ما اقدر انزل اي شي على تليفوني الا بفلوس ايش الحل ؟؟!!!

[khaldoon]

السلام عليكم و رحمة الله و بركاته

عندي مشكله بتليفوني ايفون 5 اس....من امس ما اقدر اسوي update او download لاي تطبيق الا و يقولي verification required و يطلب مني ادفع فلوس عن طريق الفيزا او ماستر كارد او امريكان اكسبريس

ايش الحل ارجوكم ساعدوني

[bohilal191]

عادي اول ماتدخل على الحساب اضغط none وخزن

[khaldoon]

بارك الله فيك على سرعه الرد...كيف يعني اضغط none ما شوفتها ابدا وما يقبل الا بفلوس

[النهار]

ادفع ياعم لين متى تبون كل شي ببلاش ههههههههههههههههه

[khaldoon]

^^^^^^^

حرام عليك....دنا غلباااااااااان ...... عطوني حل ارجوكم

[khaldoon]

اخوي الدوحه وين رحت.....ارجوك وضح اكثر اشلون اضغط none ما شوفتها

[bohilal191]

لما تضغط على verification required شنو يطلع لك

[khaldoon]

يطلعلي طلب ادخل اليوسر نيم و الباسوورد و بعدين payment type>>>فيه الدفع عن طريق الفيزا و ماستر كارد و امريكان اكسبريس بس ما في شي ثاني

[bohilal191]

المفروض يطلع نفس الصورة


http://i.imgur.com/SF7791I.png

[khaldoon]

والله بس اول ثلاثه يطلعون لي ..ديسكوفر و نون ما يطلعون للأسف

[khaldoon]

نفس الصوره فوق بس اول ثلاثه بس.....الظاهر لازم اروح محل تليفونات يمكن يقدرون يساعدوني ....جزاك الله كل خير على التوضيح ما قصرت و الله يكثر من امثالك

[bohilal191]

غريبه

الايميل جديد ولا قديم؟

[khaldoon]

غريبه

الايميل جديد ولا قديم؟

قديم الايميل وما عندي غيره معتمد بكل شي

[bohilal191]

لو أني صاحب محل كان قلت لك تعال وباشوف مشكلتك،،،

من فترة جاني verification required ويوم دخلت طلعت لي خانة none وخزنت ومشت الأمور

[khaldoon]

لو أني صاحب محل كان قلت لك تعال وباشوف مشكلتك،،،

من فترة جاني verification required ويوم دخلت طلعت لي خانة none وخزنت ومشت الأمور

الله يجزيك كل خير ما قصرت والله على التوضيح.....في واحد قالي سوي جلبريك ...لما سألته ايش يعني قال يعني روح محل تليفونات بنزلك تطبيق تقدر من خلاله تنزل أي شي من غير ايفون ابل ستور

[bohilal191]

اذا مسوي تحديث حق الايفون مايركب الجيلبريك والجيلبريك يكسر حماية الجوال واذا نزلوا تحديث جديد لازم تفرمت الايفون عشان تنزل التحديث الجديد

[khaldoon]

اذا مسوي تحديث حق الايفون مايركب الجيلبريك والجيلبريك يكسر حماية الجوال

دائما مسوي أي تحديث ينزل على التليفون ...جزاك الله كل خير على هذه الملاحظه ...

[لبيبة]

السلام عليكم ورحمة الله وبركاته

ممكن تدخل حسابك عن طريق الكمبيوتر من المتصفح؟

https://appleid.apple.com/?localang=en_US

يبون يتأكدون من معلوماتك، مثل الاسئلة السرية وغيرها.

[aloosh]

اعمل لك حساب امريكي وحمل

[A-Alansari]

ماراح يدفعونك فلوس هم بس يسون يتأكدون من الحساب

واذا تبي اختيار none يطلع روح حمل شي مجاني المفروض يطلع لك

واذا ماضبط سوها من الايتونز نفسه

ولو عندك فيزا سجل بالفيزا الي عندك ماراح يسحبون منك ولا ريال الا اذا انت منزل شي بفلوس

اهم شي الايميل نفسه ماتكون موزعه على الاهل والشباب تستخدمه بنفسك لانه بتكون فيه بطاقتك الفيزا

[bohilal191]

