اختلف مع المقاول وارجو النصيحه والشور منكم

[كبير المتداولين]

شباب ابي الغي عقدي مع المقاول لبناء مجلس خارجي مساحته 50م مربع

المقاول معطيه دفعه 20 الف ريال وللحين بس مسوي قواعد وجسر الاساس هو يقولي يبي زياده وانا اقوله معطيك فوق حقك

شرايكم هل تكلفه بناء 8 قواعد مربوطه بجسر توصل هالمبلغ

هو قام بالحفر وبناء القواعد والجسور بس للحين ماسوى دفن ولا اي شي ثاني ..


للمهتمين نصيحتكم تهمنا ..

[بتّاع المري]

السلام عليكم

الموضوع بإختصار العقد اللي بينكم متفقين فيه على ايش وهل فيه استشاري متابع الموضوع

لانه ممكن يحاجك انه قال لك هالشي من البدايه وانت موافق وانصحك خذ لك استشاري الزياره الوحده ب 300 ريال وهو يشرف لك على الشغل ويتمم لك بناء المجلس

والله يوفق الجميع

[Bo3essa]

هلا اخوي

اعتقد المفروض تكونون متفقين على الدفعات
مثلا دفعه اولى الحفر والاساسات
الدفعه الثانيه صف الطابوق
الدفعه الثالثه صب الاعمده والسقف
ودفعه اخيره بعد القيام بالاعمال الباقيه والاخيره
بالنسبه لي في حالتك انت احسب كم قيمه البناء كامله وقسمها على الشغلات الي بيعملها لك
وتفاهم معاه عليها
وان شاء الله يكمل لك الشغل

[سعود.]

اتفق تمامآ مع الاخ ( بو عيسى )

وهذا هو الشغل لازم يكون مقسم على دفعات

[معماري قطري]

الاخوان ما قصروا جميع الإتفاق بعقد واضح ومكتوب ويفترض وجود استشاري مهما يكون البناء صغير

[Qt.1]

هو مب موضوع التكلفه توصل هالمبلغ والاا لاا , السالفه فيه عقد بينك وبينه لازم مايزيد فوقه ريال واحد وهذا من حقك ,

[كبير المتداولين]

ياشباب انا اقولكم خلاص نبي نخلص العقد عقد شامل مب موضح فيه طريقه دفع الدفعات العقد ينص على بناء بشروط ومواصفات بدفعه اوليه وثانويه وثالثه

لاكن بدون تحديد مراحل


تجاوزت مرحله العقد الحين

ابي الحين اسأل وانهي العقد

[لطيف الروح]

تقدر تفسخ العقد ودياً مع المقاول و ذلك بتعين استشاري يحسب لك التكلفة الفعلية للعمل

اذا المقاول رفض الحل الودي ارفع علية قضية فسخ عقد مستعجلة بالمحكمة للضرر و سوف تقوم المحكمة بتعيين خبير هندسي لعمل تقرير هندسي يوضح الوضع الحالي و ما هي الأعمال التي تمت و الباقية و قيمة هذه الأعمال و ما تم استلامة من قبل المقاول و من ثم تقوم المحكمة بفسخ العقد و تقدر تشتغل في المجلس بتعيين مقاول اخر لتكملة العمل و هذا اهم حاجة في هذه المرحلة. بعد ذلك تقدر ترفع علية قضية على المقاول السابق تطالبه في رد أي مبالغ إضافية استلمها او أي اعمال غير مطابقة للشروط و المواصفات

[شموخ دائم]

.

,

مرحبا

لطيف الروح بارك الله فيه وضح الحل الصحيح والمتبع في النزاعات

العقد للاسف ( غير محكم ) وسبب هذا النزاع وفيه نقص تحديد المراحل والدفعات المتبع دائما في المقاولات

عموما

جيب شخص ( محايد ) انت تثق فيه والمقاول يثق فيه يكون مهندس عاده
يحسب الي تم صرفه فعليا في ( الموقع ) ومواد البناء وشغل اليد والحفار

حتى نسهل المسئله

عطيته 20 الف وصرف منها 18 الف في المواد من حفر وشغل كامل
كذا تقريبا انصرفت في محلها ويطلع من المشروع والله الغني عن ال 2000 ريال

اذا صرف في الموقع 30 الف تعطيه الباقي 10 الاف ويطلع من المشروع وهذا حقه اذا انصرف فعليا

الخلاف بيحصل

انه يبي نسبه ربح على شغله وما ربح شي من هذا العمل واشتغل لك وما حسبنا نسبه ربحه
نفرض طلب 10 الاف اتعاب لنفسه

كلام ممتاز وما نظلمه بحقه

اونت بترد عليه

وانت بتحتج ان عندك اسبابك انك تفسخ العقد لاسباب منها

1- التاخير
2- سوء العمل والمصنعيات

ونخصم هذا من الربح الي طلبه

حجه بحجه

ونوصل الى اتفاق نهائي

اما تدفع له ( بهنسه ) 5 الاف ريال ونفسخ العقد ودي وتختصر الوقت لنفسك بدل تضييع الوقت بالمحكمه
تشتري راحتك ب هذي البهنسه

اما تكون صارم معاه وتقوله ( المحكمه ) بينا وتبتدي الاجرائات على طول

عموما المحكمه بتعمل نفس الي قلناه بتحط خبير يشوف الي انصرف فعليا
اذا لك فلوس يرجع لك
واذا المقاول له فلوس تعطيه
بالضبط هذا الي بيصير


بالتوفيق لك

[بومحمد55]

نصيحتي لك وأنا مجرب المحكمه

أنتفق مع الأخ شموخ دائم ومثل ماقالك خل حد يعاين الموقع والشغل ويحسب لك

وخلص معاه بالبهانس .

لأن المحكمه أول شي بتفتح قضيه في المحكمه المستعجله ويطلع الخبير طبعاً لازم تدفع 2000 ريال قبل مايطلع

وبشوف العقد اللي بينك وبين المقاول أذا فيه شرط يقول يقدر يرفع السعر أو لا

أو هل يوجد غرامة تأخير أو لا ، وأذا فيه غرامة تأخير هل عطيته أنذار بكتاب خطي أو لا .

وبعدها الخبير لازم يعقد معاك ومع المقاول ويشوف الخلاف .

واذا ما حل المشكلة ودي يرفع التقرير للمحكمه

والله يعينك على ركضت المحاكم والقهر اذا المقاول مايحضر الجلسة بللل

ردد يا ليل مطولك