الرياح تفضح تقاعس (المقاولين+أشغال+كهرماء+البلدية+المرور)!!

[عابر سبيل]

الدوحة بكبرها "ورشة"..
و التحويلات في الطرق الرئيسية و الفرعية و المكتملة و غير المكتملة..
لا تعد و لا تحصى..
بل هي الأساس..و الاستثناء ان تجد طريقا كاملا بلا تحويلة!
*
*
،،
و الاسباب لذلك تتنوع..اما بسبب مشروع من مشاريع أشغال
(تعبيد طريق او اعمال صرف صحي)

او مشروع من مشاريع البلدية

او مشروع من مشاريع (كهرماء)..انارة طرق او تمديد خطوط ماء او خطوط كهرباء..الخ

عليه...فالطرق الان ورش متنوعة بين مشاريع هذه الجهات الثلاث الرئيسية..

لذلك..تجد مثل هذه الحواجز في كل مكااان

http://www.ua.all.biz/img/ua/catalog/2304937.jpeg
*
*
،،
اين الخلل و ما دخل (المرور) في ذلك!

الخلل تكتشفه عندما تتفاجأ ان هذه الحواجز تتحرك بسبب الرياح من اماكنها
و تتداخل في حارات الطرق...بشكل يعرض مرتادي الطرق للخطر الحقيقي..

سواء المركبات و روادها..او حتى المارة و من يكون راكبا لدراجة نارية او هوائية..

و من المُسلّم به عرفا
ان "سلامةالطرق"
من اختصاص المرور..و اي اجهزة مماثلة تابعة للداخلية كال"فزعة"
بل و حتى جهاز "لخويا"!!

و مع ذلك..
فاننا نكتشف في مثل هذه الاجواء ان المقاولين..
و بغياب تام من الاشراف من قبل اصحاب العقود
(اشغال/كهرماء/البلدية..الخ)..

يقومون بالتوفير على حساب سلامة المرور و المرتادي الطرق..
بانهم يهملون عملية ملئ
هذه الحواجز بالماء..او الرمل..
و الذي يسهم في جعلها ثابتة..
و لا تتحرك من مكانها!

عليه..فأنا أتسائل..لماذا لا تقوم كل الدوريات التي تجوب الطرق ليل نهار..
بالسعي لمخالفة كافة المقاولين و الجهات التي تدير تلك المشاريع..

بسبب هذا الإخلال و الهدر في الأموال..
و الذي لا يكون له ضحية الا مرتادي الطرق!


لا احتاج ان ابرهن لكل من سيطالب ببرهان..

بل علينا المطالبة ب 10 دوريات تجوب كافة مناطق الدوحة...لكشف هذه الظاهرة
لمدة 24 ساعة..
في هذه الاجواء العاصفة..

لتكتشف انها في كل الطرق التي توجد بها هذه الحواجز البلاستيكية الضخمة..
ما هو "فارغ" من اي شيئ يثبته..
و منها ما هومتحرك من مكانه..او ساقط على جنب..
او زاحف لوسط الطريق!


فالشطارة اذا في مخالفة مثل هذه المخالفات الجسيمة..
لا ملاحقة من يقضون مصالحهم في الاماكن العامة.., بسبب انعدام التخطيط و سوئه..
حيث لا توجد مواقف كافية...ينجبر المراجعون للوقوف على الارصفة..

فتأتيهم الدوريان مباشرة لأخذ الجباية (غير العادلة)..

اجهزة الحكومة..عليها مخالفة اجهزة الحكومة المتقاعسة..
بدلا من صب الضرائب و المخالفات علىالافراد و العامة!

[عثرة جواد]

السلام عليكم

والله اخوي شكل المسولين ولا يعرفون ش طبخة

عندنا ف الشمال شوارع ماصرلها شهور كلة حفر ماساة

حتى عدم تكتيك صح مش موجود كل مرة نقول ونقول ياليت يصير تغير

وبعدين عندي سوال ..

ليش شوارعنا كلها بو خطين ؟؟

جزاك الله خير

[حسن]

تدري اين الخلل

وكتبتها في ردي قبل يومين

الصراحه انا اؤيد بان نسلم المسؤليه الى اجانب من برع
لان المسؤلين عندنا للاسف مهب قد المسؤليه
هذه وجهه نظري افضل مدير اجنبي ولا قطري

رؤتي ولها اسبابها ذكرتها مرارا

انعدام الضمير وتفكير البعض قطر بيزات للاسف

[وطن]

اتفق معاك أخوي عابر سبيل
وصادفت كذا مره هالحواجز تكون متحركة من مكانها وداخلة ع الطريق

ومره كانت داخله ع الخط بطريقة خطرة على السائقين
واتصلت ع الشرطة يجون يتصرفون
لانها ممكن تسبب حادث


تدري ان المفروض يتم استخدام الحواجز الخرسانية في تحويلات أو أعمال الطرق و الحواجز البلاستيكية المفروض تكون داخل منطقة العمل
بعد الحاجز الخرساني

مب على الشارع مباشرة


بس الظاهر المقاولين يستسهلون استخدام البلاستكية لخفة وزنها وسهولة نقلها
بعكس الخرسانية
ثقيلة و نقلها لازم يكون برافعة خاصة

المفروض يتم تطبيق اجراءات السلامة بحزم
ومخالفة المتساهلين فيها

ارواح الناس مب لعبة

[حسن]

ياوطن

هذه الحواجز زينه وتعبي بالماي اذا تتركب
ولكن هل شفتي وزير واقف على المشروع !!!

هل شفتي مهندس قطري على المشروع !!
شكر تكلمت شوفي اشارات الارشاديه والاخطاء وقارنيها في البحرين بس لا تروحين بعيد
والله قهر قطر تكت هل الميارات وللاسف ماشفت مسؤل بمتعلم مثقف واقف على المشروع
لذالك انا اصبحت نظرتي يجب ان نؤلي المسؤليه كامله لاجانب يعني متعهدين
انا اشوفه بيكون ناجح ونلقى اسم وزراءه ووكلا وزراء ومدرراء
ياخي حولها قبل مؤسسات وفشلت ورجععوها وزارات وبعد نفس الشي
يااخي اسمعو اقتراحي والغو هذه التسميات
لازلت افضل المسؤل الاجنبي المخلص

[المهاجر]

غلطان ياحسن

عيال قطر فيهم الخير وهم قد المسؤليه بس محتاجين نحط فيهم ثقتنا ونشجعهم

مشكلتنا هني ان من يمسك حد من عيالنا ما خلينا كلمه ما قلناها عنه

وينه وين هالمنصب واصلا هو فاشل وما يستاهل ومن هالكلام اللي يخلي الكلام

عنه يدور بكل مكان

مشكلتنا الحسد والحقد اللي مودينا ورا ومدمر شبابنا وطموحهم

لو فينا حب الخير للآخرين وتشجيع عيال البد كان شفت شلون الانتاجيه بتكون

بخصوص الموضوع اللي تكلم عنه عابر

ترا بسبب الاجانب اللي تتكلم عنهم واللي كل همهم يربحون اكثر واكثر ويفرون اكثر واكثر

لان ما يهمهم شي غير مكاسبهم الماديه وبس

[وطن]

ياوطن

هذه الحواجز زينه وتعبي بالماي اذا تتركب
ولكن هل شفتي وزير واقف على المشروع !!!

