شركة الراية

[Dmy Enabi]

شركة ممتازة تعامل ولا أروع انضباط في المواعيد سرعة ودقة في كل شيء وفي المتابعة
للعلم الستاف كامل المدراء من الجنسية الأردنية
ناس يخافون الله ويتابعون شغلك

الله يشهد على كل كلمة أقولها تعاملت معاهم في عملي الخاص صراحة حتى من كثر الانضباط والالتزام خفت ينصبون علي
لكن والله بكل أمانة نعم الشركة في زمن إلي ماعاد تصدق حد

طبعا آنا نفذوا لي أعمال الصبغ والجبسن بورد والخشب
بس أعتقد عندهم خدمات غير
وللأمانة ماعرف صاحبها ولايقرب لي ولا من طرفي والله على ما أقول شهيد
إلي حاب الرقم يتواصل عالخاص

[لبيبة]

السلام عليكم ورحمة الله وبركاته،

الرقم لو تسمحين بأشوفهم وأقرر، وشكرا لج

[معماري قطري]

الله يوفقهم وهذا شيء مهم ننوه عن الشركات الجيدة .. الأَهم هو العقد الواضح والمرور على مقر الشركة ومعرفة ادارتهم وملاحظة عدد الموظفين والسؤال عن عدد العمال وخبراتهم في تخصصاتهم .. والسؤال عن مشاريع حالية يقومون بها والتركيز على عدة مشاريع .. بعض الشركات تتباهى إِن عندهم 100 عامل بس شتخصصاتهم وخبراتهم هذا المهم .. وهل هم قادرين على 5 مشاريع؟ ممكن بينها مشروع واحد يستهلك طاقة كل العاملين.

بعد محاولة حصر مشاريع الشركة بموافقتهم ومساعدتهم إِن أَمكن نركز على المواقع .. نظافة الشغل فيها .. ووجود فورمان فاهم يتابع البناء .. نشوف تجميع المواد كيف وهل فيه ترتيب والحديد مخزن صح .. الإِسمنت مغطى .. انا دوم اطعم الماي واشوف نقاؤه لأَن البعض يستخدمون ماي آبار مالح والبعض يشفطون من مجاري بو نخلة .. لو الخشب مركب للصب واللي يعاين عنده شوية صحة يركب فوق ويشوف شلون الترتيب والحديد قبل الصب هل مبتعد عن الخشب ومثبت فيه قطع خرسانية حتى تبعده عن الخشب ومنتشرة هذي القطع صح .. والحديد مربط صح بأَسلاك عادية للحديد العادي وبأَسلاك مغلفة للحديد المغلف .. وفي حال الحديد المغلف نركز على مكان القص هل أَعادوا صبغه.

لو الطابوق مركب حديثاً نغامر ونسحب طابوقة أَو نطلب من العامل سحبها ونلاحظ كمية الاسمنت وخشونته .. بعضهم يحطون قليل ما يلصق الطابوقة في الطابوق الباقي .. نشوف البلاستر كيف ونحاول نشوف استواءه بقطعة خشب أَو أَلمنيوم مستقيمة.

المباني اللي منتهية وشبه منتهية تشوفون فيها فضايح كثيرة ولو باسرد كل شيء يحتاج لموضوع طويل.

بعض المقاولين من نتفاوض معاهم أو نسألهم عن بدائل أفضل وقد تكون أرخص يكونون ناصحين ويبين مدى فهمهم للبناء .. وهذا يكون مقاول يبي ياخذ الشغل ولازم نركز عليه ودوم لازم نفاوض عدة مقاولين ونتابع معاهم فترة ثم نركز على اثنين ونخلص عقدنا مع واحد منهم.

تبقى العلاقة الطيبة شيء مهم ولو مقاول تورط في شغلة ما حسبها أَو طلع هذا الشيء مفاجيء لازم نوصل لحل وسط معاه ونساعده .. مثلاً في أَثناء البناء استوى تعطيل بسبب مقاول ثاني واحنا متفقين معاه أَو المقاول الأَساسي متفق معاه وحصل التأَخير غصب لازم نعذر المقاول ولا نطبق الغرامات .. معاملة العمال والفورمان أَثناء البناء معاملة طيبة وتشجيعهم وسؤالهم لأَن في العادة هم أفهم من غيرهم.

