أستفسار من مالكين ميرسيدس أبو عيون

[wesam82]

السلام عليكم ورحمة الله وبركاته
ممكن تفيدوني هل الميرسيدس E-Class ممتازة من ناحية خطوط السفر السيتات الآم الظهر
ومن ناحية الخرابات هل هي نفس صلابة اللكزس و السيارات اليابانية
ومن ناحية والسيرفس هل الخدمة ممتازة وأسعار والسيرفس نفس اللكزس
جزاكم الله خير

[جاسم الدوحة]

عليكم السلام ورحمة الله تعالى وبركاته

ممتازة في السفر : نعم

الصلابة : أفضل من لكزس

الخدمة : تعيسة

أسعار السيرفس والقطع : نار ، ولا تقارن بلكزس

الورشة : مستواها ضعيف والإدارة مفقودة

عدد الورش : المرسيدس 2 - ولكزس 7

للمقارنة (في الأجمالي) : اللكزس أفضل بكثير جداً.

[ya3coub]

أخوي جاسم عطاك الزبدة من الأخر جزاه الله خير ... ^^^^^

تبيها سفر معناتها بتسرع و بتضغط عليها و اذا انت كثير السفر قطع غيارها نار غير عن هذا السيارة بالسفر مريحة جدا

سيرفس الوكالة غالي جدا بس الواحد ما وده يغامر برع بالقراجات الوكالة احسن السيئين

[wesam82]

جزاك الله خير أخوي جاسم
أنا أعاني من ألم في الظهر من سواقة اللكزس es300 إذا كانت المدة فوق الثلاث ساعات
ف هل البي أم بديل أحسن من اللكزس إذا تجاهلنا نشتري مرسيدس أبو عيون
هل تعرف أي سيارة صالون جامبيناتها جدا ناعمة والماكينة هادية وماتخترب من كثرة الاستخدام

[wesam82]

أخوي جاسم عطاك الزبدة من الأخر جزاه الله خير ... ^^^^^

تبيها سفر معناتها بتسرع و بتضغط عليها و اذا انت كثير السفر قطع غيارها نار غير عن هذا السيارة بالسفر مريحة جدا

سيرفس الوكالة غالي جدا بس الواحد ما وده يغامر برع بالقراجات الوكالة احسن السيئين

جزاك الله خير أخوي يعقوب
أنا قليل السفر يعني مرة بالثلاث شهور بس كل أسبوع أروح مرة واحدة لدخان علشان دوام قطر للبترول
انا أشوف انها أفضل من اللكزس من ناحية الهدوء والجامبينات بس أنا خايف بعد الشراء والكرف إنها تخترب كل فترة وتوديني في ستين داهية من مصاريف التصليح
هل المرسيدس تتحمل كرف الخطوط والقيادة تحت الحر الشديد لساعات أو ارجع أشتري لكزس من جديد

[ya3coub]

توني واصل قطر يا زين السفر بالألماني


انا عندي مرسدس سي و ماشاء الله السفرة عندي بالمزاج متى ما حصلت فرصه و لله الحمد ما اشتكي منه من اي شي اللهم حسيت من اول سفرة حر و خط طويل ماشي حد الريس انه صوت المروحة ارتفع بس هالشي ما يضايقني لانه من برع و وديتها سيرفس بدون ما اتكلم ما قالو فيها اي شي و لله الحمد إلى الآن بدون خرابات اللهم الايل و البريكات .

[بوخميس]

خذ لك فورويل احسن لك في السفر وارخص في السيرفس وقطع الغيار

[wesam82]

أخوي بو خميس الفورويل معاناة مع مرضى الصرع بسبب قوة ذبذبات المكينة الكبيرة عكس الصالون مكائنها صغيرة وما تسبب نوبات للأهل
الجامبينات وهدوء المحرك وصعب المحرك مهم جدآ مع قلة الخرابات و كراسي مريحة

[معماري قطري]

عليكم السلام ورحمة الله تعالى وبركاته

ممتازة في السفر : نعم

الصلابة : أفضل من لكزس

الخدمة : تعيسة

أسعار السيرفس والقطع : نار ، ولا تقارن بلكزس

الورشة : مستواها ضعيف والإدارة مفقودة

عدد الورش : المرسيدس 2 - ولكزس 7

للمقارنة (في الأجمالي) : اللكزس أفضل بكثير جداً.


ما اظن الصلابة أَفضل من اللكزس .. الفورويل مثلاً الجي ال كي مصنع في أَلمانيا وصناعته صح جيدة .. الباقي خارج أَمريكا .. والصالون لو تقارنه مع الصالون اللكزس في الصلابة تقريباً متساوي وفي الأُمور الأُخرى اللكزس تتفوق.

