معركه بين مواطن وشركه اتصالات محليه

[جبر ال جبر]

لي صديق من اسبوع طلع رقم مميز من احد شركات الاتصال في الدوله وبعد اربعه ايام من استخدامه للرقم يتم سحب الرقم واعطاءه لشخص اخر على طول وبعد محاولات حثيثه ومعركه مع هالشركه تبين انه الي خذى الرقم شخص واصل وثقيل هل يعقل هذا!!!! وحجه الشركه بالخطا تم صرف الرقم
الرجال ماراح يسكت عن حقه وراح يشهر بالشركه ويجرجرها محاكم وعنده الاثباتات واليوم بكل وقاحه وعنجهيه مسؤل في هذي الشركه قام يساومه في البدايه وعقب هدده ساومه باعطاءه رقمين مميزين واشتراك مجاني سنه كامله وعطاه مميزات اخرى ويوم شاف مافي فايده منه وخصوصا انه صديقي قاله انه راح يلجاء للمحكمه لاسترجاع الرقم وهنيه المسؤل الزفت بدى يفقد اعصابه ويهدد ويغلط وانه عندهم محامين ف الشركه ممكن يقلبون الموضوع عليه خصوصا هو غلط على كذا موظف في الشركه وانه التهم عليه جاهزه الاساءه لموظف اثناء تاديه عمله فالرجال مقهور ومب عارف كيف يسوى الاغلب قاله انسى الموضوع وهالشركه سوتها كذا مره ولاتضيع وقتك هل حد صاده نفس الموقف ولا هالشي استثناءي ونادر يصير مع العلم الرجال استخدم الرقم وانا شخصيا كلمته عليه

[ابن البيطار]

المحاكم حبالها طويله سنين اذا بيصبر اعتقد راح يربح القضيه خصوصا ان الرقم تسجل بأسمه واستخدمه .

[حرف]

اذا يقدر ياخذ الرقمين والاشتراك المجاني انصحه ياخذها ويخلي منه المحاكم
بعدين موضه ارقام التلفونات المميزة انتهى الحين الناس يخرنونها باسماء والقاب مامنها اي فايدة المميزة لو رقم سيارة صح يفرق

[بومحمد55]

يأخذ الرقمين والمميزات اللي عطوه أحسن له

راح يتعب مع المحاكم

[.قطر.]

انا انصحه يسترجع الرقم مب عشان شخص واصل وثقيل خذاه يقول معليه لا حقه لازم ياخذه

[H H]

السالفه سالفة حق وكرامه , القانون فوق الجميع ,يطالب بحقه وبقوه!
واذا على الرقمين و الاشتراك المجاني فماتسوى ابد الاحساس بالظلم!

الله يوفقه

[qatarman8008]

المفروض ان الرقم يرجع له..
هذا حقة والغلط مو منه..
الغلط من الشركة والشركة تتحمل توابع هالغلط..

[غريب الدّار]

اللي له حق بياخذه في المحكمة باذن الله

[khaldoon]

هاي شبيحه مو شركه

[shadad]

ياخذ حقه من المحكمه ...

[ابوالعبد]

خل يرجعون له قيمه الرقم والله يعوض عليه كله رقم المحاكم تتطول جدا

[عابر سبيل]

حتى لو "انتصر" عن طريق المحكمة..
فهو بيخسر من اعصابه و صحته و ربما "ماله"
اكثر بكثير في دهاليز المحاكم...


و الرجال لو يبغي دروب المحاكم
يخليها لشي اكبر من هذا..
فالمحاكم..ابتلاء..و داء عضال..
على "العاقل" ان يتجنبه قدر المستطاع..
اكان طالبا او مطلوبا..

عليه..فانا مع هالراي


اذا يقدر ياخذ الرقمين والاشتراك المجاني انصحه ياخذها ويخلي منه المحاكم
بعدين موضه ارقام التلفونات المميزة انتهى الحين الناس يخرنونها باسماء والقاب مامنها اي فايدة المميزة لو رقم سيارة صح يفرق

[الزعفراني]

ما يحتاج محاكم ياخالي .. يكلم هيئة الاتصالات ( وزارة الاتصالات الان ) .. ويقدم شكوى اهم شي عنده الاثباتات انه الرقم له :)

[وطن]

الموضوع مشربك اخوي

المسؤول يتهمه بأنه غلط على موظفين الشركة
هل فعلا الرجال غلط عليهم ؟!!
لان هذا مب في صالحه ابدا


بعدين احتمال فعلا الرقم كان للشخص الثاني والشركة عطته اياه بالغلط

مو ذنبه ولازم يعوضونه


في حالة انه فعلا غلط على الموظفين وتطاول عليهم
لا يتعب نفسه في المحكمة لأنها بتقلب عليه

الغلط جذي مشترك بين الاثنين

[البنز]

انا انقهرت من السالفة :anger2:


بلغ صاحبك يتواصل مع حماية المستهلك

أو

النيابة العامة

أو

يسلّم الموضوع محامي شاطر ويطلب تعويض محترم
ويريح دماغه ..

