ثياب الخدم الرديئه والتعامل السيء معهم !!

[حمد 2002]

السلام عليكم ورحمه الله وبركاته


ثياب الخدم الرديئه والتعامل السيء معهم !!


اثناء تسوقي في احدى المولات باحدى الايام ، لفت نظري بنت لابسه عبايه = دفه وشيله ، المهم مالي دخل في لباسها ،، وعندها خدامه اتدور معاها بالمجمع ، المهم الخدامه المسكينه ثيابها قديمه جدا ، وملابس مالت بيت ، طيب ليش ماتلبسين الخدامه ملابس جيده بالمولات ، تراها روح من لحم ودم ، والمشكله ان الخدامه المسكينه شايله اكياس ثقيله بيدها والبنت اتدور من محل لين محل !!! .


هل الهدف الاستعراض ام اذلال الخدامه ؟ ام ماذا ياترى !!



مع التحيه ..

[العنيده]

الخادمه مهم شكلها بعد لانها من اهل البيت .. صح في لبس معين لهم بس مستحيل تطلع بلبس البيت ..
من حقها حتى في المناسبات العائليه انها تلبس شي عدل بعد ..
في ناس مايهمهم هالشي مجرد تكون في البيت ويالله تعالي بطلع مشوار ومسكينه من المطبخ لين السياره .. والمفروض مانرضى بهالشي ..

[R 7 A L]

بديت أشك ان بعض المنظمات الي تتكلم عن العمال في قطر ومايتعرضون له من اساءات على شأن تنظيم كأس العالم يعتمدون على مواضيعك ياحمد


ياخي شفت حاله ولا حالتين لاتنزل موضوع ترا العالم بيقرونه ويعممون :anger1:

[بومحمد المطاوعه]

صدقت
البعض منهم
ملابسهم خفيفه

اليوني فورم مادري شسمها

للأسف والله

نسو حديث رسولنا الكريم صل الله عليه وسلم ..


عن رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ
كُلُّكُمْ رَاعٍ وَمَسْئُولٌ عَنْ رَعِيَّتِهِ

[فريج شرق]

السلام عليكم ورحمه الله وبركاته


ثياب الخدم الرديئه والتعامل السيء معهم !!


اثناء تسوقي في احدى المولات باحدى الايام ، لفت نظري بنت لابسه عبايه = دفه وشيله ، المهم مالي دخل في لباسها ،، وعندها خدامه اتدور معاها بالمجمع ، المهم الخدامه المسكينه ثيابها قديمه جدا ، وملابس مالت بيت ، طيب ليش ماتلبسين الخدامه ملابس جيده بالمولات ، تراها روح من لحم ودم ، والمشكله ان الخدامه المسكينه شايله اكياس ثقيله بيدها والبنت اتدور من محل لين محل !!! .


هل الهدف الاستعراض ام اذلال الخدامه ؟ ام ماذا ياترى !!



مع التحيه ..

موضوعك مهم اخوي حمد واعتقد هالموضوع له علاقة بنفسيات الناس وخصوصا حب الظهور والاحساس بالنقص ومثل هاذي الامور تخلي الانسان يحس انه مهم كبير وله وضعه في المجتمع ويا ريت يهتمون بهالخدم لانهم بشر مثلنا

[يمامـة]

موضوعك مهم اخوي حمد واعتقد هالموضوع له علاقة بنفسيات الناس وخصوصا حب الظهور والاحساس بالنقص ومثل هاذي الامور تخلي الانسان يحس انه مهم كبير وله وضعه في المجتمع ويا ريت يهتمون بهالخدم لانهم بشر مثلنا

اتفق معاك..

ضف الى نقطة ان بعض الخدم يزعلون لو خذت لهم شي غالي قياسا مع مصروفاتهم
لانهم يقولون احنا اولى بالفلوس هذي..

والخدم بشكل عام يميلون الى استهلاك ملابسهم لين تتقطع وبالهواش لين يبدلون ملابسهم
او نعلهم تكرم..

فمرات الغلط يكون مشترك.. الخادمة تستخسر اتطلع ملابسها اللي في الكبت
وربة البيت ما يهمها اشلون تطلع الخدامة بما انها خدامة..

