تايلاند ياهل تايلاند

[الصغيره]

كيف الحال يا جماعه

الله يخليكم مضطرين سفر لتايلاند من اجل عمليه تجميليه هل حد قد تجرب هالعمليات بتايلاند وهل مستشفياتهم معقمه وهل حد ينصح بطبيب معين

العمليه مضطرين ولا بد ولله الحمد


ياليت اللي عنده خبره يدخل ويجاوبني واذا فيه سايق عربي ياليت يدلنا عليه وكذلك شقق والف شكر لكم

[للصبر اخر]

صباح الخير
ماحدتتو اي مستشفى بالضبط المستشفيات كثيره هناك

[jassas]

انصحج بفندق ذا لاند مارك بانكوك عن تجربة

واذا تبون شقق يمدحون شاما سوخوموفيت مع اني ماجربتها

وبالنسبه للسائقين اسهل شي من الفندق بجيب لج تاكسي

واي استفسار حاضرين ماعليكم شر ان شاء الله

[الصغيره]

صباح الخير
ماحدتتو اي مستشفى بالضبط المستشفيات كثيره هناك

ما حددت بحثت بالنت لقيت اسماء كثيره والكل يمدح ...الله يرضى عليك اذا خابره شي ء عدل قولي لي

[الصغيره]

انصحج بفندق ذا لاند مارك بانكوك عن تجربة

واذا تبون شقق يمدحون شاما سوخوموفيت مع اني ماجربتها

وبالنسبه للسائقين اسهل شي من الفندق بجيب لج تاكسي

واي استفسار حاضرين ماعليكم شر ان شاء الله

بحثت ولقيت الاسعار غاليه انا ابي ششقه عائليه

[للصبر اخر]

طيب اختي
انصحج بمستشفيين
ويشتاني
ومستشفى بانكوك
ويشتاني بعيد شوي يميزه انج تتصلين وتاخذين موعد يبعثون لج سياره لين مقر اقامتج تاخذج لين المستشفى وترجعج الفندق
مستشفى تايلاند يبعد ربع ساعه عن شارع العرب
بالنسبه للسكن كم حدود الميزانيه
انصحج بالماريوت شوي بعيد عن شارع العرب ونظيف
واذا تبين بوسط شارع العرب انصحج باماري
فيه اعتقد 3 فنادق اماري انا جربت اللي بشارع العرب ماسكنت فيه بس زرت الاهل هناك

[عاشق العديد]

والله مستشفياتهم من احسن المستشفيات .. ونظاف وكل شي ..

بس ع حسب انتي أي مستشفى رايحه ..

واذا ع سايق الأفضل تكاسي هناك لانه لو بتاخذين سايق بيضرب عليج بسعر .. فتاكسي وتكتك والأمور تمشي ..

[رحال]

روحي ولا تترددين البلد سهله وكل شيء متوفر مب محتاجة دليل
والطب عندهم متقدم - ماخاب من قصدهم - والكل يمدح فيهم
بس للأمانة ماجربت مستشفياتهم - مجرد فحوصات وكانت فوق الممتاز ..

على العموم أتمنى لك التوفيق ..

[Abdullah_89]

فندق اماري ريزيدنس جنب مستشفى بانكوك الملكي بالضبط

[Abdullah_89]

علاجهم ممتاز والدكاتره صريحين مع المريض ومستشفياتهم معقمة

[عبد الحميد]

بالاستئذان من صاحبة الموضوع...

شرايكم يا جماعة بالمستشفى الامريكي bumrungrad hospital في بانكوك؟

وايش افضل مكان للسكن يكون قريب واسعاره مناسبة؟

[الصغيره]

اشكركم جميعا ع التفاعل والنصائح والله يجيب اللي به خير للجميع

تقديري للجميع

[للصبر اخر]

المستشفى الامريكي جدا رائع ولكن سمعت انه اصبح تجاري بالفتره الاخيرة

[المهاجر]

انصحج اختي بمستشفى بنهاي هو بعيد شوي لكنه ممتاز واسعاره جداً زينه ونظيف

هذا رابط المستشفى شوفيه

http://www.medconsultfzc.com/hospitals/yanhee-international.html?gclid=CJiEjdmJlsYCFdQZtAodFXIA2 g

وباعطيج رقم مترجم هناك خلوق ومحترم تقدرين تتصلين عليه وتستفسرين عن اللي تبغينه

بخصوص السيارات تقدرين تأجرين سياره فان واخبر الايجار اليومي يتراوح مابين 150 الى 200 ريال باليوم كامل

كان عندي رقم واحد امين وخلوق ومسلم ويتكلم عربي لكنه للأسف انمسح

بس بتلقين هناك الامور سهله

باطرش لج رقم المترجم على الخاص

وماعليكم شر

[jassas]

بالاستئذان من صاحبة الموضوع...

شرايكم يا جماعة بالمستشفى الامريكي bumrungrad hospital في بانكوك؟

وايش افضل مكان للسكن يكون قريب واسعاره مناسبة؟

من أفضل المستشفيات بس غالي

[qr95]

ماتشوفين شر ان شاء الله وانا انصح بفندق الماريوت عن تجربه من كل النواحي امن ونظافه وراقي واغلب اهل قطر يسكنون فيه
وتواصلي مع السفاره في أي شي هناك وهم مايقصرون وفيه متابعه من الملحق الطبي وببعث لك الارقام

[الصغيره]

اشكركم جميعا اخواني ماقصرتوا والله يردنا بالسلامه واحط موضوع كامل عن الرحله

شباب المنتدى والله ما قصرتوا بالتعاون وهذي عوايدكم الله لا يقطعها من عاده وربي يحفظكم من كل مكروه وبميزان اعمالكم


الف شكر

[Rashid554]

الله يقوم مريضكم بالسلامه عن نفسي سويت عملية في بانكوك
وكان التشخيص في الامريكي وحددت موعد العملية وفي يوم العملية كنسلت ورحت المستشفى الملكي وسويت العملية هناك
والله يجزاهم خير خدمه ورعايه ولكل دولة خليجية طابق تقريبا وغير هذا ستاربكس تحتنا
توكلي على الله يعني حتى المرافقين يفضل تسون جيك اب هناك تقريبا سعره 15 الف بات