افضل عيادة لتصحيح النظر ..افيدوني ؟ مأجورين .

[مضاد]

السلام عليكم

ارجو الافادة عن افضل عيادة لتصحيح النظر ( في قطر ) وما اسم الدكتور ؟؟

وايهما افضل الليزر او الليزك .؟

عن تجربه......


وجزاكم الله خير

[عازف]

في قطر عيادة الدكتور ابراهيم بوألفين يمدحونه،،، اذا لك خاطر برع قطر عندك عيادة الدكتورة فاطمة الدوسري في البحرين ممتازة وانا سويت العملية في عيادتها والحمدالله صرت أحسن، هل كلام أواخر سنة 2010م

نوعالعملية اللي سويته الليزك،،،

والله يوفقك،،،

[الاستاندر]

عيادة العيون التخصصي الدكتور خالد الشريف دكتور زاير مسوي عمليتي من 2010 والحمد لله كل شي تمام

[NeverLand]

الاسباني

[طموحي عالي]

انا سويتها من سنه و3 شهور

في مركز العيون التخصصي عند دكتوره اماني هي تشتغل مع خالد الشريف بس خالد مواعيده اطول وانا كنت مستعجله
والحمدلله اموري طيبه

وابدا مافضل تسوي خارج قطر لو صادك التهاب او اي شي بتضطر تسافر

[بومحمد55]

أنا سويتها في المغربي عند الدكتور حمدي كان زائر في سنة 2008 لين الحين مية مية

وماعليك من الأسباني لأن زوجتي راحت لهم وماذكر أسم الدكتور قال لها بنسوي لك ليزر وما راح يضر على الحمل

ويوم رحت المغربي قالها أنتي عندك انكسار حاد في القرنية ما ينفع لا الليزر ولا حتى زراعة العدسة

والمصيبة قال مستحيل عملية ليزر وهي حامل

[LiL iNVe$ToR]

عيادة العيون التخصصي الدكتور خالد الشريف دكتور زاير مسوي عمليتي من 2010 والحمد لله كل شي تمام

نفس الشي لكن سويتها في 2011.

الحمدلله ماشتكيت من شي ابد.

[Riku3]

سويتها في التخصصي عند الدكتور خالد الشريف واتابع مع الدكتور احمد .. ما شرحولي كل شي وكانوا يهونون من الموضوع .. وبعد ما سويت العملية تميت 4 ايام في غرفه مظلمة بدون اي نور والم شديد في عيني .. وبعد سنتين للحين اعاني من جفاف العين وحساسيتها الزايدة من الشمس .. وعندي عين افضل من الثانية وهالشي يربكني ببعض الاحيان ويعطي احساس مب مريح في النظر .

الدكتور احمد كان جيد وللامانة عطاني رقم جواله واتصلت فيه ثاني يوم وقالي ان في حالات نادرة يصير فيها مثل هالالم بس ما قالولي هالكلام قبل العملية .. والفترة الاولى الي تعبت فيها استقبلني بدون موعد ..

بعد شهور من العملية جاني الم في عيني اتصلت ابي اشوف اي دكتور عندهم وكان الدكتور احمد مسافر .. ابداً ما تعاونوا معاي ويبون يعطوني موعد بعد اسابيع وحاولت كثير مع الي ردوا علي بدون فايدة ! .. رحت عيادة ثانية ودخلت مباشرة على دكتور وطلع عندي التهاب بسيط مع جفاف .

بشكل عام .. الحمد لله على كل حال وانا انصح بالعملية ... بس لازم يشرحون لك كل شي وتاخذ وقتك في الفحوصات وتتأكد من كل شي قبل العملية .

[مضاد]

جزاكم الله خير على مشاركاتكم اجمعين ،

واسال الله ان يمتعكم بابصاركم وعافيتكم .

[Qtr37]

هذي المشكلة ما يشرحون كل شي...

انا افضل الاسباني الملكي لان عندهم جهاز الانترا ليزك وهو متطور عن الليزك
لانه من غير جراحة

[مضاد]

هذي المشكلة ما يشرحون كل شي...

انا افضل الاسباني الملكي لان عندهم جهاز الانترا ليزك وهو متطور عن الليزك
لانه من غير جراحة

طيب الله يسلمك ...
يعني
انت سويت عندهم .؟...

من الطبيب اللي تنصح فيه عندهم .؟

ولك وافر الشكر

[الهديل]

اعتقد كل المستشفيات عندهم نفس الاجهزة
وكل مريض له حالته الي تخلي الطبيب يقرر اي نوع من العمليات تحتاج
يمدحوا يوسف بو الفين واحمد الشريف