgur.com/x1RiIuZ.png

[معماري قطري]

نبي البيت فندق :taunt:

ما تدري يا سعود هي الحين تراضي الريل بعد ما دمرت ميزانيته

[sara jsm]

هههههههههههههه اي والله متحسفه على وايد اشياء
لو البيت شعبي ابرك من هالمساحة على كم نفر :taunt:

[معماري قطري]

بس صج المقترح الأخير طلع حلو مع إن مقاس الحمام 3 في 3.1 ويكفي كل القطع بس هذا الشور فيه أريحية بدون باب ومضمون الماي يبقى داخل

[معماري قطري]

هههههههههههههه اي والله متحسفه على وايد اشياء
لو البيت شعبي ابرك من هالمساحة على كم نفر :taunt:

إصبري بس يكبرون عيالج وتزيد الإحتياجات وبتقولين يا ليت كبرنا وزدنا

لحد يبخل على نفسه البنيان مجهود بس مهم نوجهه صح ونحسب المستقبل ولو زاد شوي أحسن من يقصر .. ولازم القوانين بتتعدل اللي عنده مثلاً دور علوي مفصول ما يحتاجه ممكن يأجره ويسوي مدخل منفصل حتى لو كبر وفضى عليه البيت ممكن يستغل جزء منه يتأجر ويدخل عليه مبلغ يفيده

[sara jsm]

اي وعقب وين المؤجر يصف سيارته في جبدي ؟؟! :omen2:
ان شاءالله مايسمحون .. :)

[معماري قطري]

اي وعقب وين المؤجر يصف سيارته في جبدي ؟؟! :omen2:
ان شاءالله مايسمحون .. :)

شوارعنا تترتب بمصفات كثيرة ومكان لحاوية القمامة مغلق أو محوط بطابوق ومرتب والأهم تكون على أرضية بسهولة تنسحب وتتحرك بتواير .. تطوير المناطق السكنية سهل بس يلتفتون لها التفاتة صادقة والله فرجاننا تكسر الخواطر لا وكثير منها توهم خالصين من شوارعها وتدمرت

[معماري قطري]

سويت بحث عن الفري ستاندنغ بانيو وحصلت بعد آيكونات لرسم أوتوكاد بالمقاس بدقة .. فيه أصغر لحدود متر ونص في 75 سم .. سويت طريقة ثانية في التصميم

https://i.imgur.com/Dwg7Plx.png

هذا متر وستين في سبعين سم مناسب .. وفيه كم نوع مدمجين شاور وجكوزي مع بعض مع زجاج لمنع رش المياه

[سعود.]

ما تدري يا سعود هي الحين تراضي الريل بعد ما دمرت ميزانيته



ههههههههههه

[معماري قطري]

هذا التعديل بإزالة الزاوية وارجاع البانيو شوي للخلف واضافة بعض النباتات

https://i.imgur.com/9HAsKhP.png

[سعود.]

طوله 1.70 ممتاز ويعتبر كبير .
عرضه 70 حيل ضيق . يعني تقريبا 3 شبر ونص

[معماري قطري]

هذا التعديل بإزالة الزاوية وارجاع البانيو شوي للخلف واضافة بعض النباتات

https://i.imgur.com/9HAsKhP.png

[معماري قطري]

النبتة عبارة عن بلوك والبلوك في الاوتوكاد هو عبارة عن رسمة مسبقة تعتبر وحدة كاملة شيء واحد مثلها مثل النقطة والخط والدائرة مجموعة أشياء نجمعها تحت شيء واحد له مسمى مختلف نقدر نسحبه من رسمة لرسمة ونستخدمه للتوضيح ويكون بمقياس رسم .. مثل سرير أو قطعة أثاث بمكوناتها وغالبية الموجود 2 دي وفيه 3 دي .. هذي كانت بدون ألوان أضفت لها الألوان بسهولة وبسرعة وحفظتها تحت اسم نبتة عندي واللي يحب البلوكات هذي مستعد أمده بها ممكن يكون يشتغل شغل هندسي يقدر يستعملها

https://i.imgur.com/6oxnbDl.png

[sara jsm]

طوله 1.70 ممتاز ويعتبر كبير .
عرضه 70 حيل ضيق . يعني تقريبا 3 شبر ونص

مايصلح حق المتان :tooth:

[معماري قطري]

مايصلح حق المتان :tooth:

أكيد اللي يلهطون 10 سندويشات كيما ويكثرون الفلفل

القصد من ذكر المقاس هو المقاس السابق كان 1.8 في 1.1 للعرض وهذا قليل متوفر وما بيصير شيء لو نزلنا المقاس شوي واشترينا واحد مناسب .. فيه قريب من ال 2 في 2 متر كأنه سرير ولين يتعبى ماي ياخذ وقت ويكفي حق الجيران يجون يسبحون مع بو دبة .. فيه وسط فيه 1.7 في 80 سم أو 85 وفيه أطول شوي مع ديكور وكلهم مناسبين بس كلما كان صغير يكون البق ويمشي

[معماري قطري]

فيه المتصل بالأرضية سهل الدخول له وفيه اللي له ارجل ومرتفع هذا يبي له واحد لايق ينقز ويطب فيه مثلي يمشي 10 خطوات في الساعة وضعه صعب .. عاد أتخيلج حاطه بدال الصابون والشامبو سندويشات كيما وقرشة الفلفل على جنب على الرف المعلق وسط البانيو ودي أسوي الرسمة بس شغلة وبترفعين علي قضية

[معماري قطري]

طوله 1.70 ممتاز ويعتبر كبير .
عرضه 70 حيل ضيق . يعني تقريبا 3 شبر ونص

بالعكس اخوي سعود وايد البانيوهات هذا عرضهم بين 70 - 80 وقليل ال 80 متوفر .. الزاوية يجيك في الغالب تحت المتر ونص 1.40 وتحتها أوقات كطول وعرض عندهم حرية أكثر يسوونه حول 80 وحتى 90 .. تقدرون تسوون بحث في النت والا حتى تسئلون على الطبيعة في المحلات اللي حولنا

[معماري قطري]

إشتغلت على التكييف حق بيتي والفكرة إني أحصل النوع اللي يكون داخل كسرة في الحائط وبباب واقف يكون وعلى قاعدة في الأرض حتى لو سرب ماي فيه مجرى يودي الماي للحمام ويتجمع الماي قبل في قطعة مثل الصحن الحديد

هي سكتشات مبدئية ممكن تتغير حسب التصميم من شركة التكييف بس هذا اللي احبه .. سويت الدكتات بعرض متر وهي ممكن تكون أقل الا مؤكد أقل .. الراجع بالأسود والأزرق للبارد

https://i.imgur.com/Q5Zt3RV.png

فكرة إن المكيفات بعيدة شوي وممكن الباب يكون مبطن كذلك بعازل عن الصوت

باركز على كل غرفة بروحها وزين إن كل المكيفات سيدة تحتها الوحدة الخارجية اللي بتكون في البيسمنت الخدمي

هذا المجلس والتكييف رقمه 3 موضح .. الجبس بيكون بسيط طبقة وحدة بس فراغ قرب الحايط 40 سم هذا بتكون فيه فتحات التكييف مقابلة الحائط الراجع في جهة والصادر في جهة مقابلة

https://i.imgur.com/PAdust6.png

في حال ما حصلت الواقف باخذ المعلق في السقف وأمري لله

[معماري قطري]

تكييف الغرفة الرئيسية تحت

https://i.imgur.com/pJPPXYv.png

الصالة بيكون مكيفها داخل الستور وكذلك غرفة الطعام وممكن نضيف لهم المجلس بدال ما يكون مكان الوحدة مطل على الصالة .. وبياخذون جزء بسيط

https://i.imgur.com/lvohwfF.png

[معماري قطري]

هذا البيسمنت الخدمي وموضح مكان الوحدات الخارجية وكلها رأسياً تحت موقع الوحدة الداخلية لسهولة التمديد .. التصريف لمياه التكييف بيكون ينزل ويتعلق في سقف البيسمنت ومنه للجوانب يتصل مع بايب صرف المطر اللي بيكون مدفون تحت الأرض ويودي الماي للزراعة

https://i.imgur.com/xg1jtGB.png

المساحة كافية وفيه سهولة للتمديد وللشغل وللغسيل والاستبدال وشغل الصيانة تحت مكان مظلل ومهوى زين ومحمي

[معماري قطري]

فوق نفس الترتيب وبسهولة أيضاً .. شيء مهم هو الهواء الداخل من الحديقة الداخلية وهذي بيكون تكييفها بسيط وتلطيفي من فوق وحدة تكييف على السطح والبايبات تدخل لإمداد الهواء النقي من فوق الجبس للغرف والفتحة في التجويف المخفي .. لكل غرفة 4 تجويفات للإضاءة المخفية ولفتحات الهواء حسب موقعها فبنكون وظفنا الفتحات هذي لكل هالأمور .. ممكن أخليها 50 سم لسهولة التعامل مع الدكت لتنظيفها وقت الحاجة

https://i.imgur.com/NPpMxYA.png

هنا توضيح لمسار بايب دخول الهواء من الحديقة باللون الأخضر المتقطع

https://i.imgur.com/1fuldNC.png

[معماري قطري]

توضيح لقطاع طولي في الجدران والسقف والجبس البسيط ودكت التكييف والموزع

https://i.imgur.com/F8vYe3Y.png

توضيح مكبر لمكان الإنارة

https://i.imgur.com/7JNCIyo.png

[معماري قطري]

بهذي الطريقة بنكون ضمنا هواء نقي بنسبة معينة للغرف والصالات وتجديد هواء البيت بالكامل وضمنا هواء بدال المسحوب من دورات المياه والمطبخ ونفس الوقت إشتغال جيد لمراوح الشفط ونفس الوقت تبريد مناسب لدورات المياه

[معماري قطري]

أضفت درج للصيانة ومهرب طواريء .. يبين في الطرف اليمين فوق حلزوني حديد بمقاس 1.8 في 1.8 صافي من برا 1.9 في 1.8 لأن حايط البيت يغطي والحوايط الثلاث الباقية بسمك 10 سم وممكن حتى تكون اسمنت بورد .. بيكون يضمن الخصوصية للجيران لأنه مغلق من كل الجهات وبيكون فيه بابين حديد فوق وتحت ممكن قفلهم للأمان

السقف للبنتهاوس بتكون فيه حرية لوضع التكييف مثل ما نحب سواء دكت سبلت والا سبلت نفس الدورين تحت .. مراوح سحب الهواء لدورات المياه بتكون في جزء طابوقي مرتفع وفيه مخفية المروحة وبايبها وبايب الكهربة لها .. حتى تكون بعيدة ولا تسبب ازعاج وصوت في دورات المياه

https://i.imgur.com/NWLFpPC.png

[sara jsm]

بوعبدالله كم مدة تنفيذ بيتك كامل اذا مافي عائق مالي ؟
لان خرايطك خذت سبع سنين :tooth:

[معماري قطري]

بوعبدالله كم مدة تنفيذ بيتك كامل اذا مافي عائق مالي ؟
لان خرايطك خذت سبع سنين :tooth:

متعودة تضربين في أماكن قاتلة

انتي شايفة السوق شمسوي فينا وأكيد بتكون فيه عوائق مالية لو بقى الحال على ما هو عليه .. بعدين من قايل لج سبع سنين بس .. الأرض طلعت بعد ما سكنت بسنة يمكن ومن وقتها أصمم وكم تغيير سويت لين وصلت للي وصلت له بس ما كان فيه استمرارية أو جدية .. تصدقين حتى يمكن للحين ممكن فكرة ثانية ابني بيت ولدي بس وبيتي اخليه والا اسويه استراحة ابني المجلس بس والبوابة ونسكن لاجئين في كباين .. حل أخير وهو الممكن أخلي خطتي بنيان على 5 سنين

[معماري قطري]

سويت مقطع يوتيوب حق شرح تصميم بيت أحد الإخوان وبعض التعديلات عليه .. هم جزئين وهذا الأول

قصير حول 50 دقيقة


https://www.youtube.com/watch?v=vLrRQlQdyhw

[sara jsm]

ماشاءالله مقطع هالطول :strong هاي فيلم اجنبي على جزئين ..
دايما احمد ربي اني مااعرفك في الصج واجد نفر قرقر :funny:

بوعبدالله اذا انت مرتاح في بيتك ومب مستضيق يااخي سولك صيانة من داخل ومن برع ..
ممكن توسع او تشل طووف تكبر وتصغر وترتب كل شي بدال ماتبتدي من الصفر ..
منها توفر وقت وجهد وطبعا مال … وابني حق ولدك عشان يستاسع .. قالص فيه اشله
عيد حساباتك واستمتع في فلوسك ولا عطني اياهم اخشهم :oops:

[معماري قطري]

ماشاءالله مقطع هالطول :strong هاي فيلم اجنبي على جزئين ..
دايما احمد ربي اني مااعرفك في الصج واجد نفر قرقر :funny:

بوعبدالله اذا انت مرتاح في بيتك ومب مستضيق يااخي سولك صيانة من داخل ومن برع ..
ممكن توسع او تشل طووف تكبر وتصغر وترتب كل شي بدال ماتبتدي من الصفر ..
منها توفر وقت وجهد وطبعا مال … وابني حق ولدك عشان يستاسع .. قالص فيه اشله
عيد حساباتك واستمتع في فلوسك ولا عطني اياهم اخشهم :oops:

والله فكرة قلبتها في راسي موقع بيتنا هنيه أحسن من الموقع الثاني بس الثاني أوسع وبيخلصون البنية التحتية قريب .. والفلوس تجيب فلوس والحمد لله أقدر ابدي شوي شوي ولا مستعجل خمس سنين تنفع

[معماري قطري]

الفيديو الجزء الثاني اقصر بس 18 دقيقة خلوني اجرب فيكم


https://www.youtube.com/watch?v=_4lWc4gTsTk

[سالم الزهران]

وفقك الله اخوي بو عبدالله و الله يطول عمرك في خير وييسر لك امورك و يديم عليك الصحة والعافية وكل اخونا بالمنتدى ويحقق لكم آمالكم.. آمين

[معماري قطري]

وفقك الله اخوي بو عبدالله و الله يطول عمرك في خير وييسر لك امورك و يديم عليك الصحة والعافية وكل اخونا بالمنتدى ويحقق لكم آمالكم.. آمين

آمين والجميع إخوي بو زيد

توني من شوي أرد على الإستشاري اجتمعنا معاه انا وولدي يوم الخميس وناقشنا التصميم والحمد لله متجاوب ومتفهم باقي بس مسألة تمديد البايبات في حوائط مستعارة داخل البيت لدور البيسمنت اللي بيعتبر دور ميكانيكي للتكييف وللمياه ولتمديد الصرف .. هو يقول الصيانة شلون بتكون ووضحت له .. تناقشنا في شغلة الأعمدة والجسور وذكرت له قوة الأرض بتكون في حدود 3 كيلونيوتن في المتر المربع وهم يحسبونها أوقات على 2 أو 1.5 والرقم ثلاثة هذا حسب اختبارات التربة من استشاري البنية التحتية .. أكيد إذا بيحسبون عليه بتقل الأساسات بحدود 33% وبالتالي بتقل التكلفة

بحاول اشوف المصاعد والتكييف وزين تذكرت بارسل المخططات لأول مهندس تكييف كلمته لتصميم التكييف وباشوف غيره

[sara jsm]

الله يسهل عليكم بوعبدالله ..
بس ليش البيبات في الحوايط دام البيسمنت بيكون دور ميكانيكي !!!
وشنهي هذي الحوايط المستعاره :court:

[معماري قطري]

الله يسهل عليكم بوعبدالله ..
بس ليش البيبات في الحوايط دام البيسمنت بيكون دور ميكانيكي !!!
وشنهي هذي الحوايط المستعاره :court:

تغطية جزئية الله يسلمج للبايبات الخاصة بالصرف الصحي لأنها بتكون نازلة جنب الجدار ومستمرة لين توصل للبيسمنت ومنه تتثبت في السقف وتطلع للخارج والتغذية نفس الشيء .. بتكون ممددة في بايبات 10 سم ومنها توصل لدورات المياه من البيسمنت بعد وبتكون في مناطق بعيدة عن الجدار الخارجي حتى لا تحتر ولا تبرد بسبب الجو الخارجي وبتكون معزولة مع تدوير مفكر للحار والبارد .. زين وقت وصولها لدورات المياه بتكون فيه فتحة صيانة ومتصلة بها بايبات بيكس المرنة مثل الهوزات ممددة في مجاري خاصة للمنافذ وممكن فكها واستبدالها بسهولة في حالة خرابها وهي مضمونة 50 سنة .. البايبات الرأسية من تحت لفوق هذي بتكون بي بي آر وبعد استبدالها سهل وكشف أي تسريب سهل .. مسار البايبات كله موضح وكلها دكتات دائرية 10 سم بس هذي ينعمل لها جدار دزئي مستعار ملاصق للجدار .. بايبات تصريف المطر على الغلاف الخارجي للجدار الخارجي هذي غير تنزل لين بايب رئيسي مخفي تحت الارض وتروح لتانكي في الحديقة محفور له وتحت سطح الارض مع مضخة لسقي الزراعة وبيكون تصريف المكيفات بعد للزراعة

[معماري قطري]

مثل هذي الحالة تجويف وفيه البايبات اس تعني Sewage صرف صحي .. وبهالحركة وفرت امتداد بروز لبعض الحمامات بدون شيء يغطي الواجهة وممكن أسوي واجهة زجاجية كبيرة مثل السكايلايت اللي طبقته في كم حمام

https://i.imgur.com/LmcG7DG.png

[معماري قطري]

ميزتها نازلة سيدة لتحت .. الاستشاري تكلم عن الصيانة والإستبدال وللصرف الصحي ما اشوف حد يستبدل بس ممكن بسهولة نخلي التجويف مستمر والتثبيت يكون من فوق ببلاستر يغلق التجويف ومكان الهوايات ومن تحت بحديد تثبيت تنفك بس وتنسحب وأكيد تنقص مكان الوصلات الداخلة للحمامات وهذا في حالة الاستبدال واللي ما سمعت عن حد استبدل بايبات الصرف لأنها غير مضغوطة وتعيش بعمر المبنى

[معماري قطري]

هذي دورة المياه الرئيسية اليمين مكان الإكس بيكون منور سقفي متصل مع الدريشة في تجويف خرساني وطابوقي وصعب أو مستحيل يستوي بعرض الحيز لو فيه تمديدات تقطعه .. المياه دبليو موضحة فوق وتحت لتوزيع أفضل

https://i.imgur.com/JplWZYB.png

[معماري قطري]

