ماهو أفضل محل للستائر بشارع أم الدوم أو أي محل آخر ؟؟؟

[twilight]

السلام عليكم

عندي استفسار

بخصوص أفضل محل للستائر بشارع أم الدوم ..... ؟؟؟

وياريت يكون عن تجربة

ولكم دعواتي بظهر الغيب مقدما

[الجـــوديّ]

عليكم السلام والرحمة

في شارع آل شافي محلات الستاير على يدك اليمين اذا انت جاي من اوله

منهم الستاير الملكية .. شغله حلو واللي جنبه بعد زينين


طبعاً مستواه فوق المتوسط مب التوب كلش

[شويهينــه]

في واحد دايم نتعامل معاه ماذكر شسم المحل بالضبط

واذا بغينا اي شي نتصل فيه وهو يجينا البيت وشغله حلو ونظيف واسعاره زينه

[شرقاويه]

الي بشارع الشافي غالين على الفاضي الستاره الوحده بخمس الاف نصب عيني عينك

[twilight]

الله يجزاكم الخير
الجودي
شويهينه
شرقاوية

سبحان الله اليوم رحت شارع آل شافي... ودخلت محل اللي اسمه royal شيء جي. لقيت عنده اقمشه حلوة واخترت وعندي التصميم.

بس ما ارتحت له لأني بالرغم اني اخترت القماش والتصميم وعطيته حتى مقاس الستارة رفض يعطيني سعره المبدئي

يبغي يجي البيت ويقيس وبعدين يعطيني السعر

الحين محتارة في أمره بصراحة ...

[الجـــوديّ]

^

مالي خبرة وايد في الستاير وحساباتها..
ولكن نصيحة ..

لا تخلينه يعطيج السعر عشوائي وكامل
فصصي معاه الحساب على كل شي ..
اعرفي سعر المتر من القماش بكم يحسبه
وشغل واحتياج الستارة ..

اذا شفتيه لف ودار واحنا برمضان خليه وشوفي غيره.. أو اللي جنبه
او اذا القماش حاضر عنده اشتري القماش وشوفي واحد ارخص منه

وطبعا كاسريه على قد ماتقدرين.

[twilight]

جزاك الله خير الجودي على النصيحة الغالية

بحاول أشوف آخرتها معاه واذا ماعجبني سعره بشوف غيره

إلا إذا جربتي شغله وكان ممتاز وتعامله زين اهني بقبل بأسعاره

[الجـــوديّ]

والله احنا اربع بيوت نتعامل واياه وشغله زين وماعليه كلام
لكن اشك فيه
ولين الحين لي عنده كرسيين ابيه ينجدهم كل ساعة طلع بسالفة
الا القماش خلص الا القماش الثاني قاصر
ويبي يعطيني سعر كامل بدون تفاصيل... وللحين ماخلصت واياه.
ومن قبل سويت عنده ستاير 4 غرف.

[بنت مريخ]

قصر السلطان
بعد سوبرماركت السعوديه

[twilight]

والله احنا اربع بيوت نتعامل واياه وشغله زين وماعليه كلام
لكن اشك فيه
ولين الحين لي عنده كرسيين ابيه ينجدهم كل ساعة طلع بسالفة
الا القماش خلص الا القماش الثاني قاصر
ويبي يعطيني سعر كامل بدون تفاصيل... وللحين ماخلصت واياه.
ومن قبل سويت عنده ستاير 4 غرف.

هلا أختي الجودي

أمس استخرت واايد وفي النهاية رحت اليوم مفروشات الأندلس اللي بشارع الأصمخ

ولقيت عنده نفس الأقمشة اللي أبغيهم وشكلي باتفق معاه . وكتب لي كل الأسعار بالتفصيل. السعر متوسط موو غالي واايد ولا أنه رخيص. بس ارتحت حق تعاملهم وشكلهم فاهمين كل شيء أبغيه. وماعندهم اللف والدوران اللي عند بعض الجنسيات الله يستر عليهم.

الله ييسر للجميع إن شاء الله والله يجزيج ألف خير على المعلومات المفيدة.

[twilight]

قصر السلطان
بعد سوبرماركت السعوديه

الله يجزيج الخير أختي بنت مريخ