السي مجربه تأَجير ديزل واستيشن بس صغير لكن سيارة تسوى ومريحة من كل الجوانب .. يعجبني ال a الجديد الصغير وما حصلته أَجار .. اتوقع السي الصالون وايد زين وبينزلون كوبيه من الموديل الجديد فيه اضاءة متغيرة الأَلوان داخلية .. الاي أَكيد أَعلى وأفخم من السي وأوسع.

[جاسم الدوحة]

المرسيدس c الجديد ، صناعة (جنوب إفريقية)
وأرخص موديل منه .. قيمته حول 200 ألف .

والمرسيدس cla الجديد ، صناعة هنغاريا
صدق أو لا تصدق .

مب كل مرسيدس مرسيدس
تنبيه للجميع ، ترى تكتشفونها وقت التسليم في الاستمارة .

[wesam82]

كم كلفك اخوي قيمة البريك والآيل

[wesam82]

هل السيرفس في السعودية والإمارات رخيص.
مثل ما تعرفون إن سيرفس المرسيدس كل 15 ألف كيلو وهذي المسافة نقطعها كل أربع شهور أو بالكثير ست شهور والسفر من ضمن المسافة المقطوعة. ف هل في فرق في السعر بين قطر وباقي دول الخليج علشان نتشجع ونشتري مرسيدس ونسوي صيانة وقت السفر أو لأ

[wesam82]

للرفع

[الخاضع لله]

يخوي اسال مجرب
انا الحمد لله ما ركت غير مرسيدس
ورشات التصليح في حوالي 7 ورشات تصليح وان ما عجبك واحد تروح للثاني

قطعها مش غالية مقارنة مع صلاحيتها

انا عندي اس وكان عندي سي وولد عمي عنده الاي

مافي خرابات نهائيا اللهم الاس جانبينات الهوى مالتها حساسة جداً

لكن في الاي مش موجودة

ومثل ما قلتلك صيانتها مش غالية

غيار الزيت كل 15 الف كيلو

وسفايف كل 30 الى 50 الف كيلو على حسب استعمالك وممكن اكثر بعد
قيمة السفايف الامامية والخلفية من ناصر بن خالد تقريباً الف ريال

المرسيدس معروف قير مكينة دفرنشات تستحمل كرف ومكدة وما تخرب وافضل من التيوتا بعد بس الي ما جرب ع مدار طويل ما يعرف هالكلام

تخترب فيها شغلات بسيطة الكترونية بس كل وين ووين يعني بالليالله كل سنتين او ثلاثة يخترب معاك شي فيهم

بالنسبة للخطوط المرسيدس معروف ما يحتاج المرسيدس ملك الخطوط

والقطع لو شي قصر عليك هنا او سعره غالي بتحصله بالامارات بنص السعر

[جاسم الدوحة]

يخوي اسال مجرب
انا الحمد لله ما ركت غير مرسيدس
ورشات التصليح في حوالي 7 ورشات تصليح وان ما عجبك واحد تروح للثاني

قطعها مش غالية مقارنة مع صلاحيتها

انا عندي اس وكان عندي سي وولد عمي عنده الاي

مافي خرابات نهائيا اللهم الاس جانبينات الهوى مالتها حساسة جداً

لكن في الاي مش موجودة

ومثل ما قلتلك صيانتها مش غالية

غيار الزيت كل 15 الف كيلو

وسفايف كل 30 الى 50 الف كيلو على حسب استعمالك وممكن اكثر بعد
قيمة السفايف الامامية والخلفية من ناصر بن خالد تقريباً الف ريال

المرسيدس معروف قير مكينة دفرنشات تستحمل كرف ومكدة وما تخرب وافضل من التيوتا بعد بس الي ما جرب ع مدار طويل ما يعرف هالكلام

تخترب فيها شغلات بسيطة الكترونية بس كل وين ووين يعني بالليالله كل سنتين او ثلاثة يخترب معاك شي فيهم

بالنسبة للخطوط المرسيدس معروف ما يحتاج المرسيدس ملك الخطوط

والقطع لو شي قصر عليك هنا او سعره غالي بتحصله بالامارات بنص السعر

أخوي الخاضع لله

1 / ممكن من فضلك تكتب لنا وين الورش السبعة للمرسيدس ؟
غير (محطة بترول المانع) و (ورشة اللاند مارك) .

2 / مسألة قطع الغيار بنص السعر في الإمارات
معناها الأسعار عندنا (دبل) على طول ، وهذا اللي احنا نقوله .

3 / مثال في الدوحة : عندنا glk شيكناه في ورشة المرسيدس عندنا
فيها فحص عام ، وتغيير سفايف أمامية فقط ، وتنظيف الفتحة (على كيفهم)
وما كنت أشتكي منها نهائياً ، وطبعاً زيت وفلتر ...
الفاتورة 3700 ريال .

