مراجعة التصاميم المعمارية وابداء الملاحظات عليها (محدث)

[معماري قطري]

نزلت مساحة الدور الأرضي والأول ل 341 والدور العلوي ممكن ينلغي أو ينزل أكثر وكذلك البيسمنت ممكن يكون للخدامات ولغسيل الملابس وبارتفاع صافي 2.4 متر عملي وكافي وبدون مبالغات .. يكون كله تحت الأرض حتى ما نرفع مستوى أرضية الدور الأرضي وتكون الدرايش محفور حواليها ومفتوح ومغطى بحديد حتى يدخل النور والهواء وبدون محد يطيح أو يقدر يدخل .. ممكن نسوي مخزن كبير كذلك وكله يرجع لاحتياج المالك

[معماري قطري]

البنتهاوس خالص عندي وكذلك الدور الأول مع بعض التقسيمات البسيطة ومع التصغير البسيط بنصفي على مساحة 840 للدور الأرضي + الأول + البنتهاوس بخمس غرف ماستر في الأول وصالة تلفزيون

البيسمنت مثل ما ذكرت قبل حسب احتياج المالك وانا افضل يكون لغرفة الخادمة + غرفة غسيل وكوي ملابس + مخزن مع عمله جزئي ما يتعدى 70 متر مربع أو 100 وبارتفاع اقتصادي ( 2.3 أو 2.4 ) صافي مع عمل مناور محفور لها مكان النوافذ وباكمل الرسومات قريب وخلونا نركز على البنتهاوس قبل وهو مشابه كثير للتصميم الأول مع تصغير بسيط جداً

المالك تواصل معاي ويبغي يكون الملحق في الخلف وسويته بس احسه بيغير التصميم وايد .. بديت اسويه ولازم له موافقات خاصة خصوصاً للمجلس على حافة الأرض .. أشوف واحد مسويه ومسويه بإرتفاع حول 5 أمتار ولا ادري شلون سواه وشلون طلع الموافقات .. وزين هنا نتناقش ونستكشف كل جديد ولي متابعة معاكم بإذن الله

[معماري قطري]

مقترح ثاني للحوش ببابين والملحق ورا مع بعض التعديلات الداخلية .. غرفة السايق ممكن تكون ملاصقة للمجلس وبيكون الباب مقابل لمدخل البيت في هذي الحالة لذلك هذي الوضعية ممكن تكون أحسن .. حتى ورا الغرفة لو احتجنا نسوي مخزن إضافي بعد ممكن ولا نضطر نسوي بيسمنت نهائياً

المطبخ تم نقله ليكون مقابل مطبخ المحلق ومكانه مقترح لغرفة ترفيه وسينما منزلية أو مكتبة وانترنت أو للدراسة أو مزدوجة الاستخدامات

لو المالك حاب فكرة عمل ترفيه رياضي تحت في البيسمنت يقدر بس بتطلع المساحة كبيرة والتكلفة عالية .. ألحين بالراحة توصل 1000 وقبل على تصميم الاستشاري كانت 1250 يعني قللت المساحة لحدود 20% .. البيسمنت ممكن يكون فيه صالة رياضية معاها سونا وبخار وجكوزي ما اعتقد فكرة الحوض حلوة وبتكون مكلفة الا لو المالك حاب يسوي حوض بعد ممكن وممكن يكون جزء خارجي مغطى بزجاج أو خارجي مفتوح وجزء داخلي .. بالاضافة لمخزن

http://i.imgur.com/OaUsxUF.png

المصعد قطره من الخارج مترين ومن داخل 1.6 متر وبيكون كافي حق 4 أشخاص بالراحة وممكن يتعدل مكانه ومساحته وشكله حسب المتوفر وطلب شركة المصاعد بس مبدئياً موجود هذا النوع واحتمال المقاس أصغر بشوي

هذي صورة للدور الأول وفي الصالة فوق فتحة دائرية بقطر 2.4 متر تطل على الصالة تحت وعلى النافورة وممكن النافورة تكون دائرية أو بتشكيلة نجمة ثمانية وطبقات وتحت وسط الدائرة .. باقي شوي شغل تصميم وتعديل لبعض الغرف بس مبدئياً هذا هو الشكل

http://i.imgur.com/xBBnUJy.png

البنتهاوس هو للغرفة الرئيسية وملحقاتها ومساحته 155 متر مربع وبيكلف حول 200 - 250 ألف تقريباً ولو ما له داعي ويكفي الدور الأول بتتخفض تكلفة البنيان كثير وبنقدر نسوي قبة فوق الفتحة وتبين حتى من الدور الأرضي

لكن على هذي الحالة نكتفي بس بسكاي لايت هرمي فوق صالة التلفزيون الصغيرة فوق

http://i.imgur.com/9E3VTSf.png

البنتهاوس مهم وفي رأيي هو أحلى دور وممكن يكون لأحد العيال لو تزوج في المستقبل

[معماري قطري]

فكرتي للبيسمنت يكون صالة ألعاب رياضية وتمارين مع جكوزي وحمام بخار ولو حبينا سونا ولو بعد بغينا ممكن نسوي حوض سباحة .. سويت توزيع مساحات وركزت على الاستفادة من الجزء تحت الدرج نقدر نحط السونا والبخار هنا مع دورة مياه شاملة شاور .. السونا تسوي جفاف أما البخار صحي أكثر ونقدر نسويه بسهولة من البلاط مبني وجهاز البخار بحدود 6000 ريال للمتطور والجيد

الإرتفاع نسويه اقتصادي 2.4 متر والدرايش يكون محفور لهم ومفتوحين على حفرة في الأرض مثل نظام اوروبا ولا نضطر نرفع أرضية الدور الأرضي

تركت صورة الجزء العلوي باهتة وممكن نسوي كسرة للمصعد نخليه ينزل للبيسمنت لو حبينا

http://i.imgur.com/tzSyETY.png

[معماري قطري]

المساحة للفيلا تطلع 114 + 155 + 341 + 341 = 951

ولباقي المباني - لغرفة السائق = 24.5 وللملحق = 73 وللمجلس = 73 كذلك بإجمالي مساحة بناء = 1121.5

[sweet qatar]

ماشالله اشوف تغيير كبير في المخطط

لو ممكن تفصل لنا عدد أفراد العائلة مع رنج الإعمار

عقبها نناقش تفاصيل التصميم

[معماري قطري]

ماشالله اشوف تغيير كبير في المخطط

لو ممكن تفصل لنا عدد أفراد العائلة مع رنج الإعمار

عقبها نناقش تفاصيل التصميم

والله ما ادري وصلني الرسم اللي حطيته أول وحاولت اوضح للمالك إنه يتعدل للأفضل

ممكن يلغي البنتهاوس ويوفر 140 متر تقريباً لأنه بيحتاج لبيت الدرج ولا البنتهاوس مع الدرج مدمجين بمساحة 155 .. ويحتاج لدرج خدمة خارجي حديد ويعتبر مخرج طواريء

هو تواصل معاي بخصوص فكرة إنه يخلي الخدم في البنتهاوس ويحول الغرف في الأول الى 4 غرف كبار .. ممكن بس اشوف مساحة الغرف كبيرة ولازم نحدد أماكن كغرف ملابس مغلقة حتى نصغر المساحة شوي

بعدين لازم نبني الانشائي فوق على الجسور التحتية مع تغيير أبسط ما يمكن لكن لو قللنا الغرف لأربع بيكون تغيير جذري وصعب

لو المالك حاب يصغر المساحة أنصحه بتصميم ثاني

نفس الوقت قال يبغي يفتح الصالة المسكرة بقزاز على الصالة الثانية ويخليها مجلس كبير وأكيد مجلس نسائي يحتاج غرفة طعام ودورة مياه ملحقة به وهذا بعد ممكن بس صالة البيت تنتقل لمكان المجلس وتتصغر شوي وغرفة النوم جنب المجلس تعتبر غرفة ضيوف ممكن نحولها لمكتب منزلي

[sweet qatar]

اهااا

ما فهمت ليش ألغيت البنتهاوس .. نحتاجه وايد حتى لو بنحط الخدم تحت

البيسمنت اذا ميزانية المالك تسمح ممكن نخليه باركنج

[معماري قطري]

اهااا

ما فهمت ليش ألغيت البنتهاوس .. نحتاجه وايد حتى لو بنحط الخدم تحت

البيسمنت اذا ميزانية المالك تسمح ممكن نخليه باركنج

صعب يكون باركنغ والمساحة فوق متوفرة وكافية .. وممكن نلغيه البنتهاوس انا أكثر شيء عاجبني وصج ماستر روم بملحقاتها وفي التكلفة نص تكلفة البيسمنت تقريباً

إشتغلت شوي على فكرة المالك للدور الأرضي وانا مب مقتنع لأَن التصميم القبلي أفضل .. حطيتهم فوق بعض الجديد فوق والثاني تحت وان شاء الله يكونون واضحين

http://i.imgur.com/CVgdnoP.png

صج المجلس كبر بس الدخول لغرفة الطعام استوى من خلال المجلس وخسرنا مخزنين المثلث والطويل حولناه لمغاسل ودورة مياه

[معماري قطري]

بالنسبة للغرفة تحت لو ما يجون ضيوف ولا حد كبير ممكن نحولها لمكتب بواجهة زجاجية ونكبرها بعد ما نلغي الحمام اللي معاها

[معماري قطري]

هذا المخطط موضح أكثر حتى تبين المقاسات وحسب رغبة المالك

http://i.imgur.com/I5Jnqlf.png

[معماري قطري]

بالنسبة للمخطط أعلاه فيه دورة مياه فوق الغرفة + دورة مياه تحت قرب طاولة الطعام العالية ووحدة تكفي أما نزيل اللي فوق ونحولها ستور للمطبخ أو اللي تحت ونفتح دريشة على جهة الملحق والمواقف

المواقف الموجودة ورا البيت تكفي لأربع سيارات ثنتين ورا بعض ومظللة وبين البيت والمجلس كذلك 4 بنفس الطريقة ونقدر نسوي المظلة بواجهة خرسانة وسقف حديد وبدون أعمدو تكون مبنية مع البيت + سيارتين أو أكثر بدون مظلة أو نسوي مظلة حسب الرغبة .. يعني بيكفي على الوضع هذا والوضع السابق اللي اشوفه أفضل لعدد حول 12 سيارة

[معماري قطري]

هذا توضيح أكثر لعدد السيارات وكيف نسوي جسور من الأساسات حتى نثبت عليها الحديد ويبين عندنا كأننا مسوين مظلات خرسانة وهي سقفها حديد وواجهاتها جسور خرسانية ممكن بكسرات تجميلية وصدقوني تطلع أحلى وايد من الكي سبان وأرخص

معاه استخدمت التصميم السابق بس وضحت أثاث المجلس وغيرت مكانه لجهة مدخل البيت الواسع

http://i.imgur.com/Xi6kgbV.png

اتوقع بنحتاج لغرفة كهرباء وممكن تكون ورا غرفة السايق أو مقابله غرفة السايق في الزاوية قرب الباب .. وبنحتاج إحتمال لخزان صرف صحي ويفترض يكون في أحد البابين الكبار للحوش

[معماري قطري]

باوضح الصورة مكبرة شوي لجزء جزء

هذا المجلس الخارجي وجنبه مظلة السيارات المعلقة وبواجهات خرسانية وسقف معدن خفيف

المجلس يكفي ل 19 كرسي من النوع الفخم والعريض ويزيد العدد للكلاسيك لغاية 25 كرسي .. وله مدخل من جهة البيت وحاولت اعدل حدود الأرض قد ما اقدر وباوضحها بخطوط مقطعة وذلك حتى احافظ على حوائط مستقيمة لجهة المجلس والباب

http://i.imgur.com/AvccJwV.png

المجلس فيه سكايلايت في الوسط والله يعين على التخطيط

[معماري قطري]

صورة توضح خط حدود الأرض بالأزرق الغامق المتقطع وتم تعديل بسيط بترك بين 30 سم و20 سم كمساحة بسيطة حتى ما يكون حايط المجلس مايل من جهة وهذا إذا تمت الموافقة عليه من التخطيط وانا اشك في ذلك

http://i.imgur.com/lfX53qA.png

[معماري قطري]

وهنا النصف السفلي مكبر وأوضح مع إضافة مظلة بقاعدة نازلة في الحديقة .. وتوزيع البيت ووضعية غرفة السائق في الخلف يمكنا حتى من فصل غرفة السايق بحائط بسيط وباب نفتحه وقت الحاجة

http://i.imgur.com/SZRH9Gx.png

[سعود.]

اخوي معماري

المجلس الرجال الخارجي لازم فيه ارتداد

[معماري قطري]

اخوي معماري

المجلس الرجال الخارجي لازم فيه ارتداد

هذا ما يقال لكن الكثيرين يسوون على حدود الأرض مجالسهم وعندنا واحد مسوي الواجهه كلها درايش طوال وشكلها غريب وارتفاع 5 أمتار وفي رايي 4 أمتار كحد أعلى للمجلس مسموح يفترض ويكون على خط الأرض ومقابل الشارع .. البيت داخل المفروض 4 أدوار كاملين

[sweet qatar]

^

الكثير لكن مب الكل على قولتهم ممنوع :(



ممكن سؤال

غرفة السايق ليش نقلتها ؟ هل في سبب معين

أول شي بتخرب علي لو بغيت استغل المنظر الخارجي في التصميم الداخلي للصالات

ثاني شي هل السيارة ممكن تمر بينها وبين الفيلا ؟

[معماري قطري]

^

الكثير لكن مب الكل على قولتهم ممنوع :(

ما عندي ثقة في التخطيط ولا اصدقهم .. مرات يقولون أشياء ما تدخل العقل .. نبي نبني بناية سكنية ونطالب كنا بأعلى ارتفاع ورفضوا الا 4 أدوار مع إننا موفرين مواقف وجنبنا واحد باني 10 أعتقد .. يقولون هذا بنيانه قديم ولو تشوفينه يبين من سنتين

المجالس كذلك في نفس الفريج ونفس الظروف يطالبون شخص بإرتداد معين وغيره بارتداد غير وغيره ساطي على كم متر من الرصيف ودافع مخالفة بسيطة للغاية وغيره بدون ما يدفع وغيره عملوا إزالة لبنيانه وللمخالفة

وبما إننا نشجع التراث والمجالس لها وضع خاص من رأيي الحكومة تساعد الناس بفتح مجالسها على الشارع وبتوفير مواقف لسياراتهم بدال الرصيف الكبير وحتى المظلات يحق للبعض يسوي خارجية لسيارته ويوجه كاميرا مراقبة عليها عن السرقة .. لازم قوانينا التخطيطية تتماشى مع الزيادة السكانية ومع التسهيل على الناس

ممكن سؤال

غرفة السايق ليش نقلتها ؟ هل في سبب معين

أول شي بتخرب علي لو بغيت استغل المنظر الخارجي في التصميم الداخلي للصالات

ثاني شي هل السيارة ممكن تمر بينها وبين الفيلا ؟

المسافة تسمح بس مفكر فيها نخليها لخزان الصرف الصحي لو فيه داعي له بحيث يرجع دنكر أشغال ريوس ويشفط ويمشي

ما شاء الله على المالك طلع تفكيره صائب في عمل بابين .. واستوت عندنا ألحين منطقة خدمات ورا نقدر نعزلها بالكامل عن المنطقة الأمامية للبيت حتى الحوش ممكن يتمشى فيه الواحد بخصوصية تامة .. نقدر نقول مدخل رسمي ومدخل خدمات .. ووضحت سيارات الزوار وين توقف خصوصاً العائلات ينزلون والسواقين يروحون لغرفة السائق

هذا رسم توضيحي بخط عريض متقطع يوضح منطقة السائق ومنطقة الخدمات للملحق ممكن نحصرها بغرفة الغسيل اللي بواجهات زجاج وممكن دريشة المطبخ تطل عليها وبباب وحتى بسقف بمنور للممر بين البيت والملحق .. الباب وغرفة الغسيل بهذي الوضعية ما يوافقون عليهم الدفاع المدني لكن نقدر نسويهم بعيدين وحتى الباب اللي في الحوش يفصل غرفة السائق

http://i.imgur.com/yuqTIvZ.png

اللي عرفته من صاحب التصميم إن ما يحتاج لا بيسمنت ولا بنتهاوس ويحتاج لأَربع غرف للدور الأول .. وبكذا بتنزل مساحة البنيان كامل لحدود 925 ويمكن توصل قريب 940 لو سوينا سقف للممر بين الملحق والبيت

[معماري قطري]

حتى المساحة يمين غرفة السائق على فرضية لو سوينا نوافذ الغرفة على الجهة الأُخرى ممكن نرتب الشجر قرب الحائط ونكبر منطقة الزراعة وتكون عندنا مساحة كافية لخيمة لوقت الشتاء

ولو افترضنا التخطيط قرروا لازم يرتد المجلس ممكن بسهولة لحدود 1.1 متر وطبيلة السيارات كافية بالراحة وبعرض 6 متر وممكن نصغرها شوي لعرض 5.5 وبيكون شوي ضيق وتزيد مسافة الارتداد ل 1.6 وممكن نصغر الممر بين الملحق والبيت حول 40 سم وهو ألحين مترين ونوصل لإرتداد مترين للمجلس ولو إحتجنا 3 أمتار نضطر نقلل عرض المجلس من 6 متر ل 5 متر وهو مناسب

الحلول كلها موجودة والمهم تطبيقها ومواصلة التواصل حق حل العراقيل

[معماري قطري]

هذا التعديل على الدور الأول ليكون لأربع غرف والرئيسية كبيرة مع غرفتين ملابس له ولها ومع حمام كبير وبعد الغاء البنتهاوس سويت سكايلايت هرمي فوق الفتحة الدائرية

http://i.imgur.com/DodhdKc.png

[sweet qatar]

في الدورين انت معتبر منتصف الدور موزع للغرف

ليش مكانه ما يكون حوش داخلي ؟

او نغير طريقة السكاي لايت او مكانه


انت تفكر بشكل عملي عشان تخلص التصميم لرفيجك

وانا أشوفها فرصة فنية للابداع بس لا يشوفني المالك ههههه


المهم بحاول انقل توزيع فيلا تذكرتها اول ما شفت التصميم


مب عشان تغير التصميم بس نشوف الاوبشن و هيك

شرايك ؟؟

[معماري قطري]

ممكن صحيح بس المساحة صغيرة .. نكبر السكايلايت ونكبر الفتحة أكبر ما يمكن ونسوي زراعة وسطية محاطة بزجاج بشكل مسدس أو مثمن والمثمن بيكون متوازين مع اتجاهات البيت والممرات .. يمكن لازم نوسع شوي للمصعد لأن ألحين هو دائري وقطره 1.6 متر صافي وهذا كله يعتمد على تفاصيل ثانية مثل الارتفاع اللي يبغيه المالك لكل دور ونوعية التكييف .. لأن بيزيد عندنا ارتفاع الدرج وعدد العتبات وممكن ندخل في ضيق مساحات ونضطر نكبر ونخرب ما بنينا تخطيطنا عليه

ألحين لو بنخلي كل عتبة 15 سم واللي تعتبر مريحة بس شوي مزعجة بيكون الإرتفاع من أرضية الأرضي لأرضية الأول 3.6 متر ولو اخترنا ال 14 سم اللي هي سوبر مريحة بيكون الارتفاع 3.36 والإرتفاعين معقولين وزيادة كم عتبة ممكنة بسهولة حتى ممكن نوصل لإرتفاع 4 أمتار

ممكن بعد يجينا المصعد في الوسط

خليني باسوي المقترح اللي تبينه وبنشوف شنصفي عليه .. لاحظي المقترح هذا مع السكايلايت ممكن يتطبق حتى مع البنتهاوس مع تعديل بسيط للبنتهاوس وصراحة حبيت انا هذا التصميم وبيكون أحسن لبيتي الجديد لكن فكرة بيتي الجديد اللي حطيتها قبل غير ومناسب للأرض بكل الخشاوير اللي معاه وأكيد بتكون التكلفة كبيرة ومأجل الفكرة لما بعد 2022 إن الله عطانا عمر .. منها اعرف الأسعار عدل ويقل الشغل بالتدريج لهذا التاريخ ومنها اضمن منطقتنا خدماتها كاملة وإنسكنت لغالبية الأراضي

[معماري قطري]

بناءً على اقتراح الأُخت سويت قطر تم تعديل التصميم بعمل حديقة وسطية .. النور اللي بيوصل للزراعة بيكون خفيف وممكن نحط نوعيات ما تحتاج نور قوي ونواصل بنفس الطريقة زجاج داخلي وفتحة كاملة لفوق .. ولازم الزجاج ينفتح للتنظيف وبيكون منور وحتى للتهؤئة

http://i.imgur.com/cOOeFGU.png

[معماري قطري]

لو ما نحتاج لبيسمنت بيكون الدرج القطعة السفلية في الرسم المتجه تحت مب موجود وبنقدر نستغل المساحة المرتفعة تحت كإضافة للمخزن اللي تحت الدرج المستطيل وضفت عتبة عريضة تحت بيكون عندنا الارتفاع 3.5 وكل عتبة 14 مريحة جداً .. ولو محتاجين ارتفاع أكثر المجال مفتوح فوق لعدد 3 عتبات والارتفاع بيقترب من 4 متر بيكون 3.92 ونشيل منه سقف الأول بحدود فرضاً 30 سم بيبقى عندنا 3.6 وهي كافية لدكت سبلت بسهولة

[معماري قطري]

وسعت الحاجز الألمنيوم والقزاز فوق ل 3.9 وخليت الفتحة داخل المطلة على الحديقة الداخلية بعرض 2.7 وحولها درابزين بحيث ممكن دخول هذا التجويف من القزاز وتنظيف القزاز من الداخل وترتيب اصيصات معلقة للزراعة المتسلقة .. يعني تحت تطلع لنا زراعة طويلة مثل النخل الملكي أو الواشنطونيا أو غيرها ومع أشجار مزهرة وحتى ممكن متسلقة وفوق زهور واشجار في اصيصات فقط

http://i.imgur.com/4Noqt22.png

وهذي الصورة للبنتهاوس وصغرنا الفتحة وطبعاً بتكون درايش الممر والمكتب تطل على الزراعة تحت ومن جهة السطح لازم درابزين .. يبين لنا الشجر تحت بلون باهت

فكرة ممكن تكون جمالية أكثر بس بتأثر في دخول النور الطبيعي وهي نسوي فوق الفتحة تشكيلة بأقواس وتشبه البادقير قبل

http://i.imgur.com/naW092A.png

[sweet qatar]

كتبت رد الظهر ،، مادري وين اختفى !!


المهم الله يعطيك العافيه استاذي

بس ما طلع الحوش مثل ما توقعته

ليش ما نحط الدرج في النص ؟ :o

[معماري قطري]

كتبت رد الظهر ،، مادري وين اختفى !!


