ماذا بعد تزيين غرف ما بعد الولادة في المستشفيات؟

[يمامـة]

بسم الله الرحمن الرحيم

ملاحظة: سبق وتم طرح موضوع من قبل بنيتنا ارسطو عن تزيين غرف الولادة.. وصار في الموضوع ما صار من تأييد ورفض..
واليوم موضوعنا هذا ليس استكمالا لموضوع ارسطو.. بل هو موضوع منفصل.. نؤمن من خلاله باحقية المرأة الوالدة انها تزين غرفتها
في المستشفى....لحد يصدق اني مؤمنة.. ولكن راح اعتبر نفسي آمنت بحقها.. ولكن

ماذا بعد التزيين؟

الموضوع هذا سوف يتجاوز حقها من عدمه في التزيين .. ولن اسمح بعد اذنكم التطرق الى اي نقطة تخص حقها في التزيين
فمن يرى انه يحق لها فهذا امر راجع له ومن يرى انه لا يحق لها اكتفينا نقاش وخلاف من هذه النقطة في موضوع ارسطو..
ولكن لنصل جميعنا المؤيدين و المعارضين الى ما بعد التزيين.. هذا هو لب الموضوع هذا..

الغرف هذه ملك لجميع المرضى في المستشفيات الحكومية والخاصة.. فهي ليست ملك خاص لأي نزيل مريض في تلك المستشفيات
وعندما يتم السماح للمرضى بتزيين غرفهم كبادرة انسانية تقديرا لفرحة الام بمولودها.. تغير وتبدل حال الغرف هذي..
واصبحت هذه الغرف ذات مناظر لا نقبلها على انفسنا في بيوتنا الخاصة.. ومع هذا نجده امرا واقعا علينا القبول به ..
فليس امامنا خيار.. اما نقبل بغرف بتلك المناظر او نتبع الموضة ونغطي العيوب التي اصبحت سمة مشتركة لتلك الغرف..

فغرفة رقم 118 و غرفة رقم 105 والغرفة الملكية وغيرها وغيرها وغيرها من الغرف طالتها ايادي التزيين
فولادة تتبعها ولادة.. وتزيين يتبعه تزيين آخر..
فلا وقت للصيانة.. وعدد المواليد في تزايد ولا توجد غرف شاغرة ...
وفي الاخير كان هذا نصيب من لم تجد غرفة لم تطالها ايادي التزيين.. فاستقبلت ضيوفها في مثل هذه الغرفة..

اترككم مع الصور..

1- هذا باب خزانة في الغرفة ما زالت بقاية اللاستكر اللاصق اللي يعلقون عليه التزيين
وقد " قضمت" قطعة من الخشب عند محاولة ازالة الاستكر اللاصق..
http://i.imgur.com/512Wgw9.jpg?1

صورة مقربة "للقضمة"
http://i.imgur.com/yg2Ugfa.jpg?1

2- نفس القطعة اللاصقة على باب الغرفة من الداخل
http://i.imgur.com/bwh9w6i.jpg?1

http://i.imgur.com/uvyyjZI.jpg?1

3- المنظر الخارجي لكثير من ابواب غرف ما بعد الولادة في جناح الام ورضيعها التي طالتها
ايادي التزيين..
http://i.imgur.com/yMQYjcQ.jpg?1

4- صور لحائط في غرفة رقم 118 وقد تركت ايادي المزينيين اثار تزيينهم
وتركوا لمن خلفهم الحسرة في النوم في غرف بهذا الشكل في مستشفيات المفروض تكون راقية
http://i.imgur.com/8ocvHcz.jpg?1

http://i.imgur.com/N4oKkZU.jpg?1


وهذا غير طبعات ايادي المزينين التي زينت هي الاخرى الجدران فانصبغ الابيض
بالرمادي الفاتح معلنا عن تسجيل حضور المزينين لهذه الغرف..

نعيد ونقول ماذا بعد تزيين غرف مابعد الولادة؟

[بومحمد المطاوعه]

الحمدلله والشكر لله تعالى

الله يهديهم يارب ,,

الحمد لك يارب على نعمة العقل


جزاكي الله خير اختي اليمامه
والله يسامحهم ويهديهم

[R 7 A L]

الأمر هين
وهو ان تصدر مؤسسة حمد الطبية قرار يمنع اي اضافات للغرف وتنتهي كل هالاشكاليه

[يمامـة]

الحمدلله والشكر لله تعالى

الله يهديهم يارب ,,

الحمد لك يارب على نعمة العقل


جزاكي الله خير اختي اليمامه
والله يسامحهم ويهديهم

جميعا اللهم أمين يا اخوي بو محمد..

قد يقول البعض انها مبالغة.. ولكن بالفعل الغرف صارت تحتاج الى صيانة وصبغ..
ومب ملحقين يسوون الصيانة.. ومب قادرين يمنعون الناس انهم يوقفون اللي يصير..!!

[يمامـة]

الأمر هين
وهو ان تصدر مؤسسة حمد الطبية قرار يمنع اي اضافات للغرف وتنتهي كل هالاشكاليه

اتمنى من كل قلبي ينصدر مثل هذا القرار..

اللي تبي تزين عندها بيتها بتقعد فيه 40 يوم مدة النفاس ما بعد الولادة.
فماله داعي التزيين يتم في غرف عامة يصعب صيانتها بسبب الولادات المتتالية
وحاجة المرضى لغرف شاغرة!!

[بومحمد المطاوعه]

جميعا اللهم أمين يا اخوي بو محمد..

قد يقول البعض انها مبالغة.. ولكن بالفعل الغرف صارت تحتاج الى صيانة وصبغ..
ومب ملحقين يسوون الصيانة.. ومب قادرين يمنعون الناس انهم يوقفون اللي يصير..!!

صحيح اختي ..

لكن الجهل من البعض اهو السبب ,,

بالعقل يعني
بقعد وبخرب وبوصخ ,.؟

ليش هذي كله
المفروض الواحد يطلع بسمعه طيبه مب بتصرف طفل وتصرف غير محترم

شي يقهر والله
بخرب وبوصخ وبقول الدوله بتصبغ وبتسوي

عجبآ والله عجبآ

الله يهديهم واتمنى هالناس تطرد من المستشفى

[ضوى]

الأمر هين
وهو ان تصدر مؤسسة حمد الطبية قرار يمنع اي اضافات للغرف وتنتهي كل هالاشكاليه

رحال انهيت الموضوع برمته باجراءك هذا

[حسن]

صحيح اختي ..

لكن الجهل من البعض اهو السبب ,,

بالعقل يعني
بقعد وبخرب وبوصخ ,.؟

ليش هذي كله
المفروض الواحد يطلع بسمعه طيبه مب بتصرف طفل وتصرف غير محترم

شي يقهر والله
بخرب وبوصخ وبقول الدوله بتصبغ وبتسوي

عجبآ والله عجبآ

الله يهديهم واتمنى هالناس تطرد من المستشفى

اي جهل يابومحمد

الى قول سفاهه منتشره في كل شي وزبو غير طبيعي يسى لي ولحريمنا كاقطرين

الى متى واحنا نعيش التناقض

اتمنى من ادراه المستشفى توضع حد لتلك السفاهه من العقول

وشكرا

[sweet qatar]

الغرامة والمتابعة .. موضوع إداري سهل

هذي قاعات الفنادق يسوون فيها الهوايل وما تأثرت :)

[يمامـة]

صحيح اختي ..

لكن الجهل من البعض اهو السبب ,,

بالعقل يعني
بقعد وبخرب وبوصخ ,.؟

ليش هذي كله
المفروض الواحد يطلع بسمعه طيبه مب بتصرف طفل وتصرف غير محترم

شي يقهر والله
بخرب وبوصخ وبقول الدوله بتصبغ وبتسوي

عجبآ والله عجبآ

الله يهديهم واتمنى هالناس تطرد من المستشفى

الام من حقها انها تتلقى العناية ما بعد الولادة.. ولكن كما ذكرت يا اخوي بو محمد
مب من حق اي مريض يحول غرف المستشفى الى الاشكال هذي..

فنقطة تبديل الستاير
وتغطية الكراسي وتزيين الغرفة.. المفروض تمنع منعا باتا..

اللي يبي الغرف مثل ماهي يسمحون لها تاخذها واللي ما تبيها تبحث لها عن داية تولدها في البيت
وتزين اي شي تبيه في بيتها..

[يمامـة]

الغرامة والمتابعة .. موضوع إداري سهل

هذي قاعات الفنادق يسوون فيها الهوايل وما تأثرت :)

قالوا ما عندنا وقت للصيانة..

وانت يا سويت اعرف وادرى الجز في غرفة استقبال الام ما بعد الولادة..

لو قلنا يكون هناك تأمين على الغرف..

طيب هالغرف مب تحتاج صيانة؟

فهل ترضين تقعدين في غرفة الولادة يوم كامل علشان يجهزون لج غرفة ما بعد تزيين بنتي لها؟

الفكرة من الاساس المفروض ما تنوجد.. ممنوع التزيين ونكتفي بوضع شروط او عقابات للي يترك اثار تزيينه!!

[وطن]

الأمر هين
وهو ان تصدر مؤسسة حمد الطبية قرار يمنع اي اضافات للغرف وتنتهي كل هالاشكاليه

والأحسن
ياخذون مبلغ ضمان
ان ترجع الغرفة مثل ما كانت قبل الاستلام
ولا مبلغ الضمان يروح عليهم


ناس ما تجي الا بالعين الحمرا :anger1:

[يمامـة]

رحال انهيت الموضوع برمته باجراءك هذا

واتفق معاكم..

المنع ويكون من جهات عليا علشان المستشفيات ما تتساهل بالسماح للمرضى بالتزيين لجذبهم..

يعني محتاجين قرارات عليا من مجلس الشورى يسن قانون.. ويوافق عليه مجلس الوزراء,, ويصادق عليه الامير..

واي مستشفى تخالف هالقانون يسحب منها التأمين الصحي.. وتعرض لعقوبات..

[يمامـة]

والأحسن
ياخذون مبلغ ضمان
ان ترجع الغرفة مثل ما كانت قبل الاستلام
ولا مبلغ الضمان يروح عليهم


ناس ما تجي الا بالعين الحمرا :anger1:

الضمان كفكرة مب مقبولة يا وطن.. وحدة ولدت الساعة 11 الليل ما قدروا يوفورن لها غرفة الا ثاني يوم الصبح..
والغرفة بهذا الشكل.. فالزحمة ما بتترك لج مجال تصلحين شي الا لو بيخلون اللي يولدون في غرف الولادة..
ويطلبون من اللي تولد تأخر ولادتها:shy:

[وطن]

قالوا ما عندنا وقت للصيانة..

وانت يا سويت اعرف وادرى الجز في غرفة استقبال الام ما بعد الولادة..

لو قلنا يكون هناك تأمين على الغرف..

طيب هالغرف مب تحتاج صيانة؟

فهل ترضين تقعدين في غرفة الولادة يوم كامل علشان يجهزون لج غرفة ما بعد تزيين بنتي لها؟

الفكرة من الاساس المفروض ما تنوجد.. ممنوع التزيين ونكتفي بوضع شروط او عقابات للي يترك اثار تزيينه!!

معليه يمامة
حتى لو ما عندهم وقت للصيانة

مجرد ما يتم فرض غرامة
و تطبيقها بدون اي تساهل

بيبتدون الناس يلتزمون و يخافون على فلوسهم

[حسن]

واتفق معاكم..

