رسائل الاعلانات في اول الصباح او اخر الليل ما لها حل يعني؟

[khaldoon]

السلام عليكم و رحمة الله و بركاته

اليوم وصلتني مسج من شركة نيستله بيور لايف/المنهل الساعه 6:12 صباحا صحتني من النوم و ما عرفت انام بعدها

رمضان كريم احصل على.......

يعني انتوا تعرفون انه رمضان فما لقيتوا وقت انسب ترسلون فيه المسجات غير الساعه 6 الصبح يوم سبت؟؟!!....... ليش الدنيا كلها مخلية الدوامات في شهر رمضان متأخر؟..... مب علشان الناس بتكون نايمه؟..........والله افكر اقطع تعاملي معاكم بعد هذه المسج السمجه

يا ريت لو ادارة حماية المستهلك تنشر تعميم و قانون انه يمنع ارسال اي مسجات على الهواتف قبل الساعه 8 صباحا على الاقل ولا بعد الساعه 8 بالليل لانه ازعاج ما له اي داعي و قلة ذوق و فهم....و كأنه ما في وقت بكل النهار يرسلون فيه مسجات الا في هذا الوقت المبكر و شكرا

[لبيبة]

وعليكم السلام ورحمة الله وبركاته

مبارك عليك الشهر، وبما انك تستخدم الايفون يا خلدون، عندك ميزة عدم الازعاج، خلها تشتغل كل يوم بتوقيت انت تحدده، من الساعة 8 الليل للساعة 8 الصبح مثل ما تبي، وتحط اسماء الناس المهمين عندك في المفضلة، وتسمح للي في المفضلة فقط بالاتصال بك في اي وقت وازعاجك، اما الباقي ومنهم الدعايات ممنوعين.

الطريقة:
الاعدادات، عدم الازعاج (جنبه هلال)، تختار يدوي ومجدول، وثالث اختيار السماح بالمكالمات (تختار المفضلة)، ورابع اختيار تسمح لأي شخص انه يتصل بك لو حاول يتصل مرتين، فعل الخيار اذا انت محتاج تتلقى مكالمات بشكل طارئ في اي وقت.
وبامكانك تشغل عدم الازعاج يدويا في اي وقت، عن طريق سحب الاصبع من تحت لفوق الشاشة وتطلع لوحة التحكم وتختار الهلال.

هذا هو الحل في نظري لأن محد مهتم من المسؤولين ان يمنع هذا الإزعاج بقوة القانون.

[khaldoon]

وعليكم السلام ورحمة الله وبركاته

مبارك عليك الشهر، وبما انك تستخدم الايفون يا خلدون، عندك ميزة عدم الازعاج، خلها تشتغل كل يوم بتوقيت انت تحدده، من الساعة 8 الليل للساعة 8 الصبح مثل ما تبي، وتحط اسماء الناس المهمين عندك في المفضلة، وتسمح للي في المفضلة فقط بالاتصال بك في اي وقت وازعاجك، اما الباقي ومنهم الدعايات ممنوعين.

الطريقة:
الاعدادات، عدم الازعاج (جنبه هلال)، تختار يدوي ومجدول، وثالث اختيار السماح بالمكالمات (تختار المفضلة)، ورابع اختيار تسمح لأي شخص انه يتصل بك لو حاول يتصل مرتين، فعل الخيار اذا انت محتاج تتلقى مكالمات بشكل طارئ في اي وقت.
وبامكانك تشغل عدم الازعاج يدويا في اي وقت، عن طريق سحب الاصبع من تحت لفوق الشاشة وتطلع لوحة التحكم وتختار الهلال.

هذا هو الحل في نظري لأن محد مهتم من المسؤولين ان يمنع هذا الإزعاج بقوة القانون.