المهم الله يعطيك العافيه استاذي

بس ما طلع الحوش مثل ما توقعته

ليش ما نحط الدرج في النص ؟ :o

الله يعافيج مهندستنا بالفطرة

ممكن بعد بسهولة بس مكان الدرج بيبقى فاضي وممكن نحوله لمخزن كبير وباسوي مقترح على السريع بكرة إن شاء الله .. بنخسر جمالية المكان المفتوح أو نحتاج نسوي الدرج بهيكل حديد أو ستانلس ستيل وشبه مفتوح حتى تسهل الرؤية من وراه

شفت الرسومات وركزت أكثر ويمكن يكون الوضع الحالي منفتح أكثر وأحلى .. شفت من شوي درج دائري ستينلس ستيل وعتباته خشب معلقة ومفتوح ما بينها سئلت من مسويه قالوا شركة ألمانية والمبنى كله مكلف .. بعدين العقليات الانشائية عندنا بيسونه لازم بدعامات جهة الزراعة ودعامات من تحت بتسوي عرقلة للرؤية وحتى للمرور بسهولة وبيخترب المنظر الجمالي

انا أفكر حتى القزاز حول الزراعة يكون فريملس وشفاف بالكامل ويكون له باب واحد لكل دور وفوق كلش درايش وسقفه مفتوح بالكامل لتجديد الهواء

[معماري قطري]

الدرج كذلك بيكون ممكن بين الدور الأرضي والأول أما البنتهاوس بيخرب التصميم

[sweet qatar]

هههههههههه الله يجبر بخاطرك

ان شالله بكون مهندسة بس للتصميم الداخلي


انا كنت اتخيل ان المنطقة كلها بتتحول لحوش*
ما توقعت بس حديقة داخلية مع ان الزراعة والنور الطبيعي والتهوية شي حلو بس ما يخدم البيت صح

بالضبط مثل ما قلت

لو خلينا الدرج بالنص بنحط مكانه الستور واللفت

لان المساحة كبيرة شوي على اللفت بنخلي ممر لين اللفت على يمينه ويساره ستور


لاحظت ان وايد يحطون اللفت عند الدرج بس بالاساس مب شرط يكونون لاصقين في بعض


الدرج في نص البيت بيعطي جمال و فخامه و بيعتبر موزع مناسب

وبنكسب مساحة اكبر للتخزين


سؤال فني : يصير غرفة الدرج في البنتهاوس تكون من الزجاج ؟؟


لو تصميم الدرج دائري ومثل ما يسمونه الطاير من الرخام وعليه انعكاس الشمس في النهار و الاضاءة المخفية او الجانبية في الليل .. بيكون عنصر جمالي فخم

[معماري قطري]

هههههههههه الله يجبر بخاطرك

ان شالله بكون مهندسة بس للتصميم الداخلي

مهندس التصميم الداخلي لازم تكون عنده خبرة التصميم ككل حتى في الإضاءَة والتكييف والنظام الإنشائي وانتي تستاهلين والله يوفقج


انا كنت اتخيل ان المنطقة كلها بتتحول لحوش*
ما توقعت بس حديقة داخلية مع ان الزراعة والنور الطبيعي والتهوية شي حلو بس ما يخدم البيت صح

كلها صعبة نحتاج نوازن بين الممرات وانفتاح المنطقة وانغلاقها وكذلك نحد من التكلفة العالية قدر الإمكان

بالضبط مثل ما قلت

لو خلينا الدرج بالنص بنحط مكانه الستور واللفت

لان المساحة كبيرة شوي على اللفت بنخلي ممر لين اللفت على يمينه ويساره ستور

فكرة بعد قابلة للتطبيق والمنور يكون مغلق فوق بزجاج يدخل نور بس والزراعة تكون باصيصات وأشجار متسلقة تركب على درابزين الدرج .. بس بيكون مكلف أكثر خصوصاً مع الدرابزين الا لو كان درابزين بسيط وتوفقنا في استشاري يسوي نظام انشائي جيد للدرج بحيث يكون لاف ومربوط بس بالأرضيات وبدون أعمدة


لاحظت ان وايد يحطون اللفت عند الدرج بس بالاساس مب شرط يكونون لاصقين في بعض


الدرج في نص البيت بيعطي جمال و فخامه و بيعتبر موزع مناسب

وبنكسب مساحة اكبر للتخزين


سؤال فني : يصير غرفة الدرج في البنتهاوس تكون من الزجاج ؟؟


لو تصميم الدرج دائري ومثل ما يسمونه الطاير من الرخام وعليه انعكاس الشمس في النهار و الاضاءة المخفية او الجانبية في الليل .. بيكون عنصر جمالي فخم

يصير حتى لو جزئي والزجاج ينور الصالة الوسطية هذي وحتى في الوضع الحالي ممكن نسوي واجهات زجاجية طويلة أو بكامل طول الحائط تتخللها أرضية الدرج بس .. يعني تكون عدة درايش من فوق لتحت .. حتى ممكن تحريك بيت الدرج جهة الحوش لو نص متر ونسوي الزجاج من الجوانب أو نركب قلاس بلوكس ( طوب زجاجي ) يعطينا نور بدون رؤية وخصوصية ولا نسوي قزاز محبب وفي جزء بسيط نخليه شفاف ممكن يشوف منه اللي داخل الخارج .. ممكن نركب زجاج مرسوم عليه أو ملون ومعشق .. وممكن نسوي سكايلايت هرمي وشفاف مفتوح في أعلى سقف بيت الدرج

نقدر مثل ما قلتي نخلي المصعد في الوسط .. سواءً كان مربع وحتى بمقاس كبير 3 في 3 وإحنا محتاجين لأربع أو 6 أشخاص ولازم المالك يقرر شيبي ويشوف شركة المصاعد أول بأول ويضمن الرسم المبدئي المصعد اللي اختاره

انا كان تفكيري في هذا مسك العصا من النص بعمل الحديقة الداخلية أو النافورة في المدخل ووراها المصعد على نفس الخط .. كذلك ترك الفراغ الوسطي شفاف أكثر بدون عوائق كبيرة كالدرج .. كذلك ترك الدرج في مكانه مربع الشكل مع درابزين نصفي في جهة واحدة أو بعمل الدرابزين عبارة عن حائط خرساني بسمك 7 سم وفيه فتحات مزخرفة بمشربيات جي ار سي أو حديد مشغول أو جبس .. في طرف الحايط الخرساني مسكة درابزين خشبية أو معدنية

صاحب التصميم متواصل معاي على طول وعجبه النقاش وعجبه التصميم الأخير مع الحديقة الوسطية

وانا شاكر لج اختي تواجدج الدائم ونقاشج المفيد .. باسوي المقترح اللي تبينه بالدرج في الوسط لاف بطريقة دائرية أو لاف بطريقة مثمنة فقط كفكرة ثانوية لتعدد الاختيارات وباخلي منطقة الدرج لمخزن كبير وفي وسطه باب اللفت

[معماري قطري]

سويت مقترح فيه الدرج دائري ومقترح ثاني فيه الدرج مثمن .. الدائري عجبني باحطه ألحين والمثمن إن شاء الله بعدين

وسعت شوي المدخل بدل بابين خليت باب وحولت باب المجلس برا تحت المظلة ولو حبينا نقدر نمد الدرج برا شوي ونحط باب ثاني يسكر الليوان ويستوي عندنا باب وبعدين باب الصالة وفي الوسط المجلس .. الأبواب المعزولة واليو بي في سي عزلها جيد ويكفي باب واحد

http://i.imgur.com/5wlnFH2.png

تعديل ثاني صوب المطبخ واضافة المخزن مكان الدرج وعمل المصعد مثل قبل بس بدون الدرج .. الدرج من الأرضي للأول بيكون دائري وكل عتبة 14 سم مريحة جداً

الدور الأول بيكون شبه مفتوح على الأرضي ببيت الدرج والزراعة في وسطه أو شلال أو نافورة .. الزراعة ممكن النور لها يكون قليل خصوصاً لو سوينا بنتهاوس يغطي على الشمس ولو ما سوينا بيكون كفاية بإذن الله لزراعة ما تحتاج نور قوي ووايد

http://i.imgur.com/r1G8Iz8.png

طلع عندنا مجال بعد نسوي مخزن تحت الدرج المتجه للبنتهاوس

وهذا مقترح البنتهاوس .. فكرت لو خليت السكايلايت نازل وسيدة بقواطع ألمنيوم ومايل شوي لتصريف الماي بيكون أرخص وشكله بيبين حلو من داخل والدائري ممكن بس صعب ويحتاج قص للزجاج وشغل أكثر

ممكن نخليه فوق سقف البنتهاوس وما بنستفيد من النور الا وقت الظهر وحول الظهر قبل وبعد بشوي

http://i.imgur.com/o2oQCn1.png

[sweet qatar]

يصير حتى لو جزئي والزجاج ينور الصالة الوسطية هذي وحتى في الوضع الحالي ممكن نسوي واجهات زجاجية طويلة أو بكامل طول الحائط تتخللها أرضية الدرج بس .. يعني تكون عدة درايش من فوق لتحت .. حتى ممكن تحريك بيت الدرج جهة الحوش لو نص متر ونسوي الزجاج من الجوانب أو نركب قلاس بلوكس ( طوب زجاجي ) يعطينا نور بدون رؤية وخصوصية ولا نسوي قزاز محبب وفي جزء بسيط نخليه شفاف ممكن يشوف منه اللي داخل الخارج .. ممكن نركب زجاج مرسوم عليه أو ملون ومعشق .. وممكن نسوي سكايلايت هرمي وشفاف مفتوح في أعلى سقف بيت الدرج

نقدر مثل ما قلتي نخلي المصعد في الوسط .. سواءً كان مربع وحتى بمقاس كبير 3 في 3 وإحنا محتاجين لأربع أو 6 أشخاص ولازم المالك يقرر شيبي ويشوف شركة المصاعد أول بأول ويضمن الرسم المبدئي المصعد اللي اختاره

انا كان تفكيري في هذا مسك العصا من النص بعمل الحديقة الداخلية أو النافورة في المدخل ووراها المصعد على نفس الخط .. كذلك ترك الفراغ الوسطي شفاف أكثر بدون عوائق كبيرة كالدرج .. كذلك ترك الدرج في مكانه مربع الشكل مع درابزين نصفي في جهة واحدة أو بعمل الدرابزين عبارة عن حائط خرساني بسمك 7 سم وفيه فتحات مزخرفة بمشربيات جي ار سي أو حديد مشغول أو جبس .. في طرف الحايط الخرساني مسكة درابزين خشبية أو معدنية

صاحب التصميم متواصل معاي على طول وعجبه النقاش وعجبه التصميم الأخير مع الحديقة الوسطية

وانا شاكر لج اختي تواجدج الدائم ونقاشج المفيد .. باسوي المقترح اللي تبينه بالدرج في الوسط لاف بطريقة دائرية أو لاف بطريقة مثمنة فقط كفكرة ثانوية لتعدد الاختيارات وباخلي منطقة الدرج لمخزن كبير وفي وسطه باب اللفت


الشكر لك استاذي على سعة صدرك و طولة بالك وتقبلك للافكار


و الله يوفقك انت والمالك و توصلون لافضل نتيجة مع التصميم


حبيييييت الدرج الدائري وايد و متشوقة اشوف المثمن


عجبني تعديل المدخل ..

احب فكرة التراس و اشوف ناس وايد يفضلون الجلوس في هالمكان حتى لو كان المكان صغير
خصوصا كبار السن



باقي بس نشيل الستور الي شكله مثلث لان خلاص عندنا ستور كبير عند اللفت

[معماري قطري]

العفو إختي سويت

بالنسبة للمخزن المثلث هذا مفكر فيه من البداية بأن ينقسم لجزئين جزء لمواد التنظيف وجزء غرفة للوحة الكهرباء .. ولو توافق كهرماء ممكن ناخذ جزء بسيط قرب اللفت للوحة الكهرباء ويكونون فوق بعض في الدور الأرضي والأول والبنتهاوس ويبقى المخزن المثلث لمواد التنظيف بس

شغال حالياً على الواجهة الرئيسية ما كملت تفاصيل المثمن والاثنين فيهم ملامح حلوة ونقدر نخليهم جميلين .. المثمن ممكن نسويه بدرابزين طابوقي + خرساني بسمك 10 سم لتخفيف تكلفة الدرابزين ولإعطاء شكل شبه مسكر مع عمل فتحات كبيرة مربعة أو دائرية فيها تشكيلة جي ار سي واضاءَة مخفية والدائري طلع معاي عرض العتبات مناسب جداً القصير حول 25 والطويل حول 55 سم والمتوسط 35 وارتفاع العتبات 12 سم .. يعني الياهل يركض عليه بكل سهولة

على التصميم هذا وفرنا مساحة للمخازن وهي مهمة وخسرنا الانفتاح الشبه كامل للصالة الوسطى

[sweet qatar]

العفو إختي سويت

بالنسبة للمخزن المثلث هذا مفكر فيه من البداية بأن ينقسم لجزئين جزء لمواد التنظيف وجزء غرفة للوحة الكهرباء .. ولو توافق كهرماء ممكن ناخذ جزء بسيط قرب اللفت للوحة الكهرباء ويكونون فوق بعض في الدور الأرضي والأول والبنتهاوس ويبقى المخزن المثلث لمواد التنظيف بس

شغال حالياً على الواجهة الرئيسية ما كملت تفاصيل المثمن والاثنين فيهم ملامح حلوة ونقدر نخليهم جميلين .. المثمن ممكن نسويه بدرابزين طابوقي + خرساني بسمك 10 سم لتخفيف تكلفة الدرابزين ولإعطاء شكل شبه مسكر مع عمل فتحات كبيرة مربعة أو دائرية فيها تشكيلة جي ار سي واضاءَة مخفية والدائري طلع معاي عرض العتبات مناسب جداً القصير حول 25 والطويل حول 55 سم والمتوسط 35 وارتفاع العتبات 12 سم .. يعني الياهل يركض عليه بكل سهولة

على التصميم هذا وفرنا مساحة للمخازن وهي مهمة وخسرنا الانفتاح الشبه كامل للصالة الوسطى


ان شالله ما في خسارة

وهني دور المالك يحدد الشي الاقرب لتصوره او رغبته في البيت و يعكس ذوقه


بالنسبه للمخزن المثلث نلغيه عشان نعوض المساحة الي خذناها للدرج .. ما فهمت قياسات الدرج بس اعتقد درج حجمه متوسط بيكفي وبيكون عنصر جمالي تدور حوله غرف البيت

و طبعا ممكن نبرز جماله اما باستخدام مواد جلوسي تعكس الضوء او بتصميم متكرر مرتبط باي شي في البيت مثل ديزاين الكورنيش و غيره


و ممكن نستبدل المدخل الي لغيته بالمدخل الموجود اذا كان وايد قريب من الدرج بعد عشان يكون المنظر شرح


انا تخيلت الدرج ككتلة كاملة منحوتة بنقوش مفرغة من فوق لتحت و باضاءات مخفيه على الستايل المعاصر contemporary
او المودرن


او ممكن تغطية بعض الاجزاء بالمرايا المحفوره .. كتعويض للمساحه الي خذها الدرج


اتوقع الدرج المثمن بيكون بعد حلو و اسهل في المعالجة للتصميم الداخلي

ولو كان على منصة من درجتين بيكون واااااو


بالنسبه لارتفاع العتبات .. الي يسمونه القائم في الدرج اسمح لي اخالفك في هالنقطة
جدا جدا متعب

لا تفكر في الياهل فكر في الكبار الي بيركبون الدرج خصوصا اذا الوحدة لابسه كعب عالي "الله يعزكم"

:(

[معماري قطري]

ان شالله ما في خسارة

وهني دور المالك يحدد الشي الاقرب لتصوره او رغبته في البيت و يعكس ذوقه


بالنسبه للمخزن المثلث نلغيه عشان نعوض المساحة الي خذناها للدرج .. ما فهمت قياسات الدرج بس اعتقد درج حجمه متوسط بيكفي وبيكون عنصر جمالي تدور حوله غرف البيت

و طبعا ممكن نبرز جماله اما باستخدام مواد جلوسي تعكس الضوء او بتصميم متكرر مرتبط باي شي في البيت مثل ديزاين الكورنيش و غيره


و ممكن نستبدل المدخل الي لغيته بالمدخل الموجود اذا كان وايد قريب من الدرج بعد عشان يكون المنظر شرح


انا تخيلت الدرج ككتلة كاملة منحوتة بنقوش مفرغة من فوق لتحت و باضاءات مخفيه على الستايل المعاصر contemporary
او المودرن


او ممكن تغطية بعض الاجزاء بالمرايا المحفوره .. كتعويض للمساحه الي خذها الدرج


اتوقع الدرج المثمن بيكون بعد حلو و اسهل في المعالجة للتصميم الداخلي

ولو كان على منصة من درجتين بيكون واااااو


بالنسبه لارتفاع العتبات .. الي يسمونه القائم في الدرج اسمح لي اخالفك في هالنقطة
جدا جدا متعب

لا تفكر في الياهل فكر في الكبار الي بيركبون الدرج خصوصا اذا الوحدة لابسه كعب عالي "الله يعزكم"

:(

إرتفاع العتبات 12 سم والقياسي 15 .. 12 سم وايد مريح ويستخدم لعتبات المداخل لأن عندنا مساحة .. هنا مع المساحة الشبه محدودة عندنا حرية نخلي الارتفاع 4.06 متر والعتبات 12 سم وعددها 29 عتبة وغالبيتها لافة الا اللي في البداية .. صافي على الأقل بيكون عندنا الارتفاع 3.8 ونقدر نشيل 40 سم للدكتات ونسوي جبس طبقات ونصفي على ارتفاع 3.4 أو 3.3 شامل الجبس

المخزن المثلث مخفي منطقة خاصة شبه مغلقة .. ممكن تكون الغرفة مكتب قريب من المجلس وممكن حتى نغلق الممر بباب يخلي للمكتب اللي موضح على انه غرفة خصوصية .. وحتى لنفترض الغرفة خاصة بضيف

وبعدين نحتاجه لمواد التنظيف وللكهرباء .. كفاية المنطقة من الصالة والممرات حولها مفتوحة والدرج شبه مفتوح والمطبخ حتى بقوس مفتوح ولازم شوي نخلي خصوصية

بسهولة أقدر اشيل المخزن وباسوي هذا الشيء كحل ثانوي بس لازم نحتاج منطقة خاصة .. الجلسة اللي في الزاوية لألعاب الأطفال وهم صغار والبارتشن قزاز يبينون من وراه ولين كبروا تتحول جلسة تلفزيون ثاني للي يحبون برامج معينة والجلسة المفتوحة لبرامج غير .. وممكن الجلسة المغلقة تكون لألعاب الفيديو والانترنت أو حتى مكتب لدراسة العيال

[sweet qatar]

اول ما تعلمت ادرس قياسات الغرفة ومنها الدرج

كنت اخذ عدتي معاي و اقيس كل شي في بيوت الأهل

و تذكرت بيت الدرج فيه كشكل روعه حجمه كبير ماشالله وكله مزخرف و مذهب و مغطى بموكيت مشجر

الارتفاع اقل من الستاندرد الي هو ظ،ظ¥

اذكر كان حروة ظ،ظ£.ظ¥

من تجربتي الشخصية ما حسيته مريح .. لكن انت اخبر مني في هالامور





المخزن المثلث يا طويل العمر بيكون مكانه بارتشن ديزاينه مثل الي بيكون في الدرج

يبدأ من طرف الطوفة لين يغطي الغرفة يكون ممر للضيوف

وبيصير المكان كنه لوبي فندق :)

توزيع الجلسات حلو ماشالله وعملي

تنبيه اخير السقف و الديكور و التأثيث يكون بأي ستايل الا الكلاسيك

[معماري قطري]

خلاص ما نقدر نزعل إختنا سويت قطر

وانا قلت إنج مهندسة ما صدقتي .. ما دام بديتي تقيسين كل شيء خلاص لازم تعترفين

ألحين مركز أكثر على الواجهة وارتفاع السكايلايت اللي فوق الدرج .. بيكون مسطح ومايل يبين من الخارج ومرتفع .. وسقف الصالة العلوية البارزة في المدخل بيكون نازل شوي عن باقي سقف البيت ويبين منه السكايلايت الهرمي .. حتى سور هذا السقف يكون نازل قد نص طابوقة بس وفوقه درابزين ألمنيوم أو حجر أو جي آر سي حتى يبين المنور من وراه خصوصاً في الليل والليتات والعة داخل

مع دراسة الواجهة لازم تجي مقترحات الدرايش وتشكيلتها وتعديل مكانها شوي على المخططات الأرضية

عندي حل كذلك للعزل الخارجي عن الحرارة وكحماية تامة للبيت من الشلوخ بسبب تغير الحرارة .. قربت اخلص يعني على نهاية الاسبوع إن شاء الله

وحتى ما تزعل إختنا الكريمة سويت قطر هذا تطوير لمخططات الدور الأول والأرضي والبنتهاوس باوضحه مع الواجهة الرئيسية لأَن فيها جماليات لازم تتوضح وتنشرح

التعديلات .. حسب اقتراح إختي سويت تم الغاء المخزن المثلث وحسب الرسم النتيجة الزاوية ذي ميتة .. كانت ممكن تكون مع الحائط المائل تداخل أكثر للحوائط المستقيمة بعدة زوايا 0 - 180 و 90 - 270 والميلان 45 درجة ومضاعفاتها يعطي حركة واتجاه غير عن المعتاد 0 - 90 - 180 - 270 ويضيف ال 45 - 135 - 225 - 315 وهي موازين هندسية قبل الاوتوكاد كانت صعبة جداً وتحتاج لفن وحسابات دقيقة ومعقدة .. وهذا الميلان موجود في المدخل وفي كسرة ليوان المدخل واحنا نواصل عليه داخل ونكمل كذلك مع المنور بزواياه المشابهة

كذلك الحائط المايل ممكن نعلق عليه لوحة كبيرة ينتهي الفضاء المفتوح عندها

http://i.imgur.com/bzr8QxQ.png

بالنسبة لغرفة الكهرباء مكانها هذا أفضل مكان واللي فوق تكون فوقها مباشرة وهي شبه وسطية لسهولة التمديدات .. والمخزن برفكتو بالايطالي وبرفكت بالانجليزي

الدور الأول بيكون السكايلايت مرتفع لحد سقف البنتهاوس ( حول 7 متر ) وبيغطي البنتهاوس أكثر والأول أقل بنور غير مباشر أغلب الوقت الا في الظهر ممكن يسطع النور شوي ويوصل لين الدور الأرضي بس بيكون دخوله من تقريباً أَقصى ارتفاع للبيت من 12 متر ل 13 .. وما اتوقع ينفع للزراعة الا أشجار ظل ممكن

غرفة الكهرباء بتكون شبه داخلية ومسكرة بباب وبعده باب يدخل على المخزن الصغير نوعاً ما

http://i.imgur.com/2todXnr.png

[sweet qatar]

:o


الله يعطيك لين يرضيك استاذ معماري .. انا بس اطرح افكاري وانت بخبرتك و المالك برغبته


اتعلم منك عسى الله يبارك لك في علمك

و ان شالله اذا ربي اكرمني و صرت بروفيشنال افيد الناس مثل ما تفيدهم




قواك الله

[معماري قطري]

:o


الله يعطيك لين يرضيك استاذ معماري .. انا بس اطرح افكاري وانت بخبرتك و المالك برغبته


اتعلم منك عسى الله يبارك لك في علمك

و ان شالله اذا ربي اكرمني و صرت بروفيشنال افيد الناس مثل ما تفيدهم




قواك الله

إنتي ما شاء الله عليج وكثير من الأعضاء أكيد على قدر كبير من العلم والفهم في هذا الموضوع البديهي والعلم التطبيقي المنطقي السهل

وأكيد هدفنا جميع من هذا النقاش والعرض مساعدة المالك لإتخاذ قرار مناسب يفيده أكثر .. بس دوم كثرة الخيارات تضيع المالك وما ننسى مع وجوده مع استشاري بعقلية غير ومعاه مهندسين خدمات ثانيين يكون التغيير بعد من قبلهم أوقات كثيرة يخرب كل اللي تم في هذي الفترة

الله يوفق وبنشوف شيصير وإن شاء الله المالك ما يتشتت تفكيره

[معماري قطري]

مقترح للواجهة الأمامية أتمنى يطلع واضح ويوضح الفكرة

هنا ممكن نسوي فريم مفتوح حول السكايلايت المائل بس عندي طلع الإرتفاع زائد عن المسموح بسبب ارتفاع هذي التشكيلة المشابهة للبادقير .. ومثل ما سمعت البادقير عندنا ممنوع بنيانه لأَنه دخيل على تراثنا من فارس

النوافذ بعرض 1.6 متر والصغيرة 1.2 متر وفي الجهات الثانية ممكن نكبر بعضها حسب الاطلالة .. وممكن نضيف دريشة ثانية قرب المدخل للصالة

البرزنتيشن المفروض يكون شوي غير لأن البادقير يجي لاف 45 درجة وتجي معاه تشكيلة الزوايا لافة وكان صعب اسويها الا ثري دي والثري دي قصته قصة ثانية لا البرنامج مجهز له ولا الكمبيوتر كذلك .. المهم الصورة تكون واضحة والمكتب الاستشاري يطبقها صح

http://i.imgur.com/YQekHr2.png

[معماري قطري]

هذا المقترح بارتفاع 13.5 متر المسموح

انا خليت سقف صالة التلفزيون شوي نازل والسور صوبه نازل حتى يبين السكايلايت الهرمي وتبين خطوط السقف المتقطعة الحمرا .. عندنا إرتفاع الصالة صافي حول 3.4 وباقي الغرف والصالة الوسطية حول 4.1 متر .. نقدر نسوي جبس نازل ونركب دكت سبلت بدون مشكلة لكل مكان

http://i.imgur.com/bjDBgj3.png

يسار الباب لو تكون فيه دريشة اضافية للصالة تطلع أحلى وتطل على مدخل البيت والباب قزاز بارتفاع 2.4 متر وفوقه مباشرة فتحة قزاز ثابتة للنور

[معماري قطري]

العمودين اللي في المدخل يفترض يكونون لين الثلث سيدة بعدين ينحنون بالتدريج

وهذي صورة مقربة للمدخل توضح ما اقصده

http://i.imgur.com/0Y1Wf1X.png

[معماري قطري]

الزاوية اللي في التقاء الحائط مع الأرضية هذي مفرغة من داخل ولا حد سواها مفكر اخليها ثيم تصميم لبيتي الجديد وأول مرة اعرضها هنا .. صعب تنفيذها عند أكثر محلات الجي ار سي بس محل متمكن أكيد بيسويها .. المقاول مواعدني ينفذونها حسب الرسم وللحين ما وصلتني

[sweet qatar]

ماشالله جمال

بس ما فهمت فكرة الزاوية الجديدة


ان شالله نشوفها عقب ما تتنفذ يمكن افهمها

[معماري قطري]

ماشالله جمال

بس ما فهمت فكرة الزاوية الجديدة


ان شالله نشوفها عقب ما تتنفذ يمكن افهمها

هذي إختي كانوا يسونها قبل بالفرجار عبارة عن تقاطع 5 دوائر .. كان الفرجار حديد وكبير ويخطون به على قطعة من الجص ( كتلة ) ويقطعونها حسب خطوط الفرجار بالنحت أو يسونها في قوالب خشبية مع تطور الزمان ويستخدمونها كزوايا بين السناطوين ( الأعمدة ) .. ناس يسمونها القمرية لأَنها تمثل مراحل من مراحل القمر وما ادري إذا لها تسميات أُخرى .. وهي عنصر تصميم تراثي قطري ومستخدم في الخليج وأكيد له جذور في دول أُخرى

