القطريين و القطريات والسذاجه

[حمد 2002]

http://up.arabseyes.com/uploads2013/13_06_15143420620761281.png (http://up.arabseyes.com/) العاب (http://games.arabseyes.com)



تعليقكم ..

[حمد 2002]

سوري يرجى تغير العنوان الي القطريات ..

[h9466]

من وجهة نظري هم عارفين الأسعار الحقيقية لأي سلعة بالضبط ،،لكن يضحكون عليهم بإرادتهم،،يمكن لخجل او برستيج ماتحب تفاصل فتدفع وهي ماشية،،

[aziz4z]

مرة كنت مسافر دولة أجنبية , و دشيت إحدى المولات و بغيت أشتري أغراض , بائع المحل قالي القطريين مايفاصلون أبدا و يدفعون أي مبلغ ينقالهم , على عكس السعوديين
و تعال شوف المبالغات اللي موجودة من طرف البائعات اللي في تويتر , مبالغ خيالية , محد يساعدهم في هالشيء غير ربعنا , هم اللي يشجعونهم يرفعون الاسعار

[بوراشد82]

انا امس رايحة المعرض((( معاكم ام راشد))) ماعجبني كلش، بس عبي ودراريع ،،، وبصراحة انا من النوع اللي اروح اتفرج بس، نص قشاري من الدول المجاورة وبأقل من ربع السعر لاني مب محصله فلوسي بالشارع ،، يعني رايحة تمشاية مع اختي ، المهم شفت جلابيه وسألت راعيتها على كم سعرها؟ قالت بتسعه آلاف ،، متخيلين السعر!!!!!وهي والله ماتسوى خمسمية ريال،، المشكلة انه في ثلاث مكاين سحب آلي اثنين منهم فضت من الفلوس!!!

[بوراشد82]

والله اني مفصله لي عشرين عباة من دبي وكل موديل احلى من الثاني بثمان الاف ريال بس،، عشرين عباه ،، وهاي تقول لي جلابيه بتسعه!! ياعمي طيري

[مرتبش]

الباعة المتمرسين يخترعون ويسوقون الكلام مثل القطريين مايفاصلون ومن السذاجة تصديقهم

[دايموند]

بدووون زعل

من الي شفته من حوالي من صديقات وبنات الشغل

نعم ماقيل فالموضوع صحيح واؤيدها

[حرف]

كلامهم صحيح للاسف

[راجي الْعفو]

فعلا هناك استغلال واضح من تجار النت لسذاجة الكثيرين

سواءا كانوا حريم او رجال

واخرتها تحصل البضاعه عاديه

بس يزخرفون شكلها

وينخدع المشتري

[حسن]

كلامهم صحيح للاسف مايقال

وللاسف هناك الكثير يسئ لسمعه القطريه بهذه التصرفات

[حسن]

بدووون زعل

من الي شفته من حوالي من صديقات وبنات الشغل

نعم ماقيل فالموضوع صحيح واؤيدها

بالعكس كلام الحق مايزعل

الغلط غلط والصح صح

يادايموند

[وحيد-الشوق]

مع احترامي الي يشتري من المعارض الي تصير في قطر او من الخليج ماعنده سالفه واكيد بينقص عليه

[حسن]

مع احترامي الي يشتري من المعارض الي تصير في قطر او من الخليج ماعنده سالفه واكيد بينقص عليه

بالعكس ياوحيد المعارض حلوه وجميله وتشوف اشياء جدا جديده
ولكن
لماذا مايكون نحن من يتحكم بالاسعار وين ثقافه المحاربه ؟ليش مانتوعى ؟الى متى ونحن نحس مستغلين ؟
ليش التفاهه تكون منا؟
الزبون هو اللي يقدر يمسك زمام الامور يجب ان تكون هناك عندنا ثقافه الاستهلاك
مع العلم صعب تطبيقها في وضع اقتصادي ومعيشي عالي

شبقول وش بننصح

[حمد 2002]

التاجره اتخيط فستان قيمته مع الخلق = الخامه والتفصيل 400 ريال .. واتبيعه ب 5 الاف ريال !! ..


أقصر طريق للثراء ..