هل شفتي مهندس قطري على المشروع !!
شكر تكلمت شوفي اشارات الارشاديه والاخطاء وقارنيها في البحرين بس لا تروحين بعيد
والله قهر قطر تكت هل الميارات وللاسف ماشفت مسؤل بمتعلم مثقف واقف على المشروع
لذالك انا اصبحت نظرتي يجب ان نؤلي المسؤليه كامله لاجانب يعني متعهدين
انا اشوفه بيكون ناجح ونلقى اسم وزراءه ووكلا وزراء ومدرراء
ياخي حولها قبل مؤسسات وفشلت ورجععوها وزارات وبعد نفس الشي
يااخي اسمعو اقتراحي والغو هذه التسميات
لازلت افضل المسؤل الاجنبي المخلص

من خبرتي في الأجانب يا حسن
اقول لك ما يهمهم يخلص المشروع ولا لا
عادي يماطلون لأنهم يبون يقعدون أكثر و الفلوس ماشية
سواء استشاري ولا مقاول

المقاول غرامة التأخير اللي عليه تكون نسبة محددة ولا يتم تجاوزها في العقد
ويكون عامل حسابه فيها في التسعير

و الاستشاري طول فترة المشروع قاعد ويستلم فلوسه
فكل ما زادت مدة المشروع هو مستفيد


في حالة وحده ممكن الشركات الأجنبية تنفع

اذا تم تعديل العقود
ما يكون في غرامة تأخير
يكون في غرامة ثانية اللي هي غرامة أضرار
يعني يتم حساب الأضرار و الخساير اللي تقع على المالك و يتم خصمها من المقاول

[حسن]

قريت اول سطر لك فقط ولم اكمل الباقي

وجهه نظري لن اغيرها في وقتنا الحالي

الكورنيش اللي تمشون عليه كلكم ابوي كان هو الفورمن الرجل الامي اللي كانت كلمه فورمن كانه وزير
بنو باخلاص وضحو وليل ونهار وهم يشتغلون
ابوي يسوق التريلا ذي ويسوق الشيول ذي ويسوق البلدوزر ذي ويسوق النجال ذاك
عن السواقين وهو المسؤل
ماقال عيب ولا مهب شغلي

هذولا رجال قطر الالوين السواعد السمر

اما التالين نبي رواتب نبي اجازات نبي نسافر

لو انا صحاب قرار كان منعت اي مسؤل يسافر في الصيف
والله لا تشوفون قطر غير

[غايه الطواش]

من خبرتي في الأجانب يا حسن
اقول لك ما يهمهم يخلص المشروع ولا لا
عادي يماطلون لأنهم يبون يقعدون أكثر و الفلوس ماشية
سواء استشاري ولا مقاول

المقاول غرامة التأخير اللي عليه تكون نسبة محددة ولا يتم تجاوزها في العقد
ويكون عامل حسابه فيها في التسعير

و الاستشاري طول فترة المشروع قاعد ويستلم فلوسه
فكل ما زادت مدة المشروع هو مستفيد


في حالة وحده ممكن الشركات الأجنبية تنفع

اذا تم تعديل العقود
ما يكون في غرامة تأخير
يكون في غرامة ثانية اللي هي غرامة أضرار
يعني يتم حساب الأضرار و الخساير اللي تقع على المالك و يتم خصمها من المقاول

اغلب العقود يكون فيها Performance bond والي تمثل 10% من قيمه المشروع +Retention وهي 5% فالميه من قيمه كل مبلغ مستحق نهايه كله phase +Limit of Cumulative Liquidated Damages
For delays بحيث تكون Ten percent (10%) of the total Lump Sum CONTRACT PRICE at Completion
يعني الحسبه كلها 25 % يضيفها على مبلغ العقد عند تقديم bidواموره فالسليم , احس صرنا مكشوفين للشركات

[حسن]

من خبرتي في الأجانب يا حسن
اقول لك ما يهمهم يخلص المشروع ولا لا
عادي يماطلون لأنهم يبون يقعدون أكثر و الفلوس ماشية
سواء استشاري ولا مقاول

المقاول غرامة التأخير اللي عليه تكون نسبة محددة ولا يتم تجاوزها في العقد
ويكون عامل حسابه فيها في التسعير

و الاستشاري طول فترة المشروع قاعد ويستلم فلوسه
فكل ما زادت مدة المشروع هو مستفيد


في حالة وحده ممكن الشركات الأجنبية تنفع

اذا تم تعديل العقود
ما يكون في غرامة تأخير
يكون في غرامة ثانية اللي هي غرامة أضرار
يعني يتم حساب الأضرار و الخساير اللي تقع على المالك و يتم خصمها من المقاول

قريت اول سطر وماابي اكمل نهتائي لان عرفت ردك كامل مثل المهاجر

لا تقعدون تبرؤن القطري
!!!!

تبون تعالجون جميع مشاكلكم لازم نفتح الجرح ونضغط عليه
شغل القطري منزهه هذا ودانا ورا الشمس
هذه المقوله قبل اتفق معاكم ام الاحين نو وي
ذكرت في موضوع لي

شلون تتاجرون بالوطن وتشتغلون وظائف غير تخصصاتكم هذا يعتبر غش الوطن
الكل يبحث عن الراتب العالي

هذه الحقيقه ولازم نكون صريحين والكل يعرف كلامي واقع ولاكن يكابرون عن الحقيقه
يخافون من الهجوم المضاد وانا كالجبل اعبر عن راي ولا يهمني مادمت صح

بدايه كلامك
الاجانب يتلاعبون الى لما شافو المسؤل القطري وهو مااعنيه فاشل وماعنده ضمير ولا يقرا ويكتب
هناك شروط جزائيه هناك عقود
ولكن اذا المسؤل القطري ماكلف نفسسه ينزل الشارع من المسؤل

!!!!!

شجاع راعي الكباب

!!!

المسؤل القطري هو الاول في دائره الاتهام عن اي تقصير

هذه الزبده

يارب ينزل قرار منع السفر في الصيف من الوزير الى درجه مدير

يارب

والله بتشوفون التطور انا اعرف ايش رده هذا الفعل

اشوف شي ماتشوفينه ياوطن

[حسن]

اغلب العقود يكون فيها Performance bond والي تمثل 10% من قيمه المشروع +Retention وهي 5% فالميه من قيمه كل مبلغ مستحق نهايه كله phase +Limit of Cumulative Liquidated Damages
For delays بحيث تكون Ten percent (10%) of the total Lump Sum CONTRACT PRICE at Completion
يعني الحسبه كلها 25 % يضيفها على مبلغ العقد عند تقديم bidواموره فالسليم , احس صرنا مكشوفين للشركات


برافو عليك

هذه اللي تفهم

حطوها وزيره

:victory:

[وطن]

اغلب العقود يكون فيها Performance bond والي تمثل 10% من قيمه المشروع +Retention وهي 5% فالميه من قيمه كل مبلغ مستحق نهايه كله phase +Limit of Cumulative Liquidated Damages
For delays بحيث تكون Ten percent (10%) of the total Lump Sum CONTRACT PRICE at Completion
يعني الحسبه كلها 25 % يضيفها على مبلغ العقد عند تقديم bidواموره فالسليم , احس صرنا مكشوفين للشركات

مكشوفين ونص

عشان جذي اقول لكم

لازم حساب الأضرار و الخسائر

لأن الحسبة ممكن تكون أعلى
او أقل

و يتم عن طريق مختصين و ممكن محكمة بعد

[وطن]

قريت اول سطر وماابي اكمل نهتائي لان عرفت ردك كامل مثل المهاجر

لا تقعدون تبرؤن القطري
!!!!

تبون تعالجون جميع مشاكلكم لازم نفتح الجرح وانغط عليه
شغل القطري منزهه هذا ودانا ورا الشمس
هذه المقوله في قبل اتفق معاكم ام الاحين نو وي
ذكرت في موضوع لي

شلون تتاجرون بالوطن وتشتغلون وظائف غير تخصصاتكم هذا يعتر غش الوطن
الكل يبحث عن الراتب العالي

هذه الحقيقه ولازم نكون صريحين والكل يعرف كلامي واقع ولاكن يكابر عن الحقيقه
يخافون من الهجوم المضاد وانا كالجبل اعر عن راي ولا يهمني مادمت صح

بدايه كلامك
الاجانب ماتلاعبون الى لما شافو المسؤل القطري وهو مااعنيه فاشل وماعنده ضمير ولا يقرا ويكتب
هناك شروط جزائئيه هناك عقود
ولكن اذا المسؤل القطري ماكلم نفسسه ينزل الشاراع من المسؤل

!!!!!

شجاع راعي الكباب

!!!

المسؤل القطري هو الاول في دائره الاتهام عن اي تتقصير

هذه الزبده

يارب ينزل قرار منع السفر في الصيف من الوزير الى درجه مدير

يارب

والله بتشوفون التطور انا اعرف ايش رده هذا الفعل

اشوف شي ماتشوفينه ياوطن

أقول حسن

ارجع اقرأ ردي

:anger1:

[عابر سبيل]

التحية للجميع..و شاكر لكم الاثراء





اغلب العقود يكون فيها Performance bond والي تمثل 10% من قيمه المشروع +Retention وهي 5% فالميه من قيمه كل مبلغ مستحق نهايه كله phase +Limit of Cumulative Liquidated Damages
For delays بحيث تكون Ten percent (10%) of the total Lump Sum CONTRACT PRICE at Completion
يعني الحسبه كلها 25 % يضيفها على مبلغ العقد عند تقديم bidواموره فالسليم , احس صرنا مكشوفين للشركات



لهذاالسبب..
انا يمكن ما كتبتها بشكل صريح..

لكن اقتراحي ان الدولة..متمثلة في "المرور" تحديدا...

تقوم بايقاع مخالفات على من يتسبب في هذا "الفلتان" في سلامة الطريق..
و تكون هذه المخالفات غير مرتبطة لا بالعقد ولا بقيمته..

بل هي مخالفات ثابتة و صريحة..يدفعها الجهات المرتبطة تضامنيا
بأي مشروع مفتوح في الطرق..

و يشمل ذلك..ليس فقط المقاول..
بل الجهة (الحكومية) صاحبة المشروع..
و اللي تهمل في وضع مشرفين يتأكدون من التزام المقاول
بسلامة الطريق!



تبدأ هالمخالفات..من 25 الف ريال و ما فوق..
و ان تسببت هذه الحواجدز في حادث..

فالشركة المركبة للحواجز ومن خلفها..
تتحمل دفع كلفة اصلاح السيارات المتضررة..
بل و حتى التعويضات عن اي اصابات قد يصاب بها السائقين او الركاب..


الحين..لو "براديب" الحمالي في شركة تعمل في مشروع من مشاريع 2022
تعور بسبب هالحواجز..
ايش بيكون ردنا على الفيفا و الجرايد الانجليزية...و اعلام بعض الجيران!

يا اخي..ان ما كان للمواطن و المواطنة الشياب و العيايز
و الشباب و الصغار.. .. من مرتادي الطرق..اي حساب او "حشمة"
عند الجهات المسؤولة عن سلامة الطرق..

خلهم يتحركون
عشان سلامة "عمال"
كاس العالم
من بنغال و نيبال!

[بريق الحق]

الاخت وطن الصبيات خطره بذات فالشوارع الي مافيها مواقف طواري لانه اي ضربه فالصبيه انقول مع السلامه حق الموتر

[حسن]

أقول حسن

ارجع اقرأ ردي

:anger1:

مالي نفس ياوطن من اقرا اول سطر واشوفكم تحيدون عن الصواب خلاص سويت زوم كامل
عرفت الزبده
بتقطين المسؤليه على الاجنبي

مايسير هذا الكلام
انا نزلت اخطاء مثلا عن اللوحات الارشاديه والشوارع الخطاء
والمطبات اللي متولعين فيها
حسبنا الهه ونعم الوكيل

الصراحه لو صاحب قرار كان حاكمت من يوضع المطبات وامرت بازالتها نهائيا من قطر
شي مستغرب
وامس اقرا مقاله لعبدالله حجي السليطي عن المطبات

شي فضيع كانهم ماشافو خير هذا دليل تخلف مهب تطور متولعين فيها هي والرادارات
كانهم شاي كرك
هل الكثر

كله من النيبالي موديهم في ستين داهيه

باقرا على مضض حاظر

:(

بس بعد الصلاه

[وطن]

الاخت وطن الصبيات خطره بذات فالشوارع الي مافيها مواقف طواري لانه اي ضربه فالصبيه انقول مع السلامه حق الموتر

أخوي
التحويلات لازم يكون فيها مواقف طوارئ محددة لكل مسافة معينة

و مب المفروض تدعم الحواجز لو ملتزم بسرعة التحويلة


هذي قوانين سلامة للطرق
ما جبتها من عندي اخوي

بس مشكلتنا
التحويلة سرعتها 50 كم
واحنا طايرين فيها على 100
ولين حد دعم الصبيات قلنا الصبيات هي السبب
مب اللي مخالف السرعة القانونية للتحويلات !!!

[وطن]

مالي نفس ياوطن من اقرا اول سطر واشوفكم تحيدون عن الصواب خلاص سويت زوم كامل
عرفت الزبده
بتقطين المسؤليه على الاجنبي

مايسير هذا الكلام
انا نزلت اخطاء مثلا عن اللوحات الارشاديه والشوارع الخطاء
والمطبات اللي متولعين فيها
حسبنا الهه ونعم الوكيل

الصراحه لو صاحب قرار كان حاكمت من يوضع المطبات وامرت بازالتها نهائيا من قطر
شي مستغرب
وامس اقرا مقاله لعبدالله حجي السليطي عن المطبات

شي فضيع كانهم ماشافو خير هذا دليل تخلف مهب تطور متولعين فيها هي والرادارات
كانهم شاي كرك
هل الكثر

كله من النيبالي موديهم في ستين داهيه

باقرا على مضض حاظر

:(

بس بعد الصلاه

يا بابا حسن
من قال لك حطيت الغلط عليه !!

ما حطيت الغلط عليه ولا قلت انه صح

انا اقول لك عقودنا مب صحيحة معاهم


مب كل شي نقطه ع القطري
تراه اخوي واخوك
وفي منهم اللي يشقى ويتعب بذمة وضمير ويخاف على بلاده
وفي منهم الراكد الكسول

لا نعمم

الأجنبي لو شنو
ما بيحب بلادك ويخاف عليها مثل القطري

[بريق الحق]

أخوي
التحويلات لازم يكون فيها مواقف طوارئ محددة لكل مسافة معينة

و مب المفروض تدعم الحواجز لو ملتزم بسرعة التحويلة


هذي قوانين سلامة للطرق
ما جبتها من عندي اخوي

بس مشكلتنا
التحويلة سرعتها 50 كم
واحنا طايرين فيها على 100
ولين حد دعم الصبيات قلنا الصبيات هي السبب
مب اللي مخالف السرعة القانونية للتحويلات !!!
ماقلت اتبين من عندج قلت الصبيات خطره
مواقف الطواري مافي الا موقف واحد في خط 3 كيلو انا اتكلم عن الشارع الي امر عليه كل يوم
عندنا التحويلات اي كلام للاسف مع احترامي لي اشغال للاسف عندهم المراقبه ضعيفه على مشاريعهم

[وطن]

ماقلت اتبين من عندج قلت الصبيات خطره
مواقف الطواري مافي الا موقف واحد في خط 3 كيلو انا اتكلم عن الشارع الي امر عليه كل يوم
عندنا التحويلات اي كلام للاسف مع احترامي لي اشغال للاسف عندهم المراقبه ضعيفه على مشاريعهم

اتفق معاك
بعض المشاريع تحتاج تدقيق زيادة

بس في ثلاثة كيلو موقف واحد
الأكيد انهم حاسبينها
ما اقدر اقول لك صح او خطأ

[مرتبش]

اتفق معاك
السلامة في الشارع اهم من مخالفة ممنوع الوقوف او حزام الامان
الاولويات مقلوبة.

واضيف ايضا عن السلامة في الشارع كثير مانشوف تجاوزات عجيبة ومحد يتصرف .. مثلا المظلات الخارجية بعضها يصل للشارع ويصعب مرور السيارات المرتفعة.. الاشجار الكبيرة وغصونها تملا الشارع.. تكرمون صناديق القمامة البلاستيكية تطير مع الهوا لعرض الشارع .. حواجز مواقع البناء (الشينكو) تتطاير مع الهوا وخطرة جدا بسبب تهاون المقاولين.. الشاحنات المحملة باكثر من طاقتها.

الخلاصة لما نمشي في الشارع مانشوف الصورة اللي يرغب فيها الجميع بل نرى عكس ذلك..تخلف وعدم اهتمام

[بريق الحق]

اتفق معاك
بعض المشاريع تحتاج تدقيق زيادة

بس في ثلاثة كيلو موقف واحد
الأكيد انهم حاسبينها
ما اقدر اقول لك صح او خطأ

والله مادري شلون يحسبونها الصراحه
وحتى الشوارع الي قاعدين يسونها اجوفها ضيقه
وبعد شارع محطة وقود الصراحه شي غريب الصراحه مادري شلون يسون الشوارع ونظام السلامه عندهم

[qtr qtr]

المسؤل عن حواجز الحفريات شرطة الامن والسلامه وغرامتها 50 الف ريال على ما اعتقد ومسؤلية مفتشي الشؤون الفنيه بوزارة البلديه ومفتشي اشغال .

كلهم في طاولة الاتهام .. والكل يرمي على الثاني المسؤليه الا الموظف اللي يخاف الله ومهتم بعمله وسلامة مرتادي الطريق وحبه لوطنه ..

صادفني بالطريق حواجز مسكره الطريق تقريبا مسافة 100 متر واتصلت بمهندس المشروع فخلال 10 دقايق تم تعديل الحواجز وعبوا ماي فيها .
فالكل لازم يبادر مب بس نعتمد على المسؤل المختص .

[صمت 1]

غلطان ياحسن

عيال قطر فيهم الخير وهم قد المسؤليه بس محتاجين نحط فيهم ثقتنا ونشجعهم

مشكلتنا هني ان من يمسك حد من عيالنا ما خلينا كلمه ما قلناها عنه

وينه وين هالمنصب واصلا هو فاشل وما يستاهل ومن هالكلام اللي يخلي الكلام

عنه يدور بكل مكان

مشكلتنا الحسد والحقد اللي مودينا ورا ومدمر شبابنا وطموحهم

لو فينا حب الخير للآخرين وتشجيع عيال البد كان شفت شلون الانتاجيه بتكون

بخصوص الموضوع اللي تكلم عنه عابر

ترا بسبب الاجانب اللي تتكلم عنهم واللي كل همهم يربحون اكثر واكثر ويفرون اكثر واكثر

لان ما يهمهم شي غير مكاسبهم الماديه وبس

للأسف كلام حسن صحيح
وبخصوص شبابنا عطوهم الثقة عطوهم كل شي النتيجه زيرو

[A-Alansari]

الي يضحك لين واحد دعم هالحواجز وهي داشه بنص الشارع يقولون له انت غلطان دعمتهم وقلت داشين على الشارع

وصارت مع واحد اعرفه وحطو الغلط عليه مع انه الحواجز طايحه في الشارع وفوق هاي كانو شاكين فيه انه مب صاحي

حمدالله والشكر بس

[معماري قطري]

عجبني أَول رد للأُخت وطن بخصوص ان الواجب استخدام الكتل الخرسانية والصاقها ببعض بواسطة الربط الخاص بينها بدون ترك فجوات تسبب اصطدام مباشر .. وفي حالة بدايتها لازم تستخدم أَكياس الرمل أَو براميل الماء المطاطية واللتي تمتص الصدمة المباشرة.

معروف إِن وزن الماء 1000 كجم لكل متر مكعب .. ووزن الخرسانة قريب من 2400 كجم لنفس الحجم .. وزن الرمل يوصل 1800 كجم .. الماء صبوه قبل وتسرب بسبب عيوب التصنيع لهذه الحواجز .. وكذلك الرمل .. حسب ما سمعت من أحد مهندسي أشغال بأَن هذه الحواجز البلاستيكية مطلوبة من المرور .. ويفترض مهندس السلامة أو مشرف الموقع ( وهو كان قطري ذاك الوقت ) لا يقبل بتدخل جهات ثانية في أَساسيات سلامة الموقع والمرور والمشاة والعمال ككل .. لكن عندنا محد يعرف حدود عمله ومسؤولياته .. قال لي بالحرف الواحد اذكر مدير المرور طالب هذي النوعية.

[حسن]

عجبني أَول رد للأُخت وطن بخصوص ان الواجب استخدام الكتل الخرسانية والصاقها ببعض بواسطة الربط الخاص بينها بدون ترك فجوات تسبب اصطدام مباشر .. وفي حالة بدايتها لازم تستخدم أَكياس الرمل أَو براميل الماء المطاطية واللتي تمتص الصدمة المباشرة.

معروف إِن وزن الماء 1000 كجم لكل متر مكعب .. ووزن الخرسانة قريب من 2400 كجم لنفس الحجم .. وزن الرمل يوصل 1800 كجم .. الماء صبوه قبل وتسرب بسبب عيوب التصنيع لهذه الحواجز .. وكذلك الرمل .. حسب ما سمعت من أحد مهندسي أشغال بأَن هذه الحواجز البلاستيكية مطلوبة من المرور .. ويفترض مهندس السلامة أو مشرف الموقع ( وهو كان قطري ذاك الوقت ) لا يقبل بتدخل جهات ثانية في أَساسيات سلامة الموقع والمرور والمشاة والعمال ككل .. لكن عندنا محد يعرف حدود عمله ومسؤولياته .. قال لي بالحرف الواحد اذكر مدير المرور طالب هذي النوعية.

اليوم لقيت وكيل ضابط شرطه جزاه الله خير واقف بسيارته ويشيل الحواجز متنثره في الشوارع

الصراحه مادري ليش الشركات مهملتها وخصوصا في هبوب البوارح القويه

وهي الرياح الشماليه الحفار والثريا والدبران

[معماري قطري]

نسيت اقول ان وزن البلاستيك فاضي ما يوصل 50 كجم وسماكة جداره رقيقة لدرجة أغلبهم يسربون بسبب ثقوب بسيطة فيهم .. وطبعاً لخفة الوزن دور في تحرك هذي الحواجز بسهولة.

بخصوص ما ذكرت الاخت غاية الطواش من شروط العقد المالية .. معروف كل مقاول يضيفها من البداية وفي مشاريع الحكومة يضيفون أَشياء كثيرة ويرفعون السعر .. ووقت تطبيق الغرامات عارفين شلون يلغونها وعارفين شلون يطالبون بزيادات.

[حسن]

نسيت اقول ان وزن البلاستيك فاضي ما يوصل 50 كجم وسماكة جداره رقيقة لدرجة أغلبهم يسربون بسبب ثقوب بسيطة فيهم .. وطبعاً لخفة الوزن دور في تحرك هذي الحواجز بسهولة.

بخصوص ما ذكرت الاخت غاية الطواش من شروط العقد المالية .. معروف كل مقاول يضيفها من البداية وفي مشاريع الحكومة يضيفون أَشياء كثيرة ويرفعون السعر .. ووقت تطبيق الغرامات عارفين شلون يلغونها وعارفين شلون يطالبون بزيادات.

تقصد يعني اصبحنا مكشوفين وفاهمين اللعبه


زين شنهو الحل من ووجهه نظرك

[معماري قطري]

اليوم لقيت وكيل ضابط شرطه جزاه الله خير واقف بسيارته ويشيل الحواجز متنثره في الشوارع

الصراحه مادري ليش الشركات مهملتها وخصوصا في هبوب البوارح القويه

وهي الرياح الشماليه الحفار والثريا والدبران

هذا يا اخوي عيب أَساسي في مدراء المشاريع المشرفين على هذي الشركات .. وفضيحة في حق قطر .. الكل يشوف لكن للأَسف محد يتحرك ونجي احنا نكتب هنيه بس شالفايدة؟

إِخوي حسن مره كنت في جولة شغل في دوسلدورف ومعانا كم شخص وانا ومدير شركة آخرهم نمشي .. مرينا على صاج حديد حلي مثل اللي عندنا في الشارع اللي يسدون به الحفر .. وتضرب السيارات عليه بريك وينسحب معاها .. وقفت اطالع وافكر وربعنا راحوا عنا الا اللي معاي وكان مهندس وشرحت له اننا نستخدم نفس الشيء لسد الحفر بس قلت له اللي عندكم ثابت وما يتحرك .. ليش؟ لأَنهم ببساطة حاطين قار سائل مخلوط برمل على الحواف ومن تحت الحديد .. وباقي ثابت ما يتحرك ولا يقرقع وعندنا منهولات في الشوارع متمردة ورافعة راسها فوق الشارع وبعضها تقرقع تقول انفجار تحت سيارتك.

إِنه الجهل وسوء التدبير يا صديقي

[معماري قطري]

تقصد يعني اصبحنا مكشوفين وفاهمين اللعبه


زين شنهو الحل من ووجهه نظرك

تطوير القوانين وعدم التساهل فيها والرقابة الادارية ومحاسبة المتسبب .. كفاية يا اخوي ان مهندسين كهرب يشتغلون في أشغال وأشغال أغلب شغلها طرق وصرف صحي .. والمفروض مهندس الكهرباء يكون مسؤول عن تنسيق المشاريع مع شركة الكهرباء ما يشرف على طرق ولا على تصميمها ولا على شروط السلامة

[حسن]

هذا يا اخوي عيب أَساسي في مدراء المشاريع المشرفين على هذي الشركات .. وفضيحة في حق قطر .. الكل يشوف لكن للأَسف محد يتحرك ونجي احنا نكتب هنيه بس شالفايدة؟

إِخوي حسن مره كنت في جولة شغل في دوسلدورف ومعانا كم شخص وانا ومدير شركة آخرهم نمشي .. مرينا على صاج حديد حلي مثل اللي عندنا في الشارع اللي يسدون به الحفر .. وتضرب السيارات عليه بريك وينسحب معاها .. وقفت اطالع وافكر وربعنا راحوا عنا الا اللي معاي وكان مهندس وشرحت له اننا نستخدم نفس الشيء لسد الحفر بس قلت له اللي عندكم ثابت وما يتحرك .. ليش؟ لأَنهم ببساطة حاطين قار سائل مخلوط برمل على الحواف ومن تحت الحديد .. وباقي ثابت ما يتحرك ولا يقرقع وعندنا منهولات في الشوارع متمردة ورافعة راسها فوق الشارع وبعضها تقرقع تقول انفجار تحت سيارتك.

إِنه الجهل وسوء التدبير يا صديقي

اسكت يارجل لا تذكرني بالمانيا شفتها مهب صاجات مهب شغل مهب ترتيب

والله عندنا تصرف الحكومه مليارات ومهب مقصره على المشاريع

لكن مثل ماذكرت سابقا ماشفت مسؤل يدور واقف على راسهم يبرد قلبي
تو منطقتنا مخلصين مشروع الطرق وليتات حلوه تصدق اكثريتها محترقه
واخوي يراكض وكلن يرمي على الثاتي

حرام مافي رقيب وحسيب

[معماري قطري]

تقصد يعني اصبحنا مكشوفين وفاهمين اللعبه


زين شنهو الحل من ووجهه نظرك

ومب بس مكشوفين .. استووا مسؤولين المشاريع مقتنعين بهذي الأسعار العالية ويروجون لها .. شوف مثال بسيط برج خليفة مكلف مليار دولار وخلص في فترة قياسية وهو رمز مدينة ومشروع ناجح .. المليار للبرج والبنية التحتية حواليه.

عندنا طريق سلوى كلف مليار و200 مليون ريال ولا خلص الا بقضية وتوزيع المشروع لعشر شركات قطرية .. السبب معروف سوء الادارة وتدخلات مصالح ناس معينين .. السعودية سوت طريق الى عمان يقطع الربع الخالي .. مشروع ضخم في فترة شهرين على ما اعتقد .. وحطيت له فيديو في موضوع مساؤي الطرق في قطر.

[معماري قطري]

اسكت يارجل لا تذكرني بالمانيا شفتها مهب صاجات مهب شغل مهب ترتيب

والله عندنا تصرف الحكومه مليارات ومهب مقصره على المشاريع

لكن مثل ماذكرت سابقا ماشفت مسؤل يدور واقف على راسهم يبرد قلبي
تو منطقتنا مخلصين مشروع الطرق وليتات حلوه تصدق اكثريتها محترقه
واخوي يراكض وكلن يرمي على الثاتي

حرام مافي رقيب وحسيب

ما تحتاج رقابة لهذي الدرجة .. تطبيق القوانين وبس .. الاستشاري يجي يوضح كل المخالفات لمدير المشروع مدير المشروع يروح للأعلى منه يجيه الرد خلوه .. وين الخلل ووين الحلقة المفقودة انا شخصياً عارفها وقلت نصها ونصها الباقي يعرفونه ادارة أشغال وانا ما اقدر اقوله

[معماري قطري]

الي يضحك لين واحد دعم هالحواجز وهي داشه بنص الشارع يقولون له انت غلطان دعمتهم وقلت داشين على الشارع

وصارت مع واحد اعرفه وحطو الغلط عليه مع انه الحواجز طايحه في الشارع وفوق هاي كانو شاكين فيه انه مب صاحي

حمدالله والشكر بس

وحده الله يغفر لها كانت ممرضة وكانت راجعة الفجر وطاحت بسيارتها في حفرة غزيرة بسبب هالحواجز اللي لا تهش ولا تنش وتوفت .. هي مقيمة وابوها رجل طيب متدين وكثير الدعاء .. وكانت مساعدة أَهلها للعيش الكريم .. إِبوها كان يشتغل معاي وخذ عزاها يوم وثاني يوم مداوم وكنت ناوي امره العزاء .. هذي العائلة وكثير ناس صارت لهم حوادث شنيعة أَثناء بناء كثير من الشوارع مثل طريق سلوى .. تحسن الوضع الأَمني شوي مع شارع الشمال .. بس الهندسة دراسات وتخصصات وتنفيذ مشاريع صح مب تجارب وأول تجربة تكون فاشلة والثانية نص فاشلة والثالثة نكون شوي تعلمنا أَكثر.

يعني صج كنا كما ندري بتضاعف عدد السكان والاحصائيات كلها؟ ولا ما نعرف ان فيه نظام تخطيط مدن حديث اللي هو النظام الأَمريكي الشبكي المربع .. شمال - جنوب و شرق - غرب .. مثل البوصلة وسطها وسط المدينة ومنها تتفرع الاتجاهات والشوارع .. بدال الدائري 1 و 2 والحين وصلوا السادس .. حتى معيذر مسوين نفس النظام .. نتطور شوي ونطور الشوارع الحديثة لشوارع مستقيمة بتقاطعات حضارية وبارتدادات تكفي لكل توسعة ولكل خدمة .. ليش مقترين على نفسنا؟

شوارع جديدة ترقص فوقها السيارات بسبب المنهولات الكشرة مالت أشغال.

المشكلة تكمن في رأَيي في عدم نقل الصورة واضحة لكبار المسؤولين لتسهيل ووضع حلول للمشاكل الكبيرة.

[معماري قطري]

ما ننسى إِن أَطول طريق في قطر كلف مليار وشوي وإِن مشاريع الطرق المستقبلية بتكلف 50 مليار .. يعني حول خلوني اقول 40 من طريق سلوى .. سؤالي وين بيسوون هذي الطرق؟ ويقولون معاها جسور وأنفاق .. حتى طريق سلوى معاه جسور وطريق الشمال خلص الخمسين مليار شبيسوون بها؟

[عابر سبيل]

اخوي معماري قطر..
من خبرتك
هل العقود اللي نتكلم عنها في موضوعنا الرئيسي
توضع من ضمن بنود التكاليف
الزام المقاول بملئ هالمحواجز البلاستيكية بمادة مثبتة
(رمل/ماء)؟؟اي تنحسب ع الدولة تكلفة الماء/الرمل؟؟

ان كان لأ..اذا يعفى المقاول من اي التزام
نحو الضرر الذي تسببت به تحرك الحواجز بسبب الرياح

اما ان كان "نعم"
فأترك لك الإجابة التفصيلية

[معماري قطري]

نعم اخوي عابر سبيل ( نعم اقولها من واقع خبرة بالعقود الحكومية ولا لي اطلاع على عقود أَشغال ) حتى المواصفات القطرية فيها بنود ومحددات وشرط أَساسي هو الحماية والحواجز وفيه كل شيء مفصل .. انا ضد هذي الحواجز لأَتها خفيفة ولا تحمي وقت الاصطدام .. المفروض خرسانات وهذي بالعكس تكلفتها ولا شيء على المقاول وملئها بالماء أَو الرمل سهل وغير مكلف .. الماء من مستنقع بو نخلة وهو اللي يستخدم لرش الدفان قبل الدك .. بس الماي خفيف وأَي سيارة تضرب الحاجز بتعدمه بسهولة وبتتعداه .. الحواجز الخرسانية سهل حملها بشيول آلي وصفها جنب بعض وشبكها بحديد أَو بكيبل يمر في تجويفها .. لو انشبكت يزيد الوزن وتستوي غير قابلة للاختراق وتؤدي الغرض من وضعها .. لو ما انشبكت تكون شبه مفصولة وسهل اختراقها.

[معماري قطري]

حتى لو ما نتكلم عن قوانين البناء في قطر .. فيه قوانين حماية مستخدمي الطريق بكل فئاته وحماية من يشتغلون في الموقع .. في قطر شفت عمال يقصون الرصيف بالمنشار الكهربي والغبار يتطاير على السيارات .. تفضل شوف الصور وتابع بالصورة والكلمة.

http://www.qatarshares.com/vb/showthread.php?511242-نقاش-حول-مساويء-تخطيط-وتنفيذ-طرق-قطر/page16

تقول قاعدين على بسطة يبيعون في سوق واقف

[معماري قطري]

أَقرب شيء عندنا مشاريع الطرق في البحرين وفي دبي ما فيها اللي نشوفه في قطر من تجاوزات وترقيع .. حتى سيارات التاتا يستوردونها مستعملة ومتهالكة من الهند .. من يسمح بدخولها ومن يفحصها فحص فني الله أعلم.

[النهار]

على فكره معضم الحواجز البلاستيكيه منتهية الصلاحيه اكثرهم فيهم ثقوب اما بسبب القدم او طريقة التنزيل تكون خاطئه ترمى رمي
من قبل العمال وتجد الاحجام والالون تختلف اما بها كسر من فوق اثقوب في الاسفل لاينفع معاه صب المياه
الشركه التي تم ارساء العقد معها تبحث عن مقاول بالباطن بأقل سعر ممكن من غير النظر الي الجوده والامان في اتمام المشروع
لان الشركه في الاساس تفرد عضلاتها عند تقديم العطاء وهي في الاساس لسيت لديها امكانيات من ناحية العماله والمعدات فقط ينظرون الي الربح
اما الشركات المحترمه الكبيره تجد اعمالهم مرتبه وتجد على الحواجز البلاستيكيه اسم اوعلامة الشركه المنفذه للمشروع
اما البعض يقول حواجز اسمنتيه هذه الحواجز خطر على مستخدم الطريق لان الشارع به احداثيه جديده قد لاينتبه لها السائق وتحدث كارثه لاسمح الله

[معماري قطري]

إخوي النهار شوارع أمريكا كلها وقت التسكير تكون بحواجز خرسانية متصلة وهي أساسية للأمان لكل الأَطراف .. والحواجز لو صفت صح تحمي ما تقتل .. اللي يقتل التركيب الغلط وترك فتحات تسبب اصطدام مباشر مثل اللي مركب على الشارع الموصل من طريق السيلية للصناعية من 2006 وللحين ما تغير وحصد أرواح بدون عدد.

شوف في تصاميم الجسور الحديثة وخصوصاً اللي مصممة بواسطة استشاري دولي تكون حواجزها خرسانية ومبنية مع الجسر حتى الشاحنة ما تخترقها .. والاصطدام بالحاجز دوم نحاول نخليه جانبي.

هذا اخوي مقطع يراويك كيف الحواجز الخرسانية تجرب وتدرس لعدة نوعيات من السيارات .. وهي نفسها اللي شفناها مركبة في الشوارع أَثناء صيانتها وانشاءها.


https://www.youtube.com/watch?v=CBrPVmuGp2U

[معماري قطري]

وهذا مقطع للطرق الخرسانية والمكينة اللي تسويها وتخشنها للسيارات .. وهذي تعيش عمر طويل وكانت تنعمل عندنا من زمان قبل عهد أَشغال في قرب أَماكن شحن دناكر المياه .. واللي يذكر المنتزه مقابل السنتر .. ألحين أشغال ينطرون الشارع سنتين يخترب ويتمون يصلحونه سنة ويرجع بعد سنتين يخترب .. وهذا حاصل في مصب توزيع دناكر الصناعية .. شالفرق بين قبل وألحين؟ قطر هي قطر وكان ذاك المصب يكفي الدوحة كاملة وكانت البيوت كلها بدناكر.

أَشغال ما فيه معلوم صدقوني


https://www.youtube.com/watch?v=KS6YlZdNfK8

[عابر سبيل]

على طاري الحواجز على الجسور..
انا دائما أتسائل عن ملائمةالحواجز الحديدة التي أراها "خفيفة" و غير مريحة
على الجسر و المعابر الجانبية أعلى نفق مدماك!

يعني للي رايح لدوار مدماك بمحاذاة جريدة الوطن..
لو نلتفت للحواجز الفاصلة ما بين اعلى النفق و ادناه..
يمكن تجي للسايق/السائقة.. دوخه..

غير ان هيكلتها لا توحي بانها متينة و قوية بما يكفي
لمنع سيارة دفع رباعي..او بيك اب "رابتر"...
عوضا عن شاحنة او خلاط اسمنت..أو باص كروة او باصات "تاتا"
من السقوط ((لا قدر الله)) من اعلى الجسر الى قعر النفق!!!

[غايه الطواش]

على طاري الحواجز على الجسور..
انا دائما أتسائل عن ملائمةالحواجز الحديدة التي أراها "خفيفة" و غير مريحة
على الجسر و المعابر الجانبية أعلى نفق مدماك!

يعني للي رايح لدوار مدماك بمحاذاة جريدة الوطن..
لو نلتفت للحواجز الفاصلة ما بين اعلى النفق و ادناه..
يمكن تجي للسايق/السائقة.. دوخه..

غير ان هيكلتها لا توحي بانها متينة و قوية بما يكفي
لمنع سيارة دفع رباعي..او بيك اب "رابتر"...
عوضا عن شاحنة او خلاط اسمنت..أو باص كروة او باصات "تاتا"
من السقوط ((لا قدر الله)) من اعلى الجسر الى قعر النفق!!!

بصراحه وانا اقرا كلامك خفت :)

[عابر سبيل]

بصراحه وانا اقرا كلامك خفت :)

http://media.al-sharq.com/PortalImages/News/Large/124420_0.jpg




و الان..هل تعتقدين اني في وصفي "بالغت"؟؟

[غايه الطواش]

بصراحه اي يعني لو قدر الله وصار حادث وطاحت سياره ماتؤدي للوفاه انا تخيلت جيه

http://www8.0zz0.com/2015/06/24/13/143591361.jpg (http://www.0zz0.com)


http://www8.0zz0.com/2015/06/24/13/580083461.jpg (http://www.0zz0.com)

[معماري قطري]

الحديد هذا قوي .. ومصمم لهذا النوع من الحواجز بس العيب في الخرسانة الضعيفة اللي ماسكته .. والخرسانة يزيدها ضعف الحديد المصدي داخلها .. اللي مستغرب منه الحديد اللي على الخطوط العريض .. هذا مؤكد مغشوش ورقيق لأَن كثير على طريق سلوى متساقطين بسبب حوادث عادية .. والمشكلة الصيانة مفقودة لفترات طويلة.

شوارع تستوي عليها حوادث مميتة بأَسباب فنية ولا تصان ولا يصلح الخلل .. بل بالعكس قمنا نشوف حواجز حماية لبعض الاشارات والكاميرات بعيدة كل البعد عن حماية الطرفين .. تحمي الحديد وتضيع الانسان .. ويقولون قطر تستحق الأَفضل.

فيه حلول ثانية شرحتها قبل وممكنة لحماية الطرفين بس أَشغال يدورون السهل والرخيص وما تهمهم حياة الإِنسان .. ببساطة غير محاسبين .. أَذكر كلمة أحد فطاحل مهندسي الطرق لدينا .. من قايل له يدعم الخرسانة؟ وكأَن من يصدم خرسانة بارزة في جنب الطريق في حال انحراف السيارة اللاإرادي قاصد هذا الاصطدام.

[معماري قطري]

بصراحه اي يعني لو قدر الله وصار حادث وطاحت سياره ماتؤدي للوفاه انا تخيلت جيه

http://www8.0zz0.com/2015/06/24/13/143591361.jpg (http://www.0zz0.com)


http://www8.0zz0.com/2015/06/24/13/580083461.jpg (http://www.0zz0.com)

لو مريتي فوق نفق العسيري لاحظي الشقوق الطولية في الأَسفلت .. هذا يعني ضعف كبير في الحائط الخرساني اللي ماسك الطريق فوق .. وشوية ميلان بسيط ووالله يستر من القادم .. الخوف كل الخوف من انهيار مفاجيء.

[معماري قطري]

الحادث اللي في الصورة اختي غاية في السعودية أو الكويت صح؟ بس مب بعيد يتكرر عندنا

[عابر سبيل]

الحديد هذا قوي .. ومصمم لهذا النوع من الحواجز بس العيب في الخرسانة الضعيفة اللي ماسكته .. والخرسانة يزيدها ضعف الحديد المصدي داخلها .. اللي مستغرب منه الحديد اللي على الخطوط العريض .. هذا مؤكد مغشوش ورقيق لأَن كثير على طريق سلوى متساقطين بسبب حوادث عادية .. والمشكلة الصيانة مفقودة لفترات طويلة.

شوارع تستوي عليها حوادث مميتة بأَسباب فنية ولا تصان ولا يصلح الخلل .. بل بالعكس قمنا نشوف حواجز حماية لبعض الاشارات والكاميرات بعيدة كل البعد عن حماية الطرفين .. تحمي الحديد وتضيع الانسان .. ويقولون قطر تستحق الأَفضل.

فيه حلول ثانية شرحتها قبل وممكنة لحماية الطرفين بس أَشغال يدورون السهل والرخيص وما تهمهم حياة الإِنسان .. ببساطة غير محاسبين .. أَذكر كلمة أحد فطاحل مهندسي الطرق لدينا .. من قايل له يدعم الخرسانة؟ وكأَن من يصدم خرسانة بارزة في جنب الطريق في حال انحراف السيارة اللاإرادي قاصد هذا الاصطدام.



اي و الله يا خوي معماري..
للأسف..في الطريق
حقوق المستخدمين ضد المصممين
و المنفذين و المشغلين للطريق
غير موجودة و معدومة..

و اكبر من ذلك..يطالبوم المصاب و الخسران
و ربما ورثة المتوفى بسبب مثل ما تشير له من حوادث..
بتعويض عن المعدات/الحديد/ الحواجز..."للدولة"!!

و لا حول و لا قوة إلا بالله...

هذا كله..و احنا اطول طريق/ هاي واي" 100 كيلو..
اجل شلون لو كان عندنا طرق اطوالها 500 كيلو..1000 كيلو..1500 كيلو..
او جبال و هضاب و مرتفعات..