هذي يمكن أوضح لدورة المياه الرئيسية وهي مقسومة لقسمين قسم كبير وثاني أصغر ولونت البايبات بالأخضر حتى تبين .. الحايط هنا 30 سم جزء حايط مجوف بيكون وجزء هو الحائط الفعلي البايبات اليسار تخدم بعد حمام فوق في البنتهاوس والدريشة بتكون ثابتة تدخل بس نور من منور السقف لكن التهوئة بتكون شفط مراوح متجهة لأعلى السقف حبيت طريقتها فوق في السقف تكون مخفية في عمود وما يكون لها صوت داخل الحمام وصيانتها واستبدالها سهل بعد

https://i.imgur.com/UK0Nv5M.png

[معماري قطري]

لو نتتبع البايبات الثلاثة اليمين بنحصلهم مباشرة نازلين على حمام تحت وبيكون جزء الحائط اللي فيه البايبات مفرغ اسمنت بورد بس عليه تبليط وفيه فتحة التمديد والسحب لبايبات التغذية المرنة

https://i.imgur.com/SmXwcCz.png

يمين تحت على مستوى البيسمنت هذي فتحة التهوئة النازلة اللي بيكون كل الصرف الصحي طالع منها ومتجه لمنهول الحكومة

[معماري قطري]

فيه عدم تطابق في الجدران بين الحمامين الأخيرين وهذا شيء مقصود بس تطابق في نزول البايبات بشكل رأسي

[معماري قطري]

هذا تصميم جديد دارج ومتداول كثير ولأحد الإخوان بابداه على غير العادة بالدور الأول

هذا هو والرسومات محدودة إستشاريينا ما يبذلون مجهود لتوزيع الأثاث اللي هو عامل مهم في التصميم ونبني عليه الكهرباء وتوزيع الإنارة والتكييف

https://i.imgur.com/6aoKpP9.png

حتى الدكتات عميقة 40 سم وحاجتنا لحدود 12 سم كفاية البايبات 10 سم أكبر بايب

[معماري قطري]

توزيع الأثاث وبعض التعديلات البسيطة لترقية التصميم مع العلم تم بناء الطابوق والخرسانات

https://i.imgur.com/EM0kai6.png

مبدئي وممكن نطور عليه .. البانتري مثلاً ممكن يكون بباب مغلق والمساحة تسمح

[معماري قطري]

تركيز أكبر على منطقة الجلسة والتلفزيون .. فيه عائق جدام الكرسيين اللي في الأطراف بس سبع كراسي كفاية وعندنا امكانية نستغل الطرف لمكتبة للكتب الطرفين يمين ويسار

https://i.imgur.com/GoluSU9.png

البارتشن الزجاج بيخفف صوت التلفزيون

[معماري قطري]

توزيع ثاني للحمام الرئيسي بعمل بارتشن لمنطقة الكرسي مثل ما هو موضح ممكن يكون زجاج مرمل غير شفاف .. مع تعديل الدكت للحجم المناسب وممكن نظيف دريشة يسار البانيو طولية وممكن تكون طوب زجاجي لو حابين

https://i.imgur.com/Ha0FICD.png

[معماري قطري]

تركيز أكبر على منطقة الجلسة والتلفزيون .. فيه عائق جدام الكرسيين اللي في الأطراف بس سبع كراسي كفاية وعندنا امكانية نستغل الطرف لمكتبة للكتب الطرفين يمين ويسار

https://i.imgur.com/GoluSU9.png

البارتشن الزجاج بيخفف صوت التلفزيون



مقترح مخزن لمواد النظافة وقوس وممر للغرفتين تحت سهل تنفيذه حتى بجبس وتقسيم جيد

[sara jsm]

اهم شي الستور ههههههه وين مكان فاضي حط ستور وخزاين ولويث :happy:
تدري بوعبدالله من اغبى الاشياء هي الصاله الدائرية وللاسف عندي منها في البيت وتوزيع الاثاث الله بالخير ..
حتى الستاير ماادري اشلون جايه .. افضل المستطيل ولا المربع عن الدوائر والانحناءات .. :/

[معماري قطري]

اهم شي الستور ههههههه وين مكان فاضي حط ستور وخزاين ولويث :happy:
تدري بوعبدالله من اغبى الاشياء هي الصاله الدائرية وللاسف عندي منها في البيت وتوزيع الاثاث الله بالخير ..
حتى الستاير ماادري اشلون جايه .. افضل المستطيل ولا المربع عن الدوائر والانحناءات .. :/

مساج الله بالخير

زين يا قنبلة الموسم ما نحتاج ستور صغير قريب لمكاين التنظيف والملاحف مرتبة والصابون والشامبو وأي مواد كيماوية وبباب وينقفل عن اليهال ويكون قريب للخدم بدال ما يسحبون المكنسة من تحت لفوق

الصالة الدائرية صج مزعجة فكرت في البداية في مجلس بيتي دائري 100% بعدين قلت المثمن أرتب وأسهل في البناء والجلسة ممكن اسويها دائرية

[معماري قطري]

هذا انحناء صالته بسيط وسهل في الستائر بس الصعوبة في عمل مقترح حلو للجلسة والتلفزيون

[معماري قطري]

هذي الغرفتين اللي في الطرف ويعتبرون في واجهة البيت رتبتهم بشكل شوي مختلف

https://i.imgur.com/Sqd5a6G.png

[معماري قطري]

الغرفة اليسرى ممكن نسوي ووك ان كلوزت صغيرة جنب الحمام .. نقسم الكبت قسمين

[معماري قطري]

هذا الدور الارضي مثل ما هو مصمم من الإستشاري

https://i.imgur.com/NvIfw86.png

عندنا بابين جنب بعض للخارج واحد صوب الدرج وواحد في المطبخ الداخلي اللي بيكون نظيف ولراعية البيت

مقترح التعديلات حاولت أخليه أبسط ما يمكن بس ضروري نفتح المطبخ جهة اليمين .. حتى الفرن حاطه الاستشاري جنب الدريشة وهذا غلط المفروض العكس المغسلة مكانه والمشكلة لو المالك ما غير في الواقع ومشى على التصميم بتكون وضع غير مناسب

[معماري قطري]

مقترحي لتعديل بسيط جداً هو عمل فتحة تطل على المطبخ ممكن لو حبينا نغلقها ببارتشن زجاج .. والباب الوحيد بيكون هو باب المطبخ مع الملحق وممكن نضبط مستوى الارضية بين الملحق والبيت بحيث تكون مستوى واحد ولو احتجنا نرفع شوي ارضية الملحق ويكون باب المطبخ الخارجي مقابل الباب هذا لسهولة الحركة ونسوي بعد واجهة زجاج تطل على المطبخ الخارجي .. إستوى عندنا مخزن تحت الدرج لمواد تنظيف الدور الأرضي ( لج يا سارة )

الباقي واضح

https://i.imgur.com/sFHG1oZ.png

[معماري قطري]

في مركز القوس اقترحت عمل نافورة تكون مبنية وبتبليط مال مسابح بتسوي جو وبتكون بؤرة توجه بصري من المدخل

الصالة اليمنى نازلة 15 سم ويا حبهم للعتبات المزعجة .. هذي حلها نعمل رامب بسيط بطول متر واحد حتى يكون عندنا سلوب مريح 15% ونخلي منطقة التلفزيون بدون رامب باوضحه في رسمة ثانية

[sara jsm]

ههههههههه كثر ماتسوي اماكن تخزين كثر مابتجمع كجره من هني وهناك ..
لما تصغر المكان ماراح يتكدس عندك شي ..

الا باسئلك شنهي الحكمة من وضع المغاسل عند الدريشة !؟
كل بيوت قطر هالشكل الا بيتي هههههههه بس ابي اعرف شالسبب وهل قراري صائب او خاطيء !؟ :strong

[سالم الزهران]

عجبني اقتراح النافورة

[معماري قطري]

شوية تركيز على الصالة وسالفة الرامب 1 متر يجي في منطقة غير مستفاد منها وبيكون يعطينا انتقال سلس من مستوى لمستوى .. قاعدة التلفزيون ممكن نعملها طابوق لو حبينا مثل ما هي موضحة تحدد المدخل والرامب وكذلك وسعت القوس حتى يكون شامل الواجة كلها بدون كتف

https://i.imgur.com/sBvQkUO.png

[معماري قطري]

ههههههههه كثر ماتسوي اماكن تخزين كثر مابتجمع كجره من هني وهناك ..
لما تصغر المكان ماراح يتكدس عندك شي ..

الا باسئلك شنهي الحكمة من وضع المغاسل عند الدريشة !؟
كل بيوت قطر هالشكل الا بيتي هههههههه بس ابي اعرف شالسبب وهل قراري صائب او خاطيء !؟ :strong

إنتي شعرفج .. لأن اللي يغسل يسرح ويفكر في مستقبله ويبي يشوف الفضاء جدامه .. اللي يطبخ غير خصوصاً كيما لحم مجهول المصدر .. بالنسبة للمخزن دور كامل ما فيه ولا مخزن صغير نستفيد من المكان وبالعكس أي شيء يتكدس داخل أحسن من ما نحصل له مكان بافاجئج بمخزن ثاني وانا قلبي من قلة المخازن يعاني

[معماري قطري]

عجبني اقتراح النافورة

علم سين جيم كله ما يعجبها شيء .. بديل لها طاولة وسطية دائرية عليها اصيصات صناعية أو نباتات ظل طبيعية وعليها إنارة مسلطة وممكن نضيف لها انارة مزاجية تحتها لو حبينا

تدري خاطري اسلم على ريلها واضغط على يده قوة فترة اواسيه

[معماري قطري]

هذا مقترح افضل لتعديل المطبخ إستوت عندنا إطلالة على الصالة وعلى الملحق وكذلك ترتبت أهم القطع وسطح عمل كافي ومثلث ثلاجات مغسلة فرن بدون عوائق

https://i.imgur.com/YSA8eEW.png

[معماري قطري]

المنطقة اليسرى كلش ما عجبتني فيها تكتل مغاسل غريب وبدون ترتيب باسوي لها مقترح .. وحمام المجلس كبير بزود وكله قطعتين

https://i.imgur.com/yiqITRB.png

[معماري قطري]

بعد التعديل واضافة مخزن صغير سميناه مخزن سين جيم للحاجات السوبر جميلة

https://i.imgur.com/4nlTrsb.png

تم فصل منطقة المجلس بباب ثاني يفصل دورة المياه العائلية عن مغاسل المجلس وتم تعديل المغاسل لأكثر واقعية بمقاس صحيح والإستشاري كان مصغرها حتى يكثرها ويرضي المالك ويخلص

[معماري قطري]

إكمالاً للتصميم هذا تصميم الحوش مقترح أكيد والخدمات ممكن تكون عائق ما ادري بها

https://i.imgur.com/KkmbMU9.png

الزراعة اللي بدون حدود بيكون لها حفرة دائرية بقطر 1 متر والمفروض بعمق جيد مناسب لا يقل عن 1.5 متر وبطابوق محيط وعوازل وتربة زراعية .. المنطقة العليا بتكون فيها في الوسط عشب وممكن مكان للالعاب أو لخيمة وقت الشتاء .. الممر بين الملحق والبيت يستحسن يكون له رامب بدال العتبات لسهولة توصيل الأغراض للمخزن

[سعود.]

الله يتمم لك ع خير يابو عبدالله
عسى ربي يوفقك في البنيان بدون وجع راس .

[sara jsm]

إنتي شعرفج .. لأن اللي يغسل يسرح ويفكر في مستقبله ويبي يشوف الفضاء جدامه .. اللي يطبخ غير خصوصاً كيما لحم مجهول المصدر .. بالنسبة للمخزن دور كامل ما فيه ولا مخزن صغير نستفيد من المكان وبالعكس أي شيء يتكدس داخل أحسن من ما نحصل له مكان بافاجئج بمخزن ثاني وانا قلبي من قلة المخازن يعاني

ههههههههه اللي يغسل يشوف طوفه المبنى جدامه لان اغلب البيوت الملاحق خلف المبنى الرئيسي ..
فيسرح فشنو لا زرع ولا حديقه :funny:..
اما انا فـ احط عند دريشه المطبخ ورد موسمي او نعناع مزروع في اصيص .. وافتح الدريشه مع هالمنظر واصوات الطيور .. :unsure:
:
الستور فعلا مهم لكن يكفي واحد بالارضي وواحد بالاول حق مستلزمات التنظيف ..
والبنتهاوس حق اللويث اللي يمكن تحتاجة في يوم :ok:

اما ذي مسوي هالكثر مغاسل عبالي حمام عمومي :funny:

[معماري قطري]

الله يتمم لك ع خير يابو عبدالله
عسى ربي يوفقك في البنيان بدون وجع راس .

آمين .. هذا بيت واحد ثاني قريب من بيت ولدي بس يختلف وايد

[معماري قطري]

ههههههههه اللي يغسل يشوف طوفه المبنى جدامه لان اغلب البيوت الملاحق خلف المبنى الرئيسي ..
فيسرح فشنو لا زرع ولا حديقه :funny:..
اما انا فـ احط عند دريشه المطبخ ورد موسمي او نعناع مزروع في اصيص .. وافتح الدريشه مع هالمنظر واصوات الطيور .. :unsure:
:
الستور فعلا مهم لكن يكفي واحد بالارضي وواحد بالاول حق مستلزمات التنظيف ..
والبنتهاوس حق اللويث اللي يمكن تحتاجة في يوم :ok:

اما ذي مسوي هالكثر مغاسل عبالي حمام عمومي :funny:

المغاسل تترتب إن شاء الله والمطبخ شوفي وين يطل عنده ارتداد 3 أمتار وفيه زراعة

https://i.imgur.com/kHIQLvV.png

[معماري قطري]

المخازن المشكلة ما فيه كلش زين حصلت كم مكان صغيرين .. عنده مخزن في الملحق أتوقع للحين ما وصلت له مركز على البيت أول

[معماري قطري]

سحبت الملحق وطابقته مع البيت وطلعت فيه شوية خربطة صلحتها وهي مزعجة صراحة ولا بيستفيد استفادة قوية من المساحة .. ما ابي ادخلكم فيها بس هذا النهائي

https://i.imgur.com/EzlBWJo.png

يسار في زاوية الملحق مع السور بيكون مكان الغاز مغطى ومحمي ومنه بايب بانحناءات بسيطة تحت البلاط يوصل لمنطقة الفرن يدخل فيه هوز الغاز .. وحطيت زراعة حق سارة ما تزعل

[معماري قطري]

عندنا إمتداد كورنيش سقف الملحق 60 سم يبقى متر و 40 بس نغطيها بسقف بولي كاربونيت مع ألمنيوم بسيط ما يكلف شيء ويكون عندنا حيز نظيف ما فيه غبار ومحمي

[معماري قطري]

الله يهدي الاستشاري شغال على النظام القديم الملحق مسويه 3.5 متر ما يدري ان زادوه ل 4.5 كان يقدر يرفع أرضيته وأرضية الليوان لحدود 45 سم نفس أرضية البيت .. 45 + 30 مستوى الحوش 0.75 متر بتكون طارت من 4.5 نقدر نسوي الإرتفاع صافي 3 بتبقى 0.75 جزء منها للسقف وجزء لسور السقف مال الملحق

[معماري قطري]

التصميم للحوش كامل شامل المداخل وتوزيع البيت الأرضي والملحق المجلس تفاصيله سهلة وموجودة بس غرفة السايق ما فيه لها تفصيل عندي .. سويت لها ليوان خاص داخلي وزراعة ومعاها تانكي الماي والمفروض يسوي له وصلة لتمديد الماي مع السور للتانكي فوق السطح

https://i.imgur.com/UkdupAi.png

التشجير قرب المدخل ممكن يكون النخيل الملكية وهي قليلة في قطر وتحتاج عناية خاصة وأظن تربة خاصة وسعفها كبار .. اللي ورا الواشنطونيا وهي أصغر وتستوي طويلة والباقي ممكن أي نوع شجر سدر أو قرط أو غيره

[معماري قطري]

ننتقل لآخر دور اللي هو البنتهاوس وهو مهم ومناسب كشقة متكاملة وكبيرة ما شاء الله بس بعد يحتاج ترتيب بسيط .. والمالك ما بناه ناوي يأجل وانا من رايي يبني مرة وحدة حتى لو فيها تأخير بيكون أفضل وأسهل وما هو شرط يشطبه تشطيب غالي

هذا مقترح الاستشاري

https://i.imgur.com/6FLO8Rg.png

[معماري قطري]

مقترحي تركز على تعديل مكان بعض الأبواب والحوائط كلها مكانها بس عمل بعض البارتشنات ممكن تكون جبسية أو خشبية وتوزيع القطع والأثاث توزيع يتناسب والحيز الموجود

https://i.imgur.com/o5mfOtM.png

الغرفتين متشابهات والطول غالب وإشتغلت على وحدة منهم بتفصيل أكثر والثانية نقدر نسويها مشابهة .. تم عمل كبت للتلفزيون بعرض 50 سم وممكن نسويه ب 40 أو حتى 30 لو نحب بس المساحة تكفي والخمسين القوسين حول التلفزيون الفاصلين لمنطقة مدخل الغرفة ومنطقة السرير يكونون عراض يعطون فخامة أكبر .. وممكن عملهم بالخشب أو الجبس أوبديل الخشب أو بديل الجبس أو ببلايوود رخيص ملبس بورسلان

https://i.imgur.com/SnjqjGz.png

الدريشة الوحيدة قسمتها لثنتين طوال بكامل الإرتفاع لأنهم يطلون على السطح وبيكونون مقابلين للأبواب

[sara jsm]

والله حلو لو مثل مافهمته هو مسوي بابين للسطح ..
واحد عالدرامات حق العمال والثاني من الصاله عالسطح ..
فممكن يسوي قعده عالسطح مستقبلا نفس اللي هابين فيها هالايام ..