[بوحارب]

سذاجه ومقصه

[Dana’1]

فيه وفيه لا التعميم غلط
اما المعارض والعارضات من عالنوع شخصيا ضاربه عليهم أكس ^_^

[حرف]

مع احترامي الي يشتري من المعارض الي تصير في قطر او من الخليج ماعنده سالفه واكيد بينقص عليه

المعارض ارحم على الاقل تشوف السلعه قدامك وتعاينها ومايقدرون يرفعون السعر دبل عشرين مره مثل تاجرات الانستغرام لا وبعد التوصيل عليك ولايخسرون التاجرات شي لا محل ولا إيجار ولا عمال ولا سجل تجاري

[الجـــوديّ]

،

،


صادجــــه ...

[الصغيره]

صادقه ومعرض هي اكبر دليل تعالوا شوفوا بناتنا لله الحمد والشكر هماتيل ما تسوى على سته وسبع الاف وليه وين ذوقهن وين اختياراتهم المعرض كوبي بست كوبي بست

وللاسف كل التاجرات البضاعات متكرره ومتشابهه والاسعار مبالغ فيها معليه قطعه ما يشبها شي وتستاهل لكن كوبي بست وخلاقين ما تسوى ليه ذوقنا اعلى من سوق خيش بيش الصراحه اللي عندها عق تاخذ فره بالمعرض وتشوف وتحكم


للاسف كلامها صح

[bohilal191]

خلاص خذوا فكرة عن القطريين انهم يدفعون ولا يهتمون،،،الله يهديهم

[مختلفة عقليا]

السلام عليكم

يعني الحل مقاطعه او مكاسره ., انا اييد انقاطع

شخصيا انخدعت اكثر من مره وعقب شفت الاسعار الصجيه واللي اصلا اتكون ارخص في دولهم وقررت اقاطعهم !!

ويسلموو

[moonبنتnight]

بصراحة ما أشتري من المعارض ..
العباية ذوقهم لوع جبد ..
لا خامه ولا موديل نادر ما شوف موديل عدل .. والاسعار خرافية ..
حتى أقول في خاطري هذي موديلات ما يلبسونه في بلادهم ..
بناتنا حدث ولا حرج زبو بس أنها شرت من مصممه لفلانيه ..
كان زين بس على العبايات حتى مكياج يوصل من 1400 إلي 6000 من غير تسريحه وتجهز حق المولود عالم ثاني وحفلات وغيرها ..

[دايموند]

المعارض ارحم على الاقل تشوف السلعه قدامك وتعاينها ومايقدرون يرفعون السعر دبل عشرين مره مثل تاجرات الانستغرام لا وبعد التوصيل عليك ولايخسرون التاجرات شي لا محل ولا إيجار ولا عمال ولا سجل تجاري

معروف اسعار المعارض عندنا دبلااات من الانستغرام

شخبار معرض هي واسعارهم ؟!!

[Bin sultan]

مع احترامي الي يشتري من المعارض الي تصير في قطر او من الخليج ماعنده سالفه واكيد بينقص عليه
صدقني اخوي الشرهة مب على المعارض،الشرهه على اللي يشترون منهم وارفعوهم السما..ومايعرفون يكاسرونهم وينزلون السعر بالارض

[حمد 2002]

من وجهة نظري هم عارفين الأسعار الحقيقية لأي سلعة بالضبط ،،لكن يضحكون عليهم بإرادتهم،،يمكن لخجل او برستيج ماتحب تفاصل فتدفع وهي ماشية،،

هل البرستيج عامي قلوبهم الى تلك الدرجه ؟

[ضوى]

الساذج هو من يلتفت لهذه التفاهات

[حمد 2002]

مرة كنت مسافر دولة أجنبية , و دشيت إحدى المولات و بغيت أشتري أغراض , بائع المحل قالي القطريين مايفاصلون أبدا و يدفعون أي مبلغ ينقالهم , على عكس السعوديين
و تعال شوف المبالغات اللي موجودة من طرف البائعات اللي في تويتر , مبالغ خيالية , محد يساعدهم في هالشيء غير ربعنا , هم اللي يشجعونهم يرفعون الاسعار

خلها على الله ياخوك .

ترى ريال على ريال ينفع على قوله الاولييين ..


لو خصملك البايع 10 ريال تنفعك بالمستقبل ..


اشكرك على المشاركه .