المنع ويكون من جهات عليا علشان المستشفيات ما تتساهل بالسماح للمرضى بالتزيين لجذبهم..

يعني محتاجين قرارات عليا من مجلس الشورى يسن قانون.. ويوافق عليه مجلس الوزراء,, ويصادق عليه الامير..

واي مستشفى تخالف هالقانون يسحب منها التأمين الصحي.. وتعرض لعقوبات..



من صجك

مجلس شورا يناقش هذه المواضيع السفيهه

هذا تقليل من هيبه مجلس الشورى ياليمامه

:(

[qtr qtr]

الأمر هين
وهو ان تصدر مؤسسة حمد الطبية قرار يمنع اي اضافات للغرف وتنتهي كل هالاشكاليه

او حجز مبلغ مالي لاي ضرر يحصل فالغرفه .

[يمامـة]

المبذرين والرواتب العاليه مايهمهم بدفع الغرامه ولا لو راح عليهم الضمان

المنطق يقول جذي

:)

عني مب مع الضمان ابدا.. لأن الضمان ما بيهم كثيرين.. وحتى ان ادفعوا مبلغ الضمان
هم قعدوا واستانسوا وحصلوا الغرفة.. لكن اللي بعدهم بيتعبون ومب محصلين غرف..

[حسن]

ماقول الى حسبنا الله ونعم الوكيل فيهم

شاغلين العالم وصيانه

غرفه 7 نجوم وبعد تعال سو صيانه


ودوني بيته

:telephone:

[يمامـة]

من صجك

مجلس شورا يناقش هذه المواضيع السفيهه

هذا تقليل من هيبه مجلس الشورى ياليمامه

:(

لا والله مب تقليل...

كلنا نعرف العجز في غرف استقبال الام ما بعد الولادة..

وكلنا نعرف ان القطرية ترفض في غرفة مشتركة..
وهالامر يشكل ضغط كبير على غرفة استقبال الحريم ما بعد الولادة..

فلما تتساهل المستشفيات مع اهواء الناس.. لازم مجلس الشورى و مجلس الوزراء يكون لهم راي..

[بومحمد المطاوعه]

الام من حقها انها تتلقى العناية ما بعد الولادة.. ولكن كما ذكرت يا اخوي بو محمد
مب من حق اي مريض يحول غرف المستشفى الى الاشكال هذي..

فنقطة تبديل الستاير
وتغطية الكراسي وتزيين الغرفة.. المفروض تمنع منعا باتا..

اللي يبي الغرف مثل ماهي يسمحون لها تاخذها واللي ما تبيها تبحث لها عن داية تولدها في البيت
وتزين اي شي تبيه في بيتها..

عليها بألف عافيه تتزين وتتكشخ وتسوي بما يرضي الله تعالى ورسوله الكريم صل الله عليه وسلم ..

ولكن دون تخريب وتدمير وتشويه
والله حرام هالشي الصراحه ..

الدوله تصرف وتسوي وتعدل
وايوون ناس غير محترمين
يدمرون هذا كله ليش ,.؟

وين الأدب والاخلاق ووين احترام حقوق الدوله

لاحول ولاقوه الابالله

الله المستعان

[حسن]

او حجز مبلغ مالي لاي ضرر يحصل فالغرفه .

الحجز والضمان مايفيد مع ناس مبذرين والدوله مبطرتهم في العيشه


فاشل فاشل فاشل

هذا الراي

قرار من ادراه المسشتفي منع ولا تولد في الشارع برع

القوانين يجب ان تحترم

[يمامـة]

ماقول الى حسبنا الله ونعم الوكيل فيهم

شاغلين العالم وصيانه

غرفه 7 نجوم وبعد تعال سو صيانه


ودوني بيته

:telephone:

غرفة ام سبع نجوم.. ورق الجدران ما سلم والسبب التزيين..
ما كان عندي وقت اروح اصور:shy:

ولا كنت باحط الصور للي بيقول روحوا احجزوا الملكية ام 35 الف اعتقد( مب متأكدة اذا 35 الف)
واخرتها منتفين ورق الجدران.....................> هو ليش 35 الف؟:eek5:

[حسن]

عليها بألف عافيه تتزين وتتكشخ وتسوي بما يرضي الله تعالى ورسوله الكريم صل الله عليه وسلم ..

ولكن دون تخريب وتدمير وتشويه
والله حرام هالشي الصراحه ..

الدوله تصرف وتسوي وتعدل
وايوون ناس غير محترمين
يدمرون هذا كله ليش ,.؟

وين الأدب والاخلاق ووين احترام حقوق الدوله

لاحول ولاقوه الابالله

الله المستعان

تتزين تتعدل تتكشف في بيتها ولا بيت ابوها
مهب مرافق عامه

هذه جريمه في حق العام

نسخه للنيابه العامه

:telephone:

[رجل الجزيرة]

الأمر هين
وهو ان تصدر مؤسسة حمد الطبية قرار يمنع اي اضافات للغرف وتنتهي كل هالاشكاليه

إلا فيه قانون بمنع وضع الملصقات بشكل عام وحتى في مكاتبنا والخطأ هو خطأ التمريض فالمفروض تنبه المريضة في البداية.

[يمامـة]

عليها بألف عافيه تتزين وتتكشخ وتسوي بما يرضي الله تعالى ورسوله الكريم صل الله عليه وسلم ..

ولكن دون تخريب وتدمير وتشويه
والله حرام هالشي الصراحه ..

الدوله تصرف وتسوي وتعدل
وايوون ناس غير محترمين
يدمرون هذا كله ليش ,.؟

وين الأدب والاخلاق ووين احترام حقوق الدوله

لاحول ولاقوه الابالله

الله المستعان

ترى الام اللي تولد ما تتعمد تخرب يا بو محمد
لكن المحلات لما اتطرش عمالها.. هالعمال يحرصون يشتغلون بضمير
بحيث الشي اللي يعلقونه ما يطيح.. فهذي نتيجة التعليق.. ونتيجة خلع الاشياء المعلقة
ما بعد انهاء اجراءات الخروج من المستشفى..

[يمامـة]

إلا فيه قانون بمنع وضع الملصقات بشكل عام وحتى في مكاتبنا والخطأ هو خطأ التمريض فالمفروض تنبه المريضة في البداية.

ادارة المستشفى متعاونة وتسهل الامور هذي لجذب المرضى وزيادة مدخولها..

وفي الاخير ادفع واقعد في غرف مشوهة..

[sweet qatar]

قالوا ما عندنا وقت للصيانة..

وانت يا سويت اعرف وادرى الجز في غرفة استقبال الام ما بعد الولادة..

لو قلنا يكون هناك تأمين على الغرف..

طيب هالغرف مب تحتاج صيانة؟

فهل ترضين تقعدين في غرفة الولادة يوم كامل علشان يجهزون لج غرفة ما بعد تزيين بنتي لها؟

الفكرة من الاساس المفروض ما تنوجد.. ممنوع التزيين ونكتفي بوضع شروط او عقابات للي يترك اثار تزيينه!!

يمامة

انا ما قلت صيانة .. قلت إجراءات إدارية وقائية تمنع مثل هالمخالفات


قصور إداري ممكن علاجه

Not a big deal

[يمامـة]

يمامة

انا ما قلت صيانة .. قلت إجراءات إدارية وقائية تمنع مثل هالمخالفات


قصور إداري ممكن علاجه

Not a big deal

تمنع ايش بالضبط يا سويتي؟

تمنع وضع الملصقات وتبديل الستاير ودخول عمال التزيين في الغرف؟

ولا تمنع بس ما يسبب تشوه الغرفة مع فتح الباب للتزيين؟

[حسن]

ادارة المستشفى متعاونة وتسهل الامور هذي لجذب المرضى وزيادة مدخولها..

وفي الاخير ادفع واقعد في غرف مشوهة..

ادره المسشتفي شريك في تخريب مرافق الدوله

cc النيابه العامه
مهب حاطين بوستر بلغ عن اي شي يضر البلد

هذا البلاغ عندكم واضح وصريح نرجو التحقيق
وانا كوني قطري وعندي بنات هذا التصرف يعتبر تعدي واضح واصريح على بناتي في المستقبل

من بياخذهم بيقولون مانبي قطريه صرافه

عليكم حمايه المجتمع من تلك التصرفات المسيئه لبنات قطر

:telephone:

[يمامـة]

معليه يمامة
حتى لو ما عندهم وقت للصيانة

مجرد ما يتم فرض غرامة
و تطبيقها بدون اي تساهل

بيبتدون الناس يلتزمون و يخافون على فلوسهم

ياليت يلتزمون يا وطن .. ويتم الزامهم باحترام املاك الاخرين..

[يمامـة]

ادره المسشتفي شريك في تخريب مرافق الدوله

cc النيابه العامه
مهب حاطين بوستر بلغ عن اي شي يضر البلد

هذا البلاغ عندكم واضح وصريح نرجو التحقيق
وانا كوني قطري وعندي بنات هذا التصرف يعتبر تعدي واضح واصريح على بناتي في المستقبل

من بياخذهم بيقولون مانبي قطريه صرافه

عليكم حمايه المجتمع من تلك التصرفات المسيئه لبنات قطر

:telephone:

خلاص يا بوعلي.. انت عليك بالنيابة العامة..

وانا علي بمجلس الشورى..

وكل يخاطب الجهة اللي يحس انها ممكن تفيد اكثر..

عطني رقم عضو في مجلس الشورى لو تعرف حد منهم؟:telephone:

[حسن]

خلاص يا بوعلي.. انت عليك بالنيابة العامة..

وانا علي بمجلس الشورى..

وكل يخاطب الجهة اللي يحس انها ممكن تفيد اكثر..

عطني رقم عضو في مجلس الشورى لو تعرف حد منهم؟:telephone:


مايحتاج

انا عندي حل باسوي تغريده حق المتالق حسن الساعي

وباخليها يطرحها

:telephone:

[بومحمد المطاوعه]

ترى الام اللي تولد ما تتعمد تخرب يا بو محمد
لكن المحلات لما اتطرش عمالها.. هالعمال يحرصون يشتغلون بضمير
بحيث الشي اللي يعلقونه ما يطيح.. فهذي نتيجة التعليق.. ونتيجة خلع الاشياء المعلقة
ما بعد انهاء اجراءات الخروج من المستشفى..

صح كلامج اختي

ولكن انا كأب ابي اعدل لزوجتي في المستشفى المفروض وواجب علي اني اشوف شغلهم
ومن واجبات المحلات ان يشوفون شغلهم عدل ومايخربونه
والمفروض من المستشفى نفسهم يحاسبون هذي المحلات

ليش اتركهم يخربون ويدمرون المكان ..؟

[sweet qatar]

تمنع ايش بالضبط يا سويتي؟

تمنع وضع الملصقات وتبديل الستاير ودخول عمال التزيين في الغرف؟

ولا تمنع بس ما يسبب تشوه الغرفة مع فتح الباب للتزيين؟

يتم منع تخريب ممتلكات المستشفى .. و بس :)

[يمامـة]

يا اخوان: لو سمحتوا.. خلونا نختار الكلمة المناسبة اللي تخلينا نوصل الفكرة بشكل مناسب..
ونبتعد عن اي كلمة ممكن يكون لها تأثير سلبي على مؤيدي فكرة تزيين الغرف علشان ما نفقد اصواتهم.