[معماري قطري]

إتصال الغرفة مع غرفة مكياج .. حيز مناسب جداً ومع غرفة ملابس مغلقة ومع وجود كبت في كتف الباب مثل ما شفنا في الصورة المكبرة للغرفة يعطينا سهولة استخدام وخصوصية وتأمين على أغراضنا الثمينة والخاصة .. بعدين يجينا تكرمون الحمام ومساحته كبيرة سهل نرتبة بقطع اضافية ولا مثل اقتراح الاستشاري 3 قطع ضايعة في المساحة .. أشوف التكلفة ولا شيء لو سوينا التمديدات صح من البداية ونقدر نركب مغاسل عادية بدون كاونتر رخام بيطلعون وايد أرخص والمغاسل بعضها معلقة متوفرة حتى ب 150 ريال .. الشور كله تبليط والجكوزي ممكن نجهز مكانه وما نركبه الا وقت الحاجة

https://i.imgur.com/N0aYrim.png

كنت أتمنى لو يوجد قانون في رخص المباني يسمح بتجهيز مباني السقف بدون القطع يعني غرف وأبواب ونوافذ وتمديدات بس بدون توصيل فعلي الا وقت الحاجة ويكون كل شيء سهل وسريع وبدون وجع راس وممكن هالشيء يمشي أتوقع للرخصة حتى بيتي وبيت ولدي باطالب بعمل هالشيء لأننا ما نحتاج للبنتهاوس أول سنتين بعد سكننا لكن نحتاج تجهيزه يكون سهل

[معماري قطري]

والله حلو لو مثل مافهمته هو مسوي بابين للسطح ..
واحد عالدرامات حق العمال والثاني من الصاله عالسطح ..
فممكن يسوي قعده عالسطح مستقبلا نفس اللي هابين فيها هالايام ..

صح بعد شيصير لو نقل غرفة التانكي فوق وخلى الباب قزاز يفتح على حوش صغير جدام الغرفة مفتوح من فوق ممكن يفتك من الضجيج ويوصله نور من الباب .. وكذلك ممكن يسوي درج خدمة مثل اللي سويته حق بيتي كإضافة من الحوش للسقف مباشر بدون ما يدخل البيت ومحاط بالطابوق حتى ما يطل الراكب على بيوت الجيران

[معماري قطري]

إتصال الغرفة مع غرفة مكياج .. حيز مناسب جداً ومع غرفة ملابس مغلقة ومع وجود كبت في كتف الباب مثل ما شفنا في الصورة المكبرة للغرفة يعطينا سهولة استخدام وخصوصية وتأمين على أغراضنا الثمينة والخاصة .. بعدين يجينا تكرمون الحمام ومساحته كبيرة سهل نرتبة بقطع اضافية ولا مثل اقتراح الاستشاري 3 قطع ضايعة في المساحة .. أشوف التكلفة ولا شيء لو سوينا التمديدات صح من البداية ونقدر نركب مغاسل عادية بدون كاونتر رخام بيطلعون وايد أرخص والمغاسل بعضها معلقة متوفرة حتى ب 150 ريال .. الشور كله تبليط والجكوزي ممكن نجهز مكانه وما نركبه الا وقت الحاجة

https://i.imgur.com/N0aYrim.png

كنت أتمنى لو يوجد قانون في رخص المباني يسمح بتجهيز مباني السقف بدون القطع يعني غرف وأبواب ونوافذ وتمديدات بس بدون توصيل فعلي الا وقت الحاجة ويكون كل شيء سهل وسريع وبدون وجع راس وممكن هالشيء يمشي أتوقع للرخصة حتى بيتي وبيت ولدي باطالب بعمل هالشيء لأننا ما نحتاج للبنتهاوس أول سنتين بعد سكننا لكن نحتاج تجهيزه يكون سهل



البانتري بهالطريقة استوى موزع أفضل ولازم نحط مكان لثلاجة أو ثنتين لأن بيكون مثل مطبخ صغير لأحد الأبناء بكرة يكبر ويشغل هذا الدور هو وزوجته وعياله فترة معينة

[معماري قطري]

سارة ما نسيتج سويت ستور صغيرون والغرفة اليمين المفروض توزيعها مشابه للغرفة الثانية بس عندنا دورة المياه ممكن هذا التوزيع وغرفة الملابس توزيعها مقارب

https://i.imgur.com/SqnEzur.png

[معماري قطري]

فكرت في مكان لوحات الكهرباء DPs وشفت يكونون تقريباً فوق بعض يمكن أفضل مكان لهم الأرضي يكون ينعمل له تجويف في الحائط المقابل للمغاسل صوب المجلس والأول قرب مدخل غرفة الزاوية يسار والبنتهاوس بيكون قرب الباب اللي يطلع على غرفة التانكي ومنهم يطلع دي بي فرعي صوب المصعد

[sara jsm]

سارة ما نسيتج سويت ستور صغيرون والغرفة اليمين المفروض توزيعها مشابه للغرفة الثانية بس عندنا دورة المياه ممكن هذا التوزيع وغرفة الملابس توزيعها مقارب

https://i.imgur.com/SqnEzur.png



الحمدلله الحين ارتحت عبالي تغيرت وماتبي تسوي ستور هههههههه

[معماري قطري]

سويت الترتيب لغرفة التانكي مع 2 لسهولة غسيل أو استبدال الآخر وعندنا استوى ليوان خارجي ممكن نستغله بعد وممكن نسوي الدرج الحلزوني حتى بعد البناء ونسكر حوله حتى لا يكشف الجيران أو المفروض يسهلون رخصة هذي الإضافة وينفع في حالة طواريء أو حريق لا قدر الله

https://i.imgur.com/rxjcojZ.png

[معماري قطري]

الحمدلله الحين ارتحت عبالي تغيرت وماتبي تسوي ستور هههههههه


شفتي شلون تهمني راحتج .. في البيت الحين عدد 6 ستورات متنوعين بين كبير وصغير

[معماري قطري]

في بيتي عندي 5 في الدور الارضي مفرقين واحد في المجلس وواحد في البوابة وواحد في الملحق وواحد في موقف السيارات وواحد في البيت .. أم العيال متحلفة فيني وخايف منها .. زين وتحت في البيسمنت واحد رسمي ومكان مفتوح ينفع للتخزين .. نقدر نقول 2 .. في الأول 2 بس شحليلهم وفي البنتهاوس واحد ما غيره .. شكلي مسوي شوي صح بس 10 وجني عديت غلط

[sara jsm]

والله بيتك فله حق الخشيشه هههههههه ولا البوق مااظن فيه شي يسوى دام هالكثر ستورات :thumbup:
الا تعال … ليش الدرج الخارجي ممنوع ؟ انا اذكر بغيت اسويه وقالوا لي عقب اتمام البناء تقدرين ..
فكنسلت الموضوع كله وخليته يولي .. بس كفكرة ممتازة ومخرج للطواري بعد

[معماري قطري]

والله بيتك فله حق الخشيشه هههههههه ولا البوق مااظن فيه شي يسوى دام هالكثر ستورات :thumbup:
الا تعال … ليش الدرج الخارجي ممنوع ؟ انا اذكر بغيت اسويه وقالوا لي عقب اتمام البناء تقدرين ..
فكنسلت الموضوع كله وخليته يولي .. بس كفكرة ممتازة ومخرج للطواري بعد

انا استئذنت من اخوي وسويته بعدين كلفني حول 3000 ريال بس لو مسكر الجوانب بطابوق أو اسمنت بورد أحسن حاس بذنب كاشف البيت ولا ينفع وايد .. ممكن بعد يشتغلون علينا أي وقت إنه ممنوع لكن للبيت الجديد محافظ على ارتداد كبير وبيكون مسكر .. الإرتداد فوق سبعة متر ونص 7.8 تقريباً وبيكون له باب تحت وباب فوق ومحمي ومغطى من الجوانب كلها يبين مثل برج مربع وله سقف يحمي الدرج الحديدي من الرطوبة والتآكل ومن الحرارة وسويته شوي عريض

[معماري قطري]

بالنسبة للمخازن هي قناعة وإحتياج سويت اللي عند البوابة صغير لمواد العناية بالزراعة .. واللي في مظلة السيارات لبعض عدة السيارات واللي في البيت للحاجة لها .. واللي في المجلس الخارجي لمساند الجلسة الخارجية .. ناقص واحد صوب حوض الزراعة ما سويت

في الأدوار بعضها لمواد التنظيف والهوفر لسهولة سحبها في نفس الدور بدال المعاناة من دور لدور .. فيه مخزن تابع للمطبخ الداخلي وثاني للخارجي والمخزن اللي في البيسمنت ممكن يكون بدون تكييف لمواد البناء والكهرباء وأي شيء ما له حاجة ملحة وممكن أكيفه وأخلي مواد البناء تتخزن على الجوانب وفي اماكن مفتوحة

[معماري قطري]

دوم تفكيري في التصميم اللي جدامي يقودني لبدائل ومقترحات ثانية .. مثل ذي فكرة عمل حوض سباحة مع الحديقة وتوسيع الحديقة قليل

https://i.imgur.com/jaH2LnM.png

هنا ألاحظ إن الجلسة القريبة للحديقة معمول لها تجويف وبعدين الدريشة .. في الطبيعة اللي جالس في الغرفة يحس بأنه يطل من فتحة وتتجمع الأتربة هنا والحل لإخفاء الدكت النازلة من فوق سهل وفيه عدة حلول أحدها عمل الحائط هذا دبل متلاصق والدكت مدمجة فيه

[معماري قطري]

معليش طلعت الكتابة مقلوبة بسبب عكس الحوض .. هذا توضيح للي أقصده بخصوص الفتحة اللي بعد الدريشة والداعوس الضيق .. وشكلي عرفت المعماري اللي سوى هالطريقة كان مسويها لإخوي الله يغفر له ونصحته بخصوصها وما انتبه بناها وبعدين طلب تعديل ودفع زيادة .. وهي متكررة مرتين في هذا البيت


https://i.imgur.com/xTLQngN.png

[معماري قطري]

وضحت الدكت ونبغيها أي جهة مب مشكلة والدريشة ممكن تكون كبيرة كبرتها 1.4 متر وممكن تكون بباب فل هايت يطلع الشخص مباشرة لحوض السباحة وحوض السباحة منطقته من طرف الطبيلة بعد تكون محاطة بسياج أحسن عن دخول الأطفال والغرب أو سياج بعازل للرؤية لو نبغي خصوصية .. في كل حالة زين نسوي دريشة الغرفة بهذي الطريقة حتى للحديقة والحوض نقدر نسويه وقت ثاني بس نحاول ناخذ رخصته

[معماري قطري]

عتبات البيت رقمتهم 1 و 2 و 3 للمدخل يعني بارتفاع كل وحدة 15 سم .. كذلك نقدر نسوي عتبات شرفية بعرض 40 سم ونسوي 4 بدال 3 يصير الإرتفاع لكل عتبة 11.25 سم سوبر مريح

https://i.imgur.com/GhvtG8L.png

هشكل قصدي بتغيير العتبات لأربع وزيادة عرضهم ل 40 سم .. مع ملاحظة عرضهم الحالي كافي 33 سم بس الأربعين شوي أحلى وأحلى الارتفاع بيكون 11.25 سم

https://i.imgur.com/EdHns6R.png

[معماري قطري]

يبقى يمين ويسار العتبات نقدر نسوي اصيصات زراعية ثابتة أو متحركة لبعض الاشجار المزهرة او الورود

[معماري قطري]

الغرفة الثانية اللي سوى فيها حركة الدريشة الفعلية والداعوس والفتحة وراء الدريشة هي الدايننغ

https://i.imgur.com/YZRmNTB.png

وبما إن الدريشة مطلة على زراعة ومدخل البيت ولا فيه اثاث يعيق ليش ما نسويها للأرض أو قريبة مثلاً بارتفاع 20 سم

ونكبر الفتحة أكثر مثل هذي

https://i.imgur.com/s9UgtJI.png

[معماري قطري]

الدريشة عرضها مترين والفتحة 4 متر والدكت مخفية في طرف الفتحة وتقريباً لا تلاحظ وهذا حل يختلف عن الحل الثاني اللي استعرضته سابقاً وممكن لو حبينا نطبقه هناك مع شوية عتبات لفرق المنسوب بين ارضية الدريشة + 0.45 متر والحوش 0.00 متر نحتاج ثلاث عتبات للحصول على 15 سم لكل عتبة وهذا ليس مدخل ممكن نسويها 15 أو ندلع أنفسنا باربع عتبات وارتفاع 11.25 سم

[معماري قطري]

موقع الدرج الحلزوني لو فيه رغبة لتركيبه

https://i.imgur.com/TWG8Ttd.png

[سالم الزهران]

مساء الخير ابو عبدالله، قواك الله، المغسلة الداخلية اللي في التواليت ما اظن لها داعي اذا العرض متر وسبعين.

[معماري قطري]

مساء الخير ابو عبدالله، قواك الله، المغسلة الداخلية اللي في التواليت ما اظن لها داعي اذا العرض متر وسبعين.

مساء النور والسرور إخوي بو زيد .. بالعكس إخوي ضرورية مب حلوة الواحد يده مبتلة يمسك مقبض الباب وحلو ياخذ راحته ويغسل وتبقى بعد مغسلة اضافية والعرض يسمح .. حتى لو خذت مغسلة عريضة 70 سم مثلاً مع إن الغالبية بحدود 50 و 45 وتحصل أصغر بعد .. هذي على مقياس الرسم ذيه من فوق لين تحت 45 والعرض 65 وتبعد عن الحايط 12 سم وعن الكرسي 22 سم .. حتى ممكن لو تحب تسوي كاونتر مغسلة متواصل وجاي وراء الكرسي والكرسي معلق فيه مثل هذا الشكل لو حاب


https://i.imgur.com/RBozeR5.png

[معماري قطري]

طبعاً المغسلة تختلف بتكون متوسطة شوي مبتعدة عن الحائط سواء اللي فوق الكاونتر مرتكزة والكاونتر نازل أو في وسط الكاونتر والكاونتر مرتفع بحدود 85 سم أو 80 أو 82 بهالحدود .. حامل الكرسي ممكن يكون نفس الإرتفاع حتى لو بنركب اللي بدون تانكي كديكور بس الحامل اللي وراه وممكن نقلل عرضه لو حبينا لحدود حتى 10 سم هو الحين أكثر شوي من 20 ممكن 22 أو 25

[معماري قطري]

بالنسبة لدورات المياه والمطابخ دوم القطع المقترحة وفي الرسم تكون غير شوي عن الفعلية والتفصيل في يد أما مهندس التصميم الداخلي أو المالك اللي بيشتري القطع وبينفذ .. لكن على العموم القطع هذي مقاساتها ما تتغير كثير .. نحصل كرسي ضيق شوي أو عريض شوي لكن مهما ضاق ما يوصل لعشرين سم ومهما عرض ما يوصل لمتر مثلاً .. الجكوزيات فيه لأربع أشخاص ولثمان وممكن لأكثر بس إذا بنتكلم عن حمام في البيت بيستخدمه شخص حرام نركب أحجام كبيرة 1.8 كطول هذا يعتبر كبير و 1.6 يعتبر وسط وفيه حتى أصغر ناخذ 1.7 وحولها زين وحسب رغبتنا غالب حماماتنا عرضها 2 متر .. ونقيس على ذلك كل قطعة

من التدليع نسوي مغسلتين للحمامات الواسعة واللي ممكن تكون لاستخدام شخصين .. ونركب جكوزي وشاور وستيم لو ممكن في نفس الحيز .. فيه ناس تسوي طريقة لشور خارجي مع تغطية مناسبة وزراعة حول المكان وهذا يعتبر تغيير للي حاب الشمس والطبيعة

[معماري قطري]

موقع الدرج الحلزوني لو فيه رغبة لتركيبه

https://i.imgur.com/TWG8Ttd.png




الدرج الحلزوني ممكن يتوافق عليه وممكن لا بس بيكون فايدته كبيرة انا حصلت له مكان زين وهذا مقتبس من تصميم بيتي 1.9 متر من الخارج و 2 متر من الجهة الثانية بروزه عن البيت 1.9 .. لو بعد سويناه قريب دكت وبايبات يغني عن تسكيرها وممكن تترك مفتوحة داخل الدرج

سويت فيديو عن الدور الأرضي وتوزيع الحوش مدته 10 دقايق كجزء أول والجزء الثاني للدور الأول وممكن للبنتهاوس للي يحب يتابع


https://www.youtube.com/watch?v=umANfbURcSc

[معماري قطري]

تكلمت عن دفان الحوش ورفع المستوى شوي عن التصميم بحدود 20 سم .. لازم نراعي إن الأحواض الزراعية خصوصاً مكان الأشجار الكبيرة تحتاج حفر لعمق من متر ونص لحدود مترين مع عمل جدار طابوق تحت في الحفرة لحماية بقية الأرض من المياه ومن الجذور .. هذي مهمة حتى لحصر مياه المطر وما نحتاج لمنهول تصريف بيكون التصريف على الزراعة وسطحي

نقدر نخلي عمق مستوى التربة الزراعية نازل 20 سم عن مستوى أرضية الحوش والتصريف على هذي المناطق وكذلك لتحويل مناطق الزراعة لعنصر جمالي دائم نهتم بالإضاءة لليل خافتة ومخفية في النزول العشرين سم أو شبه مخفية مع بعض الكشافات المسلطة من تحت لفوق لبعض الأشجار الكبيرة

وتعقيب على حوض السباحة بيكون 60 سم فوق الارض وممكن أي عمق نحبه تحت الأرض وناتج الدفان عندنا بيكون مناسب لرفع مستوى الأرض لبقية الحوش .. الحوض نسيت أذكر ممكن نسوي الأوفر فلو جانبي بعد لو حبينا ونسكر منطقته من طرف السيارات بشبك زراعة عن اليهال

[معماري قطري]

إكمال شرح بيت الزاوية مع الدور الأول والبنتهاوس


https://www.youtube.com/watch?v=d1_NrkTz82g

[معماري قطري]

وهذا شرح للسور الخارجي وبعض مشاكل تصميمه


https://www.youtube.com/watch?v=Z9he_mAB-TQ

[معماري قطري]

بالنسبة لتصميم تكييف بيتي شكلي لازم أغير الخطة شوي للخطة ( ب ) ما فيه مكيفات وحداتها الداخلية تتثبت على الأرض كلها معلقة في السقف .. الخطة بتكون بفراغ في بعض الغرف أو غرفة مفصولة للمكيف لسهولة الصيانة والتنظيف ولو سرب ماي واخترب السقف يكون بعيد عن الرؤية وباقي التوزيع مثل ما هو مثل الوحدات الخارجية في البيسمنت الخدمي ما عدا البنتهاوس التكييف له بيكون فوقه ودكت سبلت عادي بدون سوالف في ار في وتعقيدات

[معماري قطري]