هذي صورة ثلاثية الأبعاد بس بدون إضاءَة وتصوير متكامل كانت بتبين كحقيقية .. التغيير فيها إنه تم تفريغ الجسم الداخلي بحدود إطار 4 سم سمكه وطلعت لنا هذي الأشكال القريبة من الورقية

http://i.imgur.com/ZlgWPAp.png

بالنسبة لتقاطع الدوائرباشرحه مرة ثانية إن شاء الله بس هي عبارة عن دوائر كل وحدة محيطها يمر في مركز الثانية ويكونون مصفوفين على خط بزاوية 45 درجة .. وعندنا في سوق واقف نوعوا منهم بطرق ثانية ومب على خط مستقيم يكونون جايين مقوسين .. شرحها يطول واحتاج للرسم وبغيت ارسم بس وقف عندي البرنامج وبند

[معماري قطري]

بالنسبة للتفاصيل كثيرة لأَي شغلة ودوم يدخل فيها الشراء المباشر والعينات الموجودة ممكن تسد عن شغلة تصمم وتنفذ خصيصاً لهذا المشروع .. أولاً ترفع التكلفة وتكون مغامرة مع جهات التنفيذ التعيسة .. وثانياً بتاخذ فترة طويلة لتتنفذ

الوضع السهل الآن هو تنفيذها بالفوم المشكل والملبس شبك وعليه طبقة بلاستر حماية وصبغ

[sweet qatar]

اااي فهمت تقاطع الدوائر


نفس الفكرة في ديزاين ثاني كان منتشر على البيبان الحديد في وسط الدوحة


اللي اربع دوائر يتقاطعون في النص و يطلع الديزاين مثل الوردة

[معماري قطري]

اااي فهمت تقاطع الدوائر


نفس الفكرة في ديزاين ثاني كان منتشر على البيبان الحديد في وسط الدوحة


اللي اربع دوائر يتقاطعون في النص و يطلع الديزاين مثل الوردة

صحيح بس ذي الجزء الداخلي فراغ ويعطيها شكل جديد .. أشوفه بيطلع حلو خصوصاً مع الاضاءَة وما اتوقع حد سواه قبل

[sweet qatar]

صحيح بس ذي الجزء الداخلي فراغ ويعطيها شكل جديد .. أشوفه بيطلع حلو خصوصاً مع الاضاءَة وما اتوقع حد سواه قبل


يعني الاضاءة بتكون داخل التجويف ؟؟


شششششي ... ماشالله فعلااا ابداااع


ما قد شفته مجوف

[معماري قطري]

صاحب التصميم طلب بس دورين بدون بنتهاوس وفي هذي الحالة بتنزل المساحة والتكلفة كثير وبتكون عندنا حرية إننا نخلي المنور الكبير مسطح ونازل قريب من مستوى السطح + ممكن يكون عندنا تشكيلة بادقير بارتفاع أقصى للبيت 13.5 متر وهو المسموح

مساحة بنيان الفيلا بتقل لقريب ال 700 متر مربع

http://i.imgur.com/H7wSgKc.png

[معماري قطري]

ولو حبينا نسوي المنور هرمي ومن الجوانب جدران قزاز بارتفاع مناسب أو نسويه سيدة ومرتفع يبين من بعيد ممكن بعد .. ويكون محمي ومدعم بأعمدة البادقير وبيعطينا شكل جمالي للبيت من داخل وبرا خصوصاً الإنارة بتنعكس عليه من داخل في الليل

عارف الاختيارات كثيرة وتحتاج قرار ونقاش مع المكتب الهندسي قبل تنفيذها والله يعين المالك ويوفقه للقرار السليم ولمكتب ينفذ الرسومات صح مع باقي التخصصات مثل الانشائي والكهرباء والميكانيك

في الرسمة الأخيرة المصعد المفروض يوقف في الدور الأول وللسطح بس نواصل بالدرج وبتكون عندنا مساحة تخزين مناسبة فوق

[معماري قطري]

البنتهاوس أو بيت السطح للبيت مكسب مب خسارة والبيسمنت خسارة أكثر منه مكسب .. الأسباب إن بنيان البنتهاوس سهل جداً وعلى الموجود وتكلفته تساوي ثلث البيسمنت وأقل وبدون مشاكل تسريب مياه وعزل مكلف .. وحتى لو ما نحتاجه في الوقت الحالي نشطبه تشطيب عادي ونتركه لوقت الحاجة

مع وجود المصاعد وانتشارها سهل نعمله معزول عن الدور الأول وسهل نتركه مقفول إحتياط والمهم بنيانه مع البنيان الأساسي وليس فيما بعد .. لأَن لو بنبنيه بعد السكن بندخل في شغل مزعج وصب خرسانات واحتمال مشاكل أكثر حتى انشائية

ما ادري ليش رجعت افكر في الوضع اللي وصلنا له بدون بيت سقف وشفت اعيد الترتيب أفضل .. المالك الحالي يمكن ما يحتاجه لكن للكل ما دام وصلت المساحة 682 نزيدها 120 ونستفيد أكثر

تم فصل برج المنور .. او البادقير عن باقي البنيان وتصغير المساحة حول 15 متر مربع

http://i.imgur.com/5uyXYWt.png

[معماري قطري]

وهذا الدور الأرضي حسب الوضع الأفضل من رأيي تم تعديل قوس المطبخ بتعريضه ل 40 سم وكذلك دورة المياه جنب المطبخ .. وزيادة عمود في الصالة وممكن هذي الأعمدة تتركب عليها زوايا مثل الخارجية

http://i.imgur.com/9c1sPNZ.png

[معماري قطري]

رأيي لتطوير التصميم هذا وغيره كذلك من التصاميم إننا نركز على العزل الحراري للمبنى أو المنزل وندمجه مع التصميم الإنشائي

ولو افترضنا إن أرخص طريقة للعزل الحراري هي عمل الحوائط كما هي والأعمدة مخفية في الحوائط .. يعني يبقى التصميم كما هو فوق بس نضيف له بدل البلاستر الخارجي مباشرة على الطابوق صبغ بتومين للحماية من الرطوبة وفوقه ألواح بوليسترين تتثبت بلاصق ثم ببراغي بلاستيكية خاصة أو حديد غير قابل للصدأ .. وبعده شبك بلاستيك ببلاستر خاص وطبقات حماية وصبغ خارجية .. هذا بيعطينا عزل جيد وشكل سيدة يغطي أي عيوب في تركيب الطابوق .. كذلك ممكن نركب فرزات حجر بسيطة أو بعض القطع من البوليسترين المشكل لتزيين النوافذ أو عمل إطارات .. حتى التشكيلات والأقواس هذه اللتي في رسومات الواجهة ممكنة وبسهولة

نجي لإِدخال عناصر الديكور في التصميم الداخلي .. وانا اتكلم بنفسي لو كنت انا المالك وانا دوم اسوي هذي الكسرات التجميلية من أساس التصميم المعماري ما اتركها للصدفة وبعدين .. الفراغات عندنا اتصالها بأقواس أو أبواب أو بعض الفراغات فيها الحائط مستقيم وفجأة منحرف بزاوية منفرجة .. الأبواب معروفة بتكون خشب بفريم معين وبرواز أو ألمنيوم أو يو بي في سي .. المهم بتكون مغطية الفتحة وجوانبها .. بالنسبة للأقواس ممكن عملها بفريم خشب بس انا فكرتي لها هنا مع الزوايا اللي في الحوائط مع بعض التجويفات الجدارية نخليها ببلاستر وصبغ ونسويها بطريقة كسرة معينة

مثلاً الأقواس اللي لمدخل المغاسل ولمدخل المطبخ انا سويتها عريضة .. بعرض 40 سم بدل 20 سم المعتاد تعطي فخامة أكثر وبتكون أجمل وممكن نسوي في زواياها كسرة 8 سم من كل جهة وبدايتها تكون فوق النعلة بشوي ونهايتها قبل التفاف القوس أو في ارتفاع 2.2 متر اللي هو ارتفاع الباب وبعدها ممكن القوس يرتفع أكثر بما إن عندنا إرتفاع كل دور يوصل ل3.7 وزيادة .. بس لازم نحسب نزول الجبس وننسق ارتفاع القوس معاه .. قصدي راس القوس وكتف القوس ما بيكون تحت مترين وعشرين سم

هذي صورة توضح بعض الكسرات أو الفرزات وبعضها سيدة وبعضها دائري مقوس ومثال لكسرة نصف دائرية لوضع اصيص ورد داخلها وانارة مخفية

http://i.imgur.com/VJ71yDP.png

[معماري قطري]

مع التصميم نقدر نشوف كثير من هذي الأماكن اللي تعكس حياة أكثر للجدران بدال الشكل المستقيم المصمت .. فعندنا أعمدة دائرية وفوقها جسور وفي زاوية الالتقاء ممكن يكون تاج عمود من نوع معين أو ممكن يكون دائري مبسط وأعلاه زاوية مثل اللي استخدمناها في المدخل والبادقير ( القمرية )

المخزن المثلث حوائطه بسمك 10 سم وهو لأدوات التنظيف أساساً ومكينة الهوفر .. وحايطه المائل القريب من الدرج ممكن يكون معلقه عليه لوحة كبيرة مضاءَة أو نقدر نحط عليه سجاد مزخرف خاص بالحوائط .. ولو حبينا أكثر نقدر نخلي سُمك الحائط 15 سم أو 20 سم ونسوي فيه جزء كبير بسمك 10 سم وداخل عن المستوى العادي حول 5 سم كبرواز لهذي القطعة .. وممكن يكون برواز باطارات خشبية .. وممكن بدال صورة وحدة كبيرة تكون عدة صور على خلفية خشبية

نفس الشيء عندنا بروز مكان المصعد معطيه أهمية أكثر من باب المخزن جنبه وممكن أطرافه تكون قرانيت وبابه زجاج يعطي شكل واضح وجذاب

ولو كررنا هذي الزوايا للخارج بعمل أعمدة الزوايا عريضة .. نقول مثلاً بعرض 30 سم وبارزة للخارج ممكن نسوي الزاوية مقوسة جهة الداخل ومسننة من أعلى متناغمة مع تشكيلة الأقواس وبحيث تكون طولية من تحت للأعلى لقرب صبية سقف البيت .. عندنا 7 زوايا قائمة خارجية للبيت نقدر نسوي فيها هذي التشكيلة وكل اللي تحتاجه شغل بسيط بالبلاستر

[معماري قطري]

يعني الاضاءة بتكون داخل التجويف ؟؟


شششششي ... ماشالله فعلااا ابداااع


ما قد شفته مجوف

اللي اشتغلوا على سوق واقف سووا أشكال كثيرة بعضها قريب من السائد القديم اللي يعتمد على الفرجار بدوائر متساوية وبعضها بطريقة ثانية

باشرح الطريقة المتساوية

هذي 5 دوائر متقاطعة وخطين يحددون زاوية القمرية ينصفون الدوائر الأُولى والأخيرة ( هذا درس للي يشتغلون اوتوكاد وحتى ممكن يسوون اكستروجن بعد ما يحولونها ل P-line ويحولونها ثري دي أو يسوون اوفست ويسوون التجويفات ومنها يقدرون يحددون الأبعاد المناسبة )

http://i.imgur.com/GrpjyST.png

وهذا تقاطع الدوائر موضح بالأحمر

http://i.imgur.com/nZjs5Kf.png

والطرق الثانية كلها تمتد من هذي الطريقة .. منها عمل قوس ووضع الدوائر عليها وتعطينا الشكل المقوس ومنها زيادة عدد الدوائر وتعطينا أشكال ثانية بس هذا الشكل الأساسي .. انا اتجهت للعمق وعملت التجويف الداخلي كشكل محدث

[معماري قطري]

ما دمنا نحن في موضوع مراجعة التصاميم ومراجعة التصاميم يفترض تكون خطة متواصلة للبناء والمواصفات وتفاصيل التنفيذ واختيار المواد باتكلم شوي عن الخيارات والأسئلة المعتادة من الغالبية

كثيرين يسئلون شنختار لأرضية الحوش .. ودوم أكرر الإجابة بأن هذي الأرضية صغيرة لغالبية المنازل على فرض الأرض 1200 ومسطح البيت بياخذ 400 من هذي المساحة تبقى 800 وتروح منها حول 100 للملحق وغرفة السائق .. نصفي على 700 متر مربع ومنها يروح الكثير لأَحواض الزراعة وتتبقى عندنا حول 500 متر وأوقات تقل

هذي ال 500 متر يفضل نتعامل معاها بحيث تكون قوية وتخدم لفترة طويلة .. وللقوة يتوجب نسوي صبية خرسانة تحت أي نوعية من البلاط ونستخدم دفان بحجارة صغيرة ناتج من حفر الموقع ونحط فوقه طبقة بلاستيك سميكة أو طبقتين لضمان عدم تسرب الأملاح من تحت للخرسانة واضعافها بسرعة .. الخرسانة هذي في يدنا تقويتها بشبك حديد يكون قريب من وسط سمك الخرسانة حتى يعمل في الاتجاهين .. الأعلى وهو انتفاخ الأرضية تحت لأَي سبب كالرطوبة والأسفل بسبب الوزن .. كما أن وضع الشبك متوسط يعمل له غطاء كافي من كل الجهات حتى لا يصدأ الحديد وتتكسر الخرسانة حوله

الحل الثاني تقوية الخرسانة بالفايبر أو المقويات الأُخرى وهذا حل أسلم وأرخص من الحديد

نوعية البلاط ممكن نركب انترلوك جيد أو بلاط شعبي بكسر رخام أو حتى البلاط الشعبي العادي .. لكن نصيحة التوفير في سعر البلاط ما يستاهل ويكون قليل لأَن المساحة صغيرة .. الحجر البازلتي بقراوت خاص يعبي كل الفجوات أيضاً حل مناسب وكسر الرخام المداخلة في بعض أيضاً حل مناسب كذلك .. ولو حبينا الزراعة فوق هذي الصبية الخرسانية لازم نعزلها ببتومين ونركب بلاستيك سميك فوقها وبعده نحط قوالب خاصة لحفظ التربة وينزرع العشب فيها وتدوسه السيارة ولا تتأثر القوالب والعشب يبقى ينبت ويتأثر بعضه بدوس السيارة واللي وسط القالب يعيش

[عبدالله العلي]

جعله منزل مبارك
جعله عامر و تتهنى فيه ومن يسكنه هاني


اشوف ان الأبواب كثيره

[معماري قطري]

جعله منزل مبارك
جعله عامر و تتهنى فيه ومن يسكنه هاني


اشوف ان الأبواب كثيره

الله يهني الملاك جميع ويوقفهم في تنفيذ تصاميمهم على أفضل وجه

عن أبواب الحوش صحيح هذي كانت ملاحظتي لكن بعد ما رتبت مواقعها اشوف بتكون مناسبة خصوصاً الأرض على شارعين واستوى الحوش مقسوم لجهة خدمات ومدخل رسمي

[معماري قطري]

محد يبغي مراجعة تصميم حتى لو توزيع أثاث موجود وفي الخدمة؟

[بانغ بانغ]

ما شاء الله عليك هندسة

بابني قريب وباستعين بكم

[معماري قطري]

ما شاء الله عليك هندسة

بابني قريب وباستعين بكم

والله حياك الله والله يوفقك

[H_ViP]

يعطيك العافيه

[معماري قطري]

يعطيك العافيه

الله يعافيك اخوي

[boahmed87]

استفدنا منك في اشياء كثيره
جزاك الله خير

[معماري قطري]

استفدنا منك في اشياء كثيره
جزاك الله خير

الله يجزاك الجنة

موضوع التصميم موضوع مستمر ومتغير وعلى قد ما تعطي التصميم وقت على قد ما تحصل خيارات أكثر وبعضها ممكن أفضل .. وكل تصميم لازم يختلف عن الثاني وله ظروفه

[معماري قطري]

الأخ العضو boahmed87 أرسل مخططاته لدراستها وابداء الملاحظات عليها وهي كالتالي قبل أي تعديل أو مقترحات ومساحة بناء المنزل 800 متر مربع تقريباً + مساحة الملحق + غرفة السائق اللي مساحتها تساوي حول 90 متر مربع اضافية

هذا الدور الأرضي مع توزيعة الحوش

http://i.imgur.com/II2Na5X.png

وهذا الدور الأول

http://i.imgur.com/uuRt2I2.png

وهذا دور السطح

http://i.imgur.com/PG7e45S.png

الملاحظة المبدئية عندي إن الدرج متواصل للسقف وبهذا الشكل المكلف بالاضافة للدرابزين المكلف أيضاً وفي النهاية بيوصل لغرفة وحدة صغيرة وستور في السقف .. ولو سوينا دور السقف شوي أكبر ويتكون من غرفتين وألغينا الصالة الوسطية والدرج الوسطي المستمر لفوق وقطعناه من الدور الأول بيكون عندنا توازن أكثر .. ممكن نسوي درج خدمات بسيط من المطبخ للأول للسقف .. والمصعد نوصله للسقف .. الدرج البانورامي نخليه بس من الأرضي للأول .. ونسوي قبه فوقه وممكن حتى فوق الجلسة فوق أو منور بشكل هرمي

بالنسبة للحوش مب مقتنع به ويحتاج ترتيب أكيد وأتمنى ملاحظاتكم في التصميم ويشاركنا إن شاء الله صاحب التصميم حتى نوصل لحل مرضي وأفضل

[معماري قطري]

دور السقف ماخذ مساحة 30% والمسموح لحد 40% ولو قللنا مساحة الصالة المفتوحة وبيت الدرج ألغيناه فوق وسوينا أصغر ممكن نسوي غرفتين مع حماماتهم ومخزن

[معماري قطري]

نسيت المباركة للجميع بهلال شهر رمضان الفضيل

وكل عام وأنتم بخيــــــــــــــــر

[سالم الزهران]

كل عام ونت طيب بوعبد الله ، ونحمد الله اللي بلغنا واياك هذا الشهر الكريم

[معماري قطري]

كل عام ونت طيب بوعبد الله ، ونحمد الله اللي بلغنا واياك هذا الشهر الكريم

الحمد لله والله يعيننا على صيامه وقيامه ويرزقنا القبول

[boahmed87]

نسيت المباركة للجميع بهلال شهر رمضان الفضيل

وكل عام وأنتم بخيــــــــــــــــر


وانت بخير ومبارك عليكم الشهر مشكور على طرح موضوع التصميم ننتظر راي الاعضاء حاليآ بخصوص الحوش الفكره منه يمين الملحق بتكون في بركة سباحة وقدام مدخل البيت حديقة غرفة السايق حاليآ افكر اخليها في الزاوية يسار وفتح باب السيارات من بعد الغرفة الدرج الداخلي للدور الاول ودرج ثاني من المطبخ للخدمات

ويعطيكم العافية ...

[معماري قطري]

وانت بخير ومبارك عليكم الشهر مشكور على طرح موضوع التصميم ننتظر راي الاعضاء حاليآ بخصوص الحوش الفكره منه يمين الملحق بتكون في بركة سباحة وقدام مدخل البيت حديقة غرفة السايق حاليآ افكر اخليها في الزاوية يسار وفتح باب السيارات من بعد الغرفة الدرج الداخلي للدور الاول ودرج ثاني من المطبخ للخدمات

ويعطيكم العافية ...

إخوي بو أحمد هذا التصميم صعب شوي والله يعينك عليه .. لو تشوف التصميم المقارب لهذا كان أدق ومدروس صح .. بعدين إذا أرضك مب على زاوية يناسبها أكثر التصميم المستطيل .. أعرف إثنين من الإخوان يبنون تصميم مقارب والله يعينهم مكلفهم كثير ومطول بنيانهم واقدر اسئل لك كم كلف تقريباً البنيان للحين

انا بديت اعدل واضيف درج الخدمات وافكر في توزيع المساحات وأهم شيء عندي أحاول أرتب الحوائط فوق بعض حتى يكون النظام الإنشائي خفيف وغير مكلف بس مقتنع أكثر بالتصميم اللي سوينا فيه درج دائري في الوسط تقدر تشوفه تاخذ فكرة في هذا الموضوع

[معماري قطري]

ما ادري شخطتك للارتفاعات والتكييف .. انا نصيحتي تخليه سبلت وفي بعض الأماكن الواسعة المعلق في السقف .. وتحافظ على ارتفاع 3.5 متر لكل دور من أرضية لأَرضية يعني صافي بيطلع لك حول 3.2 .. لو تحتاج أكثر بتكون حسبة عتبات الدرج أكثر أو عددها بيزيد .. ألحين عندك 25 عتبة بإرتفاع 14 سم وهو مريح

[sweet qatar]

السلام عليكم ، وكل عام وانتوا بخير


استاذ معماري رجاااااءً غير اللون الاصفر :weeping:


ملاحظتي الاولى اخوي بو احمد ، ان كنت ناوي تحط بركة لازم تحسب حساب ملاحقها من شاور و غرفة تبديل


والاجمل لو خليت البركة متصلة بالحديقة ، لكن اذا عندك يهال صغار لازم تفصل الاثنين فصل تاااام


بالنسبة لتوزيع الفيلا ، ياليت تعطينا فكره عن احتياجاتك و احتياجات افراد العائلة عشان نقدر نفيد بالي نعرفه

[معماري قطري]

السلام عليكم ، وكل عام وانتوا بخير


استاذ معماري رجاااااءً غير اللون الاصفر :weeping:


ملاحظتي الاولى اخوي بو احمد ، ان كنت ناوي تحط بركة لازم تحسب حساب ملاحقها من شاور و غرفة تبديل


والاجمل لو خليت البركة متصلة بالحديقة ، لكن اذا عندك يهال صغار لازم تفصل الاثنين فصل تاااام


بالنسبة لتوزيع الفيلا ، ياليت تعطينا فكره عن احتياجاتك و احتياجات افراد العائلة عشان نقدر نفيد بالي نعرفه

انا مثلج تحول عيني وانا اقراه .. حاولت اغيره يطلع عندي أحمر ولا يتغير .. هذي رسومات الاستشاري ناقلها كما هي

كنت شغال على تصميم ثاني وألحين إن شاء الله باتفرغ لذيه شوي شوي بنخلصه .. بس صاحب التصميم ما رد على التساؤلات وشكله مقتنع بالموجود والله يوفقه .. دوم نصيحتي للكل لو عندك مساحة معقولة حاول توزعها زين وانتبه لمشكلة مواقف السيارات .. هذي ترفع قيمة البيت وتفكك من مشكلة الحصول على موقف سهل في حال كبروا عيالك وتحتاج لمواقف .. الحديقة الموزعة والتشجير الموزع يبقى الحل المناسب لكثير من البيوت

[boahmed87]

ما ادري شخطتك للارتفاعات والتكييف .. انا نصيحتي تخليه سبلت وفي بعض الأماكن الواسعة المعلق في السقف .. وتحافظ على ارتفاع 3.5 متر لكل دور من أرضية لأَرضية يعني صافي بيطلع لك حول 3.2 .. لو تحتاج أكثر بتكون حسبة عتبات الدرج أكثر أو عددها بيزيد .. ألحين عندك 25 عتبة بإرتفاع 14 سم وهو مريح

هلا اخوي السموحة منك تأخرت عليك بخصوص التكييف سبلت كنت افكر ااذا يصير 5.5 الان 3.5 البيت لي انا في الحين هذا ارتفعة وحس الجبس تقدر تمسكة بيدك و الثريات بس مادري انت طبعآ خبره اكثر مني انا انتظر تعديلاتك على التصميم للافضل واسمحلي بتعبك معاي الان ماعندي خبره كبيره في مجال البناء .

[boahmed87]

السلام عليكم ، وكل عام وانتوا بخير


استاذ معماري رجاااااءً غير اللون الاصفر :weeping:


ملاحظتي الاولى اخوي بو احمد ، ان كنت ناوي تحط بركة لازم تحسب حساب ملاحقها من شاور و غرفة تبديل


والاجمل لو خليت البركة متصلة بالحديقة ، لكن اذا عندك يهال صغار لازم تفصل الاثنين فصل تاااام


بالنسبة لتوزيع الفيلا ، ياليت تعطينا فكره عن احتياجاتك و احتياجات افراد العائلة عشان نقدر نفيد بالي نعرفه

وعليكم السلام

اختي انا كنت افكر نفسج بخصوص البركة ان تكون مكان مصكر والطوفة تكون زجاج ..

بخصوص الاحتياجات اتا حاليآ ماعندي شي غير هاذي الان عيالي صغار يعني حتى الغرف بستخدم بس غرفة وحدة منهم والباقي للمستقبل اذا كبروا العيال ان شاء الله وانا اتقبل منكم اي ملاحظة وتعديل ومشكوره على اهتمامك بالموضوع ...

[sweet qatar]

الله يعطيك العافية اخوي معماري

الظاهر ألوان اللايرات ثابتة عندك في البرنامج




وعليكم السلام

اختي انا كنت افكر نفسج بخصوص البركة ان تكون مكان مصكر والطوفة تكون زجاج ..

بخصوص الاحتياجات اتا حاليآ ماعندي شي غير هاذي الان عيالي صغار يعني حتى الغرف بستخدم بس غرفة وحدة منهم والباقي للمستقبل اذا كبروا العيال ان شاء الله وانا اتقبل منكم اي ملاحظة وتعديل ومشكوره على اهتمامك بالموضوع ...


