خوسيه واصدقاءه في سينما فيلاجيو..!!

[يمامـة]

خوسيه الوسيم بو الكرشة الدائرية خلص اختباراته يوم الخميس.. وياني وقال لي :
ماما اليوم بروح السينما مع ربعي.. واحد عازمنا وحاجز لنا تذاكر.. http://www.pic4ever.com/images/greenstars.gif

خوسيه: انتي موافقة يا ماما؟
يمامة: من ذيه رفيجك؟
خوسيه: خالد.
يمامة: خالد وشو؟
خوسيه: خالد ....
يمامة: قطري ذيه؟
خوسيه: ايه لا ما ادري اعتقد ايه( لأني ما انتبهت لاجابته اصلا).اعتقد قال لا.
يمامة: من وياكم؟
خوسيه: ابوه.
يمامة: موافقة.
خوسيه: عطيني 100 ريال..
يمامة: باعطيك 200 علشان ما تنقصك فلوس هناك.. http://www.pic4ever.com/images/cancan.gif

الساعة 1 الظهر يتواصل مع ربعه ف جروب الوتس اب..
طلع وهو مجهز ملابس ما راقت لي http://www.pic4ever.com/images/hippie7.gif
فأصر يلبسها.. فقلت له مافي طلعة الا لو تختار لك شي حلو ومرتب مب تلبس لي ملابس عادية ( مشكلة يومية معاه)..
راح واختفى وطلع لي بشي مرتب.. وكل هذا خذ وقت كبير http://www.pic4ever.com/images/127fs698873.gif

يمامة: متى بتروح؟
خوسيه: قريب الساعة 2 او 2 ونص.
يمامة: انزين .. بكلم اخوك( عمره 20 سنة الله يحفظه) وبخليه يوديك http://www.pic4ever.com/images/hippie4.gif
خوسيه: وليش اخوي؟ بخلي الدريول يوديني..
يمامة: لا يا ماما لازم حد كبير يوصلك ويشوف من هم ربعك.
خوسيه: وتبينهم يضحكون علي ان اخوي موديني؟
يمامة: اللي يضحك عليك اضحك عليه لأن ما عنده اهل يسئلون عنه.
فأنت لو هلك ما يحبونك بيقطونك مع اي حد وفي اي مكان وفي اي وقت..
فافتخر ان اخوك بيوديك وخل راسك فوق وقول لهم هذا اخوي فلان وعرفهم عليه وانت فرحان في اخوك...

سكت خوسيه وكل علامات الرفض على ويهه لكن ما باليد حيلة.. واعتقد كان ينتظر رفض اخوه..http://www.pic4ever.com/images/au.gif

بعد خمس دقايق.. وبوجود خوسيه جرت هالمحادثة..

يمامة: الوو(.....) وينك؟
اخو خوسيه: في الميلس ادرس مع الشباب..
يمامة: زين ممكن تعطينا نص ساعة او اكثر بشوي من وقتك لو سمحت؟
اخو خوسيه: آمري؟
يمامة: خوسيه معزوم على سينما فيلاجيو مع ابو رفيجه بيكون معاهم او على قولته( هانق اوتس)
فممكن توديه وتنزل وتشوف ابو الصبي والصبيان اللي وياه.. واذا ابوهم محد واليهال كانوا معدودين
ترده البيت؟
اخو خوسيه: متى يبي يروح؟
يمامة: يقول قريب 2 او 2 ونص..
اخو خوسيه: ان شاء الله .. بس عطوني اشوية وقت..


تجهم ويه خوسيه.. وتم ساكت طلع ودخل ومسك جواله وقال:

خوسيه: خلاص مب رايح.
يمامة: وليش؟
خوسيه: ابوه مب ياي.
يمامة: اهااا.. احسن لك... غلط يهال يطلعون بروحهم وهم في عمرك.
خوسيه: بس السنة الياية يصير اروح بروحي لأني بصير في الاعدادية مثل اخواني.
يمامة: ولا في الاعدادية يا ماما.. اخوانك لما وصلوا الثانوية كانوا يادوب يطلعون..
وزمن اخوانك وان كانوا يطلعون مب مثل زمانك انت فكل شي تغير..

خوسيه قعد في حاله يعسس اهنيه وهناك وكل شي اخترب عليه http://www.pic4ever.com/images/128fs395770.gif
.. وقال لي نعسان وابي ارقد..http://www.pic4ever.com/images/Count_Sheep.gif

ولــــكن

كم طفل يدخل السينما من غير ما يخربون هله عليه الطلعة..؟

دايما وابدا لما امر فيرجن.. اشوف المراهقين والاطفال للاسف متجمهرين
صوب السينما.. اطفال في عمر خوسيه بو 12 سنة بنات و اولاد يتجهزون لدخول الافلام
من دون وجود شخص بالغ رشيد بينهم؟

ليش يوم الخميس فيلاجيو يصير مرتع للمراهقين من بنات وشباب وبروحهم من غير وجود
الوالدين او شخص كبير معاهم لين الساعة 11 او 12 الليل؟

[بومحمد المطاوعه]

الله يحفظه لج اختي

والله شكثر يهال بروحهم
بنات او اولاد

شلل شكثر
وتلفونات ف ايدهم للأسف

الله يهدي اهلهم يارب

[حرف]

اسلوب سلس وسهل تشكرين عليه
ياليت الكل يسوي مثلج موب يأنبه ضميرة ويحزن على ولده ورده فعله

[يمامـة]

الله يحفظه لج اختي

والله شكثر يهال بروحهم
بنات او اولاد شلل منفصلة او مختلطة بنات وصبيان..
بعضهم تحت 12 سنة.. وبعضهم في حدود ال 12 او اكبر..

ولا حسيب ولا رقيب من الاسرة..

شلل شكثر
وتلفونات ف ايدهم للأسف

الله يهدي اهلهم يارب

ويحفظ كل عيالنا يا بو محمد..

بالفعل وايد يهال بروحهم..

[يمامـة]

اسلوب سلس وسهل تشكرين عليه
ياليت الكل يسوي مثلج موب يأنبه ضميرة ويحزن على ولده ورده فعله

العفو يا اخوي حرف..

ياليت ما نستهين بمثل هالطلعات.. الناس تغيروا واهل السوء صاروا يترصدون للاطفال في كل مكان..
وفرص انحراف هالاطفال بشكل تدريجي يكون اسهل واسرع للي يطلع الاماكان العامة من غير انسان كبير يصاحبه..

لكن مع الاسف اللي نشوفه تزايد في عدد الاطفال اللي من غير صحبة ذويهم في هالاماكن!!

[Charisma]

مرحبا اختي يمامه ..


اسجل اعجابي في سرد الموضوع ونص السيناريو .. وطريقة الرد وتوضيح الأسباب والمفاهيم الخاطئه عند هالجيل .



ولو تلاحظين اخت يمامه .. الأطفال في هالوقت .. عندهم قدرة في المراوغه واسلوب اقدر اسميه "داهيه" في الوصول للمراد .. قدره رهيبه في الأقناع وفي تبسيط او تهويل المواضيع .. تحتاج إلى " فطنه " من أولياء الأمور لتحديد ما إذا كان المطلوب مناسبا ام لا .

فيما يخص المراهقين والمجمعات .. فالعتب على اولياء الأمور .. ورضوخ البعض منهم للـ " الحنه " .. وكسر خواطر البعض منهم عند ترديد عبارة " كل ربعي اهناك :( " .

فكرة ان المجمعات .. وناسه وفله وتجمعات .. يبيلها " شلع " من عقولهم .. لان وبكل بساطه في مثل هالأماكن يكتسبون خبرات احترافيه ميدانيه في : المغازل ، الخز والقز ، ..إلخ.

لذلك نحتاج لملىء اوقات فراغهم وترغيبهم بأمور تنفعهم كالنوادي الرياضيه ،، المجالس ،، ولامانع من الذهاب للمجمعات من وقت لاخر وبرفقة اولياء امورهم .. "اما ان الوضع ينقلب تحضير اسبوعي وكورسات مكثفه واخرتها مشروع صايع " :nono:


شكرا على الموضوع .

[بومحمد المطاوعه]

ويحفظ كل عيالنا يا بو محمد..

بالفعل وايد يهال بروحهم..

اللهم امين يارب

والله شي يضايق
الله يحفظهم بس

[شيخ الديرة]

انا متعجب ان كيف خوسيه يعتقد انه ممكن كذا خطة تعبر بسهولة على يمامة؟
تحية واعجاب، خوسيه قد تفوته السينما هذه المرة، لكن لم يفته الدرس

[ولد العرب]

سبحان الله نفس اسلوووبك الله يحفظك لك خوسيه بن اليمامه

بس مستحيل من 7 مستحيلات اخليه يطلع مع عيال عمه لشي اسمه سينما ولا تمشيه مالها لازمه

مهب مقصر معه مقناص ولا بحر ولا سفر ويخاوييني في مجلس لانه قدام عيني
ودايما امه الله يجزاها خير تقنعه ساعد ابوك مايسمع عند الرياجيل ورد عنه وتكلم عنه وفعلا هو اللي يصير ويفهمني وش ينقال

بس احسن زهق لاني دايما اكرمه بمكافئات وامور ذي

وهو مصر على السينما وانا خير شر مادخلها ولا ادلها
وتاخذهم ام العيال وتنزلهم وتروح تشتري اغراضها وعقب تاخذهم وانتهى
فعلا اسلووووبك يايمامه احترفي في القناع دون الكسر في شوكته بارك الله فيك

[يمامـة]

مرحبا اختي يمامه ..


اسجل اعجابي في سرد الموضوع ونص السيناريو .. وطريقة الرد وتوضيح الأسباب والمفاهيم الخاطئه عند هالجيل .



ولو تلاحظين اخت يمامه .. الأطفال في هالوقت .. عندهم قدرة في المراوغه واسلوب اقدر اسميه "داهيه" في الوصول للمراد .. قدره رهيبه في الأقناع وفي تبسيط او تهويل المواضيع .. تحتاج إلى " فطنه " من أولياء الأمور لتحديد ما إذا كان المطلوب مناسبا ام لا .

فيما يخص المراهقين والمجمعات .. فالعتب على اولياء الأمور .. ورضوخ البعض منهم للـ " الحنه " .. وكسر خواطر البعض منهم عند ترديد عبارة " كل ربعي اهناك :( " .

فكرة ان المجمعات .. وناسه وفله وتجمعات .. يبيلها " شلع " من عقولهم .. لان وبكل بساطه في مثل هالأماكن يكتسبون خبرات احترافيه ميدانيه في : المغازل ، الخز والقز ، ..إلخ.

لذلك نحتاج لملىء اوقات فراغهم وترغيبهم بأمور تنفعهم كالنوادي الرياضيه ،، المجالس ،، ولامانع من الذهاب للمجمعات من وقت لاخر وبرفقة اولياء امورهم .. "اما ان الوضع ينقلب تحضير اسبوعي وكورسات مكثفه واخرتها مشروع صايع " :nono:


شكرا على الموضوع .

العفو يا باليوت ( وما اعرف ارد وايد لو هناك مدح للموضوع) غير جزاك الله خير على كلامك..:shy:

وصدقت الدوارة في المجمعات مشروع مغازلجي او صايع ان صح التعبير..

واحنا كأولياء أمور هناك امور لازم نتمسك فيها.. ولازم نضغط على نفوسنا علشان نكون قريبين منهم..

بتروح المجمع لازم حد من اخوانك يكونون معاك.. او اكون انا معاك وهات ربعك بوديهم معانا..
بتروح العنة لازم اخوانك يكونون معاك.. وان كانوا الناس اللي في العنة اهل خير وصلاح ودعوة..

انا اثق فيك يا ماما لكني ما اثق في الناس..
وافقنا يروح العنة بس زيارة.. وبصبحة ناس كبار عيال خواله.. لكن ما نسمح له ينام..
تروح لكن ما تنام .. ترجع البيت.. وكل اشوي حد فينا متصل.. اخوه ابوه امه .. يسئلون عنه..

مع الدريول ما تروح اماكن بعيدة.. مع عيال خوالك ما تروح اماكن بعيدة بروحكم في السيارة..
وان صار مثل هالخطأ اليوم ما يمر على خير.. علشان ما يستسهل يطلب طلبات ثانية ويظن ان الموضوع
سهل انه يطلع يروح مجمع او كوفي شوب او ملاعب محجوزة من غير حضور حد كبير معاه.. لو كان يظن انه
كبر والام غلط تحضر معاه وعيب وما يبي حد يشوف امه..

فوضع اسس للتعامل مع الطفل وبيان حدود مطالبه.. امر مهم جدا لعيالنا.. ولا راح نخسر كثير..
فالدنيا ساحبة ساحبة الانسان.. لكن لما انأدي ما هو مطلوب مننا نكون ادينا الامانة ولو بنسبة 50%
ويبقى 50% سهو او جهل او تغافل.. نطلب ربنا يغفر لنا فيهم..

[يمامـة]

انا متعجب ان كيف خوسيه يعتقد انه ممكن كذا خطة تعبر بسهولة على يمامة؟
تحية واعجاب، خوسيه قد تفوته السينما هذه المرة، لكن لم يفته الدرس

لأنه قدر ياخذ موافقتي على الذهاب الى ملعب حجزه احد اصدقاءه في احد الاندية... ورحت وياه محل رياضي وشرى كورة قدم هدية لصديقه
وخذ له وحدة.. وراح الملعب .. ونسيت اني اخلي حد يروح معاه.. على اساس ان فكرة حجز الملعب جدا فكرة راقية
لاحتفال احدهم بمناسبة خاصة فيه بدل عمل حفلة في مكان عام.. وبالفعل اللي وداه الدريول.. وقال لي نزلته الملعب الفلاني
وكانوا ربعه هناك يسولف وياهم قبل ما يدخلون.. فسكرة انعجابي بالفكرة خلتني اتناسى فكرة مرافقة حد وياه..
فاعتقد الموافقة الاولى من غير مرافق شجعته انه يطلب الموافقة الثانية اللي هي السينما..

وان شاء الله يستوعب من الدرس.. واللي بيساعد أكثر.. انه يدري ان اخوانه مستحيل يطلعونه برع البيت
قبل ما يطلبون منه ياخذ الاذن مني وهم بو 27 و 28 وكل يطلع بكيفه ويدخل بكيفه.. فالموضوع وان حس انه ذكي
لكن بوجود اخوانه وان وافقنا انا وابوه.. مستحيل يقدر يمررها على اخوانه لو رافقوه..

