ايش رأيكم في سواقة المرأة القطرية للسيارة؟!

[فريج شرق]

انا لاحظت في الفترة الاخيرة ان سواقة المرأة القطرية للسيارة تغيرت للاسواء مش مثل قبل بهدوء وانتظام الحين احس في نوع من السرعة وعدم التزام بقوانين المرور مش الكل طبعا البعض. بس أنتوا ايش رأيكم ؟!

[بريق الحق]

ليش الشباب عيل عندنا ملتزمين عيل

[w4rr10r]

أركد من الشباب xD

[حرف]

شمعنى المرأة القطرية شالفريق بينها وبين الجنسيات الاخرى

[فريج شرق]

ليش الشباب عيل عندنا ملتزمين عيل
الشباب القطريين عندنا اغلبهم غير ملتزمين ومتهورين بعد

[فريج شرق]

شمعنى المرأة القطرية شالفريق بينها وبين الجنسيات الاخرى
احس من الملاحظة ان المرأة القطرية كانت ملتزمة بقانون المرور في السابق بس الحين كثير منهم غير ملتزمين اما الأجنبيات ألاحظ انهم ملتزمين بقانون المرور اكثر من المرأة القطرية هاذي ملاحظة بس ويمكن أكون غلطان

[العقل المدمر]

المرأة القطرية مب شخص واحد
هالمرأة القطرية اللي تقول عنها ممكن تكون أم كبيرة
وممكن بنت عمرها 18 سنة توها ماخذة الليسن
وممكن تكون بوية بعد بس متحجبة فمحد يدري :eek5:
ممكن تكون جريئة وممكن تكون خوافة وممكن تسرع وممكن بطيئة
حالها حال المرأة غير القطرية والرجل القطري وغير القطري وباقي العالم كلهم
واللي بيجي ويقول انه ضد سواقة الحريم يا رب تدعمه مرأة وتكسره عشان يكون رايه فمحله

[العقل المدمر]

احس من الملاحظة ان المرأة القطرية كانت ملتزمة بقانون المرور في السابق بس الحين كثير منهم غير ملتزمين اما الأجنبيات ألاحظ انهم ملتزمين بقانون المرور اكثر من المرأة القطرية هاذي ملاحظة بس ويمكن أكون غلطان

اصلا قبل نادر الحريم يسوقون
كانوا الناس توهم يتفتحون على هالموضوع
وحتى الليسن كان ينعطى فعمر كبير
الحين امهات 18 يحصلون الليسن
واكيد فرق بين سواقة الصغار عن الكبار

[بـارود]

ملاحظ أن التهور زاد
أغلب اللي يسوقون صغار
وسيارات قوية ما شاء الله

[حليتان*]

ياريال بعضهم قامو يلفلفون على خلق الله ويناحسون

وبعض الاحيان ينزلون يطقون الهنود :eek5:

[أسد الجزيرة]

قصدج الشعب القطري متهور :rolleyes:

[أسد الجزيرة]

ياريال بعضهم قامو يلفلفون على خلق الله ويناحسون

وبعض الاحيان ينزلون يطقون الهنود :eek5:

لا تحارشهم و لا بينزلون لك بالعجرة

تطلع الغلطان و انت مضروب

[بريق الحق]

لا تحارشهم و لا بينزلون لك بالعجرة

تطلع الغلطان و انت مضروب
اي جوف العقل المدمر تدعي ان تدعمنا وحده

[النهار]

ياريال بعضهم قامو يلفلفون على خلق الله ويناحسون

وبعض الاحيان ينزلون يطقون الهنود :eek5:

:eek5::eek5:

اوبييييه يطقون

يناحسون هذي شفتها اكثر من مره وصارات معاي عاد انا معروف عني نحيس
مره تناحست مع دورية النجده الي مايعرف النجده يسأل جيل الطيبين :nice:

[العقل المدمر]

اي جوف العقل المدمر تدعي ان تدعمنا وحده

انا دعيت عاللي يدخلون الموضوع ويفتحون هالطاري
قولوا فقلبكم لا تقولون جدامنا وتجرحون مشاعرنا :(

[بريق الحق]

انا دعيت عاللي يدخلون الموضوع ويفتحون هالطاري
قولوا فقلبكم لا تقولون جدامنا وتجرحون مشاعرنا :(
طيب وضحت الفكره لانه دعوتج تخوف