[Charisma]

مرحبا اخوي حمد .


ضد مايسمى بـ "يونيفورم الخدم " .. وضد حمل الخادمه للأغراض والتجوال معها من محل إلى آخر .
ان خرجت الخادمه مع ربة المنزل .. تخرج وهي متستره بعبائتها وكامل حشمتها .

[مضارب دوسري]

مرحبا اخوي حمد .


ضد مايسمى بـ "يونيفورم الخدم " .. وضد حمل الخادمه للأغراض والتجوال معها من محل إلى آخر .
ان خرجت الخادمه مع ربة المنزل .. تخرج وهي متستره بعبائتها وكامل حشمتها .

كفو عليك
اتفق معاك 100%
مع اني ماكنت اهتم بنقطة تلبس عبائتها
بس ان شاء الله بركز على هذي النقطه

[الجـــوديّ]

وعليكم السلام ورحمة الله وبركاته،،

نقطة مهمة يجب الانتباه اليها .. شكراً حمد على إثارتها.

لابد ان يظهر الخدم امام الناس وفي الاماكن العامة بلباس لائق يحفظ لها كرامتها
في المولات... نشوف بعض الخادمات جايين بلبس المطبخ .. وحالتهم حالة... والمظهر العام غير لائق اجمالاً.

المفروض يكون لها لباسها الخاص .. وحتى عامة الناس من حقهم يحافظون على عيونهم
من التلوث البصري لكي لا تشمئز النفوس من الخادمة في مكان عام مترف.. وهي لاحول لها ولا قوة.

[Miss]

حمممممد
من كم يوم مهاوشه الخدامه بسبة هالموضوع :anger1:
نشترري لهم احسن الثياب واحسن النعل ( يكرم القارئ ) لكن ما يلبسوووون :anger1:
يچنزوون حق أهلهم وتلبس القديم
كم مره خذنا القديم من عندها
وثاني يوم ماخذه من خدامة الجيران :anger1:
لا تقول التقصير من النساء
هالايام بالذات يحبون الزبره تبيها تطلع كاشخه والخدامه لابسه هتول قديمه؟

[أين الحل ؟]

تحية طيبة .....
من خلال ملاحظاتي للخدم الى يشتغلون في بيتي او في بيت الوالد نشتري لهم افضل الملابس وبعض الملابس نشتريها لهم من الدول الاوروبية
خلال زيارتنا لها ولكن للأسف هم يفضلون الملابس القديمة ولا يبلسون الجديد فتعبنا معهم ونحن ننصحهم بلبس الملابس الجديدة والظهور
بالمظهر الحسن ولكن دون فائدة ( من شبه على شىء شابه عليه ) وفي الاخر هذه حريتهم فلا نجبرهم على شيء .

[Dmy Enabi]

أتفق معاك
وهناك هجمة شرسة منظمة ضد المرأة القطرية أصحابها مع الأسف بعض القطريين
واحد كسرت خاطره الخدامة وأمس كسر خاطره لدريول عشان يدز العربة أضف على ذلك إن المرأة القطرية ماتعرف تسوق
يارب صبرنا يارب

[حسن]

ماعمرنا خذنا خادمه معانا لمجمع وغيره

في البيت معززين ومكرمين

عادي نخدم نفسنا بنفسنا ولين جيت الحساب الله مكثر الحماليه
ومخصصين ونعطيهم المقسوم

وبس

[ضوى]

مدري وين تشوفون هالخدم بالملابس الرديئه !! انا كل اللي يمرون علي خدمهمعلى سنقه عشره مثل معزبينهم

[توشيبا]

والله الخدم اللي عندنا يلبسون احسن اللبس

وخدامه فلبينيه والله ماتلبس الا ماركات ولا تتنازل تلبس اي شي عادي

قلاص ماي ماتجيبه لنا من المطبخ

كله عشان ثاني اسبوع راحت حق امي قالت لها انا تعبانه نفسيآ من اللي شفته في بلادي

وقفتها عن الشغل حياتها اكل وتسدح مع العجايز في الصاله وسوالف


تمت علي هالحال سنه ونص فجاه قالت لنا وين باب الاسلام ابغي ادش فيه

ولين يومك قلاص ماي ماتجيبه لنا من المطبخ كانها وحده من الاهل

ومب اهي كانها من الاهل كلهم اللي عندنا نعتبرهم من الاهل مدامهم ساكنين معنا في البيت