ومرة قال لي: اليوم عندي هانق اوتس.. قلت له اشرح لي وشو هانق اوتس.. انا اخبره تطبيق من تطبيقات جوجل!!
ما عرف يشرح لي بالعربي.. فكلمت اخوه بو 20 سنة قلت له خوسيه يقول عنده هانق اوتس اليوم مع ربعه.. فضحك
وراح له قال له اشعنده راعي الهانق اوتس:secret:.. فقال لي اخوه هانق اوتس مصطلح يستخدمونه للطلعات والجمعات.
فلما عرف اخوه عن السالفة غير رايه من نفسه..

فالحمدلله رب العالمين وجود الاخوان الكبار بجانب الام والاب له دور كبير في عدم تشجيع المراهقين على الانفلات ..

فاليوم في المنتدى وايد معانا شباب وبنات عندهم اخوان وخوات صغار في عمر المراهقة..
نبي نقول لهم
لابد انهم يدركون ان دورهم بجانب الام والاب يكون اساسي في الاشراف على هالاطفال في مثل هالعمر..

والله يخلي لك يا شيخ ديرتنا عيالك ويبارك فيهم وفي جميع عيال المسلمين..

[يمامـة]

سبحان الله نفس اسلوووبك الله يحفظك لك خوسيه بن اليمامه

بس مستحيل من 7 مستحيلات اخليه يطلع مع عيال عمه لشي اسمه سينما ولا تمشيه مالها لازمه

مهب مقصر معه مقناص ولا بحر ولا سفر ويخاوييني في مجلس لانه قدام عيني
ودايما امه الله يجزاها خير تقنعه ساعد ابوك مايسمع عند الرياجيل ورد عنه وتكلم عنه وفعلا هو اللي يصير ويفهمني وش ينقال

بس احسن زهق لاني دايما اكرمه بمكافئات وامور ذي

وهو مصر على السينما وانا خير شر مادخلها ولا ادلها
وتاخذهم ام العيال وتنزلهم وتروح تشتري اغراضها وعقب تاخذهم وانتهى
فعلا اسلووووبك يايمامه احترفي في القناع دون الكسر في شوكته بارك الله فيك

والله يا اخوي ولد العرب.. ما عندي مانع اكسر شوكته دام الامر راح يضره..

ما تهمني شوكته تبرز على اساس تربيته.. فمن جذيه يكفي اقول له لا.. فما يتناقش في الموضوع
لكن ممكن يرسل واسطات..

فموضوع السينمات.. بوافق له بصحبة اخوانه.. واحرص انهم يختارون له شي يفيد عمره..
اما غير جذيه تصرفك مع ولدك صحيح في منعه من السينما.. لكن بالنسبة لي ما اقدر امنعه نهائيا
لأن الكبار يروحون ويعزمونه وياخذونه وياهم..

وبارك الله فيك وفي ولدك وفي امه اللي توقف معاك في مواقفك وياه..

[دااانة قطر]

ماشاء الله الله اسلوبك جدا راقي في التعامل في مثل هذي الموااقف

الله
لأنه قدر ياخذ موافقتي على الذهاب الى ملعب حجزه احد اصدقاءه في احد الاندية... ورحت وياه محل رياضي وشرى كورة قدم هدية لصديقه
وخذ له وحدة.. وراح الملعب .. ونسيت اني اخلي حد يروح معاه.. على اساس ان فكرة حجز الملعب جدا فكرة راقية
لاحتفال احدهم بمناسبة خاصة فيه بدل عمل حفلة في مكان عام.. وبالفعل اللي وداه الدريول.. وقال لي نزلته الملعب الفلاني
وكانوا ربعه هناك يسولف وياهم قبل ما يدخلون.. فسكرة انعجابي بالفكرة خلتني اتناسى فكرة مرافقة حد وياه..
فاعتقد الموافقة الاولى من غير مرافق شجعته انه يطلب الموافقة الثانية اللي هي السينما..

وان شاء الله يستوعب من الدرس.. واللي بيساعد أكثر.. انه يدري ان اخوانه مستحيل يطلعونه برع البيت
قبل ما يطلبون منه ياخذ الاذن مني وهم بو 27 و 28 وكل يطلع بكيفه ويدخل بكيفه.. فالموضوع وان حس انه ذكي
لكن بوجود اخوانه وان وافقنا انا وابوه.. مستحيل يقدر يمررها على اخوانه لو رافقوه..

ومرة قال لي: اليوم عندي هانق اوتس.. قلت له اشرح لي وشو هانق اوتس.. انا اخبره تطبيق من تطبيقات جوجل!!
ما عرف يشرح لي بالعربي.. فكلمت اخوه بو 20 سنة قلت له خوسيه يقول عنده هانق اوتس اليوم مع ربعه.. فضحك
وراح له قال له اشعنده راعي الهانق اوتس:secret:.. فقال لي اخوه هانق اوتس مصطلح يستخدمونه للطلعات والجمعات.
فلما عرف اخوه عن السالفة غير رايه من نفسه..

فالحمدلله رب العالمين وجود الاخوان الكبار بجانب الام والادب له دور كبير وعدم تشجيع المراهقين على الانفلات ..

فاليوم في المنتدى وايد معانا شباب وبنات عندهم اخوان وخوات صغار في عمر المراهقة..
نبي نقول لهم
لابد انهم يدركون ان دورهم بجانب الام والاب يكون اساسي في الاشراف على هالاطفال في مثل هالعمر..

والله يخلي لك يا شيخ ديرتنا عيالك ويبارك فيهم وفي جميع عيال المسلمين..


صدقتي والله
التعااون مطلوب من كل فرد في الاسرة
الله يهدي الجميع .. أوليااء الأمور وأبنائهم
ويرزق عيالنا الصحبة الصالحه

[بومحمد المطاوعه]

بس يا ام خوسيه لاتعلمينهم على السينما

بيت الشيطان يقولج :eek5:

[يمامـة]

بس يا ام خوسيه لاتعلمينهم على السينما

بيت الشيطان يقولج :eek5:

للامانة يااخوي بو محمد.. ما اعلمهم على السينما ولا اشجعهم عليها لكني ما اقدر امنعهم..

فالسينما من ضمن امور ما ادفع لها ريال واحد.. والامور هذي هي
شراء الارشطة والافلام
شراء تذاكر حفلات او مسرحيات
او التبرع لصالح الفن والعفن..

لكن في الوقت نفسه في امور ما نقدر نتحكم فيها واعترف بعجزي فيها..
وافوض امري لله.. واردد قول ربنا تعالى: " انك لن تهدي من احببت ولكن الله يهدي من يشاء"
والله يهديهم يارب ويصلحهم ويهدينا ويصلحنا وياهم.. وجميع عيال المسلمين اللهم امين..

[يمامـة]

ماشاء الله الله اسلوبك جدا راقي في التعامل في مثل هذي الموااقف

الله


صدقتي والله
التعااون مطلوب من كل فرد في الاسرة
الله يهدي الجميع .. أوليااء الأمور وأبنائهم
ويرزق عيالنا الصحبة الصالحه

اللهم آمين يا دااانة قطر اللهم آمين..

وحضورج ارقى يا داانة وجزاج الله كلخ ير على كلماتج الطيبة..

[حسن]

من زمان وانتي مدرسه ونموذج ومفخره للام القطريه وتعرفين هذا زين تفكيري اتجاهك
استفدت منك الكثير في طريقه المعامله والحمدلله هذا انا اجني ثماره

حتى يوم الخميس كنت اتناقش مع اخوي عن اسلوب التعامل مع الابناء
لكن مشكلته عنيد مابي يسمع كيفه نقدم النصيحه والحكمه والمؤمن يلتقطها

اشكرك على اسلوبك الراقي جدا مع اني اختلف معك احيانيا في اسلوب الفرصه والقرصه

الصراحه
يجب ان يكون هناك وعي وادراك وعدم غفله عن الابناء وين يروحون ومع من يروحون
الرقابه مطلوبه ومن همل فقد
الشيخ راجي عرضت عليه طرح موضوع انخراط فئات عمريه بجماعات
والهروب من اهلهم بدون اذن لصغر سنهم عدم اداركهم في فهم الامور
وماقصر نزل الموضوع وجزاه الله خير

زمان مضى وكنت ادرك الاحداث المتغيره السريعه واقول العصر القادم لو ولي الامر الاثنين ماينتبهون
على عيالعلم بيكونون بؤر خراب وعاله على المجتمع

شكرا على الموضوع الراقي وفي صميم المجتمع

يا اليمامه

[بومحمد المطاوعه]

للامانة يااخوي بو محمد.. ما اعلمهم على السينما ولا اشجعهم عليها لكني ما اقدر امنعهم..

فالسينما من ضمن امور ما ادفع لها ريال واحد.. والامور هذي هي
شراء الارشطة والافلام
شراء تذاكر حفلات او مسرحيات
او التبرع لصالح الفن والعفن..

لكن في الوقت نفسه في امور ما نقدر نتحكم فيها واعترف بعجزي فيها..
وافوض امري لله.. واردد قول ربنا تعالى: " انك لن تهدي من احببت ولكن الله يهدي من يشاء"
والله يهديهم يارب ويصلحهم ويهدينا ويصلحنا وياهم.. وجميع عيال المسلمين اللهم امين..


اللهم امين
ولاتنسين اختي
كلكم راع وكلكم مسؤول عن رعيته

نقدر نمنعهم ولكن بسلوب حسن وبطيب

[يمامـة]

اللهم امين
ولاتنسين اختي
كلكم راع وكلكم مسؤول عن رعيته

نقدر نمنعهم ولكن بسلوب حسن وبطيب

اتمنى لو اقدر يا اخوي بومحمد.. باسلوب حسن او بشدة او بزعل.. ولكن
مالي الا اني افوض امري لله فهو قادر على كل شيء.. وان شاء الله ربنا يهدينا ويهديهم ..

[يمامـة]

من زمان وانتي مدرسه ونموذج ومفخره للام القطريه وتعرفين هذا زين تفكيري اتجاهك
استفدت منك الكثير في طريقه المعامله والحمدلله هذا انا اجني ثماره

حتى يوم الخميس كنت اتناقش مع اخوي عن اسلوب التعامل مع الابناء
لكن مشكلته عنيد مابي يسمع كيفه نقدم النصيحه والحكمه والمؤمن يلتقطها

اشكرك على اسلوبك الراقي جدا مع اني اختلف معك احيانيا في اسلوب الفرصه والقرصه

الصراحه
يجب ان يكون هناك وعي وادراك وعدم غفله عن الابناء وين يروحون ومع من يروحون
الرقابه مطلوبه ومن همل فقد
الشيخ راجي عرضت عليه طرح موضوع انخراط فئات عمريه بجماعات
والهروب من اهلهم بدون اذن لصغر سنهم عدم اداركهم في فهم الامور
وماقصر نزل الموضوع وجزاه الله خير

زمان مضى وكنت ادرك الاحداث المتغيره السريعه واقول العصر القادم لو ولي الامر الاثنين ماينتبهون
على عيالعلم بيكونون بؤر خراب وعاله على المجتمع

شكرا على الموضوع الراقي وفي صميم المجتمع

يا اليمامه

العفو يا اخوي بوعلي.. وتحرجني وايد بمديحك وتسبب لي ضغط نفسي..
لكني ما لي الا اني اقول لك جزاك الله كل خير على كل حرف صادق تكتبه وربنا
يجزيك بأفضل منه في مالك وعيالك وهل بيتك.. ويبلغك في عيالك اللهم آمين..

انت تطرقت لعدة محاور في مشاركتك هذي..
الاختلاف معاي في اسلوب القرص والفرص.. قد اكون من النوع اللي يقرص ويفرص
وربنا وفقني ضبط امور كثيرة في حياتهم بفضل منه وحده.. فلربما لو ما اتبعت هالاسلوب لكان الاسلوب
الثاني سبب في انفلات الامور من يدي..

في حين انت ما تتبع اسلوب الفرص والقرص وهالشي ساعدك انك تضبط الامور وتتحكم فيها..
لذلك اليوم احنا ما يهمنا الاسلوب كثر ما تهمنا النتايج.. دام ان نتيجة عدم الفرص والقرص كانت ممتازة ليش نرفض
غيرنا يتبعها؟


والمحور الثاني في مشاركتك:

الاختلاط الحاصل ما بين البزارين في المجمعات.. فروخ ما طلعت انسكرت قشرتهم يتسكعون ويتبادلون
ارقام ويتواصلون في توتير وانستغرام والسناب شاب والاخير شسمه ايه تذكرته ask اعتقد اسمه جذيه..
وكل هذا بسبب ترك هالاطفال من غير اشراف في هالاماكن..
طبعا هذا غير طلاب المدارس الاجنبية اللي يتفقون بنات وشباب قطريين وغير قطرييين يجتمعون في المجمعات..

المحور الثالث في مشاركتك:
هروب الاطفال من اهلهم.. الهروب اهنيه ياخذ عدة اشكال.. هروب بالكذب على الام او الاب
فالطفل اللي يقدر يهرب من البيت بأي حجة في كل مرة.. هذا طفل يتحملون اهله كامل المسؤولية..

فهو قد يخدعنا في مرة نقول مرتين.. لكن في كل مرة اللوم اهنيه علي انا الام بالدرجة الاولى
ومن ثم على الاب اللي مخلين الطفل من غير سين وجيم في تحركاته..

[لبيبة]

السلام عليكم ورحمة الله وبركاته،

أهلي ربوني على هالقانون ونفسه أطبقه الحين، وهو عدم خروج الأبناء بدون رفقة أحد الوالدين، نقطة آخر السطر.

القانون ماله استثناءات ويتم تطبيقه على الجميع، البنات والأولاد، والولد لين كبر هو مسؤول عن نفسه، والبنت تبقى مسؤولية أهلها إلى أن تتزوج.

وما في طلعات للسينما او الحفلات الغنائية، وطلعات في الليل بشكل عام ما في الا للضرورة.

[راجي الْعفو]

السلام عليكم ورحمة الله وبركاته،

أهلي ربوني على هالقانون ونفسه أطبقه الحين، وهو عدم خروج الأبناء بدون رفقة أحد الوالدين، نقطة آخر السطر.

القانون ماله استثناءات ويتم تطبيقه على الجميع، البنات والأولاد، والولد لين كبر هو مسؤول عن نفسه، والبنت تبقى مسؤولية أهلها إلى أن تتزوج.

وما في طلعات للسينما او الحفلات الغنائية، وطلعات في الليل بشكل عام ما في الا للضرورة.

وعليكم السلام و رحمة الله و بركاته

رأيي من رايك

..

[حـ ن ـيـ ن]

مشكلة المراهقين هي حرصهم على الذهاب لأصدقائهم أو مع أصدقائهم بأنفسهم...