فالام اللي بتحجز غرفة ما بعد الولادة لابد ان تعي ان الغرفة هذي ملك عام.. ولابد ان تحرص عليها
مثل ما تحرص على غرف عيالها وغرفتها الخاصة في بيتها..

لذلك رجاء ما نبي نستخدم الفاظ مثل بيت ابوها وكلمات مب محترمة..

علشان النصيحة تكون فعالة.. ولحد يترك لب الموضوع ويركز على الكلمات المستخدمة..

شكرا لكم

مع تحيات ام السعف
من قلب الحدث

[يمامـة]

يتم منع تخريب ممتلكات المستشفى .. و بس :)

اهاا..

هذا صوت يقول خلها تزين.. بس لا تخرب..
1

هل تعتقدين ان ادارة المستشفى ترضى انهم يخربون؟

[حسن]

انا اقولك الخلاصه وبدون نقاش ياليمامه ونلف وندور

هذه التصرفات مرفوضه ومسئيه للقطريه وسمعتها وتشويه وتخريب ممتلكات الدوله

ويجب من تلك المظاهر نهائيا

ونرجو من اداره المستشفى اتخاذا اللازم

صدر الامر وجفت الصحف

وثانككيووووووووو

[دااانة قطر]

صدقتي ياليماامه .. الله يهدي البعض .. البسااطه حلوة بدون تلزق وخراابيط


الأمر هين
وهو ان تصدر مؤسسة حمد الطبية قرار يمنع اي اضافات للغرف وتنتهي كل هالاشكاليه


نتمنى .. الحد من الاضافات اللي تشوه وتخرب

[بوفاطمه]

من المفروض ترك الغرف نظيفة كما استلمتها.

[العنيده]

تبذير في تبذير .. في ناس تبذر من العرس لين الولاده وعقب يجون يقولون ديون وديون .
المفروض يكون في مبلغ تامين يعني لما تتضرر الغرفه وياثر على موعد استلام للي بعدي المفروض اتحاسب ولو بجزء بسيط لان
اللي ولدت بعدي محتاجه مكان ترتاح فيه والله المستعان ..

من حقهااا تعدل بس بالعقل المبالغه مامنها فايده والله

[بومحمد المطاوعه]

تبذير في تبذير .. في ناس تبذر من العرس لين الولاده وعقب يجون يقولون ديون وديون .
المفروض يكون في مبلغ تامين يعني لما تتضرر الغرفه وياثر على موعد استلام للي بعدي المفروض اتحاسب ولو بجزء بسيط لان
اللي ولدت بعدي محتاجه مكان ترتاح فيه والله المستعان ..

من حقهااا تعدل بس بالعقل المبالغه مامنها فايده والله

اي والله صدقتي يالعنيده
كفو والله
هالكلام الصحيح البعض منهم جذي
والبعض منهم مبذر والعياذ بالله

[رهج السنابك]

اوه ماي قاد
هذا تدمير وعبث بحق عام ومستشفى الولادة قطاع حكومي تصرف عليه الدولة وليس فندق ربحي يدخل اموال
وحتى ان كان هذا العبث بمستشفى خاص ايضاً عبث ومن المعيب والمخجل دخول اخريات للغرف ومشاهدة هذا المنظر الذي يوحي كأنه ليس في دولة سخية راقية كقطر
بيبان مشدخه وطوف ملعوب فيها

اشكرك اختي يمامة على اثارة نقطة اهم من نقطة " التبذير" وهي مابعد التبذير يا أولى الالباب

اعترضتوا وصارختوا وقسم كبير من الرجال قال عندي فلوس وبقطها في هالامور .. اوك لا مانع فلوسك وانت حر ان شاء الله تفرمها بفرامة لحم
لكن هل انتم واعيين للحال الذي يخلفه تبذيركم؟

انا أويد وبشدة وضع قانون بعدم تعليق اي شي على الجدران والدواليب والاكتفاء بالزينة على الطاولات " ان كان لابد" الحامل الظاهر مهب والدة ان ماشافت غرفتها مهرجان الربيع

[رهج السنابك]

تبذير في تبذير .. في ناس تبذر من العرس لين الولاده وعقب يجون يقولون ديون وديون .
المفروض يكون في مبلغ تامين يعني لما تتضرر الغرفه وياثر على موعد استلام للي بعدي المفروض اتحاسب ولو بجزء بسيط لان
اللي ولدت بعدي محتاجه مكان ترتاح فيه والله المستعان ..

من حقهااا تعدل بس بالعقل المبالغه مامنها فايده والله

الشدوخ اللي على الباب ماينفع معها ترقيع خلاص تم تخريب الدولاب لازم يتبدل بواحد جديد

[qtr qtr]

اخوي حسن حجز المبلغ يكون على المحل اللي زيين الغرفه مع ازالة الزينه دون اضرار وهذا راح يجبرهم يحطون مواد لاصقه اللي ماتضر الغرفه .. لان صاحبة الشأن مب هي اللي ضرت الغرفه وحطت مواد لاصقه قويه .

ويكون فيه حدود للتزيين ماتزيد عن 20% من تزيين الغرفه عشان يكون سهلة الازاله بوقت قياسي لدخول مريضه ثانيه بعدها .

[وطن]

المبذرين والرواتب العاليه مايهمهم بدفع الغرامه ولا لو راح عليهم الضمان

المنطق يقول جذي

:)

حط مبلغ التأمين 5000 :)

وشوف من يخرب

بتقول لك قيمة شنطة
بتخاف

[حمد 2002]

انا اجوف مافيها شيء ..

عادي خلوهم يستانسون .. العمر كم مره ؟

وبعدين هناك حل بسيط جدا :-

وهي ان يخصصون لهم غرف بالولاده وايخلونهم ايسون الي يبونه ، عادي ، مع وضع غرامه عباره عن 5 الاف ريال في حاله اتلاف الغرفه وعدم شيل التزين بمده زمنيه معينه ..


كل شيء تبون اتضيقون فيه على الناس ؟

خلوا الناس تستانس وتفرح وفقا لقوانين وظوابط معينه .


الكاتب الصحفي المحايد

حمد 2002 ..

[دااانة قطر]

انا اجوف مافيها شيء ..

عادي خلوهم يستانسون .. العمر كم مره ؟

وبعدين هناك حل بسيط جدا :-

وهي ان يخصصون لهم غرف بالولاده وايخلونهم ايسون الي يبونه ، عادي ، مع وضع غرامه عباره عن 5 الاف ريال في حاله اتلاف الغرفه وعدم شيل التزين بمده زمنيه معينه ..


كل شيء تبون اتضيقون فيه على الناس ؟

خلوا الناس تستانس وتفرح وفقا لقوانين وظوابط معينه .


الكاتب الصحفي المحايد

حمد 2002 ..



ماصدق:eek5:

[بومحمد المطاوعه]

ماصدق:eek5:

ههههههههه

حتى انا
مافي امل
لو يعطيني شيك مفتوح ما اصدقه

[يمامـة]

ههههههههه

حتى انا
مافي امل
لو يعطيني شيك مفتوح ما اصدقه


ماصدق:eek5:

صدقوه.. صدقوه..

تغير علينا حمد تغير علينا.. الاهم من التغيير هذا ان يعيش حياة زوجية مستقرة:shy:

[حسن]

اخوي حسن حجز المبلغ يكون على المحل اللي زيين الغرفه مع ازالة الزينه دون اضرار وهذا راح يجبرهم يحطون مواد لاصقه اللي ماتضر الغرفه .. لان صاحبة الشأن مب هي اللي ضرت الغرفه وحطت مواد لاصقه قويه .

ويكون فيه حدود للتزيين ماتزيد عن 20% من تزيين الغرفه عشان يكون سهلة الازاله بوقت قياسي لدخول مريضه ثانيه بعدها .


وليش افتح على نفسي باب من بدايه وشغله محاسبين وغيره
مافي دول العالم تسوي جذي الى عندنا وخصوصا بعد زياده الرواتب جن جنونهم
وبعدين تخيل الاجانب وش بيقولون عنهم وانتو ليل ونهار تلومون هل الاجانب وحاسدينا
هذا يترك نظره ان القطريه مبذره وان المبذرين اخوان الشياطين
ابعادها اكبر من وناسه تدفع ضحيته شعب

حط مبلغ التأمين 5000 :)

وشوف من يخرب

بتقول لك قيمة شنطة
بتخاف

في ضل الرواتب العاليه مايهم المبلغ هذا راي وهو الواقع

[غريب الدّار]

من صجك

مجلس شورا يناقش هذه المواضيع السفيهه

هذا تقليل من هيبه مجلس الشورى ياليمامه

:(

:nice:

[بوحارب]

يوم جاني الشيخ غانم

حسّيت نفسي قاعد في ورشه في الصناعية
مب في المستشفى الأهلي

والله يا خالتى يمامه من كثر العمال والفنيين اللي جايين يزينون احد الغرف

تقولين احنا في الصناعية شارع 16

ياخي إِيش هالفوضى وليش هالخساير وبأي حق يسوون زحمه


انا اتمنى يتم منع هالظاهرة اللي تدل على قلة عقل النساء
ومن يقوم بهذا الشغل التافه !

[يمامـة]

الغرامة والمتابعة .. موضوع إداري سهل

هذي قاعات الفنادق يسوون فيها الهوايل وما تأثرت :)

اسمحي لي يا سويت ارجع للمشاركة هذي..

هناك فرق ما بين غرفة ولادة و قاعات افراح خصصت للافراح..

اولا منطق مقارنة غرفة الولادة بقاعات الافراح مقارنة مب في محلها..

ومن ثم حتى لو قارننا... كلنا نعرف ان مستحيل اللي يجهزون قاعات الافراح بالهوايل
ممكن يبطون طوفة القاعة بمسمار.. وكلنا نشوف اشلون تضاف اضافات تتركب تركيب لمثل هالاضافات.
يعني القاعة لما تتلبس ما تتلبس على حوائط القاعات.. بل هناك ستاندات حديدية على ما دور القاعة
تثبت عليها التغييرات و الهوايل.. او القاعات اساسا مجهزة من السقف لاي اضافات تتطلبها حفلات الزواج..
والقاعات تصغر مساحاتها.. فغرف الولادة ما تستوعب حتى نص جزء من المية للتزيين..

لكن غرف الولادة غرف مجهزة لراحة الام ما بعد الولادة.. فإن كانت هناك مظاهر للاحتفال
المفروض ما تتعدى امور الضيافة او التوزيعات ان حبت الام توزع..

اما باقي الامور من تزيين ليومين او يوم حتى يوم يمكن القيام به داخل المنزل
فهل سترضى الام ان يدخل عامل التزيين ويشوه منظر الطوفة او غيره؟


صدقيني يا سويتي متى ما حدت الظروف تدخلين في غرف بالشكل هذا
وتنامين على سرير تستقبلين فيه ضيوفج... بتعرفين حزتها ان المفروض من الاساس الامور هذي تمنع..

[يمامـة]

يوم جاني الشيخ غانم

حسّيت نفسي قاعد في ورشه في الصناعية
مب في المستشفى الأهلي

والله يا خالتى يمامه من كثر العمال والفنيين اللي جايين يزينون احد الغرف

تقولين احنا في الصناعية شارع 16

ياخي إِيش هالفوضى وليش هالخساير وبأي حق يسوون زحمه


انا اتمنى يتم منع هالظاهرة اللي تدل على قلة عقل النساء
ومن يقوم بهذا الشغل التافه !