لا يسكت عن حقه ولا يقصون عليه ، البلاد مب فوضه !


موفق ان شاء الله

[hamoor4ever]

الافضل يستشير محامي اذا جاد برفع قضيه بس هو يشتكي اول بهيئه الاتصالات وعقب يقرر .. بس المحاكم ماوراهم الا عوار الراس وبدون فايده بعد

[وحيد-الشوق]

الله يعينه شركات الاتصالات حقك معاها ضايع اذكر في محامي يقول كيوتل اوريدو حاليا ومستشفى حمد حقك ضايع معاهم وصعب تاخذ شيء منهم

اصلا في موظفين مخلين الارقام الخشنه لهم على جنب واذا حد واصل عادي يسحبون الرقم من الفقير ويعطونه له نصيحة لجميع الاخوان تركوا عنكم ارقام التلفونات المميزة والله مامنها فايدة وتروح عليك في اي وقت

[شبح الصمت]

نصيحة نصيحة ياخذ الرقمين والامتيازات

عادي يقلبون عليه الطاوله

يقولون خطأ موظف وراح نحاسبه نقل لك الرقم بالغلط ..

وبيلصقووونها في راس اي واحد ويخلصون الموضوع

ويطلع بالموله بلا حمص ..

هذه افتراضات طبعاً لو يبوون يحكرون له ولا يطلع منهم بشيء


يحل الوضع او يرجع فلوسه ويريح رأسه


او يتصل في الرجال الي خذ الرقم ويشرح له الي صار ..

ويشوف ردة فعله ..

[أين الحل ؟]

نحن في دولة حق وعدالة والمحاكم القطرية يشهد لها في انصاف الحق والمظلوم .
ولكن سوف تاخذ معك وقت بالكثير 8 اشهر الى سنة .
وعندك المحامي محمد بن احمد المهندي روح له وامورك طيبة .
وطلب تعويض نفسي ومعنوي واضرار قع الخط لما صاحبة من قطع العلاقات التجارية
داخل البلد وخارجه وذلك بسبب سحب الخط وانقطاع التواصل بعد توزيع الرقم الاكثر من جهة
ومما سبب ذلك اربكاً في التواصل الاجتماعي والاسري حيث تم سحب الرقم دون وجه حق واستغلال
اموال العميل في عرض رقم مميز دون استكمال الشروط والخدمة .وبعد تقديم شكوى الى حماية المستهلك
حيث ان العميل استهلك رقما مميز حسب العرض من الشركة ولم تكون الشركة صادقة في العرض وعليه
يترتب خسائر مادية لا تقل عن عشرة ملايين ريال وتعويض نفسي لا يقل عن خمسة ملايين ريال .حتى يحكم لك
القاضي برد الرقم وتعويض مليون ريال عن الخسائر .

[الزعفراني]

المشكلة من شروط شركات الاتصالات عندنا واللي مكتوبه في الطلب اللي يوقع عليه كل عميل .. ان الرقم يبقى ملك للشركة ويحق لها سحبه والغاءه .. شي كذيه .. مدري عاده موجود هالشرط والا انلغى

[المهاجر]

ليش هالتهاون والتنازل عن الحق اللي اشوفه عند بعض الاعضاء

بالعكس اخوي ارفع قضيه عليهم وخذ حقك بالكامل بالإضافه الى طلب تعويض محترم

وانا لو منك باطالبهم بتعويض لا يقل عن خمسه مليون بالإضافه الى استرجاع الرقم

وتأكد انك بتكسب القضيه ميه بالميه بخصوص استرجاع الرقم وبخصوص التعويض المحكمه بتقدر التعويض المناسب

وهم اللي راح يراكضون وراك وبيعرضون عليك عروض كبيره عشان تسكر القضيه

بالنسبه لكلامه انه راح يشتكون عليك ومن هالكلام ما عليك منه خله يشتكي ايش يعني

انت غلطت على بعض الموظفين من حالة العصبيه وكلامهم المستفز معاك

وحتى لو اشتكوا ايش بيكون شكوى سب ماراح ياخذون من وراها شي

لا تسكت عن حقك وطالب فيه وبتاخذه

خلهم يعرفون ان اهل قطر مب سذج وانهم فاهمين وقادرين ياخذون حقهم بالقانون

[مخطط قطري]

انا اقول انصح رفيجك ياخذ الرقمين واشتراك مجاني ابرك لانهم بيقولون الخطاء من السستم وحسستني انه صديقك سحبو منه 5555555 يعني كل الارقام الخشنه المميزه طارت شبقا مميز عندك 8 ارقام ماعاد عندهم الا اخر 3 ارقام تتشابه طيع الشور وصارت وايد ترى لا هو شي نادر ولا شي ولكن دايمن تعويضهم يدسم الشارب وهذي فرصه استغلها

[تلفزيون قطر]

أنا من رأئي بأن ترفع عليهم شكوى عن طريق المجلس الأعلى للأتصالات وتأكد بأنهم بياخذون الموضوع بإهتمام وجديه .

