شالحل مع الحمام المؤذي

[الحياة الخالدة]

السلام عليكم و رحمة الله و بركاته

أذُّونـــي الحمام اللي يوقفون عند فتحة المكيف و الدريشة
و يطلعون صوت مزعج ( حمام يا كريم ) .. ماقدر انام من صوتهــــــم

شالحل معاهم ؟؟
يصير أحط لهم لزقة الفيران ؟؟ :secret:
والا شسوي عشان أفتك من سندارتهم ؟؟

[شويهينــه]

هههههههه ولا اذا قاموا يطقون عالدريشه

ذكرتيني بالمأساه اللي كنت عايشتها

الحل اني غيرت الغرفه:tease:

[sweet qatar]

مساكين :(

اعتبريهم جيرانج

[لبيبة]

وعليكم السلام ورحمة الله وبركاته،

الحل سهل بإذن الله، اشتري لهم ذي http://d.pr/4TDa وركبيه، ما اعرف وين ينباع مثله في الدوحة، بس تقدرين تطلبينه من أمازون.

[النهار]

ايش هالاجرام تحطين لهم لزقه والله حرام انا كل يوم احط لهم دخن على الرصيف تعالي شوفي انواع واشكال من الطيور

[معماري قطري]

وعليكم السلام ورحمة الله وبركاته،

الحل سهل بإذن الله، اشتري لهم ذي http://d.pr/4TDa وركبيه، ما اعرف وين ينباع مثله في الدوحة، بس تقدرين تطلبينه من أمازون.

كنت باقول حل قريب منه وسهل .. طرشي الدريول يجيب أَسيام لو حصل يابسة شوي من أَي محل مواد بناء .. ومقص لقص الأَسيام ومعاه معجون تثبيت وهذي منها نوعيات .. وكله ما يكلف 20 ريال المفروض وتركيبها في دقايق مكان وقوف ودخول الحمام أَو أَي طيور.

[aloosh]

نظف المكان زين وحط ثعبان من ابو ريالين بشرط خل راسه مرفوع على فوق

[Dana’1]

وعليكم السلام ورحمة الله وبركاته

استخدمي كل الحلول الا سم الفيران حرام ^~^

اذكر في محل دايسو بالحياة بلازا عنده بعض الحلول للطيور المزعجه

[المخفي]

ركبي سبلت

[وطن]

نفس حل لبيبة

اخبر ينباع في السعودية
يمكن عند ساكو

اذا عندج حد رايح الاحسا خل يجيب لج منه

[LiL iNVe$ToR]

ركبي سبلت

ههههه ايه حل.

[بنت مريخ]

سم فيران
مع الاكل اخلطيه
حرااااام

[ضوى]

الحياة عزيزتي

كنت اعاني من مشكلتج ، لا وكاوا يقطون الدريشة وكل شوي اتفزز من النوم خاصة بالاجازات

الحل فيه زي دواير بيضا اعتقد انه دوا ماله ريحة ولا اي شي يدل على انه سم اخذت من دايسو ماعاد قربوا ابدا افتكيت منهم للابد ومستمتعه بصوتهم عالزرع بس

[حمد 2002]

ترى الحمام زين ويطردون الجن من البيت ، والحمام ابركه بالبيت ، نصيحه خليهم بحالهم وتعايشي معاهم بسلم وسلام ..

[غريب الدّار]

ترى الحمام زين ويطردون الجن من البيت ..
:eek5: ها؟ :eek5:

[وطن]

ترى الحمام زين ويطردون الجن من البيت ، والحمام ابركه بالبيت ، نصيحه خليهم بحالهم وتعايشي معاهم بسلم وسلام ..

من أين لك هذا !!

:omg:

[بريق الحق]

من أين لك هذا !!

:omg:
قامت تطلع اشياء جديده فرمضان
الحمام يطرد الشيطاين وابركه عجيب

[(ام عبدالله)]

معليه .. مساكين يمكن من الشمس يبغون الظل .. زينه القومه من النوم بدري ..
الدنيا فيها اشياء اسوء محتاجه نفكر لها حلول .. خلهم يترزقون ..

والاهم هو : قال النبي صلى الله عليه وسلم: في كل كبد رطبة أجر. رواه البخاري. وروى مسلم أن رسول الله صلى الله عليه وسلم قال: إن الله كتب الإحسان على كل شيء.

لا زرع خايفين عليه ولا فلوس بياخذون منا ولاشي .. اشوف لو ندور الاجر افضل وجزاكم الله خير

[حمد 2002]

:eek5: ها؟ :eek5:

الحمام نفعه اكثر من اضراره ،،

[حمد 2002]

من أين لك هذا !!

