الكورنيش قبلة الصائمين قبل الإفطار

[Bin sultan]

تحول كورنيش الدوحة إلى قبلة للأسر والشباب الراغبين في الراحة والاستجمام وممارسة الرياضة قبل الإفطار.

وأكد عدد من الشباب لـ الراية أن التجول على الكورنيش وممارسة الرياضة قبل الإفطار أمر اعتادوه منذ عدة سنوات، حيث يستمتعون بالأجواء الساحرة هناك، ويستنشقون الهواء النقي، بعيدا عن زحام المدينة وضوضائها، لافتين إلى أن بعض الشباب يقومون بالاستعراض بسياراتهم على الكورنيش لاسيما السيارات الكلاسيكية القديمة.

وأشاروا إلى ثمة شباب آخرون يجلسون على المناطق الخضراء الموازية للكورنيش حيث يجلسون يستذكرون "سوالفهم" وأيام الدراسة الخوالي فضلا عن بعض الأمور العامة والشخصية.

وقال محمد الهاجري: الكورنيش صار قبلة للشباب والأسر قبل موعد الإفطار حيث يتجمعون لمشاهدة المناظر الطبيعية فضلا عن استنشاق نسيم البحر بعد يوم طويل من الصيام.

وأضاف أن الأمر أصبح عادة وتقليدا حيث يلتقي الشباب يتحاورون ويتناقشون، وتتحول الساحات الخضراء إلى "مجالس" في الهواء الطلق تتم فيها مناقشة كل الأمور والقضايا واسترجاع الذكريات.

ومن جانبه، قال يوسف السليطي: كل عام نجتمع هنا على الكورنيش في شهر رمضان فهو ملتقى شبابي بحق، فمنهم من يجلس للحديث وآخرون يشاهدون السيارات الكلاسيكية التي يعرضها الشباب هنا وآخرون يقومون بالتقاط صور تذكارية مختلفة، وآخرون يمارسون رياضة المشي لحرق مزيد من الدهون، فأصبح للصيام فوائد كثيرة.

وقال عبدالعزيز سلطان إن الشباب يجتمعون ويسترجعون ذكرياتهم أيام الدراسة ويتبادلون الحديث عن بعض سير الأجداد والسوالف فضلا عن الحديث عن بعض الأمور الدينية وغيرها من الأمور التي تهم الشباب.

وأشار إلى أن التجمع بالكورنيش صار طقسا رمضانيا يمارسه الصغار والكبار، حيث تجد الأب يصطحب أبناءه ويجلس على الأرض أو في مؤخرة سياراته ليجعل أبناءه يستمتعون بمشهد استعراض السيارات الكلاسيكية المختلفة أو رؤية المناظر الطبيعية للكورنيش، ومنهم من يستقل أبناءه بجولة بالسيارة في المنطقة.

ويقول محمد المري: اصطحبت الأسرة معي لمشاهدة منظر الكورنيش وكذلك السيارات الكلاسيكية، ورغم أنها المرة الأولى لي لكني سعيد للغاية بهذه التجربة.

وأضاف: هذا أمر جميل حيث تجد الأب وأبناءه مجتمعين خصوصا في شهر رمضان الكريم، وهذا من بركة هذا الشهر الفضيل.

وقال: فوجئت اليوم بهذا العدد الكبير من السيارات وكذلك الشباب، فهذه التجمعات تحدث نوعا من الألفة والحب خصوصا أنها تشبه مجالس البيوت حيث التحابب والتحاور.

وأعرب محمد عن سعادته متمنيا أن يتكرر هذا الأمر طوال شهر رمضان الفضيل.

ويقول سعد الشهراني: نقوم بالتجول بالسيارة على الكورنيش قبل الإفطار حيث أصبح استعراض السيارات الكلاسيكية عادة شبابية وأمرا محببا لديهم لذلك يقومون بتجميع أنفسهم بعد العصر والتوجه إلى الكورنيش وعمل جولات حول المنطقة.

ويقول عبدالعزيز الناصر: أنا أمتلك عددا من السيارات لماركة "نيسان" القديم والجديد، لذا أتيت إلى الكورنيش لتصوير تلك السيارات الكلاسيكية خصوصا، فأنا من هواة التصوير أيضا.

وأشار إلى أن الشباب يتجمعون على الكورنيش منذ عدة سنوات مضت حتى أصبح الأمر عادة حتى تطور الأمر إلى أن يقصد الأسر الكورنيش وكذلك الأطفال.

وقال ما أجمل أن يجتمع الأصحاب وهم صائمون يستنشقون الهواء النقي ونسيم البحر حيث يرغب الشباب في قضاء ما تبقى لهم من وقت الصيام وصارت ملتقيات الكورنيش كمجالس يتخللها الحوار والنقاش حول كثير من القضايا العامة والخاصة.
http://www.raya.com/Mob/GetPage/f6451603-4dff-4ca1-9c10-122741d17432/cc698e02-b62f-4333-8256-38aa545dac75

[aloosh]

اصلآ رياضه قبل الافطار خطاء شائع كم واحد صاده اغما وهبوط لدرجه البعض توفى

[حرف]

هل هم قطريين ؟

[حسن]

الكورنيش اصبح قبله الصائمين

:omg:

[غايه الطواش]

هل هم قطريين ؟

هاجري ومري وسليطي ??

[حرف]

هاجري ومري وسليطي ??

