نصايح مهمه لكل حد يشطب بيته🏠🏠🏠🏠🏠🏠🏠

[خزامئ]

مبارك عليكم قدوم الشهر الكريم الله يتقبل منا صيامنا وقيامنا


باكتب تجربتنا مع تشطيب وتثيث البيت
وباذكر الاماكن الي عجبتني وانصح بها
بدايه من المقاول اسمه دوحه بروجكت.......
الدرايش سوينا عند بوبي في سي الي مقابل محطه تيسير شارع سلوا شغل ممتاز.. خدمه زفت وبطيين
ابواب داخليه المتحده ممتازين في الشغل والفشنق والوقت والتعامل
ابواب خارجيه خشب سولت عند البهجه الخشب نوعيته زينه الفشنق والتعامل والوقت زفت
مكيفات والتسخين مركزي تدمر سنترال دكت ومركزي دايكن
زفت في تعامل وزفت في تركيب ومعامله شينه بطيين ومكيفات اكثر من واحد تركبها غلط او مركبينها بدون غاز سار لنا 5شهور من يوم ماسكنا للحين وحن معهم كل يوم شي خربان بدلو عندنا مكيف سنترال خرب بعد ماشغلنه بكم يوم وبدلوه بعد طلعه الروح
ثلاجات المانع فلبس ممتازه وخدمه ممتازه مابعد البيع
افران من جنرال العمادي مستر شيف ممتازه وخدمه مابعد البيع ممتازه
ادوات صحيه نابينا ممتازه
خزنات ملابس ومطبخ داخلي شركه الميره للمطابخ اسوا شغل واسوا معامله في الوقت والتركيب تعيس وتخرو في الوقت المحدد 5شهور مع انه فيه شرط جزائي بس مادفعوا
مانصح بهم ابد ابد
ستاير من محل اسوان شارع سلوا ممتازين في الشغل والوقت
ثريات من قصر كرستال ممتازين في التركيب وخدمه مابعد البيع
ليتات سقف ونيون من محل في مجمع بروه طريق الوكره ممتاز نيوفيجن تشاينا شارع 3
رخام مغاسل الرخام الذهبي ممتاز شغل وقت وسعر
وانشالله حد يستفيد من تجربتنا ....

[شمس المغيب]

جزاك الله خير
ومنزل مبارك إن شاء الله
ومنكم نستفيد

[معماري قطري]

منزل مبارك إن شاء الله .. بس سؤال شركة بوبي في سي هذي جديدة شكلها وأول مرة اسمع عنها؟

[$الملياردير$]

جزاك الله خير ... ومنزل مبارك ربي يهنيك فية انت و أسرتك الكريمة ... و اجمل شي اخوي انك ذكرت التفاصيل لكي تعم الفائدة للجميع ... لاهنت و مبروك عليك الشهر

[(عبدالله)]

منزل ن مبارك باذن الله

أنا باذن الله ببات أول ليلة لي في بيتي الجديد الأسبوع الجاي

إن شاء الله باعرض تجربتي في موضوع مستقل بالتفاصيل للفائدة

[MAZEN37]

ممكن رقم الرخام الذهبي

[بن غيث]

منزل مبارك . . وتجربة ان شاء الله تستفيد منها مستقبلا ..

[خزامئ]

عذرا ماكتبت الاسم كامل
قطر يو بي في سي
شارع سلوا مقابل محطه تيسير


الرخام الذهبي
55534271

[خزامئ]

الله يبارك للجميع ويعين المقبلين على البناء او التثيث

[معماري قطري]

عذرا ماكتبت الاسم كامل
قطر يو بي في سي
شارع سلوا مقابل محطه تيسير



الرخام الذهبي
55534271

إختربوا أكيد بعد ما غيروا مديرهم الباكستاني الى ادارة لبنانية بالكامل .. سمعت هذا الكلام من كم شخص وتركيزهم على المشاريع الكبيرة

[hamadazoz]

إختربوا أكيد بعد ما غيروا مديرهم الباكستاني الى ادارة لبنانية بالكامل .. سمعت هذا الكلام من كم شخص وتركيزهم على المشاريع الكبيرة


واسعارهم نار بعد

[V.I.P_QATAR]

الله يجزاك خير

[مررايم]

جعله منزل الملائكه ...وبالمبارك عليك

[خزامئ]

الله يبارك للجميع
ويغفر لنا ولكم في الشهر الفضيل
والمسلمين اجمعين

[مارون كلاسيه]

الف مبروك المنزل الجديد ويرزقكم خيرة ويبعد عنكم شرة اللهم آمين

[اللوز]

إختربوا أكيد بعد ما غيروا مديرهم الباكستاني الى ادارة لبنانية بالكامل .. سمعت هذا الكلام من كم شخص وتركيزهم على المشاريع الكبيرة
مديرهم هندي
وما اعتقد تغير شي
بس هم في المبيعات لك عليهم

[معماري قطري]

مديرهم هندي
وما اعتقد تغير شي
بس هم في المبيعات لك عليهم

بس ما اعتقد نسيم اللي قبل كان مديرهم .. ذاك طيب وفاهم ويساعد وايد .. والتأَخير شيء متوقع حسب خطوط الانتاج واذا كان التلحيم يدوي بياخذ وقت أكثر .. حتى القياسات بطريقة بدائية ويفترض بجهاز الليزر وبسرعة .. انا لو باركب وان شاء الله قريب باختار بين قطر يو بي في سي والاختيار الأَلماني والاختصاصي ومعماري قطر حسب طريقة العقد والمفاوضات والمواصفات .. ولا باريح راسي وباركب ألمنيوم تويبلار ويفتح جانبياً وأَغلب الدرايش ثابتة وجزء بسيط اللي ينفتح .. بس ضروري نركز على تفاصيل التركيب وعلى الربلات وطريقة شبكهم بالفريم

[captin]

خزامى ,,

منزلن مبارك ان شاء الله

شكرا على مشاركة التجربة مع مقاولى اعمال التشطيب

احب اضيف ان خلال السنتين الاخيرات صاروا مقاولي مرحلة التشطيب يتضربون
في الناس من ناحية الاسعار والمواعيد والخدمة ما اقول كلهم لكن اغلبهم
بمعنى انك انت يا صاحب البيت راح تتعب وتركض وراهم ليل نهار عشان يكملون شغلك
وعشان يجيون يقايسيون او ينجزون في المشروع خصوصا اذا كان اكثر من واحد يشتغلون
في الموقع في نفس الوقت انا اعاني من هذا الشيء في هاذي المرحلة حاليا وبعضهم متاخر
صار له سنة او اكثر لكن شتسوي انت محتاج له تقعد تداريه لين يخلص شغلك وفي نفس الوقت
ما عندك وقت تدور غيره تطلع من دوامك العصر هلكان ما تشوف قدامك .

اكثر من شركة اجيبهم للموقع يقايسيون ولا يرجعون اكثر من محل مواد بناء تروح له وتعطيه التصميم
عشان يحدد المواد ويسعرها يمر شهر وشهرين ولا يدري عنك لازم توقف على راسه كل يوم عشان يسوي شغلك

في الدول الثانية الزبون لما يدخل المحل يعتبر ثروة الكل يركض له ويحاول يرضيه من مشرفي المبيعات .
عندنا خصوصا العمالة العربية مخربين شغل الشركات ولا يهتمون بالزبون ما يهمهم الشركة باعت ولا لا .

عموما شكرا للمشاركة وهي بالفعل مفيدة .