لي ان لو غلطه من خادمه سمعت البيت تتاثر

[العقل المدمر]

من اللي لاحظته عند اهلي
اكثر جنسية تحب تتكشخ الفلبينيات
والجنسيات الثانية نفس الشي يموتون عالقديم والحتر
مرات نعطيها الملابس القميص ببنطلونه ( البجامات )
تروح تعكس وتلعب احمر مع اخضر والا وردي مع بني المهم يموتون عالترقيع
يمكن في خدامات صج مايعطونهم لكن بعضهم هم اللي مستانسين على عمرهم بهالصورة
وانا اقول ان اللي ماخذتها برى معاها هي اللي المفروض تركز على لبسها لانه بيعكس صورتها هي

[العقل المدمر]

مرحبا اخوي حمد .


ضد مايسمى بـ "يونيفورم الخدم " .. وضد حمل الخادمه للأغراض والتجوال معها من محل إلى آخر .
ان خرجت الخادمه مع ربة المنزل .. تخرج وهي متستره بعبائتها وكامل حشمتها .


خداماتنا مب مسلمات فمانلبسهم عباية
فالمقابل نلبسهم جلابيات وشي راجع لهم اذا بيلبسون حجاب
اهم شي اللبس ساتر مو مهم عباية او لا

[العقل المدمر]

ماعمرنا خذنا خادمه معانا لمجمع وغيره

في البيت معززين ومكرمين

عادي نخدم نفسنا بنفسنا ولين جيت الحساب الله مكثر الحماليه
ومخصصين ونعطيهم المقسوم

وبس

مب شرط تطلع عشان تخدم
تطلع عشان تغير جو الواحد ينكتم من قعدة البيت :eek5:

[بنت شرق]

ما ادري حسبت الكاتب بريطاني
الا خدمكم الا سايقكم الا عمالكم ،،شنو باقي

[بوحارب]

الخدامة لازم يكون لباسها محترم ونظيف ومرتب

تستاهل راعية البيت :)

[Charisma]

كفو عليك
اتفق معاك 100%
مع اني ماكنت اهتم بنقطة تلبس عبائتها
بس ان شاء الله بركز على هذي النقطه

كفوك الطيب .




خداماتنا مب مسلمات فمانلبسهم عباية
فالمقابل نلبسهم جلابيات وشي راجع لهم اذا بيلبسون حجاب
اهم شي اللبس ساتر مو مهم عباية او لا


تعريف كلمة ساتر يختلف من شخص لاخر .. "شخصيا" سواء كانت الخادمه مسلمه ام غير مسلمه .. فالشرط ان تتقيد باللباس المحتشم ( مع الحجاب ) في البيت .. وخارج البيت بالعبائه والحجاب او "الشيله" .

الموضوع مب فرض ولكن شرط ان قبلت به كان بها وان ماقبلت فالبديل موجود دائما .. " دامها تحت مسؤوليتي فأنا متكفل بها وانا مسؤول عنها ".

[دايموند]

معليه فهموني شنو لازم تلبس للطلعات؟جينز وبناطلين؟

والله للحمدلله خدامتي تلبس اليونيفورم ومستانسه عليه وفي يونيفورمات كشخه خليناها للطلعات

[رجل مثالي]

ممكن بعد الخدم هم ما يلبسون الجديد او الجيد يتركونه لبلادهم لين يخلص عقد العمل ممكن
والخدم لهم الحق في لَبْس اللباس الجيد وهذا من الدين الاسلامي الحنيف في معاملة جميع
الذين يعملون في جميع الاماكن مثل عند العائلات وكل مكان خاص للعمل

[nono80]

هذا موقف من الف مش الكل يعامل الخدامات نفس ماتقول انا خداماتي يطلعون معاي باليونيفورم النظيف والجديد مخصصته لهم حق الطلعات يعني موقف واحد مو شرط حق الكل مب قاصرين ينزلون ثياب مخصصه لهم كفايه القوانين اللي في صالحهم مب ناقصين