38 مليون ريال سعر الفيلا في جزر قطيفان

[الحاقول]

38 مليون ريال سعر الفيلا في جزر قطيفان


كتب - أحمد سيد:

شهد اليوم الأوّل لحملة مبيعات المرحلة الثانية من جزر قطيفان بمشروع مدينة لوسيل إقبالاً كبيرًا من المواطنين الراغبين في اقتناء فيلات متميزة في هذه المنطقة، حيث توافد أمس الراغبون في الاستفسار والشراء على خرائط المشروع ومعرفة توزيع الفيلات عليها والتي يبلغ عددها 35 فيلا، حيث تطل ثماني فيلات على واجهة البحيرة، بينما تطل سبع أخرى على الحديقة.

وواجه المواطنون بعض العقبات تمثلت في قلة مندوبي شركة لوسيل للردّ على استفسارات المواطنين، الأمر الذي تسبب في تذمرهم، لا سيما مع ضيق الوقت المخصص للعرض الذي يبدأ بعد صلاة التراويح وحتى الثانية عشرة ليلاً.

وتبدأ أسعار الفيلات "غير المشطبة" من 24 مليون ريال وحتى 35 مليون ريال للفيلا الواحدة، بحسب الموقع والمساحة، بينما تتراوح أسعار الفيلات "المشطبة" والواقعة على الواجهة البحرية وعددها ثماني فيلات من 27 مليون ريال إلى 38 مليون ريال للفيلا الواحدة.

وتتراوح المساحات بين 950 و1200 متر مربع، كما تمّ طرح 27 فيلا داخلية مطلة على حديقة ذات ثلاثة تصاميم ومساحات متنوعة تتراوح بين 850 و900 متر مربع.

ومن المقرر أن تستمرّ حملة المبيعات حتى الغد من خلال جناح تعريفي تقيمه شركة لوسيل في قاعة "دخان" بفندق شيراتون، حيث يتمّ استقبال المواطنين الراغبين في الاستفسار عن الوحدات المطروحة.

ومن المقرّر طرح 35 فيلا للبيع بنظام القرعة العلنية، منها ثماني فيلات على الواجهة البحرية ذات تصميمين، وسيكون آخر موعد للتقديم في التاسع والعشرين من يونيو الجاري من التاسعة والنصف صباحًا وحتى الثانية ظهرًا، حيث ستجرى القرعة مساء نفس اليوم بشكل علني ومباشر تحت إشراف وزارة الاقتصاد والتجارة، وسيتمّ بثها مباشرة على موقع شركة لوسيل


http://www.raya.com/home/print/f6451603-4dff-4ca1-9c10-122741d17432/10e2e076-7e12-48dc-b972-f8392effb634


بالصراحه 38 مليون ريال سعر الفيلا في جزر قطيفان شئ خيالي
خير ان شاء الله
هذي الفلل في سويسرا او فرنسا
وحتى هناك لا تصل الى هذا السعر

[مليت]

ودي اشتري فيها لكن للأسف الوديعه في سويسرا أخاف اكسرها وينهار الاقتصاد العالمي

يالله خيرها في غيرها

[<اضرب واشرد>]

فيلا مساحة 950 متر
بـ 27 مليون ريال ؟

[monatee]

لاتستغرب

سعر فلل اللؤلؤه تبتدي من 45 مليون الى 50 مليون !!!
بنفسي سألتهم كانوا حاطين اعلان بالجريده قبل كم يوم

[aloosh]

هل هذي الفيلا بهذا المبلغ في المنطقه المذكوره بارده:)
او ايش مواصافتها اسوي لي قصر في المنطقه اللي ابي بها المبلغ
بس يقلون رزق المجانين على المهبل

[<اضرب واشرد>]

لاتستغرب
سعر فلل اللؤلؤه تبتدي من 45 مليون الى 50 مليون !!!
بنفسي سألتهم كانوا حاطين اعلان بالجريده قبل كم يوم

وشريتيها ولا هونتي ؟

[H H]

يقبلون اقساط ؟ كل شهر عشر الاف , وادفع القسط من مردود ايجار الفيلا :(

[الحياة الخالدة]

هل هذي الفيلا بهذا المبلغ في المنطقه المذكوره بارده:)
او ايش مواصافتها اسوي لي قصر في المنطقه اللي ابي بها المبلغ
بس يقلون رزق المجانين على المهبل

السموحة أخوي بس هالمثل ما يجوز نقوله
الرزق على الله سبحانه

[جراسا]

هل من المسموح للاجانب التملك في لوسيل
و ما هي الشروط المطلوبة

[monatee]

وشريتيها ولا هونتي ؟

متملله واتصلت توقعت بيقولي 15 مليون عشان يصدمني (ماعندي ربع المبلغ)
بس للاسف انه جلطني

[فريج النجادة]

اكيد يا الربع الفلا هذي تطير ولها اجنحة تساعدها على الطيران !!!

[حرف]

وين مكانها

[حسن]

خاطري اشتر لي وحده باشوف بكره كان لحقت على شي

:)

[معماري قطري]

لاتستغرب

سعر فلل اللؤلؤه تبتدي من 45 مليون الى 50 مليون !!!
بنفسي سألتهم كانوا حاطين اعلان بالجريده قبل كم يوم

خمسين مليون بتشتري لي شقة بنتهاوس في ميامي وبتشتري لي يخت بموقفه .. وبتكفي حق سفرات وتذاكر ومصاريف ثانية طول العمر .. ويمكن تزيد شوي وتشتري لي بيت في دولة ثانية.

اليوم كنت اطالع موقع عن البيوت اللي للبيع في ميونخ وحصلت فندق 28 غرفة على جبل بكل محتوياته ب 300000 يورو 1.2 مليون ريال تقريباً .. والواحد يكسب جو نظيف وبارد لا غبار ولا تلوث.

[لبيبة]

السلام عليكم ورحمة الله وبركاته،

المشكلة ليست في سعر الفلل بقدر ما هي المشكلة في وجود من يشتري بهذا السعر ويشعر الناس إن هذا السعر طبيعي ومعقول بحيث تلحقه باقي العقارات في الارتفاع الأسعار للأعلى باالمقارنة مع فلل قطيفان واللؤلؤة وغيرهم من المشاريع، هنا المشكلة مع سوق العقار، وفي الواقع العقارات تباع حاليا بأعلى من سعرها أضعافا مضاعفة، وهذا يؤثر وينعكس سلبا على المستهلك ويعيش وهم السعر العادل، والحقيقة بالمقارنة عالميا تثبت غير ذلك.

[bohilal191]

المشكلة ماعندي 35 مليون كل اللي عندي 80 مليون ولا كان شريت لي وحده

[وحيد-الشوق]

السلام عليكم ورحمة الله وبركاته،

المشكلة ليست في سعر الفلل بقدر ما هي المشكلة في وجود من يشتري بهذا السعر ويشعر الناس إن هذا السعر طبيعي ومعقول بحيث تلحقه باقي العقارات في الارتفاع الأسعار للأعلى باالمقارنة مع فلل قطيفان واللؤلؤة وغيرهم من المشاريع، هنا المشكلة مع سوق العقار، وفي الواقع العقارات تباع حاليا بأعلى من سعرها أضعافا مضاعفة، وهذا يؤثر وينعكس سلبا على المستهلك ويعيش وهم السعر العادل، والحقيقة بالمقارنة عالميا تثبت غير ذلك.

كلام صحيح 100% وواقع أليم بكل اسف :(

[حسن]

كلام صحيح 100% وواقع أليم بكل اسف :(

ليش ياخي الناس عندها بيزات والتقارير تقول ذالك ارتفاع نسبه الميونيريه في قطر

ليش مهب مصدقين

:)

[<اضرب واشرد>]

اليوم كنت اطالع موقع عن البيوت اللي للبيع في ميونخ وحصلت فندق 28 غرفة على جبل بكل محتوياته ب 300000 يورو 1.2 مليون ريال تقريباً .. والواحد يكسب جو نظيف وبارد لا غبار ولا تلوث.

السلام عليكم .. مبارك عليك الشهر بوعبدالله
معقولة 1.2 مليون ؟ كم دخل الفندق السنوي .. وكم نسبة اشغال الغرف .. وهل فيه بار ولامن هالأمور؟

[ابوالكلام]

الامبريالية

[حرف]

الامبريالية

معقولة !!

[شموخ دائم]

,

,

مرحبا


هذي مشاريع للنخبه و vip الله يبارك لهم ويزيدهم من فضله يارب

فلل ولها شاطىء خاص هي بيت وهي شاليه للمليونيريه الله يهنيهم بحلالهم مو للناس العاديه الله يرزقهم من فضله
اتوقع المشترين بيكونون من ( خارج قطر )

ومافي داعي للقرعه هذي حركه تسويق لان الاسعار هذي تاخذ وقت طويل للبيع
وفي الحقيقه راح تتم معروضه اكثر من سنتين
طبعا نصها محجوزه من قبل البيع ( للنخبه ) وراح يبيعونها في المستقبل ( استثمار ) ومنها هدايا لناس كبار
على مستوى اصحاب السعاده والامراء الله يبارك لهم
:shy:

الله يوفق الجميع

البائع والمشتري

الناس العاديه الشقق ستوديو وغرفتين موجوده ابو مليون وابو مليون ونص والفلل موجوده ابو مليونين ونص و3 مليون

:)

المثل يقول "على قد لحافك مد رجولك
لاتشوفون اللحافات الكبيره الكنج سايز
:)


,

,

[حسن]

السلام عليكم .. مبارك عليك الشهر بوعبدالله
معقولة 1.2 مليون ؟ كم دخل الفندق السنوي .. وكم نسبة اشغال الغرف .. وهل فيه بار ولامن هالأمور؟

والله مشروع زين بدال هل فلوسنا في البورصه كل يوم اب ودوان وعيز مضارب هو يحلل ويقول ازمه وتعدي

والله مشروع ناجح يابوعبداالله طرشلنا اصور له وين ماكانه يمكن اشتريه
منها تجاره ومنها امان ومنها نصيف في بلاش مهب حلالي

ولك سويت كل سنه لمده 15 يوم اقامه مجانيه من عندي

:)

[sweet qatar]

هذي مشاريع للنخبه و vip الله يبارك لهم ويزيدهم من فضله يارب

فلل ولها شاطىء خاص هي بيت وهي شاليه للمليونيريه الله يهنيهم بحلالهم مو للناس العاديه الله يرزقهم من فضله
اتوقع المشترين بيكونون من ( خارج قطر )



الفلل للقطريين فقط
لكن أتفق معاك هي للنخبة .. :o



من الصدف الجميلة إني كنت أدور فلل هناك قبل كم يوم
و عرفت سالفة القرعة ..

وماقصر بو زوير بالتغطية المميزة مع صور الفلل

صرت ما اتفاجا بأي شي في قطر

أخبر شفت قصر معروض للبيع ب 32 مليون

حرام يسمونه قصر .. أرضه أصغر من 5000 متر
و التصميم ماله معني .. كنه تصميم فيلا عاديه اكس لارج


السؤال الأهم .. إذا بشتري الفيلا ب36 مليون الحين
شنو مستقبلها ؟

[ابوالكلام]

اهلا مثل هذه المشاريع مكلفة لانها ارض مدفونة فطبيعي يتم احتساب السعر من سعر البيع وأضف على ذلك الخدمات المتميزة التي سوف يحصل عليها ملاكها والموقع المطل على البحر.

[<اضرب واشرد>]

من الصدف الجميلة إني كنت أدور فلل هناك قبل كم يوم
أخبر شفت قصر معروض للبيع ب 32 مليون


وشريتيه ولا هونتي ؟

[حرف]

وشريتيه ولا هونتي ؟

ياخي شفيك خل العالم تهايط هههه

[الوسيط العقاري]

نسأل الله حسن الخاتمة

[sweet qatar]

وشريتيه ولا هونتي ؟

كتبت إنه ما يتسمي قصر و جيكر .. و تسألني إذا شريته ؟! :rolleyes:

لا طال عمرك ما شريته


ياخي شفيك خل العالم تهايط هههه

!!!!

[<اضرب واشرد>]

والله مشروع زين بدال هل فلوسنا في البورصه كل يوم اب ودوان وعيز مضارب هو يحلل ويقول ازمه وتعدي

والله مشروع ناجح يابوعبداالله طرشلنا اصور له وين ماكانه يمكن اشتريه
منها تجاره ومنها امان ومنها نصيف في بلاش مهب حلالي

ولك سويت كل سنه لمده 15 يوم اقامه مجانيه من عندي

:)

إي والله أبرك من البورصة :rolleyes2:
بس الواحد ينطر كم شهر احتمال تجي أزمة اقتصادية ثانية وكل واحد ينقي الفندق اللي يبيه :deal:

[معماري قطري]

السلام عليكم .. مبارك عليك الشهر بوعبدالله
معقولة 1.2 مليون ؟ كم دخل الفندق السنوي .. وكم نسبة اشغال الغرف .. وهل فيه بار ولامن هالأمور؟

عليكم السلام ورحمة الله وبركاته

علينا وعليك يالغالي وان شاء الله يعود علينا واحنا معتوقين من النار وعلى من يقرأ

شفت الصور وتبي الصج شكله يبي له تصليح بأَكثر من قيمته ( معوق ) وافكر احتمال فيه تكاليف ثانوية أَو قضية .. أَذكر 24 غرفة بعضها بسريرين 38 سرير اجمالي .. حاولت ارجع للاعلان احطه ما حصلت الموقع

بس بعض البيوت والشقق فيها مميزات عالية وموقع متميز جداً وسعرها معقول مقارنة مع أَسعارنا وأسعار دبي

[Hamad_qa]

,

,

مرحبا


هذي مشاريع للنخبه و vip الله يبارك لهم ويزيدهم من فضله يارب

فلل ولها شاطىء خاص هي بيت وهي شاليه للمليونيريه الله يهنيهم بحلالهم مو للناس العاديه الله يرزقهم من فضله



,

,

مرحبا اخوي شموخ دائم

لو فعلا لها شاطئ خاص كان اتفق معك تسوى حتى اكثر
لكن هي فقط مطلة ع البحر و بينها وبينه ممشى عام

[الحاقول]

عندما تشتري فيلا 38 مليون وتقوم بتأجيرها بمليون ريال في السنه مثلاً
فانت بحاجه الى اكثر من 38 سنه
حتى تسترجع مادفعته فيها
أي استثمار فاشل لان الاستثمار الناجح هو ان تسترجع مادفعته في 10 سنوات

[خليفة77]

النعمة تبي حمد وشكر !! استثمر هالمبلغ في مجمع سكني او اشتري اكثر من فيلا افضل مع العلم في فرنسا واسبانيا تشتري شي راقي واطلالة عالمية ماتوصل هالمبلغ ، والله يرزقنا العقل والنعمه والحمد لله

[الجـــوديّ]

ثمانية وثلاثين مليون تجيب لي بالراحة خمس جزر بالراحة في بحار العالم

او جزيرتين على الاقل بمبانيها ويخوتها.

الله يبارك للشاري وللبايع ويزيدهم من فضله.

