سياراة ب 800 الف سعر شقة شترق عن السيارة ام 150 الف

[naklan]

الموضوع عن اسعار السيارات المبالغ فيها الي توصل الى 700 و 800 وهي سيارات فور ويل عادية
وممكن سيارة ب 150 او 200 الف ان تقوم بكل ما تقوم به السيارة المبالغ في سعرها اليس الافضل ان
تشتري شقة وتاجرها افضل من تخسر هذه السيارة نصف قيمتها بعد سنة او سنتين سيارة فور ويل سعرها
قريب من سعر البنتلي والرولز رايز ما هي نضرة المجتمع لموضف على قده ومديون بقيمة سيارة ل 6 سنوات
قادمة ارائكم وهل انت من المهتمين بالجودة مع السعر والا تشتري بلا تفكير وهل تتوقعون بعد 5 سنوات
ان تصل اسعار السيارات في الخليج لاكثر من مليون ريال لهذه الفئة من السيارة السوبر شارج واخواتها
تحياتي للجميع وارائكم وطريقة تدبيركم ممكن ان تخدم اخوانكم فما هي طريقتكم واسلوبكم

ارائكم يا كرام

[أسد الجزيرة]

لكزس 2011 اقيامهم على 200 الف وهم مشترينها قريب 400 الف يعني طاحت النص

[بوحارب]

كلامك صحيح اخوي نكلان

وتفكيرك هو الصح

العالم تبي تكشخ واللي ياخذ السيارة بهذا المبلغ عن طريق البنك

يسمحلي أقوله انت غبي :(

اما اللي عنده كاش ويبي يكشخ براحته وشئ راجع له


وصدقني ترى اغلب اللي ماخذين مواتر غاليه
متحسفين وخصوصا وقت القسط اخر الشهر ;)


يازين الهدد وش فيه يوديني كل مكان ولو بغيت بيروت :cool:

[بوحارب]

لكزس 2011 اقيامهم على 200 الف وهم مشترينها قريب 400 الف يعني طاحت النص

سعرها من الشركة سنة 2011 كان 365

والحين عادي تحصلها ب 190 :(

[النهار]

اعرف شخص مقتدر ماليا وعنده خير
كل 3 سنوات يأخذ له سياره هيونداي الحجم الكبير لاستعماله الشخصي
يقول السياره 3 سنوات معروف عنها ماتشتكي من شي وبعد 3 سنوات ابيعها بأي سعر
وعلى هالحال من 15 سنه

[النهار]

سعرها من الشركة سنة 2011 كان 365

والحين عادي تحصلها ب 190 :(

بوحارب اللكزس الي كنت عارضها للبيع من مده كم موديلها وبكم بعتها ههههههههههههههههههههههه

[حمد 2002]

فيه شقه ثمنها 800 الف ؟

ويمكن واحد مدخوله 80 الف شهريا عادي يشتري سياره ب 800 الف ولا حرام .

الحين الفكسار أو الكزس فرويل وصل سعرهم حروه 300 الف وشي إلى 450 الف .. هل حرام انه الواحد يشتريهم ولا ؟

الستاندر سعره الحين 150 الف .. واللجي آكس سعره قريب 200 .. يعني لازم الشاب يرتبط بهالسيارتين؟ ! ...


الجمس سيرا سنغل بدون دبل سعره 120 الف تقريبا والدبل أغلى .. يعني أسعار السيارات كل مالهم ويرتفعون .. شنو الواحد بامكانه يسوي ؟ ..


هل الحل أنه الواحد يشتري باجيرو وخصوصا انه سعرها فل ابشن 100 الف ..


واحد يتعب وشيقة بالدوام وايكد وراتبه زوين. . هل حرام لو خذاله موتر كشخه اي تنهى فيه ؟! ..

وماذا تقصد بكلمه الشاب بموضوعك. . هل البنات أو الأولاد ؟! ..


طيب والشياب ماياخذون مواتر ب السلف مثلا ؟! ..

وكم إعمار الفئة السنية المستهدفه من موضوعك ؟! ..

وهل تعتبر هذا الأمر ظاهره ولا حالات فردية ؟! ..


شكرا لك على الموضوع الجميل ..