الاخ حسن في موضوعه يقول مسحيل يكونون قطريين
بس بعد هالاسماء للاسف الاخ حسن مايدري شالطبخة في الكورنيش واحد ناقل له معلومات غلط ومفكر الي في الكورنيش اخوانا العرب المقيمين

[حسن]

الاخ حسن في موضوعه يقول مسحيل يكونون قطريين
بس بعد هالاسماء للاسف الاخ حسن مايدري شالطبخة في الكورنيش واحد ناقل له معلومات غلط ومفكر الي في الكورنيش اخوانا العرب المقيمين

اول مره اعرف ان الكورنيش اصبح قبله الصائمين قبل الافطار

:)

[حرف]

اول مره اعرف ان الكورنيش اصبح قبله الصائمين قبل الافطار

:)

معقوله يعني كلنا قبلتنا الكورنيش
انا ماعمري رحت بس اتابع صورهم في برامج السوشل ميديا
شباب ومستانسين ومنشغلين بعرض سياراتهم بالسرعات القانونية واللاهم تحت يد العيون الساهرة
والاهم انهم في مكان بعيد عن الوحدات السكنية والفرجان وفي مكان لديه بديل للعبور والمرور

[حسن]

معقوله يعني كلنا قبلتنا الكورنيش
انا ماعمري رحت بس اتابع صورهم في برامج السوشل ميديا
شباب ومستانسين ومنشغلين بعرض سياراتهم بالسرعات القانونية واللاهم تحت يد العيون الساهرة
والاهم انهم في مكان بعيد عن الوحدات السكنية والفرجان وفي مكان لديه بديل للعبور والمرور

حتى انا الصراحه مالي حاجه نهائيا وكفايه ترتيب الفطور الجماعي عندنا ابرك واجر لنا من قبلتهم

:)

[حرف]

لو يسكرون عليهم الكورنيش بتحصلهم يفرغون طاقتهم في الاحياء السكنية والفرجان وبيغلرون عليك انت وفطورك ههههه خلهم هناك بعيد بعيد لننعم نحن بالهدوء

[حسن]

لو يسكرون عليهم الكورنيش بتحصلهم يفرغون طاقتهم في الاحياء السكنية والفرجان وبيغلرون عليك انت وفطورك ههههه خلهم هناك بعيد بعيد لننعم نحن بالهدوء

هاهاها

مالي الى ادزهم عليك صوب شارع الرفاع وهواه العليل والجميل

ويحيون المنطقه ومثل ماهو مسمى شارع الاحتفالات فا يجبون سيارتهم اللي من سنه سكتو
يسون عرض هناك واسم الشارع على مسمى ولو يودون مدفع الافطار وياهم هناك ابرك

:)

[حرف]

لا ياخوي شغل اشغال والشوارع المقصصوه عندنا مكفينا لايجونا ولا انجيهم
مكانهم زين
واحلى تحية مسائية لراعي السيزوكيات ابو س .......

[sweet qatar]

يازينهم والله .. عايشين جوهم الله يهنيهم :o

[حسن]

اصبح من الفلكلور القطري

هاهاها

شكله الصحفيني متابعني زين مازين ومنزل الموضوع

امس الشباب في المجلس يقولون عن سالفه الجرايد

ههههههههه

ودنا هذا الفلكلور يتطور صوب شارع الاحتفالات حق اخونا حرف يستمتع وياهم

وتحيه حق راعي الكورفيتتات


:)

[عاشق العديد]

معقوله يعني كلنا قبلتنا الكورنيش
انا ماعمري رحت بس اتابع صورهم في برامج السوشل ميديا
شباب ومستانسين ومنشغلين بعرض سياراتهم بالسرعات القانونية واللاهم تحت يد العيون الساهرة
والاهم انهم في مكان بعيد عن الوحدات السكنية والفرجان وفي مكان لديه بديل للعبور والمرور


مستانسين ومافي خطر !
والي ينقزون بدراجات ولا دراجات بوهنود ؟ هذول وشو سيفتي بعد ؟
والي يستعرضون ؟

حمد لله ولامره لا قبل ولا بعد مارحت الكرنيش ولا لي فيه

وانا اقول لو ماراح يحترمون نفسهم خاصتن اصحاب الدراجات القرنبع الي جنها بطابط مطعم ياخذونها للعبط هم اساس البلا

[حسن]

مستانسين ومافي خطر !
والي ينقزون بدراجات ولا دراجات بوهنود ؟ هذول وشو سيفتي بعد ؟
والي يستعرضون ؟

حمد لله ولامره لا قبل ولا بعد مارحت الكرنيش ولا لي فيه

وانا اقول لو ماراح يحترمون نفسهم خاصتن اصحاب الدراجات القرنبع الي جنها بطابط مطعم ياخذونها للعبط هم اساس البلا

مايسر ياعاشق مارحت الكورنيش وانت قطري بالنسبه لي انا ماعمري رحته في رمضان من اسمع هل السوالف
احنا ابعيد عنها فاتحين مجالسنا وننطر الفطور ونفطر الناس معنا ابرك من هل القبله

شوف ياعاشق انا اشور عليك تروح هناك وطوف لك كم طوفه ولو تصلي في حديقه الشيرتون وتدعيلي وتدعيلك
بالزواج ابرك يمكن الله يستجيب لدعائك وانت رجل صالح

:)

[sweet qatar]

اشفيهم المرور علي شباب الكورنيش ؟

دكتور حمود يقول مضيقين عليهم بس ما فهمت السالفة ؟؟

[sweet qatar]

مستانسين ومافي خطر !
والي ينقزون بدراجات ولا دراجات بوهنود ؟ هذول وشو سيفتي بعد ؟
والي يستعرضون ؟

حمد لله ولامره لا قبل ولا بعد مارحت الكرنيش ولا لي فيه

وانا اقول لو ماراح يحترمون نفسهم خاصتن اصحاب الدراجات القرنبع الي جنها بطابط مطعم ياخذونها للعبط هم اساس البلا

ما رحت ولا بتروح .. عيل شدراك إن كل هاي يصير فيه !!

هم محترمين يا عاشق ... بطبطة مطعم ولا سيكل بوسلة

علي راحتهم .. كل واحد وما يهوا :)

[يمامـة]

من كم سنة شفتا موضة الدوارة بسيارات في الكورنيش والتصوير يشتغل..

اعتقد من الفضاوة.. الواحد لو بالفعل يقدر ثمن وقته ما كان ضيعه في مثل هالامور..

بعد كم سنة ظ©ظ*ظھ من اللي يسوون هالحركات بيستحون من تصرفاتهم لانهم اصبحوا اكثر نضج وفهم
وبيبقون في الاخير اللي يشجعونهم ويشجعون غيرهم على مثل هالتصرفات ينتقلون عبر الاجيال في التشجيع..

[النهار]

من كم سنة شفتا موضة الدوارة بسيارات في الكورنيش والتصوير يشتغل..