أختي الفاضلة اليمامة هناك أشياء مرفوضة للمراهقين الكبار وبالتالي مرفوضة قطعا للمراهقين

الصغار ودائما مايحاجج الصغار ويدافع :anger1:عن المراهقين الكبار ليس رأفة بهم وإنما حرصا على

أنفسهم :secret:عند وصولهم لسنهم ....

مثل الذهاب للمجمعات و السينما و غيرها من الأمور ...

شـــكرا لكِ يَ اليمامة على الموضوع الذي يحتاج لجهاد وحكمة ....

[رهج السنابك]

يمامة سلفيني خوسيه واروح معاه السينما هالي اسمع عنها ولا عمري دشيتها مدري شنو فيها وزهبي لنا الله لا يهينج ناتشوز و نفيش و بفك قطر

من الحوار تحليلي ذي اول مره لصديقي خوسيه يطلب من امه ابلة نظيره يروح سينما من جذي اشتغلتي على هالفقيروه تحقيق ولمبه صفرا رايحه جايه فوق راسه المسيكين

وواضح ان الولد فاهم امه عدل (طالع ذكي عليها) فاختلق سالفه ان الابو معاهم عشان ترضين <الولد دارسج عدل هاهاها

لما شاف حكرتي له قام قال لا الابو هون وهو هون وفضل يحوس في البيت منيه مناك واعليه

ليش شريره هاه
هو صح غلط الولد يروح لحاله مع عيال قده بس ماتخافين من انعكاس منعج له ع شخصيته ؟؟ ترا حلو الولد يكون له ربع يجتمع معاهم يطلع معاهم هالشي يبني شخصيته الاجتماعيه والاستقلاليه
لكن مافكرتي بحل اخر لتعويضه؟

مثلا اقترحتي عليه يعزمهم بالبيت وتختارين لهم فيلم ومنها تعرفين منو ربعه؟
احنا الحين بعصر دجتال وكل هالاولاد الي نشوفهم صغار تلقين من ورانا عندهم شبكة تواصل بهالبرامج سوالف والخ
نمنعهم من خوفنا عليهم لكن هل بعد نراقب وراهم شيسوون في النت ولا من يكلمون ويرافجون بالعالم الافتراضي الي يصعب التحكم فيه؟؟

[بشائر]

الله يحفظ لك خوسيه ويبارك فيه وفي كل عيالك ..
أسلوبك جميل في الطرح أيتها الأم الفاضلة ..
بس فعلا غريبة اول مرة أدري ان كل خميس المراهقين والمراهقات يتجمعون في السينما لين الساعة 12 !!!
وبعد بدون مايكون حد كبير معهم من الأهل ! لأنها فعلا مصيبة ! وتحتاج لوقفة جادة من الأهل ! معقولة وصل الاستهتار لهالدرجة ؟!!

لكن المشكلة الأكبر وين يروحون؟ وين البديل؟ المراهقين طاقة نحتاج للاستفادة منها بشكل إيجابي فعال وإلا إن تركت على الغارب تحولت طاقتهم لاتجاه سلبي ..
الفراغ أكبر مصيبة يبتلي بها المجتمع ..
وكثيرا ما نتساءل عن دور المدارس على الأقل في الصيف؟ كل مدرسة يفترض أن تكون لها أنشطة خاصة طوال فترة الصيف ومو شرط المشرفين عليها
يكونون من المدرسة أنفسهم
لازم تفتح أبوابها في الفترة المسائية بأنشطة متنوعة تحتوي طلابها فكل مدرسة أدرى بحاجات المرحلة العمرية لطلابها ..

شكرا لك عزيزتي على لفت الانتباه ..

[شيخ الديرة]

الله يحفظ لك خوسيه ويبارك فيه وفي كل عيالك ..
أسلوبك جميل في الطرح أيتها الأم الفاضلة ..
بس فعلا غريبة اول مرة أدري ان كل خميس المراهقين والمراهقات يتجمعون في السينما لين الساعة 12 !!!
وبعد بدون مايكون حد كبير معهم من الأهل ! لأنها فعلا مصيبة ! وتحتاج لوقفة جادة من الأهل ! معقولة وصل الاستهتار لهالدرجة ؟!!

لكن المشكلة الأكبر وين يروحون؟ وين البديل؟ المراهقين طاقة نحتاج للاستفادة منها بشكل إيجابي فعال وإلا إن تركت على الغارب تحولت طاقتهم لاتجاه سلبي ..
الفراغ أكبر مصيبة يبتلي بها المجتمع ..
وكثيرا ما نتساءل عن دور المدارس على الأقل في الصيف؟ كل مدرسة يفترض أن تكون لها أنشطة خاصة طوال فترة الصيف ومو شرط المشرفين عليها
يكونون من المدرسة أنفسهم
لازم تفتح أبوابها في الفترة المسائية بأنشطة متنوعة تحتوي طلابها فكل مدرسة أدرى بحاجات المرحلة العمرية لطلابها ..

شكرا لك عزيزتي على لفت الانتباه ..

والله لو يسوون مسابقات بلي ستيشن وتنقل على التلفزيون والانترنت وتعليقات من الشباب نفسهم سوف تلقى رواجا منقطع النظير, ابني بدى كذا فكرة وأدارة مدرسته قررت يسووها السنة القادمة.

أما بالنسبة للسينما, وما أدراك ما السينما, ليس كل فلم فلم, ولاحظتها في قطر ودول الخليج انه ليس هناك منع للأطفال من مشاهدة أي فلم.

يا جماعة الخير, كل فلم من يطلع له تصنيف يحدد الأعمار المناسبة لمشاهدته, حسب المشاهد والعنف والتعابير والأيحاءات, والأفلام الموجودة كلها لها تقييم بعضها او أكثرها يستوجب عدم بيع التذاكر او السماح للأطفال بالدخول,
هذا هو المعنى لكل شفرة تقييم
https://www.loganmovie.com/img/ratings_large.jpg

G للكل
PG يحتاج واحد كبير مع الأطفال
PG-13 ضرورة وجود وحد كبير مع الأطفال
R مقيد للكبار فقط
NC-17 أفلام ذات مشاهد أباحية

أتمنى ان ارى صناديق بيع تذاكر السينمات يسألون عن البطاقة الشخصية لتأكيد عمر الشباب, وكذلك عند الدخول الى قاعة العرض

[Zarr]

الــسـلام عليـكم ,’

مرحبآ اختي يمـامــة ،
الله يحفظ لج خوسيه واخوانه اليخاندرو و رودريغز :shy: والعائلة الكريمة كلها

انتي من الاعضاء اللي أحب ردودهم ، أحس ورا ردودج في قدر كبير من الثقافة والنضج الفكري وحسن التعبير
لذلك حاب اتناقش معاج في نقطة خروج الأبناء بمفردهم ..

وبتكلم عن الأبناء الذكور بشكل خاص ، اللي قدرت افهمه من موضوعج
انج ضد خروج الأبناء بروحهم لين الثانوية يعني تقريباً لين الولد يصير عمره 17 سنة !

صراحة بما اني شاب واشوف أصناف كثيرة من الشباب ،
لاحظت أن في فرق بين اللي كان يروح ويرد وهو صغير وبين اللي ماطلع إلا لين كبر

اللي تعود يطلع من سن صغير أحس فيه نضج أكثر ، ويقدر يتحمل المسؤولية بشكل أكبر
وشخصيته تكون أقوى

بينما النوع الثاني صراحة الولد يكون وايد " مسكين " ، وخجول حتى ف المطالبة بحقه
وعادي ينظلم ويتم ساكت ، وطبعاً النوع الأول يتمصخرون عليه ويستغلونه !
عاد خبرج الحين ماشين ع نظام إن لم تكن ذئباً أكلتك الذئاب ههههههه

واهتماماته أيضاً تكون طفولية نوعاً ما ، تخيلي شباب فوق 18 سنة مشتطين ويسولفون
اخر شي طلع موضوعهم عن الـ Anime !



تقدرين تقولين الشخصية القوية والصفات المشابهة لها ممكن تنزرع عند الولد من خلال البيت فقط
بتفق معاج جزئياً .. لكن صدقيني في أشياء كثير الولد بالذات لازم يتعلمها من الشارع ,,



* طبعاً ما أعمم ولكن هذا اللي تبين لي من اللي اشوفه


شكــرا ,’

[حـ ن ـيـ ن]

الــسـلام عليـكم ,’

مرحبآ اختي يمـامــة ،
الله يحفظ لج خوسيه واخوانه اليخاندرو و رودريغز :shy: والعائلة الكريمة كلها

انتي من الاعضاء اللي أحب ردودهم ، أحس ورا ردودج في قدر كبير من الثقافة والنضج الفكري وحسن التعبير
لذلك حاب اتناقش معاج في نقطة خروج الأبناء بمفردهم ..

وبتكلم عن الأبناء الذكور بشكل خاص ، اللي قدرت افهمه من موضوعج
انج ضد خروج الأبناء بروحهم لين الثانوية يعني تقريباً لين الولد يصير عمره 17 سنة !

صراحة بما اني شاب واشوف أصناف كثيرة من الشباب ،
لاحظت أن في فرق بين اللي كان يروح ويرد وهو صغير وبين اللي ماطلع إلا لين كبر

اللي تعود يطلع من سن صغير أحس فيه نضج أكثر ، ويقدر يتحمل المسؤولية بشكل أكبر
وشخصيته تكون أقوى

بينما النوع الثاني صراحة الولد يكون وايد " مسكين " ، وخجول حتى ف المطالبة بحقه
وعادي ينظلم ويتم ساكت ، وطبعاً النوع الأول يتمصخرون عليه ويستغلونه !
عاد خبرج الحين ماشين ع نظام إن لم تكن ذئباً أكلتك الذئاب ههههههه

واهتماماته أيضاً تكون طفولية نوعاً ما ، تخيلي شباب فوق 18 سنة مشتطين ويسولفون
اخر شي طلع موضوعهم عن الـ Anime !



تقدرين تقولين الشخصية القوية والصفات المشابهة لها ممكن تنزرع عند الولد من خلال البيت فقط
بتفق معاج جزئياً .. لكن صدقيني في أشياء كثير الولد بالذات لازم يتعلمها من الشارع ,,



* طبعاً ما أعمم ولكن هذا اللي تبين لي من اللي اشوفه


شكــرا ,’









كلام واقعي و ملموس ونلمسه في شخصيات الأولاد ، لكن من وجهة نظرك ماالحل ؟

[Charisma]

العفو يا باليوت ( وما اعرف ارد وايد لو هناك مدح للموضوع) غير جزاك الله خير على كلامك..:shy:

وصدقت الدوارة في المجمعات مشروع مغازلجي او صايع ان صح التعبير..

واحنا كأولياء أمور هناك امور لازم نتمسك فيها.. ولازم نضغط على نفوسنا علشان نكون قريبين منهم..

بتروح المجمع لازم حد من اخوانك يكونون معاك.. او اكون انا معاك وهات ربعك بوديهم معانا..
بتروح العنة لازم اخوانك يكونون معاك.. وان كانوا الناس اللي في العنة اهل خير وصلاح ودعوة..

انا اثق فيك يا ماما لكني ما اثق في الناس..
وافقنا يروح العنة بس زيارة.. وبصبحة ناس كبار عيال خواله.. لكن ما نسمح له ينام..
تروح لكن ما تنام .. ترجع البيت.. وكل اشوي حد فينا متصل.. اخوه ابوه امه .. يسئلون عنه..

مع الدريول ما تروح اماكن بعيدة.. مع عيال خوالك ما تروح اماكن بعيدة بروحكم في السيارة..
وان صار مثل هالخطأ اليوم ما يمر على خير.. علشان ما يستسهل يطلب طلبات ثانية ويظن ان الموضوع
سهل انه يطلع يروح مجمع او كوفي شوب او ملاعب محجوزة من غير حضور حد كبير معاه.. لو كان يظن انه
كبر والام غلط تحضر معاه وعيب وما يبي حد يشوف امه..

فوضع اسس للتعامل مع الطفل وبيان حدود مطالبه.. امر مهم جدا لعيالنا.. ولا راح نخسر كثير..
فالدنيا ساحبة ساحبة الانسان.. لكن لما انأدي ما هو مطلوب مننا نكون ادينا الامانة ولو بنسبة 50%
ويبقى 50% سهو او جهل او تغافل.. نطلب ربنا يغفر لنا فيهم..

ويجزيكم بالمثل .


صدقتي اختي .. وطبعا لكل مرحله عمريه متطلباتها وخصوصيتها .. فمعاملة طفل في الـ 10 غير عن معاملة مراهق في الـ16 ..يبدأ الوضع تدريجيا بالتحول لحثه على مراقبة نفسه ذاتيا .. ومعاملته كرجل مسؤول عن تصرفاته واختياراته .. وتبقى مراقبة ولي الأمر " من بعيد ".. ويكون التدخل والمنع ان تطلب الأمر .

[Zarr]

كلام واقعي و ملموس ونلمسه في شخصيات الأولاد ، لكن من وجهة نظرك ماالحل ؟

هـلا اختـي حـ ن ـيـ ن ..

طبعاً الحلول كثيرة وماقدر أقول أني على علم بها كلها ..
لكن بحاول اذكر نقطة أشوفها مهمة وفي نفس الوقت تختصر كثير من الحلول ..

النقطة هي : التربية بمبدأ النتيجة المترتبة على القناعة

أولاً / لازم نفهم أن التربية بمبدأ النتيجة المترتبة على الحرمان والمنع مش حل ،
حتى وإن كان منها نتائج إيجابية فهي ف الغالب تكون نتائج مؤقتة ..


بمعنى : شاب لين وصل 18 ما يطلع من البيت ،
لأن أهله خايفين عليه من السلوكيات السيئة في الخارج - التدخين على سبيل المثال -
وبالفعل حرمانهم جاب نتيجة إيجابية ولين عمر 18 الولد ما كان يدخن ،، لكن المشكلة أول ما حصل حرية
وقام يطلع بدأ بالتدخين ،،
طبعاً الأهل بيقولون أصدقاء السوء وكيت كيت ، اوكي أصدقاء السوء لهم دور لكن حتى الأهل لهم دور أيضاً
لأن إمتناعه الأول عن التدخين ما كان مترتب على القناعة ، بل الولد كان محروم أساساً ولم يجد فرصة للتدخين ’
لذلك عند أول اختبار من " أصدقاء السوء " فشل وصار يدخن ..
ليش ؟ لأن الحرمان خلص ، ولم يجد قناعة قوية تمنعه عن التدخين .



