سجلت بجامعة قطر وأبي نصيحتكم تكفون لاتبخلون بالنصيحة محتاجكم

[المـــــ$$$ـــــتثمر]

السلام عليكم ورحمة الله وبركاته

تحياتي لكم إخواني واخواتي
أتمنى تكونون بأفضل حال

ابشركم سجلت بجامعة قطر من أسبوع
وباقي انتظر نتائج القبول بعد رمضان

اخترت كلية إدارة الأعمال والإقتصاد
لسبب وحيد فقط
لأنها لا تحتاج برنامج تأسيسي حسب ماهو مذكور بموقع الجامعة
والهدف من هذا الاختيار الحصول على الشهادة الجامعية في أقل وقت
ولأن البرنامج تأسيسي يحتاج سنة كاملة لاجتيازة
فكان هدفي تقليل المدة

بعد ما قدمت طلب التسجيل على موقع الجامعة
رحت ابحث في الانترنت عن مواضيع الطلاب الي سبقوني بالموضوع

حسب ما قرأت أن إدارة الأعمال والإقتصاد
تحتاج إلي جهد ووقت كبير خصوصا في الحفظ
وانا موظف ومتزوج ولدي أبناء
والوقت ضيق بالنسبة لي
ولا أريد أن أصل إلى مرحلة ضغط نفسي شديد بسبب الجهد والوقت المطلوب لتلبية ومواكبة التخصص

وكثير من المشاركات والمواضيع تقول إذهب مع ميولك وما هو أقرب إلى نفسك لترتاح في الدراسة

وبصراحة انا ميولي في الحاسب
لأنني لدي خبرة كبيرة تصل لأكثر من 13 سنة في تصميم و برمجة تطبيقات الوندوز من خلال الفيجوال بيسك VB.NET وقواعد البيانات Microsoft Sql Servers

هذا غير خبرتي الكبيرة عن خفايا الحاسوب والتكنلوجيا

السؤال؟
هل تنصحوني اكمل في كلية ادارة الأعمال والإقتصاد
ولا اغير التخصص إلى علوم الحاسب أو هندسة الحاسب
ولو أن تخصصات الحاسب تحتاج إلى التسجيل في البرنامج التأسيسي يعني بتاخذ مني سنة زيادة للحصول على الشهادة الجامعية
مع العلم اني لا أرغب في تغيير وظيفتي الحالية

ارجوا المساعدة بإبداء الرأي
واكون شاكر لكم

تمنياتي لكم بالتوفيق ودوام الصحة

أخوكم ينتظركم...

[((ام خالد))]

بما انك متزوج ما أنصحك بهندسة الحاسب أبداً اللابات طويلة وتاخذ كل الوقت
اذا ادارة واقتصاد فأنصحك ب نظم معلومات إدارية أقرب لميولك و لوظيفتك
الله يوفقك

[الجـــوديّ]

أخوي أنا انصحك في تخطيطك للدراسة والتخصص ... تحط لنفسك تصور مستقبلي للوضع اللي تبي تكون عليه
وشنهي الفرص الوظيفية اللي ممكن تحصل عليها بالتخصص ...

أكيد كل صغير يكبر.. لو اليوم انت موظف .. بعد البكالوريوس راح تكون لك فرص للمهام الإشرافية سواء رئاسة قسم او رئاسة ادارة
وكل ظيفة لها مزاياها المادية والمعنوية..

فخذ التخصص اللي تحبه واللي يعطيك فرص وظيفية افضل للمستقبل...
قطر الحين فيها فرص .. وراح يكون فيها فرص اكثر..

قطر ناقصها مدراء متمكنين ... يعرفون وملمين بأمور الادارة والقيادة
قطر يبي لها مدراء موارد بشرية ...


ممكن تسال اكثر .. وتستفسر لين اتحدد المجال اللي ترتاح وتقدر تعطي فيه .. والله يوفقك.

[حـ ن ـيـ ن]

كلية الإدارة والإقتصاد تفتح لك الفرص الوظيفية في جميع القطاعات وجميع الوظائف

بعكس هندسة الحاسب ، وأيضا هندسة الحاسب صعبة وتحتاج لتفرغ ودراسة أكثر ....

ولذلك بالنسبة لظروفك انصحك بالإدارة ....

ولا تنسى الإستخارة ..

بالتوفيق

[مشعل العطاوى]

اخي الكريم :

انا موظف وادرس بجامعة سعوديه انتساب او تعليم عن بعد

والتخصص هو اداره واقتصاد .. تخصص سهل وسلس

صحيح يحتاج حفظ نوعا ما ... لكن الحمد باقى لى سنه واتخرج بشهادة جامعيه


التخصص يفتح لك افاق وظيفيه كبيره .. والاهم انك طورت نفسك


وصدقني التخصص سهل وكله يعتمد على بعضه .. كذا ماده اذا فهمتها فاامورك بالسليم

وبما انك خبره وظيفيه فصدقني بعض المواد لاتحتاج مذاكره لدخول الاختبار :)

[المـــــ$$$ـــــتثمر]

جزاكم الله خير جميعاً

ومبارك عليكم شهر رمضان الكريم يعود علينا وعليكم وانتهم بأتم صحة وعافية


في إنتظار أي مشاركة جديدة
ومنكم نستفيد

[eastqatar]

السلام عليكم ورحمة الله وبركاته

تخصص الادارة والاعمال في جامعة قطر له عدة افرع ( الادارة ، الاقتصاد ، المحاسبة ، تمويل ، ام اي اس ، و تسويق ) وهذا غير التخصصات الفرعية اللي ممكن تاخذها فحسب نظري اقرب تخصص لخبرتك اهو أم أي اس اللي هو ادارة انظمة المعلومات .

بالنسبة لضغط العمل والدراسة فأكيد انك بتنضغط الموضوع يبي له صبر فأذا انت المفروض اتقيم نفسك ولا تنسى ان الجامعة التزام الى خمس سنوات تقريبا وممكن اكثر وانت وشطارتك .

وارجع واقول جامعة قطر يبي لها صبر وطولة بال خاصة وانت رب اسرة فطولة بالك لازم اتكون طويلة

والله ايوفقك ويكتب لك اللي فيه الخير

[eastqatar]

وممكن تستفيد من ها الرابط

http://www.qu.edu.qa/ar/business/programs/undergraduates/index.php

[qatar.syria]

كلية الادارة والاعمال كلية حلوة والدراسة فيها ممتعة ومفيدة جدا بالحياة العملية والوظيفية

ومستقبلها باهر باذن الله

[المـــــ$$$ـــــتثمر]

تحية لكل الي شاركوا
وجزاكم الله كل خير

[ميمّ]

الله يعينك عالجامعه! وييسر امورك ><"