اعتقد من الفضاوة.. الواحد لو بالفعل يقدر ثمن وقته ما كان ضيعه في مثل هالامور..

بعد كم سنة ظ©ظ*ظھ من اللي يسوون هالحركات بيستحون من تصرفاتهم لانهم اصبحوا اكثر نضج وفهم
وبيبقون في الاخير اللي يشجعونهم ويشجعون غيرهم على مثل هالتصرفات ينتقلون عبر الاجيال في التشجيع..

اووووووووووووووو ياليمامه ناس تعدو الستين والخمسين من العمر تحصلينهم يفترون فر في الكورنيش
وبسيارات كلاسكيه وسيارات اخر موديل وانتي تقولين بيستحون من تصرفاتهم لانهم اصبحوا اكثر نضج وفهم تحصلينهم مع احفادهم يفترون
يعني في عمركم ياترى بيستحون

[يمامـة]

اووووووووووووووو ياليمامه ناس تعدو الستين والخمسين من العمر تحصلينهم يفترون فر في الكورنيش
وبسيارات كلاسكيه وسيارات اخر موديل وانتي تقولين بيستحون من تصرفاتهم لانهم اصبحوا اكثر نضج وفهم تحصلينهم مع احفادهم يفترون
يعني في عمركم ياترى بيستحون


للاسف للحين ما انضجوا:shy:
والله يهدينا ويهديهم..

[sweet qatar]

يستحون من شنو ؟؟


تري هواية السيارات الكلاسيكية مب عيب ولا حرام

الكثير من وجهاء المجتمع عندهم مجموعة مميزة من هالسيارات

وبعضهم يعرضها للعامة


من الآخر يمامة والنهار
الموضوع مب عاجبكم ولا يستهويكم و بس


مافي شي يستدعي الإحراج والخجل

[ضوى]

يستحون من شنو ؟؟


تري هواية السيارات الكلاسيكية مب عيب ولا حرام

الكثير من وجهاء المجتمع عندهم مجموعة مميزة من هالسيارات

وبعضهم يعرضها للعامة


من الآخر يمامة والنهار
الموضوع مب عاجبكم ولا يستهويكم و بس


مافي شي يستدعي الإحراج والخجل

اتفق معاج

ماشوف فيها شي هم متعتهم جذي دامهم مايضرون احد ولا يتعدون على حقوق احد مالنا حق نقول فاضين والا ماعنده استثمار جيد للوقت كلا على هواه ، وايد شي مزعج لما نتدخل بتصرفات غيرنا خاصة لما يكون هالتصرف بعيد تماما عن مضايقتنا او حتى ميولنا وتطلعاتنا

[مختلفة عقليا]

السلام عليكم

اولا
(( وأكد عدد من الشباب لـ الراية أن التجول على الكورنيش وممارسة الرياضة قبل الإفطار أمر اعتادوه منذ عدة سنوات، حيث يستمتعون بالأجواء الساحرة هناك، ويستنشقون الهواء النقي، بعيدا عن زحام المدينة وضوضائها، لافتين إلى أن بعض الشباب يقومون بالاستعراض بسياراتهم على الكورنيش لاسيما السيارات الكلاسيكية القديمة.))

نعم !! ليش الكورنيش وين !! اشدعوه عاد مو لهدرجه عبط !!

ثاني شي صح .,

وايد شباب يرحون يمشون ., حتي من اهلي خصوصا سكان الدفنه .,

ثالث شي ., المشي وانت صايم مو مضر نهائياااا بالعكس له فوايد كثيره

ويسلموو

[حمد 2002]

اتفق معاج

ماشوف فيها شي هم متعتهم جذي دامهم مايضرون احد ولا يتعدون على حقوق احد مالنا حق نقول فاضين والا ماعنده استثمار جيد للوقت كلا على هواه ، وايد شي مزعج لما نتدخل بتصرفات غيرنا خاصة لما يكون هالتصرف بعيد تماما عن مضايقتنا او حتى ميولنا وتطلعاتنا

تجمهرهم بالكورنيش ولفتهم لانظار السيارات ، هالشيء يسبب زحمه وحوادث نتيجه التوقف المفاجأ والمشيء البطيء للسيارات الاخرى لرؤيتهم ..


وهنا الضرر .


الكاتب الصحفي

حمد 2002

[أم محمد 90]

الموضوع المكرر كل عام .

خلاص اللي مايعجبه شي لازم كل العالم ماتسويه لانه مب عاجبه .

يبه الناس انواع

كيفه اللي بيروح قبل الفطور ساعتين يصور ولا يتمشى ولا يفوشر بسيارته كيييفه . الدولة مش مانعته ولا انه يسوي شي حرام

واللي بيقعد ف بيته يقرا قرآن قبل الاذان بعد كيفه واجره ع الله .

ف النهاية لا انا ولا انت تقرر منو من هالاثنين افضل عند الله

يمكن اللي في هالساعتين ف الكورنيش يفوشر ومستانس بسيارته احسن عند الله من واحد منثبر ف بيته يقرا القرآن .


محد اعلم بهالشي الا الله سبحانه وتعالى .

والله يهديكم .

[ضوى]

تجمهرهم بالكورنيش ولفتهم لانظار السيارات ، هالشيء يسبب زحمه وحوادث نتيجه التوقف المفاجأ والمشيء البطيء للسيارات الاخرى لرؤيتهم ..


وهنا الضرر .


الكاتب الصحفي

حمد 2002

في جهات امنية ولله الحمد تتولى هالشي ، واللي اعرفه انه في درويات بطول الكورنيش لتجنب اي ضرر فوين الضرر بيصير اذا في متابعه من الجهات المختصة ؟

[حمد 2002]

في جهات امنية ولله الحمد تتولى هالشي ، واللي اعرفه انه في درويات بطول الكورنيش لتجنب اي ضرر فوين الضرر بيصير اذا في متابعه من الجهات المختصة ؟


السيارات الكلاسيكيه والسبورتيه وتجمهرهم يسببون :-

1- زحمه وعرقله للسير .

2- حوادث .



والدوريات من الممكن ان يشغلون اوقاتهم بشيء اهم من مراقبه السيارات الكلاسيكيه والسبورتيه تلك .