أما من ناحية السب فهم بعد هددوك وقالوا اذا ماقبلت بالعرض راح نقلب السالفه عليك على كلامك انهم قالوا حق رفيجك وكل المكالمات مسجلة





والله يعينكم






تلفزيون قطر

[غايه الطواش]

ريل اختي صارت معاه قضيه وقالوله ارفع قضيه عندنا محاميين ووووو
وفي اقل من سنه ربح القضيه ضدهم اعتقد في رابع اوخامس جلسه من كثر من الادله واضحه وضدهم

[المهاجر]

ريل اختي ضارت معاه قضيه وقالوله ارفع قضيه عندنا محاميين ووووو
وفي اقل من سنه ربح القضيه ضدهم اتعقد في رابع جلسات اوخمس من كثر من الادله واضحه وضدهم

هذا التصرف الصح

كفو عليه والله

اخوي لاتتردد وارفع عليهم قضيه واسترجع الرقم وفوقه التعويض بعد

حتى لو كان رقمك مب مميز هذا رقمك وانت استخدمته واصبح من خصوصياتك ومش من حق اي حد يطلع عليها

[المحاميه]

يلجأ للمحكمه

[QtrGate]

حماية المستهلك /المجلس الأعلى للاتصالات

حقك بيرجع لك

[CH Engineer]

فودافون اسحبوا مني 3ارقام اكتفيت بإرسال إيميل لهم وسحبوا علي
حتى المجلس الأعلى للحين ماكنت اعرف ان عندهم خط ساخن للشكاوي تابع لحماية المستهلك


نصيحه مني لك اذا الرقم كان للرجال وسحبوه لك بالغلط اقبل بالحل خذ الرقمين والاشتراك المجاني
وإذا الرقم لك وسحبوه منك " احتقارا لك" و مجامله للرجال ورغبته فانصحك بالمحاكم من بعد رفع شكوى رسمية للمجلس الأعلى للاتصال
اكتب انك عارض الرقم ب10 مليون وانه جاب لك شراي وخل حد من ربعك يكون الشراي الوهمي " مب شرط الحقيقة اهم شي الأوراق والعرض الرسمي الي جاك من صديقك "
خلهم تحت ضغط الظ،ظ* مليون وتحت ضغط المجامله
بعدها توجه للمحاكم وبيدك الشكوى و ورقة السعر 10 مليون
وأنسى التعويض النفسي خلك رسمي بأوراق

وخل صديقك يشترط البيعه خلال شهرين وبعدها ينلقي الاتفاق خله أتفاق رسمي توقيع ورقم شخصي وكل هالأمور ولازم الشركه يكون عندها علم بهالاتفاق

والله يوفقك

[وليف الشوق]

هل الشركة هذي راضيه باللي سوته من اجراء ؟ وهل هو قانوني ؟
والله لو يعطوني مكالمات مجانية طول العمر مع كثير من الامتيازات ماراح اقبل ... لاننا نعيش على المبدأ وشعب يعيش على المبدأ قبل كل شي واحنا في بلد قانون وعودتنا حكومتنا اننا نمشي على القانون في كل مجالات حياتنا واللف والدوران ما نعرفه لاننا نمشي على نمط معين حدده لنا القانون وراضين عليه 100% لكن انه يتم اجراء من شركة معروفه فهذا غير مقبول في مجتمعنا وهذه امور دخيله علينا (( لان الغني والفقير والكبير والصغير كل يشمله القانون ))
اللهم اجعل هذا البلد امنا مطمئنا وسائر بلاد المسلمين

[وليف الشوق]

انا اقول انصح رفيجك ياخذ الرقمين واشتراك مجاني ابرك لانهم بيقولون الخطاء من السستم وحسستني انه صديقك سحبو منه 5555555 يعني كل الارقام الخشنه المميزه طارت شبقا مميز عندك 8 ارقام ماعاد عندهم الا اخر 3 ارقام تتشابه طيع الشور وصارت وايد ترى لا هو شي نادر ولا شي ولكن دايمن تعويضهم يدسم الشارب وهذي فرصه استغلها