[حمد 2002]

انا امس رايحة المعرض((( معاكم ام راشد))) ماعجبني كلش، بس عبي ودراريع ،،، وبصراحة انا من النوع اللي اروح اتفرج بس، نص قشاري من الدول المجاورة وبأقل من ربع السعر لاني مب محصله فلوسي بالشارع ،، يعني رايحة تمشاية مع اختي ، المهم شفت جلابيه وسألت راعيتها على كم سعرها؟ قالت بتسعه آلاف ،، متخيلين السعر!!!!!وهي والله ماتسوى خمسمية ريال،، المشكلة انه في ثلاث مكاين سحب آلي اثنين منهم فضت من الفلوس!!!

صادقه يام راشد .. المعارض اسرع طريقه لتجميع الفلوس واسهل طريق للثراء . والبركه بربعنا .

مايصدقون على الله يسمعون كلمه معرض الا راحوا هجوم ههههههه



اشكرج على المشاركه وان شاء الله المراقبين ايغيرون اسمج بناءا على طلبج .

[حمد 2002]

الباعة المتمرسين يخترعون ويسوقون الكلام مثل القطريين مايفاصلون ومن السذاجة تصديقهم


جوف بقولك شيء .. انا ماعندي مشكله اضيع فلوسي في ثمن قراءه كتاب ولكن ماضيعه على امور ثانويه رديئه الجوده .

الصراحه الحين انا عرفت سر الغلاء بالدوله مب السبب التجار بل السبب الناس والمستهلكين .


اشكرك طال عمرك .

[حسن]

هل البرستيج عامي قلوبهم الى تلك الدرجه ؟

لا ياحمد هو تفاهه عقولهم وقله الثقافه يعني المخ عاملين عليه جدار خرساني
صلب

يعني انت تشوف شهره لللقطريات ويجون ناس من البحرين او الكويت
يتعنون يشترون من تاجره عندنا !!!!

عمرك شفت معرض قطري يشارك برع في البحرين ولا الكويت ولا الحسا

انسى

[هتان]

المفروض البنات ياخذون موقف من المعراض علشان مارفعون ف سعر

[حمد 2002]

بدووون زعل

من الي شفته من حوالي من صديقات وبنات الشغل

نعم ماقيل فالموضوع صحيح واؤيدها

اكثر الاراء بالموضوع مؤيده للكاتبه وهالشيء يؤلم قلبي ، وهالشيء مانرضاه على اخواتنا القطريات . الله يصلحهم يارب وايغيرون من تفكيرهم الاستهلاكي .


شكرا اختي .

[حمد 2002]

كلامهم صحيح للاسف

اكثر الاراء مؤيده للكاتبه .

هل تعتبر تلك ظاهره ومرض متفشي بالمجتمع ووباء يجب علاجه اخوي حرف ؟


اشكرك ..

[حمد 2002]

فعلا هناك استغلال واضح من تجار النت لسذاجة الكثيرين

سواءا كانوا حريم او رجال

واخرتها تحصل البضاعه عاديه

بس يزخرفون شكلها

وينخدع المشتري

هل ارتفاع رواتب اخواتنا القطريات وعملهم ساعد بتلك الظاهره ؟

[حرف]

اكثر الاراء مؤيده للكاتبه .

هل تعتبر تلك ظاهره ومرض متفشي بالمجتمع ووباء يجب علاجه اخوي حرف ؟


اشكرك ..

نعم مرض من غير ألم وكلنا مشتركين في وجوده

[حمد 2002]

كلامهم صحيح للاسف مايقال

وللاسف هناك الكثير يسئ لسمعه القطريه بهذه التصرفات

طيب بوعلي ..

هل هالامر يعتبر مرض نفسي لديهن ويجب علاجه ؟ ووين دور وسائل الاعلام من هذا الامر ؟

[حمد 2002]

بالعكس كلام الحق مايزعل

الغلط غلط والصح صح

يادايموند

صح كلامك يالنوخذه ..


مايصح الا الصحيح ..

