المساعد الشخصي الرقمي

مشاهدة النسخة كاملة : ارحموا من في الارض يرحمكم من في السماء



أغلى البـشر
13-06-2015, 04:03 PM
السلام عليكم ورحمة الله وبركاته

صارلي فتره ألاحظ عمال ماخذين كراسي وقاعدين في الشمس وكنت مستغرب من السبب وفي اوقلت حراره الشمس فيها عاليه

http://cdn.top4top.net/i_5973a616690.jpg

بس ابصراحه اليوم وفي احد المناطق بعد صلاه الظهر وانا طالع ودرجه الحراره فوق ال 40 وانا مش مستحمل الحر وانا في السياره والمكيف اعلى شي

حصلت هالعامل حاط له كرسي وكل شوي يوديه تحت ضل الشجره انتابني الفضول اني اروح له واول ما وصلت له طلعلي منيو اكلات شعبيه ماراح اذكر اسم المطعم لاني وبعدها مريت على اكثر من مطعم من المطاعم الشعبيه اللي هي في الفرجان وعباره عن فلل وحصلت العمال بعد قاعدين في هالحر والشمس وماسكين المنيو

انا ما ادري بهالشي اذا مسموح به ولا لا بس فعلا مذله لليد العاملة لاحول ولاقوة الابالله هالرجل تلاقيه مخلي اهله عشان يصرف عليهم في بلده وجاي يتبهدل فالحر وعلى لقمة عيش

حرف
14-06-2015, 12:15 AM
اذا ماعندهم سجل تجاري فهم مخالفين للقانون

الجـــوديّ
14-06-2015, 12:22 AM
وعليكم السلام ورحمة الله وبركاته،،


عفواً أخوي من امنعه يتم داخل ويطلع للزباين اذا سمع حس سيارة أو حد هرّن لهم (مع انه ممنوع) ؟

اشكر لك بادرتك الطيبة في رحمة المستضعفين .. لكن ارجو التخفيف من حدة المطالبات
هذي لأنكم تحسسونا انا احنا في بلد يمشون فيه العمال بالسوط.

وملاحظة ثانية .. هالعمالة يحبون يقعدون في الحر ..
وعندهم تكرمون كل ما عرّق اظهرت السموم من أجسامهم وصارت صحتهم زينة
وهذا كلامهم بنفسهم مش تفسير من عندي ..
يعني بعضهم عنده جهل مركب ان القعدة في الحر ممكن تصيبه ضربة شمس حتى لو كان في الظل.

بوحارب
14-06-2015, 12:42 AM
والله هذا وضعه جيد نوعاً ما

دام عنده كرسي وقاعد تحت ظل شجره


لكن المسكين عامل البلدية اللي لابس اصفر

وماسك كيس ويلقط الكجره من الارض تحت هالشمس الحارقة :(


وتسلم ع الموضوع الطيب

يمامـة
14-06-2015, 10:38 AM
وعليكم السلام ورحمة الله وبركاته،،


عفواً أخوي من امنعه يتم داخل ويطلع للزباين اذا سمع حس سيارة أو حد هرّن لهم (مع انه ممنوع) ؟

اشكر لك بادرتك الطيبة في رحمة المستضعفين .. لكن ارجو التخفيف من حدة المطالبات
هذي لأنكم تحسسونا انا احنا في بلد يمشون فيه العمال بالسوط.

وملاحظة ثانية .. هالعمالة يحبون يقعدون في الحر ..
وعندهم تكرمون كل ما عرّق اظهرت السموم من أجسامهم وصارت صحتهم زينة
وهذا كلامهم بنفسهم مش تفسير من عندي ..
يعني بعضهم عنده جهل مركب ان القعدة في الحر ممكن تصيبه ضربة شمس حتى لو كان في الظل.

اتفق معاج..

البعض يحب يسوق لمنتجاته بطريقته الخاصة..

وهناك فرق ما بين ضربة الشمس والقعدة في الحر..