وهذي نقطة ما تتطرقت لها للحين.. وصدقت يا بوحارب في اللي ذكرته..

عمال محملين اغراض وسادين الممرات ينطرون الاذن بالدخول لان المريضة حصلت الغرفة على طوول
وهم وصلوا متأخرين.. و ممرضة رايحة و ممرضة ياية واهل المريضة وغيرهم من الناس في الممرات
يبون طريق ..

فكرة تزيين الغرف اصبح مطلب عند البعض.. وقد لا يتقبل فكرة رفضك ورفضي ورفض كثيرين لها..

لكن هل بالفعل التزيين اضاف لنا شي كنا نفتقده واليوم كملت صورتنا فيه؟

هذي بعض اثار تخريب الغرف .. البعض وضع اقتراحات لعدم تخريب الغرف..

طيب لو انصدر قرار بمنع تزيين الغرف بشكل عام...............> شنهو الضرر اللي بيلحقنا كلنا؟

[بوحارب]

وهذي نقطة ما تتطرقت لها للحين.. وصدقت يا بوحارب في اللي ذكرته..

عمال محملين اغراض وسادين الممرات ينطرون الاذن بالدخول لان المريضة حصلت الغرفة على طوول
وهم وصلوا متأخرين.. و ممرضة رايحة و ممرضة ياية واهل المريضة وغيرهم من الناس في الممرات
يبون طريق ..

فكرة تزيين الغرف اصبح مطلب عند البعض.. وقد لا يتقبل فكرة رفضك ورفضي ورفض كثيرين لها..

لكن هل بالفعل التزيين اضاف لنا شي كنا نفتقده واليوم كملت صورتنا فيه؟

هذي بعض اثار تخريب الغرف .. البعض وضع اقتراحات لعدم تخريب الغرف..

طيب لو انصدر قرار بمنع تزيين الغرف بشكل عام...............> شنهو الضرر اللي بيلحقنا كلنا؟

مافيه ضرر ولاشي بالعكس بنرتاح من الصجه والرجه

تخيلي في نفس الموقف اللي ذكرته العمال ادخلوا على غرفة مريضه بالغلط !

زين هذا كله يصير عشان كمن وردة بس بتنحط في غرفة السيدة الحامل ؟!

اوف عقول فارغه >_>

[يمامـة]

مافيه ضرر ولاشي بالعكس بنرتاح من الصجه والرجه

تخيلي في نفس الموقف اللي ذكرته العمال ادخلوا على غرفة مريضه بالغلط !

زين هذا كله يصير عشان كمن وردة بس بتنحط في غرفة السيدة الحامل ؟!

اوف عقول فارغه >_>

شوف بو حارب مستحيل عامل يدخل غرفة مريضة من غير استئذان..
وان دخل بينزف وبيتعلم ومثل هالاخطاء واردة من الكل من العامل او الزوار..

لكن الموضوع محصور في الثقافة العامة للناس.. ورفض او قبول مثل هالتغيرات في المجتمع.

[يمامـة]

تبذير في تبذير .. في ناس تبذر من العرس لين الولاده وعقب يجون يقولون ديون وديون .
المفروض يكون في مبلغ تامين يعني لما تتضرر الغرفه وياثر على موعد استلام للي بعدي المفروض اتحاسب ولو بجزء بسيط لان
اللي ولدت بعدي محتاجه مكان ترتاح فيه والله المستعان ..

من حقهااا تعدل بس بالعقل المبالغه مامنها فايده والله

لو استبعدنا نقطة التبذير والاسراف لان كل يقول انا حر في مالي..

وركزنا على نقطة ان بعدل بس من غير مبالغة!!

مستحيل اللي تسوي وتزين تحس انها بالغت.. لان طبيعي جدا الانسان لما يحس
انها يبالغ يتراجع عن تصرفاته.. فنقطة الاحساس بالمبالغة تختلف من شخص الى آخر..

فاللي تركب ستاير وتسمح لعيالها يتعلقون فيها مثلا هذي ما تحس انها بالغت انها ركبت الستارة
وبالتالي لو عيالها تعلقوا فيها فهي دافعة فلوس هالستاير.. وما يضرها لو حدايد الستاير انضرت..

واللي تحتاج تسوي ركن خاص للتزيين وتحتل مساحة من غرفة الولادة لوضع امور خصصت للمناسبة هذي
ما تشوف انها بالغت حتى لو انها حرمت غرف ثانية من طاولات هم بحاجة لها وهي استخدمتها للاحتفال والتزيين..

لاحظت ان الام ليست هي الوحيدة المعنية بالمظاهر هذي.. الضيوف يتكلمون و المقربين منها يتكلمون
عن التزيين هذا وحاجة اللي ولدت له.. ولاحظت بعد في اللي قالوا لو ولدنا مب مسوين جذيه الا في بيوتنا..

[حرف]

الحل مثل ما قالr7al قانون رسمي وتنتهي المشكلة
لانه يوم بعد يوم تزيد الاضافات والتعديلات

[حسن]

اتمنى موضوعك هذا المزعج

يوصل الى سعاده الوزير شكله مهب عارف وش يصير

نسخه للمسلماني مال العلاقات العاامه
يوصل الصوره للوزير مايحدث من ازعاج وقلق في المستشفى
واتمنى ان حاسب مدير المستشفى ومحاسبته او تغيرا فورا لو في يدي القرار
وهل الممدير قطري ولا غير قطري

[يمامـة]

اوه ماي قاد
هذا تدمير وعبث بحق عام ومستشفى الولادة قطاع حكومي تصرف عليه الدولة وليس فندق ربحي يدخل اموال
وحتى ان كان هذا العبث بمستشفى خاص ايضاً عبث ومن المعيب والمخجل دخول اخريات للغرف ومشاهدة هذا المنظر الذي يوحي كأنه ليس في دولة سخية راقية كقطر
بيبان مشدخه وطوف ملعوب فيها

اشكرك اختي يمامة على اثارة نقطة اهم من نقطة " التبذير" وهي مابعد التبذير يا أولى الالباب

اعترضتوا وصارختوا وقسم كبير من الرجال قال عندي فلوس وبقطها في هالامور .. اوك لا مانع فلوسك وانت حر ان شاء الله تفرمها بفرامة لحم
لكن هل انتم واعيين للحال الذي يخلفه تبذيركم؟

انا أويد وبشدة وضع قانون بعدم تعليق اي شي على الجدران والدواليب والاكتفاء بالزينة على الطاولات " ان كان لابد" الحامل الظاهر مهب والدة ان ماشافت غرفتها مهرجان الربيع

الحين اقول بنيتي ارسطو وتردين عليه اختي يمامة.. ليش تكبرين عمرج؟:weeping:

بما ان احنا من الاساس ضد التصرفات هذي فشي طبيعي نرفض كل ما يترتب على الامور هذي..

البعض قد يقول واجهوا الناس.. واجهنا في اقرب مناسبة مرت علينا.. وقلنا هذي مظاهر غير مقبولة..
فقالوا لي انتي للحين ما شفتي شي يا ام (غـ......).. ما شفتي التزيين اللي يوصل في السقف والتعليقات اللي تنزل منه..
رفعت راسي على طول ادور لقطة جاهزة للتصوير علشان اثبتها.. مالقيت في الغرفة اللي كنت فيها اي اثار..

فقضية المبالغة في التزيين امر راجع لهم وهم راح يتحملون وزر سن مثل هالامور في المجتمع..
وبيتحملون وزر الدفاع عن مثل هالظواهر وراح نتحاسب احنا بعد اذا دفاعنا ما كان خالص لوجه الله تعالى..

لكن لما التزيين يتجاوز التبذير الى مرحلة التخريب.. اهنيه نتمنى من هالامور من الاساس.

[يمامـة]

الحل مثل ما قالr7al قانون رسمي وتنتهي المشكلة
لانه يوم بعد يوم تزيد الاضافات والتعديلات

واحنا نتمنى مثلك.. و هذا مطلبنا من البداية..

[العقل المدمر]

ادره المسشتفي شريك في تخريب مرافق الدوله

cc النيابه العامه
مهب حاطين بوستر بلغ عن اي شي يضر البلد

هذا البلاغ عندكم واضح وصريح نرجو التحقيق
وانا كوني قطري وعندي بنات هذا التصرف يعتبر تعدي واضح واصريح على بناتي في المستقبل

من بياخذهم بيقولون مانبي قطريه صرافه

عليكم حمايه المجتمع من تلك التصرفات المسيئه لبنات قطر

:telephone:


انا اقولك الخلاصه وبدون نقاش ياليمامه ونلف وندور

هذه التصرفات مرفوضه ومسئيه للقطريه وسمعتها وتشويه وتخريب ممتلكات الدوله

ويجب من تلك المظاهر نهائيا

ونرجو من اداره المستشفى اتخاذا اللازم

صدر الامر وجفت الصحف

وثانككيووووووووو


وليش افتح على نفسي باب من بدايه وشغله محاسبين وغيره
مافي دول العالم تسوي جذي الى عندنا وخصوصا بعد زياده الرواتب جن جنونهم
وبعدين تخيل الاجانب وش بيقولون عنهم وانتو ليل ونهار تلومون هل الاجانب وحاسدينا
هذا يترك نظره ان القطريه مبذره وان المبذرين اخوان الشياطين
ابعادها اكبر من وناسه تدفع ضحيته شعب


في ضل الرواتب العاليه مايهم المبلغ هذا راي وهو الواقع


ذبحتنا قطرية وقطرية .. ليش ليكون اللي تزين غرفتها بتانية ؟
اصلا ((اغلــــب)) بنات قطر يزينون .. انا شخصيا الناس الوحيدين اللي زرتهم بدون تزيين هم "بعض" هلي
والا باقي هلي وربعي كلهم زينة وديكورات ومفارش وورود وتوزيعات وهدايا و... الخ

[حسن]

الحل مثل ما قالr7al قانون رسمي وتنتهي المشكلة
لانه يوم بعد يوم تزيد الاضافات والتعديلات

الايام الجايه بتشوفون بلقيس بنت احمد فتحي مسوي حفله في المستشفى

تراني

اشوف شي ماتشوفونه

[يمامـة]

اتمنى موضوعك هذا المزعج

يوصل الى سعاده الوزير شكله مهب عارف وش يصير

نسخه للمسلماني مال العلاقات العاامه
يوصل الصوره للوزير مايحدث من ازعاج وقلق في المستشفى
واتمنى ان حاسب مدير المستشفى ومحاسبته او تغيرا فورا لو في يدي القرار
وهل الممدير قطري ولا غير قطري

بوعلي من الصبح اتطرش نسخ في السييات اهنيه وهناك ولاحد منهم وصلهم شي بشكل رسمي..:telephone:

[العقل المدمر]

مع اني استانس وينشرح صدري لما ادخل غرفة مزينة
بس اذا هاذي النتيجة اكيد انا ضدها واتمنى ينفرض قانون ان التزيين يكون بدون تخريب
وانا عن نفسي ما بصير غبية وازين غرفة حق يومين مادري بكون فيها بخير والبيبي صاحي والا لا
واهم شي ازين بوردي كيوت واخرتها يفشلني يطلع ولد .. لا لا مب شي
حلاة الوحدة تولد ولما تطلع بالسلامة تزين بيتهم .. البيت بيتم فترة طويلة ومكانها تزينه على كيفها

انزين ليش المستشفى مايسوون قسم غرف وردية وقسم غرف زرقا
بيفكونا من نص الزينة :tease:

[يمامـة]

ذبحتنا قطرية وقطرية .. ليش ليكون اللي تزين غرفتها بتانية ؟
اصلا ((اغلــــب)) بنات قطر يزينون .. انا شخصيا الناس الوحيدين اللي زرتهم بدون تزيين هم "بعض" هلي
والا باقي هلي وربعي كلهم زينة وديكورات ومفارش وورود وتوزيعات وهدايا و... الخ

ايه من جذيه هو مركز على القطرية يا العقل المدمر..