التهوئة والتكييف وسحب الرطوبة وتنقية الهواء هذي كلها مصطلحات تصب في جودة البيئة الداخلية للمنزل وللمبنى ككل

عجبتني فكرة بسيطة هي اخراج الهواء المسحوب من دورات المياه عبر بايبات تمتد للسقف .. تمتد للسقف ليش؟

حتى تكون بعيدة عن نقطة السحب ويكون الصوت معدوم ( صوت المروحة ) وحتى تكون مبني لها صندوق مدمج في سور السقف ينفتح للصيانة والتنظيف أو الإستبدال .. العملية سهلة وبسيطة شفتها في فيديو وحبيتها .. طبعاً يتبعها التشغيل الاوتوماتيكي بسنسر لحظة دخول دورة المياه وتركها تشتغل لفترة معينة تضبط حسب الرغبة هذا بيضمن لنا تجديد الهواء .. مع مثل ما ذكرت لكل غرفة وصالة بيكون فيه بايب امداد بالهواء من الحديقة الداخلية اللي بيكون هواها ملطف ومبرد تبريد بسيط فلا تصير كتمة والمراوح ما تسحب عدل والأبواب تكون غير منفذة للهواء الهواء يدخل عبر دكتات وبمقدار يضمن تجديد الهواء

شيء أخير أفكر فيه هو سحب الرطوبة من الحديقة الداخلية عبر جهاز خاص مثل اللي في المسابح الداخلية وفلترة الهواء وهذا ممكن يحتاج وحدة خاصة معلقة في سقف امتداد الدور الأول ومنها تطلع بايبات امداد الهواء المفلتر الملطف النقي لجميع غرف البيت

مبدئياً هذا الشكل بيكون ويحتاج توضيح أكثر

https://i.imgur.com/ausrcGm.png

[معماري قطري]

المساحات اللي ما فيها تكييف بتكون كثيرة مثل بيتي الحالي طبيعي توجد مساحات يوصلها التكييف من مكان قريب بس تكون مهواة مثل غرف الملابس والمخازن وبعض الممرات .. خطة التهوئة شرحتها وضفت بعض خطوطها مع التكييف والباقي باضيفه .. هنا بعد عدم الحصول على الوحدات الداخلية الواقفة ولازم معلقة في السقف إخترت أماكن مقترحة أولية للوحدات بحيث ما تكون في فراغ الغرف وتزعج بالصوت وبنفس الوقت لو سرب المكيف يكون جزء السقف بعيد عن الرؤية قدر الإمكان .. بنفس الوقت سويت باب فاصل عن غرف الملابس ومكان التكييف

الدكتات بلون رمادي فاتح للهواء الراجع وموضحة هنا كأقصى عرض 1 متر وأكيد بتكون أقل والدكتات بلون أزرق للهواء البارد

https://i.imgur.com/Gr6phOZ.png

[معماري قطري]

صورة مكبرة لمنطقة المطبخ وهي تختلف في مبدأ التكييف بيكون المعلق يدفع في اربع جهات وحتى الجبس بيكون سيدة ما فيه انارة مخفية سبوتات وداون لايتس مسلطة على مناطق العمل وانارة عامة ممكن بانل لايت .. نلاحظ يمين أسفل الصورة الخط المتقطع الأصفر هذا بيكون خط دكت الهواء الداخل من الحديقة الوسطية وبيكون البايب تحت سقف أو أرضية البلكونة في الدور الأول و الموضحة بالخطوط المتقطعة يمين .. يعني بيكون عندنا إمداد هواء للمطبخ بدل الهواء المسحوب من الشفاط اللي بيكون فوق الفرن

https://i.imgur.com/BsOmfOe.png

[معماري قطري]

أرضية بلكونة الدور الأول بتكون مرتفعة حول 4.5 متر تحت أسفل البسطة وهذي ممكن يكون معلق فيها بوكس جهاز سحب الرطوبة ومنه يطلع الهواء للغرف .. شوي بتكون شبكة معقدة بس بتحل مشكلة جودة الهواء لا رطوبة ولا غبار ونقي وفيه اوكسجين من الحديقة الداخلية .. يعني لا جهاز الرطوبة ولا البايبات بتعيق الحركة فوق ممكن تكون ظاهره قليل جهة الحديقة .. مفكر بعد في الرذاذ لو أحصله لرش وغسيل الأشجار وتلطيف الجو داخل

[معماري قطري]

رسم مبسط لقطاع في الجدران يبين السقف الجبسي والبايب اللي يدخل هواء من الحديقة ودكتات التكييف اللي بتنفتح جهة القوس في الطرف وتنزل جهة الجدار بطريقة غير مباشرة ومزعجة للي في البيت

https://i.imgur.com/XXATsuZ.png

[معماري قطري]

يمكن بعد لو تخليت عن تجميع البايبات المدخلة للهواء النقي من الحديقة وخليتها مفرقة تحت بسطة البلكونة تكون أسهل وأقصر وازالة الرطوبة تكون على المستوى السفلي بسبب ثقل الرطوبة ونزولها تحت ومستوى 4.8 بيكون فيه رطوبة وايد أقل والتكييف بيتكفل بإزالة الباقي .. وبالنسبة للدور الأول تهوئته بتكون على مستوى 9 متر وشوي بعد وايد أقل رطوبة ودور البنتهاوس شوي أعلى

يعني التهوئة والتكييف بيكونون مخفيين ولا يبينون في واجهة البيت حتى فتحات خروج الهواء بتكون فوق السطح .. في جدران الحديقة أكيد بيبينون بشكل بسيط

[SouthK]

وهذا شرح للسور الخارجي وبعض مشاكل تصميمه


https://www.youtube.com/watch?v=Z9he_mAB-TQ

شرح وافي .. بارك الله فيك.

عندي ملاحظة بخصوص الستريبلايت .. بالنظر للغرض سواء ديكور أو اضاءة يفضل تعديل اتجاه الستريبلايت اما يواجه فتحة اليو تشانل أو يكون افقي!

[معماري قطري]

شرح وافي .. بارك الله فيك.

عندي ملاحظة بخصوص الستريبلايت .. بالنظر للغرض سواء ديكور أو اضاءة يفضل تعديل اتجاه الستريبلايت اما يواجه فتحة اليو تشانل أو يكون افقي!

جزاك الله خير وهو بيكون مثل ما قلت طبعاً موجه على الزراعة ولازم العشب يكون قصير أو ننزل مستوى الزراعة شوي .. المقصود ندمج نقطة صرف مياه المطر المطلوبة من قبل البلدية مع الحوض الزراعي ونحصرها في تربة زراعية ومزروعة ونبعدها عن أساسات البيت قدر المستطاع .. الزراعة الثانية القريبة من البيت هذي تسقى بقدر بسيط والزراعة تنشف الماي وما نوجه ماي المطر عليها .. ومسويها عندي في البيت والحمد لله ناجحة بس نظام بيتي الحالي قبل طلبات البلدية التعجيزية محول كل مياه المطر لخارج البيت من الباب الرئيسي

[معماري قطري]

طبعاً موضوع السور وبدائله كثيره والتصميم ككل فيه خيارات لا تنتهي مشكلتنا في وزن هذي الخيارات ودوم الأفضل لنا تركها لمكتب هندسي جيد والمتابعة قليل في بعض الخيارات ودوم التركيز على التبسيط وعدم المبالغة .. أوقات كثيرة المبالغة في التجميل نتيجتها قبيحة والبساطة نتيجتها جمال هاديء ووقور وبسعر معقول وهو الأهم للكل أتوقع

[معماري قطري]

سويت يوتيوب من جزئين لشرح تصميم بيتي وباسوي بعد للواجهات والسكشن بعدين

هذا أول جزء وقطاعتني الحفيدة وانا اسجل لذلك قسمت التسجيل لجزئين


https://youtu.be/Dv6NX_9LdjE

[معماري قطري]

سويت يوتيوب من جزئين لشرح تصميم بيتي وباسوي بعد للواجهات والسكشن بعدين

هذا أول جزء وقطاعتني الحفيدة وانا اسجل لذلك قسمت التسجيل لجزئين


https://youtu.be/Dv6NX_9LdjE

[معماري قطري]

وهذا الجزء الثاني وأرجو من الجميع ذكر الله والدعاء لكل التصاميم المعروضة وأصحابها لأن نبهني واحد ورفض عرض تصميمه لهذا السبب


https://youtu.be/tptWYQuDJGA

[sara jsm]

نذكر الله على شنو ؟ ليكون تصميم البيت الابيض وانا ماادري :nop:
انا باذكر الله على اللي عنده بارض يسمع تصميم بو 46 دقيقه بدون مايصير فيه شي escape

[معماري قطري]

نذكر الله على شنو ؟ ليكون تصميم البيت الابيض وانا ماادري :nop:
انا باذكر الله على اللي عنده بارض يسمع تصميم بو 46 دقيقه بدون مايصير فيه شي escape

صدقيني مختصر 46 دقيقة فيه أشياء وايد يبي لها توضيح .. إنتي مشاكسة وذكر الله واجب والتذكير به بعد مهم وواجب

التصميم ما يعجبج قولي شالغلط فيه حتى نتناقش بدال ما تقصفيني ليلة العيد .. وينك يا نفسي عزيزة تفزع لي ويا سالم الزهران ويا ولد العرب ويا توشيبا

[sara jsm]

لين سلمتني عيديتي تالي راح اتناقش معاك ونتبادل وجهات النظر :tooth: وقتي ثمين وبفلوس escape
وعساك من عواده ان شاءالله ..

[معماري قطري]

لين سلمتني عيديتي تالي راح اتناقش معاك ونتبادل وجهات النظر :tooth: وقتي ثمين وبفلوس escape
وعساك من عواده ان شاءالله ..

خلص العيد خلاص .. بس بدال العيدية كوبون سندويشات كيما لمدة ساعتين تبدأ من أول سندويش في مطعم الزرقاء فرع الخور عاد لازم تاكلين هناك وتاكلين لين تخلص الساعتين بعدها خلاص

[معماري قطري]

تصميم صغير لبيت مساحة أرضه صغيرة 10 في 33 متر والبيت يطلع بحدود 10 في 20 .. لكن عندنا لازم شوية ارتدادات بيناسب حق ارض بحدود 13 في 33 وممكن شوي زود 34 أو حولها .. نقلته صورة على الاوتوكاد وحطيت له تفاصيل في يوتيوبيات البناء

https://i.imgur.com/WnaLtGz.jpg

وممكن أعدل عليه بس ما قدرت أحوله لبي دي اف وأعدل فيه عليه حماية لازم أنسخ التفاصيل وبتكون شغلة شوي

[معماري قطري]

عدد عتبات الدرج 22 عتبة تكفي لإرتفاع ما يزيد على 3 متر وأشوفه لبيت اقتصادي مثل هذا مناسب .. ممكن نزيدها شوي ونسويها اريح ونركب مصعد في وسط الدرج دائري بانوراما

توزيع الأثاث في هذا المخطط يعطينا فكرة عن المقاسات السابقة

https://i.imgur.com/aNK3kVB.png

[معماري قطري]

على السريع بالنسبة لنا نقدر نسوي تعديلات إضافية مثل بيزيد عندنا عرض البيت بحدود 3 متر بيكون ممكن نسوي موقفين للسيارات خارجيين قرب المدخل والحيز اللي داخله السيارة نحوله لمجلس صغير ونفصل بباب ثاني منطقة البيت عن المجلس والمكتب

عجبتني فكرة الغرف تحت اللي بممر مغلق بباب ويستوي هدوء داخلها .. طبعاً بتزعل سارة ما فيه ولا مخزن

[معماري قطري]

هذا الفيديو اللي يوضح التصميم بشكل كامل


https://www.youtube.com/watch?v=VF5pJuPK4jc&t=615s

[sara jsm]

على السريع بالنسبة لنا نقدر نسوي تعديلات إضافية مثل بيزيد عندنا عرض البيت بحدود 3 متر بيكون ممكن نسوي موقفين للسيارات خارجيين قرب المدخل والحيز اللي داخله السيارة نحوله لمجلس صغير ونفصل بباب ثاني منطقة البيت عن المجلس والمكتب

عجبتني فكرة الغرف تحت اللي بممر مغلق بباب ويستوي هدوء داخلها .. طبعاً بتزعل سارة ما فيه ولا مخزن

لا عادي .. المجلس نحوله لستور حق الكجره واللويث لانه الاهم في تصميماتك :funny:

[معماري قطري]

لا عادي .. المجلس نحوله لستور حق الكجره واللويث لانه الاهم في تصميماتك :funny:

إنتي بينج وبين المخازن عداوة .. هي عملية تنظيمية ولازم في أي تصميم جديد نحطها في الإعتبار .. عندي ألحين قليل صراحة ما حسبت حسابها .. أحد الإخوان إضطر يبني فوق ملحق بيته للتخزين وهو من هواة جمع السيارات اضطر يخليهم برا مغطيين بطرابيل ولو قدر يوفر كل هذا في بيته أكيد بيكون افضل

مساحات التخزين ونوعيات التخزين تتواكب مع ديناميكية المعيشة وتغير ونمو الأسرة وبالعكس ترتيبها ضروري من صغيرة لمتوسطة لكبيرة

زرت بيت صديق لي مقاول مسوي بيسمنت تحت المجلس يقول اكتشفت اني حفرت زيادة قمت سويت البيسمنت دورين دور تحت بدون نوافذ كلش خلاه للتخزين ونزلته بدرج حلزوني تبليط صعب شوي وضيق دخلت معاه الا بارد وكله مبلط وفيه ارفف عليها شغلات كهربية وايرات وسويجات وليتات وكلها تابعة حق شغله

في بيتي الجديد ذكرت قبل بس 10 مخازن أو مناطق تخزينية .. رقم 1 مع البوابة 2 في 2 لمواد الزراعة والعناية بها .. رقم 2 بمساحة 4.27 متر والأول بمساحة 4 متر والثاني خاص بتخزين عدة المجلس وخصوصاً فرش الجلسة الخارجية وجنب غرفة تحضير الشاي والقهوة .. رقم 3 حيز مفتوح بدون سقف لوحدات التكييف بجوانب طابوق وهذا فيه فراغ زائد لتخزين أي شيء ثاني بمساحة 8 متر مربع .. رقم 4 بمساحة 30.5 متر مربع هذا تحت في البيسمنت مغلق بباب ولحفظ عدة البنيان والصيانة .. رقم 5 تخزين مفتوح في البيسمنت الخدمي بمساحة معقولة حول 100 متر مربع لأي شيء ما له حاجة حالية مثل الخيام حاجتها وقت الشتاء .. رقم 6 ستور تابع للمطبخ الداخلي بحدود 12 متر مربع وهذا في مدخله بيكون فيه جزء خاص للتكييف وفيه كبت لتخزين مواد التنظيف الخاصة بالدور الأرضي .. ورقم 7 ستور ثاني بنفس طريقة اللي في الدور الارضي مقدمته مدخل بباب حول 2 في 3 أو شوي اقل للتكييف في السقف معاه كبت حق معدات التنظيف من هوفر ومكانس ومعقمات وغيرها .. بعدين مساحة مفصولة ستور بمساحة 8 متر مربع لتخزين المفارش والشنط وغيرها من احتياجات البيت .. رقم 8 بمساحة 7.3 متر مربع هذا كاتب عليه منظفات بس بيكون للتكييف في السقف في حيز مغلق + تخزين تحت لأي شيء بس في الجهة الثانية .. رقم 9 في البنتهاوس بنفس طريقة رقم 6 و 7 .. رقم 10 بمساحة 15.7 متر مربع هذا تابع للمطبخ الخارجي .. نسيت آخر شيء رقم 11 اللي هو في مظلة السيارات بمقاس 14.5 متر مربع وخاص بعدة السيارات وتنظيفها

لو تحسبين المساحات التخزينية ذي .. تطلع حول 220 متر مربع من مساحة بنيان قريبة من 1600 متر مربع تشطيبها عادي بسقف وارضيات عادية الا مكان تغطية التكييف جبس بفتحة صيانة .. ارضية سيراميك بعضها عليها سجاد بسيط أو بدال السيراميك باعتمد السكريد الناعم وممكن الايبوكسي .. يعني تشطيب درجة ثالثة ما يوصل شيء يسوى ويوفر علي كثير وبنفس الوقت يوفر مناطق اخفاء وحفظ للكركبة والأغراض الغير محتاج لها

بنفس الوقت عندي اللي هي غرف الملابس المغلقة .. أكبرها 21.6 متر مربع تعادل غرفة 4 في 5 وزود شوي هذي تحت ولكل غرفة من ال 8 غرف في البيت وحدة وبمساحة إجمالية لهذي الغرف بعد تصل لحدود 200 متر مربع وكلها بتشطيب حاسب حسابه وقواطع خشبية بسيطة بدون ابواب بعد بتكون تشطيب درجة ثانية ومهواة بدون تكييف خاص نفس الحالية في بيتي ومرتاح منها لأن العزل الحراري يوفر بيئة مناسبة لكل البيت .. هذي 400 متر وزود ضاعت كمساحات تشطيب أقل ولا تحتاج تكلفة عالية ومساعدة وداعمة للمعيشة .. الباقي 1200 متر مربع هي المساحة المرئية والرئيسية للمعيشة واللي تحتاج شغل فعلي وتكييف وتشطيب راقي بدرجة معقولة

شكلج محترة ما تعرفين وين تحطين اغراضج .. وانا بعيد بيتي كان باساعدج بس ما اتحمل مسؤولية فقدان الذهب والأشياء الثمينة

[معماري قطري]

مشكلتي أبدأ تصميم وأمل بسرعة ولا اواصل إشتغلت على الصغير السابق ووقفت .. رجعت أشتغل على تفاصيل صغيرة لبيتي وبالأخص للمجلس الخارجي .. محتاج تحريك الدرايش الطويلة جهة الزوايا للجدار المثمن حتى تكون عندي مسافات متجانسة وبينها مكان لرواشن طولية .. الرواشن تعطي روح للمكان وعنصر زينة محترم وسهل ورخيص وكل العالم يسوونها لحد يحسبها تراثية .. ممكن نستخدمها مع التصاميم الحديثة

