تكيف الدكت عند الدرويش

[مررايم]

السلام عليكم يااخواني وخواتي ..لكم منى كل الشكر والتقدير على المعلومات اللي تطرحونها لاخلاء ولاعدم منكم ....ومبارك عليكم الشهر الكريم ......آسفه على الاطاله .....بس انا اثق بخبرتكم وبمعلوماتكم وانا محتاره وووووووايد بمكيفات الدكت من الدرويش تصنيع كويتي ...وعطاني سعر مناسب .....ولا مكيفات مستوبيشي سعره شوي غالي .... تدمر ولا جنرال انتظر التسعيره لين الحين.......انتوا من خلال تجاربكم اش تنصحوني

[معماري قطري]

الدرويش ما شاء الله من القديمين في السوق .. أَعتقد شركة المقاولات هي الأُولى اللي تأَسست كمقاولات في قطر وتجارة مواد البناء هم وكلاء للكثير من الماركات الجيدة .. بالنسبة للتكييف المجال مفتوح لمواصفات كثيرة وكل نوع لازم يناسب نوع معين من البناء .. وفي هالحالة من الحيرة انا لو مكانج اشوف راي مختصين في التكييف ( مهندسين ميكانيكال تخصص تكييف ) هو يراجع المناقصات والمواصفات المعروضة والعقد ويرشح الأَفضل تقنياً والأَنسب لنوعية البناء.

أَذكر في بداية حياتي العملية سويت مشروع صغير .. تحويل صالة رياضية لقاعة دراسة لعدد حول 50 شخص .. والشغل المعماري كان مدرج وصفوف كراسي والارتفاع يسمح ولا عندنا مشكلة وسيلوتكس خاص يمتص الصوت عن الصدى ونظام عرض .. والتركيز تم على الكهرباء والمعماري والشغل تم بسرعة .. ركبنا مكيفات سبلت وتوكلنا على الله .. بعد فترة رحت زرت القاعة بعد ما بدوا فيها .. الكل كان يشتكي من الرطوبة والنفس وصعوبة التنفس .. حكرة يعني وعدم تجدد الهواء .. وكان لازم تركيب تكييف مركزي يجيب هواء نقي من الخارج .. المشروع في رأيي كان فاشل لهذا السبب وتناقشت مع المهندس الميكانيكي وكان من قدامى وكبار المهندسين وبين لي الخطأ .. هذا المهندس انتهى عقده وسافر حول 10 سنين ومن حول سنتين شفته في مؤسسة حكومية جاي خبير وصراحة يستاهل .. مواضيع التكييف لها ناسها والكهرباء لها ناسها وكل تخصص هندسي لازم تحترم حدوده.

[خزامئ]

الله يوفقش ويبارك لش في بيتكم
انصحش ابعدي عن تدمر في كل شي
شغل تعبان ومعامله زفت
تحسفت انحن سوينا عندهم البيت كامل تكييف

[حسن]

مرحبا

شوفي شركه الدرويش معروفه وغنيه عن التعريف
وهم وكلا مكيفات ترين ووالمكيفات الكويتيه اعتقد اسمها كولكس وهذه يمدحونها وممتازه
وانا ناوي ابدل في الشتاء من الكارير الى الكوليكس بس باجيب الوحدات من الكويت اذا كانت ارخص
على العموم السنترال ممتاز وصحي لانه يسحب من الهوا الخارجي
بس لازم تحاسبين في الخريطه تكون مع بدايه التصميم علشان مجاري الداكت
ونصيحه لكل من يبني يحاول ان المهندس يلغى الجسور الصاقطه لانهنها مشكله
لازم تصميم المكيف من الاساسا واذا اتفتي مع الدوريش هم بيسون خريطه التوزيع
والدكت نوعين واحد الالواح الفوم وهذه رخيصه والثانيه الجي اي وهو القلفنايس شيت غالي بس
ابدي وهو يعتبر رقم واحد وحاولي تقسمين الفله على اربع وحدات افضل نفسي كل قسم وحده
علشان اذا اختربت ولا شي باقي الوحدات تغطي وحاولي توزيع الجريل الفتحات نوعين شي منها ساقط وشي منها عمودي
مخفي والخيار لك واذا كان ساقط ماتكون فوق السرير علشان ماتزعج لازم تكون صوب الشبابيك
والداخت الخارجي فوق السطح اطلبي تغطيتها بالكلايدنق هذا بيكون محمي ابدي
ولازم يكون التوزيع وضخ الهواء موزون وبجهاز خاص

وبس

[Azizuk]