العفو اخوي ،، هذا واجبنا


ما شجع على تغطية البركة بالكامل ،، اولا عشان ما تخسر الكثير من مساحة الحوش
وثانيا عشان التهوية

ممكن نغطيها جزئيا بحيث يتم المكان شرح و واسع و بما ان حوش البيت جاي على جنب

عندنا خيارات اكثر للتوزيع

واكيد الاختيار المثالي يعتمد على ذوقك و رغبتك

الحين لو نبي نحدد شكل البركة ، نحدد من بيستخدمها اذا كانت للوناسة واللعب نحطها بشكل دائري بحجم متوسط

وان كانت لممارسة رياضة السباحة نحطها بشكل طولي على طرف الحديقة


بالنسبة للفيلا ، المدخل يحتاج تعديل


و ديزاين الدرج و موقعه أشوفه فاصل بين غرف الدور الأرضي

لو خلينا الدرج مكان غرفة الطعام ممكن نعيد التوزيع و نزيد المساحات المفتوحة

والاهم نربط التصميم الداخلي بالخارجي



شرايك ؟ او انت مقتنع بالتصميم بس محتاج تعديل في التوزيع ؟

[معماري قطري]

هلا اخوي السموحة منك تأخرت عليك بخصوص التكييف سبلت كنت افكر ااذا يصير 5.5 الان 3.5 البيت لي انا في الحين هذا ارتفعة وحس الجبس تقدر تمسكة بيدك و الثريات بس مادري انت طبعآ خبره اكثر مني انا انتظر تعديلاتك على التصميم للافضل واسمحلي بتعبك معاي الان ماعندي خبره كبيره في مجال البناء .

كثير إخوي بو أحمد 5.5 هذا يعتبر ارتفاع مزدوج وتحتاج سقالة لتبديل الليتات .. 3.5 بعد كثير انا بيتي غالبيته بعد الجبس 2.8 و 2.9 وفيه 5.6 ارتفاع مزدوج بس جزء واحد وصغير .. ليش اسئلك لو تبي تركب تكييف مركزي أو دكت سبلت حتى ينحسب لك الارتفاع ونقدر نزيده

[معماري قطري]

الله يعطيك العافية اخوي معماري

الظاهر ألوان اللايرات ثابتة عندك في البرنامج






العفو اخوي ،، هذا واجبنا


ما شجع على تغطية البركة بالكامل ،، اولا عشان ما تخسر الكثير من مساحة الحوش
وثانيا عشان التهوية

ممكن نغطيها جزئيا بحيث يتم المكان شرح و واسع و بما ان حوش البيت جاي على جنب

عندنا خيارات اكثر للتوزيع

واكيد الاختيار المثالي يعتمد على ذوقك و رغبتك

الحين لو نبي نحدد شكل البركة ، نحدد من بيستخدمها اذا كانت للوناسة واللعب نحطها بشكل دائري بحجم متوسط

وان كانت لممارسة رياضة السباحة نحطها بشكل طولي على طرف الحديقة


بالنسبة للفيلا ، المدخل يحتاج تعديل


و ديزاين الدرج و موقعه أشوفه فاصل بين غرف الدور الأرضي

لو خلينا الدرج مكان غرفة الطعام ممكن نعيد التوزيع و نزيد المساحات المفتوحة

والاهم نربط التصميم الداخلي بالخارجي



شرايك ؟ او انت مقتنع بالتصميم بس محتاج تعديل في التوزيع ؟

مؤيد لكل اللي قلتيه واشتغلت على توزيعة أفضل .. بس انتي تذكرين التصميم اللي سوينا الدرج فيه دائري .. ملموم أكثر وزين وبيناسب هذي الأرض

إن شاء الله الليلة باشتغل عليه وبنشوف شلون بيطلع

[sweet qatar]

كثير إخوي بو أحمد 5.5 هذا يعتبر ارتفاع مزدوج وتحتاج سقالة لتبديل الليتات .. 3.5 بعد كثير انا بيتي غالبيته بعد الجبس 2.8 و 2.9 وفيه 5.6 ارتفاع مزدوج بس جزء واحد وصغير .. ليش اسئلك لو تبي تركب تكييف مركزي أو دكت سبلت حتى ينحسب لك الارتفاع ونقدر نزيده



ياليت يصير :weeping:


5.5 وايد حلو خصوصا للي يبي ديزاين كلاسيك

بس للأسف البلدية ما ترضى :(

[sweet qatar]

مؤيد لكل اللي قلتيه واشتغلت على توزيعة أفضل .. بس انتي تذكرين التصميم اللي سوينا الدرج فيه دائري .. ملموم أكثر وزين وبيناسب هذي الأرض

إن شاء الله الليلة باشتغل عليه وبنشوف شلون بيطلع


الله يعطيك العافية*

ننتظر ابداعك ونشوف :)

[boahmed87]

الله يعطيك العافية اخوي معماري

الظاهر ألوان اللايرات ثابتة عندك في البرنامج






العفو اخوي ،، هذا واجبنا


ما شجع على تغطية البركة بالكامل ،، اولا عشان ما تخسر الكثير من مساحة الحوش
وثانيا عشان التهوية

ممكن نغطيها جزئيا بحيث يتم المكان شرح و واسع و بما ان حوش البيت جاي على جنب

عندنا خيارات اكثر للتوزيع

واكيد الاختيار المثالي يعتمد على ذوقك و رغبتك

الحين لو نبي نحدد شكل البركة ، نحدد من بيستخدمها اذا كانت للوناسة واللعب نحطها بشكل دائري بحجم متوسط

وان كانت لممارسة رياضة السباحة نحطها بشكل طولي على طرف الحديقة


بالنسبة للفيلا ، المدخل يحتاج تعديل


و ديزاين الدرج و موقعه أشوفه فاصل بين غرف الدور الأرضي

لو خلينا الدرج مكان غرفة الطعام ممكن نعيد التوزيع و نزيد المساحات المفتوحة

والاهم نربط التصميم الداخلي بالخارجي



شرايك ؟ او انت مقتنع بالتصميم بس محتاج تعديل في التوزيع ؟

هلا اختي بخصوص البركة احتمال الغي الفكره وسوي بس حديقة بخصوص الدرج انا معاج مكانه يبيلة تغير التوزيع هذا لي وصلت له اذا عندج توزيع افضل منه ممكن نغير عليه اهم شي عندنا ان نبي الصالة تكون مفتوحة و المطبخ الداخلي مفتوح وصاله ثانية مصكره للبيت ..

[boahmed87]

كثير إخوي بو أحمد 5.5 هذا يعتبر ارتفاع مزدوج وتحتاج سقالة لتبديل الليتات .. 3.5 بعد كثير انا بيتي غالبيته بعد الجبس 2.8 و 2.9 وفيه 5.6 ارتفاع مزدوج بس جزء واحد وصغير .. ليش اسئلك لو تبي تركب تكييف مركزي أو دكت سبلت حتى ينحسب لك الارتفاع ونقدر نزيده

بخصوص الارتفاع انا مادري كم المسموح في البلدية بناخذه منهم واخوي بو عبدالله انا افكر اغير التصميم وسوي واحد ثاني مستطيل انت شرايك ...

[سعود.]

البلدية تقريبآ المسموح 13 متر طبعا يبيلها طلب والسنداره .

واذا انت تابع لبلدية ام صلال ( الله يعينك )

[معماري قطري]

بخصوص الارتفاع انا مادري كم المسموح في البلدية بناخذه منهم واخوي بو عبدالله انا افكر اغير التصميم وسوي واحد ثاني مستطيل انت شرايك ...

لك اعتقد 12.5 متر لآخر سقف البنتهاوس توزعها على كيفك .. في أمريكا تسوي ذي 4 أدوار مبحبحة و5 أدوار اقتصادية .. بس عندنا التعقيد يكون في الدور الأخير وفي فتح النوافذ على جهة الجار فوق الدور الثالث .. يفترض يسمحون بدور ثالث كامل وتكون النوافذ جهة الداخل .. يخلونها صريحة .. ويكون عندنا معدل ارتفاع 4 أمتار لكل دور من أرضية لين مستوى أرضية

[معماري قطري]

هذا مقترح للتصميم المقارب سواءً في المساحة أو الشكل مع توزيعتين للحوش التغيير الوحيد فيهم مكان غرفة السائق ومساحة حوض السباحة

http://i.imgur.com/y6o0CeG.png

[معماري قطري]

هذي أوضح وهذي اللي مرتاح لها أكثر شيء .. يستوي موقف قرب غرفة السائق كذلك لسيارة البيت حتى لو بننزل شيء للملحق يكون قريب وعندنا مساحة لحوض سباحة مطل على الصالة ويفترض ينعمل بسقف وجزء كبير قزاز لدخول نور الشمس ومعاه ملحقات كغرفة تبديل ملابس ودورة مياه وسونا وبخار لو حب المالك

http://i.imgur.com/Bm6jzRv.png

[معماري قطري]

بالنسبة للكتابة مقلوبة لكن تبين المساحات واضحة وممكن الرجوع للتصميم في حول 3 صفحات سابقة

[Azizuk]

هذا مقترح للتصميم المقارب سواءً في المساحة أو الشكل مع توزيعتين للحوش التغيير الوحيد فيهم مكان غرفة السائق ومساحة حوض السباحة

http://i.imgur.com/y6o0CeG.png


اخوي معماري احس ان الدرج اللي يجي في نص البيت يصلح للقصور والبيوت اللي احجام ارضيها كبيرة

لان اذا جه درج البيت في النص يأكل مساحه غير مستفاد منها

تقدر تحط الدرج يجي دار مادار المصعد ( ألفت )

وتستفيد من المساحه

انا معاك الدرج في وسط البيت وعلى شكل حلزوني احلا ويعطي منظر جمالي وحميمية في البيت وانت نازل وطالع

انا يوم جيت ابي أسوي الدرج في النص البيت او على شكل حلزوني قال لي المهندس احتاج 7 متر عرض عشان الدرج يكون مريح

حتى الصالة الفوقية مفتوحة على تحت بعد غير مستفاد منها في المساحه هذا غير صدا الصوت

كثير من الناس بعد ماسكن البيت بفترة قفل الصالة المفتوحة وضيق على نفسه في الصالة التحتيه بعواميد التقفيل

ممكن تسوي جزء مفتوح على طرف الصالة او بشكل مستطيل في الصالة الفوقية تطل على مدخل البيت

وجة نظر لا غير

[معماري قطري]

هذا التصميم الأساسي معدل بإضافة درج خدمات من المطبخ يكون واصل للبنتهاوس .. والدرج الأساسي ينقطع في الأول بس لازم اكمل تعديل الدور الأول والبنتهاوس حتى يكون متناغم مع درج الخدمات ومع الغاء الجزء المكمل من الدرج الرئيسي + إضافة منور سقفي .. التصميم السابق جاهز بالكامل معمارياً

http://i.imgur.com/ivS6eNd.png

[بوخالد911]

مبارك عليكم الشهر.
والله يتقبل منا ومنكم.

[معماري قطري]

مبارك عليكم الشهر.
والله يتقبل منا ومنكم.

هلا بو خالد علينا وعليك الله يبارك فيك ويخليك

[معماري قطري]

اخوي معماري احس ان الدرج اللي يجي في نص البيت يصلح للقصور والبيوت اللي احجام ارضيها كبيرة

لان اذا جه درج البيت في النص يأكل مساحه غير مستفاد منها

تقدر تحط الدرج يجي دار مادار المصعد ( ألفت )

وتستفيد من المساحه

انا معاك الدرج في وسط البيت وعلى شكل حلزوني احلا ويعطي منظر جمالي وحميمية في البيت وانت نازل وطالع

انا يوم جيت ابي أسوي الدرج في النص البيت او على شكل حلزوني قال لي المهندس احتاج 7 متر عرض عشان الدرج يكون مريح

حتى الصالة الفوقية مفتوحة على تحت بعد غير مستفاد منها في المساحه هذا غير صدا الصوت

كثير من الناس بعد ماسكن البيت بفترة قفل الصالة المفتوحة وضيق على نفسه في الصالة التحتيه بعواميد التقفيل

ممكن تسوي جزء مفتوح على طرف الصالة او بشكل مستطيل في الصالة الفوقية تطل على مدخل البيت

وجة نظر لا غير

وجهة نظرك صحيحة .. بس هذا التصميم بالذات الصالة الوسطية مدخل توزيع مفتوح ومعليش لو يعكس شوية فخامة والنور الطبيعي يجيك من فوق الدرج وتصميم الدرج ممكن يكون مكلف وممكن يكون معتدل حسب درجة التعقيد .. ممكن نحط له جدار خرساني بدل الدرابزين وبفتحات وممكن درابزين مستقيم بسيط يكون حلو ورخيص ويكون مفتوح أكثر ما يعيق الرؤية

عن الصوت لو تلاحظ تحت غرفة تلفزيون خاصة مسكرة بزجاج وكذلك فوق .. ولو افترضنا ما سوينا الدرج شالاستفادة اللي بنستفيدها من الصالة الوسطية .. قبل كان نموذج بالدرج حول المصعد وذاك بعد ممكن وفكرته حلوة بس بعد كانت الصالة مفتوحة من فوق على تحت وفيها نافورة .. واستفدنا من المساحة حول المصعد للتخزين ولغرفة الكهرباء

[boahmed87]

هذا مقترح للتصميم المقارب سواءً في المساحة أو الشكل مع توزيعتين للحوش التغيير الوحيد فيهم مكان غرفة السائق ومساحة حوض السباحة

http://i.imgur.com/y6o0CeG.png


ماشاء الله عليك انا عجبني الصراحة توزيع حلو بس بخصوص الدرج ماتحسه صار اكبر من قبل لو فترضنا شلنا الدرج كامل وسوينا بس درج عادي جنب المصعد برايك المساحة لي بنص ايش ممكن نستفيد منها هل ممكن تدخل مع الصالة وتصير قعده ولا لا ويعطيك الف عافية

[معماري قطري]

ماشاء الله عليك انا عجبني الصراحة توزيع حلو بس بخصوص الدرج ماتحسه صار اكبر من قبل لو فترضنا شلنا الدرج كامل وسوينا بس درج عادي جنب المصعد برايك المساحة لي بنص ايش ممكن نستفيد منها هل ممكن تدخل مع الصالة وتصير قعده ولا لا ويعطيك الف عافية

الدرج هذا لازم يكون معلق وحلزوني حتى يكون مفتوح ويبين من خلاله وهذي المساحة في الصالة للمرور .. والدرج يرتفع بالتدريج وتحته يكون فيه مكان واسع ومرتفع كفاية للمرور .. والنموذجين موضحين واحد بالدرج حول المصعد وواحد بهذي الطريقة .. انا حبيت هذا

بعدين تخيل تدخل البيت تحصل كراسي في الممر مب حلوة .. الكراسي عددها واضح ومكانها زين

إنت عندك النموذجين والنموذج اللي انت تبيه لو تبي اعدل عليه أقدر وبديت بس وقفت لين اشوف شتفضل .. صراحة هذا مع المنور السقفي لو تشوف رسوماته كاملة وايد أحسن من اللي عندك .. والأهم عندي انا هو توضيح توزيع البيت والمواقف

الله يوفقك ويوفق صاحب النموذج الأصلي وكل واحد يبني

[boahmed87]

صح كلامك مب حلو الان مدخل البيت بس لو سويت الدرج هذا اتوقع مارح يكون عندي صالة فوق وبنتري وانا محتاج الصاله لي فوق اكثر ليش مانسوي الدرج نص دائرة بس يعني في البداية الرسم لي بالاسود نخلية وعقب استراحة نكمل عادي يكون شفت كم فله نفس التصميم حلو ومايكلف وايد والتصميم لي وايد عجبني لي. غرفة السايق قدام لي موضح في مكان البركة .

[معماري قطري]

صح كلامك مب حلو الان مدخل البيت بس لو سويت الدرج هذا اتوقع مارح يكون عندي صالة فوق وبنتري وانا محتاج الصاله لي فوق اكثر ليش مانسوي الدرج نص دائرة بس يعني في البداية الرسم لي بالاسود نخلية وعقب استراحة نكمل عادي يكون شفت كم فله نفس التصميم حلو ومايكلف وايد والتصميم لي وايد عجبني لي. غرفة السايق قدام لي موضح في مكان البركة .

قبل لا تتوقع ارجع كم صفحة ورا وبتشوف التصميم كامل .. فيه جلسة تلفزيون مغلقة بباب قزاز وفيه بانتري وفيه مخزن و5 غرف بغرف ملابس وحمامات وفوق عندك بعد غرفة رئيسية ومكتب

[boahmed87]

صح كلامك توني اشوفة ممتاز ومرتب يعطيك الف عافية تعبتك معاي اخوي

[معماري قطري]

ولو مقتنع بالتصميم الأساسي اللي جايبه انت أقدر اخلصه بسهولة .. شوف هذا الدور الأول وتوزيعته المبدئية .. عندنا مشكلة في الصالة الفوقية مب جاية وسط خط التناظر 45 درجة اللي قاسم البيت نصين .. مع إضافة مقترح لسكاي لايت فوق الصالة

http://i.imgur.com/fda2IGF.png

[معماري قطري]

الرسام قبل مسوي حائط الدرج مصمت وانا فكرتي يكون خرسانة 10 سم وفيها فراغات حتى يبين الجزء الخلفي للغرف من الصالة .. كذلك الكتل الخرسانية الكبيرة ممكن نستغلها بعمل تجويفات داخلها للزينة والورود مثل الخطوط الحمراء المتقطعة الواضحة

[معماري قطري]

بالنسبة للبنتهاوس استوى من غرفتين ومخزن وممكن يستوي من ثلاث غرف + حمامين + مخزن ويوصله درج الخدمات والمصعد

ما اكتمل التصميم بس هذي فكرته

http://i.imgur.com/WBtLTXQ.png

[معماري قطري]

صح كلامك توني اشوفة ممتاز ومرتب يعطيك الف عافية تعبتك معاي اخوي

بالعكس يا اخوي الموضوع تمرين لي وتسلية ومتمني الاستفادة للجميع ومثل ما قلت لك كل تصميم له مميزات والتصميمين متقاربين

[معماري قطري]

طلعت المساحات عندي للتصميم القديم المعدل 360 للأرضي + 333 للأول + 167 للبنتهاوس بمجموع 860 متر مربع والملحق حسبته غير .. نسبة البنتهاوس من الأرضي توصل 46% ولازم بنزيدها بغرفة التانكي واعتقد تحتاج موافقة خاصة أو نصغرها لنسبة 40% وتصغيرها سهل

[boahmed87]

ولو مقتنع بالتصميم الأساسي اللي جايبه انت أقدر اخلصه بسهولة .. شوف هذا الدور الأول وتوزيعته المبدئية .. عندنا مشكلة في الصالة الفوقية مب جاية وسط خط التناظر 45 درجة اللي قاسم البيت نصين .. مع إضافة مقترح لسكاي لايت فوق الصالة

http://i.imgur.com/fda2IGF.png

وايد حلو لو نشيل الستور نسوي بس مكانه بنتري ونكتفي بستور واحد في غرفة السطح ونجرب نشيل الدرج من النص شرايك ونشوف اشلون بكون الشكل وفكره السكاي لايت حلوه بعد انا ماتابع معاك ان شاء الله لي مانوصل لي التعديل المناسب .

[معماري قطري]

وايد حلو لو نشيل الستور نسوي بس مكانه بنتري ونكتفي بستور واحد في غرفة السطح ونجرب نشيل الدرج من النص شرايك ونشوف اشلون بكون الشكل وفكره السكاي لايت حلوه بعد انا ماتابع معاك ان شاء الله لي مانوصل لي التعديل المناسب .

شوف لو بتسوي الدرج اللي ورا رئيسي ممكن تشيل الستور لكن لو تحتاجه ثانوي هذا الوضع كفاية

باطبق فكرة ازالة الدرج الدائري وعمل جلسة مكانه بس بتستوي صالات زيادة .. الصالة الوسطية مكان الدرج ممكن تسويها نازلة كم عتبة بحيث الكراسي ما تغطي الرؤية للجهة الثانية .. ممكن تسويها حوض مائي أو حوض سمك كبير مفتوح بس تحتاج حمايات للأطفال .. ممكن تخليها حوض زراعة لنوعيات تحتاج برودة التكييف وتكون الصالة الفوقية مفتوحة عليها ويدخل النور من المنور فوق

هذا مثال لجلسة إضافية مع تعديل المدخل وتوسيع الليوان جدامه .. باب المدخل يستحسن قزاز مع واجهات زجاجية كبيرة تعطي شراحة وانفتاح للي جاي يدخل

http://i.imgur.com/bWdU1f0.png

الليوان جدام مدخل البيت عندك مزدوج الارتفاع ويستحسن تسوي عمدان طويلة دائرية بتصميم روماني .. اللي تجي الثلث السفلي سيدة وبعدين تصغر كل ما ارتفعت للثلثين الباقيين مع تاج آيونيك أو روماني مشجر .. وعندك تفاصيل كثيرة لازم تطبقها

الدرج ورا عرضته شوي بس يحتاج ضبط حق استراحته وتكبير حتى يكون خدمي ورئيسي في نفس الوقت .. وحسب الإرتفاع اللي تبغيه بتحتد تضيف درجات وممكن تسويه طالع وممتد من الجنب وطالع من الصوب الثاني

[معماري قطري]

أَغلب الأشياء ضمنية وتحتاج تعديل وتطوير أكثر مثل النوافذ ووضعية الأسرة يستحسن ظهر السرير على الحايط الخارجي وبما إن الحايط عريض نقدر نسوي دريشتين والسرير وسطها

ممكن الدور الأرضي وزنية الدرايش غير عن الأول فكرة تكون فوق بعض فكرة قاصرة ولا تؤثر خصوصاً في الواجهات الثانوية لوجود سور البيت المرتفع والمغطي على درايش الأرضي

http://i.imgur.com/WZJWyjf.png

ممكن للدور الأرضي بدال الجلسة تكون نافورة كذلك

[boahmed87]

ماشاء الله شغل حلو تغير التصميم وايد اخوي بخصوص المنور لي بنص وايد حلو هل ممكن اسوي قبة ونزل اثريا منه..

[معماري قطري]

ماشاء الله شغل حلو تغير التصميم وايد اخوي بخصوص المنور لي بنص وايد حلو هل ممكن اسوي قبة ونزل اثريا منه..

هذا أنسب وأرخص القبة بتكلفك أكثر وضبط درايشها صعب .. هذا يجي بشكل هرمي ومرتفع يبين من الخارج وتقدر تنزل منه ثريا وتحط إنارة مخفية ملونة أو بألوان متغيرة وتبين منعكسة على الزجاج من الخارج

الجلسة نازلة حول 60 سم تكون أحلى وتقدر تشوف وراها

الغرفة الرئيسية مقسومة ببابين باب يدخلك على مكتب أو جلسة خاصة أول شيء وفي رأيي المكتب أفضل وتخلي واجهتها قزاز وبعدين يجيك باب الغرفة

لو رسيت على هذا التصميم باقي الارتفاع اللي تبيه وباطور الدرج على أساسه .. انا رايي ما يزيد عن 4 أمتار من أرضية لأرضية يعني صافي لازم تشيل منه خرسانة السقف والجبس النازل .. ممكن يجيك 3 متر لو سويت دكت سبلت للتكييف ولو ما سويت بتوصل 3.6 تقريباً

[معماري قطري]

لو حاب القبة تقدر تسويها وتخلي رقبتها طويلة والنوافذ عمودية في جدار رقبة القبة وتكون بالضبط فوق السجادة الدائرية .. وتصغر السكايلايت الهرمي تسويه 2 في 2 .. هو ألحين 4 في 2 وتحت المنور عندك ساحة كبيرة فاضية للزراعة الداخلية

[boahmed87]

لو حاب القبة تقدر تسويها وتخلي رقبتها طويلة والنوافذ عمودية في جدار رقبة القبة وتكون بالضبط فوق السجادة الدائرية .. وتصغر السكايلايت الهرمي تسويه 2 في 2 .. هو ألحين 4 في 2 وتحت المنور عندك ساحة كبيرة فاضية للزراعة الداخلية

يعطيك العافية السكاي لايت وايد حلو وفكرة احلى من القبة وبغطي مساحة كبيره
بخصوص الارتفاع على 5.10 سئلت قالوا عادي الغرفة الرئيسية سوا لي تشوفه افضل عادي مادام في صاله فوق المكتب بكون فكره افضل .

[معماري قطري]

يعطيك العافية السكاي لايت وايد حلو وفكرة احلى من القبة وبغطي مساحة كبيره
بخصوص الارتفاع على 5.10 سئلت قالوا عادي الغرفة الرئيسية سوا لي تشوفه افضل عادي مادام في صاله فوق المكتب بكون فكره افضل .