رأيي الشخصي :-

منع السيارات السبورتيه والكلاسيكيه من التجمهر بالكورنيش والتسبب بالزحمه والحوادث .


الكاتب الصحفي

حمد 2002

[ضوى]

السيارات الكلاسيكيه والسبورتيه وتجمهرهم يسببون :-

1- زحمه وعرقله للسير .

2- حوادث .



والدوريات من الممكن ان يشغلون اوقاتهم بشيء اهم من مراقبه السيارات الكلاسيكيه والسبورتيه تلك .


رأيي الشخصي :-

منع السيارات السبورتيه والكلاسيكيه من التجمهر بالكورنيش والتسبب بالزحمه والحوادث .


الكاتب الصحفي

حمد 2002

مالك حق تمنع

الحكومة ابخص والجهات الامنية لو شافت ضرر هي اللي بتمنع مب عشان مب على هوانا خلاص نمنع هالشي

[حمد 2002]

مالك حق تمنع

الحكومة ابخص والجهات الامنية لو شافت ضرر هي اللي بتمنع مب عشان مب على هوانا خلاص نمنع هالشي

نحن كمواطنين ولا مقيمين ولا زائرين لهذا البلد المعطاء والجميل ، مافيها شيء لو وصلنا وابدينا رأينا للجهات المسؤله بالدوله بكل احترام وفقا للديمقراطيه التي تعلمناها في بلادنا الحبيبه قطر ، وان ابدائنا لرأينا هذا فهو دليل حبنا للخير لدولتنا دوله الخير قطر ، وفي النهايه هو رأي ويحتمل الصح والغلط ، لاننا بشر ولسنا بملائكه .


الكاتب الصحفي

حمد 2002

[حسن]

للاسف للحين ما انضجوا:shy:
والله يهدينا ويهديهم..

:victory:

شنسوي عاد بالبشكرديه

:)

[H H]

ودي اعرف وين الضرر ؟ وين المشكله فالموضوع؟ بتحكرون للعالم في كل شي؟
شرايكم مانسمحلهم يتنفسون لين ياخذون اذنكم :(

البعض لو تساله وش خططك لهالسنه تلقاه يتلعثم ومايعرف شيقول وان جينا لامور الناس والعباد
تفلسف وقال هذا خطا وهذا صح وههالشي المفروض مايصير وحط خطط للناس ويبيهم يمشون عليها.


من انتم ؟؟ من انتم !؟! :eek5:

[قطر الشموخ]

الموضوع بكبره ماله داعي ياخوان كل واحد عقله براسه وعارف شبسوي راح يتمشى ولا راح يفوشر ولا راح يقرا قران
معنى انه اكثر من مره شفت عائله كامله اب وام والاواد يتمشون بالكورنيش واليهال مستانسين معناها اغضبو الله ولا تصرف غير سليم انا اشوف الموضوع ماله داعي وصارت المواضيع تتطرح بدون هدف شفيد القارى اذ الشباب راحو الكورنيش ولا سياره سبورت راحت الكرونيش ولا غيره ياجماعه خلكم بالشي الي يهدف وفي فايده


ولحد يمنع ويحلل ويحرم

ترى كلن عقله براسه ومحد اغضب ربه ولا خالف قوانين الدوله ولا غيره

[ضوى]

ودي اعرف وين الضرر ؟ وين المشكله فالموضوع؟ بتحكرون للعالم في كل شي؟
شرايكم مانسمحلهم يتنفسون لين ياخذون اذنكم :(

البعض لو تساله وش خططك لهالسنه تلقاه يتلعثم ومايعرف شيقول وان جينا لامور الناس والعباد
تفلسف وقال هذا خطا وهذا صح وههالشي المفروض مايصير وحط خطط للناس ويبيهم يمشون عليها.


من انتم ؟؟ من انتم !؟! :eek5:

بالضبط هاي الغريب في الامر

دامه مافيه ضرر والجهات الامنية متابعة الموضوع مب صاير الا كل خير

خلوا هالشباب يتنفس وخلي اللي يفوشر يفاشر براحته دام مافيه اي ضرر عالعباد

[أم محمد 90]

ودي اعرف وين الضرر ؟ وين المشكله فالموضوع؟ بتحكرون للعالم في كل شي؟
شرايكم مانسمحلهم يتنفسون لين ياخذون اذنكم :(

البعض لو تساله وش خططك لهالسنه تلقاه يتلعثم ومايعرف شيقول وان جينا لامور الناس والعباد
تفلسف وقال هذا خطا وهذا صح وههالشي المفروض مايصير وحط خطط للناس ويبيهم يمشون عليها.


من انتم ؟؟ من انتم !؟! :eek5:

والمشكلة يعيبون على داعش :) ,, هم داعش اصلا بس حرب نفسيه .

[حسن]

ودي اعرف وين الضرر ؟ وين المشكله فالموضوع؟ بتحكرون للعالم في كل شي؟
شرايكم مانسمحلهم يتنفسون لين ياخذون اذنكم :(

البعض لو تساله وش خططك لهالسنه تلقاه يتلعثم ومايعرف شيقول وان جينا لامور الناس والعباد
تفلسف وقال هذا خطا وهذا صح وههالشي المفروض مايصير وحط خطط للناس ويبيهم يمشون عليها.


