مقترح ولا في مثله...بس من بيعمل به [الأرشيف] - منتديات شبكة الأسهم القطرية

مشاهدة النسخة كاملة : مقترح ولا في مثله...بس من بيعمل به

الامير

10-06-2015, 11:28 AM

بختصارر
ارجو من الجهات الحكوميه اوو المجلس الاعلى او المجلس الصحه
انشاء متحف على شكل انسان يتيح للزائر رحلة شبه حقيقية إلى داخل جسم الانسان يستطيع من خلالها أن يرى ويسمع و يتعلم الكثير! يتجول الزائرين من الداخل لليتعرفو على الانسان من داخل واهم شي الفئة المستهدفه الطلاب المدارس صدقون ان بيكوون في ذاكره الطالب من الصغر حتى يكبر ...ارجو الاهتمام بالمقترح
واترك لكم تعليق على المقترح

غريب الدّار

10-06-2015, 11:32 AM

بختصارر
ارجو من الجهات الحكوميه اوو المجلس الاعلى او المجلس الصحه
انشاء متحف على شكل انسان يتجول الزائرين من الداخل لليتعرفو على الانسان من داخل واهم شي الفئة المستهدفه الطلاب المدارس صدقون ان ابيكون في ذاكره الطالب من الصغر حتى يكبر وشي حلو ارجو الاهتمام بالمقترح
واترك لكم تعليق على المقترح

المجلس الأعلى او المجلس الصحة؟

المجلس الأعلى حق وشو ؟
واعتقد قصدك المجلس الأعلى للصحة

بس اخوي في طرق ثانية كثيرة للتعليم

هذا على فرض كان قصدك انهم يستكشفون جسم الانسان
وبعدين اخوي طلاب المدارس يتعلمون تعليم اكاديمي بشكل منهجي عن جسم الانسان في مراحل الدراسة المختلفة
يعني شفايدة المتحف اللي على شكل انسان هذا؟

وبعدين اخوي شلون متحف على شكل انسان؟ليش متحف يعني ؟ مب مجسم؟ يعني شيحطون داخله مثلا؟؟ تحف وآثار؟او مومياوات مثلا؟ ولا شسالفة؟

مادري اخوي موضوعك يمكن وليد اللحظة او يمكن ماصغته عدل او يمكن الفكرة فيها قصور كبير

الله اعلم

JN000N

10-06-2015, 11:32 AM

يعني صنم عود ندش داخله ؟

الجـــوديّ

10-06-2015, 01:31 PM

اعتبريه صنم منسدح جنووون .. :nice: وتجولين فيه براحتج

وتدخلين من يده أو من خاصرته مثلاً وتستقبلج الكلاوي ..

اقتراح جميل جداً .. واذا دخلت فيه التقنية الحديثة .. وفيه مراحل تطويرية كثيرة جداً ..

ونوعاً ماً .. كل عضو رئيسي يمثل متحف علمي بحاله .. خاصة اذا تناول مرض بعض الاعضاء مثل رئة المدخنين ..

أحييك على هكذا اقتراح :victory:

JN000N

10-06-2015, 01:37 PM

^ انزين الجودي بدل مايكون ع شكل انسان ضخم ومسدوح وباجر يطلعون لنا ناس يقولون قطر سوت اكبر صنم والا مادري شنو

الفكره ممكن تكون ف مبنى عادي من برا مقسم على حسب الاعضاء او الاجهزه ممكن الجهاز العصبي بروحه قصه
او ممكن تكون الفكره ك فيديو ثري دي وتدخلين القاعه ف المتحف الفلاني مثلا وتقعدين عالكرسي نفس الالعاب الي فيها قطار سريع ومادري شنو
ويكون فيها رحلة وحركة يعني الكرسي يتحرك ع شكل حركة الشاشه
جذي عمليه اكثر وغير مكلفه وايد ومافيها حلال وحرام ومادري شنر وفنفس الوقت ممتعه ومكانها سهل

بوخميس

10-06-2015, 01:40 PM

انا باروح اقعد على جبده

الجـــوديّ

10-06-2015, 01:42 PM

كل الافكار وغيرها من الافكار ممكن توصل لأكثر من طريقة تشغيل .. بعد فكرة القطار حلوة ..
حتى بيكون متحف علمي ترفيهي
عاد انا رحت في الخيال بعد وتخيلته يكون مثل كيدزانيا .. يكون فيه انشطة داخل للاطفال عند كل عضو ..
ومرة وحدة يعلنون حالة الطواري.. والجسم قام يهتز
والخلايا فيه صار عندها حالة طواريء ..
ومن برا الجسم صاده مطر يشوفون حالته اللي ما دخلوه للحين ..
طلع الجسم صايدته صخونه :nice:

كل فكرة يبي لها ميزانية وقدرها .....