في هالحالة تحتاج 34 عتبة درج ولو تبيه صافي 5.1 يعتمد على التصميم الانشائي للأرضيات .. ممكن يكون عندك من 20 - حتى 40 حسب المصمم + الجبس النازل شكثر بيكون .. خلنا نفترض من أرضية لأرضية ونحدد 34 عتبة ونشوف شكبر بيطلع لنا الدرج

[معماري قطري]

سويت لك الوضع شلون بيكون حق 5.4 من صبية لصبية يعني بتضمن 5.1 ارتفاع صافي وحسب الجبس بيقل وحسب الدكتات بعد بيقل لكن مب مستوي أقل من 4 متر صافي وهو ارتفاع مزعج وغير اقتصادي وفي النهاية القرار لك .. شبيبقى لك من ارتفاع للبنتهاوس خل نحسبها .. أرضية البيت بعتبات مريحة 12 سم بترتفع 48 سم + 5.4 متر للدور الأرضي + 5.4 متر للدور الأول = 11.28 متر ويبقى لنا للبنتهاوس من ال 12.5 أو خل نقول 13 .. 1.72 .. والدرج كبر وأكيد بيستوي متعب كثير

http://i.imgur.com/e2VfjLw.png

وهذا الدور الأول .. طبعاً الدرج خذ مكان البانتري واضطريت انقله لقريب الجلسة الدائرية .. والمخزن في البنتهاوس ممكن نقله جنب الدرج وبحيث يكون فوق الدرج النازل .. بس للأسف ما بقى عندنا ارتفاع للبنتهاوس .. الأرقام ما نختارها عشوائي لازم اختيارنا يكون محسوب

http://i.imgur.com/PtBrrMy.png

[Stars]

أخوي المعماري يعطيك العافية
بغيت أسأل ايش الارتفاع المناسب في حالة عمل الدكت اسبلت
اربع ونص متر أو أربع أمتار تكفي.

[معماري قطري]

لو افترضت بتسوي ارتفاع 4 متر حتى تسوي دكتات تكييف وبتنقص من ال 4 متر سمك الأرضية حول 35 سم و الدكتات حول 40 سم والجبس حول 20 سم بتصفي على صافي ارتفاع 3 أمتار وخمسه سم وهو مناسب جداً .. وبيكون عندك ارتفاع البنتهاوس قابل للسكن .. خل نحسبها 4 + 4 + 0.48 = 8.48 وبيبقى لنا للبنتهاوس 4 متر نشيل منها سور سقف البنتهاوس ولنفترض بس طابوقتين 40 سم .. بتبقى 3.6 متر ونشيل منها صبية السقف ولنفترض 30 سم بتبقى 3.3 بتكون كافية حق 40 سم دكتات وبتبقى 2.9 متر صافي لو حطينا جبس ملاصق للدكت ولو نزلنا 19 سم بتبقى 2.8 وهو ارتفاع معقول ومريح جداً وبينزل شوي من الأطراف حسب سمك كورنيش الجبس

[معماري قطري]

أخوي المعماري يعطيك العافية
بغيت أسأل ايش الارتفاع المناسب في حالة عمل الدكت اسبلت
اربع ونص متر أو أربع أمتار تكفي.

الله يعافيك اخوي ستارز .. حتى 3 متر تكفي بس توزيع الدكتات وتصميم التكييف والجبس هو اللي يخلي الارتفاع مناسب .. لو بتصفي على 2.4 بعد مريح الارتفاع وعملي وبعضهم يخلونه متدرج ويخلون الوسط مرتفع أكثر والأطراف نازل

4 متر مناسب جداً وذكرت قبل شوي شلون تحسبها .. بس لسهولة التمديد للدكتات سو فلات سلاب اللي تجي بدون جسور جانبية .. أو الجسور مخفية في الصبية

[معماري قطري]

عندك في الكويت مثلاً الارتفاع محدود لكن الدرايش مسموحة والارتدادات أقل منا ويحق لهم يوقفون في طرف الشارع ويكون الشارع مدمج مع بيوتهم .. يضطرون يسوون الأدوار أقل ارتفاع وأكثر عدد .. يعني يسوي 4 أدوار في الارتفاع الكلي المسموح غير عن البيسمنت

[معماري قطري]

لو قللنا عدد العتبات للدرج بيصغر شوي وبيتضبط باستراحتين مع إن لو دائري أحلى بدون استراحة وبنحصل ارتفاع مريح لكل الأدوار 4.06 متر بارتفاع لكل عتبة 14 سم والبنتهاوس بيبقى له ارتفاع 3.63 اعتقد

سويت هذا المقترح وأشوفه وايد أحلى

http://i.imgur.com/TgTPmFA.png

[Stars]

الله يعافيك اخوي ستارز .. حتى 3 متر تكفي بس توزيع الدكتات وتصميم التكييف والجبس هو اللي يخلي الارتفاع مناسب .. لو بتصفي على 2.4 بعد مريح الارتفاع وعملي وبعضهم يخلونه متدرج ويخلون الوسط مرتفع أكثر والأطراف نازل

4 متر مناسب جداً وذكرت قبل شوي شلون تحسبها .. بس لسهولة التمديد للدكتات سو فلات سلاب اللي تجي بدون جسور جانبية .. أو الجسور مخفية في الصبية


بس مشكلة الفلات سلاب بتكون أرضية الحمامات الله يكرمكم
بنفس منسوب ارضية الغرف فتمديدات الصرف الصحي بتكون مشكله في حد علمي
بيصير اعتبه بين الحمامات والغرف اذا ماكنت غلطان

[معماري قطري]

بس مشكلة الفلات سلاب بتكون أرضية الحمامات الله يكرمكم
بنفس منسوب ارضية الغرف فتمديدات الصرف الصحي بتكون مشكله في حد علمي
بيصير اعتبه بين الحمامات والغرف اذا ماكنت غلطان

ممكن عملها نازلة للحمامات بس هي تعتمد على المهندس الانشائي الشاطر .. في بيتي ممكسين كم نوع .. وشفت مغامرات انشائية من اتحاد قطر للتخطيط كنت متخوف منها وهم طمنوني

سويت بعض التعديلات البارحة ولا بمقتنع بارتفاع كل دور 5 متر لأسباب ذكرتها تتلخص في ما بيبقى شيء للبنتهاوس .. خفضت الإرتفاع من أرضية لأرضية ل 4.06 متر بالضبط وكل عتبة 14 سم ارتفاعها

مساحة الحوش ترتبت أكثر للزراعة ومواقف مظللة .. والمظلة يكون سقفها حديد مخفي بواجهة خرسانية يتثبت فوقها الحديد بدون عمدان طالعة .. عرضها 7 متر و 45 سم وطولها حول 11 متر .. ممكن لو حبينا نسوي أرفف تخزين نقلل العرض شوي

جهة حوض السباحة ممكن نخليها مكشوفة أو مغطاة بسقف زجاجي بقواطع ألمنيوم مقواة بالحديد .. تكلفته حول 300000 والإختصاصي للألمنيوم يضبطونه وشايفه في بيت .. وممكن بحديد وبلاستيك بيطلع كثير أرخص حول 30 ألف وممكن أقل .. عندنا خدمات متكاملة غرفة بخار وتغيير ملابس وجكوزي مفتوح ودورة مياه واحدة للأسف .. مساحة الحوض 4 في 8 ويستحسن يكون عمقه واحد بحدود 125 سم

جدام المدخل عندنا مساحة لزرع ست أشجار واشنتونيا لو طلعت بتوصل للدور الأول وأعلى وبتعطي منظر حلو للمدخل بس يبغي لها حوض غزير بحدود 2 متر وعرض 1.2 متر .. بما أن الحمام والمغاسل كانوا عائقين في الصالة اللي قرب حوض السباحة ألغيتهم وعندنا اللي قرب المطبخ قريبين وسهل الوصول لهم .. فتحت مكانهم باب قزاز عريض يطل على الحوض

الأهم عندي الدرج الخلفي ترتب وتوسع المطبخ

صراحة انهمكت كثير في التصميم ذيه

http://i.imgur.com/1m5i4xZ.png

الدور الأول أبرز التعديلات تم اضافة نافذتين اللي تكون بارزة ومفتوحة على 3 جهات .. هذي تجي مع جلسة قرب الدرايش وواجهتها الداخلية تكون قوس والستارة تجي ثابتة في القوس من داخل .. تنسحب وتتعلق في الأطراف لسهولة الفتح يومياً وممكن استغلال الجلسة ونفر التلفزيون جهتها لو حبينا أو نشوفه من على السرير

نوافذ الدور الأرضي أغلبها ضمنية وما ركزت عليها وحتى اللي صوب بيت الدرج ولازم تندرس مع الواجهات ومثل ما ذكرت في السابق مب شرط يكونون متكررين فوق وتحت .. ممكن فوق أعرض أو أصغر

http://i.imgur.com/fJa2bdZ.png

توقعاتي للتكلفة لو تشطيب جيد وتكييف دكت سبلت في حدود 4 مليون .. لو سبلت وتشطيب أقل درجة حول 2.8 الى 3 مليون .. والشكر الجزيل للأخ بو أحمد اللي عطانا الفرصة نعدل شوي والله يوفقه في البنيان

[معماري قطري]

الحمام الرئيسي ممكن يضيف له بديه وممكن يسوي كسرة بسيطة جهة غرفة الملابس حق غسالة لو حب .. وغرفة الملابس تختلف عن خزائن الحائط إن عرض كبتها حول 40 سم وبدون باب ثلاث أرباع الملابس داخل الكبت والربع طالع للفرز وسهولة التناول .. مع بعض التقسيمات للأدراج أو الأرفف

[boahmed87]

يعطيك العافية اخوي بو عبدالله التصميم صار احلى بوايد من قبل خذت استفدت منك وايد افكار واهم شي الارتفاع بسوي 4 علشان يكون الدرج مريح و مدخل البيت بعد بتغير وفي اشياء ثانية ان شاء الله كلها بتكون للافضل من بعد ماشفت افكارك الجميلة ماقصرت ياخوي والله يجزاك خير .

[sweet qatar]

يعطيك العافية استاذ معماري ، ماشالله تصميم جميل


الله يوفقك اخوي بواحمد بالتصميم الي يرضيك


حاولت ارسم الفكرة الي في بالي للحديقة على يمين البيت ومعاها بركة طويله متصلة فيها ، بس للحين ما خلصتها


واشوفكم ماشالله ختمتوا التعديلات وشطبتوا :o

[معماري قطري]

يعطيك العافية اخوي بو عبدالله التصميم صار احلى بوايد من قبل خذت استفدت منك وايد افكار واهم شي الارتفاع بسوي 4 علشان يكون الدرج مريح و مدخل البيت بعد بتغير وفي اشياء ثانية ان شاء الله كلها بتكون للافضل من بعد ماشفت افكارك الجميلة ماقصرت ياخوي والله يجزاك خير .

الله يعافيك ويوفقك ودوم التزم بخطة وحدة ولا تغير الا بعد تفكير عميق ولو لك حاجة ضرورية للتغيير .. بعض المقاولين ويتضامنون معاهم استشاريين يقنعون المالك بتغيير معين ويطلعون من ورا هالتغيير مبالغ كبيرة .. انا حتى مواد التشطيب أقدر افيدك فيها وحتى العقد بطريقة تريحك وتسوي لك تحكم قوي في ميزانية بيتك وبنيانه

[معماري قطري]

يعطيك العافية استاذ معماري ، ماشالله تصميم جميل


الله يوفقك اخوي بواحمد بالتصميم الي يرضيك


حاولت ارسم الفكرة الي في بالي للحديقة على يمين البيت ومعاها بركة طويله متصلة فيها ، بس للحين ما خلصتها


واشوفكم ماشالله ختمتوا التعديلات وشطبتوا :o

الله يعافيج إختي ومبارك عليج الشهر الكريم ولو إنها متأخرة

دوم لازم نبلور فكرة التصميم ويتخيلها المالك والله يعين كل من يبني .. من أيام مار عند صديق بدايات مزاولة المهنة فوزي اسماعيل وهو مهندس إنشائي متمرس ومن أفضل الانشائيين ويدير حالياً مكتب ام زد وشركاه .. كنا طالبين مساعدته في تصميم فيلا كبيرة .. واعتذر بخصوص عندهم ضغوطات وشغل كبير ولا يقدرون يفرغون مهندسين لمشاريع خاصة وسكنية .. ذكر لي بأن تكلفة المتر المربع حالياً تبدأ من 4000 الى 6000 ريال .. كنت متوقع فيها مبالغة بس تواصل معاي أحد الإخوان بخصوص بناء عمارة وطالعة عليه تكلفة المتر المربع 4080 ريال بالتكييف ( دكت سبليت ) ورخام في كثير من المناطق

يعني اللي بيتعب وبيختار شركات وسط ما بين 2500 و 3000 حسب التشطيب .. الشركات الرخيصة وتكوين فريق من العمال السايبين هذا بيصير من الماضي وضرره أكثر من منفعته

[sweet qatar]

الله يعافيج إختي ومبارك عليج الشهر الكريم ولو إنها متأخرة

دوم لازم نبلور فكرة التصميم ويتخيلها المالك والله يعين كل من يبني .. من أيام مار عند صديق بدايات مزاولة المهنة فوزي اسماعيل وهو مهندس إنشائي متمرس ومن أفضل الانشائيين ويدير حالياً مكتب ام زد وشركاه .. كنا طالبين مساعدته في تصميم فيلا كبيرة .. واعتذر بخصوص عندهم ضغوطات وشغل كبير ولا يقدرون يفرغون مهندسين لمشاريع خاصة وسكنية .. ذكر لي بأن تكلفة المتر المربع حالياً تبدأ من 4000 الى 6000 ريال .. كنت متوقع فيها مبالغة بس تواصل معاي أحد الإخوان بخصوص بناء عمارة وطالعة عليه تكلفة المتر المربع 4080 ريال بالتكييف ( دكت سبليت ) ورخام في كثير من المناطق

يعني اللي بيتعب وبيختار شركات وسط ما بين 2500 و 3000 حسب التشطيب .. الشركات الرخيصة وتكوين فريق من العمال السايبين هذا بيصير من الماضي وضرره أكثر من منفعته


مبارك علينا وعليك ما بقى من الشهر


الاسعار لها مدة على هالرينج و كل ما قلنا بتنزل ،، تزيد !!


للاسف في سوق قطر السعر مب مقياس للجودة ابدا ، ممكن تدفع اعلى سعر في السوق عشان تشتري راحتك

وتنصدم ان التنفيذ كان دون المستوى


مب من شوي الي يبني يجيه ضغط و سكر ... الله يعين و ييسر على عباده

[boahmed87]

الله يعافيك ويوفقك ودوم التزم بخطة وحدة ولا تغير الا بعد تفكير عميق ولو لك حاجة ضرورية للتغيير .. بعض المقاولين ويتضامنون معاهم استشاريين يقنعون المالك بتغيير معين ويطلعون من ورا هالتغيير مبالغ كبيرة .. انا حتى مواد التشطيب أقدر افيدك فيها وحتى العقد بطريقة تريحك وتسوي لك تحكم قوي في ميزانية بيتك وبنيانه

ان شاء الله اخوي بكون متواصل معاك في الخطوات القادمة .

[معماري قطري]

مبارك علينا وعليك ما بقى من الشهر


الاسعار لها مدة على هالرينج و كل ما قلنا بتنزل ،، تزيد !!


للاسف في سوق قطر السعر مب مقياس للجودة ابدا ، ممكن تدفع اعلى سعر في السوق عشان تشتري راحتك

وتنصدم ان التنفيذ كان دون المستوى


مب من شوي الي يبني يجيه ضغط و سكر ... الله يعين و ييسر على عباده

الحكومة لازم يكون لها دور في ضبط هالأُمور .. جودة الشغل وترخيص العمال حسب مؤهلاتهم وخبراتهم .. جودة المواد اللي تدخل البلاد .. تحديد أُصول أي صنعة بدل تركها عائمة .. جهات تدقيق وتوثيق العقود بما يضمن صالح المالك والموفر للخدمة .. تسهيل اجراءات التقاضي والأُمور القانونية الهندسية بما فيها سرعة التجاوب مع أي شكوى

[معماري قطري]

ان شاء الله اخوي بكون متواصل معاك في الخطوات القادمة .

خلاص بو أحمد حتى ما تتشتت بارسل لك التصميم الأخير فايل صورة واوتوكاد خل الاستشاري يكمل شغله على أساسه وأي شيء ما يفهمه بلغني .. الجلسات المقوسة فوق وتحت نازلة مب مرتفعة .. غايصة في الأرض 60 سم

باقي البنتهاوس باشتغل عليه اليوم أو بكرة .. إستوى عندك مجموع 7 غرف أغلبها بغرفة ملابس كاملة ومساحات موزعة توزيع جيد .. نصيحتي للتكييف لو حاب الدكت سبلت خله للغرفة الرئيسية والمكتب والباقي سوه أما المعلق اللي يوزع لأربع جهات أو سبلت جداري عادي

أرضية الدرج عندك سوها بورسلان من النوع السميك سمك 12 أو 14 ملم وخل واجهات العتبات سيراميك بنقوشات أو سو الجوانب بس قرانيت والوسط سجاد بتطلع مريحة وأرخص من الكامل رخام .. والدرابزين سوه عمودي بدون دزاينات مكلفة

هذي صورة الدور الأرضي مع المداخل والحوش ومستويات الأرضيات مكتوبة بالأرقام جاهزة للتطبيق .. باقي نوافذ المجلس والصالة الطويلة وهذي أقترح يسويها عريضة ولو تجي مقوسة من فوق أحلى وكذلك الدرج يبغي له طوالية

http://i.imgur.com/eIliJ2x.png

[معماري قطري]

وهذا الدور الأول متضمن المستويات .. وبالنسبة للحمامات ممكن تسوي نزول 2 سم أو تكتفي بعتبة رخام فاصل عند الباب بارتفاع 2 سم والسلوب يكون جهة فتحة الصرف الصحي

http://i.imgur.com/BLq2Q4s.png

[معماري قطري]

الحمامات الصغار ممكن تسوي بانيو لو حبيت بدال الشاور بس تحتاج تعديل بسيط لو تحب قول .. والرئيسي الشاور والجكوزي معزولين بباب قزاز عن الرطوبة وممكن تركب جهاز بخار ويكون حمام مزدوج بخار وجكوزي وشاور

[معماري قطري]

وصلنا لدور السقف وبهذا ننتهي من أساسيات التصميم والباقي الواجهات والانشائي والكهرباء وكله لازم ينبني على هذا الأساس وبيكون سهل وصح

صغرت شوي في البنتهاوس حول 12 متر مربع واستوت نسبة مساحته 43% بس لازم نضيف غرفة للتانكي والصخانات وهذي بحدود 10 متر مربع ومقترح مكانها يكون فوق العمود الضخم اللي ماسك الجلسة المنحنية وكان قبل للدرج .. وبحيث تكون بإرتفاع بسيط

http://i.imgur.com/WRavA6c.png

[معماري قطري]

البنتهاوس مهم لكل بيت ولازم نسويه بأكبر مساحة ممكنة ويوافق عليها التخطيط .. حتى لو ما نحتاجه في الوقت الحالي ممكن أحد العيال يتزوج ويحتاج لسكن مؤقت في بيت ابوه .. وممكن نستغل الغرف فوق للرياضة أو الهوايات

[Rayane]

موضوع قييييم. وتستاهل كل التقدير عليه

[Rayane]

طال عمرك ارضي توها طلعت وللحين ماحصلت مخطط يسر الخاطر. والارض مساحتها ظ©ظ©ظ* متر مربع ����. كبدايه. وين ابتدي. اروح للمساح اول والا اشوف لي مخطط ولا كيف.

مع العلم انني ابغي اركب لفت فالبيت.

[معماري قطري]

طال عمرك ارضي توها طلعت وللحين ماحصلت مخطط يسر الخاطر. والارض مساحتها ظ©ظ©ظ* متر مربع ï؟½ï؟½ï؟½ï؟½. كبدايه. وين ابتدي. اروح للمساح اول والا اشوف لي مخطط ولا كيف.

مع العلم انني ابغي اركب لفت فالبيت.

لك كل الشكر اخوي رياني وانا رياني سابقاً وقلبي يميل للريان خصوصاً بوجود سعود بن خالد وتصريحاته الرنانة

المساح خله آخر شيء قبل لا تبني الا لو تبي تحدد زواياها بطابوق يحمي العلامات المساحية وتتخيل وضعها كيف مع البنيان .. هذا لو كان ما فيه طريق وكالعادة بيوتنا نبنيها في بر أحياناً

مخطط يسر الخاطر صعبه تحصله لأَن غالبية الموجود نسخ ولصق وبدون تطوير .. تحكمت في هذي العملية الأسعار والتسابق في تنزيل السعر والأراضي المحددة بطريقة متقاربة وشروط التخطيط وأخيراً الذوق العام

الأمريكان وعرضت كم مخطط لهم هنا عندهم نماذج تلبي بعد متطلبات كافة الأذواق وتناسب كل الولايات .. ويطورون عليها ولا يوقفون بس هناك لو تبغي مخطط فيه وبرخيص بحدود 500 دولار + أي مصاريف حسب الولاية وبالنت تخلص شغلك في دقائق وتوصلك الموافقات والخرائط في فترة قياسية يمكن اسبوع .. بعدها التنفيذ المقاولين مؤهلين وعقودهم مختصرة بس ملزومين بالقوانين .. مقاول صارت عليه قضية بسبب بناء صار له 10 سنوات وفيه مشكلة في الأساسات وعدلهم غصب ودفع غرامات وأعلن افلاسه

[معماري قطري]

انت عطني حدود أرضك وأبعادها أو صورها من الملكية وحطها هنا أو خاص وبحاول أركب لك نموذج معين عليها

أو شوف استشاري وفيه جيدين وفيه بعد سوبر جيدين مثل مكتب ابراهيم الجيدة ومكتب ولد عمي بس الأخير قال لي ما اخذ بيوت كلش .. وابراهيم الجيدة هو مصمم برج برزان وشفت صور حق بيته في مجلة كان بيت خرافي والزين دوم غالي وصدقني المكاتب الحين مضغوطة بشكل غير طبيعي

لو تبغي تصميم خاص ومميز بتتعب وبتاخذ وقت .. تبي تصميم بيتي حلالك مساحته 1070 .. 7 غرف كلها بدورات مياه وبعضها بغرف ملابس و3 صالات ومجلسين وكلفني حول 3 ملايين بين 2004 و 2006 .. التصميم اتوقع عند الاستشاري لأن نسختي كانت على كمبيوتر تعطل وضاعت النسخة

[Rayane]

جزاك الله خير وماقصرت. شرح وافي ومفصل.

والسموحه على التاخير فالرد.

بكره ان شاء الله باستلم الملكيه والخريطه

[معماري قطري]

جزاك الله خير وماقصرت. شرح وافي ومفصل.

والسموحه على التاخير فالرد.