:omg:

من الثقافه العامه ،،،

[ولد العرب]

من الثقافه العامه ،،،

المصدر لو سمحت انه يطرد الشياطين

[عاشق العديد]

نباله ونيشني عليهم وصيدي واان ماتو مايحتاي شوي عطول والله ..

[غريب الدّار]

نباله ونيشني عليهم وصيدي واان ماتو مايحتاي شوي عطول والله ..

ماتشوف ان الصجمة افضل؟

بس ياخي الخوف ماتلحق اتحللهم

[النهار]

المصدر لو سمحت انه يطرد الشياطين

امبلا هو صاج كل الي يقوله صج يجيبه من المصادر الموثوقه انت ايش عرفك
الحمدلله على السلامه ولد العرب

[حمد 2002]

الحياه الخالده مختفيه هاليومين مالها حس بالمنتدى ،، اخاف انها بتصيد الحمام من الدريشه و طاحت من الطابق الثاني ،، :secret:



ضحيه حمام ياكريم ،،، :weeping:


((وبدال ماتصيد الحمام هو صادها )) :rolleyes2:

[غريب الدّار]

الحياه الخالده مختفيه هاليومين مالها حس بالمنتدى ،، اخاف انها بتصيد الحمام من الدريشه و طاحت من الطابق الثاني ،، :secret:



ضحيه حمام ياكريم ،،، :weeping:


((وبدال ماتصيد الحمام هو صادها )) :rolleyes2:
لاتفاول عليها يابن الحلال
يمكن قررت تصير قنوعة و راحت تشتري كيلو سلس حق الفطور

[وطن]

من الثقافه العامه ،،،

قصدك كلام ماله أساس من الصحة !!

[حمد 2002]

قصدك كلام ماله أساس من الصحة !!

كلا بل من امهات الكتب ، وكلامي مبنى على ادله ولم اقوله من وحي خيالي ..


حمد 2002 ..

[ولد العرب]

امبلا هو صاج كل الي يقوله صج يجيبه من المصادر الموثوقه انت ايش عرفك
الحمدلله على السلامه ولد العرب

الله يسلمك ويطول عمرك
يامرحبا بالغالي

[ولد العرب]

كلا بل من امهات الكتب ، وكلامي مبنى على ادله ولم اقوله من وحي خيالي ..


حمد 2002 ..

طيب اتحفنا من امهات الكتب يامعيض

[حمد 2002]

طيب اتحفنا من امهات الكتب يامعيض

راجع الصفحه 265 في كتاب المرجع في احداث القرن الماضي ، للمؤلف ابراهيم فؤاد . الطبعه الثالثه .



شكرا لك .

[ولد العرب]

راجع الصفحه 265 في كتاب المرجع في احداث القرن الماضي ، للمؤلف ابراهيم فؤاد . الطبعه الثالثه .



شكرا لك .

كل ماكتبت اسمه طلع لي الشيعي الباحث والكاتب :(

https://www.al-akhbar.com/sites/default/files/imagecache/465img/p32_20120731_pic1.jpg


تدارك عمرك ياحمد واسعفنا بالمصدر السليم ولا اقتبس لنا كلامه

[الحياة الخالدة]

احلفوا عاد

اشوف قالبين موضوعي ديوانية

جاري دراسة الاقتراحات
جزاكم الله خير يا من اعطيتوني اقتراحات بناءة و مفيدة
طبعاً فكرة لزقة الفيران كانت مجرد دعابة
يعني لحد يصدق إني بسويها

[الحياة الخالدة]

كل ماكتبت اسمه طلع لي الشيعي الباحث والكاتب :(

https://www.al-akhbar.com/sites/default/files/imagecache/465img/p32_20120731_pic1.jpg


تدارك عمرك ياحمد واسعفنا بالمصدر السليم ولا اقتبس لنا كلامه



وانتو يعني مصدقين ان عنده مراجع حقيقية

[ولد العرب]

وانتو يعني مصدقين ان عنده مراجع حقيقية

هذا حمد للي مايعرفه ابوفلك وذرات اي نقاشه بالحجه :(

[ابوفارس]

هذا حمد للي مايعرفه ابوفلك وذرات اي نقاشه بالحجه :(

بالبراهين والحجة - تقصد الحجة ام علي وذرات الهرد الي تطرحه على ويهها ...!

[حمد 2002]

بالبراهين والحجة - تقصد الحجة ام علي وذرات الهرد الي تطرحه على ويهها ...!

ممكن توضيح اكثر لكلامك اخي الكريم ..