[بوحارب]

بوحارب اللكزس الي كنت عارضها للبيع من مده كم موديلها وبكم بعتها ههههههههههههههههههههههه

مب لي الموتر حق هامور عود وانا بايعها له


مديل 2009 وراحت ب 162000

[حرف]

فيه سيارات مايطيح من سعرها كثير من التيوتا فمش مشكلة
المشكلة السيارات الي اسعارها فوق نص مليون وبعد اسبوع لو بغيت تبيعها عادي تحصل خمسين الف طايحه

[CH Engineer]

في شقه بظ¨ظ*ظ*؟؟؟؟؟؟؟؟؟؟؟؟ :telephone:

بالنسبه لاسعار المواتر في ناس عندهم المليون مثل الألف الله يزيدهم



بس صج وين بظ¨ظ*ظ*؟؟

[MirusS]

يسمحلي أقوله انت غبي :(
:cool:

:funny:

...

انا اشوف المشكله فتفكير البعض وليس غلاء السيارات
سياره عن سياره تفرق وأوضاع الناس مختلفه .. وكل واحد يمد رجوله على قد لحافه
السياره الكشخه ضروريه لكن مب على حساب اشياء أهم :rolleyes:

[qtr qtr]

اول شي يسويه الشاب بمراحله الاوليه يشتغل وبعدها يتزوج وبعدها يبني بيت ومن ثم يكشخ بسياره فوق 300 الف بعد ماينتهي ديونه حق العرس والبيت .
:nice:

[الجـــوديّ]

طريقتي واسلوبي .. خلج يالجودية عن المظاهر الكذابة اللي تكلفج وايد ..
خلج وسطية والتزمي بهالشي في كل حياتج ومافي مانع تدلعين نفسج باللي تحبين
لكن دلع بديون ... لا .

بعت المرسيدس ورضيت بافالون ... ونفسي تراودني على جكور .. ولكزس فوريل .. وللحين صاملة على الافالون.

[سهم عتيج]

قناعتي بالسيارات هي

ان السيارة مهما كان ثمنها تخدمك في اول خمس سنوات

وفي الخمس سنوات التالية انت تخدمها

وبعد ذلك تكون عبئا عليك

لذلك على كل من يفكر ان يبيع سيارته الفارهة قبل مضي خمس سنوات من شراؤها ان يفكر باستئجار سيارة فارهة بدلا من ذلك،، فذلك افضل له من الناحية الاقتصادية

ومثل ماقال بعض الاخوة

كل يمد ريله على قد الحافه

فالمقتدر شالمشكلة اذا اشترى سيارة بمبلغ كبير اذا كان دخله عاليا

المهم في كل ذلك هو الاستناد الى قناعة معينة يراها انها تناسبه وتناسب امكانياته

[H H]

شي مضحك ان الواحد ياخذله سياره باربعمية الف وهو راتبه فالثلاثينات!
وايضاً شي مضحك ومبكي انه ياخذله موتر بثمانميه وهو راتبه فالخمسينات!

[بوحارب]

الشي المضحك يا دبل إتش

ان الموتر يكون اقساط سبع سنين ؟؟؟!

[H H]

الشي المضحك يا دبل إتش

ان الموتر يكون اقساط سبع سنين ؟؟؟!


يعني الموتر تطيح ثلاث ارباع قيمته وهو مازال يسدد قيمته للبنك ؟ والله حاله!
اصلا شلون يجيله قلب يطلع بالموتر ويكشخ فيه وهو قاعد يدفع قيمته بالقطاره للبنك على سبع سنين!

احس حتى موظف البنك الي يوافقله عالمعامله يهز راسه يمين ويسار من القهر.

[QtrGate]

ايام ال800 الف راحت
الحين الشباب يكشخون بمواتر قيمتها مليون وطالع

رمضان على الأبواب والكورنيش وجهتهم الرئيسيه

[مختلفة عقليا]

السلام عليكم

اما في ناس فارغه من الداخل ., مفاجيع والله

انا ما اللومهم طبعا ., لان الشخص الناقص ما يشعر بالراحه الا اذا سوا شي تشبع رغبه معينه حتي لو كانت على احساب نفسه .,

يعني اللي عليه اقساط الى مالا نهاية يحتاج لبرمجه وتخطيط جديد لحياته .,

ويسلموو

[h9466]

الله يهديهم ان شاالله..الحقيقة الواحد يزعل على شباب المسلمين ,,اهتماماتهم اصبحت جدا سطحية..والمشكلة انه الشخص اللي بيشتري سيارة بمبلغ كبير هو خسران من جميع الجهات وبيقعد سنوات يدفع الاقساط وانا على يقين انه قبل ماتنتهي الاقساط بيبيع السيارة وبخسارة كبيرة وبيجدول القرض وبياخذ سيارة غيرها وهكذا...