بكره ان شاء الله باستلم الملكيه والخريطه

الله يوفقك وشوف الموضوع هذا من بداياته بتحصل تصاميم وأفكار تقدر تبني عليها وتعدل وتغير حسب حاجتك

[أهلي العميد]

اخوي معماري قطر احب استفسر عن موضوع الارتفاع المناسب للفيلا

13 ونص ارتفاع للفيلا هل هو مناسب

اذا وضعنا بعين الاعتبار الارضي 5
والدور الاول 4
والبنت هاوس 3.5

[معماري قطري]

اخوي معماري قطر احب استفسر عن موضوع الارتفاع المناسب للفيلا

13 ونص ارتفاع للفيلا هل هو مناسب

اذا وضعنا بعين الاعتبار الارضي 5
والدور الاول 4
والبنت هاوس 3.5

إستوت 11 ونص بس لا تنسى عندك بين 45 و 60 سم ارتفاع لأرضية الدور الأرضي عن الحوش + حول 20 - 30 ارتفاع لأرضية الحوش عن الشارع + معدل 30 سم للأرضيات وهي ثلاث أسقف + سور سقف البنتهاوس على فرض سويته صغير 40 أو 60 سم .. هذي كلها تطلع حول 2.4 متر وبعضهم الله يهداهم يسوي حوش البيت جنه طعس ويرفعه متر حتى يجرب الدبل وقت الدخول .. 11.5 + 2.4 = 13.9 واللي في التخطيط بعضهم يحاسبون على السنتيمتر وجارك يسامحونه في مترين وثلاثه زيادة

[معماري قطري]

انا البنتهاوس عندي سويته نازل وطلع مريح .. حول 2.5 متر بدون جبس .. مب كل البيت نسويه جبس و 3 متر ارتفاع مناسب جداً .. لغرف النوم تسوي جبس وتسويه مستويات يطلع أحلى .. يعني تنزل الارتفاع صوب السرير وترفع شوي باقي الغرفة .. وتخلي غرفة الملابس كورنيش بس وليتات معلقة نازلة موجههة على مكان تعليق الملابس .. التسريحة والمغسلة تسوي لها قطعة سقف نازلة مع سبوتات تنور المكان

بيت الدرج ممكن تنزله في الأخير لقريب المترين حتى يطلع الشكل الخارجي متوازن

[معماري قطري]

يعني لو تشوف البيت من الخارج تحصل كتل كتلة الدرج نازلة شوي والبنتهاوس شوي أرفع وسور السطح الباقي ترفعه شوي يوازن الشكل .. وهذي صراحة كلها دراسة تخصصية ومعمارية ما للشخص العادي تدخل فيها والاستشاري المفروض يبرزها بمهنية .. بس استووا كثير من الاستشاريين يشتغلون بالأوامر من المالك ويسوون اللي يبغي بدون نقاش ووجع راس وهذا غلط

مر مناطق قطر كلها وشوف تقدر تنقش التصميم اللي مشتغل فيه راعي البيت واللي مشتغل فيه شخص مختص .. تحصل بيت كشخة أحياناً بس مسوي حركة مخربته بالكامل وتحس إنه تصميم منقول وتدخل المالك بالغلط وبطيب نية وطلعت تجربته فاشلة

[معماري قطري]

بيوت الكويتيين محدودة الارتفاع لكن غير محدودة الطوابق وكل طابق تفتح فيه درايش بكامل الحدود المسموحة .. يعني فرضاً لو ارتفاعهم محدد ب 15 متر بعضهم يسوون 2 بيسمنت وشفت تصميم لواحد مسوي السيارة أول ما تدخل تنزل تحت .. توصل لحلقة نص دائرية وبابين للحوش في أطراف نص الدائرة والمواقف بينهم تحت الأرض .. مغطاة من فوق بخرسانات فيها فتحات كبار للتهوئة وغرفة السائق تحت قرب المواقف .. وفوق مدخل للزوار وحديقة ودرابزينات تطل على القسم التحتي

زين تدخل البيسمنت تحصل بعد عندك دور بيسمنت تحت وفيه حوض سباحة .. وتحصل البيت من داخل مجوف ومدرج وكله يطل على البيسمنت وكل الأدوار مفتوحة على بعض .. فوق السقف سكايلايت كبير ينور البيت كله

استغلالهم للارتفاع المسموح يعني بدل ما نسوي 3 أدوار بإرتفاع 5 متر ليش ما نسوي 4 والا 5 بارتفاع 3 متر شامل الصبيات .. بس هناك قوانينهم التخطيطية وحدة ومعروفة وطرق التجاوز عليها مسموحة ومحددة وقانونية لكن عندنا الوضع مجبوس

[معماري قطري]

عندنا قانون البنتهاوس محدود ب 40% من مساحة السطح ما ادري 60% نسيت الصراحة وبعدين ما تقدر تفتح نوافذ جانبية الا المطلة على السطح .. لو يسوونه دور كامل وبنوافذ مع ألمنيوم يمنع الرؤية أسفل جهة الجار ويسمح بالرؤية الأُفقية ودخول النور بيكون أفضل .. كذلك يقولون لك بدل ال 13 متر للارتفاع تكرمنا عليكم وزدناها ل 15 متر وتقدرون تلتزمون بالارتدادات 3 متر والواجهات 5 متر أو حتى 6 متر وتقدر تقسم بيتك على 3 أدوار وموقف تحت البنيان في مستوى الأرض أو 4 أدوار شقق لك ولعيالك والدور الارضي مجلس تقدر تمده لقرب الخارج ويكون فيه ممر للبيت

التسهيل ضرورة ملحة وتعديل القوانين ضروري اليوم قبل بكرة

[مضارب دوسري]

صادق يالغالي

ايضا في نقطه البلاط الخارجي يفضل يكون لونه غامق
لانه بصراحه الفاتح يتحول ل املح في قطر
خصوصا الالوان الاحمر والاصفر تلاقيها فجأه صارت ملحه وقبيحه

اما اللون الغامق مثل الرمادي لما يصير املح عالاقل يصير رصاصي ههههههههه

هذي الملاحظه شفتها في اغلب البيوت

[معماري قطري]

صادق يالغالي

ايضا في نقطه البلاط الخارجي يفضل يكون لونه غامق
لانه بصراحه الفاتح يتحول ل املح في قطر
خصوصا الالوان الاحمر والاصفر تلاقيها فجأه صارت ملحه وقبيحه

اما اللون الغامق مثل الرمادي لما يصير املح عالاقل يصير رصاصي ههههههههه

هذي الملاحظه شفتها في اغلب البيوت

صحيح أنسب الألوان الرمادي ولو تحصل رمادي غامق إخذه بدون تردد .. حتى تواير السيارات ما تبين فيه

[أهلي العميد]

اخوي ممكن تجوف الصوره المرفقه اللي تبين الارتفاع للفيلا هل هو مناسب او مبالغ بالارتفاع ؟؟

97511

[سعود.]

الاهم قبل الارتفاع ايش ناوي تركب نظام التكيف ؟؟؟؟

[معماري قطري]

الاهم قبل الارتفاع ايش ناوي تركب نظام التكيف ؟؟؟؟

نفس السؤال .. الشيء الثاني هذا إرتفاع متوسط ننقص منه سماكة الأرضيات اللي ممكن حتى بعضهم يسونها 40 سم وحتى أكثر

ورأيي مفصل قلته قبل 5 أمتار وايد ولو عندك ليتات تحتاج حق رافعة خاصة أو سقالات تبدلهم .. 3 صافي مناسب جداً ومريح .. أي شيء تحسب حسابه تحت أرضية السقف ينزل السقف مثل الدكتات والجبس على طبقات بينزل لك السقف شوي لكن للدكتات تحتاج لأربعين سم وبعضهم يمكن أكثر حط 60 سم على أساس جزء من الجسر نازل وجزء كبير مخفي .. للجبس ممكن تحتاج 30 سم لطبقتين جبس هذي 90 سم بتبقى لك 4.1 تحت بعد ممكن تحتاجها في مجلس كبير أو صالة .. لكن نصيحة سو كورنيش فاصل على ارتفاع 2.8 متر بحيث يكون 60 سم فوق حافة الباب والدرايش وهذا الكورنيش ممكن عليه اضاءَة مخفية .. فوق بين الكورنيش وبين جبس السقف بتبقى عندك مسافة 70 سم هذي ممكن تسوي فيها فتحات انارة طبيعية ثابتة ما تنفتح فوق كل دريشة وممكن حتى تكون طوب زجاجي أو زجاج ملون أو زجاج معشق بإطارات داخل خشبية تغطي الألمنيوم .. أو تسويها طبقتين طبقة خارجية ألمنيوم وداخلية خشبية وزجاج معشق لأَنه يكون ضعيف والطبقة الخارجية تحميه وتعطي عزل عن الغبار وعن الحرارة

نصيحتي خل الاستشاري يسوي لك اسكتشات للواجهات الداخلية وبعدين قرر .. بعدين هذي الطريقة تنفع بعد للحمامات بحيث تستفيد من الارتفاع .. صج المساحة صغيرة والارتفاع مبالغ فيه بس تسوي فاصل اعتباري اللي هو الكورنيش وفوقه بمسافة يجي كورنيش ثاني غير وجبس والكورنيش الفاصل يكون أكبر واللي فوق أصغر واللي فوق بسبب الارتفاع لتركب ليتات خل الليتات مخفية في الكورنيش الفاصل ومن الكورنيش الفاصل للكورنيش والسقف هذي جزئية علوية خل فيها فتحات انارة لو تحب وصبغها يكون أبيض مقاوم للرطوبة وتحت الكورنيش الفاصل يكون عندك التبليط للحمامات والمطابخ للصالات ممكن لونين فوق وتحت وكذلك لغرف النوم

غرف النوم ممكن حتى اللون الكحلي فوق يطلع رهيب وتحت مثلاً ورق جدران .. شوف المواضيع اللي فيها صور بتحصل أشياء قريبة من اللي اقصده

ولو تبي واجهات داخلية لبعض الغرف والصالات عندك بنسوي لك .. الإرتفاع زين بس باقي تنسقه مع الديكور

[معماري قطري]

لا تنسى بعض الأماكن الصغيرة لو سويتها مرتفعة وايد بتطلع مب مريحة .. مثال ممر عرضه مترين وارتفاعه 5 متر هذا أحلى تفصله بسقف في الوسط وتسوي له فتحة وتستغل المساحة فوق للتخزين أو الصيانة

[معماري قطري]

صورت مقطع فيديو حق مكتبي وسقفه شوي مرتفع ومنحني فوق وفيه توضيح والله يعينكم على التعليق وايد اجيم


https://youtu.be/yPvm9SKAnOg

[معماري قطري]

حصلت مثال بسيط من داخل المكتب بداية المدخل عندي مسوي السقف نازل لحد مترين و60 سم تقريباً

http://i.imgur.com/X3qZjHw.jpg?1

لازم نتعامل مع كل فراغ بطريقة خاصة حسب مساحة الفراغ وللفراغ الضيق والمرتفع سقفه الحل ذكرته وهو فصل السقف بفاصل اعتباري وبلون ثاني

هذا الفراغ ضيقته أكثر ونزلت سقفه واستويت تطلع من فراغ ضيق ونازل لفراغ أوسع ومرتفع مع إن مساحة الفراغين صغيرة

http://i.imgur.com/VamsumF.jpg?1

[أهلي العميد]

اخوي معماري قطر اشكرك جزل الشكر على الرد

بالنسبه للارتفاع فنزلت الارتفاع لين 4.5 الطابق الارضي
و 3.80 الطابق الاول و 3 متر للبنتهاوس

وانا كلمت المهندسه على اساس اني ما بركب دكتات راح تكون مكيفات سبلت عاديه

[معماري قطري]

اخوي معماري قطر اشكرك جزل الشكر على الرد

بالنسبه للارتفاع فنزلت الارتفاع لين 4.5 الطابق الارضي
و 3.80 الطابق الاول و 3 متر للبنتهاوس

وانا كلمت المهندسه على اساس اني ما بركب دكتات راح تكون مكيفات سبلت عاديه

العفو يا اخوي والله يوفقك

ولو تبي دراسة ومتابعة للتصميم حاضر لك وإن شاء الله بتستفيد .. مشكلة الإرتفاع الكبير كذلك صدى الصوت حاول تسوي مستويات مختلفة بالجبس .. المجلس زين لو تسوي الجبس متدرج وأعلى ارتفاع يجيك 4.4 وتركب ثريا نازلة وليتات جانبية ومثل ما قلت لك عن الإنارة المخفية بالكورنيش النازل

انشغلت شوي أراجع تصميم بيت كبير البيسمنت بس 700 متر والمشكلة صاحب التصميم يبيه خاص والا كان عرضته أو مقاطع منه

[معماري قطري]

أشتغل في الوقت الحالي على تصميم بسيط حق برغولا خشبية باعطي النجار يسويها .. تتكون من 4 قطع خشبية بالعرض و 4 قطع محمولة عليها بالطول مع زوايا وقطع وسطية بمجموع 16 قطعة كل أربع قطع غير

القطع المربعة والمحددة من تحت بتجي في الأطراف ويتحمل عليها باقي التشكيل الخشبي وتجي قطع شوي أطول في الوسط تثبت الخشب المتقاطع .. ولو حصلت سعر زين باسوي الشغلة وباصور إن شاء الله

عندي المكان 4.5 في 2.9 عبارة عن صالة توزيع بين الغرف وفوقها سكايلايت 2.4 في 1.2 وناوي أزرع تحتها شتلات عنب تطلع على البرغولا بعد نجاح زراعة الكرز في مكان ثاني تحت سكاي لايت ثاني

للي يحب يسويها حق الحوش ممكن بس يستبدل الدعامات اللي بتتثبت في الطوفة بأعمدة مربعة أو بدنجل لو حب

http://i.imgur.com/sj1aUnt.png

[معماري قطري]

هذي القطع الجانبية والوسطية لتثبيت الخشب ببراغي مخفية

http://i.imgur.com/0aJovos.png

[معماري قطري]

وهذي القطعة العلوية وبتكون بمجموع 4 قطع كل قطعتين مجمعين في تقاطعهم قطعة الخشب المربع

http://i.imgur.com/LTnLgrn.png

عندي إحساس إني احتاج بعد ثنتين في الوسط أو أسوي 4 صفوف بمجموع 8 قطع بس مبدئياً باركب أربع وباشوف شلون

[معماري قطري]

شكل الواجهة بعد اضافة قطعتين طوليتين في الوسط بس بدون السهم النازل حتى يتحدد القوس أكثر

http://i.imgur.com/siMTYXk.png


وهذي مقاسات القطع السفلية

http://i.imgur.com/uKJRsl9.png

[معماري قطري]

مبدئياً محصل نجار نيبالي زين تعاملت معاه في السابق بس متخوف يصدمني بالسعر ولو حد يعرف نجار زين يقدر يسوي هذي الشغلة بخشب تيك أو ميرانتي يعطيني رقمه مشكوراً

[Azizuk]

اخوي معماري استفسار بخصوص نوع الشباك

في ايش تنصح بشباك الالمنيوم الصنع وإلا بمادة اليو بي في سي

واحد من الربع مركب من القطرية الكويتية من ست سنوات والحين يشتكي ماينصح باليو بي في سي

يقولو لو بسوي صيانة للبيت بركب ألمنيوم

على كلامه ان تغير لونه من الشمس والحرارة ويحس ان قام يتبطل عند الزوايه وباب المدخل صار رخو تفجج عليه

الاختصاصي عنده نوع ألمنيوم فرنسي حلو بس غالي وايد المتر 1400 ريال للمتر قبل الخصم

وعنده ألمنيوم اماراتي ب 500 ريال للمتر قبل الخصم

المشكلة محلات اليو بي في سي كل واحد يمدح النوع المستخدم عنده وشغلة

وطبعا انا مالومهم كل واحد بيمدح بضاعته

[معماري قطري]

شوف اخوي عبدالعزيز الألمنيوم أقوى وأغلى من اليو بي في سي واليو بي في سي بديل رخيص للألمنيوم

عندنا الألمنيوم كان جيد قبل وتنافسوا في تنزيل سعره ومواصفاته لين استوى ما يسوى شيء .. وجاء اليو بي في سي بمعايير صناعة عالية وجودة عالية وبعد دخلوا فيه البشمرقة مثل ما يقول حسن الله يذكره بالخير .. إستوى يصنع في الاردن وتركيا والصين والهند وكوريا وبمواصفات تعيسة ما تضاهي الأساسية اللي هي الألمانية .. حتى الأمريكان توهم داخلين على الشغلة بس جودتهم عالية وانتاجهم غير ولهم بس

تبغي ناخذ جولة واشوف معاك المواصفات والمصنعية وبعدين نقرر حاضر .. بنشوف الاختصاصي وهم يسوون الحقن بغاز الأرغون للفراغ بين القزاز وبنشوف قطر يو بي في سي وبنشوف الاختيار الألماني ولو تبي تشوف غيرهم اللي يريحك .. عني انا ما اختار الا من هالثلاث بس وما انصح الا بالثلاث والمواصفات والسعر هم الحكم

عندي في بيتي ألحين داخل على السنة 12 والحمد لله من أفضل ما يكون ومن قطر يو بي في سي لو تبي تشوف حياك .. بعدين هم عطوني ضمان طول العمر على اللون الأبيض وأي لون ثاني مب مضمون بسبب الشمس

[Azizuk]

تسلم يابوعبدالله ماتقصر

انا رحت معظم الشركات الموجودة في للبلاد

وبعض الشركات عطوني عرض الاسعار من بينها الاختصاصي للالمنيوم

ومعماري قطر والاختيار الالماني والاختصاصي القطري

الاختصاصي للالمنيوم عندهم موديل نفس اليو بي في سي ودبل غلايس وربلات دار مادار الشباك من الداخل والخارج

بس على الحين الاختيار المناسب

السعر مايفرق عندي ابي الجوده

[سعود.]

السلام عليكم

Azizuk

فية نقاش عن المكيفات في الحوار العام

يحتاج مرورك هناك

برسل خاص لك بس فل الرسايل عندك

[Azizuk]

السلام عليكم

Azizuk

فية نقاش عن المكيفات في الحوار العام

يحتاج مرورك هناك

برسل خاص لك بس فل الرسايل عندك

هلا اخوي سعود انا من زمان مادخلت على صندوق الرسايل

الحين تقدر ترسلي على الخاص

كان في موضوع عن التكيف على الحوار العام بس صارت لي مشكلة من قبل فترة مع حد الاعضاء في العام وقمت اتجنب اشارك في العام

[معماري قطري]

تسلم يابوعبدالله ماتقصر

انا رحت معظم الشركات الموجودة في للبلاد

وبعض الشركات عطوني عرض الاسعار من بينها الاختصاصي للالمنيوم

ومعماري قطر والاختيار الالماني والاختصاصي القطري

الاختصاصي للالمنيوم عندهم موديل نفس اليو بي في سي ودبل غلايس وربلات دار مادار الشباك من الداخل والخارج

بس على الحين الاختيار المناسب

السعر مايفرق عندي ابي الجوده

رديت عليك خاص جداً .. وأتس أب

[Azizuk]

رديت عليك خاص جداً .. وأتس أب

هلا بوعبدالله اسمحلي النت كان منقطع عندي مادري ايش في اليوم كله يفصل النت

بتصلك الظهر ان شالله

او الضحى العووووود

[معماري قطري]

هلا بوعبدالله اسمحلي النت كان منقطع عندي مادري ايش في اليوم كله يفصل النت

بتصلك الظهر ان شالله

او الضحى العووووود

حاضر يا اخوي موجود والله يوفقك

[Azizuk]

حاضر يا اخوي موجود والله يوفقك


بوعبدالله شوف الوتس أب أرسلت لك كم مقطع فيديو عن فيلا مستغلين المساحات عدل فيها

[Azizuk]

السلام عليكم

Azizuk

فية نقاش عن المكيفات في الحوار العام

يحتاج مرورك هناك

برسل خاص لك بس فل الرسايل عندك

اخوي سعود تمت المشاركة بختصار في الحوار العام عن التكيف على شانك

[Azizuk]

هذا موقع شركة شبابيك يو بي في سي ألمانية المواد والتصنيع في قطر عند درابزين محلهم

فلكس وندو اسم الشركة

http://www.flexwindows.com/index.html

[معماري قطري]

بوعبدالله شوف الوتس أب أرسلت لك كم مقطع فيديو عن فيلا مستغلين المساحات عدل فيها

شفته الله يسلمك من أرسلته وتوني مفتر على المنتدى .. هذا شغل الكويت عندهم فن في استغلال المساحات وقانون البناء عندهم يراعي احتياجاتهم ويراعي قيمة الأرض .. عندنا للحين ماشين على قانون حصية على حصية نبني البيت يا بنية وما يهمنا كلام الناس ما دام نصفي النية

[معماري قطري]

اخوي سعود تمت المشاركة بختصار في الحوار العام عن التكيف على شانك

انا بعد ركزت على العزل الحراري اللي هو أهم

[معماري قطري]

هذا موقع شركة شبابيك يو بي في سي ألمانية المواد والتصنيع في قطر عند درابزين محلهم

فلكس وندو اسم الشركة

http://www.flexwindows.com/index.html

يا اخوي المواقع العربية سخيفة صراحة .. يعرض لك نوافذ وأبواب مصورة من بعيد وعلى بيوت ما يوضح المادة ومكوناتها وطريقة التركيب .. شوف مقاطع الفيديو حق ماركة فيكا الألمانية أو غيرها من موقعهم تحصل فرق كبير في العرض وفي المعلومات الضرورية أما ذيلا كلام انشائي وبس

المشكلة يبي لهم لفتة محترمة من حماية المستهلك حتى يكون شغلهم هندسي 100%

[سعود.]

[b]
اخوي سعود تمت المشاركة بختصار في الحوار العام عن التكيف على شانك

جزاك الله خير شفت ردك ع الموضوع انت واخوي معماري

ومشكورين ومنكم نستفيد

[معماري قطري]

[b]

جزاك الله خير شفت ردك ع الموضوع انت واخوي معماري

ومشكورين ومنكم نستفيد

العفو إخوي سعود

اللي بنى ولا خطط للعزل ممكن يسويه خارجي على البلاستر والصبغ الخارجي أو بالحقن بين الحجر والطابوق لو بيركب حجر

فيه آلة حاسبة الكترونية تحسب درجة العزل لمقطع الحائط المعزول الواحد يحط مكونات الحائط وسماكاتها بس وتعطيه الآر فاليو واليو فاليو للعزل وفيه جداول تقريبية حطيت منها جدول

[معماري قطري]

فائدة مهمة يقدمها لنا عزل البيت حرارياً هي طبقات العزل تعطي حماية للهيكل والطابوق ضد الرطوبة والأهم ضد الحرارة القوية أو البرودة القوية الخارجية والحرارة المعتدلة داخل .. نتخيل مكيف يدفع هواء بارد على جدار من داخل ونفس الوقت معرض لحرارة فوق ال 50 من الخارج تستوي ضغوطات حرارية تسبب الشلوخ اللي نشوفها في أغلب البيوت

والوضع نفسه للخرسانات من أرضيات وجسور والعزل يمد في عمر المبنى انشائياً بدون مشاكل سنوات طويلة

[Azizuk]

في حل بسيط بالنسبة للعزل الحراري من داخل البيت

يكون العزل من داخل البيت اللي هو تكسيت الحوائط من الداخل يخلي البيت بارد ويحافظ على برودة البيت مع الأرضيات

دخلت بيت مره الا البيت كامل عنده الحوائط من الداخل ابملطها وطالع حلو كأنه قصر ماعدا الغرف صبغ وشئ ورق جدران

بلاط بورسلان درجة أولى

اتوقع نوع من العزل وأنظف بس الله يعينه على صدى الأصوات

[معماري قطري]

المواد الصلبة مثل الرخام والبورسلان فيها ميزة جذب البرودة والاحتفاظ بها لو كانت داخلية .. تعطيك شوية عزل لكن الأهم أسطحها تستوي باردة بسرعة بس تعتبر حل جزئي وما يعزل هيكل البيت كامل من برا

أكيد لو بنسوي بها تلبيس للخارج بالكامل بتعطينا عزل جيد ولو بلون أبيض بتعكس الحرارة اللي من أشعة الشمس مثل المباني اللي قرب رمادا بس العملية مكلفة كثير وتحتاج لتركيب جيد وصيانة مستمرة

[معماري قطري]

هذا بيت إخوي عبدالعزيز .. عزيز يو كي وهو غني عن التعريف ومن الأعضاء الخبراء في التكييف والمعدات الميكانيكية

باحط الصور اللي عندي وبانتظار صور حق المخططات ولتفاصيل أكثر وإحنا الإثنين على قرب سفر وإحتمال نواصل فيما بعد

ما شاء الله شغل البلاستر كثير دقيق ومتقن .. فيه كسرات صغيرة صعبة لكن أجادوها وتحديد النوافذ بالحجر طلع جيد .. ما ادري يمكن ينقصه إطار حجر بسيط أو أقلها مثلث وسط القوس المسمى كي ستون

http://i.imgur.com/BTZeufK.jpg

في هذي الصورة يبين لي التحديد طالع شوي ومؤكد بيحط جي ار سي حوله

http://i.imgur.com/4usozR8.jpg

بالنسبة للتجويف الموجود لمرور بايبات التصريف اتوقع ولو بقى على ما هو عليه مكشوف بيكون شبه مخفي ولا يحتد الواحد يكسر ولا يحط خط طولي شاذ يخرب الواجهة .. مجرد رأي .. عندي انا صبيت خرسانة حولهم وسويت الحائط قطعة وحدة

الكتل متناسبة وحلوة

http://i.imgur.com/tBDRBQr.jpg

http://i.imgur.com/pvKjxQv.jpg

http://i.imgur.com/lCyJ2Dq.jpg

ما حبيت درايش الحمام الصغيرة

http://i.imgur.com/POhhllW.jpg

http://i.imgur.com/BSgwk3M.jpg

سطح نظيف لتركيب الدريشة عليه .. كان يفترض بس عمل سلوب بسيط جداً للقطعة السفلية لتصريف المطر جهة الخارج

http://i.imgur.com/xvA4Bwk.jpg

[معماري قطري]

أحد الإخوان طلب رأيي في تجديد حمامه الرئيسي

لو نعامل التجديد كتشطيب جديد وتغيير شامل أفضل لو المبنى قديم ولو الحاجة بسيطة وفقط لتغيير بعض القطع فلا داعي لكن تغيير بلاط الحوائط والأرضيات يستلزمه تغيير نظام تغذية المياه ويستحسن نغير كل شيء وبانتظار رده حتى نسوي تصميم أو لا

مبدئياً المساحة 3.5 في 3 في ارتفاع 3

[معماري قطري]

هذا مثال لحمام رئيسي ومكوناته .. الميزة مساحته كبيرة وجاي بالطول قدرت اسوي قسم خاص مسكر بزجاج لمنطقة الاستحمام وفيها الشاور والجكوزي وجهاز بخار وفيه نافذة معتمة ولا يرى خلفها بس للنور وللتهوئة وقت البخار قرب منور الزراعة الداخلية المفتوح للسماء بدون سقف

قسم المغسلة يتكون من مغسلتين وجزء اضافي للزينة والحلاقة .. المغسلتين محمولين على طاولة من الطابوق المغطى بالسيراميك أو ممكن بورق الجدران المقاوم للمياه .. المراية كبيرة وغائرة في تجويف بعمق 5 سم في الحائط وبإنارة مخفية .. هناك بلكونة بحائط مرتفع للتشمس ولتغطي زجاج نافذة الحمام التي ستكون من الأرض بباب يفتح كما هو موضح .. ستكون مائلة في الأعلى لتشكل جزء من السقف .. يعني بتكون هناك كسرة في حائط السقف على شكل حرف اليو لتحدد مكان النافذة وبتكون كسكايلايت كبير للنور في أغلب أوقات النهار

http://i.imgur.com/0wOiyNC.png

[معماري قطري]