بردك هذا تغيرت نظرتي عليك واللي اعرفه انك رجل حكيم تبارك الرحمن
ونصيحه مني خله يتأكد وبشكل قانوني ان اللي حصل خطأ من السيستم وصدقني يوم تقول حسستني ان الرقم 5555555 هل المشكله في الرقم ولا المبدأ
ان الكلام اللي حاصل ان حقك مأخوذ

[رهج السنابك]

ch engineer
انت رجل ذكي

[النهار]

المشكلة من شروط شركات الاتصالات عندنا واللي مكتوبه في الطلب اللي يوقع عليه كل عميل .. ان الرقم يبقى ملك للشركة ويحق لها سحبه والغاءه .. شي كذيه .. مدري عاده موجود هالشرط والا انلغى

نعم هذالبند موجود الي الان
يحق لهم سحبه والغأه بدون ابداء اي اعتراض من احد
قول حق صديقك يقبل بالعرض ولايعور راسه لان هذي مهب اول حاله ولابتكون الاخيره

[حسن]

راي يوافق على الرقمين والمده المجانيه

وهو الربحان

ولا يشتكى ولا يتعب نفسه لانه هو الخسران

وكله على بعضه الى رقم جوال ولا هوب صايد

[مخطط قطري]

بردك هذا تغيرت نظرتي عليك واللي اعرفه انك رجل حكيم تبارك الرحمن
ونصيحه مني خله يتأكد وبشكل قانوني ان اللي حصل خطأ من السيستم وصدقني يوم تقول حسستني ان الرقم 5555555 هل المشكله في الرقم ولا المبدأ
ان الكلام اللي حاصل ان حقك مأخوذ
اخوي وليف الشوق في حال اسحبو عليه وطقعو له انا معاك يسوى الي تقول عليه بس هم ماقصرو وياه وبيعوضونه يمكن بارقام احسن من رقمه وعطوه اشتراك بعد شيبي بعضهم ياخذها نحاسه وهو الخسران لانه بيقعد يراكض وراهم بدون فايده

[وليف الشوق]

اخوي وليف الشوق في حال اسحبو عليه وطقعو له انا معاك يسوى الي تقول عليه بس هم ماقصرو وياه وبيعوضونه يمكن بارقام احسن من رقمه وعطوه اشتراك بعد شيبي بعضهم ياخذها نحاسه وهو الخسران لانه بيقعد يراكض وراهم بدون فايده

خلاص ابشر انا راح اخذ حقوق الناس وراح اعوضهم ولا قضايا ولا محاكم ولا قانون يحمي ... ياااخي احنا نتكلم عن المبدأ مش يعطونه او يعوضونه !! والدنيا مو سايبه ياخوي
تكفى فكر شوي بالموضوع وشوف لو انت مكان هالمشترك او كل المشتركين في اي شركة اتصال ؟

[مخطط قطري]

لو انا مكان المشترك وعطوني تعويض مناسب ليش لا ،، يمكن خيره وافضل من الي راح مب اقفل واسب واغلط على الناس اتريث شوي يمكن فعلا حصل خطاء وانا فاهم وجهه نظرك وانه المبداء مبداء وخلاص مافكر واحصر نفسي في سالفه المبداء انا قصدت من كلامي استفيد من خطاءهم واشوف شي افضل وتعويض مناسب في قلعته الرقم بداله الف رقم وحصلت مع ناس اعرفهم قصص مشابهه ،،،، اخوي من كم سنه حاجز لعرس الحريم في فندق الرتزكارلتون وقبل الموعد بشهرين كلموه بانه تكنسل حجزه وانهم بيعوضونه تضايق وزعل وراح لمديرهم وقالوله انه مكتب الشيخه موزا المسند طالبه هالتاريخ وقال لو انتم رديتو على مكتب الشيخه انه فيه حجز بهالتاريخ ماعتقد سموها بتصر عليه وخصوصا انه عرس وانا طبعت البطايق وخلصت وقالوله بنعطيك يومين وراه قالهم ولا ساعه اتاخر انا حجزت هاليوم تعطوني نفس اليوم وبعدين دشو في مفاوضات وماقصرو معاه كلش لدرجه اني قلت له زين والله تباركت عليك الشيخه يوم تاجل عرسك يومين فماتعرف وين الخيره وهذا الي قصدته بكلامي دام نيتهم طيبه وبيعضونه بعد لازم نعذر الشركه ونقدر موقفها

[غير البشر]