انا كنت متردد بخصوص التكييف الدكت سبلت أو المركزي أو العادي السبلت الارضي يكون وراء الكراسي بس يوم غيرت المنور للتشكيلة الهرمية وبثمان أضلاع بحيث يكون متناسب مع شكل المجلس وأقل ارتفاع للحصول على الموافقات شفت إن أفضل اتجه للمركزي والمكينة فوق غرفة الطعام والدكتات بتكون داخلة من فوق والفتحات جانبية ومخفية تنزل على الجدران .. مع إرتفاع داخلي يقارب ال 5 متر صافي بيكون انتشار التكييف زين وسمعت إن فيه نظام سحب الرطوبة وما تتأثر الفتحات بالرطوبة وكان هذا اللي مخوفني لأن المجالس وايد الباب ينفتح والمكيف شغال والرطوبة ما تعوق تدخل من الخارج .. بعد الدكت سبلت ممكن مع الفكرتين وبتتم مراجعتهم على خير

https://i.imgur.com/ELIx1NG.png

هذا سكتش للنظر من اعلى للجدران وطريقتها مع الفتحات .. يمين الباب للمدخل وكل ضلع فيه دريشتين وروشنة بهالشكل تقريباً .. النص دائرة فوق للدرايش ممكن أسويها بلون موحد يعكس انارة مختلفة تمتزج مع العادية لباقي الدريشة وبتكون الدرايش شفافة وبدون ستاير لأنها ضيقة واطلالتها على جزء حديقة في البيت وبعضها جهة الخارج .. جهة حديقة البيت معاها حوض سباحة وفيه شترات خارجية ممكن تغلق للخصوصية يعني الدرايش بتكون منورة من فوق ومن تحت لإرتفاع معين مغلقة من جهة حديقة البيت لو فيه حد في الحديقة أو حوض السباحة

[معماري قطري]

بالنسبة للتلفزيون أما اخليه متنقل ممكن ينشال وقت المناسبات والاجتماعات الكبيرة أو ينحط وقت الجلسات البسيطة .. الحل الثاني بيكون على الضلع بين البابين هذا وراه مخزن والدرايش اللي فيه مزيفة وبيكون فكرة حلوة لكسر التناظر بس مشكلته بيكون البعد عنه من المشاهد 9 متر وشوي أقل حسب مكان جلوسه

[معماري قطري]

بهذي الطريقة بيكون بشكل تقريبي وأكيد يحتاج تفصيل أكثر

https://i.imgur.com/tghs8Iw.png

بالنسبة لبعد التلفزيون المساحة تكفي حق تلفزيون كبير أو شاشة بروجكتر وتقريب الكراسي سهل بعد للي يحبون يتابعون تفاصيل المباريات والا ايمان بنورة وهي تقول نشرة الأخبار

[معماري قطري]

المسافة من زوايا المثمن للدائرة المحددة لموقع الكراسي بتكون 72.4 سم بالضبط تكفي لإصيص زراعة كبير لنباتات الظل .. واقل مسافة بين الحائط والدائرة بتكون 32.6 سم هنا كنت مقرر يكون فيها جهاز التكييف الثابت على الارض اللي يكون بارتفاع حول 60 سم بيكون شبه مخفي خلف الكراسي وبعد فكرته حلوة وصيانته سهلة ومضمون ما بيسرب على الجبس

وضحت اوبشن المكيفات الارضية هنا .. ممكن كذلك عمل تشكيل خشبي يكون مستمر مع الروشنة حولها .. هي مكان الإكس وتطورت وايد فيه هادية كثير ما تحسون بوجودها بس بتأثر لازم نرفع مستوى الروشنة وأفضل تكون مرفوعة لحدود حتى متر الدريشة نازلة لعشرين سم من الارضية المنحنية وراء الكراسي والارضية هذي تكون مرتفعة 10 سم

https://i.imgur.com/n9PAAdp.png

[معماري قطري]

الصورة العامة للمجلس واضفت حمام صغير لحوشه لخدمة المجلس الصغير بدال الدخول لداخل المجلس الكبير

خذت جزء من الجلسة المفتوحة وما أحس له تأثير وهذي الجلسة كذلك ممكن أسقفها لو احتجت وأخليها صالة رياضية وممكن أكتفي بأجهزة بسيطة حول الحوض

https://i.imgur.com/WGtiMQq.png

مساحة دورة المياه المضافة 1.6 في 1.6 داخلية صافية .. أصغر مساحة أصممها لدورة مياه والباب 80 سم

https://i.imgur.com/N95KcTO.png

أدق القياس بالملمتر حتى أي نفاصيل نقدر نسويها في الرسم بدقة عالية وادخال الأرقام سهل

[معماري قطري]

هذا بيكون التقسيم المعتمد لكل الجدران اللي فيها نوافذ

(https://imgur.com/dpXRtiw)

وبيكون التوزيع المعتمد للمكان اللي فيه تكييف لأن التكييف بيكون بإذن الله اللي مثبت على الأرض خلف الكراسي 4 مكيفات ونفتك من مشاكل الدكتات والصيانة والرطوبة مثل ما ذكرت وممكن أخفيها بصندوق خشبي بفتحات من فوق للهواء

هذا مقاسه 24 في 110 سم مبالغ شوي في المقاس وهو المفروض أصغر اعتقد عرضه 15 وطوله 90 هذا موضح مكان الإكس

[img]https://i.imgur.com/vWxNLGw.png

[معماري قطري]

80 سم فتحة الروشنة الطويلة بيكون عرضها 80 وارتفاعها قريب ال 4 متر مع الدرايش بس ارتفاع قاعدتها بيكون فوق المكيف بشوي أما الدرايش إرتفاع قاعدتها 20 سم فوق العتبة اللي وراء الكراسي اللي بيكون ارتفاعها 10 سم

[معماري قطري]

مهندسة سارة .. شرايج أفكر اسوي مخزن اضافي في حديقة حوض السباحة جنب دورة المياه اللي أضفتها حق الطاولات والكراسي لتهريهم الشمس

[معماري قطري]

هذا بيكون التقسيم المعتمد لكل الجدران اللي فيها نوافذ

(https://imgur.com/dpXRtiw)

وبيكون التوزيع المعتمد للمكان اللي فيه تكييف لأن التكييف بيكون بإذن الله اللي مثبت على الأرض خلف الكراسي 4 مكيفات ونفتك من مشاكل الدكتات والصيانة والرطوبة مثل ما ذكرت وممكن أخفيها بصندوق خشبي بفتحات من فوق للهواء

هذا مقاسه 24 في 110 سم مبالغ شوي في المقاس وهو المفروض أصغر اعتقد عرضه 15 وطوله 90 هذا موضح مكان الإكس

[img]https://i.imgur.com/vWxNLGw.png



حل ثاني للتكييف ممكن أسوي له تجويف خاص في الحائط تحت الروشنة .. الحائط 40 سم والتجويف سهل عمله أثناء البناء

[سعود.]

مكيف ( كاسيت ) حل اخر

[معماري قطري]

مكيف ( كاسيت ) حل اخر

هو تقريباً نفسه اللي مثبت على الأرض والله ما اعرف الإسم .. مب الطويل مال المخازن لا ذيه اللي يدفع الهواء فوق

مثل اللي في هذا الرابط

https://www.archiexpo.com/prod/mitsubishi-electric/product-49434-2253069.html

[سعود.]

ممتاز بتوفيق

[معماري قطري]

ممتاز بتوفيق

الله يوفقك .. المسوقين يبرزون جميع مميزات المنتج ولا يتكلمون عن العيوب .. عندك جبس ودكتات بارتفاع 5 متر ورطوبة من الجو ولو تكثف الماي مشكلة ,, السبلت بروحه مشكلة يخرب الجدران .. هذا حل عملي ومناسب والتكييف تطور وايد ولا تسمع له صوت وبعدين لو بنتكلم عن الشكل شكل الكرسي بعد ممكن ننتقده وشكل الباب وكل شيء ثاني .. بعد لو أحصل مروحة اللي ريشها طوال وتدور خفيف تحرك الهواء يمكن أركب وحدة معلقة من المنور أو ثنتين أصغر شوي على كل جنب

[sara jsm]

بالنسبة للتلفزيون أما اخليه متنقل ممكن ينشال وقت المناسبات والاجتماعات الكبيرة أو ينحط وقت الجلسات البسيطة .. الحل الثاني بيكون على الضلع بين البابين هذا وراه مخزن والدرايش اللي فيه مزيفة وبيكون فكرة حلوة لكسر التناظر بس مشكلته بيكون البعد عنه من المشاهد 9 متر وشوي أقل حسب مكان جلوسه


بعد مخزن !!!؟ :weeping:
في مجلسكم اللي بالمعمورة حاطين كسوة باب الكعبه بشكل جميل ..
روح بوقه من هناك وغطي فيه المخزن اللي بتسويه هني ..
وترى مب ضروري كل مجلس يكون فيه تلفزيون حط راديو :telephone:
:


مهندسة سارة .. شرايج أفكر اسوي مخزن اضافي في حديقة حوض السباحة جنب دورة المياه اللي أضفتها حق الطاولات والكراسي لتهريهم الشمس

طبعا انتو فلوسكم وايد عشان تبنون ..
اما الفقاره اللي مثلنا يفصلون طربال يغطي هالاثاث :sneaky:

[معماري قطري]

بعد مخزن !!!؟ :weeping:
في مجلسكم اللي بالمعمورة حاطين كسوة باب الكعبه بشكل جميل ..
روح بوقه من هناك وغطي فيه المخزن اللي بتسويه هني ..
وترى مب ضروري كل مجلس يكون فيه تلفزيون حط راديو :telephone:
:



طبعا انتو فلوسكم وايد عشان تبنون ..
اما الفقاره اللي مثلنا يفصلون طربال يغطي هالاثاث :sneaky:

إنتي شريرة تبين توصلين الفكرة بطريقة المعلم الزعلان من التلميذ .. فاهمها وبعد فوق هذا بيكون فيه لوازم كثيرة ومفارش تحتاج تخزين .. مجلس المعمورة الله يجزي راعيه خير هذا تحفة ما شاء الله وتناقشت مع راعيه كم مرة في البناء وأفكاره موزونة ومطلع وفاهم كثير بعدين بنيان هالقطع الصغيرة ما يأثر في شيء تنظيمي بس وخلاص ألغيت الفكرة باكتفي بالموجود

[معماري قطري]

هنا بيكون المخزن التابع لغرفة القهوة وممكن يكون فيه تخزين بسيط لقطع فرش الكراسي الخارجية .. على اليسار عندي صوب حديقة حوض السباحة مكان مغلق بباب ومفتوح من فوق ممكن أسوي فيه مخزن والباقي لوحدات التكييف الخارجية الخاصة بالمجلس وصالة الطعام ومجلس حوض السباحة تكييفه بيكون فوق ملحق المسبح وكذلك المجلس الخارجي الصغير وكله مكيف سبلت

https://i.imgur.com/6GULb2X.png

[معماري قطري]

التلفزيون خلاص بيكون ثابت مع توزيع صوتي وراء الكراسي ووضحت مكانه عاد بعيد والا قريب مب مشكلتي

[معماري قطري]

مع تصميم بيت ولدي ومع الاستشاري في معاناة .. المخططات اللي معطيه اياها واضحة يغير على كيفه جنني ولا مرة أرسل شيء صحيح 100% يصلح شيء ويخرب شيء .. المشكلة ذيلا فنيين رسم ولا لهم علاقة في التصميم القوس متعدد الأقطار ما يعرف يرسمه .. سويت له هذا الشرح وأرسلته له فيديو هو يبي يسويه مثل الأبيض

https://i.imgur.com/dU1hOxj.png

للحين حول 10 فيديوهات مرسل له فيها توضيحات وبعد يبي له أكثر وعارف بيلخبط لي

[معماري قطري]

يطلع بهذا الشكل

https://i.imgur.com/b20yY51.png

وكله عندهم الكلمة السحرية في أثناء البناء تقدر تغير ويتناسون إن التصميم وثيقة تتبع وتسهل على المالك وعلى المقاول وحتى على المهندس المشرف الشغل

[معماري قطري]

هذا فيديو منقول من يوتيوبيات البناء بس حاب أطبق الفكرة في بيتي

حاب الزراعة المائية وأشوفها سهلة في بيوت محمية وكل نوع أكيد له مقادير تسميد خاصة .. هذي في تربة بيتموس ألمانية يعني ابتعدنا عن الصوف الصخري .. بإذن الله في البيت الجديد عندي مساحة جيدة حق بيت زراعي محمي وممكن مكيف تكييف تلطيفي .. المساحة الحمد لله حول 25 في 17 وممكن أكبرها بس أشوفها كفاية وأخلي مساحة لشبك الطيور والماشية وبلاصقهم في بعض بحيث يكون المدخل واحد جهة البيت الزراعي ومنه نوصل لمدخل شبك الطيور والماشية



https://www.youtube.com/watch?v=DhQy3VKeHAQ

فكرة الزراعة المائية والعمودية سهلة تحتاج شوية بحث حسب نوع النبات والمساحة عندي جيدة للبيت المحمي الزراعي زدتها شوي صارت 25.6 في 16.8 ومساحة شبك الطيور والمواشي زدت طولها ل 25.6 وعرضها نفسه 8 متر .. سويت الدخول لشبك الطيور من جهة البيت الزراعي .. أشوف الوضع هشكل بيكون أرتب

https://i.imgur.com/gPtBDVX.png

إحتمال داخل أسوي ممرات خرسانية صغيرة تحتاج دراسة للمرور بين النباتات والقطع المتفرقة هذي بتكون في الحديقة مع أماكن لخزانات المياه وترتيب لشبكة الري

[معماري قطري]

كأنه مسموح حفر بير للماي والمياه الجوفية على عمق 7 متر قريب منا لذلك استغلالها في الزراعة بيسهل كل شيء وفيه أشخاص حفروا بس ما عرفت شالآلية

[معماري قطري]

يعجبني اللي يتكلم يسمي الخس خص

[sara jsm]

احس بينك بيكون فرع للسوق العماني :funny: كل شي فيه زرع وطيور وخضره
بس باقي تفتح بسطه وتبيع متوت ولومي صحاري :tease:

[معماري قطري]

احس بينك بيكون فرع للسوق العماني :funny: كل شي فيه زرع وطيور وخضره
بس باقي تفتح بسطه وتبيع متوت ولومي صحاري :tease:

وانتي تتوقعين كل هالزراعة لي؟ لازم فيه مشروع بيع وتسويق .. انتي شريكة بس بنأجر دكيكين صغير وبيكبر شوي شوي لين نغطي على كارفور

[معماري قطري]

شفت دعاية لشقق في نيويورك مطلة على الحديقة الكبيرة الشهيرة هناك .. هذي وحدة منها في البنتهاوس الدور 76 اللي يبي يلحق عليها كلها بس 57 مليون وشويات .. مصعدين خاصين ومن دورين هذا الدور الأول وتطل الغرفة الرئيسية على الحديقة ومعاها جلسة مدمجة وممكن الجلسة تتحول لغرفة ثانية .. مساحة الشقة شوي أقل من 605 أمتار مربعة .. المتر المربع يطلع 344000 ريال تقريباً

https://i.imgur.com/Zti43Dp.png

حبيت الدرج البيضاوي عجيب

الدور العلوي فيه جلسة مطلة على البارك

https://i.imgur.com/EIhkWRi.png

خليت المعلومات عن البنيان وباشوف الرابط ممكن أحصله مسحته

حصلته الحمد لله فيه منيوز منهم ندخل ونشوف التفاصيل

https://111w57.com/design/

[معماري قطري]

آسف الدور العلوي هو النوم ممتد ومظلل على بلكونة الدور السفلي اللي فيه المطبخ

أعرف وحدة ساكنة في الخور والله يعين ريلها لو حبت تنقل هناك بتفلسه

[sara jsm]

شاابي في بلاد الكفار .. موقعي اصلا مميز حديقتين وبحر ..
بس الجو لك عليه شوي :( وجم حبه نامس مايضرون :shy:

لو يحصل لي اسكن برع الخور باروح الدفنه او الوكرة ..
اما بلاد الكفار اللي من ست نص يتسكر كل شي نوووووو :app:

[معماري قطري]

شاابي في بلاد الكفار .. موقعي اصلا مميز حديقتين وبحر ..
بس الجو لك عليه شوي :( وجم حبه نامس مايضرون :shy:

لو يحصل لي اسكن برع الخور باروح الدفنه او الوكرة ..
اما بلاد الكفار اللي من ست نص يتسكر كل شي نوووووو :app:

شلون عرفتي إن انتي المقصودة .. عاد نيويورك مدينة مملة وغالية وايد في كل شيء حتى المواقف وهذا إن حصلت بعضها 50 دولار في الساعة .. المدن الحديثة في أمريكا وحتى الضواحي في نيويورك وايد أهدأ وأحلى للمعيشة .. صحيح الحمد لله بلادنا حلوة وبلادهم بعد .. أعرف واحد من قطر هجر بيته هنا وعاش في بيت حلو في تامبا احدى مدن فلوريدا أعتقد ثاني أو ثالث أكبر مدينة .. عياله درسوا هناك وخلصوا وأظن جاوا يشتغلون في قطر وعنده بنت صغيرة كانت تتعالج الله يشفيها ولا ادري ممكن رجع بس صعب الرجوع بعد الفترة ذي الطويلة لدرجة إنه يقول اذا رجعت قطر ما اسكن في بيتي اسكن في فندق لأن بيتي ما يصلح للسكن بعد الهجر كل هالفترة

[معماري قطري]

تم وبحمد الله الانتهاء من التعديلات البسيطة على تصميم بيت ولدي مع إني عندي ملاحظات بسيطة ستعدل لاحقاً أو تناقش هنا وممكن تنفذ .. متمني نخلص قبل شهر 9 القادم لكن شكلنا بنتأخر للحين الموافقة المبدئية ما طلعت

إن شاء الله تكون الرسمة واضحة حولت خلفيتها من سوداء لبيضاء وطلعت الألوان باهتة ولا أدري هذا شغل الاستشاري أنقله مثل ما هو

https://i.imgur.com/9sJb95G.png

هذي الخلفية السوداء مثل ما سواها هو ممكن الألوان تبين فيها أوضح

https://i.imgur.com/pgInk7Z.png

متعودين رسامين المكاتب يسوون المواقف 2.5 متر شوفوا شلون السيارات لاصقين في بعض والمفروض 3 متر وانا كنت مسويها حق 5 سيارات غلغص سيارة بينهم غصب

طبعاً بيكون السقف بين المحلق والبيت مغطى ببولي كاربونيت عن الغبار والمطر وبتكون المساحة يمين تحت حوض السباحة خالية من الخدمات لبناء ملحق مستقبلي لو دعت الحاجة وللسكن

[معماري قطري]