سويت عدة مقترحات بس للأسف موقع التحميل متعطل بكرة إن شاء الله بانزل الصور

حظي زين اشتغل بعد ما كتبت مشاركتي ذي

متطلبات صاحب البيت بسيطة شاور واسع مع كرسي + مغسلة + كرسي + كبت ألمنيوم بسيط

والغرفة عبارة عن مطبخ صغير 3 في 3.5 وبيتم تحويلها لحمام .. المشكلة تمديدات الصرف الصحي تحتاج تكسير كامل للأرضية ولا ادري من وشو تتكون هل تحتها بايبات ورمل ومبنية على أساس إنها أرضية مطبخ ومعزولة أو لا .. انا أشوف لو سوينا التمديدات مباشرة للخارج أفضل وأسهل بشرط نركب اغلاق تلقائي للبايبات حتى ما ترجع الروائح أو تدخل حشرات من خلال الصرف والتمديدات ممكن تكون مباشرة في الطوفة بدال للأرضية .. يعني بدون فتحة لغسيل أرضية الحمام والغسيل يفترض بالمسح أو بنضطر نكسر ونسوي تصريف من تحت البلاط وعازل وقصة .. نحتاج عازل بسيط تحت البلاط أو قراوت عازل مقاوم للرطوبة

http://i.imgur.com/2QgwhUk.png

الصورة اليمين الشاور بعرض 1.2 متر وطول 1.95 ومرفوع شوي عن أرضية الحمام حتى نقدر نسوي التصريف تحت الكبت للخارج .. الكبت اللي هو يسار تحت عليه خط مايل هذا رمزه .. متر و80 سم في 50 سم وممكن يكون في 70 لو حبينا بنفس نظام الخزائن الأمريكية وفيه منها ألمنيوم بباب سلايدنغ حتى ال 80 سم ممكنة ونقدر نخلي داخله غسالة مخفية لو لنا حاجة لها .. وفيه اللي على طول غسالة ونشافة ممكن تاخذ 70 أو 80 سم من عرض الكبت 180 سم

الكرسي طبعاً ناخذ اللي تصريفه أُفقي وبفتحة في الطوفة وبايب تصريف مباشر .. المغسلة فكرتها على ستاند بارتفاع 85 سم طابوق وعرض 1.4 متر وعمق 30 سم تكون للأغراض والصابون والمراية محفور لها في الجدار تجويف 10 سم وتجي خلفها انارة مخفية .. لو حبينا نعملها بدون التجويف ممكن وممكن نحطها على بوكس خشب بارز ينفتح للتخزين وباحط لو حصلت في اليوتيوب طريقة عملها كصندوق واجهته المراية واعتقد فكرتها مفهومة

اللي في اليسار يختلف في التخزين خلف الشاور ويكون من خلال سلال كبار تنباع في هوم ار اس وكثير محلات غير حق التخزين على أرفف تنسحب السلة ونحط فيها اللي نبي من ثياب وفوط ونقدر نخلي الجزء السفلي حق غسالة

عرض التجويف 95 في 110 سم ونقدر نعتمد ال 120 للعمق وكذلك لعرض الشاور هذا .. ميزة الشاور في اليسار قريب من الدريشة ومواجه المراية .. الشاور يفترض يكون مسكر من فوق بعد بقزاز وموصل له جهاز بخار

[معماري قطري]

اللي في اليسار تمديد البايبات سهل جداً وكذلك الصرف اليمين ممكن تكون البايبات ظاهرة في آخر الكبت لكن مخفية واليمين وفر لنا مكان أوسع للكبت

ركزت على اليمين وسويت ترتيبات للمغسلة أكثر واللي في اليمين تحت وسعت الكاونتر لعرض 40 سم وعليه كبت بواجهة مراية مقسوم قسمين بعرض اجمالي 1.95 ومغسلتين .. الكبت عمقه 20 كفاية للصابون ولمكائن الحلاقة ووصلة كهرباء مخفية في الكبت عن الرطوبة .. ممكن نسويه 30 وحتى 40 لو حبينا

http://i.imgur.com/c6wfmsV.png

[سالم الزهران]

صبحك الله بالخير بو عبدالله

الله يعين والله البناء هم و غم و السبب الأول أن المقاولين يعرفون نماذج معينة فقط , تجي تطالبهم وتعرض عليهم مخططات مبتكرة يطقونك سعر خيالي عشان تهون

من ناحية صورة البيت حق الأخ اللي عرضته,الظاهر باني في المساحة كلها ما ادري اذا كان ترك مساحة في احدى الجوانب؟

اتوقع الرجال وضع الأستثمار في حساباته و لا اتصور ان بيتي بيكون بالشكل الجامد اللي يغلب على تصاميمنا في الخليج

ليش ما يكون البيت على شكل حرف يو مثلاً .. او ضلعين و يكون فيها تعريشات و حديقة سنعة وجلسات خارجية ,, حتى لو ما سويتها الا بعد السكن بخمس سنين

اما من ناحية الحمامات فهي الشيء الصعب عندي .... لا يوجد لدي اي تصور لشكل الحمام الشخصي

الله يجيب الصحة و العافية و يعين اهل العمار في هذا الوقت الصعب

[معماري قطري]

هلا اخوي سالم .. انا حاب فكرة اللي على شكل حرف اليو وانت ما شاء الله فكرك فيه ابتكار وتحب تتابع .. كنت شغال على التصميم براحتي والتصميم يتكون من أجزاء حبيت اكملها واعرضها بس بعد تعليقك لازم اراويك البيت وباقي الحوش شغال عليه والمجلس حطيته قبل

هذا مساحته 935 صغرته قد ما اقدر وشلت منه غرفة فوق .. التصميم صراحة يتكون من ثلاث بيوت شبه متصلين لي ولعيالي .. بيت بالغيه مؤقتاً وبنبني اثنين واحد صغير في حدود القرض حق ولدي الكبير وولدي الثاني حتى لو تزوج البيت هذا بيكفيه وخواته خلاص في سن زواج والله ييسر أُمورهم

كنت مفكر اخلي حوض السباحة في وسط فتحة البيت العلوية لكن غيرت للخصوصية وحطيتها يمين الغرفة الرئيسية تحت

http://i.imgur.com/BlwA5Ex.png

لو تلاحظ الرسمة اليسار الصالة التحتية نازلة شوي حق اللي يدخل يشوف واجهة زجاج تطل على الحديقة وبيكون صوب الحايط شلال يبين وحتى الجالس يلتفت يشوف الزراعة .. الحائط الزجاجي بيكون بدون ستارة لأن الحديقة ورا خاصة ومغطى المكان بالصالة العلوية لأنها أكبر

[معماري قطري]

مبدئياً هذا التصميم والأرضين بينهم الملحقين المتعاكسين بس بنسوي الجزء اليمين وبنخلي اليسار لين يتزوج الولد الثاني ويبني بعدين

أعدل عليه وعاجبتني فكرة الدوار الكامل ما يكون يعني بيضاوي .. المواقف باسويهم بواجهات خرسانية وسقف مخفي حديد .. والمجلس سويته مثمن ويبين حوض السباحة مغلق وله باب من الغرفة الرئيسية تحت وباب من الحوش وممكن الدخول له من المجلس عن طريق باب المطعم وثم الحوش ومن باب الحوش

الدرايش اللي في المجلس المثمن جهة حوض السباحة كلها ملونة وما تسمح بالرؤية

http://i.imgur.com/QnN8qNd.png

[معماري قطري]

هذي شوي صورة أوضح للمجلس وحوض السباحة

http://i.imgur.com/9Q6wutV.png

[معماري قطري]

بعد اتقبل آراء الجميع بخصوص البيت والله يقدرني على بنيانه ونتابع التفاصيل خطوة بخطوة

الهدف هو البناء بعد 2018 أو 2020 حتى يكون البنيان شوي هدأ في الدولة استعداداً لكاس العالم

[Azizuk]

رايئي الشخصي اخوي معماري احب المجلس يكون مستطيل الشكل

بس احلا شي في التصميم صالة الحديد والادوات الرياضية اللي بالمسبح

[Azizuk]

نسيت اقولك اخوي معماري ميونخ تسلم عليك

[معماري قطري]

نسيت اقولك اخوي معماري ميونخ تسلم عليك

الله يوفقك إن شاء الله

سلم على كل طرقاتها خصوصا طريق سالزبورغ

السنة وجهتنا شرق للرطوبة وسواديغا

[معماري قطري]

رايئي الشخصي اخوي معماري احب المجلس يكون مستطيل الشكل

بس احلا شي في التصميم صالة الحديد والادوات الرياضية اللي بالمسبح

نتناقش تونا في التصميم انا وبنتي الصغيرة وما شاء الله طلعت شوي عندها ملاحظات مهمة .. أكيد بالغت بغت غرفتها دورين وبغت غرفة سينما نسوي لها بيسمنت وبولنغ وبوفيه للذرة قرب السينما ناوية تسويها سينما قريبة للحقيقية

بس ملاحظة صج حبيتها كانت توسيع القسم اللي فيه القطع الرياضية جهة ليوان المجلس وباطورها إن شاء الله مع تحريك المجلس تحت شوي لتوسيع الجلسة

بخصوص المجلس حبيت المثمن لأن سهل تنفيذه والدائري صعب أكثر والمثمن تقدر تسوي فيه الجلسة دائرية كل مكان يكون تقريباً نفس الثاني والكل يكون متقارب .. والتصميم للحين في مراحله البدائية ولا اتخذت قرار بس تقريباً مرتاح للموجود

[Azizuk]

الله يوفقك بوعبدالله في تصميمك

وانت ماعليك زود ماتحتاج نصايح منا انت معلم واحنا منك نتعلم

والله فكرة غرفة من دورين حلوه كنت ابي اسويها عندي في البيت بس ام العيال قالت مب ناقصه اطلع وانزل

خبرك مب ساكنين البيت الا واخنا خلاص معجزين ومشيبين

يبي لنا لفت بالغرفة

بس انا مع بنتك حتى في المستقبل ممكن تخليها سكن للعيال في البيت عندك

اذا الله وفقك وتزوجت البنت وتطلعت بيت زوجها وتزوج الولد وقعد عندك

وياليت تخلي لها مدخل للخارج ينفتح على الحوش

وفي المستقبل تقدر تفتح الباب بكل سهوله ويكون جناح خاص للولد

[Azizuk]

فكرة المجلس مثمن حلوه

اذا عندك مجلس خارجي رسمي منفصل

المجلس الرئيسي حلو يكون مستطيل

اذا مجلس صغير خارجي حق قعده يومية حلو يكون مثمن او مضلع ويكون ملموم حق السوالف والاخذ والعطاء وشوي عقااااار

على العموم انت ماتحتاج مجلس رسمي عندك بالبيت لان مجلس العائلة الرسمي عندكم يكفي للمناسبات

[معماري قطري]

فكرة المجلس مثمن حلوه

اذا عندك مجلس خارجي رسمي منفصل

المجلس الرئيسي حلو يكون مستطيل

اذا مجلس صغير خارجي حق قعده يومية حلو يكون مثمن او مضلع ويكون ملموم حق السوالف والاخذ والعطاء وشوي عقااااار

على العموم انت ماتحتاج مجلس رسمي عندك بالبيت لان مجلس العائلة الرسمي عندكم يكفي للمناسبات

صحيح وهذا وسط ل 25 شخص مع جزء خارجي للجلوس وقت الجو زين .. يعني يكفي لقرب 40 شخص في الأجواء الزينة

[معماري قطري]

الله يوفقك بوعبدالله في تصميمك

وانت ماعليك زود ماتحتاج نصايح منا انت معلم واحنا منك نتعلم

والله فكرة غرفة من دورين حلوه كنت ابي اسويها عندي في البيت بس ام العيال قالت مب ناقصه اطلع وانزل

خبرك مب ساكنين البيت الا واخنا خلاص معجزين ومشيبين

يبي لنا لفت بالغرفة

بس انا مع بنتك حتى في المستقبل ممكن تخليها سكن للعيال في البيت عندك

اذا الله وفقك وتزوجت البنت وتطلعت بيت زوجها وتزوج الولد وقعد عندك

وياليت تخلي لها مدخل للخارج ينفتح على الحوش

وفي المستقبل تقدر تفتح الباب بكل سهوله ويكون جناح خاص للولد

هذا تركيزي على العيال أكثر والا البيت صغرته شوي بدون تغيير أساس التصميم .. والبيت كله والمجلس والتصميم ككل حلال الجميع من يحتاج منه شيء مستعد للتطوير .. مع البيسمنت ممكن نسويه بكم شكل وممكن نسوي بيسمنت جزئي لو حد حاب .. ممكن نسوي بنتهاوس

هو تقريباً 23 في 21 ككل لكن فيه بروزات تاخذ مساحة وهذي تعطي منظر كتل جميلة وكاسرة للمربع المصمت .. كذلك فكرة عمل غرفة مرتفعة بارتفاع مزدوج وقسم هذا الارتفاع بأرضية وسطية خفيفة لقسمها لغرفة من دورين تعطي منظر مغاير

إرتفاع البيت كل دور 4 أمتار بيكون حتى نقدر نسوي تكييف دكت سبلت جزئي وما فيه بنتهاوس يعني ممكن نسوي غرفة بارتفاع مزدوج شكلها يكون بارز وكاسر الشكل المربع

[سالم الزهران]

من أين لك هذا يا معماري قطري

الله يوفقك يبو عبدالله و يبارك لك في صحتك و عمرك

عجبني التصميم بدون مجامله

مشكور على هذا الموضوع المتميّز بو عبدالله

[Azizuk]

نصيحه بوعبدالله اذا بتسوي مكيف دكت خل الارتفاع 4 متر ونص اقل شي

لان الجبس والديكورات راح تاخذ عليك مساحة الارتفاع

عندك الدكت لازم ينزل من السقف اقل شي 10 سنتيميتر

عشان مايلامس السقف واذا لامس السقف يهتز ويطلع لك صوت مزعج بعد فتره مع الاهتزاز

بعدين حجم الدكت من 35 الى 40 سنتييميتر

وعندك لازم نزول تحت الدكت 10 سنتيميتر اقل شي

بعد عشان الدكت مايلامس الجبس ويتجنب الاهتزاز وحق الاسبت لايت والوايرات الثانية

بعدين اذا الجبس عندك في اضاءة داخليه لازم يكون 2 لفيل

والكورنيش الداخلي للاضاءة 40 سنتيميتر عشان الاضاءة تبين عدل وتتوزع بتساوي

وعندك الكورنيش الخارجي على الحايط

ينعى تتوقع يروح من الارتفاع 90 سنتيميتر

والا تنسى ارتفاع بيبان مداخل البيت وافريم الباب واذا عندك اقواس بين الممرات

عندي في البيت جاني مهندس الديكور وطلب اني انزل ارتفاع الباب والاقواس والا مكان الباب ماراح يركب الكورنيش و راح يلامس اعلى القوس مع فريم الباب

هذي بعض المشاكل اللي واجهتني اثناء التشطيب غير ان بعد تعمل احساب وقت التعديل يعطلك في امور الثانية

انا صار عندي تاخير في تركب الدكت وتاخار على راعي الجبس لان عندهم جدول زمني يمشون عليه والتاخير ياخر شغل اخري

تقريبا" من اسباب التاخير عندي هذي الامور تطلع لك وخاصه واحد مثلي غشيم في البنيان اول مره ابني

[معماري قطري]

من أين لك هذا يا معماري قطري

الله يوفقك يبو عبدالله و يبارك لك في صحتك و عمرك

عجبني التصميم بدون مجامله

مشكور على هذا الموضوع المتميّز بو عبدالله

هذا التصميم نزلته من زمان وتفاجأت بمكتب استشاري سعودي ماخذ الصورة وناسب التصميم له .. عادي عندي لو يستفيدون منه بس حاطها في البروفايل على الانترنت .. غيرت فيه كثير وللحين وراي تغييرات بعد

والعفو يا اخوي الشكر للأعضاء اللي كثير منهم ساهموا بعرض تصاميمهم للفائدة صج شيء مزعج الواحد يخسر وقت وجهد ومال وفي النهاية يطلع بنتيجة غير مرضية ومشاكل صيانة كثيرة

[معماري قطري]

نصيحه بوعبدالله اذا بتسوي مكيف دكت خل الارتفاع 4 متر ونص اقل شي

لان الجبس والديكورات راح تاخذ عليك مساحة الارتفاع

عندك الدكت لازم ينزل من السقف اقل شي 10 سنتيميتر

عشان مايلامس السقف واذا لامس السقف يهتز ويطلع لك صوت مزعج بعد فتره مع الاهتزاز

بعدين حجم الدكت من 35 الى 40 سنتييميتر

وعندك لازم نزول تحت الدكت 10 سنتيميتر اقل شي

بعد عشان الدكت مايلامس الجبس ويتجنب الاهتزاز وحق الاسبت لايت والوايرات الثانية

بعدين اذا الجبس عندك في اضاءة داخليه لازم يكون 2 لفيل

والكورنيش الداخلي للاضاءة 40 سنتيميتر عشان الاضاءة تبين عدل وتتوزع بتساوي

وعندك الكورنيش الخارجي على الحايط

ينعى تتوقع يروح من الارتفاع 90 سنتيميتر

والا تنسى ارتفاع بيبان مداخل البيت وافريم الباب واذا عندك اقواس بين الممرات

عندي في البيت جاني مهندس الديكور وطلب اني انزل ارتفاع الباب والاقواس والا مكان الباب ماراح يركب الكورنيش و راح يلامس اعلى القوس مع فريم الباب

هذي بعض المشاكل اللي واجهتني اثناء التشطيب غير ان بعد تعمل احساب وقت التعديل يعطلك في امور الثانية

انا صار عندي تاخير في تركب الدكت وتاخار على راعي الجبس لان عندهم جدول زمني يمشون عليه والتاخير ياخر شغل اخري

تقريبا" من اسباب التاخير عندي هذي الامور تطلع لك وخاصه واحد مثلي غشيم في البنيان اول مره ابني

معاك حق وممكن حتى 5 متر .. ليش لأني مب مسوي بنتهاوس ولأن الإرتفاع يعطيك حرية في تصميم بعض الصالات بإرتفاع عالي وكذلك المجلس .. أما غرف النوم أريح يكون سقفها 3 متر وكذلك الحمامات والمطابخ

[سالم الزهران]

هذا التصميم نزلته من زمان وتفاجأت بمكتب استشاري سعودي ماخذ الصورة وناسب التصميم له .. عادي عندي لو يستفيدون منه بس حاطها في البروفايل على الانترنت .. غيرت فيه كثير وللحين وراي تغييرات بعد

والعفو يا اخوي الشكر للأعضاء اللي كثير منهم ساهموا بعرض تصاميمهم للفائدة صج شيء مزعج الواحد يخسر وقت وجهد ومال وفي النهاية يطلع بنتيجة غير مرضية ومشاكل صيانة كثيرة

التصاميم أعمال ابداعية و اللي يسوي هالسواة سروق الله لا يكثر خيرة , بإمكانه يتواصل معك و يطلبه منك و لكن للأسف دروب السنع لها ناسها

يعطيك العافية بوعبدالله ..

[معماري قطري]

التصاميم أعمال ابداعية و اللي يسوي هالسواة سروق الله لا يكثر خيرة , بإمكانه يتواصل معك و يطلبه منك و لكن للأسف دروب السنع لها ناسها

يعطيك العافية بوعبدالله ..

الله يعافيك إخوي سالم

المشكلة اشوف التصميم عادي اللي يميزه الفكرة المعمارية لكن كعرض وبرزنتيشن ما يسوى .. الرسوم المطورة عن طريق الفوتوشوب والثري دي ماكس ذيك تستاهل

[معماري قطري]

سويت بعض التعديلات البسيطة على التصميم وبيكون كمرحلة اولى بنيان السور كامل وبنيان الجزء اليمين والباقي بيكون حديقة لحتى يحين موعد البناء بعد فترة ممكن توصل 10 سنين أو أكثر

حتى توضح الفكرة حطيت خط أحمر متقطع يوضح امتداد سقف الدور العلوي على الفراغ الوسطي .. وسويت الشلال بحيث ينزل على جدول بخطوط مستقيمة ويكون نازل بشكل متدرج وحوله الشجر

http://i.imgur.com/0QzBMRb.png

الدوار استوى منتظم أكثر .. وفكرته باخليه بدون رامب لسهولة الالتفاف حوله وباسوي سلوب بسيط للخارج .. وارتفاع أرضية الحوش عن الشارع بيكون 30 سم فقط والبيت عن الدوش ثلاث عتبات كل عتبة 12 سم = 36 سم .. الدوار بيكون نفس مستوى الطريق للسيارات ومزروع بعشب في قوالب بلاستيك وحولها الشجر الطوال مفكر في الرويال بالم تريز أو الواشنطونيا والوسط فيه النافورة

الإضاءة أكيد بتكون مهمة وبتلعب دور كبير .. ولو نشوف من الدوار النافورة في الوسط وباب يدخل على المجلس والصالة قزاز شفاف وراه باب خشبي وفي العادة يبقى مفتوح غالب الوقت ومنه نشوف الشلال والجدول المتحرك وأكيد مع الاضاءة

http://i.imgur.com/114YAM0.png

هذي أوضح للفراغ الوسطي

[معماري قطري]

المنهولات بتكون غير موجودة بيكون كله توصيل مباشر .. أحاول اطلع صورة واضحة بس صعبة

http://i.imgur.com/uk2aczW.png

[معماري قطري]

آخر يومين قبل السفر وفتحت الاوتوكاد اشوف المخطط الأخير وفكرت في تعديل بسيط للصالة التحتية

انا احب الجلسة الدائرية ولو تكون نازلة بتكون أحلى .. بتكون إن شاء الله نازلة 60 سم عن أرضية الصالة بحيث الكراسي ما تعيق الرؤية للمنظر وراها والماء بيجي قريب من الدريشة الكبيرة يبين من داخل وينسمع صوته لو فتحنا الدريشة

http://i.imgur.com/GVM9C4g.png

الفكرة ما توقف عند هذا الحد بل ممكن عمل الماء يمر تحت صالة الجلوس ويكون مغطى بزجاج ممكن المشي عليه ويتحرك عبر بايب راجع لأعلى الشلال قرب الجدار

[سعود.]

