المساعد الشخصي الرقمي

مشاهدة النسخة كاملة : من تجاربكم >>>


سعود.
25-06-2015, 05:48 AM
ممكن أسم شركة لعمال
( كهرباء + سباكة + عزل مائي ) لفيلا ....

ويكون دقيق بالمواعيد وشغلة ممتاز ....
معماري قطري
25-06-2015, 12:46 PM
ممكن أسم شركة لعمال
( كهرباء + سباكة + عزل مائي ) لفيلا ....

ويكون دقيق بالمواعيد وشغلة ممتاز ....

شوف تدمر اتوقع عندهم كل التخصصات سباكة وعزل مائي هم مختصين لأَبعد الحدود .. كهرباء ما ادري
معماري قطري
25-06-2015, 12:53 PM
بعدين أَغلب المقاولين المعروفين يتعاملون مع كهربائيين ممتازين .. أَعرف واحد فلسطيني كان يشتغل معانا يقولون فاتح شركة بس صراحة ما جربت شغلهم .. وكهربائي باكستنائي باكستاني يعني شغله زين بس بطيء واحتمال كبير مضغوط .. وواحد من الربع فاتح شركة عماله يسوون نفسهم فاهمين لكن للأَسف حدهم يركبون ليتات محترقة ويغسلون مكيفات
سعود.
25-06-2015, 03:10 PM
اشكرك جدا اخوي معماري .....
Azizuk
25-06-2015, 04:29 PM
كهرباء عندك

موسسة فطكو للتجارة والمقاولات

ممتازين بس سعرهم شوي زايد

صاحب المؤسسة رجال في الخير

محمد البكري

Tel : 44322683

Fax : 44432118

سباكة عندك شركة يملكها ابراهيم صالح النعيمي مدير الجامعة سابقاً

مقر الشركة في فريج بن عمران بعد فندق شيزان

رقم الفورمن عبدالرحمن

55447564

عازل عندك شركة نهاريا مقرهم في شارع النصر مقابل مجمع التسوق العائلي وفوق مطعم بيروت

شركة ممتازة

هاتف 44130825 / - 44130825

Fax : 44130812

أسعارهم المتر ب 85 ريال للمتر عازل سعودي درجة أولى

النعلات الأسطح ب 30 ريال لمتر

الحمامات وأنتو بكرامه ب 65 ريال للمتر مع الصبية

طبعا الأسعار ممكن تتغير

والاسعار شاملة التيرم ضغط 1000 والاسكورت

الاسكورت قطعه معدنية تنحط بعد العازل تتثبت بمسامير دار مدار النعلات

والله يوفق الجميع
معماري قطري
25-06-2015, 04:58 PM
اشكرك جدا اخوي معماري .....

العفو يا اخوي وبوسعود ما شاء الله عليه يبني وعارف السوق في الوقت الحالي أَكثر مني

قبل لا تتفق عن العازل خصوصاً للسطح اتفق على تفاصيله ومواده وخذ عينات .. حتى السكريد اللي هو الصبية الخفيفة فوق لها مواصفات وفيه ما يسمى بالدبل سكريد .. هذا أَول تنحط صبية بميلان معين بحدود 1% أَو 0.75 % وبحيث يكون ناعم وبدون تشققات وممكن بدون فواصل تمدد لو استخدمنا مادة مقوية كالفايبر .. يستحسن شركة العزل تسويه أَو تشرف على مواصفاته .. ثم يركب العازل المائي فوقه حسب مواصفات وطريقة التركيب .. يعده تجي طبقة حامية ويجي العازل الحراري وفوقه يكون سكريد ثاني.

عازل السقف له أهمية قصوى خصوصاً بعد اكتمال البنيان الخرساني لحماية الخرسانة من الرطوبة والحرارة المباشرة الشديدة
سعود.
25-06-2015, 06:27 PM
جزاكم الله خيرا يالربع ماقصرتوا
الفني
25-06-2015, 09:27 PM
ممكن أسم شركة لعمال
( كهرباء + سباكة + عزل مائي ) لفيلا ....

ويكون دقيق بالمواعيد وشغلة ممتاز ....


مرحبا اخوي شيك الخاص
سعود.
26-06-2015, 01:26 AM
مرحبا اخوي شيك الخاص

شكرآ لك اخوي ( الفني )