الدور الأرضي بعد طلبت منه ازالة العتبات جهة اليمين أبغي مستوى أرضية البيت نفس الممر بينه وبين الملحق ونفس مستوى أرضية الملحق .. المشكلة المخططات اللي عطته هشكل راح غيرها على كيفه ومصر على هالشيء تعبني والله

https://i.imgur.com/Hwwhnrj.png

منطقة المدخل بتكون دبل هايت من العمود الدائري لين باقي الشكل المثمن والعمود الدائري بصعوبة أقنعته يحدده بحيث تكون فيه جسور بس تحدد الجزء المطل على الدبل هايت صوب الوسط بدون جسور وبحيث يكون العمود كأنه متصل مباشرة بالسقف والجبس حوله .. لأن اتفاقنا فلات سلاب والتكييف كله دكت سبلت الا الملاحق والمطبخ

https://i.imgur.com/NTK5OZJ.png

الجلسة اليمنى بتكون مرتفعة عتبة وحدة 10 سم وهو بعد حطها 15 ولها باب ينفتح على منطقة الحوض .. ممكن لمنع تداخل الصوت نسكرها بزجاج وباب زجاجي بعد

[معماري قطري]

بهذي الطريقة بتكون لازم نبسطها

https://i.imgur.com/CzDgtmS.png

وعندنا الحوض بيكون ارتفاع سطح الماي حول 20 سم من الارضية الخارجية الليوان الخارجي واللي جالس في المكتب والا الجلسة هذي يشوف الحوض جدامه .. وأكيد بيكون فيه حاجز مفكر في شبك زراعي عليه تور أسود يعزل الرؤية من باب البيت والحوش ويفصل منطقة الحوض حتى تكون آمنة للأطفال

بواصل لاحقاً بإذن الله

[معماري قطري]

توضيح للجزء الخلفي من البيت هو من اليسار المطبخ اللي بيكون مقابل المطبخ الخارجي ونفس مستوى الأرضية لسهولة الحركة والسقف مغطى للممر يعني بيكون مثل الجزء المنور في الوسط وبدون ما يدخل علينا الغبار والحرارة الزايدة .. على اليمين المكتب اللي بينفتح بباب زجاج على حوض السباحة وبعد حوض السباحة المجلس الخارجي بحيث ممكن حد يدخل من المجلس للمكتب

https://i.imgur.com/UolIoqT.png

تقريب لمنطقة المطبخ وحولت الخلفية بيضاء حتى تبين القطع وتوزيعها

المدخل تحت مفتوح على بقية الصالة ومقابلته دريشة فوق بكامل الإرتفاع هذي تنفتح من فوق ومن تحت ثابتة مطلة على الزراعة

https://i.imgur.com/7da1WAr.png

بيكون فيه تلفزيون جنب المدخل بمقاس معقول حتى يسوي جو للمطبخ لأنه مطبخ شو وللطبخ الخفيف

[معماري قطري]

ما ادري ليش شله الرسام يمكن يحسب انه هو بيخسر شيء .. التوزيع للقطع وللتجهيزات الكهربية يتبعه تمديد واهتمام من مهندس الكهرباء بعدين مب شرط احنا نركبه أو لا المهم مكانه جاهز

https://i.imgur.com/Kswe9GB.png

بعدين ألحين الأمور سهلة لا نحتاج تمديد ولا شيء كله بالنت لكن ممكن نختار كم تلفزيون يكون دش أو كيبل حتى نخفف التمديدات

[معماري قطري]

الدور الأول بعد فيه شوية خربطة .. الغرفة اليمنى شل التلفزيون من جدام السرير وقطه على جنب ما ادري ليش بعدين قايل له الدرايش بطول الباب ومتناظرة معاه مقابلته بالضبط حركها على كيفه .. هذي الأمور كلها تسوي ربكة في التنفيذ

https://i.imgur.com/3mRiXr1.png

[معماري قطري]

بالغلط حطيت المخطط قبل الأخير للدور الأول وكان فيه نواقص

هذا المخطط المعدل وممكن يحتاج تعديل بسيط والتعديلات عارفها وبتكون داخلية سهلة ما تأثر على الشكل العام اللي وصلنا له ولا على التوزيع

https://i.imgur.com/9g1dJjg.png

أفكر في وحدات التكييف الداخلية وين بتكون خصوصاً إنها معلقة في السقف ما عندنا مفر من هالشيء ولا خيار ثاني والبايبات المفروض نازلة من السقف بشكل عمودي لسهولة استبدالها لو دعت الحاجة .. للغرفة اليمنى فوق بتكون وحدة التكييف في سقف المدخل المربع وحتى نعزل صوت هذي الوحدة باركب باب ثاني بعد بيساهم في عزل الصوت مال التلفزيون لأن الصالة قريبة .. سويت توزيع مقترح لمكاين التكييف الداخلية وحاولت أستغل الممرات البعيدة عن مناطق الجلوس والنوم ونفس الشيء بيكون تحت وفوق في البنتهاوس أو البنتهاوس بيكون تكييف سبلت فقط

https://i.imgur.com/GDztpEh.png

حجم القطعة متر في متر وهو في الواقع يكون أصغر وأعتقد 5 وحدات بتكفي لاربع غرف وصالة

[معماري قطري]

الغرفة اليمنى شرحت عنها درايشها بتكون بكامل الطول وعلى جوانب السرير تطل شرق على حوض السباحة وبعيدة عن الجيران جدامها شارع على بعد يزيد عن 20 متر وبعدين أراضي كلها لنا

المناور في هذا الدور 4 مثل ما هو محدد بالمتقطع الرصاصي أماكنها واحد على المدخل مزدوج الإرتفاع 2 في 2 متر جاي بزاوية 45 لاف والثاني فوق جلسة الصالة 1.5 في 1.5 متر والثالث نفس الحجم في غرفة الملابس الرئيسية والرابع في الحمام الرئيسي بعد نفس الحجم .. طبعاً بيكونون مرفوعين ويبينون من بعيد ودخول النور منهم غالب الوقت بشكل غير مباشر بس في عز الظهر بتسطع الشمس داخل

هذا مثلاً الحمام الرئيسي فيه المنور وسطي وفيه الدريشة الجانبية هذي طويلة ومجابلة غرب مب مهم .. المهم هو دخول الشمس وقت النهار ووقت الليل بتكون ستارة خشبية سهلة الفتح والاغلاق .. الطوب الزجاجي بيكون على ارتفاع عالي وتحته بيكون الشور .. والحاجز المنحني هذا بيكون بولي كاربونيت شفاف للإنفتاح وعرض الشور 1.15 متر مريح وفيه كرسي للجلوس في الأخير معلق تحته صفاية الصرف .. وبنحتاج صفاية تحت المغاسل وصفاية ثانية جنب الكرسي بينه وبين البديه

https://i.imgur.com/x3N5dNH.png

[معماري قطري]

الصالة العلوية منها جلسة التلفزيون 4.3 في 5 ملمومة والباقي أكيد مساحة أكبر من ضمنها مدخل المصعد وجلسة الريوق العلوية

التلفزيون بيكون مبني لي هيكل خفيف فيه مكان للتلفزيون وأرفف لبعض الأغراض والتلفزيون يفتر للجهتين جهة الطاولة أو الجلسة .. أشوف موقعه متحرك شوي فوق بس المهم التأسيس له بشكل تقريبي تفصيل الباقي بعدين

https://i.imgur.com/hsfEz4T.png

[معماري قطري]

السلام عليكم ورحمة الله وبركاته

العيد مبارك على الجميع وعساكم من العايدين الفايزين

أستكمل ما بدأت من هذا التصميم المهم لي لأني أتمنى بداية البنيان هذا الخريف القادم مع تحسن الأجواء وأكيد بيكون لي كتفكير بصوت عالي

بالنسبة للدور السقفي أو البنتهاوس هذا اللي وصلنا له وبعد ما سوى كل الملاحظات بدقة بس تتعدل خلال المرحلة الجاية

https://i.imgur.com/ER1kr0N.png

عدل الدريشة للغرفة الوسطية تحت لتكون مقابلة للباب بالضبط في الدور الأول بس هنا تركها على جنب مثل ما هو موضح بالخطين المستقيمين .. الدرايش للصالة مسويهم بكامل الارتفاع وما ينفع هنا الكراسي جدامهم والباب بيكون زجاج وظرفة وحدة يعتبر دريشة اضافية ما ادري ليش مسويه خشب وظرفتين .. يعني نحتاج نعدل مقاسه لواحد متر كعرض أو نخليه مثل ما هو يكون جزء ثابت وجزء ينفتح بمقاس 1 متر

عدلتها في دقايق والمشكلة لو أعطيه وأقول طبق بدون تفكير يروح يغير على كيفه

https://i.imgur.com/Xf1n15Q.png

حتى توزيع الحمام اليسار غير واقعي وهشكل كل البايبات على جدار واحد وقريبة من الدكت وكل القطع عليه والتوزيع مثالي

[معماري قطري]

تم إنشاء مجموعة نقاشية للبناء على الوتس أب فقط مواضيع البناء والتصميم بدون مواضيع جانبية ومعانا مجموعة طيبة من الخليج والعرب وحتى دول ثانية .. لمن يرغب المشاركة حياه الله هذا الرابط

https://chat.whatsapp.com/CgdCfGMCFIyK5bpEQAbJOc

من ضمن المواضيع كذلك التأثيث والديكور والزراعة المنزلية والتجميلية

[ابومبارك]

لو تنحط مع الواجهات يستفيدون الاعضاء من التشكيلات

[معماري قطري]

لو تنحط مع الواجهات يستفيدون الاعضاء من التشكيلات

حي الله بو مبارك .. أكيد الواجهات جاية

[معماري قطري]

باقي عندي دور السقف واشتغلت شوي على النواقص عليه وباكمل بس هذي بداية دخول على الواجهات

الإستشاري جزاه الله خير خيرنا بين 3 واجهات هذي انا ملت لها لكن عندي مبدأ إنها بعد فترة تخترب شوي وتتأثر من الرطوبة وعلى مدى طويل تتكسر الخرسانات وصارت في بيوت كثيرة كسروها وغيروها .. تحتاج شغل نظيف وحديد ايبوكسي وتركيب قرميد مناسب والعزل تحته عزل جيد مائي أقصد وعبدالله حبها وعدلت شوي على ارتفاعها وماشية بإذن الله

الخطوط العرضية هذي عبارة عن كسرات في البلاستر بعمق 2 سم وعرض 2 سم وممكن تكون بلون غير قللتها كانت الضعف وللحين أشوفها عشوائية شوي .. ممكن تكون منتظمة أكثر لو جات مع حافة الدرايش السفلية والعلوية

هذي واجهة رئيسية جنوبية والباب للصالة جنوبي شرقي جاي 45 درجة

https://i.imgur.com/NjObgLI.png

[معماري قطري]

ألاحظ فتحة تانكي الماي مسويها وايد مرتفعة والمشكلة الشمس بتصلخ العدة داخل وأشوف مترين كفاية توانكي السطح دوم أصغر ونازلة وارتفاع السقف داخل جاي مع ارتفاع باقي الدور حول 3.5 متر كافي للتهوية وكذلك عدم وجود كسرة في بروز السقف للبنتهاوس لدرج للوصول للسقف بسهولة للصيانة

المناور السقفية الهرمية بتكون شوي أرفع جوانبها زجاج مثبتة على قاعدة خرسانية مرتفعة هو ما رتبها صح بعد وأعتقد بسهولة نزيد ارتفاعها ما تأثر في التصميم ولا الارتفاع العام .. تقريباً تعديلاتي هشكل وهذي الخطوط بمقياس رسم واقعي 2 سم ما تبين خط بس

https://i.imgur.com/3whm4XU.png

وفتحة السقف للدرج بادرسها على التوزيع السقفي أول

[معماري قطري]

هذا الشكل التقريبي بعد رفع المناور 50 سم وبعد اضافة درج الركوب لسقف البنتهاوس .. المنور الرابع ما رفعته بس بعد بيكون مرتفع شوي .. وكلهم بيكونون مع فتحة من فوق لإستبدال وصيانة الإنارة .. الجدران الزجاجية الجانبية مرتفعة 50 سم وتحت قاعدة عميقة حول متر وعشرين سم تخلي النور ما يكون مباشر وأكيد الزجاج شفاف حتى اللي داخل يشوف السماء

https://i.imgur.com/xJ1MqKC.png

[معماري قطري]

وازنا بين ارتفاع سور السقف لتغطية المكيفات وتظليلها كذلك فوق وبين ارتفاع السقف الداخلي حتى للبنتهاوس وكله بإذن الله مريح وزين وهذي الواجهة الشرقية بعد تعتبر رئيسية لأن البيت على شارعين بيت زاوية .. هنا خليت الخطوط ما عدلتها بس لازم تتبع الواجهة السابقة ووضحت مكان الدرج بدون تفاصيل .. مفكر في تغطية الدرج بشبك عليه تور أسود أو الأخضر اللي يجي بتشكيلة زراعية منها يخفي الدرج والقص في سور السقف ومنها يظلل عليه والتكييف فوق أكيد بيكون مظلل وبتكون مراوح الشفط مركبة في سور السقف وعلى امتداد الدكتات بيكون بايب مخصص لكل مروحة وصيانتها واستبدالها من فوق مع سنسر من داخل تشتغل بالحركة وأكيد التهوية ودخول هواء جديد خارجي بنسب بسيطة للبيت بيكون عبر دكتات سقفية .. Mechanical Cross Ventilation


https://i.imgur.com/hzOgddU.png

[معماري قطري]

كل الدرايش بتكون داخلة بين 15 و 10 سم من الخارج وبتكون فيه انارة محيطية تجميلية وأعتقد هذا كفاية مع انارة خطية في الكسرات المحددة في الحائط في قليل منها أو أماكن معينة

[معماري قطري]

مساكم الله بالخير وطيب جميع أوقاتكم

نرجع كتذكير لمخطط التوزيع للدور الأول وهذي الواجهة الغربية اللي تعتبر يسار البيت

https://i.imgur.com/3mRiXr1.png

نشوف مكان النوافذ منها طوب زجاجي لغرف الملابس بيكون مرتفع فوق مستوى الكبتات فوق 1.9 متر لحدود 2.5 متر محصور بين هالخطين يعطي نور منتشر وحلو للداخل وعندي درايش ثنتين تلاحظونهم جنب بعض طوال هذيلا مرتفعين من الأرض 50 سم وكنت قايل للرسام سوهم 20 سم بس .. ممكن أخلي الجزء التحتي الثابت طوب زجاجي بعد أو قزاز مرمل وعليه ستارة .. اليمنى لغرفة الملابس أو بالأدق للممر الموصل للحمام الرئيسي واليسرى جنب الكرسي في الحمام

https://i.imgur.com/4ieEJHl.png

توضيح مبسط لإرتفاع وعرض الحمام الطرفي يسار والخط الأخضر يمثل الفراغ الداخلي الحوائط وخط السقف

فقط للتوضيح طبيعي ما يبين مكان البانيو من خلف الجدار ولا تقسيمات وخطوط الحوائط الداخلية

https://i.imgur.com/OVx9njw.png

بيكون توزيع دورة المياه هشكل كل التمديدات على جهة وحدة من الجدار وفي أقصى اليسار في الغلاف الخارجي دكت من السقف لبايبات الصرف الصحي وبايب المطر وكذلك بايبات التغذية معزولة ومسارها محدد وحتى الدكت بتكون معزولة بفوم وبلاستر والدريشة بتكون مركبة جهة الخارج تعطي سعة أكثر للداخل هنا حطها الرسام هشكل ولا عدلتها بس في البال وما انساها بإذن الله

https://i.imgur.com/0A4hJRw.png

[معماري قطري]

الرواشن أو كسرات التخزين التجميلية اللي بتكون فيها إنارة مخفية هادية موضحة بعمق 10 سم لتجويف المراية + وحدة طولية بين الشور والبانيو وضيقة شوي بسبب تمديدات الشور وتكون تخدم الشور والبانيو والواحد واقف تحت رشاش المياه .. ووحدة خلف جلسة البانيو كرسي مبني بمقاس 80 سم
وفي الاتجاه الثاني 40 سم ووراء ظهر البانيو هذي بتكون بارتفاع 60 سم ومرتفعة من الأرض بعد 60 سم فوق الكرسي حول 20 سم لسهولة تناول أي شيء نحتاجه

[معماري قطري]

طبعاً بيكون عندنا سقف مغطى يفصل الدور الارضي عن الأول بزجاج أو بولي كاربونيت للممر بين الملحق والبيت وموضح الرامب تحت بدايته بيكون مغطي المنطقة من خلف الرامب لزاوية البيت يسار وبباب فاصل للخارج عن الممر وباب في آخر البيت جهة اليسار

https://i.imgur.com/4ieEJHl.png

[معماري قطري]

آخر واحهة هي الشمالية وأشوفها مهمة ولازم بتتعدل مع الخطوط المعتمدة للواجهة الأمامية .. فيها أخطاء غرافيك مثلاً عندي بمبن المفروض الرامب أو أرضية الممر بين المحلق والبيت ممتدة لسور البيت وهناك مغسلة خارجية كبيرة للجدور الكبيرة والصواني وممكن للذباح فيها .. يسار كلش بتجي منطقة حوض السباحة حاط درابزين غريب وبيكون غير عن هشكل أو حتى ما بيكون درابزين شبك عازل وما بيكون هذا مكانه

أول دريشة تلاقينا من اليمين هذي سواها مرفوعة وهي لازم بمستوى ارضية البيت وتطل على الزراعة ومقابلة مدخل المطبخ .. بعدين دريشة الستور مناسبة بشكلها هذا فوق دريشة المطبخ درايش شبيهة وشوي أصغر للغرفة الوسطى اللي لها هذي الدريشة الوحيدة والباقي للدرج وللحمامات أقصى اليسار بيكونون من تحت طوب زجاجي ومن فوق شفافه وممكن أسويهم من تحت بدأً من الأرضية

https://i.imgur.com/ZCT57sK.png

[sara jsm]

كل الدرايش بتكون داخلة بين 15 و 10 سم من الخارج وبتكون فيه انارة محيطية تجميلية وأعتقد هذا كفاية مع انارة خطية في الكسرات المحددة في الحائط في قليل منها أو أماكن معينة

حلو مسوي ديسكو حق الحمام .. :telephone:

[معماري قطري]

حلو مسوي ديسكو حق الحمام .. :telephone:

عيدج مبارك حجية

قصدج دسكاونت؟

[معماري قطري]

