شركه اوريدو ليش محد يحبها ؟

[حمد 2002]

السلام عليكم ورحمه الله وبركاته


اليوم انا امفتح الراديو الا ناس وايد اتشكى على اوريدو الي هي كيوتل سابقا ، ناس تقول يوم كنا امسافرين ضافوا علينا مبالغ بطريقه غامضه وغير واضحه ، وناس تشتكي من خدماتهم المقدمه وضعف النت ، وناس من المبالغه من اسعارهم ،


وحتى الناس الي اعرفهم يتشكون علينا ومحد يمدحها ويذكرها بالخير !!! .


ليش محد يحبج ياوريدو ياكيوتل سابقا ؟!

[JN000N]

ليش محب يحبج ياوريدو ياكيوتل سابقا ؟! << :funny::funny:


كيوطل هرامي كبير :anger3::mad:

[حمد 2002]

ليش محب يحبج ياوريدو ياكيوتل سابقا ؟! << :funny::funny:


كيوطل هرامي كبير :anger3::mad:

حتى انتي ماتحبينها ياجنون !!

كلمينا شوي مع تجاربج مع اوريدو ؟

[مختلفة عقليا]

السلام عليكم

كيوتل يطالبوني بفلوس بس ما بعطيهم لي م يردون فلوس الشعب ههههههههههههههههههههه ( روبن هود )

انا احبها واحسها اوكيه بس اسمع الكل يشتكي .,

ويسلموو

[حمد 2002]

السلام عليكم

كيوتل يطالبوني بفلوس بس ما بعطيهم لي م يردون فلوس الشعب ههههههههههههههههههههه ( روبن هود )

انا احبها واحسها اوكيه بس اسمع الكل يشتكي .,

ويسلموو

اتحسينها اوكي ؟

ليش تحسينها اوكي ؟ تكلمي شوي عن طبيعه احساسج هذا ؟

يسلمج ..

[Mohammed2]

بالعكس الا احسن شركه اتصالات جربتها

وبخصوص كلام الناس اذا سافرو تجي عليهم فواتير كبيره شي طبيعي
اكيد انهم فاتحين الرومنج للانترنت ويحسب عليهم وهم مايدرون
ودايما ينصح باغلاق الرومنج اللي هو التجوال عشان تتفادى اي مبالغ اضافيه بس ناس كثيره ماتعرف هالشي

بس بالنسبه لي ولله الحمد سنوات عديدة من يوم اني صغير الين كبرت وتزوجت وماشفت منهم اي مشكله

[حمد بن سعد]

عط الخباز خبزه ...........!!

ان عندي احسن من غيرهم

[اللوز]

من افضل الشركات في مجال الاتصالات

[مختلفة عقليا]

اتحسينها اوكي ؟

ليش تحسينها اوكي ؟ تكلمي شوي عن طبيعه احساسج هذا ؟

يسلمج ..

هلا

شي ماعرف فيه ما احب اتكلم فيه .,

م اعرف شي عن مجال الاتصال ولا بحثت في الخدمات اللي اقدمونها باقي الشركات .,

عشان جيه ( الاعور في عالم العميان ملك ) .,

ف انا جاهله في هالمجال عشان جيه اشوف اني اتصل واطرش مسجات والارسال زين ., والاسهم حلوه ^^

ويسلموو

[JN000N]

حتى انتي ماتحبينها ياجنون !!

كلمينا شوي مع تجاربج مع اوريدو ؟

حمد لي مواضيع هني ف المنتدى شكاوي عليهم :weeping:
ولكن
كنت على ايام اتدرب في مكان مجهول
في موظفه تشتغل هناك كانت موظفه سابقه في كيوتل
ومتصله حق صديقتها اللي ف كيوتل تسالها عن زياده 50 ريال ف الفاتوره :rolleyes2: (انا ينقطع تلفوني فالشهر 3 مرات وادفع وانا اضحك مع اني ماتكلم وايد)

قالتلها من وين يات هالخمسين وتمت تتناقش معاها
وعقب قالتلها علي انا هالكلام محنا دافنينو سوا ياحبيبتي


^ عاد لك حرية التخيل هيهيهيهي

بس صج صج فواتير وايد تطلع الله بالخير
اشتراكات فجاه اطلع مشتركه وانا ماشتركت
ف السفر انقطع تلفوني واخرتها على مبلغ بسيط ماوصلت اللمت باقي 100 عاللمت وتوهقت ماياني مسج اني وصلت 80 %
واشيا وايد تعبانه مب بس من ناحية فلوس

ولكن بالنسبة ك شركة في قطر للاتصالات ف هي الافضل اكيد

[Riku3]

بالعكس لو توصل للشخص الصح الشركة تجاوبها سريع والموظفين مؤدبين .. مشكلتهم مرات تحس الموظف الي يرد عليك ماعنده حل ومايكون فاهم ويبي بس يسجلك شكوى ويفتك منك ..