نحن في دولة حق وعدالة والمحاكم القطرية يشهد لها في انصاف الحق والمظلوم .
ولكن سوف تاخذ معك وقت بالكثير 8 اشهر الى سنة .
وعندك المحامي محمد بن احمد المهندي روح له وامورك طيبة .
وطلب تعويض نفسي ومعنوي واضرار قع الخط لما صاحبة من قطع العلاقات التجارية
داخل البلد وخارجه وذلك بسبب سحب الخط وانقطاع التواصل بعد توزيع الرقم الاكثر من جهة
ومما سبب ذلك اربكاً في التواصل الاجتماعي والاسري حيث تم سحب الرقم دون وجه حق واستغلال
اموال العميل في عرض رقم مميز دون استكمال الشروط والخدمة .وبعد تقديم شكوى الى حماية المستهلك
حيث ان العميل استهلك رقما مميز حسب العرض من الشركة ولم تكون الشركة صادقة في العرض وعليه
يترتب خسائر مادية لا تقل عن عشرة ملايين ريال وتعويض نفسي لا يقل عن خمسة ملايين ريال .حتى يحكم لك
القاضي برد الرقم وتعويض مليون ريال عن الخسائر .



!!!! :omen2:

[لبيبة]

السلام عليكم ورحمة الله وبركاته،

قول لصديقك يتصل على الخط الساخن للشكاوى في وزارة الاتصالات 103 ويسجل شكوى رسمية، وإذا ما حلوها له يسجل رقم الشكوى ويقدم كل مستند يثبت ملكيته للرقم ويسوي اقتراح CH Engineer ويرفع قضية في المحكمة مع كل المستندات.

لكن مبدئيا، لو انا مكانه، كان ما تهاوشت معاهم وقبلت بالتعويض اللي عرضوه، لأني أعتقد انه عرض سخي وافضل من الرقم اللي عليه مشكلة، اذا في مجال يقبل بالعرض انصحه بذلك، ولو يقدر يجهز اوراق القضية ويسجل الشكوى الرسمية عقب يطلع منهم تعويض اقوى ياخذه ولا يطول في المحكمة.

[يوسف0]

!!!! :omen2:

ههههه شكله ماجرب المحاكم :)

[ابن الجزيرة]

أشوف اذا نفسه طويل ويرى ان الشركة لم تغلط وان هذا الرقم حقاً له والمسألة هنا مسألة كرامة وحق

عليه ان يوجع رؤوسهم ولكن في نفس الوقت يحسب حسابه ان بالهم طويل وهم شركة وهو فرد

أما اذا رأى ان التعويض عادل وان الشركة فعلا اخطأءت والرقم خاص بشخص اخر أيا كان فعليه القبول

ولو لني ارى ان في هذه الشركات مسؤلين ايضا مستفز ين ومعظمهم غير قطريين

[حسن]

بردك هذا تغيرت نظرتي عليك واللي اعرفه انك رجل حكيم تبارك الرحمن
ونصيحه مني خله يتأكد وبشكل قانوني ان اللي حصل خطأ من السيستم وصدقني يوم تقول حسستني ان الرقم 5555555 هل المشكله في الرقم ولا المبدأ
ان الكلام اللي حاصل ان حقك مأخوذ

خرعتني ياوليف لاشوق بهل الرقم قلت لايكون تعرف رقمي
ياقربك منه

مادري كم يسوا في السوق

[khaldoon]

اخوي لو هو سب و غلط و شتم مثل ما تقول فبيخسر حقوقه او بعضها و بيصير عليه تعويض هو بعد مثله مثلهم و يمكن يطلع خسران او بربح مب مستاهل ....خله يتفاوض معاهم على اكثر من هذا العرض و بشكل ودي و يمسك اعصابه بعد اليوم ولا يتهور في المعاملات الرسميه و مع الناس و ما يقبل بس العرض اللي قدومه و ياخذ شي اكبر منه باي طريقه ...مع التلميح انه الرقم يقدر يبيعه مثل ما قال اخونا المهندس فوق

[CH Engineer]

ch engineer
انت رجل ذكي
من له حيله فليحتال

[جبر ال جبر]

مساءكم الله بالخير جميعا واشكركم على مداخلاتكم ،،، الرجال راح يسلك الطرق القانونيه لاسترجاع حقه وراح اوافيكم باللي يصير اول باول وراح يشتكيهم في وزارة الاتصالات وبالاضافه الى اسناد المووضوع الى محامي وقال لو اخر يوم في عمري راح ارجع رقمي وخل القضيه بدال شهور سنين انا وراهم والاخوان الي علقو انه المفروض يمسك اعصابه الله لايحطكم مكانه الرجال رايح لهم محلهم الي في لاند مارك مطفي الليتات ويحصل قدامه موظفين اجانب تافهين استفزوه وتجاهلوه ويخلصون الي عقبه وخلوه شتبونه يسوى

[اتصالات_103]