JN000N

10-06-2015, 01:43 PM

انا باروح اقعد على جبده

ههههههه يمااال الثقل من احين بيقعد على جبده

النهار

10-06-2015, 01:44 PM

انا باروح اقعد على جبده

ههههههههههههههه

JN000N

10-06-2015, 01:45 PM

رهج السنابك

10-06-2015, 04:18 PM

حبيت خيالج الجودي

ولد العرب

10-06-2015, 08:59 PM

ههههههههههههههه

المخرج طواري يالنهار الله يستر :secret:

الجـــوديّ

12-06-2015, 04:29 AM

حبيت خيالج الجودي

شكراً ارستقراطية :)

مثل هالأفكار .. والعصف الذهني لها منا كلنا ..
يولد لنا مشاريع ضخمة كبيرة ما يعجزنا انا نطرحها او انخطط لها وانفذها من الالف الى الياء
بدون الاستعانة بخبير بوعيون خضر ..

عندنا كل شي بس نبي حد يؤمن بقدرة الشباب على الابتكار والانجاز .. وبيشوفون شي ماشافوه!

نسخة: هيئة السياحة (قطر):telephone:

المحاميه

12-06-2015, 05:11 AM

بس اشمعنى اخترت جسم الانسان! :telephone:

Charisma

12-06-2015, 05:23 AM

مرحبا اخوي أمير .

مقترح جميل ونتمنى تنفيذه ،، وعلى فكره تم تطبيق هالفكره في عدة بلدان .

:nice:

qatarman8008

12-06-2015, 05:35 AM

تصدقون عجبتني الفكرة..:omen2:
انا اعتبر نفسي مع.. :ok2:

ya3coub

12-06-2015, 09:55 AM

فكرة جميلة و الكثير منا فكر فيها اثناء دروس العلوم او زيارة هالمتاحف العلمية بالخارج

و ايضا كان في عدة رسوم متحركة ياريت لو القنوات يرجعون يسونهم او يعرضونهم مثل باص المدرسة العجيب العلمي و كرتون ثاني يصغر و يساعد بمعرفه اسباب المرض لدى الانسان و كان يا مكان

هاي حلقه كانت عن الجراثيم و في غيرها مو بس بالانسان
https://www.youtube.com/watch?v=N6TTsOdNhz8

في الفرنسي القديم كان يا مكان الحياة اسمه هاي حلقه عن الاسنان و كله يعتبر عن جسم الإنسان
https://www.youtube.com/watch?v=Q47-GrzRbJs

هاي من وكي بيديا معني ما اضمنهم بس فكرة عن الكرتون كان يا مكان الحياة
http://ar.wikipedia.org/wiki/%D9%83%D8%A7%D9%86_%D9%8A%D8%A7_%D9%85%D8%A7_%D9%8 3%D8%A7%D9%86_%D8%A7%D9%84%D8%AD%D9%8A%D8%A7%D8%A9

كلشي ممكن بس اول شي ابتدو بالأطفال بالروضة بالمدارس بالمتاحف و المجلس الأعلى للتعليم لازم في دروس تنعطى بالمتاحف تحبب الاطفال و الأجيال الحالية\ المستقبلية بأهمية العلم و المعرفه مو بس بالتاريخ.. اذا الاطفال تعودو على الذهاب للمتاحف لازم اهاليهم بعد بيروحون معاهم

النادي العلمي ما اشوف له اي صيت حاليا وين ايامه قبل ممكن اعادة بعض البرامج الي تخلي الناس تعرف بوجوده ممكن لين ما ينبندي اذا احد فكر بهالمتحف يكون في قسم بمستشفى حمد شكل معرض موجود طول الوقت ..... الخ من الأفكار التي لا تنتهي و بالإمكان تحقيقها

شكراً ارستقراطية :)

مثل هالأفكار .. والعصف الذهني لها منا كلنا ..
يولد لنا مشاريع ضخمة كبيرة ما يعجزنا انا نطرحها او انخطط لها وانفذها من الالف الى الياء
بدون الاستعانة بخبير بوعيون خضر ..

عندنا كل شي بس نبي حد يؤمن بقدرة الشباب على الابتكار والانجاز .. وبيشوفون شي ماشافوه!