ولكم الحكم

[الخاضع لله]

أخوي الخاضع لله

1 / ممكن من فضلك تكتب لنا وين الورش السبعة للمرسيدس ؟
غير (محطة بترول المانع) و (ورشة اللاند مارك) .

2 / مسألة قطع الغيار بنص السعر في الإمارات
معناها الأسعار عندنا (دبل) على طول ، وهذا اللي احنا نقوله .

3 / مثال في الدوحة : عندنا glk شيكناه في ورشة المرسيدس عندنا
فيها فحص عام ، وتغيير سفايف أمامية فقط ، وتنظيف الفتحة (على كيفهم)
وما كنت أشتكي منها نهائياً ، وطبعاً زيت وفلتر ...
الفاتورة 3700 ريال .

ولكم الحكم



بالنسبة للورش انا ما اتعامل مع الوكالة اساسا غير بقطع الغيار سفايف وفلاتر فقط كله اطلب من الامارات

الورش
1- كراج المعمورة مقابل جبري عند امن العاصمة خبرة 15 سنة في مرسيدس
2- اوتو كار شارع 24 خبرة 12 سنة
3- كراج الطارق شارع 14 الرجال شغله عدل مية فالمية
4- كراج الكفاح بشارع سلوى خبرة 10 سنين كهربائي مرسيدس فقط
5- التركي الالماني بشارع 15
6- كراج السوري بشارع 28
7- كراج صغير مقابل امن العاصمة بعد ما اتذكر اسمه اسعاره رخيصة وشاطر

بالنسبة للقطع اقل من النص بعد والجي ال كيه اصلاً نفس السي بس اللهم فورويل
لا تصلح بالوكالة معروفين غالي جداً

وياخوي الامارات 7 ساعات تكون فيها وفي ناس تطلب منهم ويشحنولك بعد

الخلاصة من كلامي المرسيدس ما تنغلب فيه مش نفس اول الحين مليان كراجات مرسيدس وفي ورش بعد ما كتبتها

اذا بتدخلها وكالة اكيد بتدفع معروفة هذي وبكل المواتر مش بس المرسيدس لكن الحين بالدوحة في كراجات ممتازة واسعارها مقبولة ما اقول رخيصة لكن مقبولة وفرق كبير عن الوكالة

[جاسم الدوحة]

أهاا
اختلف الكلام

أنت تقصد كراجات غير الوكالة
ونحن نتكلم عن ورش الوكالة .

لكزس عندها 7 ورش (وكالة)
غير الورشة الأم (في الصناعية)

أدعوك لقراءة الموضوع من الأول .
أما السوق فمليان بالكراجات
ولجميع السيارات أخوي.

[eXpert*]

أخوي ليش ما تجرب اللكزس ls460 أكبر و أريح على حد علميّ من الفئة اللي عندك ..
و أسعاره مستعمل معقوله لموديل 2008

[wesam82]

أخوي ليش ما تجرب اللكزس ls460 أكبر و أريح على حد علميّ من الفئة اللي عندك ..
و أسعاره مستعمل معقوله لموديل 2008

أخوي اللكزس ls460 يصرف بترول و أنا موش بحاجة لمكينة كبيرة وخصوصاً أن ذبذبات المكينة اقوى من ابوعيون
ثانيا من تجربتي للكزس es300 2006 صادني ألم ظهر وقت السفر من الكراسي. لذلك سألت عن مرسيدس أبو عيون

[qatarik]

بتوفيق في البيعه

[باريسي]

نصيح من اخوى اذ ادور استخدام وخط
بي ام حجم 520 او 530
وعندك كاديلاك 4 سلندر اصغير حلو
وال بي ام عندهم عرض 4 سنوات صيانه مجاني
او 150 الف كيلو والكاديلاك بعد نفس العرض يعني بعد 4 سنوات
لو اتبيع السياره ب30 الف انت الربح استخدام 4 سنوات مجاني بدون صيانه بس بترول وتوتير
فققققققققققققققققققققققققققققققققققققققققققققققط وانا مجرب من الكاديلاك وال بي ام
ورشات زينه ماقول انه اتوب بس حلو الخدمات وجيده جدا أفضل من الياباني بواجد
والله اوفقك ✋مجرد نصيح اتوفر الصيانه وخسارتك بس في البيعه وانا عن نفسي
ماتهمني الخساره في البيع بس بكون موفر من عوار الرس ومرتاح وبعد ماينتيها الضمان
بدل مع الشركه بسياره جديده وادفع الفرق وانت مرتاح لا لكزس والمرسيدس متايش على الفاضي 2 صيانته
ضععععععععععععععععععععععععععععععععععععععععيفه جدااااااااااااااااااااااااااااااااااااا وانا مجرب