[حمد 2002]

بالعكس ياوحيد المعارض حلوه وجميله وتشوف اشياء جدا جديده
ولكن
لماذا مايكون نحن من يتحكم بالاسعار وين ثقافه المحاربه ؟ليش مانتوعى ؟الى متى ونحن نحس مستغلين ؟
ليش التفاهه تكون منا؟
الزبون هو اللي يقدر يمسك زمام الامور يجب ان تكون هناك عندنا ثقافه الاستهلاك
مع العلم صعب تطبيقها في وضع اقتصادي ومعيشي عالي

شبقول وش بننصح

بوعلي ..


اتصدق في الدول المجاوره كالبحرين مثلا ..

يوم صارت الازمه مع الشيعه ..


قاطعوا المنتجات الشيعيه والتجار الشيعه ونجحوا في هذا الامر . هالشيء عرفته بحكم اطلاعي على اخبار البلدن الشقيقه السعوديه والبحرين .


طيب ليش ماتكون عندنا تلك الاراده بمقاطعت التجار الجشعين ؟ وليش اخواتنا القطريات مايتعلمون من اخواتهم بالدول المجاوره ؟

[حمد 2002]

سذاجه ومقصه

السذاجه والمقصه وجهان لعمله واحده .

صح السانك ياملك الانستغرام .

[الحياة الخالدة]

السالفة تطال القطريين و القطريين
فرجاءً عدم قصر الكلام و تركيزه على القطريات و توجيه الدفة ناحيتهن حتى لا يتسبب ذلك في إغلاق الموضوع
و التنبيه للكل عموماً .. و لأعضاء معروفين على وجه الخصوص

[حمد 2002]

فيه وفيه لا التعميم غلط
اما المعارض والعارضات من عالنوع شخصيا ضاربه عليهم أكس ^_^

زين سويتي ياطويله العمر . والمفروض تضربين عليهم ملييون غلط بدال الغلط الواحد .

[حمد 2002]

السالفة تطال القطريين و القطريين
فرجاءً عدم قصر الكلام و تركيزه على القطريات و توجيه الدفة ناحيتهن حتى لا يتسبب ذلك في إغلاق الموضوع
و التنبيه للكل عموماً .. و لأعضاء معروفين على وجه الخصوص

ان شاء الله ..


يزاج الله خير اختي الحياه ..

[راجي الْعفو]

هل ارتفاع رواتب اخواتنا القطريات وعملهم ساعد بتلك الظاهره ؟

نعم ، السفه طال شريحة كبيرة من القطريين و القطريات

الله يهديهم و لا يبلانا

[الحياة الخالدة]

ان شاء الله ..


يزاج الله خير اختي الحياه ..

و هذا دورك يا حمد في المقام الأول
تتعامل مع الموضوع و المشاركات بطريقة سليمة تحافظ بها على إبقاءه مفتوحاً

[دايموند]

السالفة تطال القطريين و القطريين
فرجاءً عدم قصر الكلام و تركيزه على القطريات و توجيه الدفة ناحيتهن حتى لا يتسبب ذلك في إغلاق الموضوع
و التنبيه للكل عموماً .. و لأعضاء معروفين على وجه الخصوص

مشرفتنا العزيزه رحتي معرض هي؟واذا نعم شنهي انطباعج عن التاجرات وعن المشتريات

[الحياة الخالدة]

مشرفتنا العزيزه رحتي معرض هي؟واذا نعم شنهي انطباعج عن التاجرات وعن المشتريات

لا والله أختي دايموند ما رحت
و بصراحة لست من مرتادي المعارض ( أو تقدرين تقولين ماروح إلا نادر جداً )
لكن لا يمنع إن أخبار الغلا توصلني

[حمد 2002]

و هذا دورك يا حمد في المقام الأول
تتعامل مع الموضوع و المشاركات بطريقة سليمة تحافظ بها على إبقاءه مفتوحاً

ان شاء الله خير ..

[يمامـة]

نرجع لصلب الموضوع...

كلنا نتفق ان الاسعار في قطر تختلف عن دول الجوار.. والسبب ان كثيرات ما يقدرون نعمة توفر المال في يدهم..

فالغالي في نظرهم هو الافضل..

يحكي لي احدهم وهو قريب لي ..انه البعض يشتري من عنده السلعة المعينة
ويبيعها في حسابه في الانستغرام باسعار أغلى ومع هذا الطلب عليهم اكثر..

قلت له اتبع معاهم نفس الاسلوب دام انهم ما يبون الارخص..