وما احب الي يسوونه في الشباب في شركتهم ستارلنك .. بس كشركة كيوتل وكعميل امتلك 5 تلفونات معاهم مرتاح بشكل كامل .

لا تاخذون فكرة عن شركة بسبب تقصير شخص او موظف عادي ... دايماً لو ماكنت راضي حاول تشتكي .. مسئول .. تويتر .. وطني الحبيب صباح الخير حتى لو مسج .. المجلس الاعلى للاتصالات .. او تكلم شخص تعرفه ..... لان احياناً الموظفين الي تحت هم الي معطلينك !! .

[حسن]

بالنسبه لبنتنا كوتيل انا وطني احبها واموت فيها ومايهمني البنت فوده هذه مانعرفه نسبها
احسن شبكه واحسن خدمات تقدمها وارخص خدمه
ياما امدحو فوده وردو تركوها ياناس ياعالم هذه الاصل بنتنا رحيه قطر وشعليكم من ام الملوخيه
كل الامور متاحه ورخص الاتراب
والله اعرف ناس في الامارت يشتكون من غلو الاسعار ولا عندهم باغات ولا مسموح
برامج الاتصالي المجاني الفايبر والتانقو وغيره كله مقطوع
الحمدلله عندنا وخصوصا لما اشتركت في الباقه بو250 ريال ابدا ماتتعدي السعر
بلاش

حمد وين اثباتاتك ولا انت قاعد تنشر اشاعات


:telephone:

[qr95]

بصراحه انا اشوفها تعيسه للغايه والنت ضعيف وشبكات الارسال في بعض المناطق
ضعيف وتجيك فواتير من حيث لاتعلم !! ولكن مالنا غيرها
بس ياليت الأخوان يشوفون عروض شركه الاتصالات في السعوديه موبايلي وسوا واتصالات
وعروض اتصالات في مصر وعروض شركه زين في الكويت عشان تعرفون الفرق والبوق

تحياتي لكم

[Dana’1]

كيوتل بيحبها الي يعرف لهم ،، اعتبر نفسي تغلبت على سرقاتهم لي وعرفت أقيم استخدامي والمبلغ الإفتراضي واستقريت على باقة شهري معينه مع الفتح الدولي تكفي وزووود والفاتوره ماعاد تضرب مثل قبل رغم إن نفس المكالمات بس قبل الفاتوره بالألووف ويقطعون الخط !!الحين كلش كلش 400 ونااادر!
طبعا هم يقولون هذا خطأ بالنظام وارد من كذا ممكن ياخذ منك زياده على فاتورتك من 500 إلى 2000 وشي وانت تضحك


فودا فون عروضهم رووعه بس شبكتهم تعييييييسه ماتسوى

فما فيه غيير اوريدوا

[MAZEN37]

كيوتل الطفل المدلل للحكومه
يعطونهم اراضي وامتيازات وتسهيلات كبيره
لكن
بدون فايده تعود على الزبون
ثانيا كيوتل اشطر ناس في للقانون يعرفون شلون يربحون
وناس قانونيين شغلتهم وضع اساليب وطرق قانونيه للربح
من الزبون وهو يضحك
اذا كيوتل شركه لازم محاميين يتعاملون معاها

[حسن]

كيوتل الطفل المدلل للحكومه
يعطونهم اراضي وامتيازات وتسهيلات كبيره
لكن
بدون فايده تعود على الزبون
ثانيا كيوتل اشطر ناس في للقانون يعرفون شلون يربحون
وناس قانونيين شغلتهم وضع اساليب وطرق قانونيه للربح
من الزبون وهو يضحك
اذا كيوتل شركه لازم محاميين يتعاملون معاها

ليش يامازن

انا اتعامل معاهم وعندي جوالين وهاتفين ارضي وبرود باند مفتوح ماتتعدي
فواتيري شهريا ال 1500 رايال
الجوالين 500 بالنسبه للباقات والبرود باند 400 وهاتفين ارضى وولا نستخدمهم الى واحد عليه نت
يعني كلوه على بعضو ماتتعدي ا1300 او 1400