أخ خلدون شصار معاك

[وطن]

خلدون لا تسوي جلبريك لانه ممنوع

ادخل من الكمبيوتر على حسابك
ومن هناك تقدر تتحكم فيه وتعدل الدفع
وتحط none
و ممكن تستخدم بطاقة اي تونز بعد

[A-Alansari]

خلدون لا تسوي جلبريك لانه ممنوع

ادخل من الكمبيوتر على حسابك
ومن هناك تقدر تتحكم فيه وتعدل الدفع
وتحط none
و ممكن تستخدم بطاقة اي تونز بعد

اختي فقط للتوضيح

الجلبريك مب ممنوع ومن سنين استخدمه من ايام ايفون 3جي

في محلات تقولج بيطيح الضمان وهالخرابيط ماعليج منهم

مجرد ماتسوين فورمات للتلفون يرجع مثل ماكان ولاحد يقدر يعرف اذا في جلبريك ولالا

[jassas]

صباح الخير اخوي

الموضوع بسيط اذا منزل برنامج بفلوس احذفه وسو التحديث وانتهى الموضوع او اشتر البرنامج بالايتونز

[وطن]

اختي فقط للتوضيح

الجلبريك مب ممنوع ومن سنين استخدمه من ايام ايفون 3جي

في محلات تقولج بيطيح الضمان وهالخرابيط ماعليج منهم

مجرد ماتسوين فورمات للتلفون يرجع مثل ماكان ولاحد يقدر يعرف اذا في جلبريك ولالا

اخوي
الموضوع اللي سمعته جديد

ان في ملاحقة قانونية للي يسوون جلبريك

[khaldoon]

السلام عليكم ورحمة الله وبركاته

ممكن تدخل حسابك عن طريق الكمبيوتر من المتصفح؟

https://appleid.apple.com/?localang=en_US



يبون يتأكدون من معلوماتك، مثل الاسئلة السرية وغيرها.

و عليكم السلام و رحمة الله و بركاته

وين احصل الاسئله السريه..... شكرا مقدما يا عبقرية المنتدى

[khaldoon]

اعمل لك حساب امريكي وحمل

ما ودي اخسر حسابي القديم...... بس يمكن اضطر اسوي هالحركه

جزاك الله كل خير على النصيحه

[khaldoon]

ماراح يدفعونك فلوس هم بس يسون يتأكدون من الحساب

واذا تبي اختيار none يطلع روح حمل شي مجاني المفروض يطلع لك

واذا ماضبط سوها من الايتونز نفسه

ولو عندك فيزا سجل بالفيزا الي عندك ماراح يسحبون منك ولا ريال الا اذا انت منزل شي بفلوس

اهم شي الايميل نفسه ماتكون موزعه على الاهل والشباب تستخدمه بنفسك لانه بتكون فيه بطاقتك الفيزا

لاني احدث دائما IOS للاسف الشديد فما عندي none or discover و ما سووه جلبريك لاخر تحديث للحين

جزاك الله كل خير على النصايح الثانيه

[khaldoon]

أخ خلدون شصار معاك

راح اسوي اللي قولت عليه بس ما في وقت للحين..... تخيل امس رحت مصرف الريان بالسد ما عندهم جهاز صراف الي و كانوا مسكرين..... اول مره اشوف فرع بنك بدون جهاز صراف الي

[khaldoon]

خلدون لا تسوي جلبريك لانه ممنوع

ادخل من الكمبيوتر على حسابك
ومن هناك تقدر تتحكم فيه وتعدل الدفع
وتحط none
و ممكن تستخدم بطاقة اي تونز بعد

لا انا ما اخاف عادي ممنوع منوع بس ما يزبط هههه لانه مسوي اخر تحديث لل ios

بخصوص البطاقه ما اضمن اقدر اجاوب على الاسئله الخاصه لانه حسابي قديم و يمكن اكون نسيت الاجوبه

[khaldoon]

صباح الخير اخوي

الموضوع بسيط اذا منزل برنامج بفلوس احذفه وسو التحديث وانتهى الموضوع او اشتر البرنامج بالايتونز