بارك الله فيكي يا لبيبة على هذا الشرح الوافي الكافي و الله يكثر من امثالك ولا يحرمنا هذه الاطلاله المميزه..... دائما مميزه بردودك المفيده الرائعه اللي تثري الموضوع
....
امس بالليل وصلني اعلان لو تبي ايدي عامله من جميع الجنسيات الساعه 1:30 صباحا..... سويت مثل ما قولتي ...والله عالم ما تستحي و يخربون على انفسهم بدل ما يسوون دعايات تعود عليهم بالفايده

[حسن]

مبروك عليك الشهر ياخلدون

طف تلفونك وريح راسك هذه طريقتي الحين مليون برنامج في التليفون
بتسكت من ولا بتخلي من

الحل الاغلاق

وسلام عليكم

[لبيبة]

بارك الله فيكي يا لبيبة على هذا الشرح الوافي الكافي و الله يكثر من امثالك ولا يحرمنا هذه الاطلاله المميزه..... دائما مميزه بردودك المفيده الرائعه اللي تثري الموضوع
....
امس بالليل وصلني اعلان لو تبي ايدي عامله من جميع الجنسيات الساعه 1:30 صباحا..... سويت مثل ما قولتي ...والله عالم ما تستحي و يخربون على انفسهم بدل ما يسوون دعايات تعود عليهم بالفايده

وصلني نفس الإعلان يا خلدون الساعة 2 و 58 دقيقة صباحًا، وتتبعت الشركة المعلنة، وعرفت ان لهم مقر في أحد الأبراج في الدفنة وعندهم عروض وباقات لخدمة الرسائل الإعلانية، يعني يبيعون قوائم فيها أرقامنا وبعلم وتصريح جميع الجهات المسؤولة في الدولة وبالذات وزارة الاتصالات وتكنولوجيا المعلومات ictqatar و وزارة الاقتصاد والتجارة وشركات الاتصالات وبالأخص ooredoo لأنها تتميز بالزخم الهائل من الإعلانات على أرقامها وهذا دليل موافقتها على تقديم هذه الخدمة.

شوف الباقات اللي عارضينها

http://i.imgur.com/QgSqrKA.png

بالتالي جميع الجهات اللي ذكرتها وغيرها - اللي أجهلهم - بالتضامن مسؤولين عن هذه الإعلانات ومستفيدين منها على حساب المستهلك.

[khaldoon]

مبروك عليك الشهر ياخلدون

طف تلفونك وريح راسك هذه طريقتي الحين مليون برنامج في التليفون
بتسكت من ولا بتخلي من

الحل الاغلاق

وسلام عليكم

الله يبارك فيك يا الغالي.....فعلا معاك حق انسب شي اطفي التليفون.....مع اني ما احب هالعاده هذه أخاف انساه مطفي الصباح ولا انتبه له....كل الشكر على الاطلاله المميزه

[khaldoon]

وصلني نفس الإعلان يا خلدون الساعة 2 و 58 دقيقة صباحًا، وتتبعت الشركة المعلنة، وعرفت ان لهم مقر في أحد الأبراج في الدفنة وعندهم عروض وباقات لخدمة الرسائل الإعلانية، يعني يبيعون قوائم فيها أرقامنا وبعلم وتصريح جميع الجهات المسؤولة في الدولة وبالذات وزارة الاتصالات وتكنولوجيا المعلومات ictqatar و وزارة الاقتصاد والتجارة وشركات الاتصالات وبالأخص ooredoo لأنها تتميز بالزخم الهائل من الإعلانات على أرقامها وهذا دليل موافقتها على تقديم هذه الخدمة.

شوف الباقات اللي عارضينها

http://i.imgur.com/QgSqrKA.png

بالتالي جميع الجهات اللي ذكرتها وغيرها - اللي أجهلهم - بالتضامن مسؤولين عن هذه الإعلانات ومستفيدين منها على حساب المستهلك.