السلام عليكم ورحمة الله وبركاته ومبارك عليكم الشهر الفضيل

الحلو في كولكس ان منتج كويتي

ومخصص لأجواء المنطقة هذا بالنسبة لسنترال والبكج

بالنسبة كولكس الدكت شوي نوعا ما مزعج في الصوت بس كاجودة ممتاز

وحجم الوحدة الداخلية شوي كبير

الكولكس يجي فيه عدد كمبرسرات 2 والبعض يجي فيه 3 كمبرسرات

واحد يشتغل والثاني احتياط

بعدين نسبة النحاس فيه عاليه في البيبات بعض الشركات الثانية تحاول تقلل نسبة النحاس بسبب ارتفاع سعرة

المنتج الكويتي ما عليه كلام ممتاز

وكمبرسراته كوبلاند أمريكية الصنع

والمصنع كان تحت إدارة يورك او كرير قبل الغزو الغاشم على الكويت

ومن بعد الشريك الفلسطيني انفصل عنهم وأسس شركة S K M في الشارقة وكيلهم المناعي في قطر
http://www.skm.ae


وشركة الكولكس كان تاجر كويتي يملكها وبعد الانفصال مع الشريك الحكومة الكويتية شرت المصنع بالكامل

وكيلهم الدرويش في قطر

فالمصنع تحت إدارة الحكومة الكويتية

وهذا شي ممتاز لان الدولة تدعم المنتج

http://coolex.com.kw

في مكيفات نازلة جديدة وهذي موجودة عند معظم الشركات وهو نظام جديد يسمى vrf

وهذا النظام يتركب فوق السطح او اي مكان ويتوزع على عدة انواع من المكيفات

على سبيل المثال تبي تركب في غرفة دكت وغرفة سبلت وغرفة كست وغرفة ارضي تقدر تركبهم على وحدة خارجية وحدة

والوحدة تقدر تقسمها على مجموعة وحدات داخلية

الوحدة الوحدة تكفي 8 مكيفات داخلية

والحلو في هذا النظام تقدر تتحكم في عن طريق الانترنت او الهواتف الذكية

وتقدر تتحكم في المكيفات كل واحد بنفسه

يعني غرفة مكيفها يشتغل والغرفة الثانية طافي

والكمبرسرات تجيك 3 مكبرسرات في الوحدة ثنين يشتغلون والثالث احتياط

وفي نفس الوقت يصير توزيع اتوماتيكي على الكمبرسرات

يعني اذا تعطل عندك كمبرسر واحد الباقي يشيلون الحمل و ممكن تستخدم المكيف وانت مرتاح

النظام شوي معقد نوعاً ما بس ذو جودة عالية

93538

93539

93540

93541


93542



هذا صور توضح نظام vrf الجديد

[معماري قطري]

بو سعود مبارك عليك الشهر الكريم وعلى جميع الاخوان

هذا تكييف حديث .. Vrv = versitile refrigiration and ventelation ممكن يشتغل من طن الى آخر قدرته واستهلاكه للطاقة قليل .. فيه نوع أحدث منه عبارة عن أنابيب بلاستيك بقطر حول 5 ملم تتخبى في البلاستر في السقف أَو فوق السقف المستعار .. وتثلج وتنزل البرودة بالتدريج .. ميزته الصوت 0 وحركة الهواء العادية .. بس يحتاج عزل خاص وقوي للمبنى والظاهر ما تم تسويقه للحين.

[معماري قطري]

ما شاء الله عليك شرحك وافي .. والفي ار في سمعت عنه من زمان وكان اختراع ياباني وانتاج ياباني الحين ما ادري شصار معاه وأَكيد تطور أَكثر

[Azizuk]

ما شاء الله عليك شرحك وافي .. والفي ار في سمعت عنه من زمان وكان اختراع ياباني وانتاج ياباني الحين ما ادري شصار معاه وأَكيد تطور أَكثر

الله يبارك فيك يامعماري قطري

شلون ارمضانكم في ألمانيا

وبشرني عن الوالده ان شاالله بخير

[معماري قطري]

الله يبارك فيك يامعماري قطري

شلون ارمضانكم في ألمانيا

وبشرني عن الوالده ان شاالله بخير

الحمد لله الأُمور كلها زينة والله يحرمنا من أَشياء ويعوضنا بأَشياء ثانية

الجو حلو والعلاج ماشي وكان رايها بعدم العودة واكمال العلاج في محله .. المصحة تغيرت من 90 كيلو متر الى 58 بالنسبة لي استوت قريبة وايد والأَهم جدولهم العلاجي وعنايتهم ورقي المكان .. الله يعين على الباقي ودعواتكم لنا

[مررايم]

اشكركم جزيل الشكر على الردود ...وجعل من جابكم الجنه .....والله يتمم شفاء والدتك يامعماري ...