سويسرا وفرنسا

[لما]

حبيت اسأل عن سويسرا لازم اذا بروح لها دايركت فيزه سويسرية

وحد عنده مخطط لسويسرا وفرنسا للدولتين كزياره

وايش أفضل خطوط بسعر مناسب آلى سويسرا وفرنسا

واحد يعرف ايش مطالب الفيزا بالنسبه لسفاره فرنسا

[غير البشر]

مرحبا اختي لما

اذا ماعندج فيزا ممكن تطلعين فيزا عن طريق السفاره السويسريه او الفرنسيه
حسب المده الي بتجلسينها في كل بلد
البلد الي بتكون مده جلوسج فيها اطول استخرجي الفيزا من سفارتها في قطر


ان شاء الله راح اعطيكم المخطط بأذن الله
ممكن اعرف بعض التفاصيل

1- عددكم
2- معاكم اطفال او لا
3- مده السفر
4- وقت السفر
5- تفضيل التنقل قطار ام سياره


بخصوص خطوط الطيران ان شاء الله راح احط اعطيج الافضل والارخص
بس مايهمج سواء دايركت او ترانزيت !!!


مطالب الفيزا بالسفاره الفرنسيه

1- تعبئه الطلب بالرابط في الاسفل وطباعته والتوقيع عليه
لكل شخص تعئبه طلب منفصل

http://www.vfs-france.co.in/pdf/Visa_Form_France_Schengen_Revised_040214.pdf


2- جواز السفر السفر وصوره منه
3- حجز طيران
4- حجز سكن
5- تأمين صحي
6- صوره شخصيه خلفيه بيضه او رصاصيه فاتحه
وان كانت الصوره مخالفه يتم تصويركم بموقع السفاره لا مشكله

رابط حجز الموعد لكل شخص وقت منفصل
اذا العدد مثلا 3 اشخاص حجز 3 مواعيد

http://www.capago.eu/FR-QA/index.php/en/apply/appointment


وفي الموعد الذهاب الى السفاره الفرنسيه قسم الفيزا في بنايه الجيده سكوير للبصمه واستلام الاوراق
ملاحظه : الاطفال اقل من 12 سنه لاتوجد لهم بصمه وبالتالي لايتوجب حضورهم هناك

وبالتوفيق ان شاء الله

[qr95]

التأشيره الفرنسيه تقدرين تدخلين فيها سويسرا بس السويسريه ماتدخلين فيها فرنسا لأن الفرنسيين معقدين شوي
فالأفضل تاخذين تاشيره من السفاره الفرنسيه في قطر والمعامله في مطار سويسرا سلسله وسهله جدآ وطيبين لأبعد الحدود
وسويسرا أغلبها طبيعه والمناطق الطبيعيه والأكثر زياره من قبل الخليجيين
1 جنيف
2 لوزان
3 لوزيرن
3 مونتروا وفيها مطعم ايراني شهير
4 لوكارنو
4 لوقانو
5 هاي لاند
6 زيرمات
7 زيورخ ما أنصح فيها منطقه تجاره
8 بيرن العاصمه ومافيها شي وما نصح فيها
9 إنترلاكن وأنصح فيها وحلوه

وأفضلهم للسوق والإقامه جنيف

وسفره موفقه ان شاء الله

[لما]

المده أسبوعين
طفلين وشخصين
أفضل دايركت
الفيزه تحتاج حجز طيران طيب اذا تأخرت الفيزه

[لما]

وكيف وضع النقاب في فرنسا
المطار والداخل

[غير البشر]

المده أسبوعين
طفلين وشخصين
أفضل دايركت
الفيزه تحتاج حجز طيران طيب اذا تأخرت الفيزه



مرحبا اختي
روحي اي سفريات ويعملون لج حجز طيران وهمي مش حقيقي فقط عشان تخلصين الفيزا

[Qtr37]

اختيار موفق ان شاء الله **
وما قصرت اخوي غير البشر

[eXpert*]

غير البشر إذا ناوي أروح التشيك من وين أطلع فيزتها حق طفل رضيع . خصوصاً أنه ماعندهم سفارة عندنا حسب علمي .

مع بالغ احترامي من صاحب الموضوع من السؤال الجانبي .