سمك السلس والقناعه عند البنغالي ،،،،

[حمد 2002]

السلام عليكم ورحمه الله وبركاته


///سمك السلس والقناعه عند البنغالي ///


اثناء ذهابي الى احد محلات الاسماك بقطر اشتريت هامور وطلبت من الهندي انه يقطعه لي ستيك شرائح ، وبينما انا انتظر ان ينتهي العامل من التقطيع ، جاء بنغالي وطلب من البائع ان يعطيه 4 سلس فقط ، انها القناعه ، وذكرني بالمثل مد اريولك على قد الحافك ، والقناعه كنز لايفنى ، الهامور فائدته نفس السلس والسبيطي نفس الشعري وكلن يقدر يشتري السمج حسب امكانياته وقدراته وفي النهايه بيحصل على نفس الفوائد الجسمانيه وفي نفس الوقت مايخلي شيء بخاطره ، ولكن يجب ان نكون قنوعين ومانكلف نفسنا فوق طاقتنا . مابي اطيل عليكم بالكتابه بس حبيت اوصل لكم بان نقدر نشتري كل شيء خاطرنا فيه ولكن يجب ان يكون وفق قدراتنا وان نقتنع بوضعنا الحالي .



شكرا للجميع ..


الكاتب الصحفي ..



حمد 2002 ..

[أسد الجزيرة]

كم كيلو الهامور و كيلو السلس

[بريق الحق]

كان عطيته الهامور وخذيت السلس

[H H]

مقالك جميل والفكره وصلت

نقدر نقيس عليها السيارات , الواحد يشتري الفئه الاعلى عشان ميزه معينه وليته يستخدمها!
مايستخدمها الا اول يوم وبعدها ينسى وجود هالميزه لين مايجي وقت البيع وكتابة المواصفات.
البيوت واختيار عدد غرف مهول تكفيه هو وعياله واحفاده بدون اي سبب مقنع.
حتى المحافظ الي تندفع فيها الوف لانها من جلد السحهخالسيخهالسيخ وليتك تستفيد من هالجلد والا حتى احد يشوفها عشان تحلل قيمتها هههههههه.
الي كتبته هذا كله ماعندي مشكله معه ان كان الشخص مقتدر! المصيبه انه موب مقتدر ابدددددد وفنهاية الشهر مايصفاله شي من راتبه بسبة القروض!


بما ان ودك تكون كاتب صحفي انصحك تختار الفصحى او العاميه (المفترض فصحى) وتمشي على وحده فيهم , الخلط بينهم شغل منتديات.
يعطيك العافيه

[حسن]

كان عطيته الهامور وخذيت السلس

ههههههه

صاده بريق الحق

انها القناعه ياحمد

خليتني اضحك يعني اتقهقه

[مضارب دوسري]

كان عطيته الهامور وخذيت السلس

هههههههه

[كيلو حديد]

الصحفي :anger1:

القناعة كنز .. فهل حقيقة نغرف من هذا الكنز ؟

[رهج السنابك]

شنو السلس؟

على بالي انه طلب 4 سلايس هامور يعني اربع قطع شقفات

[sos 12]

شنو السلس؟

على بالي انه طلب 4 سلايس هامور يعني اربع قطع شقفات
هذا نوع من انواع السمك مش مرغوب فيه عند البعض فلذلك يكون سعره رخيص

[حسن]

هذا نوع من انواع السمك مش مرغوب فيه عند البعض فلذلك يكون سعره رخيص

من يقول لك مش مرغوب

السلس حلو ولكن مايحبونه الجيل الجديد

بالنسبه لي ماقد كلته لاني مااصيده وله شباك خاصه

[تاجر كشخة]

جزاك الله خير اخوي وفعلا القناعة كنز لا يفنى والبنغالي تحصله مستانس ومستلذ بالسلس ومريح باله ومريح جيبه اهم شي الواحد ومقتنع بالي عنده

[عاشق العديد]

من يقول لك مش مرغوب

السلس حلو ولكن مايحبونه الجيل الجديد

بالنسبه لي ماقد كلته لاني مااصيده وله شباك خاصه

بنسبه لي صدته منه واجد وصدت احجام كبيره وجميله وماكنت اقطه بس صبي العنه يسويه تونه ع طول مايخليه

[حسن]

بنسبه لي صدته منه واجد وصدت احجام كبيره وجميله وماكنت اقطه بس صبي العنه يسويه تونه ع طول مايخليه