أكيد تعرفين مقولة : " لا تعطني سمكة ولكن علمني الصيد ، فإن أعطيتني سمكة سأشبع اليوم وإن علمتني الصيد سأشبع كل يوم " ،،
نقدر نقول بخصوص هالموضوع : " لا تحرمني ولكن أقنعني ، فإن حرمتني ستمنعني اليوم ، وإن اقنعتني سأمتنع من نفسي كل يوم "

السموحة اذا حسيتو ان المقولة هـه ولا هـه ، ترا تعب وليل هذا اللي طلع معاي :shy:


المهم اللي حاب أوصله لكم ان الحرمان ما راح يدوم ،، اول ولا تالي بيطلع الولد بالطيب أو بالغصب
لذلك الأفضل نسمح له يطلع ،
بس قبل ما نسمح له يطلع يجب أن نقوم بتهيئته بقناعات تساعده أنه ما يتأثر بالسلوكيات السيئة في الشارع !


شكــراً ,’

[راجي الْعفو]

عبارة طرت عالبال يوم شفت الموضوع :




من سوء التدبير:

الانجرار وراء التيار الارشادي المطلق

وإلغاء أمر المنع !

بل الصحيح:

أن يُجمع بين الإرشاد و المنع

[Charisma]

الــسـلام عليـكم ,’

مرحبآ اختي يمـامــة ،
الله يحفظ لج خوسيه واخوانه اليخاندرو و رودريغز :shy: والعائلة الكريمة كلها

انتي من الاعضاء اللي أحب ردودهم ، أحس ورا ردودج في قدر كبير من الثقافة والنضج الفكري وحسن التعبير
لذلك حاب اتناقش معاج في نقطة خروج الأبناء بمفردهم ..

وبتكلم عن الأبناء الذكور بشكل خاص ، اللي قدرت افهمه من موضوعج
انج ضد خروج الأبناء بروحهم لين الثانوية يعني تقريباً لين الولد يصير عمره 17 سنة !

صراحة بما اني شاب واشوف أصناف كثيرة من الشباب ،
لاحظت أن في فرق بين اللي كان يروح ويرد وهو صغير وبين اللي ماطلع إلا لين كبر

اللي تعود يطلع من سن صغير أحس فيه نضج أكثر ، ويقدر يتحمل المسؤولية بشكل أكبر
وشخصيته تكون أقوى

بينما النوع الثاني صراحة الولد يكون وايد " مسكين " ، وخجول حتى ف المطالبة بحقه
وعادي ينظلم ويتم ساكت ، وطبعاً النوع الأول يتمصخرون عليه ويستغلونه !
عاد خبرج الحين ماشين ع نظام إن لم تكن ذئباً أكلتك الذئاب ههههههه

واهتماماته أيضاً تكون طفولية نوعاً ما ، تخيلي شباب فوق 18 سنة مشتطين ويسولفون
اخر شي طلع موضوعهم عن الـ Anime !



تقدرين تقولين الشخصية القوية والصفات المشابهة لها ممكن تنزرع عند الولد من خلال البيت فقط
بتفق معاج جزئياً .. لكن صدقيني في أشياء كثير الولد بالذات لازم يتعلمها من الشارع ,,



* طبعاً ما أعمم ولكن هذا اللي تبين لي من اللي اشوفه


شكــرا ,’






مراحب اخوي Zarr ..وتسمح لي اتداخل معاك .. مع استغلال الفرصه لابداء "الأعجاب" في صياغتك للردود وتحليلك "الدقيق والمميز" في غالبية مشاركاتك .



ردك فيه واقعيه فعلا ولكن هذا فيما يخص " الانطواء " وتقييد الطفل بشكل مبالغ .. وهذا أمر بلا شك فيه من الخطوره على شخصيته .. نحتاج إلى "برمجه" جديده في تغيير قناعات الأطفال "حاليا" .. في أن المتعه والـ "وناسه" غير منحصره فقط في المجمعات والتجمعات الشلليه فيها .. بالإمكان ترغيبه في النوادي الرياضيه وممارسة هوايه يميل إليها .. ولاننسى دور المجالس واصطحاب ولي الأمر لابنائه او الأم لبناتها في الزيارات وحتى قضاء "المشاوير" .

أتفق معك في مسألة خروج الطفل في سن صغير وصقل شخصيه قويه من احداث الشارع .. ولكن " شوف عيني ".. شخصية الطفل المتعود على المجالس .. أقوى وأعقل وأركد وأرزن من الشارع ومخرجاته .. ودائما مايكون تفكيره وطريقة تعاطيه أكبر من "سنه" .. فيسهل التعامل معه بأسلوب الكبار في التوضيح وحتى النقاش وإيصال المراد.

الوضع تغير يا Zarr .. يمكن على ايامنا كانت الدعوه سهلات ونص يومنا في الشارع " وعشنا وشفنا ".. لكن الحين في عوامل كثيره أثرت وغيرت في سهولة التعاطي مع خروج الطفل بمفرده .. وذلك لايعني الكبت والحرمان .. ولكن "إعادة صياغه" لقضاء وقته الخاص وكما اقترحت في النوادي الرياضيه او المجالس او الزيارات .. إلخ .


وطبعا لكل مرحله عمريه مثل ماذكرت في رد اخر "خصوصيه ومتطلبات".

[Charisma]

عبارة طرت عالبال يوم شفت الموضوع :




من سوء التدبير:

الانجرار وراء التيار الارشادي المطلق

وإلغاء أمر المنع !

بل الصحيح:

أن يُجمع بين الإرشاد و المنع

مرحبا بالشيخ راجي ..


أتفق معك .. الأمر يحتاج إلى "ذكاء وفطنه" من ولي الأمر في التعامل مع ابنائه وترجمة "المنع والأرشاد" بأساليب تربويه يتقبلها الطفل.

[بوحارب]

انا بعد مستغرب من اليهال اللي يروحون السينما

تصدقين خالتي انا مادخلت السينما في حياتي الا مرتين فقط :(

الله يحفظ لج خوسيه واخوانه ;)

[راجي الْعفو]

مرحبا بالشيخ راجي ..


أتفق معك .. الأمر يحتاج إلى "ذكاء وفطنه" من ولي الأمر في التعامل مع ابنائه وترجمة "المنع والأرشاد" بأساليب تربويه يتقبلها الطفل.

البقا ياشيخ p

كلامك سليم يدّيك العافية

انا بعد مستغرب من اليهال اللي يروحون السينما

تصدقين خالتي انا مادخلت السينما في حياتي الا مرتين فقط :(

الله يحفظ لج خوسيه واخوانه ;)

تعجبني البساطه الفخمه !

[حسن]

لليحين ماخلص الفيلم مال خوسيه


:telephone:

[بومحمد المطاوعه]

اتمنى لو اقدر يا اخوي بومحمد.. باسلوب حسن او بشدة او بزعل.. ولكن
مالي الا اني افوض امري لله فهو قادر على كل شيء.. وان شاء الله ربنا يهدينا ويهديهم ..

ان شاءالله
الله يعطيج على قد نيتج ان شاءالله وتقدرين عليهم بأسلوب حسن
والله يحفظهم من الشر

[يمامـة]

عبارة طرت عالبال يوم شفت الموضوع :




من سوء التدبير:

الانجرار وراء التيار الارشادي المطلق

وإلغاء أمر المنع !

بل الصحيح:

أن يُجمع بين الإرشاد و المنع

في حالات كثيرة يا اخوي راجي المنع يصعب عليك.. وتحتاج لقوة جبارة لفرضها..

لذلك دايما اتذكر كلامك التساهل من البداية يجر خلفه تساهلات اكثر واكثر واكثر..

[يمامـة]

ان شاءالله
الله يعطيج على قد نيتج ان شاءالله وتقدرين عليهم بأسلوب حسن
والله يحفظهم من الشر

جميعا اللهم آمييين..

[يمامـة]

لليحين ماخلص الفيلم مال خوسيه


:telephone:

لاااء :weeping:

[يمامـة]

انا بعد مستغرب من اليهال اللي يروحون السينما

تصدقين خالتي انا مادخلت السينما في حياتي الا مرتين فقط :(

الله يحفظ لج خوسيه واخوانه ;)

ويحفظ لك الشيخ غانم واخوانه الكبار..

وانا دخلت مرة وحدة وحضرت فيلم آشا في الهند وللحين اتذكرها لم تغني
شيشا هي يا دلهي ( دلهي قلبها مب دلهي المدينة):weeping:

[يمامـة]

السلام عليكم ورحمة الله وبركاته،

أهلي ربوني على هالقانون ونفسه أطبقه الحين، وهو عدم خروج الأبناء بدون رفقة أحد الوالدين، نقطة آخر السطر.

القانون ماله استثناءات ويتم تطبيقه على الجميع، البنات والأولاد، والولد لين كبر هو مسؤول عن نفسه، والبنت تبقى مسؤولية أهلها إلى أن تتزوج.

وما في طلعات للسينما او الحفلات الغنائية، وطلعات في الليل بشكل عام ما في الا للضرورة.

نموذج نتمنى ان يكون نصيب لابناءنا فيه عند تربية عيالهم بعدما فاتنا القطار وعيالنا كبروا..
فاللي يتبع مثل هذا الاسلوب راح يجني الكثير من المشاكل و التوترات في التربية..

فتحية كبيرة لهذا الاسلوب ولج ولاسرتج يا لبيبة..

[يمامـة]

مشكلة المراهقين هي حرصهم على الذهاب لأصدقائهم أو مع أصدقائهم بأنفسهم...

أختي الفاضلة اليمامة هناك أشياء مرفوضة للمراهقين الكبار وبالتالي مرفوضة قطعا للمراهقين

الصغار ودائما مايحاجج الصغار ويدافع :anger1:عن المراهقين الكبار ليس رأفة بهم وإنما حرصا على

أنفسهم :secret:عند وصولهم لسنهم ....

مثل الذهاب للمجمعات و السينما و غيرها من الأمور ...

شـــكرا لكِ يَ اليمامة على الموضوع الذي يحتاج لجهاد وحكمة ....

العفو يا حنين.. هذي مشكلة بالفعل .. وخاصة لما الطفل من الاساس من ينرد له طلب
او يقدر يفرض رايه وطلبه.. والنتيجة وجود كل هالمراهقين بتجمعات متفرقة في المولات..

[يمامـة]

يمامة سلفيني خوسيه واروح معاه السينما هالي اسمع عنها ولا عمري دشيتها مدري شنو فيها وزهبي لنا الله لا يهينج ناتشوز و نفيش و بفك قطر

من الحوار تحليلي ذي اول مره لصديقي خوسيه يطلب من امه ابلة نظيره يروح سينما من جذي اشتغلتي على هالفقيروه تحقيق ولمبه صفرا رايحه جايه فوق راسه المسيكين

وواضح ان الولد فاهم امه عدل (طالع ذكي عليها) فاختلق سالفه ان الابو معاهم عشان ترضين <الولد دارسج عدل هاهاها

لما شاف حكرتي له قام قال لا الابو هون وهو هون وفضل يحوس في البيت منيه مناك واعليه

ليش شريره هاه
هو صح غلط الولد يروح لحاله مع عيال قده بس ماتخافين من انعكاس منعج له ع شخصيته ؟؟ ترا حلو الولد يكون له ربع يجتمع معاهم يطلع معاهم هالشي يبني شخصيته الاجتماعيه والاستقلاليه
لكن مافكرتي بحل اخر لتعويضه؟

مثلا اقترحتي عليه يعزمهم بالبيت وتختارين لهم فيلم ومنها تعرفين منو ربعه؟
احنا الحين بعصر دجتال وكل هالاولاد الي نشوفهم صغار تلقين من ورانا عندهم شبكة تواصل بهالبرامج سوالف والخ
نمنعهم من خوفنا عليهم لكن هل بعد نراقب وراهم شيسوون في النت ولا من يكلمون ويرافجون بالعالم الافتراضي الي يصعب التحكم فيه؟؟

الا خوسيه ما اقدر اسلفه.. بعدين هو ما يحب يطلع مع بنات:shy:

اقول لج شي وتصدقيني؟

ما عمري خفت على انعكاس اي قرار منع او شدة اتبعتها مع عيالي على شخصيتهم..
مؤمنة ان الطفل اللي يتربى على قوانين معينة غصب عنه بيحترم القوانين هذي..
والطفل اللي نربيه على استسهال كسر القوانين في البيت. هذا هو اللي بيأثر على شخصيتج ويشكلها..

للأمانة ما فكرت بفكرة اني اعوضه.. لأن خوسيه اصلا بشكل عام طفل علاقاته باقرانه في المدرسة محدوودة جدا
يعني اليوم ولييتي وسألتيه من هم ربعك في الصف؟ ما عنده طالب بذاته يقول هذا صديقي..

فمن جذيه فكرة انه يطلع السينما معاهم ما كانت الا مجاراة للضجة اللي مسوينها مع نهاية الاختبارات في الصف..

وصدقتي في نقطة عصر الدجتيل.. فخوسيه ممنوع يشبك اون لاين ويكلم ناس اغراب من السوني
واذا بيشبك الشبك يكون من غرفة المعيشة او القعدة ..

وحسابه في ستيم مربوط بايميلي واذا بيدخل يلعب اون لاين يدخل من دسك توب مثبت جدامنا كلنا..
ومع هذا فهو يلعب من كمبيوتري لأن العابي اكثر من العابه .. والقاه غالبا ما يناديني العب معاه او اعلمه
طرق اللعب.. او يطلب مني العب وياه.. وينبسط لو لقى له واحد مربوش يعلمه الغش وخاصة في لعبة portal.

فكلامي عن خوسيه يفيد اهمية تواجد الاهل بالقرب من ابناءهم عند الاتصال بالنت..
من شهر تقريبا اخوه بو 20 سنة مسك جواله ولقى مسج من جروب المجلس O.O
قال اي مجلس ذيه يا ماما؟ قلت له والله ما عندي علم في جواله لأنه هو بشكل عام مب من النوع اللي يكتب
في الجوال..
طلب باسوورده من اخته.. من دخل تم يضحك.. ان جروب المجلس ذيه كلهم بزارين وفيه عتب على خوسيه
ان ما يشاركهم.. وصف كل محادثاته وقراها.. وقال يا حليله خوسيه..

لكن هل هذا معناته نترك له الحبل على الغارب؟ ونترك كل شي مفتوح له؟

اهنيه يظهر يا ارسطو اهمية دور الاسرة والبيت في حياة هالاطفال..