قال انا المهم عندي اربح ربحي وما علي بضاعتي اشقد تنباع عقب..
ولا افضل اني اتبع اسلوب رفع الاسعار بالطريقة هذي..

فالشاهد و الواضح ان بعض القطريات ممن رزقهم الله نعمة المال
للأسف الشديد ما يقدرون قيمة هالاموال ..

[Dmy Enabi]

القطريات أكثر دلعا

أرقعها بس مافي فايدة

نعم أتفق أكثر سذاجة بحكم الاستعراض وموضة الهبة كل مانزل شي اختفى حتى لو يلوع الجبد

في السابق كنت لا ألوم الفتاة لعدم وجود خيارات في البلد
ألحين مالكم عذر كل يوم صار في معرض خلي ويهج طوفة في المكاسر

[لـبـيـه]

ردي خارج الموضوع فقط للتذكير على مقولة رزق الهبل على المجانين


هذه العبارة من العبارات التي تخالف العقيدة، فالرزق من عند الله وحده، يقول الله تعالى (إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ) (الذاريات58).

شكرا

[sweet qatar]

الحين صارت الثقة في الناس سذاجة !!!!!!


ليش تجبرونا علي ثقافة المفاصل والمكاسر

المفروض التاجر الي يحط سعره يخاف الله
وأنا اشتري إذا قدرت علي السعر وشفت المبلغ مقابل الحاجة



ليش انجبر اقاصص واخذ واعطي مع رجال في السوق او حتي حرمة

و انا زبون و انا عميل ومن هالخرابيط


اي انا افاصل بس في حدود .. ماطول السالفة

من الآخر بتبيعني أنا شراية يحط السعر واحط السعر واخذ الي يرضيني و أروح


إذا هالتاجرة ماتخاف الله .. مب شرط أنا أغير طبعي عشانها

وللعلم تاجر في دبي سألني إنتي من وين قلت له من قطر
عطاني خصم جامد الله يبارك له

قال انتوا وايد مأدبين .. لو وحدة من "...." جان قعدت تزاعق و تصارخ

وفعلاً وانا منتظرة طلبيتي دخلت وحدة تحذف القطع في ويهه و تتكلم بشكل يفشل .. الحمدلله والشكر



البنات عرفوا لعبة التاجرات وخف النصب وايد عن أول الحمدلله


والله يكفينا وإياكم شر الحسد والطمع

[العلياا]

اعتقد صاروا البنات يفهمون اكثر
وصارت المعارض تقام على مدار السنة
فاللي ما تعجبها القطعة الفلانية بكرا بتلاقيها عند تاجرة ثانية وبسعر مختلف

واللي مقتدره وتبي تاخذ قطعة ساده بعشرة الف هذا حلالها وهي ابخص فيه :)

[qrt_trading]

والله انكم صاجين

مايندرى وين عقول هالبنات يركضون ورى كل شي غالي لو دلاغ في محلين واحد عارضه بسعر مناسب والثاني بسعر غالي والبضاعه هي هي ما تتخير عن الثانية خذوا الغالي ولما تسإلين ليش قالوا هذي اصلي وذي تقليد يابنت الحلال كلهم ميد إن جاينا أي أصلي وأي بطيخ.

شفت عند وحدة بدلة أعجبتني وايد وتبيعها قريب 220 مع الشحن كونها في بلد خليجي ثاني دورتها في موقع أمازون لقيتها ب 8 دولار واشوي اقريب ال9 دولار يعني إذا مصخناها وضربنا المبلغ ب 3.4 بتطلع ب 36 ريال مع الشحن بالكثير 91 ريال نصب ولعب بعقول الناس.

[العنيده]

للاسف صح اللي ينقال ..
صرنا واثقين في اللي يبيعيون وان هالشي مميز ..
اغراض وايد نعرف انها زايدين في السعر بس البعض ياخذها لسببين ( 1- ماعندي وقت ادور ثاني 2- البعض مب الكل عشان حب التباهي بالسعر )

[qatara]

هي ليش زعلانه ولا ليش تضحك عليهم

الله سيسئلهم وسيسئلها

عن كل ريال من وين جابوه وفيما صرفوه

بعضهن نعم ساذجات سفيهات متلفه لمالها ولمال غيرها

[حسن]

والله انكم صاجين

مايندرى وين عقول هالبنات يركضون ورى كل شي غالي لو دلاغ في محلين واحد عارضه بسعر مناسب والثاني بسعر غالي والبضاعه هي هي ما تتخير عن الثانية خذوا الغالي ولما تسإلين ليش قالوا هذي اصلي وذي تقليد يابنت الحلال كلهم ميد إن جاينا أي أصلي وأي بطيخ.