[A-Alansari]

المشكله اسعار السيارات ترتفع بشكل مب طبيعي

ثاني شي الزبو منتشر بكثره وفي رمضان في الكورنيش الساعه 4 بالتحديد هههههههه

انا من رايي اهم شي عندك جي اكس ولا جي اكس ار يوديك ويجيبك وتصليحه مب غالي مع قطع الغيار وعادي يقعد معاك 10 سنين لو انت مهتم بالموتر وسعره فيه

اما اروح اشتري رنج ب 700 الف وعلى ظهري دين ياخذ نص راتبي كل شهر عشان اكشخ في سيارة والناس تقول فلان عنده رنج ماتسوى

الي عنده ومقتدر ياخذ ماعنده مشكله الله يزيده

لكن الي ماعنده ماله داعي تحط على ظهرك ديون عشان سيارة تكشخ فيها سنه ولا سنتين وينتهي موديلها وتبيعها بخساره وعقب تبي وحده ثانيه ودبل الدين واسحب من البنك

[يمامـة]

كل عقله في راسه ويعرف خلاصه..

اللي يركضون ورا المظاهر راح يدفعون ثمن ركضتهم هذي..

[الـقـاسـي]

مشكله بعض ربعنا الله يهديهم مافي اي تخطيط مسبق اذا بيروح يشتري اي سيارة لازم ياخذ اعلى المواصفات طيب انت حدد احتياجاتك للسيارة وقبل هذا كله حدد امكانياتك يعني مايصير امكانياتك محدوده وتاخذ سيارة قيمتها فوق 400 الف يقهروني بعض الشباب اللي توهم بادين حياتهم وماعنده مصدر دخل غير راتبه ويكون في حدود العشرين او اقل احياننا ويروح ياخذ ع البنك ولمده سبع سنوات وقسطها ثلث راتبه

المقصد بتاخذ سياره خصوصا في بدايتك تاخذ سياره سعرها معقول او مناسب ومن الوكالة وتحط في بالك تستخدمها اقل شي خمس سنوات اكبر غلط من وجهة نظري تاخذ سياره مستعمله على اساس انها ارخص مشكلة اغلب السيارات المستعمله تدفع فيها صيانه مبالغ كبيره والقسط بيفرق معاك الف ريال ولا الف وخمسميه عن الجديده في النهايه بتدفع قيمه الصيانه بتطلع لك قريبه من سعرها وكاله ف الافضل تاخذها جديده وتستخدمها خمس سنوات بدون مشاكل باذن الله وبعدها تبدا تفكر تنتقل لسياره افضل

[معماري قطري]

طريقتي واسلوبي .. خلج يالجودية عن المظاهر الكذابة اللي تكلفج وايد ..
خلج وسطية والتزمي بهالشي في كل حياتج ومافي مانع تدلعين نفسج باللي تحبين
لكن دلع بديون ... لا .

بعت المرسيدس ورضيت بافالون ... ونفسي تراودني على جكور .. ولكزس فوريل .. وللحين صاملة على الافالون.

سيارتي السابقة واحبها وايد .. بس دخلت سيارتي الحالية الصيانة وسقت الأَفلون للدوام .. وصراحة عادي مب مهتم بس قهروني كل شوي يوقفوني .. وسين وجيم وانت تشتغل معانا صج حسيت باحراج .. للحين عندي موقفة في الموقف وماخذة حيز.

بالنسبة للسيارات ما احب ابدل بسرعة ولا اخذ سيارة غالية وايد .. كان عندي في اكس ار موديل 95 بعته 2009 بعد خدمة 14 سنة وبعد ما زادت مشاكله .. السيارات متغيرة وايد وبسرعة وعليها تطور كبير.

شالفرق مثلاً بين سيارة سريعة وايد .. سوبر جارج وغيره وسيارة سريعة غير التكلفة العالية اللي ما نستفيد منها .. يعني من بيقدر يسرع على طول هالأَيام؟ ومن حتى سيارته العادية بيقدر يسرع فيها براحته؟

[وحيد-الشوق]

وين الشقة الي ب800 الف انا ابيها :)