من انتم ؟؟ من انتم !؟! :eek5:

شوف يا اتش اتش

مادري عن البورصه اليوم وش اخبارها
انا نزلت موضوع عن تصرفات الكورنيش واغلاق الشوارع والزحمه واشغال الامن ورجال المرور وتعطيل الناس في الذهاب
الى قضاء حوائجهم

وبسبب عاده رمضاينه سيئه ابتلى بها المجتمع القطري
قلت

ينقلونهم هذولا اللي شغلتهم السعي والطواف الى شارع الرفاع وهو شارع الاحتفالات
شارك كبير ومخصص للاحتفالات وجميل الاستعراض باي سياره
مافي ها شي مجرد وجهه نظر علشان ماتعطل الكورنيش ويعطلون الناس وضيوف الدوله
وغيرها

طلع صحفي شاف موضعي راح سواء موضوع مضاد لي
وقال الكورنيش قبله الصائمين

:omg:

وبعدين هناك حق عام هذا الشارع ملك الجميع للمررور عليه مش لعرض
السيارت وغيرها من مظاهر
ونجي نقول خولهم على كيفهم
عجل انا باجي وباابسط على الكورنيش وبارز البطل باشرب ودام ناا مااذيت حد كيفي
خلوني براحتي اشرب ياحسين النقط

واقعد اشوي دام اني ماازعجت حد

من انتم ؟؟انتم من ؟؟

:telephone:

[المهاجر]

لحد يزعل من كلامي

الحين اللي بيسمع انكم ما تروحون تتمشون العصاري كلش

وطول وقت العصر قاعدين بالمسايد تقرون قرءآن

شفيها اذا راحوا وتمشوا وغيروا جو دام محترمين نفسهم وما يبدر منهم قلة ادب

يعرضون سياراتهم يصفونها بطريقه معينه يقعدون يتمشون

هم احرار كيفهم محد له حق يقول عنهم انهم غلط

هم مهب وسط البيوت والفرجان عشان ننتقدهم

هذا كورنيش ياعالم كوووووورنيش

يعني حق التمشي وتغير الجو

وانتوا كل ما سوو شي هالشباب قمتوا عليهم وحشرتوهم انتقادات

شتبونهم يسون يعني

خلوا الشباب يفرغ طاقته دام ما فيه شي غلط ولا حرام

[ضوى]

لحد يزعل من كلامي

الحين اللي بيسمع انكم ما تروحون تتمشون العصاري كلش

وطول وقت العصر قاعدين بالمسايد تقرون قرءآن

شفيها اذا راحوا وتمشوا وغيروا جو دام محترمين نفسهم وما يبدر منهم قلة ادب

يعرضون سياراتهم يصفونها بطريقه معينه يقعدون يتمشون

هم احرار كيفهم محد له حق يقول عنهم انهم غلط

هم مهب وسط البيوت والفرجان عشان ننتقدهم

هذا كورنيش ياعالم كوووووورنيش

يعني حق التمشي وتغير الجو

وانتوا كل ما سوو شي هالشباب قمتوا عليهم وحشرتوهم انتقادات

شتبونهم يسون يعني

خلوا الشباب يفرغ طاقته دام ما فيه شي غلط ولا حرام


:victory::victory:

[يمامـة]

:victory:

شنسوي عاد بالبشكرديه

:)

والله يا اخوي بوعلي الموضوع بكبره محصور في الثقافة العامة للانسان نفسه..

بمعنى هل اقبل ولدي يوميا ياخذ سيارته ويطلع ويتمشى في الاماكن العامة؟
هل اقبل بزوجي يوميا ياخذ سيارته ويطلع الكورنيش ويحوط فيه ساعة ساعتين ثلاث؟

اذا كان الجواب نعم.. كل ابخص بنفسه وبثقافته ونظرته للامور..

واذا كان لا بعد كل ابخص بثقافته ونظرته للامور..

الموضوع يبين اراء الناس في التجمهر في الكورنيش وكل حر بكتابة رايه..

لذلك ارجع واقول اني ضد ولا اقبل ولا اشجع على مثل هالامور..

[المهاجر]

والله يا اخوي بوعلي الموضوع بكبره محصور في الثقافة العامة للانسان نفسه..

بمعنى هل اقبل ولدي يوميا ياخذ سيارته ويطلع ويتمشى في الاماكن العامة؟
هل اقبل بزوجي يوميا ياخذ سيارته ويطلع الكورنيش ويحوط فيه ساعة ساعتين ثلاث؟

اذا كان الجواب نعم.. كل ابخص بنفسه وبثقافته ونظرته للامور..

واذا كان لا بعد كل ابخص بثقافته ونظرته للامور..

الموضوع يبين اراء الناس في التجمهر في الكورنيش وكل حر بكتابة رايه..

لذلك ارجع واقول اني ضد ولا اقبل ولا اشجع على مثل هالامور..

والله يا اختنا الكبيره

مب شرط اني ما اقبل ان ولدي يروح مكان معين

يعني هالمكان مب زين والمفروض ما يروحونه الناس

يعني لو انا ما ارضى ان ولدي يروح البحر بروحه فهل يعني ان اللي يروح البحر غلط؟

احنا نقول دام المكان مباح والتصرف اللي يصير فيه مش غلط ولا حرام فمش من حق اي حد يعمم ويقول

غلط يروحون هالمكان ونحاسبهم ونلومهم

روحة الكورنيش تكون من قبل اناس كثيرين

فيهم الرجل الكبير بالسن والمرأه والشاب

اللي يبي يقعد والي يبي يتمشى ويغير جو

وحتى لو قلنا في رمضان وبوقت العصر كثير منا يحب طلعة العصر والترفيه

عن نفسه وعن عياله ويروح الكورنيش يستانس

اما اللي يسوي الغلط فهذا حتى لو قعد فوق سطح بيتهم بعد بننتقده وبنقول عنه غلطان

[المهاجر]

:victory::victory:

شكراً ضوى

[النهار]

الموضوع المكرر كل عام .

خلاص اللي مايعجبه شي لازم كل العالم ماتسويه لانه مب عاجبه .

يبه الناس انواع

كيفه اللي بيروح قبل الفطور ساعتين يصور ولا يتمشى ولا يفوشر بسيارته كيييفه . الدولة مش مانعته ولا انه يسوي شي حرام

واللي بيقعد ف بيته يقرا قرآن قبل الاذان بعد كيفه واجره ع الله .

ف النهاية لا انا ولا انت تقرر منو من هالاثنين افضل عند الله

يمكن اللي في هالساعتين ف الكورنيش يفوشر ومستانس بسيارته احسن عند الله من واحد منثبر ف بيته يقرا القرآن .


محد اعلم بهالشي الا الله سبحانه وتعالى .

والله يهديكم .