[Dana’1]

بصراحه سواقة الشباب إلي صاااايره بالقاااع مفهين مع الجوالات ويظن الطريق ملك خاص عادي يلف بوجهك وإلا بلفيت يخوف الوحده إنه بيدعمها غصب يدخل عرض والناس بطريقها لها ساعات،،ومن تضرب إشارة بتلف إلايزيد السرعه وإلا قبل هالإشاره ماهي فارقه معه ومتكي عالجوال ورافع الرجل كذا بس شغل نحاسه
من كذا الظاهر خاست سواقه المرأه،،،وقامت تلف بوجه بدون إشاره وإلا غيرها تجاري القانون الشعبي للسواقه هنا (إن لم تكن ذئب أكلتك الذئاب)

[رهج السنابك]

خلوني اسوق بس واراويكم السواقه على اصولها

[العلياا]

بصراحه سواقة الشباب إلي صاااايره بالقاااع مفهين مع الجوالات ويظن الطريق ملك خاص عدي يلف وإلا بلفيت يخوف الوحده إنه بيدعمها غصب يدخل عرض والناس بطريقها لها ساعات،،ومن تضرب إشارة بتلف إلايزيد السرعه وإلا قبل هالإشاره ماهي فارقه معه ومتكي عالجوال ورافع الرجل كذا بس شغل نحاسه
من كذا الظاهر خاست سواقه المرأه،،،وقامت تلف بوجه بدون إشاره وإلا غيرها تجاري القانون الشعبي للسواقه هنا (إن لم تكن ذئب أكلتك الذئاب)

والله يا ديور انج صادقة

انا في شارع قريب بيتي قبل لا ادخله اقول ربي استودعتك نفسي
فيه ولا ثلاثين مدخل ومخرج والحارة الوسطيه مب رصيف مرتفع وتعالي شوفي التجاوزات
والله شي غريب عجيب ودي افهمهم زين يوم انك تدخل الشارع وانت مسرع وتروعني ماتخاف الف والا ادخل في طوفه والا عمود !!

والله ما الومهن بصراحة والله يفكنا منها ونرتاح :(

[المحقق كونان]

الأجانب غير ملتزمون ولايعرفون يلفون عدل فالدوارات والتقاطعات

[qatara]

ياحيف

[بشائر]

احس من الملاحظة ان المرأة القطرية كانت ملتزمة بقانون المرور في السابق بس الحين كثير منهم غير ملتزمين اما الأجنبيات ألاحظ انهم ملتزمين بقانون المرور اكثر من المرأة القطرية هاذي ملاحظة بس ويمكن أكون غلطان

لا ياخوي غلطان الله يسلمك .. حتى الأجنبيات والأجانب الحين ما قاموا يلتزمون بالقوانين مثل قبل .. لا ويلفون عليك بعد ..
لكن صبرك عليهم صارت سيارات المرور مزودة بكاميرا تصيد المخالفين من على بعد .. وبيتسنعون بإذن الله ..
والله مسكينة هالقطرية تلقاها من وين والا من وين ..

[بوحارب]

يا يبه الحين السواقة صايرة مثل الصالونه

محد يلتزم الا الشيبان بس :(

والله اني صادق

ولا الباقي سواقتهم تسد النفس

[MirusS]

ياريال قبل كم يوم لفت علي وحده بغيت اودع والله
وماكملت الطريج دشت مع اللفه عشان ماتجوفني .. شكلها خافت مني :shy:

سواقه النساء بشكل عام اراها ممتازه وبالعكس اشوف بعضهم محتاجين ثقه شوي وهم يسوقون يمكن قله قليله منهم المتهورين .