لي صديق من اسبوع طلع رقم مميز من احد شركات الاتصال في الدوله وبعد اربعه ايام من استخدامه للرقم يتم سحب الرقم واعطاءه لشخص اخر على طول وبعد محاولات حثيثه ومعركه مع هالشركه تبين انه الي خذى الرقم شخص واصل وثقيل هل يعقل هذا!!!! وحجه الشركه بالخطا تم صرف الرقم
الرجال ماراح يسكت عن حقه وراح يشهر بالشركه ويجرجرها محاكم وعنده الاثباتات واليوم بكل وقاحه وعنجهيه مسؤل في هذي الشركه قام يساومه في البدايه وعقب هدده ساومه باعطاءه رقمين مميزين واشتراك مجاني سنه كامله وعطاه مميزات اخرى ويوم شاف مافي فايده منه وخصوصا انه صديقي قاله انه راح يلجاء للمحكمه لاسترجاع الرقم وهنيه المسؤل الزفت بدى يفقد اعصابه ويهدد ويغلط وانه عندهم محامين ف الشركه ممكن يقلبون الموضوع عليه خصوصا هو غلط على كذا موظف في الشركه وانه التهم عليه جاهزه الاساءه لموظف اثناء تاديه عمله فالرجال مقهور ومب عارف كيف يسوى الاغلب قاله انسى الموضوع وهالشركه سوتها كذا مره ولاتضيع وقتك هل حد صاده نفس الموقف ولا هالشي استثناءي ونادر يصير مع العلم الرجال استخدم الرقم وانا شخصيا كلمته عليه

السيد/جبر، يرجي ارسال رقم الشخص المتضرر إلينا (هيئة تنظيم الاتصالات) عبر رسالة خاصة ليقوم مسؤولى حماية المستهلك بالهيئة للتواصل معه أو الاتصال بالخط الساخن لحماية مستهلكي خدمات الاتصالات (103)
شكرا، إدارة شؤون المستهلكين بهيئة تنظيم الاتصالات

[غريب الدّار]

السيد/جبر، يرجي ارسال رقم الشخص المتضرر إلينا (هيئة تنظيم الاتصالات) عبر رسالة خاصة ليقوم مسؤولى حماية المستهلك بالهيئة للتواصل معه أو الاتصال بالخط الساخن لحماية مستهلكي خدمات الاتصالات (103)
شكرا، إدارة شؤون المستهلكين بهيئة تنظيم الاتصالات

قواكم الله
شي يثلج الصدر لما نشوف جهات رسمية تتفاعل وتتواصل مع شكاوى المواطنين

[يوسف0]

السيد/جبر، يرجي ارسال رقم الشخص المتضرر إلينا (هيئة تنظيم الاتصالات) عبر رسالة خاصة ليقوم مسؤولى حماية المستهلك بالهيئة للتواصل معه أو الاتصال بالخط الساخن لحماية مستهلكي خدمات الاتصالات (103)
شكرا، إدارة شؤون المستهلكين بهيئة تنظيم الاتصالات

:nice:

[ابوالكلام]

اهلا وسهلا من رايي بان البلد يوجد بها قضاء ووكل امرك للقضاء عن طريق محامي ممتاز
ثانيا انا من رايي بان مثل هذه الامور قد تسسب لك مشاكل نفسية قد توثر عليك لاتدع حقك وبادر بالاجراءت الازمة للقضية
ثالثا سوف يقومون بالاتصالا بك لتقديم البديل وان لم ترضى سوف يقومون بمحاولة استفزازك وبان قضيتك خاسرة وبان لديهم محاميين من افضل المحاميين توكل على الله وجهز امورك ولاكن احذر من التشهير بهم في اي وسيلة

وبالتوفيق

[راعي ارقام]

لا يتنازل عن حقه .. والله يقولك خذ الرقمين ماعليك منهم .. لايسكت عن المصخره

[.قطر.]

شنو اخر الاخبار :telephone:

[جبر ال جبر]

شنو اخر الاخبار :telephone:

بصراحه اخر الاخبار شي عجيب وغريب الاتصالات ماشاءالله عليهم كلمهم الريال الخط الساخن قالو له نبي رقم الشكوى قالهم ماشتكيت ،،، قالو لازم تشتكي في الكول سنتر عندهم وتاخذ رقم الشكوى وعقب تنظر اسبوعين من الشكوى وعقب تكلمنا !!!!
وحمايه المستهلك قالو اي شي يتعلق بالاتصالات مالنا علاقه فيه والمحامي كل مايتصل فيه مايرد واذا كلم مكتبه يقولون له بيتصلك ولا يتصل فيه ومثل ماسمع الحين رمضان وصيف في اجازه كم شهر للقضاه يعني العمليه فيها صبر والريال ركد وطفو حرارته ببرودهم واشوفه مايهتم بالموضوع بس المهم في الموضوع انه ماقبل عرضهم ومستمر في موضوعه بس مش نفس حماسه الاولي والسبب يعود الى الاجراءات الروتنيه والسخيفه الي يبيلها تحديث ومواكبه للعصر ،،، اذا استجد شي بوافيكم فيه والرجال رفع قضيته من الارض الى السماء واحتسبها عن رب العالمين وهو مظلوم ودعوه المظلوم والصايم حين يفطر لاترد وحسبي الله ونعم الوكيل