قرأت هالجمله اكثر من مره ومافهمت قصدها الي يفتر احسن من الي يقراء القران في بيته ؟؟؟؟؟؟؟؟

[ya3coub]

قرأت هالجمله اكثر من مره ومافهمت قصدها الي يفتر احسن من الي يقراء القران في بيته ؟؟؟؟؟؟؟؟

انا أتفق معاها أخوي


انت تشوف هالشخص ساعتين فقط بالكورنيش قد يكون يوميا بس ما تعرف عن اعماله الثانية ولا شنو يسوي الله الوحيد الي عالم, قد يكون محافظ على صلاته و اعماله و تبرعاته و يفيد و يساعد و يعاون الناس و له تأثير ايجابي عالمجتمع و الناس الي حوله على مدار العام و ايضا قد يكون حافظ للقرآن و يقراه برمضان و غير رمضان ولكن ليس بهذا الوقت محد ربط قرائة القرآن بما بين صلاة العصر و المغرب.

انت نظرتك لهالشخص قد تكون دونية او انه فاضي عمل بس يفتر بالشوارع و تدخل تحلل و تحط بذمتك <<< ما اتكلم عنك شخصيا بس عن اي شخص عادي


ببينما هنالك اشخاص ثانين بس برمضان يفتح القرآن بس برمضان بيقعد فالبيت و يفك الناس من شره. ان ما خاب ظني هاي قصد أختنا ام محمد و انا اتفق معاها كليا بجملتها


-----------------------------------


نرجع حق الموضوع اتوقع امس الدوريات مسكرين كلشي و ما كان في تجمهر التقيت بضيف من خارج قطر و كنت موديه يشوف الكرنيش انصدمت انه الشارع مسكر بالدوريات و مافي ولا احد انا رحت عالساعه ظ¤ و ربع تقريبا مريت دوامي القديم سلمت عليهم قبل لا يطلعون و رحت كتارا ايضا ولا قطو فيها تفطرت مع الضيف و وديته المطار.

الواحد صار يكره الطلعه بالزحمة الصباحية و بعد الفطور الأحسن مسجد بيت و بيوت الأهل اذا بنفس المنطقه و بس لحد يطلع برع الفريج

[H H]

93696

من كثر ماتتكلمون عن الكورنيش وقت العصريه قلت خلني اجرب وهذي النتيجه، بو علي انت المسؤول :(

[غايه الطواش]

احس الكورنيش العصر ريحته عود وبخور من كثر التزبر هههههههههههههههههههه

[JN000N]

ابي اعرف اللي مب عاجبهم موضوع السيارات ف الكورنيش

نعم؟ خير اشتبون!!
شيعوركم بالضبط والا شضاركم من السالفه

كيفهم ياخي عندهم وقت ماعندهم وقت
فاضيين مب فاضيين
هوايه مب هوايه
كل واحد حر بنفسه محد له دخل
وبالعكس الا مسوين جو يحليلهم

[H H]

شوف يا اتش اتش

مادري عن البورصه اليوم وش اخبارها
انا نزلت موضوع عن تصرفات الكورنيش واغلاق الشوارع والزحمه واشغال الامن ورجال المرور وتعطيل الناس في الذهاب
الى قضاء حوائجهم

وبسبب عاده رمضاينه سيئه ابتلى بها المجتمع القطري
قلت

ينقلونهم هذولا اللي شغلتهم السعي والطواف الى شارع الرفاع وهو شارع الاحتفالات
شارك كبير ومخصص للاحتفالات وجميل الاستعراض باي سياره
مافي ها شي مجرد وجهه نظر علشان ماتعطل الكورنيش ويعطلون الناس وضيوف الدوله
وغيرها

طلع صحفي شاف موضعي راح سواء موضوع مضاد لي
وقال الكورنيش قبله الصائمين

:omg:

وبعدين هناك حق عام هذا الشارع ملك الجميع للمررور عليه مش لعرض
السيارت وغيرها من مظاهر
ونجي نقول خولهم على كيفهم
عجل انا باجي وباابسط على الكورنيش وبارز البطل باشرب ودام ناا مااذيت حد كيفي
خلوني براحتي اشرب ياحسين النقط

واقعد اشوي دام اني ماازعجت حد

من انتم ؟؟انتم من ؟؟

:telephone:

بخصوص البورصه فامورها ميب طيبه ابد :(
مانصحك تشوفها , سو كنك مادريت وطنشها.

واعتقد ان كلامك صحيح بخصوص ان الصحفي كتب مقاله بعد ماشاف موضوعك.
لاحظت ان هالمنتدى له تاثير كبير وكثير من الصحف تتطرق للمواضيع الي تنطرح في هالمنتدى.

وبخصوص نقلهم , يخوك مافي مثل الكورنيش , منظر ووضع وتصوير واجواء وكل شي, مكان فل اوبشن.
والزحمه هي زحمة الساعه تسع , ميب زحمة العصر , وابشرك بدو يخالفون كل الي يمشون بالعدال.

انا ادعمهم واشوف ان الي يسوونه جميل جداً , مافيه شي سيء , اخلاق واحترام للجميع , الله يعطيهم العافيه.

[المهاجر]

امس رحت كورنيشنا شزينه والناس رايحه راده تتمشى عليه

ولا الايام اللي ما فيه حد يملل ويضيق الخلق

حسن تعال هناك وشوف شلون ينشرح صدرك اذا شفت المواتر تتجول والكل مستانس

[حسن]

بخصوص البورصه فامورها ميب طيبه ابد :(
مانصحك تشوفها , سو كنك مادريت وطنشها.

واعتقد ان كلامك صحيح بخصوص ان الصحفي كتب مقاله بعد ماشاف موضوعك.
لاحظت ان هالمنتدى له تاثير كبير وكثير من الصحف تتطرق للمواضيع الي تنطرح في هالمنتدى.

وبخصوص نقلهم , يخوك مافي مثل الكورنيش , منظر ووضع وتصوير واجواء وكل شي, مكان فل اوبشن.
والزحمه هي زحمة الساعه تسع , ميب زحمة العصر , وابشرك بدو يخالفون كل الي يمشون بالعدال.

انا ادعمهم واشوف ان الي يسوونه جميل جداً , مافيه شي سيء , اخلاق واحترام للجميع , الله يعطيهم العافيه.