شفت عند وحدة بدلة أعجبتني وايد وتبيعها قريب 220 مع الشحن كونها في بلد خليجي ثاني دورتها في موقع أمازون لقيتها ب 8 دولار واشوي اقريب ال9 دولار يعني إذا مصخناها وضربنا المبلغ ب 3.4 بتطلع ب 36 ريال مع الشحن بالكثير 91 ريال نصب ولعب بعقول الناس.

اتفق معا هذا الرد

يجب على البنات انهم يتريثون ويقارنون ويحاسبون صج الدوله ماقصرت ولكن هذه نعمه يجب ان نحسن استغلالها
ونحافض على سمعه بناتنا

شكرا لك

[حسن]

ردي خارج الموضوع فقط للتذكير على مقولة رزق الهبل على المجانين


هذه العبارة من العبارات التي تخالف العقيدة، فالرزق من عند الله وحده، يقول الله تعالى (إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ) (الذاريات58).

شكرا


ضحتني على هذا المثل يالبيه

:funny:

[راجي الْعفو]

وضع الاموال في يد السفهاء امر خطير

ولذلك على اولياء الامور ان يفكروا مليّا في موضوع استقلال احد الابناء بمصروفه

ويدرس الامر دراسة جيدة

[حسن]

وضع الاموال في يد السفهاء امر خطير

ولذلك على اولياء الامور ان يفكروا مليّا في موضوع استقلال احد الابناء بمصروفه

ويدرس الامر دراسة جيدة

صدقت ياشيخ راجي

ورب العالمين يقول ولا تؤتو السفاء اموالكم

تراهذه صفه معينه

اخبر درسنا في القانون من مسببات ابطال العقد تصرف السفيه

:nice:

الآية الكريمة : ( ولا تؤتوا السفهـــــاء أموالكم )
يرجى كتابة الآيات القرانية بصورة صحيحة
الإدارة

[qatara]

وضع الاموال في يد السفهاء امر خطير

ولذلك على اولياء الامور ان يفكروا مليّا في موضوع استقلال احد الابناء بمصروفه

ويدرس الامر دراسة جيدة

ماعاد فيه ولي امر

تحول الزواج من القوامه الشرعيه للشراكه تقول دكان مهب زواج
بدلا ما تطيعه بكل شي الا في المعصيه يقولك اليوم لا شراكه نشاور لا طاعه
وتدخل في الابوه بدالا من راعي يحاسبه الله لمسئوليته امام الله على مارزقه
تحول قانونيا الي مجرد مربي وليس اب حنون لما
يودب للرحمه الي وصفه بالقاسي والي مايعرف يربي ووووو
يبون يقنعونا ان هم احن على الناس من دمهم ولحمهم

ومربي الصف والمدرس الذي يودب ليتابع عمله وتعليمه بانه
مفتري ويفترى على الطالب وتحول الي تعليم بدون أي تربيه

مانقول الا حسبي الله ونعم الوكيل

[Right]

ههههههههه ، للأسف كلامها صحيح

[ريم الشمال]

اعتقد من الظلم التعميم لوجود حالات قد تعاملة معها اشخاص كان تأثيرهم سيء من ناحية الصورة التي تأخذ عن أهل البلاد
بس في ناس ما تعرف أن في من نساء ورجال قطر يخلي الي جدامه مو بس ينقش القاع إلا يحفره حفار قال شو ؟! أهل قطر سذج هع

[راجي الْعفو]

صدقت ياشيخ راجي

ورب العالمين يقول ولا تؤتو السفاء اموالكم

تراهذه صفه معينه

اخبر درسنا في القانون من مسببات ابطال العقد تصرف السفيه

:nice:

كلامك سليم يا شيخ حسن

الله يهدينا و ياهم

ماعاد فيه ولي امر

تحول الزواج من القوامه الشرعيه للشراكه تقول دكان مهب زواج

وتدخل في الابوه بدالا من راعي يحاسبه الله الي مجرد مربي وليس اب
حنون لما يودب للرحمه الي وصفه بالقاسي والي مايرعف يربي ووووو