[بنت شرق]

ياحيف

شالقصد

[راجي الْعفو]

يازين قطر قبل سواقة الحريم
ويا زينها يوم كانو الرجال يتولون الحريم في المواصلات وكل امورهم و يمنعهم الدين و الغيره عن انهم يتركونهم



بخصوص سواقة المرأة ، فلا تقيد بالقطرية لان الكلام يشمل جميع النساء

المراة لها حشمتها و حياءها و سمتها الخاص
وسواقتها و سيارتها لا بد و ان تكون مناسبة لما ذكر
فلو افترضنا ان المراة ساقت السياره
فلازم تتحاشى السواقة اللي تلفت لها الانظار بشكل سلبي
مثل السرعه الزايده و التجاوزات و مشاجرتها مع الرجال بالاشارات او بالصوت .. الخ

فكل هذا ينقص من المراة قدرها و ربما ازال حياءها بالكلية


اقول: سبحان من جعل لكل جنس طبيعته التي تناسبه

[فريج شرق]

والله صدقت يا بوحارب السواقة صايرة مثل السلطة كل يدخل على الثاني
يا يبه الحين السواقة صايرة مثل الصالونه

محد يلتزم الا الشيبان بس :(

والله اني صادق

ولا الباقي سواقتهم تسد النفس

[ضوى]

سؤال بس ليش قلت القطرية بس ؟؟

على اساس الاجانب والعربيات ماشاء الله درولة مافي بعدها ولا قبلها

[A-Alansari]

تبي الصج

القطريات سواقتهم بمليون مره احسن من الاجانب

الاجنبيه اتييك رابطه الحزام على رقبتها لو تطق بريك بالقو تختنق وماتفتح الطريج كلش كأنه الشارع مخصص لها وفوق هاي يعني صايدين السواقه تضرب لك اشارة يسار على اساس تلف وتمر على 3 لفات وتدش الرابعه هههههههه

القطريات والله سواقتهم بوايد احسن ونادر ماتشوف وحده ماسكه خط اليسار وماتفتح والاغلب بتكون توها ماخذه الليسن

صج بعضهم صارو يلفون ويتجاوزون بعض القوانين المروريه لكن الي يصير بالشوارع يجبرك صراحه اصلا تخالف من سواقه بعض الجاليات الاسيوية

[شيخ الديرة]

التعميم غلط, المرأة, الأجانب, الشباب
وكأنهم روبوتات مصنوعين من نفس الموديل, مايصير هذا التعميم

[حسن]

قنابل موقوتة في الشوارع يرجى أخذ الحيطه والحذر

[sweet qatar]

انا لاحظت في الفترة الاخيرة ان سواقة المرأة القطرية للسيارة تغيرت للاسواء مش مثل قبل بهدوء وانتظام الحين احس في نوع من السرعة وعدم التزام بقوانين المرور مش الكل طبعا البعض. بس أنتوا ايش رأيكم ؟!

أتفق معاك

لكن هالشي ما يخص القطرية بس .. كل الي ورا السكان صاروا يتجاوزون بطريقة مب طبيعية

بكل بساطة لأنهم تعلموا علي طريقة الشوارع

إذا ما تجاوزت و لفيت علي خلق الله ما بتوصل

مافي احترام و ذوق .. الكل طاير

صح السيايير الجديدة تغريك تدعس وانت ما تحس

بس بعد أقول مب السبب جرأة و صغر سن و سيايير سريعة

الوضع المروري المأساوي هو الي علمهم

وصاروا الكل ينافسون الشباب في السرعة و الرزالة في الشارع

[Dmy Enabi]

احترامي للجميع
لكن السؤال بحد ذاته غير مقبول
ماعلاقة الجنسية بالسياقة ؟
وكيف نحكم على الجنسية ؟
هل العباية ولا اللثمة ولا النقاب ؟
الأمر الآخر مع احترامي وتقديري ما الهدف من الموضوع ؟
لنثبت أن المرأة القطرية فاشلة بكل شيء؟ ولا إنها حمالة ألأسية ؟ ولا إيش بالضبط ؟
أم لنثبت أن الجنسيات الأخرى أفضل وأجمل وأكمل بكل شيء والعيب في حريمنا
موضوع مستفز
حبذا لو ناقشنا سلوكيات الجميع دون التطرق لجنسية ولجنس
لأن الوضع في شوارعنا مأساوي من الجميع لعدم وجود ثقافة احترام الآخر ،وللعنصرية التي تنمو بدواخلنا يوما بعد يوم
وهذا الموضوع خير مثال للعنصرية ؟

دمتم برقي

[الحياة الخالدة]

المرأة القطرية مب شخص واحد
هالمرأة القطرية اللي تقول عنها ممكن تكون أم كبيرة
وممكن بنت عمرها 18 سنة توها ماخذة الليسن
وممكن تكون بوية بعد بس متحجبة فمحد يدري :eek5:
ممكن تكون جريئة وممكن تكون خوافة وممكن تسرع وممكن بطيئة
حالها حال المرأة غير القطرية والرجل القطري وغير القطري وباقي العالم كلهم
واللي بيجي ويقول انه ضد سواقة الحريم يا رب تدعمه مرأة وتكسره عشان يكون رايه فمحله