قد تكون عند بوعلي عقدة من القطرية( امزح يا بوعلي):shy:

لان الغالب ان القطريات هم اللي يزينون.. او اللي ريايلهم قطريين
او من تطبعوا بطبايع البلاد مجاراة لنوعية الافراح و الاتراح في المجتمع..

فقضية ان حسن يركز على القطرية هذا شأن خاص فيه.. لكن ما نقدر نقول ان هالشي
ما تقوم القطرية وانما هو من افعال الوافدات..

[حسن]

بوعلي من الصبح اتطرش نسخ في السييات اهنيه وهناك ولاحد منهم وصلهم شي بشكل رسمي..:telephone:

يالله بحق هذا اليوم الفضيل مايجي يوم السبت
الى وانا سامع كتاب شديد اللهجه للمدير
ومنع هذه المصخره واحنا شعب محافظ

:)

قولي امين

صدقني لا تبنا هذه القضيه واسنعهم لك سنع وماحب تتشوه سمعه بنت بلادي في نظر الغير وخصوصا الاجانب

:telephone:

[يمامـة]

مع اني استانس وينشرح صدري لما ادخل غرفة مزينة
بس اذا هاذي النتيجة اكيد انا ضدها واتمنى ينفرض قانون ان التزيين يكون بدون تخريب
وانا عن نفسي ما بصير غبية وازين غرفة حق يومين مادري بكون فيها بخير والبيبي صاحي والا لا
واهم شي ازين بوردي كيوت واخرتها يفشلني يطلع ولد .. لا لا مب شي
حلاة الوحدة تولد ولما تطلع بالسلامة تزين بيتهم .. البيت بيتم فترة طويلة ومكانها تزينه على كيفها

انزين ليش المستشفى مايسوون قسم غرف وردية وقسم غرف زرقا
بيفكونا من نص الزينة :tease:

حتى انا مثلج.. لما دخلت صورت وطرشت لاحداهن و احداهن وكل اشوي اكتشف حركة يدية فيها اسم البيبي..
لكن مثل ما قلتي عقب ما راحت السكرة قلت غلط:(

ومن شان هيك اقول ان غلط اللي يصير وليعذرني كل من يأيد هالامر..

سووا في بيوتكم اللي تبونه لكن احفظوا للمستشفى خصوصيته ..

[يمامـة]

يالله بحق هذا اليوم الفضيل مايجي يوم السبت
الى وانا سامع كتاب شديد اللهجه للمدير
ومنع هذه المصخره واحنا شعب محافظ

:)

قولي امين

صدقني لا تبنا هذه القضيه واسنعهم لك سنع وماحب تتشوه سمعه بنت بلادي في نظر الغير وخصوصا الاجانب

:telephone:

اللهم آمين

الموضوع تحت امرك والصور تحت امرك ومستعدة اشهد ان الصور حقيقية:shy:

[العقل المدمر]

ايه من جذيه هو مركز على القطرية يا العقل المدمر..

قد تكون عند بوعلي عقدة من القطرية( امزح يا بوعلي):shy:

لان الغالب ان القطريات هم اللي يزينون.. او اللي ريايلهم قطريين
او من تطبعوا بطبايع البلاد مجاراة لنوعية الافراح و الاتراح في المجتمع..

فقضية ان حسن يركز على القطرية هذا شأن خاص فيه.. لكن ما نقدر نقول ان هالشي
ما تقوم القطرية وانما هو من افعال الوافدات..

هو راسم صورة القطرية على كيفه
واي وحدة ماتمشي على كيفه خلاص شوهت سمعة القطرية
ع اساس ان القطرية عبارة عن اخته وزوجته وبنته وبس
ترى القطريات نص المواطنين لهم افكار وقناعات مختلفة
يمكن بناته بالنسبة لهم يشوهون صورة القطرية :(

[يمامـة]

هو راسم صورة القطرية على كيفه
واي وحدة ماتمشي على كيفه خلاص شوهت سمعة القطرية
ع اساس ان القطرية عبارة عن اخته وزوجته وبنته وبس
ترى القطريات نص المواطنين لهم افكار وقناعات مختلفة
يمكن بناته بالنسبة لهم يشوهون صورة القطرية :(

صح كلامج واتفق معاج..

بس بعد في الوقت نفسه هو له نظرته الخاصة اللي يقيس فيها تصرفات القطرية
وان كانت زوجته او بنته او اخته..

فاحنا اهنيه يالعقل المدمر ما علينا شلي راسمه في مخه.. علينا من كلامه هل صح ولا غلط..
فإذا كلامه اهنيه عن القطرية يستحق نقول انه صح فكلامه صح بغض النظر عنه هو..

اما في مكان ثاني لو شفنا كلامه غلط عن القطرية نقول نعم كلامك غلط..

اهنيه نثبت نظرة الصح والغلط تختلف بيننا .. فهو شوفيه يقول يبي يحسن من صورة القطرية
التي تم تشويهها حسب وجهة نظره بمثل هالتصرفات..

بينما قطريين آخرين يدعمون زوجاتهم القطريات وبقوة في مثل المظاهر من الاحتفالات والتزيين..

[غير البشر]

الغرامة والمتابعة .. موضوع إداري سهل

هذي قاعات الفنادق يسوون فيها الهوايل وما تأثرت :)


لا اختي سويت هذا مب حل
الحل هو الي قاله رحال

يقطعون الموضوع من جذوره
ويمنعون اي اضافات على الغرفه
لما يروحون بيتهم عدلون ويزينون محد بتدخل

وهذا القرار بكون مفيد للجميع
نترك العاده السيئه
والمحافقظه على الغرف واثاثها نظيف
ويتنفس الزوج الصعداء ويوفر فلوسه هههههه

[غير البشر]

ماصدق:eek5:



هذا لوتي ماعليج منه

خلينا نأيد الموضوع كلنا وهو راح يخالفنا فيه ههههههههههههههههههههههههه :taunt:

[الحياة الخالدة]

مع احترامي لصاحبة الموضوع .. و لجميع المشاركين و المشاركات

أي مشاركة فيها كلمات غير لائقة و استهزاء و تجني سيتم حذفها من غير تردد
هي و الرد عليها كاقتباس
و حتى إن دست تلك الكلمات في وسط الكلام المفيد

جزاكم الله خير على تعاونكم

[يمامـة]

مع احترامي لصاحبة الموضوع .. و لجميع المشاركين و المشاركات

أي مشاركة فيها كلمات غير لائقة و استهزاء و تجني سيتم حذفها من غير تردد
هي و الرد عليها كاقتباس
و حتى إن دست تلك الكلمات في وسط الكلام المفيد

جزاكم الله خير على تعاونكم

ولج كل احترام يا مشرفتنا .. بس شنهي الكلمات غير اللائقة اللي اكتبتها صاحبة الموضوع؟

[الحياة الخالدة]

ولج كل احترام يا مشرفتنا .. بس شنهي الكلمات غير اللائقة اللي اكتبتها صاحبة الموضوع؟

انتي ما كتبتي اختي يمامة .. محشومة
اعتذاري لج لتدخلي بحذف مشاركات في موضوعج و حذف ردودج عليها بعد اقتباسها

[يمامـة]

انتي ما كتبتي اختي يمامة .. محشومة
اعتذاري لج لتدخلي بحذف مشاركات في موضوعج و حذف ردودج عليها بعد اقتباسها

الموضوع عندج احذفي اي كلمة خارجة عن اداب الحوار واتفق معاج..

بس لو اقتبست الكلام وحررته من نفسي وشلت الكلمات غير المقبولة ينحذف ردي والاقتباس بعد؟:shy:

ياختي ما نبي نكتب وهوبا يطير الكلام فمن جذيه استفسر..
والله يعينكم علينا ومتابعتكم لنا في المنتدى..

[يمامـة]

اخوي حسن حجز المبلغ يكون على المحل اللي زيين الغرفه مع ازالة الزينه دون اضرار وهذا راح يجبرهم يحطون مواد لاصقه اللي ماتضر الغرفه .. لان صاحبة الشأن مب هي اللي ضرت الغرفه وحطت مواد لاصقه قويه .

ويكون فيه حدود للتزيين ماتزيد عن 20% من تزيين الغرفه عشان يكون سهلة الازاله بوقت قياسي لدخول مريضه ثانيه بعدها .

اخوي الامور هذي كلها لازم تصير داخل المستشفى.. بمعنى اادادرة المستشفي يا انها تمنع التزيين
او انها توافق عن طريق فرض شروط على المحلات اللي بيزينون..

بمعنى اي محل قبل لا يدخل اي غرفة عليهم انهم يحصلوا موافقة من الادارة والموافقة هذي مبنية على
كتابة تعهد مع حجز ضمان مالي في حال خراب مالطا..

المصروفات هذي والجهود اللي نذكرها ولابد من القيام بها من يتحمل تكاليفها؟
التأمين الحكومي لما تنحسب على ظهره بما انه خدمة للمريض؟
او رسوم خاصة يتكفل فيها المريض لان التأمين ما يغطي.

ولا صاحب المحل نفسه ويرفع اسعاره على الزباين؟

[sweet qatar]

اسمحي لي يا سويت ارجع للمشاركة هذي..

هناك فرق ما بين غرفة ولادة و قاعات افراح خصصت للافراح..

اولا منطق مقارنة غرفة الولادة بقاعات الافراح مقارنة مب في محلها..

ومن ثم حتى لو قارننا... كلنا نعرف ان مستحيل اللي يجهزون قاعات الافراح بالهوايل
ممكن يبطون طوفة القاعة بمسمار.. وكلنا نشوف اشلون تضاف اضافات تتركب تركيب لمثل هالاضافات.
يعني القاعة لما تتلبس ما تتلبس على حوائط القاعات.. بل هناك ستاندات حديدية على ما دور القاعة
تثبت عليها التغييرات و الهوايل.. او القاعات اساسا مجهزة من السقف لاي اضافات تتطلبها حفلات الزواج..
والقاعات تصغر مساحاتها.. فغرف الولادة ما تستوعب حتى نص جزء من المية للتزيين..

لكن غرف الولادة غرف مجهزة لراحة الام ما بعد الولادة.. فإن كانت هناك مظاهر للاحتفال
المفروض ما تتعدى امور الضيافة او التوزيعات ان حبت الام توزع..

اما باقي الامور من تزيين ليومين او يوم حتى يوم يمكن القيام به داخل المنزل
فهل سترضى الام ان يدخل عامل التزيين ويشوه منظر الطوفة او غيره؟


صدقيني يا سويتي متى ما حدت الظروف تدخلين في غرف بالشكل هذا
وتنامين على سرير تستقبلين فيه ضيوفج... بتعرفين حزتها ان المفروض من الاساس الامور هذي تمنع..