من المخططات المهمة هو مخطط السقف وتفاصيل وأماكن التكييف وهذي لازم تنسق مع مصمم التكييف وكثير من الإستشاريين يغفلونها ويتركونها للمقاول وممكن تذكر في العقد كملاحظة وكذلك الحال مع تخطيط سلوبات السكريد وفتحات صرف ماي المطر وتفاصيلها ووين تكون خارجية أو في الجدار

هذا مخطط السقف مبدئياً وأكيد عليه شوية إضافات خصوصاً للتكييف

https://i.imgur.com/sxUa4LD.png

بالنسبة لبايبات ماي المطر كلها بتكون في الغلاف الخارجي للجدار اللي بسمك 40 سم وبتكون مع بايبات الصرف الصحي اليمين بس بينزل صوب حوض السباحة وبيتمدد له تحت الأرض لين الزراعة .. وعلشان نرضي البلدية بنشيل الزراعة وبنحط سوك أوي لو يبون وبعدين بنسوي زراعة حولها .. نفس هذي البايبات بتنشبك معاها بايبات التكييف الصغيرة

[معماري قطري]

بالنسبة لتصميم بيت ولدي البلدية رجعوا للتعقيدات السابقة التافهة .. مع إنهم وافقوا في البداية صراحة شغل يهال كل يوم كلمة

ولتصميم بيتي وحتى بيت ولدي بنكمله حسب ما يبون بس باراجع أحد المدراء وبإذن الله تتسهل أُموري للبيتين .. مشكلتي باسلم الاستشاري يطبق التعديلات وباسافر وأتمنى تكون جاهزة لين رجعت حتى أراجع بخصوصها

رسيت على هذي الواجهة وعدلت ارتفاع المجلس لتحت ال 6.5 متر اللي طالبينها بس عندي المنور بيكون حول 7.5 متر أبغيه بارز ويبين وبعضهم يقولون ممكن المنور زجاج وما يدخل في الإرتفاع والله أعلم .. البيت وراء حدود الارض 22 متر من جهة الشارع ولا يعتبر مواجه الشارع لأن فيه بعد كبير الواجهة بتكون للمجلس وهذي النقطة ما يفهمونها ولو حركت البيت ليواجه الشارع قصة بيتغير التصميم تغيير جذري .. جهة الجار 18 متر وجبت لهم موافقة الجار .. وفوق ال 18 متر فيه سكة 4 أمتار وجاري بيخلي بيته مقابل جنوب يعني بيعطي بيتي ظهره ولو خلاه مقابل شمال أو شرق هو حر ولا يأثر تفكير مهندسي البلدية رجعي وشباب قليلي خبرة

عندي ارتفاع البوابة 5.9 متر هذي بعد ممكن يعتبرونها كارثة تصميمية

https://i.imgur.com/SXcQJG5.png

زدت عرض الخدمات وراء حوض السباحة بمقدار 40 سم ونزل عرض الممر ل 1.6 متر قبل كان مترين كثيرة حتى 1.6 فوق الحاجة بس أشوف داخلياً 2.4 عمق يكفي

https://i.imgur.com/kAf9Wlz.png

وأضفت دورة مياه في ليوان المجلس إضافية وقريبة من المجلس الصغير

في المطبخ الداخلي غيرت التوزيع قليل وأشوف هذا أنسب مع عمل الكاونترات للمغسلة وللفرن بعمق 90 سم لفريم الدريشة يعطي إنفتاح أكبر والدريشة تكون ثابتة على رخام الكاونتر بدون طابوق .. يعني ممكن يكون فيه جزء من الكاونتر غير مستخدم .. والجزيرة الوسطية ممكن تكون فيها بس مغسلة مفردة وسطح عمل للتحضير

https://i.imgur.com/cfL6nDP.png

الأبواب الداخلية الزجاجية بتكون منزلقة اوكورديون تنفتح بالكامل وخليت الحديقة مفتوحة أكثر خالية من أي أثاث الجلسة سويتها بس في الزاوية قرب الشلال وقرب الدريشة وشلت اللنك بين المطبخ الخارجي والداخلي حتى يكون عندي انفتاح رؤية أكثر .. ممكن أسوي سقف خشبي وبولي كاربونيت فوق لحماية الخشب ولتخفيف النور على المنطقة الوسطى وبتكون مزروعة باصيصات

هذا تقريب لمنطقة المطبخ الداخلي والخارجي

https://i.imgur.com/50OkUpS.png

أتمنى الصور واضحة والفكرة كذلك .. أضفت درج حلزوني لخدمة السقف .. بتكون فيه زراعة سقفية مقابل جلسة البنتهاوس وممكن تكون فيه مكيفات للبنتهاوس فوق سقف البنتهاوس

في الصورة الأُولى أضفت غطاء قرميد على السور في بعض الأجزاء كتشكيل ديكوري للواجهة ولموازنة القرميد الموجود على سقف غرفة المكتب وبتكون فيه انارة مخفية تحت امتداد القرميد .. ما ابي انارات قوية ممكن بتكون انارة في سقف البوابة تنور داخلها وانارة خاصة بليوان المجلس انارة جدارية موزونة وعندنا انارة الشوارع بتكون جاهزة ومشروع البنية التحتية ينتهون منه في شهر 4 سنة 2024 مع المواقف ما قصروا أشغال ولا قصر إستشاريهم إيطال كونسالت ومديره الطيب عبدالله الصادق ( أبو غازي ) اللي وقف مع طلبات أصحاب المنطقة كلهم ووضحها لأشغال

[معماري قطري]

في الصورة الأولى يبين برج الدرج الخارجي بشكله المربع بارز فيه فتحتين جنب بعض وتحتهم بعد نفس الفتحات بعرض 40 سم وارتفاع متر و 20 وبيكون فيهم حديد مشغول أو درابزين الدرج الداخلي بيكفي كحماية والباب تحت حديد ينقفل ويفتح من الداخل حتى يكون هذا الدرج كمهرب للطواريء بعد

هنا أوضح يمين الصورة .. فيه تكييف بيكون خاص بالحديقة الداخلية ممكن صحراوي قرب الدرج بيكون وبعيد عن جلسة السقف لو بنسويها وناوي اركب جهاز للرذاذ أو اللي يسمونه ضباب لهذي الحديقة بعد بيكون فوق وسهلة صيانته من خلال الركوب بالدرج هذا

https://i.imgur.com/Ev657po.png

[معماري قطري]

حالياً أقرأ كتاب عن 1000 سؤال في الهندسة المعمارية والمدنية وفيه شوية ملاحظات وتوضيحات حبيت أوضحها لكم .. المؤلفين وهم 2 كان المفروض يوضحون أكثر

هذا أحد الأسئلة المضللة للعامة من الناس .. البعض ممكن يحسبه شلخ عادي وغريب .. لكن هذا فاصل بناء المفروض معبأ بمادة مرنة تسد الفاصل وتسمح بحركة أي جانب من المبنى في أي اتجاه .. يعتبر في نفس الوقت فاصل تمدد بس هو في الأساس فاصل انشائي يفصل المبنى بحيث ممكن هدم جزء وترك جزء

باواصل معاكم في شرح الأسئلة اللي شوي فيها لبس وباشوف شلون لو أقدر أنزل الكتاب ممكن اللي يحب يستفيد من باقي الأسئلة

https://i.imgur.com/u9YIOFY.png

[معماري قطري]

مثل ما ذكر المؤلف تتم تغطيته بقطعة ألمنيوم تكون ثابتة في جزء متحركة في الآخر تغطي فقط مع تعبئت الداخل بأي مادة مرنة منعاً للحشرات والنمل ومع وضع مبيد مناسب وطويل الأمد .. السيليكون ممكن يكون سيء لكن نوع جيد منه ممكن ينفع أو من المواد التخصصية وطويلة العمر

[معماري قطري]

يفترض يذكر هذا الشرط في عقد المقاولات وتذكر إجراءات الفحص وعدد العينات وبأن يجب يكون كل العينات تعطي قوة 90% وظروف تخزين العينات انا أشوفها تكون في الموقع وتنرش بالماء مثل باقي الخرسانة حتى تعطينا مقياس واضح .. وتذكر تكلفة فحص الكور تست على من وتذكر لو ثبت أن نتيجة الكور تست سلبية فالحل يكون في الهدم وإعادة البناء

https://i.imgur.com/K9GYBnY.png

[معماري قطري]

آسف الصورة طلعت صغيرة وإن شاء الله تكون واضحة ومقروءة الكتابة لكم

[معماري قطري]

سالفة إننا نرش الخرسانة صباحاً وليلاً فقط يمكن تسبب لنا مشكلة كبيرة لو نشفت بسرعة لأي ظرف من الظروف .. يفترض ما تجف وتكون رطبة على طول لمدة 28 يوم ونتجاوز ونقللها لفترات اقل حسب العنصر الخرساني .. كذلك توجد خرسانات بمواصفات معينة لا تحتاج إدامة وهذي تفرق .. في الوضع العادي التغطية بالخيش وفوقه بلاستيك ممكن افضل بس نتأكد إن الخيش رطب دوم ونرطبه بالماء كلما جف ونرجع نحميه بالبلاستيك حتى ما يتبخر الماي

https://i.imgur.com/U3O9vww.png

المعالجة بالرمل ونشارة الخشب أول مرة أعرفها وعلى العموم كلها رؤوس أقلام تحتاج لإسهاب وتوضيح يمكن وضحت أهمها

[معماري قطري]

بس متعوا نظركم بحجم الأساسات هذي مثلها كلش ما تشوفون في قطر

[معماري قطري]

معليش إسمحوا لي أتابع لأن الكتاب فيه 1000 سؤال وبعضها إجابتها واضحة وسهلة لكن بعضها تحتاج إسهاب

مثال أحد الأسئلة عن درجات حرارة الصب المناسبة وكان الرد ما تزيد عن 35 ولا تقل عن 4 درجات .. هذا واضح واللي غير واضح إن هذا المجال من درجات الحرارة لازم يستمر أقل شيء لفترة اسبوعين ولو لفترة 4 أسابيع أكيد أفضل

تجاوزاً بداية البناء هذا الوقت وقصدي صب الخرسانات مناسب حتى لو ارتفعت الحرارة في وقت معين لحدود 40 درجة مئوية

https://i.imgur.com/pLty6Ef.png

هذي طريقة مطورة ومسهلة للهوردي بعمل فراغات دائرية ( هواء ) وكبيرة بحجم الكور هذي .. الشكل الكروي تتحرك حوله الخرسانة وتملأ الفراغات وأكيد الوزن أقل بس لازم بعد لها حسابات هندسية وجسور مخفية .. تفرق عن الهوردي التقليدي في انها ما لها أعصاب متكررة ومتقاربة فقط جسور رئيسية متباعدة

[معماري قطري]

هذي مهم نعرفها حتى لو احتجنا لتقوية عمود متكسر وتنفع للجسور والأسقف بطريقة مقاربة تختلف قليلاً وأكيد المبنى قبلها يحتاج تدعيم ومتابعة هندسية اشراف جيد وتوثيق بالتصوير ليستوي شيء خطأ بالإنجليزي تسمى Jacketing كأنك تلبس العمود جاكيت جديد .. أوقات تضطر حتى تقوي العمود تزيد مساحة مقطعه وما يسمى الأشاير هذي قطع حديد تنغرس في العمود بالعرض وما يضرنا شيء لو سوينا فتحة كاملة بالدريل من جهة لجهة وأدخلنا فيها قطعة حديد وعبيناها ايبوكس لاصق قبل

https://i.imgur.com/8NrRldI.png

أعتقد الصورة واضحة للعمود

https://i.imgur.com/n34RlQG.png

شكله في أمس الحاجة لتركيب الكانات ( Stirrups ) ما عرفت الكانات الا بعد متابعتي للفيديوهات وأحب الإسم العلمي لها لأنه متعارف عليه .. وكذلك سحبوا الحديد سووه منحني والمفروض يحافظون على استقامته أو أثناء التكسير حوله حصل هبوط خلى الحديد ينحني ولا أشوف دعامات قوية وكافية

[معماري قطري]

أي قاريء عادي يستحيل يفهم هالكلام وانا واجهتني صعوبة في فهم الرِجل .. لين اكتشفت المقصود بها حديد الربط أو الترسية بين الجسر والعمود وهذا موضوع المفروض ما علينا منه ومسؤولين عنه الإستشاري المصمم والمشرف والمقاول .. شروط عامة وأساسيات في البنيان بطريقة أعمدة وجسور وأسقف

https://i.imgur.com/PcNIycI.png

واضح الحديد العلوي اللاف داخل العمود ولازم يدخل داخل العمود مسافة لها حسبة معينة أو يكون لاف على شكل يو وراجع من تحت في الجسر وهذا لضمان ثبات وقوة اتصال العمود بالجسر

https://i.imgur.com/p6RNoiC.png

[معماري قطري]

سؤال عن فائدة الكانات في الأعمدة وهذا الرد عليه وهذا واضح لكن مهم تعرف إن مفتاح الكانة اللي هو في الزاوية العليا يسار هذا المفروض يكون تبادلي يعني الكانة اللي تحتها واللي فوقها تكون تحت يمين مفتاحها .. كذلك مهم نعرف إن تكثيف الكانات في الثلث العلوي والسفلي ضروري مثل لو في الوسط كل 20 سم بين كانة وكانة الثلث العلوي كل 15 أو 12 سم أو حتى 10 سم التكلفة تزيد قليل بس مهم وبحسبة انشائية لكن نعرف حتى نلاحظ الفروقات ذي .. كذلك مهم الكانات تستمر في تداخل العمود مع الجسور والأرضيات

https://i.imgur.com/SActWph.png

https://i.imgur.com/qGInqXp.png

[معماري قطري]

من الرسمة فوق نلاحظ كذلك إن عرض العمود 30 سم يعطينا أريحية في تركيب الحديد وغطاء خرساني كافي العشرين كل شيء محشور فيه وبعدين الإنحناء أو الإنبعاج في المباني المرتفعة مشكلة كبيرة لذلك لازم يزيدون العرض ونتعايش مع بروز 10 سم أو نسوي له حلول معمارية مناسبة

[معماري قطري]

مستغرب هذا الجواب والسبب هذي إجراءات أساسية في البناء الخرساني حتى لو غير مقاوم للزلازل وحبيت كلمة ذيادة متكررة وايد عذبوا اللغة العربية .. للتقوية ضد الزلازل ما فيه أفضل من نظام التدعيم القُطري Bracing هذا يعني عمود حديد بقطاع مناسب يربط عمود من قاعدته لعمود مجاور من قمته + تربيط الطابوق كله بحديد إضافي رأسي في الفجوات وأفقي بين الطابوق والرأسي مع صب خرسانة وفي بعض الفجوات مب كلها .. هذا أقل المطلوب لكن الأعلى يشمل عدم استخدام قواطع داخلية طابوقية والاكتفاء بالبارتشنات الصناعية الخفيفة .. وممكن تركيب القواعد أو تثبيت الأعمدة بالقواعد عن طريق سبرنغات خاصة تمتص الإهتزازات وتسمح بحركة افقية بسيطة

https://i.imgur.com/oKIS9rw.png

[معماري قطري]

هنا رجع يتكلم عن أهمية الكانات في مقاومة الزلازل وهي مهمة وأساسية حتى بدون زلازل وكما موضح .. فيه غلطة في الرسم فاتتهم والرسم مختصر المفروض فيه معلومات كثيرة لكن مركز على توزيع الكانات وأكيد قطرها يختلف حسب العمود وظروف التحميل عليه حسب التصميم .. الغلطة إن الوسط كاتبين في 8 قطع في المتر مثله مثل فوق وتحت والمفروض أقل مثل ما هو واضح تقريباً 4 وحدات في المتر

https://i.imgur.com/3j8qfdI.png

[معماري قطري]

طوفت بعض الأسئلة اللي ما اشوفها مهمة وواضحة لكن هذا مهم

https://i.imgur.com/KfqJRC5.png

أول نقطة صحيحة 100% لكن ثاني نقطة لا تنطبق عندنا بسبب إن الخرسانة تجي من المعمل وممكن عمل الخلطة في الموقع لأشياء بسيطة مثل جسور الأبواب والدرايش وملء الطابوق في بعض الأماكن وخلطة السكريد مع إن الأخيرة حسب أهميتها ومواصفاتها ممكن نطلبها من معمل أفضل

طبعاً أغفل الفحوصات اللازمة مثل فحص القمع وهو أهم شيء ولا ذكر ذاتية الاستواء أو الدمك أو الخرسانة المائعة

عدم مراعاة الجو هذي ما تعني فترة الصب وبس تعني أهم شيء حرارة الجو وما يكون عندنا هواء قوي ولا مطر .. علماً أن الصب مساءً يعني عندنا فترة الليل ابرد وهدوء ومنى ما انتهى الصب حتى وقت الفجر فيه وقت في بدايات الصباح تنرش الخرسانة لترطيبها

https://i.imgur.com/r0539is.png

ترطيب الخرسانة بس 7 أيام خلال دراستنا محد نصحنا به ولازم اسبوعين أو 3 والأفضل 4 أسابيع هذا تسهيل على المقاول

[سالم الزهران]

اشكرك ابو عبدالله على زيادة الشرح والايضاح

[معماري قطري]

اشكرك ابو عبدالله على زيادة الشرح والايضاح

العفو الله يسلمك إنت اللي مشكور على المتابعة .. تدري يا اخوي الكتب العربية غريبة بعضها حتى اللغة ركيكة وتحصلها موجهة لفئة معينة من الناس وفي بلاد معينة بعد والمشكلة ما يوضحون من البداية إن هذا الكتاب يستهدف الأشخاص الفلانيين

شوف هذا مثال على فواصل التمدد وفواصل البناء والمفروض يفرق بينهم ويحدد الفروقات والشروط .. مثلاً مبنى حتى لو كبير أوقات لو كتلة متجانسة ما نسوي فاصل انشائي والفاصل الإنشائي يفصل المبنى لقطعتين أو أكثر فصل كامل من القواعد للسقف .. فاصل التمدد أسهل بوايد والفصل يكون في عنصر معين والفاصل الإنشائي يمشي كذلك للتمدد ويمشي بعد لحركة أجزاء المبنى في كل اتجاه وقد ما تقدر تحاول تتفاداه وتسوي المبنى كتلة قوية بدون فواصل لأن الفواصل تسرب المياه منها سهل وكذلك الحشرات والأرضة في حال انفتاحها وتهالك المواد المرنة العازلة

https://i.imgur.com/ZoEYPPm.png

ظروف وضع الفاصل الإنشائي هي اللي تفرضه .. مثال عندي ملحق طوله 20 متر وعرضه 4 أمتار دور واحد على الأرض أفضل أفصله من النص تقريباً كل قسم 10 في 4 بفاصل انشائي وليس تمدد ومب مسألة أفضل أي مهندس انشائي شاطر وفاهم بيطلب هذا الشيء