[يمامـة]

الله يحفظ لك خوسيه ويبارك فيه وفي كل عيالك ..
أسلوبك جميل في الطرح أيتها الأم الفاضلة ..
بس فعلا غريبة اول مرة أدري ان كل خميس المراهقين والمراهقات يتجمعون في السينما لين الساعة 12 !!!
وبعد بدون مايكون حد كبير معهم من الأهل ! لأنها فعلا مصيبة ! وتحتاج لوقفة جادة من الأهل ! معقولة وصل الاستهتار لهالدرجة ؟!!

لكن المشكلة الأكبر وين يروحون؟ وين البديل؟ المراهقين طاقة نحتاج للاستفادة منها بشكل إيجابي فعال وإلا إن تركت على الغارب تحولت طاقتهم لاتجاه سلبي ..
الفراغ أكبر مصيبة يبتلي بها المجتمع ..
وكثيرا ما نتساءل عن دور المدارس على الأقل في الصيف؟ كل مدرسة يفترض أن تكون لها أنشطة خاصة طوال فترة الصيف ومو شرط المشرفين عليها
يكونون من المدرسة أنفسهم
لازم تفتح أبوابها في الفترة المسائية بأنشطة متنوعة تحتوي طلابها فكل مدرسة أدرى بحاجات المرحلة العمرية لطلابها ..

شكرا لك عزيزتي على لفت الانتباه ..

ويبارك في كل عيال المسلمين واللهم آمين يا بشاير..

فراغ الابناء مسؤولية اولياء الامور.. الولة موفرة الكثير من الاماكان المجانية وهناك مراكز برسوم..
لكن عيالنا ما يبون الا الراحة واللعب والتسلية فقط..

يعني ما يبون يستغلون الصيف في تطوير نفوسهم في تعلم لغة يديدة.. او خبرة يديدة
او عمل تطوعي.. لذلك طبيعي جدا تلقين الاطفال في المجمعات من غير هدف..

فعني اقول: اشغلوا العيال في دورات برضاهم او من غيره وراح تقتلون الفراغ من حياتهم
وراح يعتزون بنفوسهم وقدراتهم..

[يمامـة]

والله لو يسوون مسابقات بلي ستيشن وتنقل على التلفزيون والانترنت وتعليقات من الشباب نفسهم سوف تلقى رواجا منقطع النظير, ابني بدى كذا فكرة وأدارة مدرسته قررت يسووها السنة القادمة.

أما بالنسبة للسينما, وما أدراك ما السينما, ليس كل فلم فلم, ولاحظتها في قطر ودول الخليج انه ليس هناك منع للأطفال من مشاهدة أي فلم.

يا جماعة الخير, كل فلم من يطلع له تصنيف يحدد الأعمار المناسبة لمشاهدته, حسب المشاهد والعنف والتعابير والأيحاءات, والأفلام الموجودة كلها لها تقييم بعضها او أكثرها يستوجب عدم بيع التذاكر او السماح للأطفال بالدخول,
هذا هو المعنى لكل شفرة تقييم
https://www.loganmovie.com/img/ratings_large.jpg

G للكل
PG يحتاج واحد كبير مع الأطفال
PG-13 ضرورة وجود وحد كبير مع الأطفال
R مقيد للكبار فقط
NC-17 أفلام ذات مشاهد أباحية

أتمنى ان ارى صناديق بيع تذاكر السينمات يسألون عن البطاقة الشخصية لتأكيد عمر الشباب, وكذلك عند الدخول الى قاعة العرض

اتمنى مثلك.. فالطفل ممكن يدخل اي فيلم بصحبة الكبار دون منع..
فمن هو المسؤول في المنع في الدولة دام ان السينما ما عندها ما يمنع دخوله يا اخوي شيخ الديرة؟

[راجي الْعفو]

ام خوسيه

لعبة portal هذي شكلها خطيره !

[راجي الْعفو]

في حالات كثيرة يا اخوي راجي المنع يصعب عليك.. وتحتاج لقوة جبارة لفرضها..

لذلك دايما اتذكر كلامك التساهل من البداية يجر خلفه تساهلات اكثر واكثر واكثر..

فعلا يا ام خوسيه ..

الموضوع لازم يكون متاسس من البدايه ..

وانا طرا ع بالي هالكلام دون ان اقصدج او اقصد احد بعينه ..

فقط تذكرت حال حاكم البلاد و كيف انه لو اعتمد على مجرد النصح و الارشاد و لم يستخدم قوة المنع

لعاث الفساد في ارضه

فكذلك أرباب البيوت ..

والجامع بين الحاكم و رب البيت :

ان كل منهما يطلق عليه ولي

مع اختلاف الدرجة ..

بالتوفيج !

[يمامـة]

الــسـلام عليـكم ,’

مرحبآ اختي يمـامــة ،
الله يحفظ لج خوسيه واخوانه اليخاندرو و رودريغز :shy: والعائلة الكريمة كلها

انتي من الاعضاء اللي أحب ردودهم ، أحس ورا ردودج في قدر كبير من الثقافة والنضج الفكري وحسن التعبير
لذلك حاب اتناقش معاج في نقطة خروج الأبناء بمفردهم ..

وبتكلم عن الأبناء الذكور بشكل خاص ، اللي قدرت افهمه من موضوعج
انج ضد خروج الأبناء بروحهم لين الثانوية يعني تقريباً لين الولد يصير عمره 17 سنة !

صراحة بما اني شاب واشوف أصناف كثيرة من الشباب ،
لاحظت أن في فرق بين اللي كان يروح ويرد وهو صغير وبين اللي ماطلع إلا لين كبر

اللي تعود يطلع من سن صغير أحس فيه نضج أكثر ، ويقدر يتحمل المسؤولية بشكل أكبر
وشخصيته تكون أقوى

بينما النوع الثاني صراحة الولد يكون وايد " مسكين " ، وخجول حتى ف المطالبة بحقه
وعادي ينظلم ويتم ساكت ، وطبعاً النوع الأول يتمصخرون عليه ويستغلونه !
عاد خبرج الحين ماشين ع نظام إن لم تكن ذئباً أكلتك الذئاب ههههههه

واهتماماته أيضاً تكون طفولية نوعاً ما ، تخيلي شباب فوق 18 سنة مشتطين ويسولفون
اخر شي طلع موضوعهم عن الـ Anime !



تقدرين تقولين الشخصية القوية والصفات المشابهة لها ممكن تنزرع عند الولد من خلال البيت فقط
بتفق معاج جزئياً .. لكن صدقيني في أشياء كثير الولد بالذات لازم يتعلمها من الشارع ,,



* طبعاً ما أعمم ولكن هذا اللي تبين لي من اللي اشوفه


شكــرا ,’








وعليكم السلام ورحمة الله وبركاته
ويحفظ لك كل من يعز عليك اللهم آمين.. حبتك العافية والدياية الحافية:shy: وحبتك الملائكة يارب من بعد محبة رب العالمين لك اللهم امين..

ما اقدر اقول ان كلامك غلط بخصوص كل حرف كتبته عن شخصية الطفل لما يخرج للشارع بشكل عام
وما بين طفل ما طلع الا لما كبر.. نعم اللي يطلع بشكل عام شخصيته اقوى ويميل للقيادة بشكل كبير و يستحمل مثل البطل الصامت لما ينزف
او يحصل هواش..

ولكن خلنا نتفق على ان احنا عند التربية لا نبحث عن مثل هذه الشخصية في عيالنا يا اخوي الزار.. بمعنى من الخطأ ان اترك ابني في الشارع بحجة ان الشارع يربي.. فممكن احنا نربيه من غير ما نتركه يخرج للشارع ..

وعلشان نقدر نربيه ونزرع فيه الشخصية القوية ونننشط جينات القيادة ان كانت موجود ونحفزها ان كانت خاملة لابد ان نعترف ان شخصية كل طفل تختلف عن اخوه وان كانوا كلهم نتاج تربية وحدة.. ويكون للبيئة تأثير على صقل هالشخصية.. كما ان يكون لشخصية كل من الام والاب دور كبير على تكوين شخصية الابناء اذا كانوا قراب منهم..

فاليوم مع اني أكدت على صحة كلامك المذكور في مشاركتك لكني مستحيل انصحك تسمح لولدك انه يطلع الشارع من هو صغير.. لكني في المقابل راح انصحك ببدائل تصقل شخصيته وتعوضه عن الخروج للشوارع.. تسجل الطفل في دورات مختلفة رياضية او ثقافية او تعليمية السماح له بالمشاركة في الانشطة وتشجيعه على المشاركة وابداء الرأي .. تسجيله في دورات تنمية القدرات بمشاركة اطفال في عمره و مشرفين كبار.. تشجعه على المشاركة في انشطة المدرسة وحضور كل الفعاليات المدرسية المفتوحة او المغلقة.. تشجعه على الالقاء والخطابة و القراءة بصوت عالي في البيت والمدرسة..

بالنسبة لي عندي ثلاث صبيان الله يحفظهم اكبر من خوسيه بمراحل الله يحفظهم جميعا.. ولا واحد منهم قعد في البيت في اي اجازة صيفية مرت عليه..
مروا على مركز شباب الدوحة و على مركز ساس للرياضة وهم صغار في الابتدائية راحوا نادي الواحة تعلموا السباحة شاركوا في دورات وتسجلوا في تعلم لغة انجليزية و كمبيوتر .. راحوا معسكرات و بطولات من هم اعمارهم 7 سنين لين الثانوية فكانت تمر علي ايام الكل مختفي في البيت واكش ذبان .. لأنهم موزعين ما بين بطولات و معسكرات واكون انا و ابوهم بروحنا في البيت..
ابوي الله يحفظه جمعنا في بيته.. وعيال جيران بيت ابوي يلعبون الكورة مع عيالي في حوش بيت ابوي.. ما عرفوا لعب كورة في الشارع ابدا.. وممنوع يطلعون برع البيت الا باستئذان وان كانوا بيروحون الدكان. يروح المسجد بالوقت ويرد من نفسه بالوقت( تقول مبرمج يطلع من البيت للمسجد ومن المسجد للبيت)
ما عمري اتذكر اني عصبت على الاثنين الكبار ليش تأخرتوا هالكثر؟ فالحمدلله رب العالمين .. كانت كلمتنا تمشي في الوقت اللي ما اقدر انكر ان كنا نعاني من بعض المشاكل حالهم حال كل الشباب في اعمارهم لكن مب ذيك المشاكل اللي الواحد حس انه ما عرف يربي وانه يحتاج الى دعم خارجي لمساعدتهم و انتشالهم.. او وجودهم في الشارع عانى منه البيت و المدرسة و الجيران ولا اتذكر ان وصلتنا مشاكل من الجيران او من الناس حولنا.. فالحمدلله رب العالمين. ولا اشوف ان شخصيتهم ضعيفة والناس يسيرونهم حسب اهواءهم او تعرضوا للضرب وما قدروا ياخذون حقوقهم..
شاركوا في هوشات انضربوا واضربوا.. لكن هوشاتهم كانت مقننة جدا بسبب قلة خروجهم للشارع..

فاليوم لو بنصحك بقول لك اتبع نفس الاسلوب مع عيالك.. لا اتخلي الشارع يربي ولدك انت اللي ربه.. فاليوم كثيرين من خريجي تربية الشارع شخصيتهم قوية .. لكن يفتقدون لكلمة هذا شاب مهذب. شنهي فايدة تربية الشارع والطفل او الشاب يفقد الكثير من الادب والاخلاق؟

بينما الطفل اللي يكون بصحبة هله غالبا ما يتخوف من الاقتداء بمن هم قليلي الادب من حوله لأنه ما يقدر يطلع بروحه وينفس عن الخبرات اللي اكتسبها منهم.. وحسب ما تنمي انت شخصية ولدك راح تجني ثمار تربيتك.. فالطفل اللي بتوفر له كل ما ذكرته فوق و تمنعه من انه يعبر عن رايه او انك ما تاخذ برايه و تسوي له كل شي .. اكيد هالطفل راح يكون انهزامي و اتكالي وان كان تربية شوارع ( عذرا على كلمة تربية شوارع.. فالمقصد هنا ان الشارع صقله وخلاه ذات شخصية قوية)..

واليوم خوسيه حاله من حال اخوانه مع انه ما يحب يبرز قدراته وانسان منسحب واحاول وياه انه يبرز نفسه ويثبتها لكن طبيعة شخصيتة لاعبة دور كبير جدا في النقطة هذي للعلم انه هذار وكثير الاسئلة.. فهل ممكن اسمح له يطلع في الشارع.. اقول لك مستحيل اسمح له يتحرك عند الباب قبل ما ايي ياخذ الاذن مني اوفق له او ما اوافق له.. ومن دورة لدورة والانطباع العام عنه في نهاية اي دورة تختلف عن الانطباع العام عنه في بداية الدورة.. فسكوته يوحي لهم انه ما يفهم شي.. لكن لما يشتغل او يحاول يبدي رايه الصورة تتغير عنه نهائيا فالله الحمد..

و وااايد اتعرض للنقد في بيت ابوي.. وخاصة من احد اخواني اللي يقول لي خليه يطلع تراه كبر.. قلت له حاله من حال اخوانه.. ما بيخسر شي لو ياني قال لي: ماما لو سمحتي بروح بيت خالي. ... مب يطلع من الباب من غير ما يعطيني خبر.... للعلم بيت خاله لازق في بيت يده .... سياستي تختلف عن سياسة اخواني و خواتي كلهم يا اخوي الزار.. اخوان خوسيه اللي في عمره من عيال اخواني.. يقولون له تعال بنروح الدكان يقول لهم بروح اقول حق امي وبرجع.. واييني ماما لو سمحتي بروح الدكان مع فلان او فلان.. اقول له روح .. مرات من نفسي اطرشه روح الدكان وييب لي هالشي.. لكن مستحيل اخليه يروح الدكان مع مجموعة ادري ان لهم تصرفات الكل يشتكي منهم....
ارافقه في اي مشوار يبي يروح له.. سمحت له مرة يروح سبيد مارين مع الدريول رجع لي يتكلم عن شباب شافهم هناك وتناقش معاهم عن سيارته ال (ريد كات) و... و...... في المرة الثانية لما احتاج يروح قلت حق ابوه يا اتروح وياه او اروح وياه واقعد في السيارة واشوفه بعيوني .. لأن غلط يروح بروحه ويكلم اي حد واحتمال يتواصلون معاه بطرق متعددة.. وبالفعل في كل مرة احتاج فيها يروح هالمحل.. كنت اروح معاه واتم قاعدة في السيارة لأني من نفسي ما ابي انزل هالمكان لأنه خاص في الشباب..