نسخة: هيئة السياحة (قطر):telephone:

ارفعلج القبعه و ايضا تحية عسكرية بسلاح و بدون سلاح على هالكلام الطيب لو ربع قطر بس يؤمنون بالشباب و يدعمونهم مو بس كلام "بيشوفون شي ما شافوه"

حسن

12-06-2015, 12:35 PM

في عند قطر فاونديشن مجسمات لتكوين الانسان من نطفه الى جنيني كامل
لحفوهم وغطوهم

علشان الكثير انتقد الطريقه ويعتبرونها عيب

بالنسبه لي

ووقتنا الحالي اشوف شي عادي موجود ولا غير موجوده

كاني شفت الفكره ذي في التويتر

بالتوفيق

العقل المدمر

12-06-2015, 01:49 PM

وتكون الريحة خايسة داخل
وكل شوي هالانسان ياكل ويحذفون علينا اكل على تفافيل
والا يبلع بلغم والا يدخن وايينا اعصار
والا يكح او يعطس ويطردنا برى ونرجع ندخل مرة ثانية
اذونه كلها شعر وخشمه كلها اشياء مب زينة وحلجه بحر
لا لا مابي ادخل داخل جسمه ماابي :weeping:

انا احس صعب افهم وانا داخل
وبعد وين بكون على لحمه والا عظمه والا فعروجه
المجسمات اسهل شي حق هالسوالف

ابوالكلام

12-06-2015, 06:25 PM

فكرة وايد حلوة شكرًا لك

ريم الشمال

12-06-2015, 09:56 PM

فكرة نحتاج مثلها عسى يتم تنفيذها تكون سبيل للمعرفة وليس هدر للأموال

يعطيك العافية

معماري قطري

12-06-2015, 11:32 PM

ذكرتني بمول على شكل تمساح كبير .. مب شكله بالضبط بس تقريباً وشعاره التمساح

الاقتراح موجود وقريت عنه قبل وبيكون تقليد عندنا .. وهو ممكن يكون على شكل انسان من داخل فقط ومن برا مبنى عادي

يمامـة

14-06-2015, 10:41 AM

انا باروح اقعد على جبده

هاهاها..

الاهم المفروض ما يكون على شكل صنم..

لكن الفكرة بحد ذاته ممتعة ورائعة لو تنفذت .. نبي ندخل المبنى ونطلع والدم يغطينا:shy:

بشائر

15-06-2015, 04:40 PM

عجيب اقتراحك .. ذكرتي بكرتون ( كان ياما كان) ..

ذي أفلام الكرتون المفيدة مب الديجيتال وأمثاله ..

الجـــوديّ

23-06-2015, 02:16 AM

فكرة جميلة و الكثير منا فكر فيها اثناء دروس العلوم او زيارة هالمتاحف العلمية بالخارج

و ايضا كان في عدة رسوم متحركة ياريت لو القنوات يرجعون يسونهم او يعرضونهم مثل باص المدرسة العجيب العلمي و كرتون ثاني يصغر و يساعد بمعرفه اسباب المرض لدى الانسان و كان يا مكان

هاي حلقه كانت عن الجراثيم و في غيرها مو بس بالانسان
https://www.youtube.com/watch?v=N6TTsOdNhz8

في الفرنسي القديم كان يا مكان الحياة اسمه هاي حلقه عن الاسنان و كله يعتبر عن جسم الإنسان
https://www.youtube.com/watch?v=Q47-GrzRbJs

هاي من وكي بيديا معني ما اضمنهم بس فكرة عن الكرتون كان يا مكان الحياة
http://ar.wikipedia.org/wiki/%D9%83%D8%A7%D9%86_%D9%8A%D8%A7_%D9%85%D8%A7_%D9%8 3%D8%A7%D9%86_%D8%A7%D9%84%D8%AD%D9%8A%D8%A7%D8%A9

كلشي ممكن بس اول شي ابتدو بالأطفال بالروضة بالمدارس بالمتاحف و المجلس الأعلى للتعليم لازم في دروس تنعطى بالمتاحف تحبب الاطفال و الأجيال الحالية\ المستقبلية بأهمية العلم و المعرفه مو بس بالتاريخ.. اذا الاطفال تعودو على الذهاب للمتاحف لازم اهاليهم بعد بيروحون معاهم

النادي العلمي ما اشوف له اي صيت حاليا وين ايامه قبل ممكن اعادة بعض البرامج الي تخلي الناس تعرف بوجوده ممكن لين ما ينبندي اذا احد فكر بهالمتحف يكون في قسم بمستشفى حمد شكل معرض موجود طول الوقت ..... الخ من الأفكار التي لا تنتهي و بالإمكان تحقيقها

ارفعلج القبعه و ايضا تحية عسكرية بسلاح و بدون سلاح على هالكلام الطيب لو ربع قطر بس يؤمنون بالشباب و يدعمونهم مو بس كلام "بيشوفون شي ما شافوه"

شاكرة لك أخوي يعقوب تحيتك الكريمة وكلامك الطيب .. وتأييدك ..

كل التوفيق لك بإذن الله،،