اوكي خلينا من القاعات نقول غرف الفنادق

بما أن الغرف هذي أول ما سووها سموها فندقية :o





لا اختي سويت هذا مب حل
الحل هو الي قاله رحال

يقطعون الموضوع من جذوره
ويمنعون اي اضافات على الغرفه
لما يروحون بيتهم عدلون ويزينون محد بتدخل

وهذا القرار بكون مفيد للجميع
نترك العاده السيئه
والمحافقظه على الغرف واثاثها نظيف
ويتنفس الزوج الصعداء ويوفر فلوسه هههههه

ههههههههههههه

الزوج بيفرح ان شالله ماعليك :o

مافيها شي لو الوحدة أضافت لمسات لغرفتها

عدلت علي ذوقها شي حلو و مميز .. ليش تمنع وتقطع

رحال اقتراحه جيد .. لكن ليش نضيق واسع و نحرم الحلال :rolleyes:

[الحاقول]

يجب ان تصدر مؤسسة حمد الطبية قرار بمنع
تزيين غرف الولادة في المستشفيات
من قبل الاهالي
واي اضافات للغرف
يعرض صاحبها للمساءلة القانونية

[نتفـه]

ماعندهم سالفه اللي يزينون غرف مؤقته

[لبيبة]

السلام عليكم ورحمة الله وبركاته،

تسجيل متابعة، ورأيي يا يمامة ان التزيين لغرف الولادة لا بأس به، بشرط وضع تأمين مثل ما اقترحت وطن 5000 او اعلى غير مستردة حال اتلاف الغرفة بسبب التزيين. وبالتالي بيحرصون الناس علي عدم اتلاف الغرف بالزينة او المبالغة فيها.

لا ارى داعي للمنع الكامل، لأن مع التشديد يحدث الانفلات ويفشل القرار. لكن ضبط الموضوع بالضمان والغرامات المالية الباهضة ستخفف من حدوث التلف.

والأهم من ذلك، ان جميع المستشفيات في الدولة تُلزم بهذا القرار، وتلتزم باستخدام أموال الضمان الغير مستردة في إصلاح التلفيات ولا يتم استغلال الأمر لأغراض أخرى.

[العقل المدمر]

صح كلامج واتفق معاج..

بس بعد في الوقت نفسه هو له نظرته الخاصة اللي يقيس فيها تصرفات القطرية
وان كانت زوجته او بنته او اخته..

فاحنا اهنيه يالعقل المدمر ما علينا شلي راسمه في مخه.. علينا من كلامه هل صح ولا غلط..
فإذا كلامه اهنيه عن القطرية يستحق نقول انه صح فكلامه صح بغض النظر عنه هو..

اما في مكان ثاني لو شفنا كلامه غلط عن القطرية نقول نعم كلامك غلط..

اهنيه نثبت نظرة الصح والغلط تختلف بيننا .. فهو شوفيه يقول يبي يحسن من صورة القطرية
التي تم تشويهها حسب وجهة نظره بمثل هالتصرفات..

بينما قطريين آخرين يدعمون زوجاتهم القطريات وبقوة في مثل المظاهر من الاحتفالات والتزيين..

المفروض يقول المراة المثالية
المراة القطرية مب ملاك خالي من الاخطاء
كلمة المراة القطرية المفروض تنسب حق الشي اللي غلب على الحريم القطريات
مب على رايه الشخصي واللي ممكن يكون صح لكنه نادر خصوصا فهالزمن
انا عن نفسي اشوف ان القطرية هي اللي تزين والاجنبية لا وهو يقول هاي تشويه حق القطرية
عيل من هي اللي تزين وتخرب طول هالوقت ؟ حتى لو كان شي مب عدل فهو مب تشويه هو واقع

[دايموند]

بديهيا اتوقع والله اعلم انهم خذوا عليهم غرامه لكن الكسل منهم بعدم الصيانة...

[حرف]

رحال اقتراحه جيد .. لكن ليش نضيق واسع و نحرم الحلال :rolleyes:


شنو نضيق واسع ونحرم حلال
اصلاً من الادب والاخلاق والاحترام ان محد يزور الي تولد الا لما تكون في بيتها وطيبة وطفلها طيب وبخير اما وحدة وتوها والد او مسويه عملية اصلاً موب في حاله الناس الي يزورونها كل السالفة انها صارت عادة وتقليد وخلونها شي اساسي بعضهم تستحي ماتسوي زينه في المستشفى خايفة من كلام الناس وبالنسبة للضمان مثل ما قال الاخ حسن الناس ماشاءالله عندهم فلوس وموب مشكلة يدفعون المشكلة وقت الصيانه الي بتعطل فيه الغرف والناس الي تنتظر
على شان جي اقتراح رحال هو انسب شي وياليت اقتراحه يوصل للجهات المسئوله

[sweet qatar]

شنو نضيق واسع ونحرم حلال
اصلاً من الادب والاخلاق والاحترام ان محد يزور الي تولد الا لما تكون في بيتها وطيبة وطفلها طيب وبخير اما وحدة وتوها والد او مسويه عملية اصلاً موب في حاله الناس الي يزورونها كل السالفة انها صارت عادة وتقليد وخلونها شي اساسي بعضهم تستحي ماتسوي زينه في المستشفى خايفة من كلام الناس وبالنسبة للضمان مثل ما قال الاخ حسن الناس ماشاءالله عندهم فلوس وموب مشكلة يدفعون المشكلة وقت الصيانه الي بتعطل فيه الغرف والناس الي تنتظر
على شان جي اقتراح رحال هو انسب شي وياليت اقتراحه يوصل للجهات المسئوله

سوري بس العيب في مجتمعنا انا نتأخر

الحريم صاروا يزينون الغرف في المستشفيات لأنهم يعرفون إن أغلب الناس بتكتفي بزيارة المستشفي


هذي الفنادق قادرة تحافظ علي غرفها .. شغلة بسيطة ترا

[الجـــوديّ]

والله صعب اقبل بغرفة وأنا دافعة فيها بهالمنظر ...
والغريب ان الى الان مافي قرار يلزم بدفع تعويض عن أي تخريب يطال الغرفة ..
اتزين ماتزين مب شغلي كادارة مستشفى لكن شغلي اني احافظ على المنظر العام للغرف
واعمل لها صيانة اول باول من الخصومات على النزلاءالمخربين! .. وكان الله غفوراً رحيماً


صعب نمنع الناس من اشياء يحبونها ودارجة وراح تثير غضب وسخط اغلبية النزلاء ..
والمستشفى مب شغلته يقيد حريات الناس ..
لكن من كامل حقوقه انه يستلم الغرفة سليمة بكل ما فيها.. علشان يستمر في تقديم خدماته بنفس المستوى للي بعده.

[معماري قطري]

اتمنى من كل قلبي ينصدر مثل هذا القرار..

اللي تبي تزين عندها بيتها بتقعد فيه 40 يوم مدة النفاس ما بعد الولادة.
فماله داعي التزيين يتم في غرف عامة يصعب صيانتها بسبب الولادات المتتالية
وحاجة المرضى لغرف شاغرة!!

ما يصدر لسبب بسيط .. وهو فيه ناس مستفيدين من بيع الورود والزينة ومؤجرين في المستشفى .. ولهم علاقات ومال عمك لا يهمك

[حرف]

سوري بس العيب في مجتمعنا انا نتأخر

الحريم صاروا يزينون الغرف في المستشفيات لأنهم يعرفون إن أغلب الناس بتكتفي بزيارة المستشفي


هذي الفنادق قادرة تحافظ علي غرفها .. شغلة بسيطة ترا

المشكلة اختي انتي وغيرج تعتقدون ان الهدف الرئيسي من الموضوع والنقاش هي ( التزيين ) !
الهدف الله يسلمج ان فيه أمم تحت في غرف الولادة ينتظرون متى تفضى الغرف
ليش اندخل وقت ( للصيانة ) قد تكون اسبوعيه او شهرية ويتعطلون الناس تحت لين تخلص الصيانة ؟
مازلت اشوف قرار المنع هو افضل قرار
هذي جهه خدمية وليست ربحية !!

[حسن]

المشكلة اختي انتي وغيرج تعتقدون ان الهدف الرئيسي من الموضوع والنقاش هي ( التزيين ) !
الهدف الله يسلمج ان فيه أمم تحت في غرف الولادة ينتظرون متى تفضى الغرف
ليش اندخل وقت ( للصيانة ) قد تكون اسبوعيه او شهرية ويتعطلون الناس تحت لين تخلص الصيانة ؟
مازلت اشوف قرار المنع هو افضل قرار
هذي جهه خدمية وليست ربحية !!

بارك الله فيك والله يثبت عقلك وتكونين قدوه للغير

العقل نعمه والجنون فنون وقل العقل مصيبه

:victory:

[Dana’1]

مع قرار المنع خصوصا إذا الزينه تأثر على اثاث المستشفى مثل الي بالصوره!،، تقدر تزين غرفة البيبي في الببيت وغرفة استقبالها للناس:)

[حسن]

مع قرار المنع بصراحه،،، تقدر تزين غرفة البيبي في الببيت وغرفة استقبالها للناس:)

اتفق معاك

ولكن هل هذه الحاله عندنا بس ولا في السعوديه كذالك ولا باقي دول العالم والخليج
علشان نعرف الاجابه والخلل من اين ؟

اتفق معاك

:victory:

[حرف]

بارك الله فيك والله يثبت عقلك وتكونين قدوه للغير

العقل نعمه والجنون فنون وقل العقل مصيبه

:victory:

اخوك حرف
رجل تحكمني قناعاتي

[حسن]

اخوك حرف
رجل تحكمني قناعاتي

السموحه منك

التبس على النك

اعتذر

[مــاي ورد]

انا أؤيد قرار المنع لان افضل هالاشياء تنعمل في البيت في الميلس او الصالة والي حاب يزور يتفضل

لكن في المستشفى مب مريح والوالدة تحتاج راحة مع الطفل مش ناس رايحين وجايين وازعاج

[بنت شرق]

ما ادري ،،،لو اقترحنا الي يبي يزين ايحطون له جدار تركيب للتزين علشان مايخربون كل الغرفة ،،،ولو حددت إدارة المستشفى نوع اللاصق المناسب ،،،بنرضي الطرفين
اما لازم نمنع ،،اعتقد راحت أيام فرمان الحاكم بامره

[النهار]

ما ادري ،،،لو اقترحنا الي يبي يزين ايحطون له جدار تركيب للتزين علشان مايخربون كل الغرفة ،،،ولو حددت إدارة المستشفى نوع اللاصق المناسب ،،،بنرضي الطرفين
اما لازم نمنع ،،اعتقد راحت أيام فرمان الحاكم بامره

من حكم في ماله ماضلم
هذي املاك دوله يجب عدم التعدي عليها
الحين الي فيه خير خله يحط جنب بيته خيمه أوبورتكابن
بس ناقص يجيبون رمل وطابوق ونجارين وصباغين يشتغلون في ممرات المستشفى ودق مسماير

[roma27]

المفروض دفع مبلغ تأمين ترجع الغرفة مثل ما استلمتها

[بنت شرق]

من حكم في ماله ماضلم
هذي املاك دوله يجب عدم التعدي عليها
الحين الي فيه خير خله يحط جنب بيته خيمه أوبورتكابن
بس ناقص يجيبون رمل وطابوق ونجارين وصباغين يشتغلون في ممرات المستشفى ودق مسماير