قد يعتبر البعض ان حرصي على خوسيه فيها مبالغة وهو نفس الحرص اللي كان مع اخوانه.. الا و بكل بساطة احب اقول اني ما خسرت شي من منعي لهم من خروجهم بداع ومن غير داع من البيت.. بينما اشوف نماذج تعاني اليوم والسبب هو السماح للعيالهم
للخروج للشارع بكثرة ولو كان بداع.. ويرفعون رايات الاستسلام مع عيالهم ..واعذرني على الاطالة يا اخوي الزار..

[يمامـة]

فعلا يا ام خوسيه ..

الموضوع لازم يكون متاسس من البدايه ..

وانا طرا ع بالي هالكلام دون ان اقصدج او اقصد احد بعينه ..

فقط تذكرت حال حاكم البلاد و كيف انه لو اعتمد على مجرد النصح و الارشاد و لم يستخدم قوة المنع

لعاث الفساد في ارضه

فكذلك أرباب البيوت ..

والجامع بين الحاكم و رب البيت :

ان كل منهما يطلق عليه ولي

مع اختلاف الدرجة ..

بالتوفيج !

للامانة ما حسيتك انك تقصدني او تقصد حد بعينه.. ولكني لقيت ان المشاركة نقطة اعاني منها اليوم
فما اقدر امنع اليوم رغم قوة كلمتي عليهم.. وابي المنع يكون نابع منهم هم.. فشنهي الفايدة المنع يتنفذ جدامي
لكن لو ما كنت موجودة كل شي يرد مثل ما كان..

والله يوفج الجميع.

[يمامـة]

ام خوسيه

لعبة portal هذي شكلها خطيره !

ابدا يا اخوي راجي لعب ة تحتاج الى تفكير لفتح واختراق المراحل..

[راجي الْعفو]

للامانة ما حسيتك انك تقصدني او تقصد حد بعينه.. ولكني لقيت ان المشاركة نقطة اعاني منها اليوم
فما اقدر امنع اليوم رغم قوة كلمتي عليهم.. وابي المنع يكون نابع منهم هم.. فشنهي الفايدة المنع يتنفذ جدامي
لكن لو ما كنت موجودة كل شي يرد مثل ما كان..

والله يوفج الجميع.

امين

واشكرج ع حسن ظنج ، وانا نبهت حتى لا يقع في قلب احد شي من هذا القبيل

من باب دفع الشبهة

ام خوسيه ، التفريط حاصل مهما حرصنا ..

ولكن نحن نسعى جاهدين قدر الامكان ..

وتدبري في حال الحاكم مع رعيته

وقيسي حال رب البيت عليه ..

بتنفتح لج ابوب كثيره ..

موفقه..

[راجي الْعفو]

ابدا يا اخوي راجي لعب ة تحتاج الى تفكير لفتح واختراق المراحل..

كان مجرد تعليق عابر يا ام خوسيه ..

سمعت منذ فترة بعيدة ان بعض الناس يستخدمون الالعاب الالكترونية وسيلة معينة في تنفيذ مشاريعهم و خططهم ..

[يمامـة]

امين

واشكرج ع حسن ظنج ، وانا نبهت حتى لا يقع في قلب احد شي من هذا القبيل

من باب دفع الشبهة

ام خوسيه ، التفريط حاصل مهما حرصنا ..

ولكن نحن نسعى جاهدين قدر الامكان ..

وتدبري في حال الحاكم مع رعيته

وقيسي حال رب البيت عليه ..

بتنفتح لج ابوب كثيره ..

موفقه..

جميعا اللهم آمين وصدقت في كل ما ذكرته..

[يمامـة]

كان مجرد تعليق عابر يا ام خوسيه ..

سمعت منذ فترة بعيدة ان بعض الناس يستخدمون الالعاب الالكترونية وسيلة معينة في تنفيذ مشاريعهم و خططهم ..

نعم يا اخوي راجي.. خلنا ناخذ على سبيل المثال.. لعبة اسمها ( g.........) لعبة رفعت هيلاري كيلنتون قضية
ضد الشركة المنتجة لها بسبب انها تباع لكل الاعمار في امريكا.. وهي ما تبيها تباع لما دون 18 سنة لأنها لعبة يمكن من خلالها
الوصول الى ممارسات لا اخلاقية عبر الحصول على ترقيات او كودات او شفرات او كلمات سرية( مب متذكرة بالضبط)

للعلم اللعبة هذي تباع في قطر لكل طفل يقدر يمشي ومحد يمنعه من انه يشتريها ولا فيها ضوابط.. في الوقت
اللي كثيرين من الاطفال يشبكون اون لاين من غير حسيب ورقيب ويتواصلون مع هالاطفال وممكن يشرحون لهم اشلون
يفتحون هالاشياء في اللعبة..

وعن طريق الالعاب الالكترونية لو كانت تلعب ( اون لاين) يا اخوي راجي العفو.. يتم استدراج الاطفال من قبل
صائدي الاطفال لتكوين علاقات شاذة معهم بالكلام او الصوت او الصورة..

وعن طريق الالعاب هذي وان لم يكن مع الاطفال من يرشدهم.. مممكن جدا الواحد يلقى ولده يتكلم عن ربه
في اللعبة المعينة لأن هاللعبة تصور الرب بصورة معينة وتسوغ للصورة هذي من خلال مراحل اللعبة..

وعن طريق هذه اللعبة يشجع كثيرين من عيالنا على قتل المسلمين بكل دم بارد في اللعبة..
فلعبة كول اوف ديوتي.. ممكن نلعب ضد بعض جيش عربي وجيش امريكي ونذبح بعض فيها..
واذا انخش احدهم في مسجد مافيها شي اقط القنبلة عليه افجره هو والمسجد..

امور كثيرة جدا قد نتعب واحنا نذكرها. لكن هل هناك من يهتم في مرافقة ابناءه عند اللعب؟

[راجي الْعفو]

نعم يا اخوي راجي.. خلنا ناخذ على سبيل المثال.. ) لعبة رفعت عليها قضية
ضد الشركة المنتجة لها بسبب انها تباع لكل الاعمار في امريكا.. وهي ما تبيها تباع لما دون 18 سنة لأنها لعبة يمكن من خلالها
الوصول الى ممارسات لا اخلاقية عبر الحصول على ترقيات او كودات او شفرات او كلمات سرية( مب متذكرة بالضبط)

للعلم اللعبة هذي تباع في قطر لكل طفل يقدر يمشي ومحد يمنعه من انه يشتريها ولا فيها ضوابط.. في الوقت
اللي كثيرين من الاطفال يشبكون اون لاين من غير حسيب ورقيب ويتواصلون مع هالاطفال وممكن يشرحون لهم اشلون
يفتحون هالاشياء في اللعبة..

وعن طريق الالعاب الالكترونية لو كانت تلعب ( اون لاين) يا اخوي راجي العفو.. يتم استدراج الاطفال من قبل
صائدي الاطفال لتكوين علاقات شاذة معهم بالكلام او الصوت او الصورة..

وعن طريق الالعاب هذي وان لم يكن مع الاطفال من يرشدهم.. مممكن جدا الواحد يلقى ولده يتكلم عن ربه
في اللعبة المعينة لأن هاللعبة تصور الرب بصورة معينة وتسوغ للصورة هذي من خلال مراحل اللعبة..

وعن طريق هذه اللعبة يشجع كثيرين من عيالنا على قتل المسلمين بكل دم بارد في اللعبة..
فلعبة كول اوف ديوتي.. ممكن نلعب ضد بعض جيش عربي وجيش امريكي ونذبح بعض فيها..
واذا انخش احدهم في مسجد مافيها شي اقط القنبلة عليه افجره هو والمسجد..

امور كثيرة جدا قد نتعب واحنا نذكرها. لكن هل هناك من يهتم في مرافقة ابناءه عند اللعب؟

اتفق معاج في كل ما ذكرتيه ..

وفعلا التربية في هذا الزمن كحتاجه كلمه واحده بكل ما تحملها من معاني :

( تضحية )

ولو تكرمتي يا ام خوسيه انج تحذفين اسامي الالعاب حتى لا نروج لها و ندل اللي يجهلها عليها

مشكوره

[يمامـة]

حذفت اسم اللعبة الاولى.. اما الثانية.. كانوا العالم مدمنين عليها خلال الثلاث السنوات الاخيرة..
وكل اللي لعبوها يا اخوي راجي يعرفون كل هالامور حتى لو اخفينا اسم اللعبة.. لأن اللعبة هذه نجبرك
انك تدافع عن نفس وتهاجم بكل الطرق..

بس لو ما عليك امر.. احذف اللعبة من الاقتباس في مشاركتك( اللعبة اللي مكتوب اسمها باللغة الاجنبية)

[راجي الْعفو]

حذفت اسم اللعبة الاولى.. اما الثانية.. كانوا العالم مدمنين عليها خلال الثلاث السنوات الاخيرة..
وكل اللي لعبوها يا اخوي راجي يعرفون كل هالامور حتى لو اخفينا اسم اللعبة.. لأن اللعبة هذه نجبرك
انك تدافع عن نفس وتهاجم بكل الطرق..

بس لو ما عليك امر.. احذف اللعبة من الاقتباس في مشاركتك( اللعبة اللي مكتوب اسمها باللغة الاجنبية)

بيض الله ويهج

ان شاءالله

[يمامـة]

بيض الله ويهج

ان شاءالله

جميعا اللهم آمين..

[Zarr]

وعليكم السلام ورحمة الله وبركاته
ويحفظ لك كل من يعز عليك اللهم آمين.. حبتك العافية والدياية الحافية:shy: وحبتك الملائكة يارب من بعد محبة رب العالمين لك اللهم امين..


آميــن يارب .. وشكراً على دعوة الدياية الحافية ههههههه حبيتها :shy:


ما اقدر اقول ان كلامك غلط بخصوص كل حرف كتبته عن شخصية الطفل لما يخرج للشارع بشكل عام
وما بين طفل ما طلع الا لما كبر.. نعم اللي يطلع بشكل عام شخصيته اقوى ويميل للقيادة بشكل كبير و يستحمل مثل البطل الصامت لما ينزف
او يحصل هواش..

ولكن خلنا نتفق على ان احنا عند التربية لا نبحث عن مثل هذه الشخصية في عيالنا يا اخوي الزار.. بمعنى من الخطأ ان اترك ابني في الشارع بحجة ان الشارع يربي.. فممكن احنا نربيه من غير ما نتركه يخرج للشارع ..

وعلشان نقدر نربيه ونزرع فيه الشخصية القوية ونننشط جينات القيادة ان كانت موجود ونحفزها ان كانت خاملة لابد ان نعترف ان شخصية كل طفل تختلف عن اخوه وان كانوا كلهم نتاج تربية وحدة.. ويكون للبيئة تأثير على صقل هالشخصية.. كما ان يكون لشخصية كل من الام والاب دور كبير على تكوين شخصية الابناء اذا كانوا قراب منهم..

فاليوم مع اني أكدت على صحة كلامك المذكور في مشاركتك لكني مستحيل انصحك تسمح لولدك انه يطلع الشارع من هو صغير.. لكني في المقابل راح انصحك ببدائل تصقل شخصيته وتعوضه عن الخروج للشوارع.. تسجل الطفل في دورات مختلفة رياضية او ثقافية او تعليمية السماح له بالمشاركة في الانشطة وتشجيعه على المشاركة وابداء الرأي .. تسجيله في دورات تنمية القدرات بمشاركة اطفال في عمره و مشرفين كبار.. تشجعه على المشاركة في انشطة المدرسة وحضور كل الفعاليات المدرسية المفتوحة او المغلقة.. تشجعه على الالقاء والخطابة و القراءة بصوت عالي في البيت والمدرسة..

بالنسبة لي عندي ثلاث صبيان الله يحفظهم اكبر من خوسيه بمراحل الله يحفظهم جميعا.. ولا واحد منهم قعد في البيت في اي اجازة صيفية مرت عليه..
مروا على مركز شباب الدوحة و على مركز ساس للرياضة وهم صغار في الابتدائية راحوا نادي الواحة تعلموا السباحة شاركوا في دورات وتسجلوا في تعلم لغة انجليزية و كمبيوتر .. راحوا معسكرات و بطولات من هم اعمارهم 7 سنين لين الثانوية فكانت تمر علي ايام الكل مختفي في البيت واكش ذبان .. لأنهم موزعين ما بين بطولات و معسكرات واكون انا و ابوهم بروحنا في البيت..
ابوي الله يحفظه جمعنا في بيته.. وعيال جيران بيت ابوي يلعبون الكورة مع عيالي في حوش بيت ابوي.. ما عرفوا لعب كورة في الشارع ابدا.. وممنوع يطلعون برع البيت الا باستئذان وان كانوا بيروحون الدكان. يروح المسجد بالوقت ويرد من نفسه بالوقت( تقول مبرمج يطلع من البيت للمسجد ومن المسجد للبيت)
ما عمري اتذكر اني عصبت على الاثنين الكبار ليش تأخرتوا هالكثر؟ فالحمدلله رب العالمين .. كانت كلمتنا تمشي في الوقت اللي ما اقدر انكر ان كنا نعاني من بعض المشاكل حالهم حال كل الشباب في اعمارهم لكن مب ذيك المشاكل اللي الواحد حس انه ما عرف يربي وانه يحتاج الى دعم خارجي لمساعدتهم و انتشالهم.. او وجودهم في الشارع عانى منه البيت و المدرسة و الجيران ولا اتذكر ان وصلتنا مشاكل من الجيران او من الناس حولنا.. فالحمدلله رب العالمين. ولا اشوف ان شخصيتهم ضعيفة والناس يسيرونهم حسب اهواءهم او تعرضوا للضرب وما قدروا ياخذون حقوقهم..
شاركوا في هوشات انضربوا واضربوا.. لكن هوشاتهم كانت مقننة جدا بسبب قلة خروجهم للشارع..

فاليوم لو بنصحك بقول لك اتبع نفس الاسلوب مع عيالك.. لا اتخلي الشارع يربي ولدك انت اللي ربه.. فاليوم كثيرين من خريجي تربية الشارع شخصيتهم قوية .. لكن يفتقدون لكلمة هذا شاب مهذب. شنهي فايدة تربية الشارع والطفل او الشاب يفقد الكثير من الادب والاخلاق؟

بينما الطفل اللي يكون بصحبة هله غالبا ما يتخوف من الاقتداء بمن هم قليلي الادب من حوله لأنه ما يقدر يطلع بروحه وينفس عن الخبرات اللي اكتسبها منهم.. وحسب ما تنمي انت شخصية ولدك راح تجني ثمار تربيتك.. فالطفل اللي بتوفر له كل ما ذكرته فوق و تمنعه من انه يعبر عن رايه او انك ما تاخذ برايه و تسوي له كل شي .. اكيد هالطفل راح يكون انهزامي و اتكالي وان كان تربية شوارع ( عذرا على كلمة تربية شوارع.. فالمقصد هنا ان الشارع صقله وخلاه ذات شخصية قوية)..