[حسن]

العفو عند المقدرة

رمضان كريم

:victory:

[H H]

اختلف مع اخوي حسن ,, هذا حقه وان تنازل عنه مره بيتنازل عنه الف مره!
الموضوع اصبح شخصي وصار موضوع كرامه اكثر من انه موضوع رقم مميز!


خله وراهم لعل الله يُحدث بعد ذلك امرا.

[حسن]

اختلف مع اخوي حسن ,, هذا حقه وان تنازل عنه مره بيتنازل عنه الف مره!
الموضوع اصبح شخصي وصار موضوع كرامه اكثر من انه موضوع رقم مميز!


خله وراهم لعل الله يُحدث بعد ذلك امرا.

اختلاف الراي لايفسد للود قضيه

وبالنسبه للكرامه ماتوصل الى رقم هاتف ومع العلم عرض عليه ارقام وامتيازات اخرى

واليس الصبح بقريب

:)

[جبر ال جبر]

اختلف مع اخوي حسن ,, هذا حقه وان تنازل عنه مره بيتنازل عنه الف مره!
الموضوع اصبح شخصي وصار موضوع كرامه اكثر من انه موضوع رقم مميز!


خله وراهم لعل الله يُحدث بعد ذلك امرا.



صدقت بس المشكله الظروف البيئية والوضع مايخدمك في تحقيق نتائج سريعه فالعمليه محتاجه طول بال وصبر وهالشي صعب جدا وانت تنتظر واعصابك تحترق ومن صحتك ووقتك وحتى لو انصفوك عقب مده من الزمن ورجعو رقمك قهرك وتعبك ومراكضك وخسايرك الصحيه والنفسيه والماديه من بيعوضك عنها ،،، ليش احنا في دولتنا نسمح لشويه عابثين ومستهترين باللعب باعصاب الناس وظلمهم بدون وجهه حق وادعاءهم انه الرقم تملكه الشركه ولها الحق في سحبه في اي وقت .... الله المستعان ومواصلين مطالبتنا في استرجاع الحق وهو الرقم نفسه

[.قطر.]

بصراحه اخر الاخبار شي عجيب وغريب الاتصالات ماشاءالله عليهم كلمهم الريال الخط الساخن قالو له نبي رقم الشكوى قالهم ماشتكيت ،،، قالو لازم تشتكي في الكول سنتر عندهم وتاخذ رقم الشكوى وعقب تنظر اسبوعين من الشكوى وعقب تكلمنا !!!!
وحمايه المستهلك قالو اي شي يتعلق بالاتصالات مالنا علاقه فيه والمحامي كل مايتصل فيه مايرد واذا كلم مكتبه يقولون له بيتصلك ولا يتصل فيه ومثل ماسمع الحين رمضان وصيف في اجازه كم شهر للقضاه يعني العمليه فيها صبر والريال ركد وطفو حرارته ببرودهم واشوفه مايهتم بالموضوع بس المهم في الموضوع انه ماقبل عرضهم ومستمر في موضوعه بس مش نفس حماسه الاولي والسبب يعود الى الاجراءات الروتنيه والسخيفه الي يبيلها تحديث ومواكبه للعصر ،،، اذا استجد شي بوافيكم فيه والرجال رفع قضيته من الارض الى السماء واحتسبها عن رب العالمين وهو مظلوم ودعوه المظلوم والصايم حين يفطر لاترد وحسبي الله ونعم الوكيل
يعني ماحوله احد اشدعوه جي :eek5:
خل يستغل مثل هالوقت في الدعاء وان شاء الله بيرد له رقمه
بس المشكله لو اللي خذ الرقم عطى ربعه رقمه ورجع الرقم حق صاحبه الاصلي بتييه اتصالات وايد شلون بيفهمهم ان هاي رقمه وانأخذ والحين رجع له :con2:

[Bo Turky]

انصحه يقبل بعرضهم للتسويه افضل له
والتعويض في المحاكم لهالقضايا غير
لو تطلب مليون او عشره ما ينظر لها القاضي
القاضي بيحدد المبلغ الي انت اشتريت فيه الرقم وبيحسب المده الي الفلوس قاعده عندهم وبيحسب لك نسبة ربح بسيطه بحيث ان الفلوس لو عندك انت وشغلتها ممكن تدخل منها هالمبلغ