أتفق معاج تماماً

نسوق السيارة أنا و غيري كثيرات ملتزمين بكل قوانينها
أما الحالات الشاذة فهي لا تقتصر على جنس أو جنسيـــــة

[الحياة الخالدة]

مع ملاحظة الالتزام بالموضوع و الألفاظ اللائقة و وضع الرأي الصريح و ليس الرأي الذي يناقض واقع صاحبه

الموضوع ليس لإبداء الرأي في أحقية المرأة لقيادة السيارة أو شرعيته
و ليس للتقليل من شأن المرأة سواء القطرية أو غيرها
و ليس للضحك و الاستظراف

فالرجاء الالتزام
جزاكم الله خير

[Qtr37]

ماله خص في الجنس ولا الجنسية
الزحمة والشوارع وسواقة بعض الاشخاص وكثرة جلوسنا في السيارة بالاضافة الى دوام اللي يداومون كلها ضغوطات نفسية وعصبية ، خلت السايق يفقد اعصابه وطاقته وبأي طريقة يبي يخلص مشواره.
الكلام سهل ونقدر نتكلم عن الصبر والتحمل وووووو لكن في النهاية هالضغوطات استنزفت من طاقتنا وأثرت علينا شئنا أم أبينا
و مب كل الحريم يطلعون للوناسة والترفيه مع انه حق مشروع، لكن منا من يضطر يروح مشاوير يومية وهالشي متعب ومرهق ويأثر على طريقة السواقة.

[H H]

على هالطاري , من ايام صادني موقف صدمني مع اني ماانصدم بسهوله , متبلّد المشاعر بعيد عنكم.
كنت ماشي بامان الله وماسك اليسار ويمر من عندي لاندكروزر والي تسوق أنثى وتتجاوزني تجاوز محترفين هههههههههه.
ماشيه فوق الميه وخمسين, ووصلت للاشاره وقطعتها وهي حمرا , وانا وجهي كذا :eek5:

اعتقد ان مثل ماقال احد الاخوه , السواقه المتهوره اصبحت سمة البعض وفي طريقها لان تصبح سمة الاغلبيه!
لازم نشوفلنا حل من الحين قبل لاتفلت الامور وبعدها فوق ضغط الزحمه وضغط الاجواء بعد يجينا ضغط نفسي من السواقه التعبانه.

[يمامـة]

دام ان السؤال يخص المرأة القطرية فقط..

فهذا لازم نسوي دراسة على النساء والانسات القطريات ونراقب سواقتهم في الشارع..

لان ما يصير نتكلم عن المرأة القطرية واحنا ما ندري اللي تسوق في الشارع قطرية ولا مب قطرية..
فلبس العباية والشلية لا تفيد انها قطرية بشكل عام.. اما بشكل خاص
الانسان هو الانسان والمخالفات وعدم الالتزام بقوانين المرور ما يعرف جنسية عن غيرها..

يعني احنا لما نركب مع ريايل نشوف تجاوزاتهم مرات كثيرة.. وهم قطريين
فهل مثل هالتجاوزات غير مقبولة من المرأة القطرية؟

اما بشكل عام بعض الحريم في الشوارع مصيبة.. اتمنى لو ما يسوقون .. يسوون زحمة غير طبيعية
وفوقه طولة اللسان والصراخ على خلق الله..

[بومحمد المطاوعه]

الله يهدي الجميع يارب ,,
سواء كانت امرأه ام رجل ,,

خليجي ام اجنبي

الله يحفظنا ويحفظكم يارب من شر الناس وشر الحوادث

[العنيده]

مع ان سواقة النساء صارت شوي دفشه وضد ان نحدد انها قطريه ( لان العبايه والشيله مو بس لنا )

ونرجع لموضوعنا ان سواقة المراه تغيرت الشخصيات تغيرت ونوعية السيارة اللي تسوقها تغيرت من صغيره كيوت الى سبورت وغيرها :shy: ..
الاعصاب بشكل عام في شوارعنا بدت تفلت من الكل والله المستعان .. والله يحفظ الجميع ان شاء الله :victory:

عني انا شخصيا ينرفزني اللي يتجاوز من اليمين واللي يصرب بريكات فاصير :anger1:

[فريج شرق]

انا احس الاجنبيات سواقتهم اهدأ من سواقة المراة القطرية بس احساس
سؤال بس ليش قلت القطرية بس ؟؟

على اساس الاجانب والعربيات ماشاء الله درولة مافي بعدها ولا قبلها

[فريج شرق]

حصلت لي بعض المواقف شفت بعض النساء القطريات يسوقون برعونه وتهور وسرعة حتى بعضهم لما يلفون ما ياشرون فحبيت اثير هالموضوع علشان اعرف باقي الاراء
سؤال بس ليش قلت القطرية بس ؟؟

على اساس الاجانب والعربيات ماشاء الله درولة مافي بعدها ولا قبلها

[الحياة الخالدة]

انا احس الاجنبيات سواقتهم اهدأ من سواقة المراة القطرية بس احساس

وانا احس أن الشاب القطري صاير وايد عدواني
ايش رايك أنزل موضوع بإحساسي ؟؟
و اخلي العالم يطيحون في الشاب القطري .. بس اعتماداً على إحساسي

[qtr qtr]

وانت ويش عرفك انهم قطريات ؟

يمكن تكون من جنسيه عربيه
صعب انك تحكم بان اللي تسوق قطريه او مب اقطريه بالعبايه والشيله والنقاب .

لاني مره ددعمتني سودانيه افتكرتها قطريه وماعرفت انها سودانيه الا من تقرير الحادث .

[دااانة قطر]

البعض وليس الكل




الأجانب غير ملتزمون ولايعرفون يلفون عدل فالدوارات والتقاطعات

:nice:

[Mbarkaji]

احترامي للجميع
لكن السؤال بحد ذاته غير مقبول
ماعلاقة الجنسية بالسياقة ؟
وكيف نحكم على الجنسية ؟
هل العباية ولا اللثمة ولا النقاب ؟
الأمر الآخر مع احترامي وتقديري ما الهدف من الموضوع ؟
لنثبت أن المرأة القطرية فاشلة بكل شيء؟ ولا إنها حمالة ألأسية ؟ ولا إيش بالضبط ؟
أم لنثبت أن الجنسيات الأخرى أفضل وأجمل وأكمل بكل شيء والعيب في حريمنا
موضوع مستفز
حبذا لو ناقشنا سلوكيات الجميع دون التطرق لجنسية ولجنس
لأن الوضع في شوارعنا مأساوي من الجميع لعدم وجود ثقافة احترام الآخر ،وللعنصرية التي تنمو بدواخلنا يوما بعد يوم
وهذا الموضوع خير مثال للعنصرية ؟

دمتم برقي
كلااااااام رااااااااءع بالصميييم

Sent from my SM-N910C using Tapatalk

[حسن]

الاخوه الاعضاء يرجي الاتزام بالموضوع

:)

[غريب الدّار]

احترامي للجميع
لكن السؤال بحد ذاته غير مقبول
ماعلاقة الجنسية بالسياقة ؟
وكيف نحكم على الجنسية ؟
هل العباية ولا اللثمة ولا النقاب ؟
الأمر الآخر مع احترامي وتقديري ما الهدف من الموضوع ؟
لنثبت أن المرأة القطرية فاشلة بكل شيء؟ ولا إنها حمالة ألأسية ؟ ولا إيش بالضبط ؟
أم لنثبت أن الجنسيات الأخرى أفضل وأجمل وأكمل بكل شيء والعيب في حريمنا
موضوع مستفز
حبذا لو ناقشنا سلوكيات الجميع دون التطرق لجنسية ولجنس
لأن الوضع في شوارعنا مأساوي من الجميع لعدم وجود ثقافة احترام الآخر ،وللعنصرية التي تنمو بدواخلنا يوما بعد يوم
وهذا الموضوع خير مثال للعنصرية ؟

دمتم برقي


كلااااااام رااااااااءع بالصميييم

Sent from my SM-N910C using Tapatalk

اكثر من رائع

[حسن]

شوفو ياجماعه الخير خلونا نتكلم بشكل عام انا سو ف اخذكم الى افق ابعد من ذالك وواسع مدارككم
هذه لعبتي في المواضيع