بارك الله فيكي...مثل ما قولت دائما مميزه في كل رد و في كل اضافه لج بالمواضيع...... لا تعليق على ما ذكرتيه فوق غير انه لازم حماية المستهلك تجبرهم على الأقل انهم يختاروا الوقت المناسب لنشر اعلاناتهم مثلا بين الساعه 8 صباحا و حتى الساعه 8 مساء.... انسب وقت للجميع.... 12 ساعه كافيه لبث هالاعلانات

[مرتبش]

المفروض مانستقبل دعايات خير شر على ارقامنا الخاصة اللي ندفع احنا فواتيرها وليس المعلنون.. اذا كيوتل بتعطيني الجوال ببلاش ذيك الساعة حقها واللي تبيه تسويه .. مسجات نص الليل والصبح وبلا ذوق واللي بخاطرهم.. لكن مادمت ادفع اشتراكي واشتري جهازي مالهم حق ابدا باستغلالي بهالطريقة البدائية المتخلفة

[معماري قطري]

انا حالياً خارج قطر ورقم قطر بس عليه الواتس أب ومركب رقم ثاني والحمد لله مفتك من الازعاج والدعايات اللي ما لها معنى .. الشركة ذي لو شركة قطري وعادي على قد حاله بيسكرونها لكنها شركة غير أو سوبر قطري.

رقم هذي الدولة نهائياً ما جاتني عليه اتصالات ولا اعلانات معناها فيه احترام لراحة الناس وفيه قانون قوي وواضح.

[khaldoon]

المفروض مانستقبل دعايات خير شر على ارقامنا الخاصة اللي ندفع احنا فواتيرها وليس المعلنون.. اذا كيوتل بتعطيني الجوال ببلاش ذيك الساعة حقها واللي تبيه تسويه .. مسجات نص الليل والصبح وبلا ذوق واللي بخاطرهم.. لكن مادمت ادفع اشتراكي واشتري جهازي مالهم حق ابدا باستغلالي بهالطريقة البدائية المتخلفة

والله معاك حق يا الغالي....هذا اللي ودي أقوله فعلا..... ما في احترام لخصوصية العميل لما يسمحون باعطاء ارقامنا الخاصه لكل من هب و دب بس لأننا مشتركين عندهم..... يمكن لو احنا ببلاد بره نقدر نقاضي شركات الاتصالات اللي تسوي هالشي

[khaldoon]

انا حالياً خارج قطر ورقم قطر بس عليه الواتس أب ومركب رقم ثاني والحمد لله مفتك من الازعاج والدعايات اللي ما لها معنى .. الشركة ذي لو شركة قطري وعادي على قد حاله بيسكرونها لكنها شركة غير أو سوبر قطري.

رقم هذي الدولة نهائياً ما جاتني عليه اتصالات ولا اعلانات معناها فيه احترام لراحة الناس وفيه قانون قوي وواضح.

ما اقدر اعلق على هالكلام غير انك وفيت و كفيت يا الغالي

[asulaiti]

اعتقد في طريقة من أووريدوو عمل بلوك لمثل هذه الرسائل ...

اتصل بهم وإستفسر عن هذا ..

بالتوفيق للجميع ..

[khaldoon]

اعتقد في طريقة من أووريدوو عمل بلوك لمثل هذه الرسائل ...

اتصل بهم وإستفسر عن هذا ..

بالتوفيق للجميع ..

بجرب واتصل و ان شاء الله خير....جزاك الله كل خير ما قصرت

[السيف5]

من الاساس ليش اورويدو
تزودهم بارقامنا الخاصة

[بوخالد911]

مشكلة فعلاً
وحتى بتطبيق أُريدُ
توجد خاصية لحجب ومنع المسجات المزعجة

ولكنها صدقوني غير صحيحة
بالرغم انني حجبت شركة. ولكن ما زالت تأتيني مسجاتها !!!

[أم محمد 90]

اشوه مب بس انا اللي اعصب من مسجات الاعلانات :)

[الزعــــــيم]

حط تلفونك على الصامت دايم اسويها وارتاح من الازعاج ترى ان ماجاتك رساله بيجيك واتس اب ولا bbm يعني لاتفرح واجد الحل بالصامت صااااااااااااااامت يا عزيزي