واليوم خوسيه حاله من حال اخوانه مع انه ما يحب يبرز قدراته وانسان منسحب واحاول وياه انه يبرز نفسه ويثبتها لكن طبيعة شخصيتة لاعبة دور كبير جدا في النقطة هذي للعلم انه هذار وكثير الاسئلة.. فهل ممكن اسمح له يطلع في الشارع.. اقول لك مستحيل اسمح له يتحرك عند الباب قبل ما ايي ياخذ الاذن مني اوفق له او ما اوافق له.. ومن دورة لدورة والانطباع العام عنه في نهاية اي دورة تختلف عن الانطباع العام عنه في بداية الدورة.. فسكوته يوحي لهم انه ما يفهم شي.. لكن لما يشتغل او يحاول يبدي رايه الصورة تتغير عنه نهائيا فالله الحمد..

و وااايد اتعرض للنقد في بيت ابوي.. وخاصة من احد اخواني اللي يقول لي خليه يطلع تراه كبر.. قلت له حاله من حال اخوانه.. ما بيخسر شي لو ياني قال لي: ماما لو سمحتي بروح بيت خالي. ... مب يطلع من الباب من غير ما يعطيني خبر.... للعلم بيت خاله لازق في بيت يده .... سياستي تختلف عن سياسة اخواني و خواتي كلهم يا اخوي الزار.. اخوان خوسيه اللي في عمره من عيال اخواني.. يقولون له تعال بنروح الدكان يقول لهم بروح اقول حق امي وبرجع.. واييني ماما لو سمحتي بروح الدكان مع فلان او فلان.. اقول له روح .. مرات من نفسي اطرشه روح الدكان وييب لي هالشي.. لكن مستحيل اخليه يروح الدكان مع مجموعة ادري ان لهم تصرفات الكل يشتكي منهم....
ارافقه في اي مشوار يبي يروح له.. سمحت له مرة يروح سبيد مارين مع الدريول رجع لي يتكلم عن شباب شافهم هناك وتناقش معاهم عن سيارته ال (ريد كات) و... و...... في المرة الثانية لما احتاج يروح قلت حق ابوه يا اتروح وياه او اروح وياه واقعد في السيارة واشوفه بعيوني .. لأن غلط يروح بروحه ويكلم اي حد واحتمال يتواصلون معاه بطرق متعددة.. وبالفعل في كل مرة احتاج فيها يروح هالمحل.. كنت اروح معاه واتم قاعدة في السيارة لأني من نفسي ما ابي انزل هالمكان لأنه خاص في الشباب..

قد يعتبر البعض ان حرصي على خوسيه فيها مبالغة وهو نفس الحرص اللي كان مع اخوانه.. الا و بكل بساطة احب اقول اني ما خسرت شي من منعي لهم من خروجهم بداع ومن غير داع من البيت.. بينما اشوف نماذج تعاني اليوم والسبب هو السماح للعيالهم
للخروج للشارع بكثرة ولو كان بداع.. ويرفعون رايات الاستسلام مع عيالهم ..واعذرني على الاطالة يا اخوي الزار..



أولاً اختي اليمامة ما اختلف معاج أن البيت ممكن يصقل شخصية الولـد
وذكرت هذا الشي في ردي السابق ، لكن مثل ما قلت في اشياء ما تقدرين تعلمينه اياها في البيت

انتي ذكرتي عيالج الله يخليهم ويحفظهم كمثال ممتاز ، وصراحة ما استغرب هالشي دام انتي امهم
يمكن حتى بدون قصد منج قدرتي توازنين بين الحرمان والإقناع في نفس الوقت ..
لكن صراحة الغالب * من أمثلة اشوفها حولي * الأهل بس يركزون على الحرمان بدون اقناع
لذلك لما يكبر الولد ويآخذ شي من الإستقلال تبدا المشاكل تظهر

وحقيقة تذكرت سالفة واحد لو اقول اسمه وقصته الكل بيعرفه ،
هالولد نهايته كانت مأساوية ، مع إن تربيته " ظاهرياً " تعتبر تبية ممتازة !
صلاة وعبادة وحفظ قرآن ، والله الولد كان من يسمع الآذان ينسى كل شي وكل همه متى يوصل المسجد ..
لكن لين صار يطلع شوي وتحرر من القيود اللي كانت مفروضه عليه ،، انحرف بشكل كبير
لان التزامه الأولي انفرض عليه ولم يكن نتيجة اقتناع منه .

النقطة الثانية ، انا بعد ما اقول خلو الشارع يربي عيالكم
بالعكس لازم التربية تكون من البيت ، والشارع يساعد فقط في الأشيا اللي صعب يتعلمها ف البيت ..

الحين الطفل الصغير أهله في البيت يعلمونه الصلاة والصيام ، لكن ممكن انهم يجدون حرج يعلمونه الأغتسال
ويشرحونه له ، أو التكاثر مثلاً ،، لذلك نشوف هالاشياء تعتبر أساسية في المناهج الدراسية ..
يعني الام تربي ولدها في البيت وتعلمه الصح والغلط ، والمدرسة تكون مساعدة وتعلمه الأشياء اللي ممكن
تسبب إحراج للأم ، أو ما تقدر توصلها بطريقة صحيحة ،

كذلك الأمر بالنسبة للشارع ، ممكن الولد يتعلم في البيت شلون ما يسكت عن حقه
لكن بيكون تعليم نظري بدون تجربه ، أو يمكن بعد ما يكون تعليم فعال
دور الشارع يتمثل في أنه تجربة واقعية بتصقل شخصيته أكثر وأكثر

اكيد لاحظتي انه فيه اطفال إذا كان ابوه موجود يركض ويلعب على راحته وشخصيته قوية وما يسكت عن حقه
لكن إذا كان بروحه يكون خجول ويتم قاعد ف مكانه وتحسين شخصيته ضعيفه نوعاً ما !
يعني هذا شخصيته تكون قوية بس في محيط البيت ، وخارج البيت يكون العكس ..
هني دور الشارع يعطيه تعليم عملي على الأشياء اللي تعلمها في البيت ..


أدري اني هذرت وايد بس بذكر نقطه أخيره :
اللي تعتبرينه انت كـ أم ويكون في نظرج شخصية مثالية ..
في الشارع يمكن يعتبر العكس ،، بالذات في وسط الشباب !!


يعني مثلا أم عندها ولد تشوفه مؤدب وشخصية مسالمة ومب مال مشاكل ,,
لكن في المدرسة يعتبرونه " مصخرة "
ما انكر يمكن تكون نظرة الأم هي الصح ، لكن الولد اكيد بيعاني لأن معاير الشخصية القوية في الشارع تختلف عن البيت
الولد لين يشوف هذا يتمصخر عليه وهذا يستقوي عليه ،
بيحس ان كل الكلام اللي سمعه في البيت مثل لا تسكت عن حقك ... الخ ، ما استفاد منه
لانه ما طلع الشارع واخذ تجربة عمليه انه شلون يطبق هالكلام ..


والنماذج اللي تشوفينها تعاني / في وجهة نظري المعانة لم تتكون بسبب الشارع في حد ذاته
لكن يمكن عيالهم ما كانو جاهزين كفاية اصلا عشان يطلعون الشارع
لذلك انا قلت يجب أن يكون الولد جاهز بدرجة كافية قبل لا نسمح له بالخروج إلى الشارع

خلاصة كلامي ، لأ تحرمون الأبناء من الشارع ، ولا تخلوهم 24 ساعة في الشارع
ربوهم فـ البيت ، والشارع يكون مكمل ومساعد فقط !


يعطيج العافية يمامــة ،، وأعذريني ع الإطالة والتأخير في الرد
استمعت بالنقاش صراحة

شكــراً ,’

[Zarr]

مراحب اخوي Zarr ..وتسمح لي اتداخل معاك .. مع استغلال الفرصه لابداء "الأعجاب" في صياغتك للردود وتحليلك "الدقيق والمميز" في غالبية مشاركاتك .



هلا بالشيخ Pilot ,’

اشكرك على الإطراء وما عليك زود .. تراك انت الفرع الرئيسي :shy:




ردك فيه واقعيه فعلا ولكن هذا فيما يخص " الانطواء " وتقييد الطفل بشكل مبالغ .. وهذا أمر بلا شك فيه من الخطوره على شخصيته .. نحتاج إلى "برمجه" جديده في تغيير قناعات الأطفال "حاليا" .. في أن المتعه والـ "وناسه" غير منحصره فقط في المجمعات والتجمعات الشلليه فيها .. بالإمكان ترغيبه في النوادي الرياضيه وممارسة هوايه يميل إليها .. ولاننسى دور المجالس واصطحاب ولي الأمر لابنائه او الأم لبناتها في الزيارات وحتى قضاء "المشاوير" .

أتفق معك في مسألة خروج الطفل في سن صغير وصقل شخصيه قويه من احداث الشارع .. ولكن " شوف عيني ".. شخصية الطفل المتعود على المجالس .. أقوى وأعقل وأركد وأرزن من الشارع ومخرجاته .. ودائما مايكون تفكيره وطريقة تعاطيه أكبر من "سنه" .. فيسهل التعامل معه بأسلوب الكبار في التوضيح وحتى النقاش وإيصال المراد.

الوضع تغير يا Zarr .. يمكن على ايامنا كانت الدعوه سهلات ونص يومنا في الشارع " وعشنا وشفنا ".. لكن الحين في عوامل كثيره أثرت وغيرت في سهولة التعاطي مع خروج الطفل بمفرده .. وذلك لايعني الكبت والحرمان .. ولكن "إعادة صياغه" لقضاء وقته الخاص وكما اقترحت في النوادي الرياضيه او المجالس او الزيارات .. إلخ .


وطبعا لكل مرحله عمريه مثل ماذكرت في رد اخر "خصوصيه ومتطلبات".




الجميل في ردك ، أنك تحاول تجد أشياء اخرى تقوم بنفس وظيفة الشارع
المجلس مثلاً بيكون ممتاز في تقوية الشخصية ،، وكذلك الأنشطة الرياضية مثل ما تفضلت .

لكن في نقطتين بس :

الأولى : ذكرتها في ردي السابق على " يمامة " ، أن معايير الأهل تختلف عن معايير الشارع
فالشخصية اللي تعتبر مثالية من وجهة نظر الأهل ، يمكن تعتبر العكس بالنسبة للشارع ..

النقطة الثانية : في بعض الأطفال والمراهقين يتقبل ويحب المجالس والأنشطة الرياضية ،
فتساعد في صقل شخصيته ،،
لكن في نوع ماعنده ميول لهذه الأمور ، لذلك حتى لو تميت توديه كل يوم معاك المجلس
بيعتبره نوع من الحرمان ، وبنرجع للمشكلة الأولى ، الحرمان بدون اقتناع ! ومايترتب عليه من مشاكل !


السموحة منك على التأخر في الرد اخوي Pilot

شكـراً ..

[يمامـة]

آميــن يارب .. وشكراً على دعوة الدياية الحافية ههههههه حبيتها :shy:


أولاً اختي اليمامة ما اختلف معاج أن البيت ممكن يصقل شخصية الولـد
وذكرت هذا الشي في ردي السابق ، لكن مثل ما قلت في اشياء ما تقدرين تعلمينه اياها في البيت

انتي ذكرتي عيالج الله يخليهم ويحفظهم كمثال ممتاز ، وصراحة ما استغرب هالشي دام انتي امهم
يمكن حتى بدون قصد منج قدرتي توازنين بين الحرمان والإقناع في نفس الوقت ..
لكن صراحة الغالب * من أمثلة اشوفها حولي * الأهل بس يركزون على الحرمان بدون اقناع
لذلك لما يكبر الولد ويآخذ شي من الإستقلال تبدا المشاكل تظهر

وحقيقة تذكرت سالفة واحد لو اقول اسمه وقصته الكل بيعرفه ،
هالولد نهايته كانت مأساوية ، مع إن تربيته " ظاهرياً " تعتبر تبية ممتازة !
صلاة وعبادة وحفظ قرآن ، والله الولد كان من يسمع الآذان ينسى كل شي وكل همه متى يوصل المسجد ..
لكن لين صار يطلع شوي وتحرر من القيود اللي كانت مفروضه عليه ،، انحرف بشكل كبير
لان التزامه الأولي انفرض عليه ولم يكن نتيجة اقتناع منه .

النقطة الثانية ، انا بعد ما اقول خلو الشارع يربي عيالكم
بالعكس لازم التربية تكون من البيت ، والشارع يساعد فقط في الأشيا اللي صعب يتعلمها ف البيت ..

الحين الطفل الصغير أهله في البيت يعلمونه الصلاة والصيام ، لكن ممكن انهم يجدون حرج يعلمونه الأغتسال
ويشرحونه له ، أو التكاثر مثلاً ،، لذلك نشوف هالاشياء تعتبر أساسية في المناهج الدراسية ..
يعني الام تربي ولدها في البيت وتعلمه الصح والغلط ، والمدرسة تكون مساعدة وتعلمه الأشياء اللي ممكن
تسبب إحراج للأم ، أو ما تقدر توصلها بطريقة صحيحة ،

كذلك الأمر بالنسبة للشارع ، ممكن الولد يتعلم في البيت شلون ما يسكت عن حقه
لكن بيكون تعليم نظري بدون تجربه ، أو يمكن بعد ما يكون تعليم فعال
دور الشارع يتمثل في أنه تجربة واقعية بتصقل شخصيته أكثر وأكثر

اكيد لاحظتي انه فيه اطفال إذا كان ابوه موجود يركض ويلعب على راحته وشخصيته قوية وما يسكت عن حقه
لكن إذا كان بروحه يكون خجول ويتم قاعد ف مكانه وتحسين شخصيته ضعيفه نوعاً ما !
يعني هذا شخصيته تكون قوية بس في محيط البيت ، وخارج البيت يكون العكس ..
هني دور الشارع يعطيه تعليم عملي على الأشياء اللي تعلمها في البيت ..


أدري اني هذرت وايد بس بذكر نقطه أخيره :
اللي تعتبرينه انت كـ أم ويكون في نظرج شخصية مثالية ..
في الشارع يمكن يعتبر العكس ،، بالذات في وسط الشباب !!