على عيني أملاك دولة ،،،المستشفى مثلها مثل الفندق ،،،مكان مؤقت للايواء ،،،وظيفتها استقبال المرضى الداخليين
مانتعدى عليها بتوفير البدائل للناس الي حابه ،،تفرح ،،
اكيد اهم لا على بالهم ولاقصدهم تخريب أملاك الدولة ،،،يبون يفرحون بالبيبي وبس
فالمفروض تنظيم الامر مش منعه ،،،توفير بدائل كجدار إضافي تركيب ،،،تحديد نوع اللاصق ،،،تشيك الغرفة بعد الخروج
من قبل اداريين ،،،والمؤسسة عندها قسم صيانة مكون من مهندسين يصلحون ماتم تخريبه عن غير قصد من مستخدمي الغرفة ،،
اذا كان القاضي ،،،المؤسسة راضية ،،وعندها قسم صيانة وتصليح وترميم ،،،مهندسين وعمال ،،،بتقديم طلب من رئيسة الممرضات
والله صلحوا الغرفة الفلانية سواء جدار او كهرباء او اثاث ،،يتم الاستجابة للطلب خلال 24 ساعة ،،،ويتم اما تبديل او اصلاح ماتم
تخريبه من غير عمد ولا قصد ،،،فليش انتوا متصدرين لمسألة بسيطة
قسم الصيانة كفو بالمؤسسة ،،،والدولة موفرة لهم كافة الإمكانيات للإصلاح والتبديل ،،،فليش معورين راسكم ،،
نشكر الحكومة على حسن الأداء والجهود المبذولة لراحة المواطنين ،،،ونتمنى المواطنين والمقيمين يقدرون دور الدولة واهتمامها
هاي يأتي عبر الثقافة والوعي والمحبة والحرص ،،
وكان الله غفورا رحيما ،،،
فاقولكم شفتوا شي خربان كلموا رئيسة الممرضات بالقسم ،،على طول اتسوي طلب لقسم الصيانة
ولاتعورون راسكم

[حرف]

السموحه منك

التبس على النك

اعتذر

مسموح اخوي وياليت تمنشن الاخوة الاعلاميين بتويتر كما ذكرت مسبقاً لمنع هذة المهاترات التي يومياً بعد يوم تزيد

[مخطط قطري]

المشكله هذي الامور صارت موضه وصعب جدا تغير هالثقافه الكلام سهل في المنتديات وتويتر تشخيص المشكله وتحليلها احنا برفوسوريه فيه ولكن العلاج وان وجد صعب تطبيقه لين نغير عقليات بعض الحريم الي تشرط ديكورات معينه في غرف الولاده بعشرات الالاف عشان يومين في غرفه الولاده وتزعل اذا كانت غرفه تبي سويت لانه الزوار وايد

[بوحارب]

يا حسن أقولك ذاك اليوم مازدا من الطوال
داشه المستشفى الأهلي بالأغراض والعمال بس عشان يزينون الغرفه

والله شي يدل على الغباء ياخي :(

[حرف]

ان شاء الله

المشكله ياحرف نما الى علمي ان غرفه المستشفيات للولاده انقلبت كوشه افراح وصرف مبالغ خياليه
وخصوصا بعد الرواتب العاليه لها دور في ذالك
والمشكله تحول المستشفى الى بيت كانه منزلها واصبحت الزيارات للولاده فقط
في المستشفى وبعد الخروج من المستشفى انتهت الزيارات
وين كنا وكيف اصبحنا

!!!
اصبحت الزيارات في المنزل كانها عبى كبير وخصوصا بيوتنا الحاليه مشاء الله كبيره جدا
على مستوى العالم ومليانه بالخدم والحشم

شنهو المشكله لما تبقى الزياره في البيت مثل ايام الفقر وايام الامهات الاميات

لي نظريه دائما اقولها المراه العامله تلقى زوجها مكسور خشمه

هي صاحبه القرار

:victory:

المشكلة العدد كبير واكثر من عدد الغرف
فا احنا في وقت مانقدر نأخر تسليم غرفة بحجة الصيانة لمرأة توها والد ومقعدينها في السيب تحت

[ضوى]

طيب عزيزتي يمامه ، هالتجهيزات وين الدثوي ريلها اللي يدفع وهو ساكت ! مب على اساس هو مخلوق من ضلع كامل ودينه كامل والعكس صحيح !! والا بس اعتراضه يبين في المنتدى وبرع المنتدى قطو خواف !؟

بصراحه لو احد يفكر من اللي حوالي بهالسوالف فيه رياييل ينقال لهم صدق رياييل يوقفون لهم مدري عن الباقي الصراحه

[حمد 2002]

طيب عزيزتي يمامه ، هالتجهيزات وين الدثوي ريلها اللي يدفع وهو ساكت ! مب على اساس هو مخلوق من ضلع كامل ودينه كامل والعكس صحيح !! والا بس اعتراضه يبين في المنتدى وبرع المنتدى قطو خواف !؟

بصراحه لو احد يفكر من اللي حوالي بهالسوالف فيه رياييل ينقال لهم صدق رياييل يوقفون لهم مدري عن الباقي الصراحه

يمكن هي الي تدفع مب ريلها ..

[حرف]

طيب عزيزتي يمامه ، هالتجهيزات وين الدثوي ريلها اللي يدفع وهو ساكت ! مب على اساس هو مخلوق من ضلع كامل ودينه كامل والعكس صحيح !! والا بس اعتراضه يبين في المنتدى وبرع المنتدى قطو خواف !؟

بصراحه لو احد يفكر من اللي حوالي بهالسوالف فيه رياييل ينقال لهم صدق رياييل يوقفون لهم مدري عن الباقي الصراحه

لا ماعليش اختي اختلف وياج موب تقولون راتبها حلال عليها وزوجها مايستحق نص ريال من راتبها
شلون تبين يكون له كلمه على راتبها وفيه اصوات تنادي بعدم الزوج من راتبها او التدخل فيه وحرمه المساس لراتبها

[يمامـة]

طيب عزيزتي يمامه ، هالتجهيزات وين الدثوي ريلها اللي يدفع وهو ساكت ! مب على اساس هو مخلوق من ضلع كامل ودينه كامل والعكس صحيح !! والا بس اعتراضه يبين في المنتدى وبرع المنتدى قطو خواف !؟

بصراحه لو احد يفكر من اللي حوالي بهالسوالف فيه رياييل ينقال لهم صدق رياييل يوقفون لهم مدري عن الباقي الصراحه

تدرين يا ضوى..

في امور الرجل ما يلقي لها بال.. بمعنى يظنها عرف من اعراف النساء..
يعني اللي تجهز الغرفة بورود في السقف وتعليقات على الطوفة اشكال والوان.. هذا اشعرفه
ان هالشي مبالغ فيه؟

قد يظن انه عادة من عادات النسوية اللي كل يوم صارت تطلع بشكل ولون..

فاللي بيوافق داخل المنتدى وخارج المنتدى يطلع قطو.. يتحمل مصيبة موافقته..

واللهم عافنا مما بليتهم ولا تبلينا يارب..

[يمامـة]

لا ماعليش اختي اختلف وياج موب تقولون راتبها حلال عليها وزوجها مايستحق نص ريال من راتبها
شلون تبين يكون له كلمه على راتبها وفيه اصوات تنادي بعدم الزوج من راتبها او التدخل فيه وحرمه المساس لراتبها

هذه نقطة جوهرية.. نقطة ان الراتب راتبها.. فهو ماله حق فيه..
لكن بعد في رجال يدفعون من طيب خاطرهم الاف امألفة احتفالا بالمولود مثل ما تبي زوجته..

فالموضوع مب مقتصر على المرأة اللي تعمل .. نعم قد تكون تعمل وراتبها من حقها تصرفه
لكن مرات الرجال هم من يدفعون لمثل هالتزيين..

[يمامـة]

المشكلة العدد كبير واكثر من عدد الغرف
فا احنا في وقت مانقدر نأخر تسليم غرفة بحجة الصيانة لمرأة توها والد ومقعدينها في السيب تحت

هذه نقطة تستبعد خيار الصيانة..

من الظلم ندور وناستنا على حساب نساء اخريات ينتظرن ادوارهن..
هذه غرف ما بعد الولادة للعناية بالام وطفلها.. فلما الموضوع يتحول الى غرفة مجهزة
ويتمد تمديد الحجز والسبب توفر المال( التصرف هذا فيه انانية على حساب الاخرين)

[Right]

طبعاً ترتيب المطبخ !!

[يمامـة]

المشكله هذي الامور صارت موضه وصعب جدا تغير هالثقافه الكلام سهل في المنتديات وتويتر تشخيص المشكله وتحليلها احنا برفوسوريه فيه ولكن العلاج وان وجد صعب تطبيقه لين نغير عقليات بعض الحريم الي تشرط ديكورات معينه في غرف الولاده بعشرات الالاف عشان يومين في غرفه الولاده وتزعل اذا كانت غرفه تبي سويت لانه الزوار وايد

حسب الكثير من الردود في هالموضوع والموضوع السابق..

من الملاحظ ان الامور هذي صارت عرف من اعراف المجتمع عندنا وحق من حقوق المرأة اللي تولد
انها تزيين غرفتها.. ونبحث لها عن تسهيلات تساعدها للاحتفال بمولودها في غرف الولادة..

الحين يقول لك مستشفى الاهلي الغوا اغلب غرف السويت اللي تسمى vib والسبب انهم بحاجة للغرفة
الثانية.. ومع هذا نسمع اقتراحات بحجز مبلغ وصيانة للغرف!!

[يمامـة]

طبعاً ترتيب المطبخ !!




والله لو الترتيب للمطبخ بنقول يستاهل المطبخ.. بس مب للغرف هذي..

احنا مب ضد ان الوحدة لولدت.. يابت لحاف جديد .. او حطت ورد..
او استخدمت دلال وفناجيل و بيلات او صواني للتقديم..

احنا ضرب البهرجة اللي تصير بغرف التزيين.. واللي احد نتايجها هالصور اللي موجودة في الموضوع..

[يمامـة]

اوكي خلينا من القاعات نقول غرف الفنادق

بما أن الغرف هذي أول ما سووها سموها فندقية :o



ههههههههههههه

الزوج بيفرح ان شالله ماعليك :o

مافيها شي لو الوحدة أضافت لمسات لغرفتها

عدلت علي ذوقها شي حلو و مميز .. ليش تمنع وتقطع

رحال اقتراحه جيد .. لكن ليش نضيق واسع و نحرم الحلال :rolleyes:

الغرف هذي يا عزيزتي سويتي سميت غرف فندقية لما تقدم من خدمات ترتقي الى مصاف الخدمات الفندقية.

بمعنى هناك مينيو للطعام يقدم للنزيلة الغرفة تختار الاكل اللي تبيه.. الممرضات يعتنون بالمولود .. ديكور خاص
للغرفة من قبل المستشفى نفسه.. ما سموها غرف فندقية علشان نحولها غرف لمهرجان الربيع:shy:

اما نقطة الحلال والحرام .. مب مرتبطين في الموضوع ابدا..