[غريب الدّار]

الله يبارك لكل من شرى او بيشتري

[العنيده]

ناقصني بس مليون ولا كنت شريت :omen2:
الله يهنيهم ان شاء الله

[غايه الطواش]

شريتها وحده بس محتاجه عينيه حق الاثاث

[مرتبش]

في شي غلط
هذا مشروع للنخبة والاعلانات تارسة الجرايد ليش؟ يوميا الاعلان الغامض اللي لا يذكر سعر ولا شكل هالفلل السحرية. ليش الاعلان المبالغ فيه لعموم الناس

[sweet qatar]

في شي غلط
هذا مشروع للنخبة والاعلانات تارسة الجرايد ليش؟ يوميا الاعلان الغامض اللي لا يذكر سعر ولا شكل هالفلل السحرية. ليش الاعلان المبالغ فيه لعموم الناس

برستيج :o

[shadad]

خمسين مليون بتشتري لي شقة بنتهاوس في ميامي وبتشتري لي يخت بموقفه .. وبتكفي حق سفرات وتذاكر ومصاريف ثانية طول العمر .. ويمكن تزيد شوي وتشتري لي بيت في دولة ثانية.

اليوم كنت اطالع موقع عن البيوت اللي للبيع في ميونخ وحصلت فندق 28 غرفة على جبل بكل محتوياته ب 300000 يورو 1.2 مليون ريال تقريباً .. والواحد يكسب جو نظيف وبارد لا غبار ولا تلوث.

ولا اروع .

المشكله ربعنا ما يعرفون ان سوق العقار هني مولع حده. صح الموقع حلو وبقطر بس مدامه هاي المبلغ الخرافي تقدر تشتري فيه بدال الفيلا فلل وانت مرتاح برا . كل اللي عليك تسوي سيرش وشوف الجزر :) .

[مرتبش]

برستيج :o

لا ما اتفق..برستيج لو تكون اعلانات البيع موجهة للشخصيات ال vip وبدعوات وحركات ..اما تعلن لي في الجريدة ويوميا من اول رمضان تعالو قرعة .. غلط غلط

[sweet qatar]

لا ما اتفق..برستيج لو تكون اعلانات البيع موجهة للشخصيات ال vip وبدعوات وحركات ..اما تعلن لي في الجريدة ويوميا من اول رمضان تعالو قرعة .. غلط غلط

اقصد يحتاجون الضجة الإعلامية عشان يجذبون المشترين

إذا كنت تتعامل مع فئة تحب التميز ما تحتاج إلا إنك تصعب الحصول عليه وتخلي الناس تعيش نشوة الفوز

[حسن]

المشكله بلادنا تحدها المياه من كل الاتجاهات ليش مايسون مشاريع مثل دوله البحرين الصغيره
كمثال جزر امواج والدره وتباع بمبالغ مقبوله من ال 3 ملاين ونازل
وعندهم اماكن فاضيه على الاقل سيف سلوى
ولا الغاريه
ولا سميسمه كل هذه البحور الشاسعه ومضيقين علينا

الصراحه بغيت اشتري لكن الغيت الصفقه لقيت لي يخت مكنقوستا ب 20 مليون ارخص وتقد تسافر فيه
كل بلد

:)

[الحاقول]

شراء قصر في بريطانيا لن يكلفك هذا السعر !!

وهذا "قصر" بمبلغ أقل في بريطانيا يبعد ٤٠ دقيقة فقط من لندن

http://www.rightmove.co.uk/new-homes-for-sale/property-48105424.html/svr/3119;jsessionid=CFF4F8926EC8CBC9D8150BDDA295A5B5?u tm_medium=shorturl&utm_campaign=smspropertydetails&utm_source=url


وهذا قصر اخر في احدى الجزر البريطانيه

http://www.rightmove.co.uk/new-homes-for-sale/property-49899313.html?premiumA=true&utm_medium=shorturl&utm_campaign=smspropertydetails&utm_source=url

[رهج السنابك]

اشتري لي فندق في تركيا ولا حتى لبنان احسن وكل ماحبيت اصيف طقيت تذكره ورحت صيفت واستانست وطول السنه يدخل علي ارباح ومن الارباح ادلع نفسي اخر دلع
ولا اقطها بفيلا بهالحر وفي قلعة وادرين ماحلوها حتى دكان

[بنت شرق]

ليس بقدرتي شراء فيلا بالدوحة فكيف بمناطق النخبة ،،،انزين وبعدين

[باراكودا]

وين مكانها

بالقرب من جبل ثعيلب - بمنطقة الوسيل .