بالعكس رحمونا بالباقات والله وسنوات معاهم وعندي فواتير عمرها 10 سنوات
وحصلت اخطاء معهم ولكن الصراحه رجعولي اياه عادي اعترفو بالخطاء
من منكم يحتفض بالفواتير ولا يقراها قولي
وبعدين انا ماددفع نهائيا الى بعد صدور الفاتوره غير ذالك نو وي

[دااانة قطر]

سيئة جدا
الارساال رديء وسيء من غرفة لغرفة وفي غرف مافيها ارسال
اذا الارسال ضعيف .. كل اللي يتصلون علي يقولون لي تليفونج مغلق
يعني الواير لس شغال استقبل عالواتس والبي بي وكل شي تمام بس الاتصال مغلق
ونفس الشي اذا عال3g او ال 4g


اقدر اتصل من غرفتي .. اما الصاله والمجلس وغرف بناتي والمطبخ مقدر ولا استقبل اتصالاات:rolleyes2:

[ضوى]

كيوتل وبس والباقي خس

[السيف5]

الدعم الفني بأوريدوا تعاملهم مع الناس زفت
بصراحة لااهتمام ولاهم يحزنون....
مشكلتي مع اوريدوا ولازالت لم تحل
بلغت عن عطل عندي بالانترنت بالمنزل جهاز الالياف الضوئية خربان
خدمة العملاء 111 قالوا لي خلال 48 ساعة ستحل المشكلة وانتظرت 6 أيام
ولاحياة لمن تنادي وكنت خلالها اتصل على 111 خدمة العملاء 6 مرات باليوم
والمساكين يدزون ايميلات للقسم الفني لكن للأسف مايتجاوبون ولاحتى يتصلون لك
يبلغونك بأي شي ...

وبعدها لقيت موظف جزاه الله خير من اورويدوا قلت له المشكلة
والله قال بحاول اكلم واحد يساعدك والدعم الفني خربطة عندهم
المهم بعد ساعتين جاني واحد للبيت وفحص الجهاز وفي الاخير قالي الخراب
مو من عندك اكيد من الخط الخارجي فنتظر خلال 48 ساعه تعالج المشكلة

وللحين انتظر انتهت ثلاث ايام ولم اتلقى اي اتصال من الدعم الفني

المدة الاجمالية من البلاغ الى الان 9 ايام ولم تحل المشكلة
مع اني مستمر مع 111 وقدمت شكوى ولايردون عليها

[Right]

الحل الناجع هو:


فتح التراخيص لمزيد من شركات الإتصالات وفك عقدة الإحتكار المزمنة !!

[@الأدعم@]

أحسن شركه اتصالات

[ولد البدر]

مالك إلا خشمك لو كان عوي

[حرف]

خلهم يجربون غيرها على شان يعرفونها ويحمدون ربهم

[A-Alansari]

والله من احسن الشركات صراحه

اول شي عندك الشبكة تغطيه وارسال قوي

4g تغطيه باغلب مناطق الدوله

الانترنت من احسن مايكون وحطو في بالكم مافي لمت وفي دول وايد عندهم لمت

حتى باقات الشهري مريحينا فيها واتصالات ببلاش ب 250 ريال بس

شتبون اكثر؟

مشكله بعض الناس مايكون عنده علم بالخدمات الي على تلفونه ولا يفتح النت وهو مسافر وعقب يقولك اوريدو باقوني وقصو علي

الي مب متأكد من الخدمات الي على تلفونه وليش فواتيرة عاليه اتصل لهم قول لهم ابي اعرف كل الخدمات الي على تلفوني والغيها كلها وخلك على خدمه الشهري وباقه انترنت لو كنت تبي

[ابوفارس]

اريدو عيبهم يسرقونك وانت ما تدري !
يحسبون عليك فلوس بدون خدمة تقابلها .. وعندما تطالبهم بالفاتورة يقولون يمكن تستعمل النت وانت ما جيت صوبه !
كيوتل توجع رأسك معاهم
صحيح خدماتهم افضل من فيدفون ولكن فيدفون افضل منهم في التعامل ولا يسرقونك مثل كيوتل
وللامانة النت في فيدفون افضل من كيوتل والاتصالات العكس

[ابوالكلام]