بالنسبة للبلاط للأرضيات الكبيرة المعرضة لتغييرات حرارة كبيرة هذا لازم نسوي فيه فواصل أما تمدد أو تحكم .. التحكم تختلف ووايد أبسط وتستعمل للأرضيات الخرسانية بحيث نسوي فيه حفر بسيط بعمق 1 سم وعرض 2 سم ويكون مرتب منحني من داخل هذا لو استوى شلخ فيه ما يطلع عنه يمشي فيه ولا يبين مزعج يفصل الخرسانة بروحه .. أما فاصل التمدد نسويه بعرض في الغالب 2 سم ونخليه نازل بعد في الخرسانة اللي تحته والفاصل يكون معبأ سيليكون أو ماستك مقاوم للعوامل الجوية ومتساوي مع البلاط وفي يدنا نسويه كل 10 متر بالطول والعرض وكثيرين يسونه كل 6 متر حتى يكون في جانب الأمان والمبالغة وبعضهم ينزلون لل 4 متر وهذي صج مبالغة .. هو في النهاية له دراسة وحسابات حسب عوامل كثيرة وأهمها تمدد المواد المستخدمة ومعدل تغير الحرارة السنوي

الصورة هنا لفاصل التمدد في البلاط وهذا سطحي في البلاط بس ما يمتد للسقف تحته أو السكريد فواصل التمدد في السكريد بعد ضرورية ولو قدرنا نطابقها مع فواصل البلاط أكيد أفضل .. أما السقف الخرساني فهو كتلة لا نفصلها ولو كان المبنى طويل وايد ورفيع أو كبير مثل مثلاً بنيان 50 في 50 متر هذا ضروري نسوي فيه فواصل انشائية على شكل + تفصل المبنى لأربع أقسام أصغر تقريباً بين 20 و 30 متر بعد الفاصل عن الطرف مب شرط في نص المبنى ومب شرط يكون سيدة خط مستقيم

https://i.imgur.com/ABWz74O.png

فاصل التمدد في الأسوار يختلف وهو يعتبر فاصل انشائي في الأساس يفصل السور من الأساس لفوق فصل كامل

[معماري قطري]

كنت أفكر في كتلة بنيان بيتي لأنه مصمم شكل حرف اليو وبفراغ متواصل للسماء وبجناحين نوعاً ما ضعاف هنا ممكن يفصلهم المهندس الإنشائي وممكن يمشي ككتلة وحدة .. صراحة بين وبين وما ودي أدخل في تعقيدات كبيرة

اللي مطمني الارتباط بين الكتلية الكبيرة والأجنحة جوانب فىاغ اليو عريضة والمفروض تكون متماسكة تمثل كتلة وحدة

[معماري قطري]

وشفيه الليزر؟ أجهزة سهلة ومتوفرة وليل ونهار تشوف خط الليزر رأسي يوضح لك لو خشب العمود بارز شوي أو مايل لأي جهة وتقدر تستعين بكم جهاز ليزر يعطونك استقامة كل جهات العمود

https://i.imgur.com/iloe9vH.png

[سالم الزهران]

صباح الخير بو عبد الله، المهندس قال ميزان الخيط لان ايامها ما اخترعوا الليزر،، هذا ظني وهذي المؤلفات رغم انها قديمة الا انها الاساس و ما جتنا المشاكل الا ان العامل والصنايعي ما يشتغل حتى وفق القواعد الاساسية.. غش واستهبال عينك عينك و لا جرأهم الا التقاضي البطيء اللي عندنا.

[معماري قطري]

صباح الخير بو عبد الله، المهندس قال ميزان الخيط لان ايامها ما اخترعوا الليزر،، هذا ظني وهذي المؤلفات رغم انها قديمة الا انها الاساس و ما جتنا المشاكل الا ان العامل والصنايعي ما يشتغل حتى وفق القواعد الاساسية.. غش واستهبال عينك عينك و لا جرأهم الا التقاضي البطيء اللي عندنا.

صباح النور والسرور .. إحتمال وارد طال عمرك بس شفت صورة في الكتاب تاريخها 2003 موجودة في أحد المشاركات القريبة و2003 الليزر منتشر .. إحتمال أقوى هو إنهم ما يهتمون بالتطوير والبحث وتوضيح جوانب كل شيء .. قبل كان المسح بواسطة مختصين مساحة وموضوع صعب ومعقد ألحين فيه أجهزة سهلة .. يمكن تحتاج للمساح لتأكيد موقع وحدود الأرض والمستويات .. بس منها موقع البيت بسهولة تحدده بأجهزة قياس بسيطة ولو أخطيت بمقدار معين والمهم ما يأثر في الإرتدادات ما عندك مشكلة لكن الإستقامة سهل تسويها بالليزر لمواقع الأعمدة وإسقامتها وللجدران والمقاول لازم يستعين بهذي الأجهزة بتوفر عليه وتسهل عليه الشغل .. حتى جهاز المستويات اللي يسمونه Theodolite ما أدري كتبتها صح أو لا .. هذا مبدأه بسيط جداً وأتوقعه رخيص ألحين بسبب جات الأجهزة الأحدث بوايد واللي تعتمد قراءات ثلاث أقمار صناعية لتحديد الموقع بالملمتر وتحديد الإرتفاع يعني يحددون النقطة بثلاث أبعاد يسمونها Total Station ويعرفونها المساحين جات هذي في التسعينات تقريباً

هذا سؤال يوضح إن ما عندهم دراية بما في الدول العربية وهذا الحفر يستعمل عندنا من زمان بس قاموا يقللون منه لصعوبة تركيب وفحص البايبات ورجعوا على الطريقة البدائية والطقطقة على روس الساكنين

https://i.imgur.com/7DuklEy.png

وهذي صورته

https://i.imgur.com/9ltTxi8.png

إحتمال ممكن بسبب شراء أجهزة حفر غلط والشركات تتنافس في هذي المنتجات والآلية اللي نشوفها في الصورة كبيرة وصعب استخدامها الأسهل تنحفر حفرة صغيرة وجهاز يدخلون اثنين أو ثلاثة فيها معاهم ممكن حمله بسهولة ويحفر أو ينزلونه داخل بكرين صغير

[معماري قطري]

حامل الهزاز أو عامل الهزاز لازم يكون فيه قوة وصبور وجيد وسالفة متر الى نص متر وايد ولكل عنصر انشائي مسافته .. مثلاً أهم مكانين العمدان والجسور وأماكن انحشار الحديد وكثافته .. هذي يعرفها الفورمن اللي وجوده ضروري والحلو إن الجسور تنملي أول شيء وضروري واحد تحت بعد يتابع وينتبه لأي تسريب أو خلل في الفورمات الخشبية .. بعدين العملية تكون أسهل لبقية السقف أو الأرضية وانا هنا أشوف مب شرط يكون الهزاز عمودي المهم وجوده ما يزيد عن 30 ثانية .. حتى يغطي مسافة أكبر ولأن عمق الارضية قليل قطري ينفع وعمودي ينفع المهم ما يبقى أكثر من 30 ثانية

https://i.imgur.com/hsOkPJ6.png

[معماري قطري]

نقطة 9 يقصدون في حالة عدم وجود هزاز نضرب بالحديد 20 مرة هذا عمل مرهق ويحتاج وقت طويل وفي بعض مشاريعنا اللي ما فيها اشراف فعلي لا يستعملون الهزاز ولا يستعملون الحديدة ومال عمك لا يهمك .. لا وبعد فك الخشب يعالجون أي تعشيش معالجة سطحية ويخلون الفراغات الداخل

[معماري قطري]

أول شيء شالمقصود بوصلات الحديد؟

هو إذا عندنا قطعة حديد انتهت في مكان معين ولازم نركب قطعة ثانية تتمتد للصوب الثاني وتتداخل في جسر أو عمود أو تنحني إنحناء على شكل يو لتثبت في حال الشد في طرف الخرسانة فالتداخل هذا أو الإشتراك يجب أن يكون بطول متر أو يزيد .. مثلاً قطر 24 ملم هذي نضربها في 50 في حال الضغط كغالبية الأعمدة وتطلع لنا متر و 20 سم طول الترابط أو في حالة الشد في الجسور نضرب 24 في 65 ويطلع الطول 1.56 متر

هذي الشخص العادي يلاحظ تركيب الحديد لو ما فيه اشتراك بطول مناسب يعرف إن فيه شيء غلط

https://i.imgur.com/AMX03ea.png

أما وصل الحديد من 32 مم وأكبر يحتاج ما يسمى بالكوبلر Coplar ,وهي وصلات توصل قطع الحديد مثل ما هو موضح هنا

https://i.imgur.com/a6seg9l.png

وهذا نوع يعتمد على ضغط الحديد ببراغي خاصة وأسهل للإستعمال وفيه نوع ثاني ربط راس براس وهذا يحتاج عمل الراس مسنن بشكل برغي والوصلة بشكل برغي يتداخل معاه ويحتاج لف وشغل أزيد

[معماري قطري]

هنا السؤال مختصر والإجابة مختصرة كثير مع إنه سؤال مهم ويتكرر دوم .. باعطيكم رايي في الموضوع وبحاول أختصر وباحط السؤول وجوابه بعدين .. بالنسبة للعقد المنفصل عظم وبعدين تشطيب هذا يعتمد دوم على موجز الأعمال المطلوبة لكل بند ومرحلة وبنفس الوقت وشي متطلبات المالك وخطة تنفيذها الهندسية .. العظم بنفس الوقت ينقسم الى قسمين رئيسيين أعمال الخرسانات وأعمال الطابوق وممكن تتداخل في بعض .. على فرض انتهينا منها أهم عمل ممكن يكون معاها ومن التأسيس لأن فيه حفر وتمديد وممكن بناء حمايات خرسانة أو طابوق هو الصرف الصحي خلو نقول الأساسي .. ولو محتاجين باقي الأرض لدخول شاحنات وتحميل وخايفين البايبات تتكسر نمدد في جوانب البنيان ونترك الباقي لبعدين .. بس بند الصرف الصحي أساسي وما ذكره المؤلف ولازم حتى مع إنه بسيط وتكلفته بسيطة لكن ضروري ينذكر ويتحدد والشغل فيه ممكن ما ينتهي الا على دفعات ومن بداية المشروع لقريب نهايته

بعدين تجي باقي البنود مثل ما ذكر بس بتفصيل كبير وتوضيح بالرسم وبالمواصفات نتكلم عن فريم باب شيء سهل بس نتكلم عن سب فريم أو فريم أساسي يتركب عليه الفريم اللي نبغيه وبنتفق عليه مع مقاول نجارة حتى مع الباب وبعد الصبغ وبعد الارضيات ممكن تكون هذي الخطوة قبل التنظيف والتأثيث .. ببساطة يجي الباب بمقاسات ماخوذة من السب فريم اللي يحدد أبعاد الباب ويحدد البلاستر وين ويكون مقاسه ثابت من فوق لتحت ويسهل عليه تركيب الباب مع الفريم مصبوغين وجاهزين في المنجرة بدون إزعاج وأذية .. الباقي كل شيء نحط تفاصيله مثل ما نحب يركب عندنا الدرايش بلاط كل مكان وعدة كل مكان

https://i.imgur.com/oI5Dy2m.png

[معماري قطري]

شيء بديهي وللتوضيح البؤج هي علامات لوزنية البلاسنر يمشون عليها وبعبون ما بينها بالبلاستر ويستحسن نوزنها بالليزر أسهل وأضمن بدال الطرق البدائية خيط وقصة .. الليزر يعطينا تعامد واستواء حائطين ولو بنركب جهازين يعطونا الأربع حوائط ولأي مسافة حتى ما نحتاج للبؤج لو حبينا نعتمد الليزر ونخليه شغال وقت الشغل ونوزن عليه وأعتقد الموضوع مفهوم للجميع

https://i.imgur.com/QNw8BQ7.png

هذا السؤال بعد يحتاج إسهاب كبير

توزيع الكهرباء عندنا كم نوع منها الخطوط الرئيسية هذي تتم في بناء العظم ومن التأسيس لأن فيها دكتات خارجية تحت الأرض .. وفي بناء الهيكل نسوي بايبات الكهرباء واللي بيركب جبس يقدر يمددها تحت الأسقف مع انذار الحريق وهو ضروري ويكون مربوط ببعض مع أي تمديدات كاميرات يعني تقريباً تكون الخرسانات خالية من أي تمديد الا في الأطراف عندنا بايبات الصرف والمطر لو ما نبي نسوي دكت

https://i.imgur.com/uQqSKkQ.png

بعدين مهم وضع علامات لإرتفاع السويشات والسوكتات حسب التصميم والتوزيع الداخلي للأثاث .. الليتات موضوعها سهل لو صممنا كم نوع وكم سويش لكل مكان حتى نغير تشغيل الإضاءات حسب حاجتنا والتكييف يحتاج كهرباء أقوى و3 فيز حسب تصميم التكييف وكذلك بنحتاج دي بي لو عندنا حوض سباحة خارجي معاه ملحقات أو بدون حتى التسخين والفلترة تحتاج توزيع .. وللمصعد بعد

[معماري قطري]

سؤال بخصوص مفاتيح الإنارة في جهتين هذي ألحين سهلة بنظام البيت الذكي بس ضروري نخلي مفتاح عادي أو ذكي قرب الأبواب والمداخل إحتياط لكن أنظمة البيت الذكي ضرورية

هذا سؤال بخصوص الهوردي .. وانا أشوف الفوم ينفع لكل السماكات ويعتبر الأفضل بعد كرات الهواء اللي شفناها قبل .. أول شيء خفيف وايد حتى 16 كجم كثافة في المتر المكعب ولا شيء .. مقارنة بالرمل وزنة حول 1800 كجم بالمتر المكعب .. عندنا متوفر 35 و 40 كجم وهو أفضل ما ينزل أو ينضغط

https://i.imgur.com/lKCQ0mY.png

[معماري قطري]

https://i.imgur.com/XFCD7gJ.png

في حالة الصب على مراحل لو عندنا سقف كبير وبنصب جزء وبنكمل الباقي بعدين لازم نستخدم هذا النسيج البلاستيكي القوي المسمى Water Stop هذي حالة مهمة وكذلك بناء الأحواض وللبيسمنت أهمية كبرى بين القاعدة والجدار لأن مهما يكون مستحيل نصب على مرحلة وحدة .. في حالة الأحواض أوقات كثيرة ممكن صب القاعدة مع الجدران في نفس الوقت وبالخرسانة المقذوفة أو حتى بالفورمات التقليدية أو الالمنيوم وما نحتاج للوتر ستوب

[معماري قطري]

الكاتب ما ذكر فايدة الوتر ستوب لكن من إسمه واضحة للغالبية وهي وقف التسريب من الفاصل الضعيف ووصلة الخرسانة مع خرسانة ثانية .. هذي مقاساته

https://i.imgur.com/eq9yQkI.png

وهذي صور لنوعياته وأكيد فيه نوعيات ثانية هذي المواد لا يتوقف تطويرها وانتاج الجديد منها

https://i.imgur.com/tEzkXFA.png

[معماري قطري]

الكتاب ممتع وفيه الكثير وصحيح قراءتي فيه بطيئة بس بسبب الكتابة والنقاش والتعليق والإضافات .. باقي قريب ال 2000 صفحة كنت حاسبها غلط 1000 سؤال قلت في 1000 ورقة

[معماري قطري]

مستغرب بعض الأسباب المذكورة مثل الغطاء الخرساني وزيادته هو ممكن يقصد نقصه أو ضعفه كلهم يوصلون لنفس المشكلة التكسر بسهولة .. درسنا إنه من أهم الأمور وبعض الأكواد تحدد 40 ملم و 50 ملم للخرسانات تحت الأرض لأهميتها وأهمية المحافظة عليها قوية + العزل والعزل للحديد بتغليفه بالايبوكسي من الأساس هو الحماية المهمة من الصدأ ومن مشاكله كفاية زيادة كاتبها ذيادة الله يهداه .. كلها عيوب البلاستر وعدم العناية بالصبغ وطبقاته تؤدي لوصول الرطوبة لداخل الخرسانة وصدأ الحديد وإضعاف الخرسانة وذكرت مرات المياه ومحتواها من كلور حتى مياه الخلط وأملاح سبب مباشر

https://i.imgur.com/CfzM8qJ.png

عاد المعالجة لو تسويها من الأساس بدال ما تنطر الخرسانات تتكسر وتروح تدهن ايبوكسي نص الصيخ اللي طالع والنص الثاني مصدي وغارق في الصدأ ركب حديد ايبوكسي وركبه صح من البداية أفضل

الصورة رعب والمبنى مب قديم لين ذيك الدرجة وحتى بعد المعالجة ما بتكثر حده 10 سنين وبترجع المشاكل

https://i.imgur.com/QXECNdb.png

بالنسبة للعزل المائي والحراري ليش إحنا نبدأ بالمائي وعلى أرضية ناعمة ولا فيها نتؤات ولا بقايا حادة؟ السبب ضمان بقاء العازل أطول فترة ولذلك بعض تفاصيل العازل ينعمل سكريد ناعم بسلوبات مدروسة للتصريف وبسمك مناسب حتى ما تتكسر أطرافه .. ثم يجي الرول العازل وطبقات الحمايات والعزل الباقي ومنها الحراري وبعدين سكريد حماية أو كنكري وبعضهم يحطون بلاط فوق يعطي عزل اضافي مائي وحراري

https://i.imgur.com/50bfsFX.png

متى ممكن يجي العازل المائي فوق؟ في حالة صار تسريب بدال ما نسوي شغلة كبيرة ونشيل كل شيء ونعدل نركب مباشرة على السكريد الأخير ونركب نوع يكون مقاوم للشمس بكسر كنكري صغيرة مضافة له وهذا النوع ضمانه أقل وشغله أرخص من الشغل كله إزالة وتركيب جديد مع إن مادة العازل أغلى من الرول العادي .. ممكن بعد نستخدم الأصباغ الايبوكسية العازلة فوق السكريد أو البلاط لو ركبنا بلاط