يارجل داشها الصبح لقيتها لمت داون والنزول اكثر من 100 نقطه دخلتها الحين لقيتها مرتفعه 12 نقطه

يقولك المهاجر عندهم كرنيش غير قبلتنا اقصد كورنيشنا مال الشيراتون

هاهاها

[حمد 2002]

رمضان للذكر والاستغفار والعبادات وليس لأستعراض السيارات ..


الكاتب الصحفي

حمد 2002

[أم محمد 90]

قرأت هالجمله اكثر من مره ومافهمت قصدها الي يفتر احسن من الي يقراء القران في بيته ؟؟؟؟؟؟؟؟


اقرأ رد الأخ يعقوب بيض الله وجهه والله يوفقه بتفهم قصدي , لان بالضبط هذا قصدي ..




انا أتفق معاها أخوي


انت تشوف هالشخص ساعتين فقط بالكورنيش قد يكون يوميا بس ما تعرف عن اعماله الثانية ولا شنو يسوي الله الوحيد الي عالم, قد يكون محافظ على صلاته و اعماله و تبرعاته و يفيد و يساعد و يعاون الناس و له تأثير ايجابي عالمجتمع و الناس الي حوله على مدار العام و ايضا قد يكون حافظ للقرآن و يقراه برمضان و غير رمضان ولكن ليس بهذا الوقت محد ربط قرائة القرآن بما بين صلاة العصر و المغرب.

انت نظرتك لهالشخص قد تكون دونية او انه فاضي عمل بس يفتر بالشوارع و تدخل تحلل و تحط بذمتك <<< ما اتكلم عنك شخصيا بس عن اي شخص عادي


ببينما هنالك اشخاص ثانين بس برمضان يفتح القرآن بس برمضان بيقعد فالبيت و يفك الناس من شره. ان ما خاب ظني هاي قصد أختنا ام محمد و انا اتفق معاها كليا بجملتها

[أم محمد 90]

ابي اعرف اللي مب عاجبهم موضوع السيارات ف الكورنيش

نعم؟ خير اشتبون!!
شيعوركم بالضبط والا شضاركم من السالفه

كيفهم ياخي عندهم وقت ماعندهم وقت
فاضيين مب فاضيين
هوايه مب هوايه
كل واحد حر بنفسه محد له دخل
وبالعكس الا مسوين جو يحليلهم

حسد .... والله بعض العالم يفتح عينه ع السيارات لان هالايام تكون للسيارات المميزة المخشوشة ف البيت او اللي اساسا مانشوفها كل يوم وع مدار السنة
ف يجيج واحد بسيارة كلاسيك او جديدة وغالية ومميزة ورقم حلو ومميز


والبعض يعترض يضربهم حسد ياختي هههههه

[حسن]

رمضان للذكر والاستغفار والعبادات وليس لأستعراض السيارات ..


الكاتب الصحفي

حمد 2002

الله يخلك ذخرا لهذا الوطن والمنتدي يالكاتب الصحفي حمد

هذا الكلام

رمضان شهر عباده ومغفره واجر مهب زبو ومفوشر بالسيارات
عاد شتفهم يالصحفي حمد
عادات سيئه غصب مصري يبي لزقها فينها انت شعرفك يا بتاع المنبار ياللي ماتعرف الفرق بين
الطماطم ولا الؤطه ولا البندوره
لا بلا مهب من عاداتنا ولا سنعنا وخصوصا في رمضان ولا اللي يقول غير ذالك مضروب جنبه

هاهاهاها
لو مهب صايم كان كتبت له كلمه تسر الناظرين

:)

[حمد 2002]

الله يخلك ذخرا لهذا الوطن والمنتدي يالكاتب الصحفي حمد

هذا الكلام

رمضان شهر عباده ومغفره واجر مهب زبو ومفوشر بالسيارات
عاد شتفهم يالصحفي حمد
عادات سيئه غصب مصري يبي لزقها فينها انت شعرفك يا بتاع المنبار ياللي ماتعرف الفرق بين
الطماطم ولا الؤطه ولا البندوره
لا بلا مهب من عاداتنا ولا سنعنا وخصوصا في رمضان ولا اللي يقول غير ذالك مضروب جنبه

هاهاهاها
لو مهب صايم كان كتبت له كلمه تسر الناظرين

:)

حتى الي يبي يمشي يابوعلي بريوله يقدر يمشي بخط الرفاع للاحتفالات بالليل بالبراد ولا على سيف البحر ايقولون لك اصح بعد ، احسن له من الكورنيش ، لانه في الكورنيش من الممكن ان يرى نساء اجنبيات ، لابسين ملابس سيئه ، وهالشيء من الممكن ان يجرح صيامه .


الكاتب الصحفي

حمد 2002

[أم محمد 90]

اللهم اني صائمة ...:playball:

[بوعلي-Qtr]

هالموضوع تكرر وايد من قبل وكل سنه ينزل نفس هالموضوع
الحين شمشكلتكم مع هالناس
اللي يبي يروح الكورنيش خل يروح واللي يبي يقعد فالمسجد يقعد والله يبي يقعد فالمجلس خل يقعد

كل واحد وكيفه .. يعني اذا رحت الكورنيش اعتبر نفسي فاضي وماعندي سالفه !! .. ياخي دام اني ماسوي شي يغضب رب العالمين انت شعليك مني

اذكر لم كنت صغير كنت اروح قبل الفطور مع الوالد نتمشى
وبعدين قمت اروح بروحي

والله يوفقنا ويردنا بالسلامه عشان نروح ونودي عيالنا

[بوعلي-Qtr]

حتى الي يبي يمشي يابوعلي بريوله يقدر يمشي بخط الرفاع للاحتفالات بالليل بالبراد ولا على سيف البحر ايقولون لك اصح بعد ، احسن له من الكورنيش ، لانه في الكورنيش من الممكن ان يرى نساء اجنبيات ، لابسين ملابس سيئه ، وهالشيء من الممكن ان يجرح صيامه .