ايه ياعاشق لو تعرف السلس شنهو لذيذ ويموتون عليه طوايف عندنا

ههههههههههه

انا احب الحاقول العود خاطرك فيه ياعاشق

ترا انا حاظر

اجيب لك ولاده

[مخطط قطري]

موضوعك تبي توصل فيه فكره واشكرك عليها بس ترى ماله خص كلش في القناعه يعني العنوان في صوب والموضوع في صوب اخر

[sos 12]

من يقول لك مش مرغوب

السلس حلو ولكن مايحبونه الجيل الجديد

بالنسبه لي ماقد كلته لاني مااصيده وله شباك خاصه

أنا أقولك مش مرغوب ... وكاتب أنا عند البعض ... اشلون عرفت انه حلو وماقد جربته؟
لحمته حلوه واحلى من الحاقول ... بس حلاته مايكون مثلج لان الطعم يختلف

[بنت شرق]

السلام عليكم ورحمه الله وبركاته


///سمك السلس والقناعه عند البنغالي ///


اثناء ذهابي الى احد محلات الاسماك بقطر اشتريت هامور وطلبت من الهندي انه يقطعه لي ستيك شرائح ، وبينما انا انتظر ان ينتهي العامل من التقطيع ، جاء بنغالي وطلب من البائع ان يعطيه 4 سلس فقط ، انها القناعه ، وذكرني بالمثل مد اريولك على قد الحافك ، والقناعه كنز لايفنى ، الهامور فائدته نفس السلس والسبيطي نفس الشعري وكلن يقدر يشتري السمج حسب امكانياته وقدراته وفي النهايه بيحصل على نفس الفوائد الجسمانيه وفي نفس الوقت مايخلي شيء بخاطره ، ولكن يجب ان نكون قنوعين ومانكلف نفسنا فوق طاقتنا . مابي اطيل عليكم بالكتابه بس حبيت اوصل لكم بان نقدر نشتري كل شيء خاطرنا فيه ولكن يجب ان يكون وفق قدراتنا وان نقتنع بوضعنا الحالي .



شكرا للجميع ..


الكاتب الصحفي ..



حمد 2002 ..

لاتشترون الاقد احتياجكم ،،سهل جدا بالنسبة للمآكل والمشرب واللبس والمواصلات
صعب جدا بالنسبة للسكن ،،،لأنه بدون دعم الحكومة محد يقدر يشتري بيت وبخاصة لطبقة ذوي الدخل المحدود
صاروا بس الكبار يتملكون والباقي خارج اطار التملك لقطعة ارض بوطنك ،،
فالحل ليس اشتر ولاتشتر ،،،سمج ،،،،بل لانك لن تستطيع أصلا اكل السمك لانه لايمكنك شراءه
في حين الكبار عادي يسكنون بالقصر ويمتلكون بجانبه ست لسبع من البيوت والأراضي ،،هاي اسمه اضعاف تملك الطبقات الاجتماعية الدنيا

[aziz4z]

وايد تفرق , في أسماك طعمها حلو و في أسماك طعمها غير , و بعدين يعتمد في طريقة الطبخ , في سمك ينفع قلي , و في نوع ماينفع
أنا أحب السمك اللي مافيها شووووك :shy: كنعد , بس يقولون سمك الشووك طعمها أحلى

[محب قطر 64]

حمد رمى الموضوع واختفى
الدنيا رمضان يا ريت ترفقون الكلام بالصور

[captin]

شنو السلس؟

على بالي انه طلب 4 سلايس هامور يعني اربع قطع شقفات

صورة السلس في الرابط

http://store1.up-00.com/2015-06/1435403346032.jpg
http://store2.up-00.com/2015-06/1435403059451.jpg

[غريب الدّار]

من يقول لك مش مرغوب

السلس حلو ولكن مايحبونه الجيل الجديد



حق الصالونة مايحتاي:nice:

وبالنسبة لموضوعك ياحمد :
فعلا القناعة كنز لايفنى
والقنوع تلقاه دايما مرتاح ولا يفكر ويحاتي وايد
وحياته ماشية

[JN000N]

:rolleyes2:

[حليتان*]

استغفر الله ما ادانيها هالسمجه تلعوز الواحد فالطراد

[يمامـة]

كان عطيته الهامور وخذيت السلس

هاهاها..

المهم يا حمد بشكل عام نقدر نقول
علي قد لحافك مد ريولك..
شلي يمنعك تاخذ هامور وانت مقتدر؟
لكن دام انك مب قادر ليش تحط على عمرك وتاخذ لك هامور؟