المنهولات بتكون غير موجودة بيكون كله توصيل مباشر .. أحاول اطلع صورة واضحة بس صعبة

http://i.imgur.com/uk2aczW.png

توصيل مباشر هو نفسة النظام الامريكي ؟؟؟

[معماري قطري]

إيه نعم إخوي سعود مقتنع به .. مع إنها ما تعتبر عائق في شيء وتغطيتها بنفس الأرضية يخليها ما تبين لكن اتخيل ما لها داعي ونظام اغلاق البايبات أهم

بديت اشتغل على الواجهة الرئيسية بس شكلي مب مخلص الا بعد ما ارجع

[معماري قطري]

مبدئياً إخوي بو سعود بيكون هذا الجزء اللي مبين بعد ما تدخل من الباب وخذت اللقطة بعد مظلة البوابة حتى تبين تفاصيل المجلس أكثر وغرفة الطعام النازلة اللي مغطية على جزء من كتلة المجلس

يسار المجلس تجي الكتلة النازلة حق خدمات حوض السباحة ووراها تجي كتلة حوض السباحة مرتفعة .. والسبب حاب اسوي مدخل للنور للمناور العلوية الجانبية .. بتكون هذي حق المجلس مثل ما انت شايف وبتكون الدرايش نازلة لتحت حتى لو كانت تشكيلة دريشة بدون فتحة حتى تعطي شكل والإضاءة الصناعية بتعطيها منظر الدريشة المفتوحة للخارج

خليت كتلة خدمات حوض السباحة نازلة حتى اقدر افتح صوب الحمام في الغرفة السفلية في البيت دريشة علوية كبيرة للنور خصوصاً بتكون مقابلة شرق وكتلة الخدمات ذي بتسد على غرفة الملابس والحمام لكن باسوي المناور فوق سطحها

http://i.imgur.com/gLqzFTv.png

تنسيق الواجهات متسق مع المخطط الأرضي ومفكر فيه من زمان

[معماري قطري]

الشكل المبدئي للواجهة

http://i.imgur.com/wiitRkv.png

الخطوط الحمر المتقطعة لتوضيح مستوى الأرضيات والأسقف

[معماري قطري]

مشروعي استويت احبه وايد وأكيد التصميم بيكون مستمر والتحسين عليه بيكون مستمر وبازعجكم به شوي

http://i.imgur.com/7nVzUlW.png

هذي صورة مقربة للمدخل .. بيكون سقف المكتب نازل وبين السقفين باقدر اسوي منور لداخل البيت قلاس بلوك ( الموضح بالأزرق المتقطع )

http://i.imgur.com/AezFg92.png

[معماري قطري]

كبرت شوي تيجان الأعمدة حسيتهم صغار

http://i.imgur.com/ka2Ndyt.png

[معماري قطري]

فرزات الزوايا تبين من بعيد وتتضح أكثر كلما قربنا .. هذي سهل عملها خصوصاً لو الجدار عريض وتنعمل مع قوالب الصب من الفلين أو الخشب

[Azizuk]

لا تكبر العمدان وتسوي نفس الخطاء اللي صار عندي

مهندس المقاول اللي كان ماسك البيت سوه العمدان عندي بقطر 50 وكان المفروض يسوهم 30

لان هو 50 مع الديكور والتيجان والحين طلع عندي العامود كبير وايد وماقدر اركب عليه تيجان والا يتلبس حجر والا جي ار سي بيطلع دفش وكبير وايد

[معماري قطري]

هلا بو سعود

هذي الله يسلمك 30 من تحت واقل شوي من فوق ولو بغيت الخمسين لها حلول بس نسبة وتناسب بتطلع قبيحة لان الطول قليل

باسوي مقترحات ثانية لين رجعت الحين في الام بي كي في بانكوك وزين وافقوا لي باستعمال النت شوي

[Azizuk]

الله يحفظك وترجع بالسلامة يابوعبدالله

[معماري قطري]

الله يرحم والديك

وانت كذالك أتوقع للحين في ميونخ

[Azizuk]

لين الحين في بلادك ميونخ برجع قريب ان شالله

ماتامر على شي بخاطرك من المانيا

حاضرين لك يابوعبدالله

[معماري قطري]

جرب الحليب هناك بالزبدة بتتولع فيه بس يزيد الوزن

اعتقد اللي مكتوب عليه سبعين في المية

تسلم اخوي ما تقصر المهم تستانس في هالوقت القصير

[sweet qatar]

الشكل المبدئي للواجهة

http://i.imgur.com/wiitRkv.png

الخطوط الحمر المتقطعة لتوضيح مستوى الأرضيات والأسقف


ماشالله تصميم جميل

ايش المواد الي ناوي تستخدمها في الواجهة ؟

[معماري قطري]

هلا اختي سويت قطر

انا مركز على الكتل والزوايا المتعددة والبروزات وهذي احلى تنعمل بالبلاستر والصبغ والنوافذ زجاج ويو بي في سي كالمعتاد .. فكرت أزيد غرفتين وصالة فوق حق ولدي زواجه قريب ان شاء الله وبيكون اوفر لين يبني براحته

التصميم مب نهائي ولازم أحط تفاصيل كثيرة

[معماري قطري]

نسيت أقول الكسرات اللي في المجلس المثمن بتكون فيها تشكيلات جي أر سي بانارة مخفية تبرز الشكل والفتحات ونفس الوضع بتكون تشكيلات بسيطة وهادية على حائط البيت .. ما ابي ابالغ لان التجميل زيادة قبح والتكلفة مؤكد بتكون كبيرة خصوصا مع زيادة المساحة

[sweet qatar]

دام اخترت الستايل التراثي لازم تحط خشب

و حلو بعد لو تطعم الواجهة برخام :)


شكلك تحب درايشك عشان جذي بتسوي مثلهم*

الله يتمم لولدك على خير وتفرح فيه وفي اخوانه

[سالم الزهران]

آخ لو فيه مساحة و دراهم كان تخلي البيت واجهته مثل المدرجات لاجل ياخذ شكل تراثي

بس حتى لو توفرت الدراهم و المساحة , اسأل نفسي دايماً هل احتاج يكون البيت كذا ؟

تحس انها تصلح لمباني عمومية او لسكن شخص ارستقراطي و ليس من العامة زي حالتي

موفق يا مهندسنا بوعبدالله , الله يعطيك الصحة و العافية و كل شيء تتمناه

[غايه الطواش]

ماشاءالله تبارك الرحمن
وايد عجبني التصميم الداخلي للبيت تبارك الرحمن

توي راجعه من المغرب استخفيت على فن العماره هناك امشي واصور وحتى محلات الجبس والبلاط والرخام شي عجيب وخيالي ورخص التراب
شفت بلاط للحوش مشابه لللبلاط السعودي ولكن لونه ابيض مايل للرمادي وبنقشة مغربيه
وايد حبيته يخلي البيت وكانه قصر

[معماري قطري]

هلا ومرحبا فيج اختي غاية

انا من محبي المغرب والعمارة هناك وكذلك اسبانيا والبرتغال وفلوريدا عمارتها مقاربة .. وزارة الداخلية مانعة الذهاب للمغرب بس لازم اكسر القيود وأروح

بعدين دوم تفكيري في دمج التصميم الداخلي مع الخارجي

[معماري قطري]

آخ لو فيه مساحة و دراهم كان تخلي البيت واجهته مثل المدرجات لاجل ياخذ شكل تراثي

بس حتى لو توفرت الدراهم و المساحة , اسأل نفسي دايماً هل احتاج يكون البيت كذا ؟

تحس انها تصلح لمباني عمومية او لسكن شخص ارستقراطي و ليس من العامة زي حالتي

موفق يا مهندسنا بوعبدالله , الله يعطيك الصحة و العافية و كل شيء تتمناه

الله يوفقك اخوي سالم

هو بتكون فيه كسرات وتجويفات ونقوش جي أر سي لو توفقت في حد يسويه زين بس بدون مبالغة

البروزات الكبيرة بلكونة وبروز المدخل .. التدريج يجمع الغبار وينزل على الواجهة مع المطر كذلك بعض التجويفات .. وعندي الحوائط دوم 45 سم للعزل الحراري

[معماري قطري]

دام اخترت الستايل التراثي لازم تحط خشب

و حلو بعد لو تطعم الواجهة برخام :)


شكلك تحب درايشك عشان جذي بتسوي مثلهم*

الله يتمم لولدك على خير وتفرح فيه وفي اخوانه

هلا اختي سويت الدرايش القوس البسيط مناسب للعريضة وافكر أسوي الثنتين الصغار قوس مكتمل .. عندج درايش المجلس قوس كامل مستطيلة وضعيفة ومناسب لها .. الواجهات الثانوية بعد لازم افكر فيها وهو التصميم لازم بيمر بمراحل ومتقبل كل آراءكم وطبقت بعضها خصوصا لحوض السباحة وخصوصيته

[sweet qatar]

هلا اختي سويت الدرايش القوس البسيط مناسب للعريضة وافكر أسوي الثنتين الصغار قوس مكتمل .. عندج درايش المجلس قوس كامل مستطيلة وضعيفة ومناسب لها .. الواجهات الثانوية بعد لازم افكر فيها وهو التصميم لازم بيمر بمراحل ومتقبل كل آراءكم وطبقت بعضها خصوصا لحوض السباحة وخصوصيته

تقدر تخليها بدون قوس


اختيارك للستايل القديم يعطيك تحدي انك تبدع و تبتكر لان الدوحة كلها صارت ستايل قديم

من النادي الدبلوماسي لين مشروع مشيرب


الله يوفقك

[معماري قطري]

تقدر تخليها بدون قوس


اختيارك للستايل القديم يعطيك تحدي انك تبدع و تبتكر لان الدوحة كلها صارت ستايل قديم

من النادي الدبلوماسي لين مشروع مشيرب


الله يوفقك

وفالك التوفيق اختي

صحيح ممكن مستطيلة عادية باجرب للحين ما استقريت حتى المجلس شكله حديث بس فيه بعض العناصر بشكل قديم محدث .. أحب الحديث السهل والجميل والكتل تبين من بعيد ولها شخصيتها

واكيد نقد الجميع اخذه في عين الاعتبار

[معماري قطري]

تصميم لأحد الإخوان في المنتدى وفيه شوية مغامرات هندسية ابيكم تشوفونها وتعطوني وتعطونه آرائكم ونسوي تعديلات بحدود ونشوف شيصير

هذا الحوش مع المباني وباحط المخططات مثل ما هي وهذي تعتبر معمارية نهائية

http://i.imgur.com/nmIEt7G.png

[معماري قطري]

ملاحظتي المبدئية هنا هي مدخل السيارات ووضعية الطبيلة شوي عائق ولو خلى المدخل يسار قرب المجلس بيكون أسهل وممكن يضيف طبيلات أكثر خصوصاً البيت كبير ولازم بيحتاج لسيارات أكثر

الدور الأرضي يتوسطه حوض السباحة وفيه فتحة في الدور الأول ومنور في السقف حق حوض السباحة .. المشكلة النور بيوصل حوض السباحة يمكن حول الساعة وقت الشمس تكون عمودية ومع ميلان الشمس وقت الشتاء ما ادري شكثر بيوصل النور ممكن يوصل الجدران ولا يوصل الماء

مشكلة ثانية ما فيه خدمات للحوض غير غرفة المضخات وهذي قريبة من الحوض ومزعجة نوعاً ما وبارتب لها موقع ثاني ومفكر أصلاً في موقع غير لحوض السباحة بس المالك مصر على نفس المكان .. يصير بس لازم ناخذ احتياطنا للرطوبة وريحة المعقمات ولو يستخدم تعقيم الاوزون أو الفوق بنفسجية بيكون بدون ريحة بس الرطوبة

الحل عمل حوائط زجاج وحتى من فوق حول الفتحة بحيث يكون سهل رؤية الماء والرطوبة تكون محصورة في حيز الحوض وممكن نفتح أبواب زجاج وقت الحاجة

http://i.imgur.com/NLft0xv.png

طبعاً نقلت الفتحة فوق بخطوط مقطعة حمراء والمنور بالأزرق المتقطع

[معماري قطري]

الدور الأول بانتظار تعليقاتكم

http://i.imgur.com/s1fJWNh.png


والسقف أخيراً والواجهات بعدين ان شاء الله

http://i.imgur.com/ddqeDBs.png

السقف فيه صالة رياضية وخدمات كافية حق حوض السباحة وممكن نعمله فوق مكشوف للهواء والشمس وممكن يتغطى ببلاستيك مع عوارض حاملة وجدران بلاستيكية أو زجاجية كذلك وقت عدم الاستعمال

[sweet qatar]

مرحبا استاذي


عندي بعض التساؤلات بالنسبة للتصميم


ليش ورا البيت 3 متر مب 2 ؟


حبيت فصل اللفت عن الدرج وهو الخيار الافضل ، لكن اللفت اعتقد مكانه غير مناسب


مجلس النساء ما يصلح يكون آخر البيت المفروض يكون قريب مدخل البيت

وما فيه خدمات ، يحتاج مغاسل و حمام تكرمون إضافة لوبي مجلس الحريم المفروض يكون ساتر مب عند اللفت

غرفة الضيوف مدخلها على مجلس وحمامها خارج الغرفة وبينها وبينه مغاسل

تخيل عندك مناسبة واستضفت حد في البيت قام من النوم والمجلس مليان :)



هذي بعض الاشيا الي لفتت نظري في الدور الاول لكن يمكن صاحب البيت عنده سبب مقنع !!


باقي الامور بنتكلم عنها بعدين بس ابي افهم فلسفة توزيع البيت

[سعود.]

قانون البلدية الارتداد 3 متر .

سويت طلب ارجع الفيلا للخلف مع ارتداد 2 متر . وتمت الموافقة لان البيت الي وراى بيت الاهل بس بدون فتح النوافذ
يعني الغرفه الخلفيه في الدور الاول صارت نوافذها على الاجناب

[sweet qatar]

قانون البلدية الارتداد 3 متر .

سويت طلب ارجع الفيلا للخلف مع ارتداد 2 متر . وتمت الموافقة لان البيت الي وراى بيت الاهل بس بدون فتح النوافذ
يعني الغرفه الخلفيه في الدور الاول صارت نوافذها على الاجنب .

اها كنت احسبه مترين

شكرا على التوضيح

[معماري قطري]

مرحبا استاذي


عندي بعض التساؤلات بالنسبة للتصميم


ليش ورا البيت 3 متر مب 2 ؟


حبيت فصل اللفت عن الدرج وهو الخيار الافضل ، لكن اللفت اعتقد مكانه غير مناسب


مجلس النساء ما يصلح يكون آخر البيت المفروض يكون قريب مدخل البيت

وما فيه خدمات ، يحتاج مغاسل و حمام تكرمون إضافة لوبي مجلس الحريم المفروض يكون ساتر مب عند اللفت

غرفة الضيوف مدخلها على مجلس وحمامها خارج الغرفة وبينها وبينه مغاسل

تخيل عندك مناسبة واستضفت حد في البيت قام من النوم والمجلس مليان :)



هذي بعض الاشيا الي لفتت نظري في الدور الاول لكن يمكن صاحب البيت عنده سبب مقنع !!


باقي الامور بنتكلم عنها بعدين بس ابي افهم فلسفة توزيع البيت

مرحبتين الزائرة الدائمة

معاج حق في كل تساؤلاتج وانا حاولت ارقع اللي يترقع والمالك مب مقتنع باللفت وبمكانه يقول حطه آخر شيء .. المشكلة اللفت ينتهي في البنتهاوس والبنتهاوس فيه غرفة خدامات يعني جدامهم أما ينزلون بدرج الخدمات وبعدين يمرون في الصالة مالت الدور الأول ويروحون للدرج الثاني وينزلون للملحق اللي في الجهة الثانية .. أو ينزلون ويركبون في اللفت

آقدر اسوي الدرج مال الخدمات واصل للدور الأرضي بكل سهولة ويطلعون للملحق من الحوش .. بس مشكلتنا لا ارادياً بيستوي هذا الباب الخلفي اللي يدخلون منه أهل البيت لوجود اللفت قريب .. حتى انا حطيت سيارتين هناك بمظلات

طبعاً الاستشاري مصغر السيارات والطبيلات وانا سويتهم 6 في 3 .. واللي قرب المدخل صغرت العرض 20 سم بس حتى يستوي مكان لدرج البيسمنت تحت المجلس اللي طالبه صاحب التصميم

إندمجت مع التصميم خلصت أغلبه بس فيه أُمور الاستشاري ملخبط فيها من ناحية الخطوط والمقاسات .. ما اظن الأرض عوجاء هو مسويها جهة 2 سم أقل من جهة

خلينا نشوف اللي وصلت له حق حوش البيت

http://i.imgur.com/iuLxKkB.png

الملاحظات الثانية غرفة السايق جنب المجلس وهذي بعد ما ياخذ الرخصة يفصلها ويفتح لها باب غير باب المجلس

الملحق بين باب المطبخ لين باب المطبخ الداخلي حول 20 متر

لازم بتكون فيه حاجة حق خزان صرف صحي وهذا ممكن يجي بالطول مقابل المظلة الكبيرة بس لازم يسوي سلوب وفتحات تصريف لماي غسيل السيارات وينزل الماي في بيب تحت الأرض لخزان الصرف لأَن الماي فوقه بيخرب الخرسانة

[معماري قطري]

البيسمنت تحت المجلس ممكن يحتوي صالة ألعاب ومخزن وممكن حتى سينما صغيرة أو غرفة دراسة وباوضحه بعدين

الله يعين المالك ما ابي اكرهه في التصميم وكل شيء يتعدل وهذا للحين ما حصل الموافقة الأولية

لاحظت وانا اشتغل على الطابق الأرضي المجلس مفتوح حايطه على المطعم والمطبخ .. سويت فكرة حائط بس صج الغرفة وضعها غريب

مبدئياً هذي التعديلات على الأرضي

تم نقل غرفة المضخات برا وتحريك اللفت مع عمل مخزن صغير للمنظفات وعدة التنظيف واغلاق الفتحة اللي صوب لوبي اللفت في المجلس وعمل حمام مع المغاسل وفتح باب قزاز صوبه من حوض السباحة مع عمل أغلب الحوائط قزاز

ما قدرت افهم المنطق ورا عمل مغاسل جنب المجلسين وغرفة الطعام بعيدة هل اللي بيغسل بيمشي بيده فيها أكل كل هذي المسافة؟ يا ليت الباشمهندز اللي سوى التصميم يقول لي

http://i.imgur.com/Jan7sak.png

[معماري قطري]

الدور الأول شفت الغرفة الرئيسية كبيرة وايد بمساحات ضائعة قلت اسوي صالة تلفزيون بحائط بارتشن خفيف وعريض أما من الجبس أو الخشب مع قوس للمدخل وكسرة للتلفزيون

الفتحة قزاز ومستقيمة بس يفترض القزاز أما لامينيتد اللي فيه بلاستيك ما يخليه يطيح أو معالج بالحرارة لو انكسر يطيح مثل الكرات الصغيرة مع درابزين حماية حتى لو انكسر محد يطيح منه

http://i.imgur.com/MIS2vfg.png

غرف الملابس سويتها مسكرة ومفصولة عن الحمام

هذا الدور ترتب كثير بهذي الطريقة

[sweet qatar]

المفروض مع كل مخطط تعرضه اخوي معماري تحط لنا عدد سكان البيت واللايف ستايل حقهم :)


شخصيا افضل غرفة الخدامات برا و البنت هاوس يستفيد منه اهل البيت ، على كثر المداخل للبيت اتوقع فيه اكثر من عايلة

ما ينفع تحط جيم مع غرفة الخدامات

مجلس الحريم الي في الطابق الاول يتقسم جزء للجيم تنحط معاه شاورات و ساونا بحيث يكون المسبح ماخذ حقه في البيت و يمكن استخدامه بكل راحة


وغرفة الضيوف تاخذ زاوية مع حمامها تكرمون

وبين غرفة الضيوف و الجيم ينحط اللفت


مكان غرفة الضيوف سابقا يصير مجلس الحريم و نودي غرفة المضخات ورا






وانا اراجع الرد انتبهت انك عدلت بعض الامور

بصلي وارجع باذن الله

[معماري قطري]

المفروض مع كل مخطط تعرضه اخوي معماري تحط لنا عدد سكان البيت واللايف ستايل حقهم :)


شخصيا افضل غرفة الخدامات برا و البنت هاوس يستفيد منه اهل البيت ، على كثر المداخل للبيت اتوقع فيه اكثر من عايلة

ما ينفع تحط جيم مع غرفة الخدامات

مجلس الحريم الي في الطابق الاول يتقسم جزء للجيم تنحط معاه شاورات و ساونا بحيث يكون المسبح ماخذ حقه في البيت و يمكن استخدامه بكل راحة


وغرفة الضيوف تاخذ زاوية مع حمامها تكرمون

وبين غرفة الضيوف و الجيم ينحط اللفت


مكان غرفة الضيوف سابقا يصير مجلس الحريم و نودي غرفة المضخات ورا






وانا اراجع الرد انتبهت انك عدلت بعض الامور

بصلي وارجع باذن الله

الله يعطيج العافية انا مخي عورني

هو عنده مجلس رجال خارجي وأكيد مجلس الحريم اللي داخل خاص والمفتوح عبارة عن صالة تحتية مفتوحة على غرفة الطعام والمطبخ .. صحيح الدخول للمجلس ورا في ممر طويل في الحوش ما فيه برستيج بس ممكن يدخلون من الباب الرئيسي للصالة

لازم انتظر المالك يشوف ويرد أو حتى يناقش التصميم معانا وبعدين نشوف شيصير

بيتي انا الحالي نفس مساحة أرضه ونفس ظروفها جيران من ثلاث جهات بس رتبته ولا سويت مجلس خارجي

[sweet qatar]

هههههههه


ما تنلام .. غريب وضع المطبخ الداخلي ومفتوح بكبره حتى لو بسلايدنغ دور على غرفة الطعام الي ماخذه واجهة البيت


يعني احس ما ينفع نستقبل ضيوف والمطبخ والي في المطبخ مكشوفين لهم





بننتظر تعليق المالك و متطلباته

[معماري قطري]

هههههههه


ما تنلام .. غريب وضع المطبخ الداخلي ومفتوح بكبره حتى لو بسلايدنغ دور على غرفة الطعام الي ماخذه واجهة البيت


يعني احس ما ينفع نستقبل ضيوف والمطبخ والي في المطبخ مكشوفين لهم





بننتظر تعليق المالك و متطلباته

كله يتعلق بالمالك وشيختار ووشي خطته .. الوضع اللي وصلت له ويترتب أكثر إن شاء الله هو ممكن استخدام الجزء الخاص بالمدخل الرئيسي لإستقبال النساء بحيث تدخل السيارة لقرب الدرج .. والدرج محترم ثلاث عتبات بس ولو نضيف عتبة رابعة ونخليهم بارتفاع مريح أحلى وممكن نحتاج لرامب لجهة من درج المدخل

تبقى صالة الجلوس تحت متصلة بالطعام متصلة بالمجلس كفضاء مفتوح ولو بنسويه مفتوح يفترض ينفتح أكثر جهة المطبخ .. المجلس اللي ورا للنساء حتى يكفي للجلوس قبل أي مناسبة وتحضير الأكل أو البوفيه في مساحة مفتوحة مناسبة ويبقى مدخل العائلة الخلفي أو من ناحية المطبخ

أقدر أسوي الدرج اليسار اللي يبدأ من الدور العلوي للبنتهاوس متواصل للأرضي بس بيبقى لنا ممر بعرض متر وبيكون مناسب لدخول أفراد العائلة كمدخل ثانوي لو فيه زوار

الممر في الحوش ممكن نغطيه ببرغولا عليها أشجار متسلقة يعطي ظلال وجمال وسعة لأن هذي الأشجار ما تحتاج حيز كبير وحتى الاصيصات تنفع لها .. ممكن نحط واشنطينا أو نخل في عرض متر ويبقى لنا حول متر و60 سم لو بنبتعد عن سور البيت 40 سم حتى الزراعة ما تخربه .. نستوي خلطنا الزراعة العالية بالنباتات المتسلقة بالتظليل بالزراعة وبخشب البرغولا

بامشي بإذن الله على هذي الخطة بس بتبقى عندي غرفة الضيوف اللي في اليسار هذي مؤكد لحد قريب بتكون وإشغالها نادر .. حسب رغبة المالك ممكن تتحول مكتب أو تبقى غرفة ونفصلها عن المجلس بالكامل ونخلي مدخلها جهة الخلف

[معماري قطري]

هذا رسم توضيحي للدور الأرضي مع التعديلات وحطيت الملحق مثل ما هو ونلاحظ باب المطبخ بعيد في الزاوية وأكيد باعدل عليه بس هذا لتوضيح عدم اهتمام الاستشاريين ويعطون المخططات لرسام يسويها وهو بعيد عن الاختصاص الهندسي

التعديل يشمل فتح المطبخ أكثر مع عمل جزيرة للتحضير وجزء كاونتر مرتفع للأكل

عمل باب الغرفة للضيوف ورا قرب المدخل الخلفي وتنزيل أرضيتها 30 سم حتى يكون إرتفاع الدرج يكفي للباب .. الدرج بدايته بتستوي من الأرضي للسقف للخدمات أكثر وللخدامات وممكن بهذي الطريقة نغير تغيير بسيط على البنتهاوس نخلي غرفة الرياضة للخدمات مع بعض التعديل عليها لتناسبهم ونفصل المصعد مع الغرفة اللي لهم ونخصصها للرياضة ويكون عندنا مجال حتى حق سونا لو نبي فوق

http://i.imgur.com/4RFZz7R.png

[معماري قطري]

عدلت تعديل حلو يتناسب مع البنتهاوس وكبرت عندي الصالة الرياضية واستوت معزولة عن غرفة الخدم

خلوني ابدأ أول ببيسمنت حق المجلس .. استوت عندنا صالة ألعاب مثل البليارد وغيره والنزول له عبر درج في الحوش .. الجلسة في المدخل ممكن تكون مكتب أو مكتبة أو مجلس صغير .. وممكن نفتحها على صالة الألعاب ونخليها غرفة كبيرة حتى تستوي غرفة طعام للمجلس الخارجي

http://i.imgur.com/zKi4QVD.png

الكسرة اللي في الزاوية بعرض 3 متر مخربة المجلس وترتيب الكراسي وما ادري شفايدتها .. في البيسمنت ممكن تنفع حق أرفف تخزين أو تتسكر تنعمل مخزن .. غرفة السايق مثل ما ذكرت قبل ممكن نعزلها بحائط ونفتح لها باب جنب باب المجلس بعد الرخصة .. أو تبقى مثل ما هي ما تضر اتوقع

الدور الأرضي واصلت الدرج الخدمي لتحت ونزلت مدخل الباب الخلفي شوي حتى يستوي ارتفاع مناسب للباب اللي لغرفة الضيوف .. سويت المغاسل لها مدخلين مدخل بباب من صوب المسبح واللي في مجلس النساء يقدر يوصلها بسهولة والمغاسل الجانبية حولتها غرفة تبديل ملابس وشاور وحمام .. حمام غرفة الضيوف ترتب أكثر وحمام المجلس لازم له تهوئة ميكانيكية بدون دريشة

فتحت المطبخ أكثر والحائط اللي ورا الثلاجات بس بارتشن وممكن يكون من جبس وممكن حتى طابوق 10 سم وبارتفاع يغطي ظهر الثلاجات بس

بدلت مكان المطبخ الخارجي مع المخزن واستوى الباب قريب للباب اللي يودي للدرج لكن باب المطبخ الداخلي شوي بعيد لكن وايد أفضل من قبل

http://i.imgur.com/7tKXdAR.png

[معماري قطري]

الاحظ الحين حتى باب غرفة الغسيل المفروض يكون مكان الدريشة للقرب وحتى يكون في الممر بين الملحق والبيت

البنتهاوس استوت صالة الرياضة أكبر ومتضمنة لوبي اللفت استوى من يركب الواحد يوصل لها وغرفة الخدامات انعزلت بباب يفصل بين اللفت والدرج هم لهم الدرج .. بعضهم الله يهداهم لو يدخلون اللفت بالغلط الريحة سنين ما تطلع

http://i.imgur.com/nl3Vlqw.png

الغرفة لازم تترتب ببارتشن يعزل باب المخزن عن الغرفة والحمام ولازم تنحط دريشة بدال الباب السحاب

[sweet qatar]

في بيسمنت حق المجلس ؟؟