السلام عليكم اما بخصوص اوريدو فانا اشوفها شركة تطورت بشكل ملحوظ نعم يوجد هناك بعض الاخطاء ولاكن اني اشوفها قلت بشكل كبير عن السابق شكرا

[Right]

لبعض المطبليين " الدمبكجية " خفوا شوي ، رمضان مبارك

[المجدم]

قمت بدفع مبلغ 200 ريال قيمة الفاتورة عن طريق مكتب تحصيل تابع لكيوتل في جميعة مدينة خليفة ، إلا أنه للآن لم تصل ولم تضاف لحسابي ، عند مراجعتي للموظف الشركة طلب مني إحضار كشف حساب فقمت باحضاره له وطلب مني بكل بساطة مراجعة البنك للاستفسار عن من الجهة التي استلمت المبلغ.
السؤال ؟ مع كم شخص حدث هذا الشيء ولم ينتبه له؟؟؟؟؟؟؟؟؟؟؟؟؟؟؟؟؟
من المسؤول؟؟؟؟؟؟؟؟؟؟؟؟؟؟؟؟؟؟؟؟؟؟
للآن لم ادفع الفاتورة وقمت بقطع الخدمة نكاية بهم حتى يثبتوا أين ذهبت المئتي ريال؟؟
أمس بعثوا لي برسالة بضرورة سداد الفاتورة أو أنهم سيرفعون علي قضية؟؟
شخصيا انتظر بفارغ الصبر واعتقد غيري كثيرون أن تأتي شركة أخرى لتنافس اريدو في خدمة الانترنت

[عاشق العديد]

والله انا اشوف انه شبكتهم هالفتره من اسوء الى اسوء

[MAZEN37]

اريدو عيبهم يسرقونك وانت ما تدري !
يحسبون عليك فلوس بدون خدمة تقابلها .. وعندما تطالبهم بالفاتورة يقولون يمكن تستعمل النت وانت ما جيت صوبه !
كيوتل توجع رأسك معاهم
صحيح خدماتهم افضل من فيدفون ولكن فيدفون افضل منهم في التعامل ولا يسرقونك مثل كيوتل
وللامانة النت في فيدفون افضل من كيوتل والاتصالات العكس
حاليا في هذا الفلم
انا متاكد والله يحاسبني فاتح الشبكه
وما استخدم الا الوتس وحذر جدا اني ما انزل فيديوهات ولا صور ولا انستجرام ولا يوتيوب وجاني مسج اليوم انه زاد الحساب
وتوني اشيك حصلت الفاتوره 1800 ريال
وتوها بالفاتوره باقيلها 10 ايام

[يوسف0]

الدعم الفني بأوريدوا تعاملهم مع الناس زفت
بصراحة لااهتمام ولاهم يحزنون....
مشكلتي مع اوريدوا ولازالت لم تحل
بلغت عن عطل عندي بالانترنت بالمنزل جهاز الالياف الضوئية خربان
خدمة العملاء 111 قالوا لي خلال 48 ساعة ستحل المشكلة وانتظرت 6 أيام
ولاحياة لمن تنادي وكنت خلالها اتصل على 111 خدمة العملاء 6 مرات باليوم
والمساكين يدزون ايميلات للقسم الفني لكن للأسف مايتجاوبون ولاحتى يتصلون لك
يبلغونك بأي شي ...

وبعدها لقيت موظف جزاه الله خير من اورويدوا قلت له المشكلة
والله قال بحاول اكلم واحد يساعدك والدعم الفني خربطة عندهم
المهم بعد ساعتين جاني واحد للبيت وفحص الجهاز وفي الاخير قالي الخراب
مو من عندك اكيد من الخط الخارجي فنتظر خلال 48 ساعه تعالج المشكلة

وللحين انتظر انتهت ثلاث ايام ولم اتلقى اي اتصال من الدعم الفني

المدة الاجمالية من البلاغ الى الان 9 ايام ولم تحل المشكلة
مع اني مستمر مع 111 وقدمت شكوى ولايردون عليها

تواصل مع ايميل الفيس بوك او تويتر مال كيوتل وارسل رقم البلاغ وقولهم 9 ايام وانا انطر وبيحلونلك المشكله خلال 24 ساعه :nice:

ياجماعة الخير تشتكي بالتليفون كيوتل عندهم اعاقه

اما ايميل 100% شغلهم ممتاز

[Mohammed2]

البعض يقول انه مايستخدم النت على جواله بس في الفاتوره يطلع انه مستخدم النت وعليه مبلغ وقدره.