والله مب قادر انزل شي بفلوس او بدون فلوس ولا تديث لاي برنامج او تطبيق موجود عندي ....المشكله انه حاولت اشتري شي و الظاهر الرصيد خالص فاعتبر انه لازم احل المشكله الماليه.... لهالسبب بروح ان شاء الله بودع فلوس و بشوف انحلت المشكله او لا او بسوي حساب جديد

[لبيبة]

و عليكم السلام و رحمة الله و بركاته

وين احصل الاسئله السريه..... شكرا مقدما يا عبقرية المنتدى

لما تدخل بتلاقيها جدامك، واذا حاب اساعدك راسلني ببيانات حسابك وباسويه لك، العفو يا خلدون

[A-Alansari]

اخوي
الموضوع اللي سمعته جديد

ان في ملاحقة قانونية للي يسوون جلبريك

مافي اي شي كله خرابيط

ووايد ناس فاهمين الجلبريك غلط وعلى بالهم بس تنزل منه البرامج الي بفلوس ببلاش

الجلبريك عالم ثاني في الايفون ويضيفج مميزات وبرامج كثيره ماراح تلقينها في الابل ستور

وللعلم في وايد اضافات في الايفون 6 وقبله 5 كانت موجوده على ايام ال 3 جي اس بالجلبريك وبعدها ابل بدت تحط هالمميزات لكن الي كان عنده جلبريك كان عنده هالمميزات

وعشان ماطول بالكلام الجلبريك بشكل عام يعتبر ستور ثاني غير ابل ستور وفيه برامج وايد مستحيل تلقينها في الابل ستور ولكن في النهايه حاله من حال اي برنامج ثاني يمكن استعماله بشكل عادي وفي ناس تستخدمه عشان تنزل البرامج الي بفلوس مهكره وبلاش

فيعتمد شنو استخدام الشخص للجلبريك

[khaldoon]

لما تدخل بتلاقيها جدامك، واذا حاب اساعدك راسلني ببيانات حسابك وباسويه لك، العفو يا خلدون

بارك الله فيكي ما تقصرين والله يا لبيبه....خلاص الحمد لله انحلت المشكله تماما بأفكاركم الابداعيه كل الشكر لكم جميعا و اخص بالشكر الغالي الدوحه ما قصر والله .....

[khaldoon]

مافي اي شي كله خرابيط

ووايد ناس فاهمين الجلبريك غلط وعلى بالهم بس تنزل منه البرامج الي بفلوس ببلاش

الجلبريك عالم ثاني في الايفون ويضيفج مميزات وبرامج كثيره ماراح تلقينها في الابل ستور

وللعلم في وايد اضافات في الايفون 6 وقبله 5 كانت موجوده على ايام ال 3 جي اس بالجلبريك وبعدها ابل بدت تحط هالمميزات لكن الي كان عنده جلبريك كان عنده هالمميزات

وعشان ماطول بالكلام الجلبريك بشكل عام يعتبر ستور ثاني غير ابل ستور وفيه برامج وايد مستحيل تلقينها في الابل ستور ولكن في النهايه حاله من حال اي برنامج ثاني يمكن استعماله بشكل عادي وفي ناس تستخدمه عشان تنزل البرامج الي بفلوس مهكره وبلاش

فيعتمد شنو استخدام الشخص للجلبريك

جزاك الله كل خير على الاضافه القيمه اللي اثرت الموضوع...... تعلمت وايد من خلال هذه التجربه المزعجه

[bohilal191]

بارك الله فيكي ما تقصرين والله يا لبيبه....خلاص الحمد لله انحلت المشكله تماما بأفكاركم الابداعيه كل الشكر لكم جميعا و اخص بالشكر الغالي الدوحه ما قصر والله .....


العفو يالغالي وحاضرين لك في أي وقت بس شلون نحلت المشكلة؟

[khaldoon]

العفو يالغالي وحاضرين لك في أي وقت بس شلون نحلت المشكلة؟

عبيت بطاقة البنك اللي تعرفه ب 510 ريال اقل شي مب 100 ....(قوانينهم هالشكل) واكملت العمليه اللي كانت متعطله من قبل لانه ما كان في رصيد كافي بالبطاقه و عقبها قدرت انزل أي شي ببلاش مثل اول و انحلت المشكله...بس...فكرتك طلعت صحيحه 100% وما لزم اسوي حساب جديد .....كل الشكر و التقدير لك يا الغالي مره ثانيه