[captin]

الله يعطيكم قصر في الجنة :)

[captin]

مع الطفرة الكبيرة لاسعار العقارات في قطر

لوحظ توجة كثير من المستثمرين القطريين للاستثمار العقاري خارج
قطر خصوصا الامارات تركيا لندن باريس

اذكر في جزيرة مايوركا الاسبانية لقيت عقارات معروضة للبيع
في منطق خيالية سواء جبلية او على البحر والوحدة العقارية سعرها ما يزيد على 500 الف يورو.

وعندنا ارض خايسة في صبخة آخر الدنيا سعرها بالملايين
في شي غلط وهذا الغلط ما راح يستمر .

[<اضرب واشرد>]

ليس بقدرتي شراء فيلا بالدوحة فكيف بمناطق النخبة ،،،انزين وبعدين

يمدحون عقارات البوسنة رخيصة

[جبر ال جبر]

لو الدوله تعطي كل اسره قطريه ارض على البحر راح نشوف احلى شالهيات ف العالم وتزدهر البلاد

[شيخ الديرة]

لن نستفيد من هذا الموضوع دون مشاركة رأي من ينوي الشراء بهذا السعر، لابد ان يكون هناك رأي آخر.

[lion66]

المشاريع هذي تكلفتها عاليه وهذا سبب ارتفاع الأسعار

لكن انت كمستثمر لك الحرية انك تشتري او لا

آخرتها انت اللي بتدفع اذا شايف ان العقار يسوى اشتر وإذا غيره فلوسك عندك

[دايموند]

الحمدلله ع نعمة العقل

ع العموم من فيكم فكر يشتريها؟

[خوي الدرب]

ودي اشتري فيها لكن للأسف الوديعه في سويسرا أخاف اكسرها وينهار الاقتصاد العالمي

يالله خيرها في غيرها
نفس الشعور
تعجبني فيك إنسانيتك
:)

[captin]

الحمدلله ع نعمة العقل

ع العموم من فيكم فكر يشتريها؟

انا فكرت اشتري رغم اني ما عندي حتى عشر قيمة الارض
كانت فكرتي ادخل السحب واذا رست علي احدى الاراضي ارجع ابيعها
بفارق مثلا مليون ريال على الاقل على احد الاشخاص الكبار اللي داخلين ورغبانين في الاراضي .

لكن الجماعة طلعوا نبيهين اجازوا البيع بعد تسديد 60% من قيمة الارض :(

يالله كلن ياخذ نصيبه :nice:

[مكنتوش]

كنت حاضر وكنت متوقع من 15 مليون الى 16 مليون
بس طلعت فوق المتوقع
الله يبارك للشاري ويرزق الجميع

قررت ارد السيولة للبورصة للتجميع (:ظ©

[@الأدعم@]

كسرتوا خاطري الله يرزقكم ويرزقنا ان شاء الله :(

[دايموند]

يعني افهم من كلامكم كلكم توقعتوا اقل من السعر المعروض
عيل خل الفلل تطيح بجبدهم والا يعطونهم لمطرب او مطربة كهدية او لاعب او ربعهم الي من خارج الدولة ..

وخلونا ع قرض تنميه وايد ابرك ههههه

[al-obaidly]

انا اقول الواحد يروح تايلند ويشتري جزيره صوب جزر بوكيت فيها وايد مسليمن هناك يشتري الجزيره بأهلها ويصرف شوي عليها ويقدر يسوها بعد سياحيه ماتجي هل المبالغ الخياليه ولافيها طبيعه ولا امطار ولا محادق ولامغاوص ولاحتى حاقول فارط ولا حتى مساج

[MAZEN37]

مليون واحد باحلى مكان في تركيا وعلى شط البحر وجو فووق الخيال وذبانه ماتشوف وحولك ناس نظيفه وطبيعه خلابه وحياه صحيه واكل طازه وتعيش العمر عمريين
بالنسبه لمبالغ الفلل بقطر معروف السبب