خصوصا في الهواتف الذكيه تكون دايما شابكه على النت وفي بيانات تدخل الجوال عن طريق واتساب او بلاك بيري او اي من هالبرامج
يعني اذا حد من اللي انت ضايفهم غير صورة عرضه او ارسل رساله لك او للمجموعه اللي انت فيها هذي كلها بيانات داخله للجوال ومن هني ينحسب النت عليك وانت جوالك مااستخدمته.

اللي يبي يتجنب هالشي يفضل انه يشترك في باقات الانترنت ( غير باقات الشهري )
او انه يكون شابك مع شبكه ويرلس على طول.

عن نفسي انا مشترك في باقه الشهري 100 ريال وباقه انترنت 100 ريال
يعني فاتورتي كل شهر 200 ريال

مرتاح لابعد الحدود الحمدلله

ويفضل يكون عندك برنامج اوريدو عشان اتابع فواتيرك على طول وبالتفصيل ومن البرنامج تقدر تشترك في خدمه وتلغيها براحتك.

[Bradford]

على مستوى 119 دولة
قطر الأولى رسميًا في سرعة الإنترنت الجوال
الشيخ سعود: شبكة ooredoo الأولى في اختبار Ookla

الدوحة - الراية:

أعلنت Ooredoo أمس عن تحقيق إنجاز كبير وهام تمثل في تبوؤ دولة قطر المركز الأول في العالم في معدل سرعة الإنترنت الجوال من بين 119 دولة، وذلك في اختبار يجريه العملاء لسرعة الإنترنت لمختلف شبكات المشغلين حول العالم.

ووفقًا لاختبار Ookla للسرعة، وهو موقع الويب الأكثر شهرة في العالم لاختبار سرعة الإنترنت، فإن الإنترنت الجوال في قطر الأسرع في العالم عند أخذ معدل سرعة الإنترنت الجوال بالاعتبار، وأن Ooredoo هي الشبكة التي تحتل المركز الأول.

وتبين النتائج، التي يمكن الرجوع إليها من خلال الموقع www.ookla.com، أن Ooredoo هي أسرع مقدم لخدمة الإنترنت في قطر، حيث يصل معدل سرعة الإنترنت إلى 33.63 ميجابت بالثانية، والتي تزيد وبشكل كبير على معدل سرعة منافسها. ويستخدم اختبار Ookla للسرعة البيانات المستمدة من إجراء أكثر من خمسة ملايين اختبار في اليوم، يتم إجراؤها عبر أكثر من 3500 مزود في العالم.

وقال سعادة الشيخ سعود بن ناصر آل ثاني، الرئيس التنفيذي لـ Ooredoo قطر: " تدل نتائج اختبار Ookla للسرعة على التطوّر المستمر لشبكتنا للإنترنت الجوال، والذي يأتي في إطار جهودنا لتوفير أسرع شبكة إنترنت في العالم، وليس في قطر فحسب. فنحن نعلم أن العملاء يرغبون في الحصول على شبكة أكبر وأسرع، ونحن في Ooredoo نسعى بدورنا لتوفير أحدث وأفضل التقنيات لنتمكن من الاستمرار في تسجيل أعلى سرعات، والمساهمة في جعل قطر أفضل دولة في مجال الاتصالات في العالم."

وأضاف إن Ooredoo توفر أكبر وأسرع شبكة لبيانات الجوال في قطر، يدعمها تجمع القنوات لتتمكن الشركة بذلك من توفير أعلى سرعات للإنترنت في قطر. وتعتبر Ooredoo المشغل الوحيد الذي يجمع بين موجات 20 ميجاهيرتز و10 ميجاهيرتز في شبكتها 4G+، ما يمكن الشركة من الوصول إلى أعلى سرعة قصوى، وتوفير أعلى معدل لسرعة الإنترنت لعملائها.

ولفت إلى أن استثمار Ooredoo في أحدث التقنيات يؤتي ثماره فيما يتعلق بتحسين تجربتهم في استخدام الإنترنت، ويمكنهم من تنزيل الملفات كبيرة الحجم بسرعة أعلى ومشاهدة الفيديو بسهولة أكبر من ذي قبل.