الكاتب الصحفي

حمد 2002


خلاص يبه انت روح تمشى فالرفاع ودع الخلق للخالق

[sweet qatar]

قرأت هالجمله اكثر من مره ومافهمت قصدها الي يفتر احسن من الي يقراء القران في بيته ؟؟؟؟؟؟؟؟

كلامها واضح .. هي قالت يمكن عند الله أحسن
هذا الشرع الي نعرفه ..

مثلاً واحد يجابل إفطار صائم الي مسويه و يوزع و يستغفر و عمله كله رياء و طلب للسمعة

و واحد راح يتمشي علي الكورنيش بسيارته .. استانس وخلا العالم يستانسون معاه ..

أكيد راعي السمعة والرياء ماله أجر !!



احس الكورنيش العصر ريحته عود وبخور من كثر التزبر هههههههههههههههههههه

هههههههههههههههه

ما ينلامون .. شفتي صفة المصورين علي الطرف ولا الأوسكار :happy:


أجواء شبابية حلوة

[sweet qatar]

خلاص يبه انت روح تمشى فالرفاع ودع الخلق للخالق

ههههههههههههه

عمرك سمعت ان شارع الرفاع سكروه لاحتفالية ؟

هذا الكورنيش الي في كل مناسبة مسكرينه .. عادات وتقاليد :o
واصلا هو مصمم علي انه واجهة سياحية و جذب للسكان



الله يوفقك أخوي وترجع بالسلامة و تودي عيالك و تفرح معاهم :)

[المهاجر]

دخلتوا الدين والعباده في موضوع التمشي على الكورنيش والسيارات!!

الحين اللي يروح الكورنيش صار ماعنده دين ولا ايش بالضبط؟!

اللي عنده اشغال ما اعتقد ما عنده طريق غير الكورنيش

وين بيروح العصر وشنهي الاشغال اللي تخليه يروح شارع الكورنيش

عنده طرق وشوارع بديله كثيره وما فيها زحمه

ولا بس نبي ننتقد وبس

قلنا التصرفات الغير مقبوله او الحرام او اللي فيها قلة ادب ما نقبلها ولا نرضى فيها
اما الروحه للكورنيش والتمشي والسيارات الكلاسيكيه ما فيها شي ابد

اما اللي يقول ان تضيع وقت وان شهر رمضان شهر عباده فاعتقد حتى المنتدى يضيع الوقت ولا بس الكورنيش يضيع الوقت

خلونا نتكلم بالعقل مب بس ننتقد ونعيب وبس

[Bin sultan]

الله يخلك ذخرا لهذا الوطن والمنتدي يالكاتب الصحفي حمد

هذا الكلام

رمضان شهر عباده ومغفره واجر مهب زبو ومفوشر بالسيارات
عاد شتفهم يالصحفي حمد
عادات سيئه غصب مصري يبي لزقها فينها انت شعرفك يا بتاع المنبار ياللي ماتعرف الفرق بين
الطماطم ولا الؤطه ولا البندوره
لا بلا مهب من عاداتنا ولا سنعنا وخصوصا في رمضان ولا اللي يقول غير ذالك مضروب جنبه

هاهاهاها
لو مهب صايم كان كتبت له كلمه تسر الناظرين

:)
صح لسانك يا بوعلي

[sweet qatar]

دخلتوا الدين والعباده في موضوع التمشي على الكورنيش والسيارات!!

الحين اللي يروح الكورنيش صار ماعنده دين ولا ايش بالضبط؟!

اللي عنده اشغال ما اعتقد ما عنده طريق غير الكورنيش

وين بيروح العصر وشنهي الاشغال اللي تخليه يروح شارع الكورنيش

عنده طرق وشوارع بديله كثيره وما فيها زحمه

ولا بس نبي ننتقد وبس

قلنا التصرفات الغير مقبوله او الحرام او اللي فيها قلة ادب ما نقبلها ولا نرضى فيها
اما الروحه للكورنيش والتمشي والسيارات الكلاسيكيه ما فيها شي ابد

اما اللي يقول ان تضيع وقت وان شهر رمضان شهر عباده فاعتقد حتى المنتدى يضيع الوقت ولا بس الكورنيش يضيع الوقت

خلونا نتكلم بالعقل مب بس ننتقد ونعيب وبس

صح لسانك

زادك الله من فضله وعلمه


وين المرور الحين عن الكورنيش !! زحمة ما تنطاق

ولا هم قاصدين يضيقون علي الشباب

ضيق الله علي العدو

[Bin sultan]

اول مره اعرف ان الكورنيش اصبح قبله الصائمين قبل الافطار

:)

قبلتنا الكعبة المشرفة :nice:

[يمامـة]

والله يا اختنا الكبيره

مب شرط اني ما اقبل ان ولدي يروح مكان معين

يعني هالمكان مب زين والمفروض ما يروحونه الناس

يعني لو انا ما ارضى ان ولدي يروح البحر بروحه فهل يعني ان اللي يروح البحر غلط؟

احنا نقول دام المكان مباح والتصرف اللي يصير فيه مش غلط ولا حرام فمش من حق اي حد يعمم ويقول

غلط يروحون هالمكان ونحاسبهم ونلومهم

روحة الكورنيش تكون من قبل اناس كثيرين

فيهم الرجل الكبير بالسن والمرأه والشاب

اللي يبي يقعد والي يبي يتمشى ويغير جو

وحتى لو قلنا في رمضان وبوقت العصر كثير منا يحب طلعة العصر والترفيه

عن نفسه وعن عياله ويروح الكورنيش يستانس

اما اللي يسوي الغلط فهذا حتى لو قعد فوق سطح بيتهم بعد بننتقده وبنقول عنه غلطان

ادري ردي متأخر فعذرا..

بشكل عام حتى لو ما اقبل ولدي او زوجي يسوون هالشي لأني ارفضه
فهذا لا يعني لو زوجي سواه برضا على هالشي..

فالامر بشكل عام مرفوض لأنه امر حسب وجهة نظري مب من الامور اللي الواحد انه يقوم فيها
في افضل الاشهر عند رب العالمين..

لذلك ستبقى هالقضية محط اختلاف بين المؤيدين و المعارضين.. وفي الاخير الحياة بتمشي..
والواحد يبري ذمته وربنا يقدم اللي فيه الخير للجميع..