كانت بتكون السيارات مردويسة
و التصاميم سمردحة ..
و فضايح لا تعد و لا تحصى!

[معماري قطري]

لاحظ اخوي عابر سبيل طرق قطر القديمة قبل الطرق الحالية اللي محفور لها .. مثل الطريق من دوار الجزيرة لين استاد خليفة واللي بين الوعب والعزيزية .. هذا الطريق قديم وتم بناؤه في بداية السبعينات حق استاد خليفة .. دفان سريع من جوانب الأَرض بس مرتفع ما توصله الرطوبة الجوفية ومنساب يصرف المياه من الجوانب وبعيد عن الطريق فما تأَثر طول هذي السنين .. وشوارع كثيرة يحفرون لها ويدفنونها بأَفضل أَنواع الدفان ويدكونها دك قوي تستوي مثل العجينة ومثل البسكوت اللي من توصله قطرات ماي ينتفخ .. وهذا ما يحصل في الطرق الحديثة .. وصدقوني كثير من المهندسين يدرون بهالواقع .. بس شعليهم استوردوا دفان واستوردوا قابرو غالي وقار رخيص .. القار ينغسل بماي المطر ويتحلل وتطلع حجارة القابرو كأنها جديدة ولم يمسها قار.

الماء يتسرب لأَسفل الشارع بسبب وجوده في حفرة يتصرف حولها الماء ويدخل من تحت وينفخ الدفان في مواضع وينزل في مواضع أُخرى مسبب تموجات .. أَحدهم طلع لنا في الجريدة يقول كائنات فضائية غريبة تاكل الأَسفلت وهو دكتور الله يهديه.

[بنت شرق]

لاحظ اخوي عابر سبيل طرق قطر القديمة قبل الطرق الحالية اللي محفور لها .. مثل الطريق من دوار الجزيرة لين استاد خليفة واللي بين الوعب والعزيزية .. هذا الطريق قديم وتم بناؤه في بداية السبعينات حق استاد خليفة .. دفان سريع من جوانب الأَرض بس مرتفع ما توصله الرطوبة الجوفية ومنساب يصرف المياه من الجوانب وبعيد عن الطريق فما تأَثر طول هذي السنين .. وشوارع كثيرة يحفرون لها ويدفنونها بأَفضل أَنواع الدفان ويدكونها دك قوي تستوي مثل العجينة ومثل البسكوت اللي من توصله قطرات ماي ينتفخ .. وهذا ما يحصل في الطرق الحديثة .. وصدقوني كثير من المهندسين يدرون بهالواقع .. بس شعليهم استوردوا دفان واستوردوا قابرو غالي وقار رخيص .. القار ينغسل بماي المطر ويتحلل وتطلع حجارة القابرو كأنها جديدة ولم يمسها قار.

الماء يتسرب لأَسفل الشارع بسبب وجوده في حفرة يتصرف حولها الماء ويدخل من تحت وينفخ الدفان في مواضع وينزل في مواضع أُخرى مسبب تموجات .. أَحدهم طلع لنا في الجريدة يقول كائنات فضائية غريبة تاكل الأَسفلت وهو دكتور الله يهديه.
وكم تكلفة الصيانة سنويا ،،،وليش المسؤولين باشغال ما ينتبهون لهاي النقاط الهامة ،،،هل قمت بمخاطبتهم او المكتب الهندسي

[معماري قطري]

وكم تكلفة الصيانة سنويا ،،،وليش المسؤولين باشغال ما ينتبهون لهاي النقاط الهامة ،،،هل قمت بمخاطبتهم او المكتب الهندسي

من احصل فرصة من الفاهمين منهم طبيعي اتناقش معاهم .. بس الكل يحس بنفسه إنه فاهم ومحد يعرف غيره .. هم يقرون ويتابعون وعايشين على الأرض مثلنا بس للأَسف أَغلبهم تأَسيسه الدراسي بعيد عن الطرق والمباني .. اللي مهندس كهرب واللي ميكانيكل .. الهندسة تخصصات وخبرات واطلاع شامل.

بعدين المشروع سهل عمله على الورق ومكلف في نفس الوقت .. لذلك لازم يسند الأَمر لأَهله ما يعطى تصميم طريق طويل قطعة قطعة لدكاكين التصميم الموجودة سواءً عالمية أَو محلية وهي خاوية وخالية من الخبرات .. عندي يعطى لمكتب تصميم كاملاً كمشروع متكامل ومدروس صح وبحيث تكون على المكتب قيود واضحة وقوية بتنفيذ المشروع بالخبرات المطلوبة والموافق عليها .. كثير مكاتب عندنا عالمية يشتغلون فيها مهندسين شباب بدون خبرات .. الخبرات موجودة بس مهاجرين لدول ثانية الشغل فيها ملزم وقوانينها قوية .. وفي هذا العيب في الادارة الهندسية في الجهات المنسقة مثل أشغال والتخطيط العمراني.

هنا ممكن يقول الواحد كل اللي عنده بدون مقاطعة وفي تواجدهم صعب الواحد يقول رايه بسبب بسيط هو عدم سماعه للأخير.

[غير البشر]

غلطان ياحسن

عيال قطر فيهم الخير وهم قد المسؤليه بس محتاجين نحط فيهم ثقتنا ونشجعهم

مشكلتنا هني ان من يمسك حد من عيالنا ما خلينا كلمه ما قلناها عنه

وينه وين هالمنصب واصلا هو فاشل وما يستاهل ومن هالكلام اللي يخلي الكلام

عنه يدور بكل مكان

مشكلتنا الحسد والحقد اللي مودينا ورا ومدمر شبابنا وطموحهم

لو فينا حب الخير للآخرين وتشجيع عيال البد كان شفت شلون الانتاجيه بتكون

بخصوص الموضوع اللي تكلم عنه عابر

ترا بسبب الاجانب اللي تتكلم عنهم واللي كل همهم يربحون اكثر واكثر ويفرون اكثر واكثر

لان ما يهمهم شي غير مكاسبهم الماديه وبس



لا والله بوعبدالله مانقول ان ماينفع او اشعرفه بالشغل

بس بعد ماودي حد يمسك :rolleyes2:

لان الله يهديهم ان امسكو محد يكلمهم وينتفخ ويخسر ناس وايد من جماعته ويطيح من عينهم
اتقول كأنه ماسك منصب رئيس دوله يحط لك ستين الف واحد قبل لاتدخل عليه ويقعد تلشط في الموظفين القطريين الصغار
هذا الاغلبيه الا ماندر الناس الي ماتتغير وفيها الخير هذول يستاهلون اعلى واحسن المناصب

[حرف]

تدري اين الخلل

وكتبتها في ردي قبل يومين

الصراحه انا اؤيد بان نسلم المسؤليه الى اجانب من برع
لان المسؤلين عندنا للاسف مهب قد المسؤليه
هذه وجهه نظري افضل مدير اجنبي ولا قطري

رؤتي ولها اسبابها ذكرتها مرارا

انعدام الضمير وتفكير البعض قطر بيزات للاسف

كلامك للاسف صحيح واكبر دليل عن انعدام ضمير الموظف القطري في عملة هو انت كونك 24 ساعة من المنتدى وتشارك وترد فما فيه وقت تتقن في عملك او تتيح الفرصه لغيرك ليستلم وظيفتك