ومربي الصف والمدرس الي يودب ليتابع عمله وتعليمه بانه
مفتري ويفترى على الطالب وتحول الي تعليم بدون أي تربيه

مانقول الا حسبي الله ونعم الوكيل

شراكة مع رجحان كفة الطرف الاخر من زوجه او جهة قانونية او ماشابه

أمرهم عجيب ، يعكسون الفطرة الانسانية السويّة

ثم يدّعون انهم سليمو الفطرة !

تضييع امر الولاية يعني تضييع الكيان المجتمعي بأكمله

أرأيت لو ان حاكم البلد كان ضعيفا او كان الناس يشاركونه في قراراته

ماذا سيصبح في البلاد ؟

خراب و دمار و ضياع



اقول : لن تصلح حال الأسر و المجتمعات الا بإرجاع الفطرة الانسانية و الكِفّة الى محلها

والواقع خير شاهد

[دااانة قطر]

بدووون زعل

من الي شفته من حوالي من صديقات وبنات الشغل

نعم ماقيل فالموضوع صحيح واؤيدها



للاسف واقع مرير

[بوراشد82]

في معرض في فندق ويندام ،، على قولتهم فايف ستار ،، متواجدة فيه باكستانية تبيع العباية الوحدة على خمس طعش ألف ريال ،،، يبالفيت تصميم vip ،،، حتى الوزير في باكستان مايستلم راتب هالكثر،، بس بناتنا مقصة ،،، بعضهم طبعا" ،، شفتوا لأي مرحلة صاروا يستغلونكم بالاسعار؟؟؟؟

[الحياة الخالدة]

مرة كنت مسافر دولة أجنبية , و دشيت إحدى المولات و بغيت أشتري أغراض , بائع المحل قالي القطريين مايفاصلون أبدا و يدفعون أي مبلغ ينقالهم , على عكس السعوديين
و تعال شوف المبالغات اللي موجودة من طرف البائعات اللي في تويتر , مبالغ خيالية , محد يساعدهم في هالشيء غير ربعنا , هم اللي يشجعونهم يرفعون الاسعار


فعلا هناك استغلال واضح من تجار النت لسذاجة الكثيرين

سواءا كانوا حريم او رجال

واخرتها تحصل البضاعه عاديه

بس يزخرفون شكلها

وينخدع المشتري


خلاص خذوا فكرة عن القطريين انهم يدفعون ولا يهتمون،،،الله يهديهم


نعم ، السفه طال شريحة كبيرة من القطريين و القطريات

الله يهديهم و لا يبلانا


امس لمحتك كاتب الفطريات والسذاجة.. وانا رايحة مشوار في السيارة.. ونسيت الموضوع لين اليوم شفته
صاير القطريين والقطريات.. واشوف ان الموضوع ما يتطرق للقطرين اصلا.. كثر ما هو مركز على بعض القطريات
وعلشان ما نظلم كل القطريات.. فبعضهن نعم يتم التعامل معهن على انهم اكثر مخلوقات الله سذاجة
لذلك كل يلعب لعبته عليهم في رفع الاسعار..

السفه طال البعض من القطريين و القطريات

[ابوالكلام]

اهلا اتوقع بانهم يستفزون البعض لكي يدفع فيقومون بمقارنته بالقطري بانه افضل منه فيقوم سارعا بالدفع

[غير البشر]

انا معاكم في هالشي

صحيح ان معروفين ندفع بدون مانفاصل سواء رجالنا او نسائنا
انا واحد ماحب افاصل كثير ولا احب اعور راسي
ماعجبني السعر رحت عنه واذا عجبني خذته وخلاص
اذا فاصلنا مانفاصل عدل نفس الشي


لكن انا بتطرق لنقطه ثانيه من الموضوع

انا لما اشوف حد ويقول لنا نفس ها الكلام

اقول اللهم لك الحمد على النعمه الي احنا عايشين فيها
البعض من الدول الاخرى ذابحه الحقد والحسد على عيشتنا الحمدلله كله بفضل رب العالمين

يقولون سذاجه وتبذير وسفهاء وعدم تصرف واكثر
فا يحط حقد وحسده في نشر مثل هذا الكلام

[الحاقول]

ردي خارج الموضوع فقط للتذكير على مقولة رزق الهبل على المجانين


هذه العبارة من العبارات التي تخالف العقيدة، فالرزق من عند الله وحده، يقول الله تعالى (إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ) (الذاريات58).

