ابغي نصيحه احسن مكيف سبلت 3 طن

[al-obaidly]

ابغي اركب 10 مكيفات من ناحيه جوده والضمان والخدمه لوسمحتو افيدوني

[النهار]

ياخوي شوف قري هو الافضل في الوقت الحالي
من جميع النواحي خدمه مابعد البيع والمكيفات ماعليها كلام دقه في المواعيد ومعامله جيده
الحين نصف الدوحه مركبين من عندهم

[جاسم الدوحة]

الميتسوبيشي مكيف جبار ، ومنه نوعان :

اليابــاني : غالي وجبار وعملي يدوم عمر .. و(لكن حجمه كبير وتعيس) .
التايلندي : أرخص ، وأجمل ، وأصغر .. و(لكنه تايلندي) .

أما مكيفات gree فهي صناعة صينية
وأنا أسمع كثيراً أنها ممتازة والخدمة سريعة
لكنني لم أجربها حتى الآن .

[mE mYself & i]

انا اللي جربتهم وما عليهم اي كلام
الميتسوبيشي
كريير

بس تأكد لما اتروح لهم ان يكون الكمبيريسر بستن مش روتري يستحمل أكثر وما بتشتكي منه

[حمد بن سعد]

جنرال الحمدالله ماعليه كلام بس الصيانه متعبين شوي

[Bin LA]

السلام عليكم
جنرال و فوجي نفس المكيف بس فوجي ارخص شوي و الخدمة افضل
انتبه انه الكمبريسر في جنرال و فوجي ال 3 طن مش بستن
الكمبريسر يجيك تروبيكال اللي هو نفس سكرول

[لبيبة]

السلام عليكم ورحمة الله وبركاته،

بصراحة دايما يمدحون جنرال، شخصيا ما جربته، بس عندنا منه في البيت وللحين ما تعطل الحمدلله،

اللي استخدمه هو توشيبا، ولله الحمد بعد يشتغل زين.

[aloosh]

انا ركبت غري للبيت كله صراحة بارد وخدمه ممتازه

[qr95]

مكيفات فوجي هي أفضل المكيفات على الإطلاق من كل النواحي
واتعس مكيف هو الجنرال انصح وبقوه بمكيفات فوجي

[حسن]

حاليا وملك الساحه قري

وعلى العموم كلها صينيه يعني اذا كمل ال5 سنوات كثر الله خيره بدله ولا تغسله بعد

[رشدان]

عن تجربه من بين 3 ماركات فوجي احسنهم

[قطري vip]

أحسن مكيف حتى الان الفوجي وخدمته جيده بصراحه

[جبر ال جبر]

متسبوشي او قريه

[أم محمد 90]

تونا مركبين 24 مكيف غري للبيت ومرتاحين جدا والخدمه وايد ممتازة

[غريب الدّار]

تونا مركبين 24 مكيف غري للبيت ومرتاحين جدا والخدمه وايد ممتازة
ماشاء الله خبرة في المكيفات :thumbup1:

انا مع راي الأخت ام محمد 90

[الوسيط العقاري]

فوووووجي وبس

[الزعــــــيم]

جنرال احسن مكيف سبليت بس لازم الكمبروسر يكون بسسسسسسسسسسسسسسسسسسسسسسسسسسستن وتشوف البراد على أصوله

[بوحميد]

gree ممتاز جدا بس الكمبوريسر يكون بستون وبعد عن الريتوري بكل انواعه
وموفق ان شاء الله

[blackjacket]

وين احصل مكيفات قري
ونفس الشي متسوبيشي منو وكيلهم
و كم سعر قري ابو طنين

[النهار]

وين احصل مكيفات قري
ونفس الشي متسوبيشي منو وكيلهم
و كم سعر قري ابو طنين

معرضهم جنب محلات الشاهين في بن عمران مقابل المستشفى الاهلي والدفاع المدني

[PowerQ]

اول مكيف من قري ركبته ف البيت كان 2011 والى الآن شغال 100% ويبرد نفس ماشريته، اللهم اني اسويله تنظيف وغاز سنويا والخدامة تنظف الفلتر كل شهر

[مـــحـــمــد]

بصراحه انا ماخذ باناسونيك
مكيف ماعليه كلام عن تجربه

[][ Q6r ][]

الجنرال الاصلي مال عبد الحميد

[ذكي جدااا]

اهم شي يكون بيستون

[نفسي عزيزه]

فوجي بستن 3 طن وعيش مرتاح ويعمر سنيييين

والقري ممتاز بس طننين ونص ماعندهم ثلاث طن

مركب للمجلس طنيين ونص من 2013 ولله الحمد مايبند ليل ونهار وبيستون وبارد وارخص من الفوجي ههههه

[المبرمج صلاح]

انا مركب عندي في الصالة Gree حجم 2 طن بستون ما شاء الله عليه بارد ليل نهار
فشوف عندهم 3 طن ولا لا