يعني مثلا أم عندها ولد تشوفه مؤدب وشخصية مسالمة ومب مال مشاكل ,,
لكن في المدرسة يعتبرونه " مصخرة "
ما انكر يمكن تكون نظرة الأم هي الصح ، لكن الولد اكيد بيعاني لأن معاير الشخصية القوية في الشارع تختلف عن البيت
الولد لين يشوف هذا يتمصخر عليه وهذا يستقوي عليه ،
بيحس ان كل الكلام اللي سمعه في البيت مثل لا تسكت عن حقك ... الخ ، ما استفاد منه
لانه ما طلع الشارع واخذ تجربة عمليه انه شلون يطبق هالكلام ..[/COLOR][/CENTER]


والنماذج اللي تشوفينها تعاني / في وجهة نظري المعانة لم تتكون بسبب الشارع في حد ذاته
لكن يمكن عيالهم ما كانو جاهزين كفاية اصلا عشان يطلعون الشارع
لذلك انا قلت يجب أن يكون الولد جاهز بدرجة كافية قبل لا نسمح له بالخروج إلى الشارع

خلاصة كلامي ، لأ تحرمون الأبناء من الشارع ، ولا تخلوهم 24 ساعة في الشارع
ربوهم فـ البيت ، والشارع يكون مكمل ومساعد فقط !


يعطيج العافية يمامــة ،، وأعذريني ع الإطالة والتأخير في الرد
استمعت بالنقاش صراحة

شكــراً ,’

العفو .. ومبارك عليك الشهر يا الزار.. معذور وخذ راحتك حتى لو خلصت كل صفحات المنتدى..

والحين خلني استئذنك علشان نتفق على نقطة مهمة في العملية التربوية..
لازم نعترف بأن ليست هناك تربية مثالية .. ولابد ان تنتج من التربية اخطاء تؤثر على شخصية الفرد
او نوع شخصيته قد ما تتقبل طريقة التربية وبالتالي لذلك ما نقدر نقول ان عيالنا مثاليين.. فالمثالية في التربية
ضرب من ضروب الخيال..

بينما في الوقت نفسه أحنا اشلون نحكم على الاطفال انهم مربين .. مع الاعتراف ببعض تصرفاتهم الطفولية؟

فكلامك بمجمله بالنسبة لي مب مرفوض.. لكني في الوقت نفسه مستحيل اترك الشارع يربي لي ولدي ويكون له شخصيته..

فمسؤليتنا تجاه اطفالنا تحتم علينا ان نكون خلف تربيتهم ولا نتركهم يتربون على ايادي من هم في الشارع..

لذلك اكلمك وانا وحدة الشارع كان له دور كبير في صقل شخصيتي.. لكني ما اقدر اقول الشارع علمني امور
ما كانت موجودة في شخصيتي.. في الوقت اللي رغم تواجدي المستمر في الشارع اتذكر ضرب و اهواش و تعنيف امي وابوي لي..

فالطفل مب شرط يطلع في الشارع علشان ياخذ حقه لو حد غلط عليه.. عنده المدرسة عنده البيت عنده اقرانه من عيال خواله و عمامه
فلمتهم ولعبهم مع بعض باستمرار يغنونه من انه يهيت في الشوارع.. في الوقت نفسه ما نقول خلك يا الابو او يالام مع الطفل في كل تحركاته..

ابني شخصية ولدك.. لرحت المجمع خله يحاسب.. لرحت و طلبت من المعصرة خل ينزل ويحاسب ويطلب.. استشيره
وشور عليه.. اصطحبه معاك في مجالس يستفيد منها حزتها ما في مانع انه يطلع في الشارع في الشهر مرة..

لكن حسب ما اشوف حولي بعض الاطفال في الشوارع هايتين ولما نكملهم نقول لهم ليش اليهال برع يردون علينا
اللي ما يربيه الشارع ما يعيش.. اشوفهم اليوم يعانون من هالتربية ويشتكون..

لذلك اقول لك وباصرار مستحيل اتنازل عنه.. اللي بيترك الشارع يكمل له تربيته لعياله هذا ما بيكون عنده وقت يربي عياله..

اعذرني لو كلامي اشوي قاسي يا الزار.. فالشارع ممكن يكون مقبول للعبور وتقضية المشاوير.. اما غير ذلك
اغلب النماذج اللي مرت علي كانت نتايجها سيئة جدا رغم موافقتي لك ان الشارع منحهم شخصية قوية..

ومي سوري جدا اوي خالص على كل هالتأخير في الرد..

[أم محمد 90]

اليمامة نششششبه هههههههههههااااااي انا لو امي جي تسوي لي (لو كنت صبي) مب طالع خير شر لول والله احرم اطلع واقعد ف البيت واجابل التلفزيون .

الواحد مايصك صكه على عياله ولا يرخي وايد .

[يمامـة]

اليمامة نششششبه هههههههههههااااااي انا لو امي جي تسوي لي (لو كنت صبي) مب طالع خير شر لول والله احرم اطلع واقعد ف البيت واجابل التلفزيون .

الواحد مايصك صكه على عياله ولا يرخي وايد .

الزين في الموضوع انه يعبر عن سخطه ورفضه في مواقف عديدة.. وهالشي دليل انه
ما يشعر بالاضطهاد ولله الحمد..

وفي المقابل يا ام محمد تلقينه في مواقف اكثر يسعد لنتائج هالحرص..

قد يشوف البعض ان الحرص هذا نوع من انواع الصكة.. لكني للامانة
اني ما اشوفه الا نوع من انوع حفظ الامانة اللي ربنا كلفنا فيها..

فلو كنتي ولدي يا ام محمد الله يعيني عليج:weeping: ويعينج علي :weeping:

[المهاجر]

شي حلو الاهتمام بالمراهقين وتوجيههم التوجيه السليم
نمنعهم يطريقه حلوه ما تخليهم يعاندون او يتحسسون من هالمنع

وبنفس الوقت يحسون بحبنا لهم وخوفنا عليهم وانهم سبب هالمنع
ويولد لهم قناعه تامه ان هالشي لمصلحتهم هم في الاول والاخير

موضوعج قيم جداً ياليمامه وبيستفيد منه الكثيرين باذن الله
وانا واحد استفدت منه بالرغم من اني حريص على عيالي في روحتهم وجيتهم
بس استفدت من اسلوبج مع خوسيه والطريقه جداً راقيه

جزاج الله خير

[يمامـة]

شي حلو الاهتمام بالمراهقين وتوجيههم التوجيه السليم
نمنعهم يطريقه حلوه ما تخليهم يعاندون او يتحسسون من هالمنع

وبنفس الوقت يحسون بحبنا لهم وخوفنا عليهم وانهم سبب هالمنع
ويولد لهم قناعه تامه ان هالشي لمصلحتهم هم في الاول والاخير

موضوعج قيم جداً ياليمامه وبيستفيد منه الكثيرين باذن الله
وانا واحد استفدت منه بالرغم من اني حريص على عيالي في روحتهم وجيتهم
بس استفدت من اسلوبج مع خوسيه والطريقه جداً راقيه

جزاج الله خير

اتمنى نستفيد منه كلنا.. ومنور يا اخوي المهاجر والله يخلي لك عيالك وكل من قرأ هالموضوع
واللي ما قراه ويهدينا ويهدي عيالنا للي يحبه ويرضاه..

[Zarr]

العفو .. ومبارك عليك الشهر يا الزار.. معذور وخذ راحتك حتى لو خلصت كل صفحات المنتدى..

والحين خلني استئذنك علشان نتفق على نقطة مهمة في العملية التربوية..
لازم نعترف بأن ليست هناك تربية مثالية .. ولابد ان تنتج من التربية اخطاء تؤثر على شخصية الفرد
او نوع شخصيته قد ما تتقبل طريقة التربية وبالتالي لذلك ما نقدر نقول ان عيالنا مثاليين.. فالمثالية في التربية
ضرب من ضروب الخيال..

بينما في الوقت نفسه أحنا اشلون نحكم على الاطفال انهم مربين .. مع الاعتراف ببعض تصرفاتهم الطفولية؟

فكلامك بمجمله بالنسبة لي مب مرفوض.. لكني في الوقت نفسه مستحيل اترك الشارع يربي لي ولدي ويكون له شخصيته..

فمسؤليتنا تجاه اطفالنا تحتم علينا ان نكون خلف تربيتهم ولا نتركهم يتربون على ايادي من هم في الشارع..

لذلك اكلمك وانا وحدة الشارع كان له دور كبير في صقل شخصيتي.. لكني ما اقدر اقول الشارع علمني امور
ما كانت موجودة في شخصيتي.. في الوقت اللي رغم تواجدي المستمر في الشارع اتذكر ضرب و اهواش و تعنيف امي وابوي لي..

فالطفل مب شرط يطلع في الشارع علشان ياخذ حقه لو حد غلط عليه.. عنده المدرسة عنده البيت عنده اقرانه من عيال خواله و عمامه
فلمتهم ولعبهم مع بعض باستمرار يغنونه من انه يهيت في الشوارع.. في الوقت نفسه ما نقول خلك يا الابو او يالام مع الطفل في كل تحركاته..

ابني شخصية ولدك.. لرحت المجمع خله يحاسب.. لرحت و طلبت من المعصرة خل ينزل ويحاسب ويطلب.. استشيره
وشور عليه.. اصطحبه معاك في مجالس يستفيد منها حزتها ما في مانع انه يطلع في الشارع في الشهر مرة..

لكن حسب ما اشوف حولي بعض الاطفال في الشوارع هايتين ولما نكملهم نقول لهم ليش اليهال برع يردون علينا
اللي ما يربيه الشارع ما يعيش.. اشوفهم اليوم يعانون من هالتربية ويشتكون..

لذلك اقول لك وباصرار مستحيل اتنازل عنه.. اللي بيترك الشارع يكمل له تربيته لعياله هذا ما بيكون عنده وقت يربي عياله..

اعذرني لو كلامي اشوي قاسي يا الزار.. فالشارع ممكن يكون مقبول للعبور وتقضية المشاوير.. اما غير ذلك
اغلب النماذج اللي مرت علي كانت نتايجها سيئة جدا رغم موافقتي لك ان الشارع منحهم شخصية قوية..

ومي سوري جدا اوي خالص على كل هالتأخير في الرد..


مرحبا اختي يمامـة

الحين انا اللي لازم اقول مي بيغ سوري اوي خالص توو ماتش على كل هالتأخير هههههه :oops:

انا متفق معاج بخصوص التربية المثالية واعتبارها شي شبه مستحيل ..
وخليني انا بعد استأذنج نتفق على ان نقاشي معاج بيكون مبني على النماذج اللي اشوفها
اكيد انتي لج خبره اكثر بما انج أم لكن بما اني شاب يمكن أنا اشوف نماذج اكثر ,’

عشان اكون صريح معاج انا طلعت الشارع وانا صغير جداً ،، حتى سافرت بروحي قبل لا ادخل ثانوي
وبكون صريح اكثر وبعترف لج ان هالشي خلاني اجيب العيد وايد هههههه يعني كان في سلبيات

لكن اشوف الإيجابيات اكثر من السلبيات .. اما حرمان الولد من الشارع سلبياته اكثر من إيجابياته ،،
ادري يمكن تستغربين من كلامي فـ بحاول اوضح لج السبب ...

اولاً أكيد كلنا متفقين على السبب الرئيسي لحرمان الولد من الشارع انه ما يكتسب سلوكيات سيئة
لكن في النهاية معظمهم يكتسبون سلوكيات سيئة !!

صدقيني اذا قلت لج لين يومج ما مر علي الا شخص واحد بس اللي صج حرمانه من الشارع كان إيجابي بشكل عام وشخصيته قويه ومحترم ،،

لكن باقي النماذج على كثرها تقريباً كلها سيئة ..
مثلاً اخبر واحد لين ماخلصنا الثانوية كان مايطلع الشارع وحدده مسكين ، اليوم الحبيب 24 ساعة سكران ،
واحد ثاني بعد نفس القصة وسافر يكمل دراسته ، حالياً معطيها وضعية عضو مافيا صغير هناك خخخخ ،،
وفي بعد ثالث ورابع ..... الخ ، وعلى العن واخس لكن اعتقد المقصد واضح .

بتقولين اصدقاء السوء أثرو عليهم يمكن اتفق معاج لكن حتى لو اتفقنا
بعد في وجهة نظري اصدقاء السوء مش السبب الرئيسي ، شوفي المشاركة رقم ( 30 ) ولا عليج امر ..

طبعاً هذا غير عن باقي السلبيات مثل ضعف الشخصية ، وبعضهم ممكن يطلع مخدي وفيه ليونه ،
وغير عن اللي يتعرضون للتحرشات الجنسية في المدارس .. ولا مثلاً تفكيره ما يكون ناضج
هالكلام ما يعني ان اللي يطلعون الشارع ملائكة بالعكس هم بعد عندهم سلوكيات سيئة ,’

بتقولين طيب ماعرفنالك إذا طلع بيكتسب سلوكيات سيئة وإذا حرمناه بعد بيكتسب لين يكبر ويطلع ، عيل وين المشكلة !!

اللي حاب اقوله اختي يمامة ان المشكلة مش في الشارع ، المشكلة في عناصر التربية الأخرى
يمكن الشارع يكون اختبار !
اذا كانت باقي العوامل سليمة فما اعتقد الولد بيتأثر
وإن كان فيه خلل في العوامل فالولد معرض لأكتساب السلوكيات السيئة بشكل كبير
اذا طلع وهو صغير او حتى بعد ما يكبر


للتوضيح أكثر :

خلينا نفترض انه في 4 عناصر تؤثر على تربية الولد والشارع واحد من هذه العناصر

بيكون عندنا احتمالين :

الأحتمال الأول : اذا نجحنا في تطبيق العناصر الثلاث الأخرى وسمحنا للولد يطلع الشارع فـ بشكل عام ما راح يتأثر بالسلوكيات السيئة ،
وفي نفس الوقت بيكتسب شخصية قوية من " تجربة عملية " وصفات اخرى مثل النضج وغيره ،
وإذا حرمناه وما خليناه يطلع إلا لين يكبر فهو ايضاً ما بيتأثر بالسلوكيات السيئة ولكن ما راح يكتسب باقي الصفات الايجابية

الأحتمال الثاني : إذا ما طبقنا باقي العناصر بشكل سليم وسمحنا له يطلع الشارع بيكتسب سلوكيات سيئة ولكن في نفس الوقت بيكتسب صفات إيجابية ..
وإذا حرمناه من الشارع وطلع وهو كبير بيكتسب صفات سلبية - بسبب الخلل في باقي العناصر - وأيضاً بيفقد الصفات الإيجابية

لذلك في الحالتين اشوف الحرمان سلبي اكثر من انه إيجابي ..



[CENTER]والسموحة ع الإطالة
شــكـراً ..’