شكرا


عفواً ( رزق الهبل على المجانين ) ليست مقوله ولكن مثل مصري

وهو نفس المثل القطري حيث من الامثال القطريه

رزق الكلاب على المجانين

[غايه الطواش]

امس انا جايه من كويت شاريه جلابيات أغلي وحده علي 320ريال يوم رحت مساع معرض هي نفسهم الجلابيات علي 1800،3000 الصراحه صرت خير شر ماشتري منهم هناك ينباعون في البلوكات والعربيد وهنيه يقولون لنا تصميم وخامه ووو

[مدرسة]

شخصياً حاطة اكس عود على تاجرات الانستقرام و باستمرار انصح بمقاطعة هذا النوع من الاستغلال و اللي سهلت له وفرة الرواتب العالية ، مب تاجرة ولا وراي الا راتبي اللي اخذه بتعب و جهد و مو مستعدة اصرفة على هالسخافات و يغتني به الطماعين و اللي وراء ابتسامات ترحيبهم ازدراء للتبذير و التهور الاقتصادي اللي شايفينه . أتكلم عن اللي يبالغون باضعاف الأضعاف في الأسعار في المعارض و الانستقرام و صارت لنا سمعة لدرجة اذا سافرنا دولة خليجية و رحنا صالون أو محل يرفعون علينا السعر اذا دروا بِنَا قطريات . راعية الصالون قالتها كاش انتو قطريات و هذي أسعاركم في بلادكم .

[Summer Fruits]

عجبتني من فتره شغله من هالمعارض اللي تستوي وانصدمت من السعر جدا مبالغ فيه
يوم سألتها عن سبب هالسعر قالت وبكل بساطه "لانه القطعة من لندن" هههههه
وانا بهالسعر اقدر ازيد عليه كم الف واحجز تذكره لندن واشتري القطعه واتكشت وارجع بلادي :))

[Charisma]

شخصيا .. وفي محيطي .. يمنع منعا باتا التعامل مع أي تاجره انستقراميه او تجار المعارض .. حتى وان كانت البضاعه حصريه .



ماركات لها اسمها وثقلها ماوصلت اسعارها لاسعارهم :rolleyes2:

[qrt_trading]

يقولون لكم معرض هي اللي في قاعة المعارض الأسعار من 30.000 ريال ونازل والتاجرات القطريات 3000 او 4000 وأقل سعر 1800 على جلابيات وعبايات ماتسوى حتى 500 ريال

[qtr qtr]

هي جت على عبي الحريم بس .. بعد الشباب البعض منهم يفصل لك ثوب واحد من 300 ريال الى 600 ريال قاصين عليهم وانا افصل طاقه كامله ب 700 ريال مع القماش ونوعيه زينه وتفصيل محترم .

[مشاكل]

لو كل شخص كد وتعب علشان يحصل على الفلس ،، كان ماشفت لامبذرين ولامسرفين ،، لكن للاسف اللي يجي بسهولة يروح بسهولة

[Riku3]

المشكلة صاروا يعرفون القطري وما ينقصون حتى لو تطلع من المحل !!! .. في دبي حتى الصينيين يقولون انت من قطر صح ؟ .. واحاول انقص ما اوصل لسعر يرضيني وانا متأكد ان ينقص لغيري اكثر !! ..

في الدوحة من فترة كنت ادور عمال يشتغلون على تركيب حمام الله يعزكم .. ومن الصبح لين الظهر في نجمه ودخلت محلات كثيرة وخذت عمال البيت ويعطوني اسعار خياليه ما تقل عن 1500 الى 2500 !! .. بعد ما زهقت كلمت واحد سرلنكي اعرفه قديم في الدوحة وقلتله يدبرلي ... جاب 2 من شركه متخصصه يوميتهم 100 ريال وخلصوا في يومين .. دفعت 400 بس ! .. وعطيت السرلنكي بعد علشان يخدمني في المستقبل >_< .