[captin]

شكرا على سرد اسم الشركة وذكر تجربة التعامل الايجابي معاها

ياريت تحطين اسم الشخص المسؤول وارقام الهواتف لاستفادة الاعضاء الباحثين
عن اعمال تشطيب او بناء متكامل .

انا شخصيا ابحث عن شركة تنفذ اعمال ديكورات خشب مثل تلبيس السقف بالخشب
وايضا بعض الاطارات الخشبية المحفورة وذات التشكيلات الاسلامية

مادري هل هاذي الشركة عندها منجرة محترفة تقدر تسوي مثل هاذي الاعمال ؟؟

[Dmy Enabi]

اسم المسؤول عبدالوهاب 30334843
وفي واحد ثاني اسمه أشرف 74080810
نقطة مهمة أبي أوضحها خلوا العقد واضح تفصيلي
يعني لما تتفقون عالصبغ مثلا حددوا أي صبغ ونوعه وينكتب
تنتبهون لشغلات مثل
لما يسوي لكم تمديدات مغاسل هذا له حساب
وتركيب المغسلة له حساب (توريد وتركيب )
بمعنى تناقشوا على التفاصيل ولا تستحون
تحياتي
والله يوفقكم
عندهم أعمال خشب بس بالتفاصيل إإلي ذكرت ماعرف كلموهم
قولوا لهم من طرف صاحبة الصالون

[لبيبة]

شكرا جزيلا دمي عنابي، و ان شاء الله باهتم بالنقاط اللي ذكرها معماري قطري

[معماري قطري]

شكرا جزيلا دمي عنابي، و ان شاء الله باهتم بالنقاط اللي ذكرها معماري قطري

بالنسبة للصبغ لكل نوع طريقة تحضير وصبغ .. وهذي تؤخذ من المورد والمصنع للصبغ .. ولكل حالة حدود وصيغة للعقد

مثلاً صبغ جوتن جوتاشيلد فيه له تأَسيس خاص بمكينة رش .. وبعض الصباغين يكتبون عقد ويشيلون منه طريقة التحضير وخطوات الصبغ ويركز على النوع .. وبعضهم يستخدمون طرق مختصرة مثل بيت مصبوغ جاهز ويحتاج ازالة صبغ وتأَسيس جديد بنوعيات تأَسيس معينة زثم صبغ بكم غاط مع الضمان .. نحصل العمال يجون يغسلون الحائط .. وبعده حتى قبل لينشف يبدون يصبغون .. وهم اختصروا الازالة بالسفع بالرمل ورطبوا البلاستر وصبغوا فوقه وهو رطب وبدون تأَسيس.

هذا يا اخوان حصل معاي أَثناء سفري والصباغ مصري ( كم أكره التعامل مع هذه الجنسية ) والصبغ كان جوتاشيلد وشرحت لولدي طريقته وهو مشى كل امور المصري ب 35000 ريال .. وكل مرة يطلبهم ويسون صيانة لشغلهم التعبان .. الصبغ يتقشر ويقولون بسبب الرطوبة .. زين من سوى الرطوبة؟ كلمت مسؤولهم جاء ورقع وراح وطلع في مكان ثاني .. ويوم قلت له طريقة الصبغ انصدم وتلعثم وهذي طريقة واضحة عندهم الكذب عندهم أساس الشغل.

ما لي حل الا اعيد الصبغ مرة ثانية وخطوة خطوة تحت اشرافي .. أَول شيء كحت وازالة الصبغ ( sand plasting ) وثاني شيء التأَسيس بعد التعديل إِن لزم .. تعديل أَي شلوخ بمعجون خاص .. وبعدها الصبغ وبطريقة الصبغ المنصوح بها من قبل المُصنِع .. وكم غاط في يدنا نتحكم فيه وعلى مراحل تنتهي مرحلة ونعطي الموافقة للمرحلة اللي بعدها .. ولا للمصريين

[لبيبة]

اللي مهتمة فيه بصراحة اني اسوي شي يعيش ولا يحتاج صيانة، ابي عمال الصيانة ينسون بيتي. الجودة ودقة التنفيذ يهموني جدا.