انا صار لي نفس موضوعك وتميت معلق بين يسحبون الرقم وبين حماية المستهلك
وعرضت الرقم للبيع بمشكلته وبعته لان مالي بارض بعوار راس معاهم

واحد من الربع اول امس قاعد وياه ونفس الشي
اشترا رقم من السستم وصار له شهر ونص عنده واسحبوه بحجة انه نزل السستم بالغلط والرقم لشخص ثاني وكان متكنسل بس ما كمل سنه والرجال راح لهم يطالب فيه واسحبوه منه ورجعوه لصاحبه الي تكنسل منه

اسحبوه وأعرضوا عليه ارقام ما تستاهل واشتكى عليهم في حماية المستهلك وللحين ما صار اي شي جديد في الموضوع

هذي شركة فودافون وازيدك من الشعر بيت
عندهم اوراق رسميه تثبت موجهه لهيئة الاتصالات ان في غلط عندهم في السستم وفي ارقام تنزل بالغلط وهالاوراق تحميهم رسميا من تحمل اي عواقب في هالمواضيع بحجة ان السستم خربان وهم مبلغين هيئة الاتصالات وبكذا صدقني راح تضيع وقتك واعصابك ولا بتاخذ حقك كامل ولا بتبرد خاطرك

ارسل لي رقمك على الخاص وبعطيك رقم واحد بينه وبينهم محاكم على اكثر من ثلاث ارقام وهو راح يقولك بالضبط ايش تسوي والافضل

[khaldoon]

المشكله مب بالرقم ...المشكله هي اكون او لا اكون .....شوف انا تعرضت لموضوعين واحد بالمحاكم و الثاني ما وصل للمحكمه بس كان في اقسام الشرطه بس علشان اثبت حقي لانه الموضوع كان بس تكسير رؤوس مب فلوس ولا شي و في الحالتين كسبت و لله الحمد بدون اي خسائر .... بس انتبه انه الربح لا يذكر لانه الهدف تكسير رؤوس و اثبات حق مو الهدف هو الربح المادي ....ربحت لاننا في قطر و الله يشهد على كلامي انه من غير تملق و الله يشهد انه القاضي القطري انصفني و اعطاني حقي ....اخذت حقي رغم معاناة طويله و وجع راس و غلبه و ركض ورى حقي لانه ولا واحد كان مهتم و واجهت تمييع شديد من كل الاطراف و عدم تعاون من الجميع ....بس انتبه لنقطه ...هالشي بتعبك نفسيا و بتكسبك عادة سيئه جدا جدا و هي عدم قدرتك على العفو بسهوله و بتصير اقل تسامحا و هالشي بنعكس على نفسيتك و سلوكك و شخصيتك و رضاك عن نفسك و ربما حب الاخرين لك لانك بتتحول لانسان شوي خشن و قاسي و هالشي مب زين .... اتمنى ما تهمل هذه الملاحظه لانه لو اهملتها و طنشتها اليوم بتحس فيها لما تمر فيها و بتتذكرها بكره .....قولت لك هالشي علشان ما احاول اثنيك و اقبل لك شي ما قبلته على نفسي من قبل..... الحين عقلك براسك تعرف خلاصك ... وسلامتك

[وجه السعد 2]

فودافون اسحبوا مني 3ارقام اكتفيت بإرسال إيميل لهم وسحبوا علي
حتى المجلس الأعلى للحين ماكنت اعرف ان عندهم خط ساخن للشكاوي تابع لحماية المستهلك


نصيحه مني لك اذا الرقم كان للرجال وسحبوه لك بالغلط اقبل بالحل خذ الرقمين والاشتراك المجاني
وإذا الرقم لك وسحبوه منك " احتقارا لك" و مجامله للرجال ورغبته فانصحك بالمحاكم من بعد رفع شكوى رسمية للمجلس الأعلى للاتصال
اكتب انك عارض الرقم ب10 مليون وانه جاب لك شراي وخل حد من ربعك يكون الشراي الوهمي " مب شرط الحقيقة اهم شي الأوراق والعرض الرسمي الي جاك من صديقك "
خلهم تحت ضغط الظ،ظ* مليون وتحت ضغط المجامله
بعدها توجه للمحاكم وبيدك الشكوى و ورقة السعر 10 مليون
وأنسى التعويض النفسي خلك رسمي بأوراق

وخل صديقك يشترط البيعه خلال شهرين وبعدها ينلقي الاتفاق خله أتفاق رسمي توقيع ورقم شخصي وكل هالأمور ولازم الشركه يكون عندها علم بهالاتفاق

والله يوفقك


خطير ماشاء الله عليك ..