:victory:

اسرح بكم الى ابعاد السواقه والقوانين بعيدا عن التهمه للمراءه او الرجل

القياده فن وذوق واخلاق
شي جميل

فالقانون يجب ان يحترم لتسود العداله الاجتماعيه على حدا سواء
كلام سليم

:victory:

فانا اركز اولا على قيادتنا احنا كاقطريين نسوان وريايل اذا حافظنا نحن اهل البلد سوف يحترم الغير غصبا عنه
مثال

كل هل قطر والعرب لمانسافر الى اوربا غصبا نحترم الطابور السواقه النظام واذا خالفنا
شفنا رده الفعل من اهل البلد علينا اولا قبل القانون او من يمثله
فلنكن نحن سفرا ونحن من يطبق القوانين والالتزام وبعدها
اتعهد لكم با الجميع سوف يلتزم
لحقت على قطر قبل والحين هناك فرق كبير في السواقه لا التزام ولا احترام ولا اتباع قواعد السير
عند الكثير

ويقول صدام حسين
من يوحترم يحترم

وشكرا

[.قطر.]

نفس الشي بالنسبه للشباب في فئه منهم سواقتهم عدله وفي فئه نفس الحريم :omen2:
ترى نفس الشي مثل مافي بنات سواقتهم خطره فيه شباب سواقتهم خطره يلصق وراك لو تضرب بريك تحصله قاعد عبري وياك :eek5:

[بوحارب]

نفس الشي بالنسبه للشباب في فئه منهم سواقتهم عدله وفي فئه نفس الحريم :omen2:
ترى نفس الشي مثل مافي بنات سواقتهم خطره فيه شباب سواقتهم خطره يلصق وراك لو تضرب بريك تحصله قاعد عبري وياك :eek5:

صادق يالضيب

امس وحده تتسابق معاي من الإشارات وانا مب حولها رايح مستعجل

والأخت داعسة من صجها!!! والشارع مسارين بس

هذي ودك تلف عليها عشان ما تدعس مره ثانية

[دنيا الاسهم]

فية بنات ونسوان قمة في فن القيادة والاحترام وناس يلفون عليهم غصب ان يعني مسوي نفسة بريء ويبي يشوف رد الفعل مباشرة

زين اضرب بريك قدامها وخلها تصقع سيارتك

[نتفـه]

الحين البنات ماخذين السواقه زبوو :)
وسيارات اخر موديل
وينهم ووين الضروره ؟؟

[shadad]

لو انا ورا اي حرمة تسوق .. 7 متر اعطيهم مساحه ( نص ال 15 متر حق سيارة الاسعاف ). ووممنوع علي ادق هرن وراها والا اديم لانها بتجيب العيد وقتها. ووقت ما تكون وراي ادعس بسرعه والزق برمانة الكروزر اللي قدامي.

[العقل المدمر]

لو انا ورا اي حرمة تسوق .. 7 متر اعطيهم مساحه ( نص ال 15 متر حق سيارة الاسعاف ). ووممنوع علي ادق هرن وراها والا اديم لانها بتجيب العيد وقتها. ووقت ما تكون وراي ادعس بسرعه والزق برمانة الكروزر اللي قدامي.


انا اشرد منها اصلا لا وراها ولا جدامها ولا جنبها :eek5:

[.قطر.]

صادق يالضيب

امس وحده تتسابق معاي من الإشارات وانا مب حولها رايح مستعجل

والأخت داعسة من صجها!!! والشارع مسارين بس

هذي ودك تلف عليها عشان ما تدعس مره ثانية
الذيب من جابك :nice:
:eek5:
البنات صاروا يسرعون ويسمعونك صوت السياره اللي يطرب هههه
زين ماعطيتها ويه :happy:

[فريج شرق]

وانت ويش عرفك انهم قطريات ؟

يمكن تكون من جنسيه عربيه
صعب انك تحكم بان اللي تسوق قطريه او مب اقطريه بالعبايه والشيله والنقاب .

لاني مره ددعمتني سودانيه افتكرتها قطريه وماعرفت انها سودانيه الا من تقرير الحادث .
اخوي ممكن نعرف من نوع السيارة لان اغلب القطريات يسوقون سيارات مثل بورش وبي ام ولكسس وآخر موديل