وأطلقت Ooredoo مسابقة خاصة عبر وسائل التواصل الاجتماعي تشمل تقديم مجموعة من الجوائز للعملاء. فالعملاء الذين يتمكنون من الإجابة عن عدد من الأسئلة على فيسبوك وتويتر سيتمكنون من الفوز بجوائز قيمة.

ويعتبر هذا الإنجاز من قبل Ooredoo ثاني إنجاز عالمي في مجال السرعة تحققه الشركة بعد إنجازها الأول الشهر الماضي، وذلك مع تصنيف تقرير أكامي Akamai حول "حالة الإنترنت" لدولة قطر كواحدة من أسرع الدول في العالم التي تسجل زيادة في سرعة الإنترنت عبر الخطوط الثابتة.

[al-obaidly]

وين تروح الارباح

[بنت شرق]

البعض يقول انه مايستخدم النت على جواله بس في الفاتوره يطلع انه مستخدم النت وعليه مبلغ وقدره.

خصوصا في الهواتف الذكيه تكون دايما شابكه على النت وفي بيانات تدخل الجوال عن طريق واتساب او بلاك بيري او اي من هالبرامج
يعني اذا حد من اللي انت ضايفهم غير صورة عرضه او ارسل رساله لك او للمجموعه اللي انت فيها هذي كلها بيانات داخله للجوال ومن هني ينحسب النت عليك وانت جوالك مااستخدمته.

اللي يبي يتجنب هالشي يفضل انه يشترك في باقات الانترنت ( غير باقات الشهري )
او انه يكون شابك مع شبكه ويرلس على طول.

عن نفسي انا مشترك في باقه الشهري 100 ريال وباقه انترنت 100 ريال
يعني فاتورتي كل شهر 200 ريال

مرتاح لابعد الحدود الحمدلله

ويفضل يكون عندك برنامج اوريدو عشان اتابع فواتيرك على طول وبالتفصيل ومن البرنامج تقدر تشترك في خدمه وتلغيها براحتك.
انا ما احبها لهاالسبب كله يقولون فاتورتج زايده لاستخدام النت اقولهم عندي وصله ،،،ايقولون لا الا زيادة باستخدام النت ،،،

[لبيبة]

وعليكم السلام ورحمة الله وبركاته،

بالنسبة لي تعاملت مع الشركتين، وارتحت لأوريدو، وحولت خط فودافون لأوريدو، لأني ارتحت مع أوريدو وتعاملهم ووضوحهم معاي، والباقات المتوفرة أختار منها اللي يناسبني وما تزيد الفاتورة عنها ولله الحمد، وبالمقارنة، أسعار باقاتهم معقولة بالنسبة لفودافون، وهذا من الأسباب اللي خلتني أحول لهم بالكامل، بالإضافة إلى توفر الإرسال في كل مكان أروح له ولله الحمد.

في الحقيقة سابقًا كان تعامل كيوتل غير واضح مع العملاء، وفي إحساس عام ببعض التلاعب في الفواتير، أما الحين أشوف منهم اهتمام واضح وتتبع لمشاكل العملاء وحلها، ومن تجربة في الأسبوعين اللي مروا، استفسرت منهم عن شي في فاتورتي ما فهمته ولا فهمت ليش ياخذون فلوس عليه، واهتموا بموضوعي وسجلوا شكوى الصبح، وفي المساء من نفس اليوم كلموني ووضحوا لي اللي ما فهمته وتذكرت إنها خدمة اشتركت فيها برغبتي وما عرفتها لما شفت الفاتورة لعدم وضوح التسمية، واعرضوا علي قطع هالخدمة إن حبيت، وقلت لهم اتركوها مب مشكلة أبيها.

هذي وحدة من الشكاوى اللي اشتكيت بها عندهم، وكل مرة شفت منهم اهتمام بشكواي وسرعة استجابة وحل للمشكلة، حرام أظلمهم وأقول إنهم مب زينين، أرجو منهم تخفيض الأسعار أكثر.

[koketa]

أنا أحبها

الصراحه تعلمت مره ما افتح رومنج وانا مسافره وخلاص دفعت فاتوره محترمه وتعلمت من الدرس وصرت اسكر الرومنج واستخدم الباسبور

[ولي العهد]

انا احب ooredoo نعم انها الحياه وانها الحنان
(( اعلنت Ooredoo عن تحقيق إنجاز كبير وهام تمثل في تبوؤ دولة قطر المركز الأول في العالم في معدل سرعة الإنترنت الجوال من بين 119 دولة ))