كوفي شوب

[محاسب طيار]

السلام عليكم

بنات كنت اعمل استبيان بخصوص الكوفي شوب ايش شغلات الي بتحبونها فالكوفي وايش افضل كوفي والسبب

[دايموند]

الأجواء
الابتكار في المشروبات الساخنه

[AttractiveG]

احب كوفي بين وستاربكس
الجو فالكفيه ومعاملة الموظفين مهمه!
شي ثاني له دور في جذب الزبون بشكل كبير وتفتقر له الكفيهات فالدوحه
هو تميز الكفيه بشي مثلا انه يكون له ثيم معين يجذب المهتمين بهالشي ..
ممكن يكون فيه كتب او اي خيارات اخرى مبتكره وتكسر فكرة ان الكفيه فقط للقهوه ....
احس اني ماعرفت اوصل فكرتي .. اتمنى انها تنفهم ....

[دايموند]

انا ضربت اكس ع كوستا كوفي الي في السنتر عند رمادا

لا اسلوب حلو ولا خدمه زينه
اذا بتطلب لازم انت تخدم نفسك وتاخذ الاغراض لطاولتك!!!
مع ان الافرع الثانيه لكوستا مب جذي

[محاسب طيار]

السلام عليكم مشكورين على المعلومات القيمه

[koketa]

اهم شي الواي فاي ومكان مريح للقعده

ممكن تتميز مثلا بكوفي شوب حريمي مع ثيم حريمي مثلا تاخذ اللون البينك والابيض وتسوي كوفي شوب حريمي فقط

[kawkawii]

المكان .. تكون القعده مريحه ومرحبه مب مودرن ميته
و في اماكن لركن السيارات او قعدات برى وفي زراعه حتى لو بسيطه لانها من مهدىات الاجواء غالبا
بالنسبه للقهوه في انواع وايد حول العالم والكلاسيكيات اهي المطلوبه غالبا لكن ممكن يكون الاختلاف او التميز في اسلوب التقديم او اضافه شي مميز جديد على هالكلاسيكياات تعطيها شي جديد
ممكن يكون في اماكن صاده نوعا ما مب مغطاه بالكامل مثل كباين المطاعم للعوايل في السعوديه ههه انما شوي صاده بطريقه تعطي شوي برايفسي حول الشخص الي قاعد او اذا بنات يبون يقعدون بدون ما في لقافه جنبهم او حد يقدر يسمع سوالفهم نظرا لان في كافيهات تحس ستايلها فرنسي الطاولات لاصقه في بعض وايد
بالنسبه لكافيه المنيو شي حلو لو للتجديد يكون نصه يتغير شهريا او كل ثلاث شهور علشان ما يملون الزباين وكل مره يلقون شي جديد

ومن الشغلات بعد المهمه جدااااااااااا جدااااااااااا ( موقع الكافيه + الخدمه ) بالذات الخدمه لازم يكونون مرحبين خدومين وبشوشين ... مب مسنكحين واقفين يعقرون في الزباين ومعفنين الطلب داخل ما يجيبونه
ويجون يسالون اذا كل شي اوكي او يبون شي ثاني مره على الاقل بعد تلبيه الطلب
وشي حلو بين الفتره والثانيه يتم تقديم عينات صغيره مجانيه كتصبيره للزباين وبالمره دعايه للشغلات الي يوفرها الكافيه مثل المعجنات او الكيك !

اعتذر عن الاطاله

[محاسب طيار]

السلام عليكم يالربع انا كنت مسوي استبيان لسبب معرفه اقبال اهل قطر واخونا العرب كثير تبارك الرحمن ايش الاسباب وشكرااا

[xtreme]

ولو حبيت عمالة مدربة للكوفي شوب من مصر نوفرلك
بائع عصائر - ويتر - مقدم طلبات - مشرف عام - عمال

وموفق _

[الهديل]

افضل يكون في مكان خاص للعائلات