فلو قلنا حلال و حرام.. هل من الحلال اني اعيق حق احداهن من العناية الطبية في غرفة بها حمام منفصل
لأني حضرتي ابي ازين غرفة اقعد فيها يومين.. وازالة التزيين وتنظيف الغرفة يأخر دخول المريضة اللي متنقعة
في غرف الولادة؟

[يمامـة]

يجب ان تصدر مؤسسة حمد الطبية قرار بمنع
تزيين غرف الولادة في المستشفيات
من قبل الاهالي
واي اضافات للغرف
يعرض صاحبها للمساءلة القانونية

المفروض القرار ينصدر من الجهة المخولة على الصحة في البلاد
لان مؤسسة حمد مالها يد على المستشفيات الخاصة..

[حسن]

هذه نقطة تستبعد خيار الصيانة..

من الظلم ندور وناستنا على حساب نساء اخريات ينتظرن ادوارهن..
هذه غرف ما بعد الولادة للعناية بالام وطفلها.. فلما الموضوع يتحول الى غرفة مجهزة
ويتمد تمديد الحجز والسبب توفر المال( التصرف هذا فيه انانية على حساب الاخرين)

كلام سليم ياليمامه

من نحمل المسؤليه في ذالك ؟

اداره المستشفى ولا مرتادين المستشفى وليش ؟

[راجي الْعفو]

المشكله هذي الامور صارت موضه وصعب جدا تغير هالثقافه الكلام سهل في المنتديات وتويتر تشخيص المشكله وتحليلها احنا برفوسوريه فيه ولكن العلاج وان وجد صعب تطبيقه لين نغير عقليات بعض الحريم الي تشرط ديكورات معينه في غرف الولاده بعشرات الالاف عشان يومين في غرفه الولاده وتزعل اذا كانت غرفه تبي سويت لانه الزوار وايد

لو الرجل العاقل موجود

مافيه شي صعب

لاحظ قلت :

رجل - عاقل

[يمامـة]

كلام سليم ياليمامه

من نحمل المسؤليه في ذالك ؟

اداره المستشفى ولا مرتادين المستشفى وليش ؟

ادارة المستشفى يا بوعلي.. لأن مب كل الناس على قدر من الوعي بحقوق الاخرين..

وصباحكم خير جميعا..

[يمامـة]

مع قرار المنع خصوصا إذا الزينه تأثر على اثاث المستشفى مثل الي بالصوره!،، تقدر تزين غرفة البيبي في الببيت وغرفة استقبالها للناس:)

نعم اتفق معاج مع قرار المنع ما ادامت الزينة تخرب الغرف بالطريقة هذه.. وايضا تساهم في تعطيل دخول المريضة اللي بعدها للغرفة..

[يمامـة]

انا أؤيد قرار المنع لان افضل هالاشياء تنعمل في البيت في الميلس او الصالة والي حاب يزور يتفضل

لكن في المستشفى مب مريح والوالدة تحتاج راحة مع الطفل مش ناس رايحين وجايين وازعاج

اتفق معاج بعد يا ماي الورد..

[يمامـة]

من حكم في ماله ماضلم
هذي املاك دوله يجب عدم التعدي عليها
الحين الي فيه خير خله يحط جنب بيته خيمه أوبورتكابن
بس ناقص يجيبون رمل وطابوق ونجارين وصباغين يشتغلون في ممرات المستشفى ودق مسماير

دام ان مافي شي يمنع اعتقد الناس ماخذين راحتهم.. ومتى ما صار هناك منع ما اعتقد حتى ممكن يقول انا من حقي ازين الغرف..


المفروض دفع مبلغ تأمين ترجع الغرفة مثل ما استلمتها

بعد التفكير يا اخوي لابد ان نعترف ان عند دفع مبلغ التأمين.. واصبح هناك خراب في الغرفة.. فاللي بتدفع ثمن التأخير
للدخول الى غرفة الولادة هي المريضة اللي بعدها..

وتبقى نقطة تأخير تسليم الغرفة بسبب الخراب اذا ما حصل..

اما اذا مبلغ التأمين حفظ للغرفة هيبتها حزتها مالنا عذر في المنع ..

على عيني أملاك دولة ،،،المستشفى مثلها مثل الفندق ،،،مكان مؤقت للايواء ،،،وظيفتها استقبال المرضى الداخليين
مانتعدى عليها بتوفير البدائل للناس الي حابه ،،تفرح ،،
اكيد اهم لا على بالهم ولاقصدهم تخريب أملاك الدولة ،،،يبون يفرحون بالبيبي وبس
فالمفروض تنظيم الامر مش منعه ،،،توفير بدائل كجدار إضافي تركيب ،،،تحديد نوع اللاصق ،،،تشيك الغرفة بعد الخروج
من قبل اداريين ،،،والمؤسسة عندها قسم صيانة مكون من مهندسين يصلحون ماتم تخريبه عن غير قصد من مستخدمي الغرفة ،،
اذا كان القاضي ،،،المؤسسة راضية ،،وعندها قسم صيانة وتصليح وترميم ،،،مهندسين وعمال ،،،بتقديم طلب من رئيسة الممرضات
والله صلحوا الغرفة الفلانية سواء جدار او كهرباء او اثاث ،،يتم الاستجابة للطلب خلال 24 ساعة ،،،ويتم اما تبديل او اصلاح ماتم
تخريبه من غير عمد ولا قصد ،،،فليش انتوا متصدرين لمسألة بسيطة
قسم الصيانة كفو بالمؤسسة ،،،والدولة موفرة لهم كافة الإمكانيات للإصلاح والتبديل ،،،فليش معورين راسكم ،،
نشكر الحكومة على حسن الأداء والجهود المبذولة لراحة المواطنين ،،،ونتمنى المواطنين والمقيمين يقدرون دور الدولة واهتمامها
هاي يأتي عبر الثقافة والوعي والمحبة والحرص ،،
وكان الله غفورا رحيما ،،،
فاقولكم شفتوا شي خربان كلموا رئيسة الممرضات بالقسم ،،على طول اتسوي طلب لقسم الصيانة
ولاتعورون راسكم

لا يا بنت شرق غرف المستشفيات مب مثل غرف الفنادق هناك فرق..

غرف المستشفيات وضعت للعلاج.. اما غرف الفنادق وضعت للعلب والتسلية والسياحة و غيره وغيره..

فالفندق اللي ما نقدر نحجز فيه ما بنعاني في بيوتنا او الشقق اللي بنحجز فيها..

لذلك المفروض غرف المستشفيات تكون لها هيبتها:secret:..

[يمامـة]

السلام عليكم ورحمة الله وبركاته،

تسجيل متابعة، ورأيي يا يمامة ان التزيين لغرف الولادة لا بأس به، بشرط وضع تأمين مثل ما اقترحت وطن 5000 او اعلى غير مستردة حال اتلاف الغرفة بسبب التزيين. وبالتالي بيحرصون الناس علي عدم اتلاف الغرف بالزينة او المبالغة فيها.

لا ارى داعي للمنع الكامل، لأن مع التشديد يحدث الانفلات ويفشل القرار. لكن ضبط الموضوع بالضمان والغرامات المالية الباهضة ستخفف من حدوث التلف.

والأهم من ذلك، ان جميع المستشفيات في الدولة تُلزم بهذا القرار، وتلتزم باستخدام أموال الضمان الغير مستردة في إصلاح التلفيات ولا يتم استغلال الأمر لأغراض أخرى.

وعليكم السلام ورحمة الله وبركاته

من سيكون المسؤول يا لبيبة في حال تأخر تسليم الغرفة لنزيلة تالية.؟

فليكن الأمر بالشكل هذا: ممنوع دخول عمال التزيين الى غرف المستشفيات.
ومنع تعليق واستبدال اي شيء في الغرفة..

والباب مفتوح بعدها لأي تزيين..

[يمامـة]

المفروض يقول المراة المثالية
المراة القطرية مب ملاك خالي من الاخطاء
كلمة المراة القطرية المفروض تنسب حق الشي اللي غلب على الحريم القطريات
مب على رايه الشخصي واللي ممكن يكون صح لكنه نادر خصوصا فهالزمن
انا عن نفسي اشوف ان القطرية هي اللي تزين والاجنبية لا وهو يقول هاي تشويه حق القطرية
عيل من هي اللي تزين وتخرب طول هالوقت ؟ حتى لو كان شي مب عدل فهو مب تشويه هو واقع

يمكن هو يبي النظرة للمرأة القطرية تكون مثالية.. فخلينا عن بوعلي واشيبي العقل المدمر..
واتفق معاج ان المرأة بشكل عام المفروض تكون حريصة على املاك الاخرين بما انها حريصة على املاكها في البيت
سواء كانت قطرية او مب قطرية.. ومثل ما قلتي هالمناكر اللي نشوفها غالبها من قطريات للاسف الشديد..


بديهيا اتوقع والله اعلم انهم خذوا عليهم غرامه لكن الكسل منهم بعدم الصيانة...

ابدا ما ياخذون ولا شي.. ويسئلون عن شي.. للأسف الشديد..


والله صعب اقبل بغرفة وأنا دافعة فيها بهالمنظر ...
والغريب ان الى الان مافي قرار يلزم بدفع تعويض عن أي تخريب يطال الغرفة ..
اتزين ماتزين مب شغلي كادارة مستشفى لكن شغلي اني احافظ على المنظر العام للغرف
واعمل لها صيانة اول باول من الخصومات على النزلاءالمخربين! .. وكان الله غفوراً رحيماً


صعب نمنع الناس من اشياء يحبونها ودارجة وراح تثير غضب وسخط اغلبية النزلاء ..
والمستشفى مب شغلته يقيد حريات الناس ..
لكن من كامل حقوقه انه يستلم الغرفة سليمة بكل ما فيها.. علشان يستمر في تقديم خدماته بنفس المستوى للي بعده.

المنع مب صعب يالجودي.. لكن الصعب انج ترفضين دخول غرفة بالشكل هذا وانتي توج مخلصة الام المخاض
وبحاجة الى جلوس زوجج او اختج او امج حولج والسبب عدم وجود غرف ثانية..

لذلك مب كل شي الناس تعودوا عليه لازم يمشي على الكل وخاصة لو فيه تخريب وعفيسة للمكان..

[يمامـة]

ما يصدر لسبب بسيط .. وهو فيه ناس مستفيدين من بيع الورود والزينة ومؤجرين في المستشفى .. ولهم علاقات ومال عمك لا يهمك

المحلات اللي تزيين الغرف يا اخوي معماري قطري.. مب موجودة في المستشفيات..

كلها محلات خارجية متخصصة في تجهيز الافراح.. صارت تشتغل في تزيين و تجهيز غرف المستشفيات!!

[يمامـة]

بسم الله والحمد لله والصلاة والسلام على رسول الله وعلى آله وصحبه اجمعين..

بما ان تم طرح هذا الموضوع من كل جوانبه.. وبما اني صاحبة الموضوع واشوف اننا استوفينا النقاش فيه..

وكل منا وضع الحلول التي يراها مناسبة حسب وجهة نظره.. اتمنى من الادارة اغلاق الموضوع
واحالته الى المفتي العام.. آملين من الله العزيز القدير ان يمن علينا بموفور الصحة والعافية وحسن التدبر
والتصرف في الاملاك العامة .. وان نبتعد عن المظاهر الكذابة والفشخرة والزبو والدفاع عن هذه المظاهر
حتى لا نتسبب في اكل حقوق الاخرين..

والى اللقاء في مواضيع اخرى:shy: